ಬಂಟವಾಳ: ಹಾಂಗಾಚೆ ಯಶವಂತ ವ್ಯಾಯಾಮ ಶಾಲಾ, ಜಿ. ಎಸ್. ಬಿ. ಸೇವಾ ಸಂಘ ಆನಿ ಎಸ್. ವಿ. ಎಸ್. ಹೈಸ್ಕೂಲ್ ಹಳೆ ವಿದ್ಯಾರ್ಥಿ ಸಂಘ ಹಾಂಗೆಲೆ ಜೋಡ ಆಶ್ರಯಾರಿ ದೇವಾದಿನ ಜಾಲೆಲೆ ವಿಶ್ವ ಕೊಂಕಣಿ ಸರದಾರ ಬಸ್ತಿ ವಾಮನ ಶೆಣೈ ಹಾಂಕಾ° ಶ್ರದ್ಧಾಂಜಲಿ ಅರ್ಪಣ ಜಾಲಿ. ಯಶವಂತ ವ್ಯಾಯಾಮ ಶಾಲೆಂತು° ಜ 6ಕ ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ವ್ಯಾಯಾಮ ಶಾಲೆಚೆ ಅಧ್ಯಕ್ಷ ಪಿ. ನಾರಾಯಣ ಕಾಮತ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಎಸ್. ವಿ. ಎಸ್ ಹಳೆ ವಿದ್ಯಾರ್ಥಿ ಸಂಘಾಚೆ ಕಾರ್ಯದರ್ಶಿ ಬಿ. ಸರ್ವೋತ್ತಮ ಎನ್. ಬಾಳಿಗಾ ಹಾಂನಿ° ಬಸ್ತಿ ವಾಮನ ಶೆಣೈ ಹಾಂಗೆಲೊ ಉಡಗಾಸ ಕಾಳೊ. ಬಂಟವಾಳ ದೇವಳಾಚೆ ಮೊಕ್ತೇಸರ ಪಿ. ಪ್ರವೀಣ ಕಿಣಿ ಸಭೆಚೆ ಅಧ್ಯಕ್ಷ ಆಶಿಲೆ. ತಾಂನಿ° ಆನಿ ಅರ್ಲ ದಾಮೋದರ ಪ್ರಭು, ಬಿ. ನಾಗೇಂದ್ರ ಬಾಳಿಗಾ ಆನಿ ಪಿ. ವಸಂತ ಪ್ರಭು ಹಾಂನಿ° ಬಸ್ತಿ ವಾಮನ ಶೆಣೈ ಹಾಂಗೆಲೆ° ಗುಣಗಾನ ಕೆಲೆ°. ಎಕ ಮಿನಿಟ್ ಮೌನಾಚರಣ ಕರನು ಜಮಿಲೆ ಸಗಟಾನಿ ಶ್ರದ್ಧಾಂಜಲಿ ಅರ್ಪಣ ಕೆಲಿ.
ದೇವಾದಿನ ಬಸ್ತಿ ವಾಮನ ಶೆಣೈ ಹಾಂಗೆಲೆ ಸ್ಮರಣಾರ್ಥ ಸಮಾಜಮುಖಿ ಕಾಮ ಕರಚಾಕ ಧನ ಸಂಗ್ರಹ ಕರಚೆ ನಿರ್ಧಾರ ಸಭೆನ ಘೆತಲೊ. ಖೂಬ ಸಂಖ್ಯಾನಿ ಬಸ್ತಿ ವಾಮನ ಶೆಣೈ ಹಾಂಗೆಲೆ ಅಭಿಮಾನಿ ಹಾಜರ ಆಶಿಲೆ. ವಿ. ಪ್ರಭಾಕರ ಪೈ ಆನಿ ಯು. ಸತೀಷ ನಾಯಕ ಹಾಂನಿ° ಸಹಕಾರ ದಿಲೊ.