ಆಲ್ ಇಂಡಿಯಾ ಹೇರ್ ಅಂಡ್ ಬ್ಯೂಟಿ ಅಸೋಸಿಯೇಶನ್ ಮಂಗಳೂರು ಆರ್‌ಸಿಒ ಪ್ರೊಫೆಷನಲ್, ಒಲಿವಿಯಾ ಆನೀ ಸಿವಿ ಪ್ರೊಫೆಷನಲ್ ಹಾಂಗೆಲೆ ಜೋಡ ಆಶ್ರಯಾರಿ ವ್ಹಕಲೆಲೊ ಮೇಕಪ್ ಸ್ಪರ್ಧೊ ಚಲೊ. ಹಾಂಗಾಚೆ ಮಾಯಾ ಇಂಟರ್ ನ್ಯಾಷನಲ್ ಹೋಟೆಲಾಂತು° ಘಡಲೆಲೆ ಹ್ಯಾ ಸ್ಪರ್ಧೇಂತು° ಮಂಗಳೂರು, ಕಾಸರಗೋಡು, ಉಡುಪಿ, ಮಡಿಕೇರಿ, ಕಾರವಾರಾಚೆ 45ಕಯೀ ಚಡ ಮೇಕಪ್ ಕಲಾವಿದಾನಿ ವಾಂಟೊ ಘೆತಲೊ. ಯುವ ಪ್ರತಿಭಾ ಪ್ರಥಮ ಬಹುಮಾನ ವಿಜೇತಾ ಸ್ವಾತಿ ಗಡಿಯಾರ್ ಹಾಂನಿ° ಮಂಗಳೂರಚೆ ಮರ್ಸಿ ಅಕಾಡೆಮಿಂತು° ಕಲ್ಚರ್, ಸ್ಕಿನ್, ಹೇರ್ ವಿಷಯಾಂತು° ಡಿಪ್ಲೊಮಾ ಕೆಲಾ ಆನಿ ಬೆಂಗಳೂರಚೆ ಝೋರೇನ್ ಸ್ಟುಡಿಯೋಚೆ ಪ್ರಮಾಣೀಕೃತ ಮೇಕಪ್ ಕಲಾವಿದಾ ಜಾವನು ಆಸಾತಿ. ಹಾಂನಿ° ಮಂಗಳೂರ ಕಾರಸ್ಟ್ರೀಟಾಚೆ "ಫೈನ್ ಟಚ್ ಗ್ಲಾಮ್ ಸ್ಟುಡಿಯೋ" ಹಾಜೆ ಮಾಲಕಿನ ಜಾವನು ಆಸಾತಿ.

ಮಣಿಪಾಲ: "ಚಡಶಾ ಭುರಗೇಪಣಾಂತಲ್ಯಾ ಕ್ಯಾನ್ಸರಾಚೇರ ಯೋಗ್ಯ ಪಂಗಡಾನ ಯೋಗ್ಯ ಉಪಚಾರಾ ವರವೀಂ ಯೋಗ್ಯ ವೇಳಾರ ಉಪಚಾರ ಕೇಲ್ಯಾರ ಬರೇ ಜಾತಾತ. ಭುರಗ್ಯಾಂಚ್ಯಾ ಕ್ಯಾನ್ಸರಾ ವಿಶೀಂ ಜಾಗೃತಾಯ ಕರಪಾ ಖಾತೀರ ಆನೀ ಕ್ಯಾನ್ಸರ ಆಶಿಲ್ಲ್ಯಾ ಭುರಗ್ಯಾಂಕ, ತಾಂಚೀ ಜತನಾಯ ಘೇವಪೀ ಆನೀ ಕ್ಯಾನ್ಸರಾಂತಲ್ಯಾನ ಜಿವೀತ ಉರಿಲ್ಲ್ಯಾಂಕ ಆದಾರ ದಾಖೋವಪಾ ಖಾತೀರ ದರ ವರ್ಸಾ ಫೆ. 15ಕ ಸಂವಸಾರೀಕ ಪಾಂವಡ್ಯಾರ ಆಂತರರಾಷ್ಟ್ರೀಯ ಭುರಗ್ಯಾಂಚೋ ಕ್ಯಾನ್ಸರ ದೀಸ ಮನಯತಾತ. ಏಕ ಬರೀ ಜಿವೀತ ಉರಪ ಮ್ಹಣಲ್ಯಾರ ತುಮಚ್ಯಾ ಹಾತಾಂತಲ್ಯಾನ ಸಾಧ್ಯ ಕರಪಾಕ ಮೇಳತಾ ಹೇ° ಆಯ್. ಸಿ. ಸಿ. ಡಿ.ಚ್ಯಾ ತೀನ ವರ್ಸಾಂಚ್ಯಾ ಮಿಶನಾಚೇ° (2021-2023) ದ್ಯೇಯವಾಕ್ಯ ಜಾವನು ಆಸಾ. ಮಣಿಪಾಲ ಕೆ. ಎಂ. ಸಿ. ಚೆ ಡೀನ ಡಾ. ಪದ್ಮರಾಜ್ ಹೆಗ್ಡೆನ ಸ್ವಾಗತಾಚೆ ಉತ್ರ° ಸಾಂಗಲಿ°. "ಕ್ಯಾನ್ಸರ ಆಸಚೆ ಖಂಚೆಯ ಚೆರಡು ಚಿಕಿತ್ಸಾ ಮೇಳನಾಶಿ° ವಚಾಕ ನಜ" ಹ್ಯಾ ನದರೇನ ಕೆ. ಎಂ. ಸಿ ಕ್ರಿಯಾಶೀಲ ಆಸಾ ಮ್ಹಣು ತೊ ಮ್ಹಣಾಲೊ. ಬಾಲ ರೋಗ ವಿಜ್ಞಾನ ಆನೀ ಒಂಕಾಲಾಜಿ ಸಹಾಯಕ ಪ್ರಾದ್ಯಾಪಕ ಡಾ| ಹರೀಶ ವರ್ಮಾ ಟಿ. ಹಾಂನಿ° ಉಲಯತಾ ಅಶೆ° ಸಾಂಗಲೆ°. "ಕ್ಯಾನ್ಸರ ಆಶಿಲ್ಲ್ಯಾ ಭುರಗ್ಯಾ° ಖಾತೀರ ಏಕತ್ರೀತ ಕಾಳಜೀ ಪದ್ದತೀಂತ ಚಡಾಂತ ಚಡ ಯಶ ಮೇಳೊವಪಾ ಖಾತೀರ ಜಾಯತ್ಯಾ ಜಾಣಾಂನೀ ಏಕಠಾಂಯ ಕಾಮ ಕರಪಾಚೀ ಗರಜ ಆಸಾ." ಮ್ಹಣು ಸಾಂಗಲೆ°. ಜೀತ್ ಅಸೋಸಿಯೆಶನ್ ಫಾರ್ ಸಪೋರ್ಟ ಆಫ್ ಕ್ಯಾನ್ಸರ್ ಪೇಶೆಂಟ್ಸ್ ಸಿ. ಇ. ಒ ಡಾ. ಕೆ. ವಿ. ಗಣಪತಿ, ಮಾಹೆ ಚೆ ಆದಲೆ ಉಪಕುಲಪತಿ ಡಾ. ರಾಜ್ ವಾರಿಯರ್ ಮಾನಾಚೆ ಸೊಯ್ರೆ ಆಶಿಲೆ.
ವೈಜಕೀ ಅಧೀಕ್ಷಕ ಡಾ. ಅವಿನಾಶ ಶೆಟ್ಟಿ ಹಾಂಣೀ ಉಪಕಾರ ಮಾನಲೊ. ಶಿಕ್ಷಣೀಕ ಹಾಸ್ಪಿಟಲಾಂಚೇ ವೇವಸ್ಥಾಪಕೀಯ ಸಂಚಾಲಕ ಡಾ. ಆನಂದ ವೇಣುಗೋಪಾಲ ಆನೀ ಕೆ. ಏಂ. ಸಿ. ಮಣಿಪಾಲಾಚೇ ಸಹಾಯಕ ಡೀನ ಡಾ. ಕೃಷ್ಣಾನಂದ ಪ್ರಭು ಹಾಂನಿ° ಉಪಸ್ಥಿತ ಆಶಿಲೆ. ಸ್ಪರ್ಧೇಂತ ಜೈತಿವಂತ ಜಾಲ್ಲ್ಯಾಂಕ ಕಸ್ತೂರಬಾ ಹಾಸ್ಪಿಟಲ, ಮಣಿಪಾಲ ಹಾಂಗಾಚೇ ನರ್ಸಿಂಗ ಸೇವಾ ಮುಖೇಲೀ ಡಾ. ಪಿ. ಸುಬಾ ಸೂರಿಯಾನ ಇನಾಂ ವಾಂಟಿಲೆ°. ಸಭಾ ಕಾರ್ಯಾವಳಿಚೆ ಉಪರಾಂತ ಭುರಗ್ಯಾಂ ಖಾತೀರ ಆನೀ ತಾಂಚ್ಯಾ ಪಾಲಕಾಂಕ ಮನೋರಂಜನಾ ಕಾರ್ಯಕ್ರಮ ಆಯೋಜಿತ ಕೆಲೆಲೊ. ಸಹಾಯಕ ಡಾ. ಅರ್ಚನಾ ಎಂ. ವಿ. ಆನಿ ಸಹಾಯ್ಯಕ ಪ್ರಾಧ್ಯಾಪಕ ಡಾ. ವಾಸುದೇವ ಭಟ್ ಹಾಂಣೀ ಸೊಯ್ರಾಲೊ ವಳಕ ಕರನು ದಿಲೊ. ವಾಣಿಶ್ರೀ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಜಿಎಸ್‌ಬಿ ಸಭಾ ಕುವೈತ್ ಹಾಂನಿ° ಪ್ರಸ್ತುತ ಕೆಲೆಲೆ "ಭಕ್ತಿ ಲಹರಿ" ಕಾರ್ಯಕ್ರಮಾಚೆ ಉಗ್ತಾವಣ ಹಿಂದುಸ್ಥಾನಿ ಶಾಸ್ತ್ರೀಯ ಗಾಯಕ ಪುತ್ತೂರು ನರಸಿಂಹ ನಾಯಕ ಹಾಂನಿ° ಕೆಲೆ°. ಮಂಗಳೂರಚೆ ಎಕ್ಸ್ಪರ್ಟ್ ಶಿಕ್ಷಣ ಸಂಸ್ಥೆಚೆ ಅಧ್ಯಕ್ಷ ನರೇಂದ್ರ ಎಲ್ ನಾಯಕ್, ಜಿಎಸ್‌ಬಿ ಸಭಾ ಕುವೈಟ್ ಹಾಜೊ ಅಧ್ಯಕ್ಷ ಡಾ. ಸುರೇಂದ್ರ ನಾಯಕ್, ಅನಿಲ್ ಪ್ರಭು, ಪಿ. ವಿಶ್ವನಾಥ ಪ್ರಭು, ನಾಗರಾಜ್ ಶ್ಯಾನಬಾಗ ಹರ್ದಿ, ಮಹೇಶ ಕಾಮತ ಆನಿ ಜಗದೀಶ ಶ್ಯಾನುಭೊಗ ಉಪಸ್ಥಿತ ಆಶಿಲೆ. ಉಪರಾಂತ ಪುತ್ತೂರು ನರಸಿಂಹ ನಾಯಕ್ ಹಾಂಗೆಲೆ ಭಕ್ತಿ ಸಂಗೀತ ಕಾರ್ಯಕ್ರಮ ಚಲೊ. ಹಾಂಕಾ° ಹಾರ್ಮೊನಿಯಾಂರಿ ನರೇಂದ್ರ ಎಲ್. ನಾಯಕ ಆನಿ ತಬಲಾರಿ ರಾಜೇಶ ಭಾಗವತ್ ಹಾಂನಿ° ಸಾಥ ದಿಲೆ°, ಹ್ಯಾಚ ಸುವಾಳ್ಯಾಂತು° ಜಿ. ಎಸ್. ಬಿ ಸಭಾ ಕುವೈಟ್ ಹಾಜೆ ಆದಲೆ ಅಧ್ಯಕ್ಷ ಬೆಳ್ಮಣ್ ರಾಜಾರಾಮ ಪೈ ಕಟೀಲ್, ಗೋಕುಲದಾಸ ಭಟ್ ಬೆಳ್ತಂಗಡಿ ಆನಿ ಪಲಿಮಾರ್ ವಿಶ್ವನಾಥ ಪ್ರಭು ಹಾಂಕಾಯಿ ಸನ್ಮಾನ ಚಲೊ. 

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆನ ಮಹಾಶಿವರಾತ್ರಿ ಪ್ರಯುಕ್ತ 50 ಪಯಶೆಚೆ ಪೋಸ್ಟ್ ಕಾರ್ಡಾರಿ ಚಿತ್ರ ರಚನ ಕರಚೊ ಸ್ಪರ್ಧೊ ರಾಜ್ಯಾ ಸ್ಥರಾರಿ ಆಯೋಜನ ಕೆಲೆಲೊ. ಕರ್ನಾಟಕ ಆನಿ ಸೇಝಾರಿ ರಾಜ್ಯಾ° ದಾಕೂನ ಸಾಬಾರ 1,789 ಪೋಸ್ಟ್ ಕಾರ್ಡ° ಆಯಿಲಿಂತಿ ಮ್ಹಣು ಕಲಾಕುಂಚ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°. ಸ್ಪರ್ಧಿಕಾಂಚೆ ವಯಾಕ ಸಮ ಜಾವನು ವೆಗವೆಗಳೆ ವಿಭಾಗಾಂತು° ಸ್ಪರ್ಧೊ ಚಲೊ. ಮ್ಹಾಲ್ಗಡೆಲೆ ವಿಭಾಗಾಂತು° ಪಯಲೆ° ಇನಾಂ ತೀನ ಲೋಕಾಂಕ ವಾಂಟೂನ ಗೆಲೆ°. ದಕ್ಷಿಣ ಕನ್ನಡ ಜಿಲ್ಲೆಚೆ ಮಂಗಳೂರಚೆ ರಾಜೇಶ್ ಡಿ. ಶೇಟ್, ಗದಗಾಚೆ ಎಸ್. ಐ. ತೆಗ್ಗಿನಮನಿ, ಉತ್ತರ ಕನ್ನಡ ಜಿಲ್ಲೆಚೆ ಗೋಕರ್ಣಚೆ ನವ್ಯಾ ಮನೋಹರ ಪೈ ಹಾಂಕಾ° ಪಯಲೆ° ಇನಾಂ, ದಾವಣಗೆರೆಚೆ ಜೀವಿಕಾ ಎಂ. ಹಾಂಕಾ° ದುಸ್ರೆ ಇನಾಂ, ಕೇರಳ ರಾಜ್ಯಾಚೆ ಕಾಸರಗೋಡು ಮಂಜೇಶ್ವರಚೆ ಶಕುಂತಲಾ ನಾಗೇಶ್ ಶೆಣೈ ಹಾಂಕಾ° ತಿಸ್ರೆ° ಇನಾಂ, ದಾವಣಗೆರೆಚೆ ಡಾ|| ದೀಪಶ್ರೀ ಪ್ರಮೋದರ ಗುಜ್ಜಾರ್, ಲೀಲಾ ಸುಭಾಷ್ ಹಾಂಕಾ° ಸಮಾಧಾನಕರ ಇನಾಂ ಫಾವೊ ಜಾಲಾ°. ದ್ಹಾಕಲೆಲೆ ವಿಭಾಗಾಂತು° ಪಯಲೆ° ಇನಾಂ ಬಸವಾಪಟ್ಟಣಾಚೆ ವೀರೇಶ್ ಬಿಳಚಿ ಬಿ.ಎಸ್., ದುಸ್ರೆ ಇನಾ° ದಾವಣಗೆರೆಚೆ ಸುಭೀಕ್ಷಾ ಎಸ್., ತಿಸ್ರೆ ಇನಾಂ ಅರಸೀಕೆರೆಚೆ ಅನನ್ಯ ಜಿ, ಸಮಾಧಾನಕರ ಇನಾ° ಮಹಾರಾಷ್ಟಾçಚೆ ಶ್ರೀರಾಮಪುರಾಚೆ ಸುಶ್ಮಿತಾ ಪವಾರ್, ನಾಸಿಕಚೆ ಜಮೀರಾಬಾನು ಹಾಂಕಾ° ಫಾವೊ ಜಾಲಾ°. ಪ್ರಾಥಮಿಕ ವಿಭಾಗಾಂತು° ಪಯಲೆ° ಇನಾಂ ತಿರುವನಂತಪುರಾಚೆ ಪ್ರಾನ್ಸಿಸ್ ಡಿಲೇರಿಯ, ದುಸ್ರೆ ಇನಾಂ ಬಸವಾಪಟ್ಟಣಾಚೆ ಸಾತ್ವಿಕ್ ಕೆ.ಬಿ, ತಿಸ್ರೆ ಇನಾಂ ಜಗಳೂರಚೆ ವೈಭವ್ ಬಿ. ಜ್ಯೋಯ್ಸ್, ಸಮಾಧಾನಕರ ಇನಾಂ ಶಿರಾಲಿಚೆ ರಾಮದಾಸ್ ದೇವಣ್ಣ ನಾಯಕ್, ಶಿಗ್ಗಾವಚೆ ಶ್ರೀಪ್ರಿಯಾ ಬಸಪ್ಪ ಬಂಡೀಕಾರ್ ಹಾಂಕಾ° ಫಾವೊ ಜಾಲಾ°. ಸ್ಪರ್ಧೆಚೆ ನಿಯಮಾ ಪ್ರಮಾಣೆ ವಿಜೇತಾಂಕ ಅಭಿನಂದನಾ ಪತ್ರ ವ್ಯಾಟ್ಸಾಪ್ ಮುಖಾಂತರ ದಾಡೂನ ದಿತಾತಿ ಮ್ಹಣು ಕಳವಣಿ ಸಾಂಗತಾ.

ಪೂತ್ತೂರು: ಭಾರತ ದೇಶಾಚೊ ಓಕ್ಕೂಟ ಸರಕಾರಾಚೊ ಗೃಹ ಮಂತ್ರಿ ಅಮಿತ್ ಶಾ ಹಾಂನಿ° ಫೆ. 11ಕ ಪೂತ್ತೂರಾಂತು° ಸೆಂಟ್ರಲ್ ಎರಾಕಾನಟ್ ಎಂಡ್ ಕೋಕಾ ಮಾರ್ಕೆಟಿಂಗ್ ಎಂಡ್ ಪ್ರೋಸೆಸಿಂಗ್ ಕೊಆಪರೇಟಿವ್ ಲಿಮಿಟೆಡ್ (ಕ್ಯಾಂಪ್ಕೊ) ಹಾಂಗೆಲೆ ಸ್ವರ್ಣ ಮಹೋತ್ಸವಾಚೆ ಉಗ್ತಾವಣ ಕೆಲೆ°.
ಹಾοಗಾಚೆ ವಿವೇಕಾನಂದ ಇಂಗ್ಲೀಷ್ ಮಿಡಿಯಮ್ ಶಾಳೆಚೆ ವಠಾರಾಂತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ರಾಜ್ಯಾಚೊ ಮುಖೇಲ ಮಂತ್ರಿ ಬಸವರಾಜ ಬೊಮ್ಮಾಯಿ, ಆದಲೊ ಮುಖೇಲ ಮಂತ್ರಿ ಬಿ. ಎಸ್. ಯಡ್ಡಿಯೂರಪ್ಪ, ಗೃಹ ಸಚಿವ ಅರಗ ಜ್ಞಾನೇಂದ್ರ, ವಿ. ಸುನಿಲಕುಮಾರ, ಎಸ್. ಅಂಗಾರ, ಎಸ್. ಟಿ. ಸೋಮಶೇಖರ, ಕೋಟಾ ಶ್ರೀನಿವಾಸ ಪೂಜಾರಿ, ಸಂಸದ ನಳಿನಕುಮಾರ ಕಟೀಲ್, ಆರ್.ಎಸ್.ಎಸ್. ಹಾಜೊ ಮ್ಹಾಲ್ಗಡೊ ಸ್ವಯಂಸೇವಕ ಕಲ್ಲಡ್ಕ ಪ್ರಭಾಕರ ಭಟ್ ಆನಿ ಹೇರ ಉಪಸ್ಥಿತ ಆಶಿಲೆ.
"ವಾರಣಾಸಿ ಸುಬ್ರಾಯ ಭಟ್ ಹಾಂನಿ° ಸ್ಥಾಪನ ಕೆಲೆಲೊ ಹೊ ಸಂಸ್ಥೊ ಆಜಿಕಯಿ ಶೇತಗಾರಾಂಕ ಮದದ ಕರತ ಆಸಾ. ಸ್ಥಾಪಕ ಸಾಂದ್ಯಾಲೆ° ಪರಿಶ್ರಮ ಆನಿ ಪ್ರಾಮಾಣಿಕತಾಚೆ ನಿಮಿತ ಹೀ ಕೊಆಪರೆಟಿವ್ ಸೊಸೈಟಿ ಸಫಲ ಜಾಲ್ಯಾ" ಮ್ಹಣು ಅಮಿತ್ ಶಾ ಹಾಂನಿ° ಸಾಂಗಲೆ°.
ಫಕತ 3576 ಸಾಂದೆ ಆಸೂನ 1973 ಇಸವಿಂತು° ಸ್ಥಾಪನಾ ಜಾಲೆಲೊ ಹೊ ಸಂಸ್ಥೊ ಆಜಿ 1,38,000 ಸಾಂದೆ ಆಸಚೊ ಸಂಸ್ಥೊ ಜಾವನು ವಾಡಲಾ. 1986 ಇಸವಿಂತು° ಅಂತರಾಷ್ಟ್ರೀಯ ಮಾರ್ಕೆಟಾಕ ಪಾವಿಲೆ ಹಾಂನಿ° ಮ್ಹಯನ್ಯಾಕ 23,000 ಮೆಟ್ರಿಕ್ ಟನ್ ಚಾಕಲೇಟ್ ತಯಾರ ಕರತಾತಿ. ದೇಶಭರಿ 160 ಶಾಖೋ ಆಸೂನ 2000ಕಯೀ ಚಡ ಉದ್ಯೋಗಿ ಆಸಚೆ ಹಾಂನಿ° ವರಸಾಕ 2778 ಕರೋಡ ರುಪಯಚೊ ವಹಿವಾಟ ಕರತಾ ಆಸಾತಿ. ಅಧ್ಯಕ್ಷ ಎ. ಕಿಶೋರ ಕುಮಾರ ಕೊಡ್ಗಿ ಆನಿ ಆಡಳಿತ ನಿರ್ದೇಶಕ ಎಚ್. ಎಮ್. ಕೃಷ್ಣಕುಮಾರ ಹಾಂನಿ° ವಹಿವಾಟ ಸಾಂಬಾಳನು ಹಾಡತ ಆಸಾತಿ.