ಉಡುಪಿ: ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆ ಆನಿ ಸಮರ್ಪಣಾ ಚಾರಿಟೇಬಲ್ ಟ್ರಸ್ಟ್ ಮುದರಂಗಡಿ ಹಾಂಗೆಲೆ ಜೋಡ ಆಶ್ರಾಯಾಂತ ಹಾಂಗಾಚೆ ಅಂಬಾಗಿಲು ಅಮೃತ ಗಾರ್ಡನ್ ಆಡಿಟೋರಿಯಾಂತು° ಆರತಾ° 11ವೆ° ವರಸಾಚೆ ವಿದ್ಯಾ ಪೋಷಕ ನಿಧಿ ವಿದ್ಯಾರ್ಥಿ ವೇತನ ವಾಂಟಪ ಆನಿ ಪ್ರತಿಭಾ ಪುರಸ್ಕಾರ ಸುವಾಳೊ ಘಡಲೊ. ಮುಖೇಲ ಸೊಯ್ರೆ ಜಾವನು ವೇ. ಮೂ. ರಾಮಚಂದ್ರ ಅನಂತ್ ಭಟ್, ವೇ. ಮೂ. ವಿಠ್ಠಲ್ ಭಟ್ ಮಂಗಳೂರು, ಸಿ. ಎ. ಸುಧೀರ್ ಪ್ರಭು ಬೆಂಗಳೂರು, ಹೋಟೆಲ್ ಉಧ್ಯಮಿ ಸಮಾಜ ಸೇವಕ ರಘುವೀರ್ ಶೆಣೈ ಆಂಧ್ರಪ್ರದೇಶ, ಪ್ರಸಿದ್ಧ ಗಾಯಕ° ಶಂಕರ್ ಶ್ಯಾನಭಾಗ್ ಬೆಂಗಳೂರು, ವಿದ್ಯಾಪೋಷಕ ನಿಧಿಚೊ ಅಧ್ಯಕ್ಷ ಸಿ.ಎ. ಎಸ್. ಎಸ್. ನಾಯಕ್, ಸಿ.ಎ. ಗೋಪಾಲಕೃಷ್ಣ ಭಟ್,ವಿನೋದ್ ಕಾಮತ್ ಕಲ್ಯಾಣಪುರ, ಜಿಎಸ್‌ಬಿ ಸಮಾಜ ಹಿತರಕ್ಷಣಾ ವೇದಿಕೆಚೊ ಅಧ್ಯಕ್ಷ ಜಿ. ಸತೀಶ್ ಹೆಗ್ಡೆ ಕೋಟ, ಸಂಚಾಲಕ ಆರ್. ವಿವೇಕಾನಂದ ಶೆಣೈ, ಪ್ರಧಾನ ಕಾರ್ಯದರ್ಶಿ ಸಾಣೂರು ನರಸಿಂಹ ಕಾಮತ್ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಕ ಶ್ರೀ ಕೈವಲ್ಯ ಮಠ ಸಂಸ್ಥಾನಾಚೆ ಮಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ಪತಿ ಶ್ರೀಪಾದ ಸ್ವಾಮಿಜಿ ಹಾಂನಿ° ಆರತಾ° ಭೇಟಿ ದಿಲಿ. ದೇವಳಾಚೆ ಶತಮಾನೋತ್ತರ ರುಪ್ಯಾಳೊ ಮಹೋತ್ಸವಾ ಬದಲ ಚಲಚೆ 125 ದೀವಸಾಚೆ ಅಹೋರಾತ್ರಿ ನಿರಂತರ ಭಜನಾ ಮಹೋತ್ಸವಾಕ ಸಂಸಾರ ಪಾಡ್ವೆ ದೀವಸು ಗುರುವರ್ಯಾನ ದೇವಳಾಖ ಭೇಟಿ ದಿವಚೆಂ ಜಾಲೆಂ. ತಾಂಕಾ° ಮಂಗಳ ವಾದ್ಯ, ವೇದಘೋಷ  ಆನಿ ಪೂರ್ಣ ಕುಂಭ ಸಹಿತ ಯೆವ್ಕಾರ ದಿವಚೆ ಜಾಲೆ°. ಗುರುವರ್ಯಾನಿ ಶ್ರೀ ಲಕ್ಷ್ಮೀ ವೆಂಕಟೇಶ, ಭಜನಾ ಮಹೋತ್ಸವಾಚೆ ಶ್ರೀ ವಿಠೋಬಾ ರುಖುಮಾಯಿ ದೇವಾ ಮುಕಾರಿ ಪ್ರಾರ್ಥನಾ ಕರನು ದೇವಳಾಂತು ಚಲತ ಆಸಚೆ ಶ್ರೀ ರಾಮನಾಮ ಜಪ ಕೇಂದ್ರಾಕಲಯೀ ಭೇಟಿ ದೀವನು ಶುಭಾಶಯ ಪಾಟಯಲೊ. "ಮ್ಹಾಲ್ಗಡೆಲೆ° ಪೂರ್ವ ಜಲ್ಮಾಚೆ ಪುಣ್ಯಾಚೆ ಫಲ ಆಶಿಲೆ ನಿಮಿತ ದೇವಳಾಚೆ ನಿರ್ಮಾಣ ಜಾಲಾ°, ತಾಂನಿ° ಪ್ರಾರಂಭ ಕೆಲೆಲೆ ಹರಿನಾಮ ಸಂಕೀರ್ತನೆಕ 125 ವರಸ° ಜಾಲೆಲೆ ಹ್ಯಾ ಶುಭವಸರಾರಿ 125 ದೀವಸ ಅಹೋರಾತ್ರಿ ನಿರಂತರ ಭಜನಾ ಮಹೋತ್ಸವ ಘಡೋನ ಹಾಡಲೆಲೆ° ಸಂತೋಸಾಚೊ ವಿಷಯ ಆಸಾ. ನಾಮ ಸ್ಮರಣ ಮ್ಹಣಚೆ ಯಜ್ಞಕಾರ್ಯಾಕ ಸಮಾನ ಆಸಾ, ನಿರಂತರ ಭಗವಂತಾಲೆ° ಆರಾಧನಾ ಕರಚೆ ನಿಮಿತ ಮುಕ್ತಿ ಪ್ರಾಪ್ತ ಜಾತಾ, ಗುರುಲೆ ಆನಿ ದೇವಾಲೊ ಅನುಗ್ರಹ ಸಗಾಟಾಲೆ ವಯರಿ ಸದಾ ಆಸತಲೊ" ಮ್ಹಣು ತಾಂನಿ° ಅನುಗ್ರಹ ಕೆಲೆ°. ದೇವಳಾಚೆ ಪ್ರಧಾನ ಅರ್ಚಕ ವಿನಾಯಕ ಭಟ್, ವೇದ ಮೂರ್ತಿ ಚೇoಪಿ ರಾಮಚಂದ್ರ ಭಟ್, ದೇವಳಾಚೆ ಮೋಕ್ತೇಸರ ಪಿ ವಿ ಶೆಣೈ, ದೇವಳಾಚೆ ಭಜನಾ ಮಂಡಳಿಚೊ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ, ಸಂತೋಷ್ ವಾಗ್ಲೇ, ಆಡಳಿತ ಮಂಡಳಿಚೆ ಸಾಂದೆ ವಸಂತ್ ಕಿಣಿ, ಪುಂಡಲೀಕ್ ಕಾಮತ್, ಶಾಂತಾರಾಮ್ ಪೈ, ಗಣೇಶ್ ಕಿಣಿ, ಉಮೇಶ್ ಪೈ, ಕೈಲಾಸನಾಥ ಶೆಣೈ, ನಾರಾಯಣ ಪ್ರಭು, ಅಶೋಕ ಬಾಳಿಗ, ರೋಹಿತಾಕ್ಷ ಪಡಿಯಾರ್ ಆನಿ ವೆಗವೆಗಳೆ ಭಜನಾ ಮಂಡಳಿಚೆ ಸಾಂದೆ, ಜಿ.ಎಸ್.ಬಿ ಯುವಕ /ಮಹಿಳಾ ಮಂಡಳಿಚೆ ಸಾಂದೆ ಗಾಂವ ಪರಗಾಂವಚೆ ಭಜಕ ವೃಂದ ಉಪಸ್ಥಿತ ಆಶಿಲೆ.

ಹ್ಯಾಚ ಸಂದರ್ಭಾರ ಸದ್ಗುರು ಪ್ರಾತಃಸ್ಮರಣೀಯ ಶ್ರೀ ಶ್ರೀ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ಶತಮಾನೋತ್ಸವಾಚೆ ಸಂದರ್ಭಾರ ಕಟಪಾಡಿಚೆ ಸತ್ವಿಜಯ ಭಟ್ ಹಾಂನಿ° ರಚನ ಕರನು ರಾಗ ಸಂಯೋಜನ ಕೆಲೆಲೆ, ಮೈಸೂರಚೆ ಗಾಯಕ ಉಪ್ಪುಂದ ರಾಜೇಶ ಪಡಿಯಾರ್ ಹಾಂನಿ° ಗಾಯಲೆಲೆ "ಸುಧೀಂದ್ರ ತೀರ್ಥ ಗುರು ಶತ ನಮನ ಪಾದ ಸೇವನ ಆಮ್ಕಾ ಸೌಭಾಗ್ಯ ಧನ" ಆನಿ "ರಜತ ಪೀಠ ವಾಸ ಶ್ರೀ ಲಕ್ಷ್ಮೀ ವೆಂಕಟೇಶ" ಮ್ಹಳೆಲೆ ದೋನ ಸಂಕೀರ್ತನೆಚೆ ಆಡಿಯೋ ಆನಿ ಕರಪತ್ರಿಕಾ ಮೋಕಳಿಕ ಆಡಳಿತ ಮೊಕ್ತೇಸರ ವಿಠ್ಠಲದಾಸ ಶೆಣೈ ಹಾಂನಿ° ಕೆಲೆ°. ಗಿಂಡಿ ನರ್ತನ ಕಲಾವಿದ ನಾಡಾ ಸತೀಶ್ ನಾಯಕ್, ಶಿಕ್ಷಣ ಅಧಿಕಾರಿ ಅಶೋಕ್ ಕಾಮತ, ಅಲೆವೂರು ಗಣೇಶ್ ಕಿಣಿ, ವಿವೇಕಾನಂದ ಶೆಣೈ, ಲೋಹಿತಾಕ್ಷ ಪಡಿಯಾರ ಆನಿ ಸಂಕೀರ್ತನೆoಚೆ ಪ್ರಾಯೋಜಕ ಅನಂತ ವೈದಿಕ ಕೇಂದ್ರಾಚೆ ಪ್ರಧಾನ ನಿರ್ದೇಶಕ ಚೇಂಪಿ ರಾಮಚಂದ್ರ ಅನಂತ ಭಟ್, ವಿದ್ವಾನ್ ಹರಿಪ್ರಸಾದ್ ಶರ್ಮ ಆನಿ ಹೇರ ಉಪಸ್ಥಿತ ಆಶಿಲೆ. ಉಪರಾಂತ ನಾಡಾ ಸತೀಶ್ ನಾಯಕ್, ಚೇಂಪಿ ರಾಮಚಂದ್ರ ಅನಂತ ಭಟ್, ಪ್ರಶಾಂತ್ ಆಚಾರ್ಯ ಬಸ್ರುರು ಹಾಂಗೆಲೆ° ಗಿಂಡಿ ನೃತ್ಯ ಪ್ರದರ್ಶನ ಜಾಲೆ°. ಸಗ್ರಿ ಗಣೇಶ್ ನಾಯಕ್ ಆನಿ ಸಗ್ರಿ ವಿನೀತ್ ನಾಯಕ್ ಹಾಂನಿ° ಜಾವನು, ಹಾರ್ಮೋನಿಯಂರಿ ಪಾಂಡುರoಗ ದತ್ತ ಕಿಣಿ, ತಬಲಾರಿ ಜಯದೇವ್ ಭಟ್ ಕಲ್ಯಾಣಪುರ ಹಾಂನಿ° ಸಾಥ ದಿಲೆ°.

To Support Kodial Khaber click the following button.

ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ತಾನ ತೆಂಕಪೇಟೆ ಉಡುಪಿ ಹಾಜೆ ಶತಮಾನೋತ್ತರ ರಜತ ಮಹೋತ್ಸವ (125 ವರಸ°) ಪ್ರಯುಕ್ತ ಚಲತ ಆಸಚೆ ಅಹೋರಾತ್ರಿ ನಿರಂತರ ಭಜನಾ ಮಹೋತ್ಸವಾಚೆ ಸಂದರ್ಭಾರಿ ಶ್ರೀ ಚಿತ್ರಾಪುರ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಗುರುವರ್ಯ ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ತೀರ್ಥ ಹಾಂನಿ° ದೇವಳಾಕ ಭೇಟಿ ದಿಲಿ. ಹ್ಯಾ ಸಂದರ್ಭಾರಿ ಗುರುವರ್ಯಾನಿ ಜಯ ಅಂಜನೇಯ ಸ್ವಾಮೀ ಆನಿ ಶ್ರೀ ಕೃಷ್ಣಾ ಜಗದ್ ಗುರು ಭಜನ ಗಾಯಲೆಂ. "ಹರಿನಾಮ ಸಂಕೀರ್ತನ ಶುರು ಕರನು 125 ವರಸ° ಜಾವನು ಆಸಚೆ° ಖೂಬ ಸಂತೋಸಾಚೊ ವಿಚಾರ. ಹರಿ ನಾಮ ಸಂಕೀರ್ತನ ಕೆಲೆಲೆ ನಿಮಿತ ಮನಾಕ ಶಾಂತಿ ಮೇಳನು ಲೋಕಾಂಕ ಸಾಂಗತ ಹಾಡಚಾಕ ಜಾತಾ, ಗುರುಲೊ ಆನಿ ದೇವಾಲೆ ಅನುಗ್ರಹ ಸಗಳೆ ಸಾಮಜಾಚೆರಿ ಉರೊ ಮ್ಹಣು" ಗುರುವರ್ಯಾನಿ ಆಶೀರ್ವಚನಾಂತು° ಸಾಂಗಲೆ°.

ಭಜನಾ ರೂವಾರಿ ಮಟ್ಟಾರ್ ಸತೀಶ್ ಕಿಣಿ ಹಾಂನಿ° ಭಜನಾ ಮಹೋತ್ಸವಾ ಬದಲ ಮಾಹಿತಿ ದೇವಳಾಚೆ ಅರ್ಚಕ ದಯಘಾನ್ ಭಟ್, ವಿನಾಯಕ್ ಭಟ್, ದೀಪಕ್ ಭಟ್, ಆಡಳಿತ ಮೋಕ್ತೇಸರ ಪಿ ವಿ ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ವಿಶ್ವನಾಥ್ ಭಟ್, ವಸಂತ್ ಕಿಣಿ, ಪುಂಡಲೀಕ್ ಕಾಮತ್, ಶಾಂತಾರಾಮ್ ಪೈ, ಗಣೇಶ್ ಕಿಣಿ, ಉಮೇಶ್ ಪೈ, ಕೈಲಾಸನಾಥ ಶೆಣೈ, ಭಾಸ್ಕರ್ ಶೆಣೈ, ವಿವೇಕ್ ಶಾನಭೋಗ್, ರಮೇಶ್ ಭಟ್, ಗಣೇಶ್ ಕಿಣಿ ಆನೆ ವ್ಹಿಂಗವ್ಹಿoಗಡ ಭಜನಾ ಮಂಡಳಿಷಚೆ ಸಾಂದೆ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಹೇರ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಉಡುಪಿ ಸಂತೆಕಟ್ಟೆ ಲಾಗಿಚೆ ನಯಂಪಳ್ಳಿ ಕಾಶೀಮಠ ಶ್ರೀ ಗೋಪಾಲಕೃಷ್ಣ ದೇವಸ್ಥಾನಾಕ ಶ್ರೀ ಕಾಶಿ ಮಠ ಸಂಸ್ಥಾನಾಚೆ ಮಠಾಧೀಶ ಶ್ರೀ ಸಂಯಮಿoದ್ರ ತೀರ್ಥ ಸ್ವಾಮೀಜಿ ಹಾಂನಿ° ಆರತಾ° ಭೇಟಿ ದಿಲಿ. ಹ್ಯಾ ವೇಳಾರ ತಾಂಕಾ° ದೇವಳಾಚೆ ವತಿನ ಮಂಗಳವಾದ್ಯ ಸಹಿತ ಪೂರ್ಣ ಕುಂಭ ಸ್ವಾಗತ ದಿವಚೆ ಜಾಲೆ°. ಉಪರಾಂತ ಪಾದಪೂಜಾ ಕರನು ಫಲ ಪುಷ್ಪ ಕಾಣಿಕಾ ಅರ್ಪಣ ಕರಚೆ ಜಾಲೆ°. ದೇವಾಲೆ ದರ್ಶನ ಘೆತಿಲೆ ಗುರುವರ್ಯಾನಿ ದೇವಳಾಚೆ ಅಭಿವೃದ್ಧಿ ಕಾರ್ಯ° ಜಾವನು ಆಸಚೆ ನವೀಕೃತ ಸುತ್ತುಪೌಳಿ, ನಾಗಬನ, ನೂತನ ಪುಷ್ಕರಣಿಚೆ ವಿಕ್ಷಣ ಕರನು ದೀವೊ ಲಾವನು ಉಗ್ತಾವಣ ಕೆಲೆ°. "ಆಮಗೆಲೆ ಮ್ಹಾಲ್ಗಡೆನಿ ಸಮಾಜಾಚೆ ಅಭಿವೃದ್ಧಿ ಕಾತಿರ ದೇವಳ° ಬಾಂದಿಲಿ°, ಭಜನಾ ಮಂಡಳಿ ಸ್ಥಪನಾ ಕರನು ಹರಿನಾಮ ಸಂಕೀರ್ತನಾ ಶುರು ಕರನು 25 ವರಸ° ಜಾಲ್ಯಾಂತಿ. ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ಶತಮಾನೋತ್ಸವಾಚೆ ಹ್ಯಾ ಶುಭಸಂದರ್ಭಾಚೆರಿ ತುಮಿ ಶಂಬರಗಟ್ಲೆನ ಘರಾಂತ ಭಜನ ಕರನು ಗುರುಲೆ ಆರಾಧನಾ ಕರಚೆ° ಸಂತೋಸಾಚೊ ವಿಚಾರ. ಸಗಟಾಂಕ ದೇವಾಲೊ ಆನಿ ಗುರುಲೊ ಅನುಗ್ರಹ ಪ್ರಾಪ್ತ ಜಾವೊ ಮ್ಹಣು ದೇವಾಲಾಗಿ ಮಾಘತಾತಿ" ಮ್ಹಣು ಗುರುವರ್ಯಾನ ಹ್ಯಾ ಸಂದರ್ಭಾರಿ ಆಶೀರ್ವಚನ ದಿಲೆ°.

"1825 ಇಸವಿಂತು° ಶ್ರೀಮದ್ ಸುಮತಿಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಕಾಳಾಂತು° ಹೆ° ದೇವಳ ಶ್ರೀ ಕಾಶಿಮಠಾಕ ಹಾತಾಂತರ ಜಾಲೆಲೆ°. ತ್ಯಾ ದೆಕೂನು 2025 ಸಂಪೂರ್ಣ ವರಸ ದೇವಳಾಚೆ 200ವೆ° ಮಹೋತ್ಸವ ಆಚರಣ ಕರತಾ ಆಸಾತಿ, ಏಕಾಹ ಭಜನ ಶುರು ಜಾವನು 25 ವರಸ° ಜಾಲ್ಯಾಂತಿ" ಮ್ಹಣು ನಯಂಪಳ್ಳಿ ಶ್ರೀ ಕಾಶಿ ಮಠಾಚೆ ವ್ಯವಸ್ಥಾಪಕ ಸಮಿತಿಚೊ ಅಧ್ಯಕ್ಷ ಶಿರಿಯಾರ ಗಣೇಶ್ ನಾಯಕ್ ಹಾಂನಿ° ಕಳಯಲೆ°. ದೇವಳಾಚೆ ಪ್ರಧಾನ ಅರ್ಚಕ ಶ್ರೀಜಿತ್ ಶರ್ಮಾ, ರಘುವೀರ ಆಚಾರ್ಯ, ವೇದ ಮೂರ್ತಿ ಚೇ0ಪಿ ಶ್ರೀಕಾಂತ್ ಭಟ್ ಹಾಂಗೆಲೆ ಮುಖೇಲಪಣಾರಿ ಧಾರ್ಮಿಕ ಪೂಜಾ ವಿಧಾನ ಚಲೆ°. ಉಪಾಧ್ಯಕ್ಷ ಸತೀಶ್ ಪೈ, ಕಾರ್ಯದರ್ಶಿ ಅರವಿಂದ್ ಭಟ್, ಸಹ ಕಾರ್ಯದರ್ಶಿ ಸುಭಾಶ್ ಭಟ್, ಖಜಾನದಾರ ನಾಗೇಂದ್ರ ನಾಯಕ್, ಕಾಶೀನಾಥ್ ಭಟ್ ಕಲ್ಯಾಣಪುರ, ದಿನೇಶ್ ಶೆಣೈ, ಶಂಕರ್ ಶೆಣೈ, ರಾಮಚಂದ್ರ ಕಿಣಿ, ಅಜಿತ್ ಪೈ, ಸೀತಾರಾಮ್ ಭಟ್, ವಾಸುದೇವ ಶೆಣೈ, ಸುಭಾಶ್ ಕಾಮತ್, ಸಂತೋಷ್ ಭಕ್ತ, ಸಂದೀಪ್ ನಾಯಕ್, ಮೆನೇಜರ್ ಜಗದೀಶ್ ಕಿಣಿ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜಭಾದವ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಯಕ್ಷಗಾನ ಕಲಾರಂಗ ವಿದ್ಯಾಪೋಷಕ ಯೋಜನೆಚಿ ಪ್ರಥಮ ಪಿಯುಸಿಯ ವಿದ್ಯಾರ್ಥಿ ಸಾತ್ವಿಕ್ ವೈ. ಪೂಜಾರಿ ಹಾಕಾ ಉಡುಪಿ ಕಲ್ಯಾಣಪುರಚೆ ಕೆಳನೇಜಾರಾಂತು° ಉಡುಪಿ ಗಾಂಧಿ ಆಸ್ಪತ್ರೆಚೊ ಆಡಳಿತ ನಿರ್ದೇಶಕ ಡಾ. ಹರಿಶ್ಚಂದ್ರ ಹಾಂನಿ° ತಾಂಕಾ° ಸಾಬಾರ ಅಡ್ಡೇಸ ದಶಕ ಕಾಳ ಆಶ್ರಯ ದೀವನು ವಾಡಯಿಲೆ ಉಡುಪಿಚೆ "ಮಿತ್ರ ಸಮಾಜ" ಹಾಜೆ ಸಂಸ್ಥಾಪಕ ದೇವಾದಿನ ಎನ್. ಗೋಪಾಲ ಹೊಳ್ಳ ಆನಿ ತಾಂಗೆಲಿ ಧರ್ಮಪತ್ನಿ ಶ್ರೀಮತಿ ಸತ್ಯಭಾಮ ಹೊಳ್ಳ ಹಾಂಗೆಲೆ ಗೌರವಾರ್ಥ ನಿರ್ಮಾಣ ಕರನು ದಿಲೆಲೆ ನವೀನ ಘರ "ಸತ್ಯಸದನ" ಹಾಜೆ° ಉಗ್ತಾವಣ ಆರತಾಂ ಜಾಲೆ°. ಡಾ. ಹರಿಶ್ಚಂದ್ರ ದೀವೊ ಲಾವನು ಉದ್ಘಾಟನಾ ಕರನು ಹಾಕಾ ಅವಕಾಶ ಕರನು ದಿಲೆಲೆ ಯಕ್ಷಗಾನ ಕಲಾರಂಗ ಸಂಸ್ಥೆಚೊ ಆಬಾರ ಮಾನಲೊ. ಹ್ಯಾಚ ವೇಳಾರ ತಾಂಗೆಲಿ ಧರ್ಮಪತ್ನಿ ಲಕ್ಷ್ಮಿ ಹರೀಶ್ಚಂದ್ರ, ಧೂವ ಡಾ. ಪಂಚಮಿ, ರಶ್ಮಿ ಶ್ರೀಧರ ಹೊಳ್ಳ, ಹಯವದನ ಭಟ್, ಪಂಚಾಯತ್ ಅಧ್ಯಕ್ಷ ನಾಗರಾಜ ಕುಂದರ್, ಸಂಸ್ಥೆಚೆ ಉಪಾಧ್ಯಕ್ಷರ ಎಸ್. ವಿ. ಭಟ್, ವಿ. ಜಿ. ಶೆಟ್ಟಿ, ಖಜಾನದಾರ ಕೆ. ಸದಾಶಿವ ರಾವ್, ಯಕ್ಷಗಾನ ಕಲಾರಂಗ ಹಾಜೆ ಸಾಂದೆ ಯು. ವಿಶ್ವನಾಥ್ ಶೆಣೈ, ಯು. ಆರ್. ರಾಜಗೋಪಾಲ ಆಚಾರ್ಯ, ಬಿ. ಭುವನಪ್ರಸಾದ ಹೆಗ್ಡೆ, ಅನಂತರಾಜ ಉಪಾಧ್ಯ, ಕೆ. ಅಜಿತ್ ಕುಮಾರ್, ಗಣೇಶ್ ಬ್ರಹ್ಮಾವರ, ಟಿ. ಎಮ್. ಎ. ಪೈ ಪ್ರೌಢಶಾಳೆಚೆ ಮುಖ್ಯಶಿಕ್ಷಕ ಎಚ್.ಎನ್. ವೆಂಕಟೇಶ್ ಆನಿ ಅಧ್ಯಾಪಕ ವೃಂದ ಉಪಸ್ಥಿತ ಆಶಿಲೆ. ಅಧ್ಯಕ್ಷ ಎಂ. ಗಂಗಾಧರ ರಾವ್ ಸ್ವಾಗತಾಚೆ ಉತ್ರಂ ಸಾಂಗಲಿ°. ಕಾರ್ಯದರ್ಶಿ ಮುರಲಿ ಕಡೆಕಾರ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗೂನು ಸೂತ್ರ ಸಂಚಾಲನ ಕೆಲೆ°. ನಾರಾಯಣ ಎಮ್. ಹೆಗಡೆ ಹಾಂನಿ° ಆಬಾರ ಮಾನಲೊ. ಯಕ್ಷಗಾನ ಕಲಾರಂಗ ಹಾಂನಿ° ದಾನಿಯಾಲೆ ಮದದ ಘೆವನು ಬಾಂದಿಲೆ 59ವೆ° ಘರ ಹೆ° ಜಾವನು ಆಸಾ.

To Support Kodial Khaber click the following button.

ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ್ ದೇವಸ್ಥಾನ ತೆಂಕಪೇಟೆ ಉಡುಪಿಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿ ಆನಿ ಜಿ. ಎಸ್. ಬಿ. ಯುವಕ ಮಂಡಳಿಚೆ 54ವೊ° ವಾರ್ಷಿಕೋತ್ಸವ ಆರತಾ° ಚಲೊ. ಹ್ಯಾ ವೇಳಾರ ಕೆ. ಎಮ್. ಸಿ. ಉದ್ಯೋಗ ಕರನು ನಿವೃತ್ತ ಜಾಲೆಲೆ 22 ವರಸ ದಾಕೂನು ಶ್ರೀ ಶಾರದಾ ಮಾತೆಕ ಕಾಪಡ ನೆಸೊಚೆ ನಗ ಘಾಲನು ಶ್ರಂಗಾರ ಕರನು ಸೇವಾ ದಿಲೆಲೆ ನರಹರಿ ಪ್ರಭು ಹಾಂಕಾ° ಸನ್ಮಾನ ಚಲೊ. ಹಾಂನಿ° ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆ ಸನ್ನಿಧಿಂತು° 1008 ಭಜನ (ಮರಾಠಿ, ಕೊಂಕಣಿ, ಕನ್ನಡ) ಸಂಗ್ರಹ ಕರನು ಪುಸ್ತಕ ರೂಪಾರಿ ಮೋಕಳಿಕ ಕೆಲೆಲೆ ಆಸಾ. ದೇವಳಾಚೆ ಮೊಕ್ತೆಸರ ಪಿ. ವಿ. ಶೆಣೈ, ಮುಖೇಲ ಸೊಯ್ರೆ ಕೆ. ಎಮ್. ಸಿ ಆಸ್ಪತ್ರೆಚೆ ಕ್ಯಾನ್ಸರ್ ತಜ್ಞ ಡಾ. ಅನಂತ ಪೈ ಹಾಂನಿ° ಸನ್ಮಾನ ಕೆಲೊ.

To Support Kodial Khaber click the following button.

ಉಡುಪಿ: ಹಾಂಗಾಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿನ ನವರಾತ್ರಿಚೊ ವಾಂಟೊ ಜಾವನು ಶಿವಪ್ರಭಾ ಯಕ್ಷ ವಿಶ್ವ ಬಳಗ ಶಿವಪುರ ಹಾಂಗಾಚೆ ವಿದ್ಯಾರ್ಥಿಯಾಲೆ° ಕೊಂಕಣಿ ಯಕ್ಷಗಾನ - ಶ್ರೀ ಕೃಷ್ಣ ಪುಷ್ಪ ವಿಲಾಸ ಪ್ರರ್ದರ್ಶನ ಆಯೋಜನ ಕೆಲೆಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕೆರಿ ಹೆ° ಜಾಲೆ°. ಮದ್ದಲೆರಿ ಆನಂದ್ ಭಟ್, ಚೆಂಡೆರಿ ಪ್ರದೀಪ್ ಭಟ್, ಗಣೇಶ್ ಶೆಣೈ ಆನಿ ಸಂದೇಶ್ ಹಾಂನಿ° ಸಾಥ ದಿಲೆ°. ಹ್ಯಾಚ ವೇಳಾರ ಯಕ್ಷಗಾನ ಕ್ಷೇತ್ರಾಂತು° ವಿಶಿಷ್ಟ ಸಾಧನಾ ಕೆಲೆಲೆ, ಅಂತರರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ ಪುರಸ್ಕೃತ, ಫುಕಟ ಶಂಬರಿಕಯೀ ಚಡ ವಿದ್ಯಾರ್ಥಿಯಾಂಕ ಕನ್ನಡ, ಕೊಂಕಣಿ, ತುಳು ಭಾಷೆಂತು° ತರಬೇತಿ ದೀವನು ಯಕ್ಷಗಾನ ಪ್ರದರ್ಶನ ದಿಲೆಲೆ ಭಾಗವತ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಸನಮಾನ ಚಲೊ. ದೇವಳಾಚೆ ಮೊಕ್ತೇಸರ ಪಿ. ವಿ. ಶೆಣೈ, ಜಿ.ಎಸ್.ಬಿ. ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ. ಉಪರಾಂತ ಶ್ರೀ ಶಾರದಾ ಮಾತೆಲೊ ವಿಸರ್ಜನಾ ಶೋಭಾ ಯಾತ್ರಾ ಚಲಿ. ಅರ್ಚಕ ವಿನಾಯಕ್ ಭಟ್ ಹಾಂನಿ° ಶ್ರೀ ಶಾರದಾ ದೇವಿಕ ಆರತಿ ದಾಕೋವನು ವಿಸರ್ಜನಾ ಮೆರವಣಿಗೆಕ ಚಾಲನಾ ದಿಲೆ°. ವಿಸರ್ಜನಾ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಪೊರನೆ ಡಯಾನಾ ಸರ್ಕಲ್, ಕೆ ಎಮ್ ಮಾರ್ಗ, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್ ಜಾವನು ಕೊಳದಪೇಟೆ ವಾಟೆರಿ ದೇವಳಾಕ ಪರತೂನ ಯೆವನು ಪದ್ಮ ಸರೋವರಾಂತು° ಜಲಸ್ತಂಭನ ಕರಚೆಂ ಜಾಲೆ°. ಶೋಭಾ ಯಾತ್ರೆಂತು° ವಾಜಪ, ನಾಸಿಕ್ ಬ್ಯಾಂಡ್, ಸ್ತಬ್ದ್ ಚಿತ್ರ° ಶ್ರೀ ವೆಂಕಟರಮಣ, ಶ್ರೀ ರಾಮಾಲೊ ಪಟ್ಟಾಭೀಷೇಕ, ಕೂರ್ಮಾವತಾರ, ಶಿವಾ ತಾಂಡವ, ಕೊಲ್ಲೂರು ಮುಂಕಾοಬಿಕಾ, ಸ್ಪರಸ್ಪತಿ ಆನಿ ಹೇರ ಟ್ಯಾಬ್ಲೋ ಆಶಿಲೆ. ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಉಡುಪಿ ಹಾಂಗೆಲೆ ವಿಶೇಷ ಭಜನಾ ಸೇವಾ ಆಶಿಲೆ.

To Support Kodial Khaber click the following button.

ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು° ಜೂನ್ 30 ದೀವಸು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜಿವೋತ್ತಮ ಮಠಾಚೆ 550ವೆ° ವರಸಾಚೆ ಪ್ರಯುಕ್ತ ವಿಶೇಷ ಬೃಹತ್ ರಾಮನಾಮ ಜಪ ಅಭಿಯಾನ ಚಲೆ. ಹ್ಯಾ ವೇಳಾರ ಶ್ರೀ ಗೋಕರ್ಣ ಮಠದ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂನಿ° ಉಪಸ್ಥಿತ ಆಸೂನ ಅನುಗ್ರಹ ದಿಲೆ°. ಸಗಳೆ ದೀವಸು ಅಧಿಕ ಸಂಖೆನ ಮೇಳೆಲೆ ಭಜಕಾನಿ ಸಾಬಾರ 41 ಲಾಖ ರಾಮ ನಾಮ ತಾರಕ ಮಹಾಮಂತ್ರಾಚೆ ಜಪ ಕೆಲೆ°. ಸಕಾಳಿ ವಿಶೇಷ ಪ್ರಾರ್ಥನಾ ದೋನಪಾರಾ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಹಾಂನಿ° ದೇವಳಾಕ ಯೆತನಾ ಪೂರ್ಣ ಕುಂಭ ಸ್ವಾಗತ, ಪಾದ ಪೂಜಾ ಫಲ ಪುಷ್ಪ ಕಾಣಿಕಾ ಅರ್ಪಣ ಜಾಲೆಂ. ಮುಕಾರಿ 550 ದೀವಸ ಚಲಚೆ ಶ್ರೀರಾಮನಾಮ ಜಪ ಅಭಿಯಾನ ಆಮಗೆಲೆ ಸಮಾಜಾಕ ಮೇಳೆಲೊ ಅಭೂತಪೂರ್ವ ಅವಕಾಶ ಜಾವನು ಆಸಾ, ಶ್ರೀ ರಾಮನಾಮ ಜಪ ಕೆಲ್ಯಾರಿ ದೇವು ಆಂಕಾ ಖಂಚೆಯ ಎಕ ರೀತಿರಿ ಅನುಗ್ರಹ ಕರತಾ" ಮ್ಹಣು ಗುರುವರ್ಯಾನಿ ಹ್ಯಾ ವೇಳಾರ ಸಾಂಗಲೆ°. ಹ್ಯಾ ದೀವಸ ಶ್ರೀ ವೀರ ವಿಠಲ ದೇವಸ್ಥಾನ ಭದ್ರಗಿರಿ, ಶ್ರೀ ರಾಮ ಮಂದಿರ ಮಲ್ಪೆ, ತೋನ್ಸೆ ಪೈ ಕುಟುಂಬಸ್ಥ, ಶ್ರೀ ವೆಂಕಟರಮಣ ದೇವಸ್ಥಾನ ಬ್ರಹ್ಮಾವರ, ಶ್ರೀ ರಾಮ್ ಮಂದಿರ ಸಾಲಿಗ್ರಾಮ ಹಾಂಗಾಚೆ ಭಜಕ ಲೋಕಾನ ವಾಂಟೊ ಗೆತಲೊ. ನವೀನ ಜಾವನು ಶ್ರೀ ರಾಮ ನಾಮ ಜಪ ಅಭಿಯಾನ ಶುರು ಕರಚೆ ಉಪಕೇಂದ್ರ ಜಾವನು ಆಸಚೆ ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ, ಶ್ರೀ ವೀರ ವಿಠ್ಠಲ ದೇವಸ್ಥಾನ ಉದ್ಯಾವರ, ಶ್ರೀ ದುರ್ಗಾಂಬಾ ದೇವಸ್ಥಾನ ಮಣಿಪಾಲ್, ಶ್ರೀ ವಿಠೋಬ ದೇವಸ್ಥಾನ ಮುಂಡ್ಕೂರ್, ಶ್ರೀ ವೆಂಕಟರಮಣ ದೇವಸ್ಥಾನ ಕಾಪು, ಶ್ರೀ ರಾಮನಾಮ ಕಮಿಟಿ ಹಾಂಗೆಲಿ ಮಾಘಣಿ ಗುರುವರ್ಯಾನ ಸ್ವೀಕಾರ ಕರನು ಆಶಿರ್ವಾದ ದಿಲೊ. ಉಪರಾಂತ ಶ್ರೀ ಲಕ್ಷ್ಮಿ ವೆಂಕಟೇಶ ಸ್ವಾಮಿಕ ರಾತಿ ಪುಜಾ ಚಲಿ. ಜಗದೀಶ್ ಪೈ ಸಹಕಾರ ದಿಲೊ. ಧರ್ಮದರ್ಶಿ ಪಿ.  ವಿ. ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ವೇ. ಮೊ. ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗೂನು ಸೂತ್ರ ಸಂಚಾಲನ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೆ ಸಾಂದೆ. ಶ್ರೀ ರಾಮನಾಮ ಜಪ ಅಭಿಯಾನ ಸಮಿತಿಚೆ ಸಾಂದೆ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿ, ವೆಗವೆಗಳಿ ಭಜನಾ ಮಂಡಳಿಚೆ ಸಾಂದೆ ಗಾಂವಪರಗಾoವಚೆ ಜಿ ಎಸ್ ಬಿ ದೇವಳಾಂಚೆ ಪ್ರತಿನಿಧಿ ಆನಿ ಖೂಬ ಲೋಕ ಉಪಸ್ಥಿತ ಆಶಿಲೆ. 

To Support Kodial Khaber click the following button.

ಬೆಂಗಳೂರು: ಹಾಂಗಾಚೆ ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ(ರಿ) ಹಾಂಗೆಲೆ 49ವೆ° ವಾರ್ಷಿಕೋತ್ಸವಾಚೆ ವೇಳಾರ ಪ್ರಧಾನ ಜಾವಚಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಯಕ್ಷಗಾನ ಕ್ಷೇತ್ರಾಂತ ಸೇವಾ ದಿಲೆಲೆ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಫಾವೊ ಜಾಲ್ಯಾ. 23-6-2024 ತಾರೀಕೆಕ ರವೀಂದ್ರ ಕಲಾ ಕ್ಷೇತ್ರ ಹಾಂಗಾ ಘಡಲೆಲೆ ಹ್ಯಾ ಸುವಾಳ್ಯಾಂತು° ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ ಬೆಂಗಳೂರು ಹಾಜೆ ಸಂಸ್ಥಾಪಕ ಅಧ್ಯಕ್ಷ ಡಾ. ಹೆಚ್. ಎಲ್. ಎನ್. ರಾವ್, ಮಾನಾದಿಕ ನ್ಯಾಯಮೂರ್ತಿ ಡಾ. ಎಚ್. ಜಿ. ಪ್ರಭಾಕರ್ ಶಾಸ್ತ್ರಿ, ಖ್ಯಾತ ಚಿತ್ರ ನಟು ಎಸ್. ನಾರಾಯಣ್ ಆನಿ ನಾಡೋಜ ಮಹೇಶ್ ಜೋಷಿ ಉಪಸ್ಥಿತ ಆಶಿಲೆ. ಗಾಂವಾoಕ ಯೆತರಿ ಅನಂತ ವೈಧಿಕ ಕೇಂದ್ರ ಹಾಂಗಾ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸನ್ಮಾನ ಕೆಲೊ.

To Support Kodial Khaber click the following button.

ಉಡುಪಿ:  ಉಡುಪಿ ತೆಂಕಪೇಟೆಚೆ ಯುವಕಲಾವಿದಾಂಗೆಲೆ° ಝೇಂಕಾರ ಟ್ರೂಪ್ ಹಾಜೆ° 10ವೊ° ವಾರ್ಷಿಕೋತ್ಸವ ಆರತಾ° ಉಡುಪಿಚೆ ಪುರಭವನಾಂತು° ಘಡಲೊ. ಸಾಂದ್ಯಾoಕ ಸಂಗೀತ ವಿದ್ಯಾ ಶೀಕಯಿಲೆ ಗುರು ಜಾವನು ಆಸಚೆ ಸುಧೀರ್ ನಾಯಕ್, ಶಂಕರ್ ಶೆಣೈ, ಸತ್ಯವಿಜಯ ಭಟ್, ಮಾಧವ ಆಚಾರ್ಯ, ಮಹಾಬಲೇಶ್ವರ ಭಾಗವತ್, ಸತ್ಯಚರಣ್ ಶೆಣೈ, ವಿಠ್ಠಲದಾಸ ಭಟ್, ನರಸಿಂಹ ಕಿಣಿ, ರಾಮ ಭಟ್, ಯೋಗೀಶ್ ಕಿಣಿ ಹಾಂಕಾ° ಗುರುವಂದನಾ ಕರಚೆ° ಜಾಲೆ°. ಸಕಾಳಿ ದಾಕೂನ ರಾತಿ ತಾoಯ ನಾವಾದೀಕ ಸಂಗೀತಗಾರಾಲೆ° ವೈವಿಧ್ಯಮಯ ಸಂಗೀತ ಕಾರ್ಯಕ್ರಮ ಚಲೊ. ಅವಧೂತ್ ಗಾಂಧಿ ಆನಿ ಪಂಗಡಾನ ಮಹಾರಾಷ್ಟಾçಚೆ ಋಷಿ ಸಾಹಿತ್ಯ ಜಾನಪದ ಸಂಗೀತ, ದೋನಪಾರಾ ಸ್ವರಾಂಜಲಿ ಕಾರ್ಯಕ್ರಮಾಂತು° ಸಿದ್ಧಾರ್ಥ ಬೆಳ್ಮಣ್ಣು ಹಾಂಗೆಲೆ° ಹಿಂದೂಸ್ತಾನಿ ಸಂಗೀತ ಪ್ರಸ್ತುತ ಜಾಲೆಂ. ಮುಖೇಲ ಸೊಯ್ರೆ ಜಾವನು ಅನಂತ ವೈದಿಕ ಕೇಂದ್ರಾಚೆ ಚೇoಪಿ ರಾಮಚಂದ್ರ ಭಟ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಮೋಕ್ತೆಸರ್ ಪಿ  ವಿ ಶೆಣೈ, ಉಡುಪಿ ಆಭರಣ ಫೌಂಡೇಶನ್ ಮುಖ್ಯಸ್ಥಾ ಸಂಧ್ಯಾ ಸುಭಾಸ್ ಕಾಮತ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಭಜನಾ ಮಂಡಳಿಚೊ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ, ಝೇಂಕಾರ ಟ್ರೂಪ್ ಹಾಜೆ ಸಾಂದೆ ಉಪಸ್ಥಿತ ಆಶಿಲೆ. ಸಕಾಳಿ ಉದಯ ರಾಗ ಕಾರ್ಯಕ್ರಮಾಂತು° ಸಮೀರ್ ರಾವ್ ಹಾಂಗೆಲೆ° ಬಾನ್ಸುರಿ ವಾದನ ಜಾಲೆ°. ಉಪರಾಂತ ಶಂಕರ್ ಶಾನುಬೋಗ್ ಹಾಂಗೆಲೆ ದಾಸವಾಣಿ ಕಾರ್ಯಕ್ರಮ ಚಲೊ. 

To Support Kodial Khaber click the following button.