Displaying items by tag: Udupi
"ಯೆಯ್ಯಾ ಖೆಳುಯಾ° ಪಾವಸಾಡಿಂತು°"
ಉಡುಪಿ: ಹಾಂಗಾಚೆ ಕಲ್ಯಾಣಪುರಾಚೆ ಗಾದ್ದೆಂತು° ಜಿ.ಎಸ್.ಬಿ ಸಭಾ ಕಲ್ಯಾಣಪುರ ಹಾಂಗೆಲೆ ತರಪೇನ "ಯೆಯ್ಯಾ ಖೆಳುಯಾ° ಪಾವಸಾಡಿಂತು°" ಕಾರ್ಯಕ್ರಮ ಚಲೊ. ಚೆರಡುವಾಂಕ ಆನಿ ಹೊಡಾಂಕ ಪಾವಸಾಂತೂಚಿ ಖೇಳ ಚಲೆ. ಗಾದ್ದೆಂತು° ಖೇಳಚೊ ಅನುಭವ ಸಗಟಾಂಕ ಮೇಳಕಾ ಆನಿ ಸಗಟಾಂಕ ಪಾವಸಾಚೊ ಆನಂದ ಮೇಳಕಾ ಮ್ಹಳೆಲೊ ಉದ್ಧೇಶ ಹ್ಯಾ ಕಾರ್ಯಕ್ರಮಾಚೊ ಜಾವನು ಆಶಿಲೊ. ಶ್ರೀ ವೆಂಕಟರಮಣಾಲೊ ಉಡಗಾಸ ಕಾಣು ದಿವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಜಾಲೆ°.
1-10 ವರಸಾಚೆ ಚೆರಡುವಾಂಕ ಚೆಂಡು ಉಡೊವಚೊ ಸ್ಫರ್ಧೋ ಚಲೊ. 'ಕೆರೆ-ದಡ' ಖೇಳ ಸಗಟಾಂಕ ಆವಡಲೊ. ಬಾಲಕ/ಬಾಲಕಿಯಾಂಕ ಆನಿ ಮ್ಹಾಲ್ಗಡೆಂಕ ಗೋಣಿಚೀಲಾಚೊ ಖೇಳ, ಲೆಮನ್ ಅಂಡ್ ಸ್ಪೂನ್, ರಿವರ್ಸ್ ವಾಕಿಂಗ್, ಥ್ರೋಬಾಲ್ ಖೇಳ ಚಲೊ. ಸಗಟಾನ ಸಂತೋಸಾನ ವಾಂಟೊ ಘೆವಚೆ° ಪಳೊವಚಾಕ ಮೆಳೆ°. ಸಕಾಳಿ ಬನ್ಸ್ ಆನಿ ಕುರ್ಮಾ ಕಾಫಿನ ಫಳಾರಾನ ದಿಸಾಚೆ ಶುರುವಾತ ಜಾಲೆ°. ದೋನಪಾರ ಜೆವಣ ತಾಂಯ ವೈಯಕ್ತಿಕ ಖೇಳ ಚಲೆ.
ಜೇವಣಾಕ ಚಟ್ನಿ, ಪತ್ರಾಡೋ, ತಾಯಕಿಳೆಚೆ ಡಾಂಗರ್, ಶೀತ, ಕುಳಿತ ಸಾರು, ಗೊಡ್ಶೆ° ಆಶಿಲೆ°. ಹಾಕಾ ಚಡ ವೇಳ ದಿನಾಶಿ° ದೋನಪಾರಚೆ ಖೇಳ ಶುರು ಜಾಲೆ. ಬಾಯಲ ಮನಶಾಂಕ ಆನಿ ದಾರಲೆಂಕ ಪ್ರತ್ಯೇಕ ಹಗ್ಗಜಗ್ಗಾಟ ಖೇಳ ಚಲೊ. ಚಾರ ಪಂಗಡಾನ ಹ್ಯಾ ಖೇಳಾಂತು° ವಾಂಟೊ ಘೆತಲೊ. ಗಾದ್ದೆಚೆ ಚಿಕಲಾಂತು° ಬುಡ್ಡಿಲೆ ಸಗಟಾನ ಆನಂದಾನ ವಾಂಟೊ ಘೆತಲೊ. ಸಗಟಾ ಪಶಿ ಬರೊ ಖೇಳ ಮ್ಹಳ್ಯಾರಿ ಗಾದ್ದೆಂತು ಪುರಲೆಲೆ ಎಕ ವಿಕೇಟಾಕ ಮಾತೆ° ಲಾವನು ತಾಜೆ ಸುತ್ತು ಘಾಲನು ಪರತೂನ ತಾಂನಿ° ಶುರು ಕೆಲೆಲೆ ಜಾಗೆಕ ಪಾವಚೊ ಖೇಳು. ಗಮ್ಮತ್ ಮ್ಹಳ್ಯಾರಿ ಚಡಾವತ ಲೋಕಾಂಕ ಮಾತೆ° ಗ್ಹುವನು ರಾಬಿಲೆ ಕಡೆನ ರಾಬಚಾಕ ಜಾಯನಾಶಿಂ ತಾಂನಿ° ಭೋಗಚೆ ಕಷ್ಟ ಪಳೊವನು ವ್ಹಿಂಗಡಾಲೆ ತೊಂಡಾರ ಹಾಸು ಪಳೊವಚಾಕ ಮೆಳೆ°. ಆಕೇರಿಕ ಸಗಟಾನ ಮೇಳನು ಕೆಲೆಲೆ° ರೈನ್ ಡ್ಯಾನ್ಸ್ ಖೂಬ ಕಾಳ ಉಡಗಾಸ ದವರಚೆ° ತಶಿ° ಆಶಿಲೆ°. ಪಯಲೆ° ಪಾವಟಿ ಅಸಲೊ ಎಕ ಕಾರ್ಯಕ್ರಮ ಜಿ.ಎಸ್.ಬಿ. ಸಮಾಜಾ ತರಪೇನ ಚಲನು ಸಮಾಜಾಚೆ ಲೋಕಾ ಮಧೆಂ ಭಾಂದವ್ಯ ವಾಡೊಚೆ° ಪ್ರಯತ್ನ ಜಾಲೆ°.
ಅಧಿಕ ಮಾಸ - ಚಕ್ರಾಬ್ದಿ ಮಂಡಲ ಪೂಜಾ
ಉಡುಪಿ: ಶ್ರೀ ರಾಮಂಜೇನೆಯ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಶ್ರೀ ರಾಮಂಜೇನೆಯ ಟ್ರಸ್ಟ್ ಹಾಂನಿ° ಅಧಿಕ ಮಾಸಾಚೊ ವಾಂಟೊ ಜಾವನು ಚಕ್ರಾಬ್ದಿ ಮಂಡಲ ಪೂಜಾ ಕೆಲಿ. ವೇ. ಮೂ. ರಾಮಾನಂದ ಭಟ್ ಮೂಲ್ಕಿ ಹಾಂಗೆಲೆ ಮಾರ್ಗದರ್ಶನಾರಿ ಧಾರ್ಮಿಕ ಪೂಜಾ ಚಲಿ. ಗಣೇಶ್ ಭಟ್, ರಮೇಶ್ ಭಟ್, ರಾಮಚಂದ್ರ ಅವಧಾನಿ, ಮಹೇಶ್ ಭಟ್, ಪವನ್ ಭಟ್, ಜಯದೇವ ಪುರಾಣಿಕ, ಸೀತಾರಾಮ್ ಭಟ್, ಕಾಶಿನಾಥ ಭಟ್, ಭಾಗ್ಯ ಕಾಶಿನಾಥ ಭಟ್, ಹೇರ ವೈದಿಕ, ಶ್ರೀ ರಾಮಂಜೇನೆಯ ಟ್ರಸ್ಟಾಚೆ ವ್ಹಾಂಗಡಿ ಉಪಸ್ಥಿತ ಆಶಿಲೆ. ಸಾಮೂಹಿಕ ಪ್ರಾಥನಾ, ಸಾನಿಧ್ಯ ಹವನ, ಪಂಚಾಮೃತ ಅಭಿಷೇಕ, ದೇವಾಕ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ, ವಿವಿಧ ಮಂತ್ರ ಪಠಣ, ಚಕ್ರ ಮಂಡಲ ಮಹಾಪೂಜಾ ಚಲಿ. ಸುಹಾಸಿನಿ ಪೂಜಾ, ದಂಪತಿ ಪೂಜಾ, ಸಮಾರಾಧನಾ ಆನಿ ಪ್ರಸಾದ ವಾಂಟಪ ಜಾಲೆ°.
ಅಧಿಕ ಮಾಸಾಚಿ ಚೂಡಿ ಪೂಜಾ
ಕಲ್ಯಾಣಪುರ: ಹಾಂಗಾಚೆ ಶ್ರೀ ರಾಮಂಜನೆಯ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಅಧಿಕ ಮಾಸಾಚಿ ಚೂಡಿಪೂಜಾ ಭಾಗ್ಯ ಕಾಶಿನಾಥ ಭಟ್ ಹಾಂಗೆಲೆ ಮುಖೆಲಪಣಾರಿ ಆಯತಾರ ಚಲೆ. ಜಿ ಎಸ್ ಬಿ ಸಮಾಜಾಚೆ ಬಾಯಲ ಮನಶಾನಿ ಪ್ರಕೃತಿಂತ ಮೆಳಚೆ ವೆಗವೆಗಳೆ ಫುಲ್ಲಂ ಸಾಂಗತ ಘಾಲನು ಚೂಡಿ ಬಾಂದೂನು ತುಳಸಿ ಕಾಟ್ಟೆರಿ ದವರನು ಆರತಿ ದಾಕೊವನು ಪೂಜಿಲಿ. ಉಪರಾಂತ ಸಮಾಜಾಚೆ ಮ್ಹಾಲ್ಗಡೆ ಸುಮಂಗಲಿಯಾοಕ ಚೂಡಿ ದೀವನು ಆಶೀರ್ವಾದ ಘೆತಲೊ. ಸಗಟಾನ ಪರಸ್ಪರ ಚೂಡಿ ದಿವಚೆ° ಜಾಲೆ°.
ಅಹೋರಾತ್ರಿ ಭಜನಾ ಮಹೋತ್ಸವು
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮಿ ವೆಂಕಟೇಶ ದೇವಸ್ಥಾನಾಂತು° ಶ್ರಾವಣ ಪುರುಷೋತ್ತಮ ಮಾಸಾಚೆ (ಅಧಿಕ ಮಾಸ) ಪ್ರಯುಕ್ತ ಅಹೋರಾತ್ರಿ ಭಜನಾ ಮಹೋತ್ಸವು ಜು.18 ದಾಕೂನ ಅ. 17 ತಾಂಯ ಚಲಚೊ ಆಸಾ. ಆಜಿ ದವೊ ಲಾವನು ತಾಜೆ ಉಗ್ತಾವಣ ಜಾಲೆ°. ಗಾಂವ° ಪರಗಾಂವಚೆ ಭಜನಾ ಮಂಡಳಿಚೆ ವ್ಹಿಂಗ ವ್ಹಿಂಗಡ ಫಾಳಿಯೆರಿ ಭಜನ ಸೇವಾ ದಿತಾತಿ. ಸಕಾಳಿ 3 ದಾಕೂನ ಫಾಳಿ ಶುರು ಜಾತಾತಿ. ಹೀ ಭಜನ ಸೇವಾ ಎಕ ಮ್ಹಯನೊ ಭರ ಚಲತಾ.
ಯಕ್ಷಗಾನ ತಾಳ ಮದ್ದಳೆ "ಕಛ್ ದೇವಯಾನಿ" ಪ್ರಸಂಗ ಘಡಲೊ
ಉಡುಪಿ: ಕಟೀಲ್ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನಾಚೆ ಸನ್ನಿಧಾನಾಂತು° ಆರತಾ° ವಿಶೇಷ ಯಕ್ಷಗಾನ ತಾಳ ಮದ್ದಳೆ "ಕಛ್ ದೇವಯಾನಿ" ಪ್ರಸಂಗ ಚಲೊ. ವೇದಿಕೆರಿ ಮ್ಹಾಲ್ಗಡೆ ಯಕ್ಷಗಾನ ಕಲಾವಿದ 92 ವರಸಾಚೆ ಡಾ. ಕೂಳೂರು ರಾಮಚಂದ್ರ ರಾವ್, ಕಟೀಲ್ ದೇವಳಾಚೆ ವೇ. ಮೂ. ಹರಿ ನಾರಾಯಣದಾಸ ಅಸ್ರಣ್ಣ, ಸು. ವಿಶ್ವೇಶ್ವರ ಭಟ್, ಪಾಶುಪತಿ ಶಾಸ್ತ್ರೀ, ಭಾಗವತ ಕಟೀಲ್ ಮೇಳಾಚೊ ದೇವಿ ಪ್ರಸಾದ ಆಳ್ವ, ಮದ್ದಳೆ ವಾದಕ ಯೋಗೀಶ ಆಚಾರ್ಯ, ಚಂಡೆ ವಾದಕ ದೇವಿಪ್ರಸಾದ ಕಟೀಲ್ ಉಪಸ್ಥಿತ ಆಶಿಲೆ.
ಕಿದಿಯೂರು ಗೋಪಾಲ್ ಕೃಷ್ಣ ಭಂಡಾರಕಾರ್ (95) ದೇವಾದಿನ
ಮಲ್ಪೆ ; ಮಲ್ಪೆಂತ ವಾಸ್ತವ್ಯ ಆಶಿಲೊ ಕಿದಿಯೂರು ಗೋಪಾಲ್ ಕೃಷ್ಣ ಭಂಡಾರಕಾರ್ (95) ಜೂನ್ 28ಕ ದೇವಾದಿನ ಜಾಲೆ. ಸಾಬಾರ 50 ವರಸ ದಾಕೂನ ಪತ್ರಿಕಾ ವಿತರಕ ಜಾವನು 90 ವರಸ ಪ್ರಾಯೆರಿ ಸುತಾ ಸೈಕಲಾರಿ ಘರಘರಾಂಕ ವಚೂನ ಪತ್ರಿಕಾ ದಿತಲೆ ಹಾಂನಿ° ಲೋಕಾ ಮೋಗಾಳ ಆಶಿಲೆ. 300 ವರಸಾಚೊ ಇತಹಾಸ ಆಸಚೊ ಕಿದಿಯೂರು ಭಂಡಾರ್ ಕಾರ್ ಫ್ಯಾಮಿಲಿ ಟ್ರಸ್ಟ್ ಹಾಜೆ ಗಣೇಶ ಚೌತಿ ಆಚರಣೆಚೊ ಮುಖ್ಯಸ್ಥ ಜಾವನೂಯಿ ಹಾಂನಿ° ಸೇವಾ ದಿಲ್ಯಾ. ಮಲ್ಪೆ ಸಾರ್ವಜನಿಕ ಗಣೇಶೋತ್ಸವ ಸಮಿತಿಚೊ ಅಧ್ಯಕ್ಷ, ಜಿ ಎಸ್ ಬಿ ರಾಮ ಮಂದಿರ ಮಲ್ಪೆ ಹಾಜೊ ಸಕ್ರೀಯ ಸದಸ್ಯ ಜಾವನೂಯಿ ಹಾಂನಿ° ಸೇವಾ ದಿಲೆಲಿ ಆಸಾ. 4 ಪೂತ, 2 ದ್ಹುವೊ ಆನಿ ನಾತ್ರಾಂಕ ಸೋಡೂನ ತಾಂನಿ° ಗೆಲ್ಯಾಂತಿ.
ಮಾಯಾ ಕಾಮತ್ ಹಾಂಕಾ° ಸನ್ಮಾನ
ಕುಂದಾಪುರ: ಉಪ್ಪಿನಕುದ್ರು ಗೊಂಬೆಯಾಟ ಅಕಾಡೆಮಿ (ಡಾ.ಸುಧಾಮೂರ್ತಿ ಮತ್ತು ಡಾ. ಪಿ. ದಯಾನಂದ ಪೈ ಪ್ರಾಯೋಜಿತ) 2023 ವರಸಾಚೆ ವಿನೂತನ ಕಾರ್ಯಕ್ರಮ "ಪ್ರತಿಭೆ ನಿಮ್ಮದು ವೇದಿಕೆ ನಮ್ಮದು" ಸರಣಿ ಕಾರ್ಯಕ್ರಮಾಚೆ 84ವೆ° ಕಾರ್ಯಕ್ರಮಾಂತು° ಹಜಾರಾನಿ ಸಂಖ್ಯಾನಿ ವಿದ್ಯಾರ್ಥಿಯಾಂಕ ಭಜನಾ ತರಬೇತಿ ದಿಲೆಲಿ ಮಣಿಪಾಲ್ ಮಹಾಮಾಯ ಭಜನಾ ಮಂಡಳಿಚಿ ಅಧ್ಯಕ್ಷಾ ಮಾಯಾ ಕಾಮತ್ ಹಾಂಕಾ° ರಾಜ್ಯ ಪ್ರಶಸ್ತಿ ಪುರಸ್ಕೃತ ಭಾಸ್ಕರ ಕೊಗ್ಗ ಕಾಮತ್ ಹಾಂಗೆಲೆ ಅಧ್ಯಕ್ಷತೆರಿ ಸನ್ಮಾನ ಚಲೊ. ಮುಖೇಲ ಸೊಯ್ರೆ ಜಾವನು ರತ್ನಾಕರ ಪೈ, ನಾಗೇಶ್ ಶಾನುಬೋಗ್, ಸುಗುಣ ಶೆಟ್ಟಿ, ಸವಿತಾ ಶೆಟ್ಟಿ, ಸತೀಶ್ ಓ, ವಸಂತಿ ಪಂಡಿತ್, ರಮ್ಯಾ ಮಲ್ಯ, ಅಹಲ್ಯ ರಾವ್, ದೀಪಾ ಶೆಣೈ, ನಾಗರತ್ನ ಆನಿ ಕುಂದಾಪುರ ಭಜನಾ ಮಂಡಳಿಚಿ ಅಧ್ಯಕ್ಷಾ ಗಿರಿಜಾ ಕಾಮತ್, ರಾಜಶ್ರೀ ಶೆಟ್ಟಿ, ಮಂಜುಳಾ, ಸಂಜನಾ ಮೋಹನ, ಗೀತಾ, ಸುಜಾತಾ ಪೂಜಾರಿ, ನಾಗರಾಜ್ ಆಚಾರ್ಯ, ಸುರೇಂದ್ರ ಆನಿ ಸಾಂದೆ ಉಪಸ್ಥಿತ ಆಶಿಲೆ.
ಕಾಶೀಮಠ ಸಂಸ್ಥಾನ ವೆಲ್ಫೇರ್ ಫಂಡ್ - ಪ್ರತಿಭಾ ಪುರಸ್ಕಾರ
ಉಡುಪಿ: ಕಾಶೀಮಠ ಸಂಸ್ಥಾನ ವೆಲ್ಫೇರ್ ಫಂಡ್ (ರಿ) ವಿ. ಟಿ. ರೋಡ ಉಡುಪಿ ಹಾಂಗೆಲೆ° 2021 - 22 ವರಸಾವದಿಂತು° ಎಸ್ ಎಸ್ ಎಲ್ ಸಿ / ದ್ವಿತೀಯ ಪಿ ಯು ಸಿ ಆನಿ ಪದವಿ ಪರೀಕ್ಷೆಂತು° ವಿಶೇಷ ಸಾಧನಾ ಕೆಲೆಲೆ ವಿದ್ಯಾರ್ಥಿಯಾಂಕ ಪ್ರತಿಭಾ ಪುರಸ್ಕಾರ ಆನಿ ವೆಗವೆಗಳೆ ಕ್ಷೇತ್ರಾಂತು° ಪಿ ಹೆಚ್ ಡಿ ಪದವಿ ಫಾವೊ ಕೆಲೆಲೆಲ್ಯಾಂಕ ವಿಶೇಷ ಪುರಸ್ಕಾರ ಪ್ರಧಾನ ಟ್ರಸ್ಟಾಚೆ ಅಧ್ಯಕ್ಷ ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಉಪಸ್ಥಿತಿರಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತ ಚಲೆ. ವಿದ್ಯಾರ್ಥಿ ಜೀವನವು ಅಮೂಲ್ಯ ಆಸಾ, ನಿತ್ಯ ಪರಿಶ್ರಮ, ಶ್ರದ್ದೆನ ವಿದ್ಯಾಭ್ಯಾಸ ಕೆಲ್ಯಾರಿ ವಿಶಿಷ್ಟ ಸಾಧನಾ ಕರಚಾಕ ಸಾಧ್ಯ ಆಸಾ, ವ್ಹಡಿಲಾನಿ ಶಿಕ್ಷಣಾಚೆ ಸಾಂಗತ ಹೇರ ಪಠ್ಯೇತರ ಚಟುವಟಿಕಾ ಕರಚಾಕ ಚೆರಡುವಾಂಕ ಉಮೇದಿ ದಿವಕಾ" ಮ್ಹಣ ಸಾಂಗೂನ ಗುರುವರ್ಯಾನ ಅನುಗ್ರಹ ಸಂದೇಶ ದಿಲೊ. ಅರ್ಚಕ ವೃಂದಾನ ದೇವತಾ ಪ್ರಾರ್ಥನಾ ಕೆಲಿ, ಸ್ವಾಮೀಜಿಂಕ ಪಾದ ಪೂಜಾ ಕರನು ಫಲ ಪುಷ್ಪ ಅರ್ಪಣ ಕರಚೆ° ಜಾಲೆಂ. ಸಿ.ಎ. ಸುರೇಂದ್ರ ನಾಯಕ ಹಾಗೂ ಚೇಂಪಿ ಶ್ರೀಕಾಂತ್ ಭಟ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗಲಿ°. ಸಾಬಾರ 64 ವರಸ ಮಾಕ್ಷಿ ಜಿ ಎಸ್ ಬಿ ಸಾಮಾಜಾಂತ ಆರ್ಥಿಕ ಜಾವನು ದುರ್ಬಲ ಆಶಿಲೆ ವಿದ್ಯಾರ್ಥಿಯಾಂಕ ಶಿಕ್ಷಣ ಫಾವೊ ಕರಚೆ ಉದ್ದೇಶಾನ ಶ್ರೀ ಕಾಶೀಮಠಾಚೆ ಮ್ಹಾಲ್ಗಡೆ ಸ್ವಾಮ್ಯಾನಿ ಕಾಶೀಮಠ ಸಂಸ್ಥಾನ ವೆಲ್ಫೇರ್ ಫಂಡ್ (ರಿ) ಉಡುಪಿ ಹಾಜೆಂ ಸ್ಥಾಪನಾ ಜಾಲೆ°. ಹಾಜೆ 27 ಶಾಖೆ ಕರ್ನಾಕಟ, ಕೇರಳ, ಗೋವಾ, ಮಹಾರಾಷ್ಟ್ರ ರಾಜ್ಯಾಂತ ಕಾರ್ಯ ನಿರ್ವಹಣ ಕರತ ಆಸಾತಿ ಆನಿ ದಾನಿ ಲೋಕಾಲೆ ಸಹಕಾರಾನ ಹ್ಯಾ ಪಾವಟಿ 86 ವಿದ್ಯಾರ್ಥಿಯಾನಿ ಪುರಸ್ಕಾರ ಪ್ರಾಪ್ತ ಕೆಲಾ ಮ್ಹಣು ಕಳಯಲೆ°.
ವೇದಿಕೆರಿ ಸಮಿತಿಚೆ ಸಾಂದೆ ಕೋಟೇಶ್ವರ ಶ್ರೀಧರ್ ಕಾಮತ್, ಪುಂಡಲೀಕ ಕಾಮತ್, ರೋಹಿತಾಕ್ಷ ಪಡಿಯಾರ್, ಸಿ.ಎ. ಗುರುದಾಸ್ ಶೆಣೈ, ಪ್ರಭಾಕರ್ ಪೈ, ದೀಪಕ್ ಶೆಣೈ, ಮೋಹನದಾಸ್ ಕಾಮತ್ ಉಪಸ್ಥಿತ ಆಶಿಲೆ. ಉಪಾಧ್ಯಕ್ಷ ದೇವಳಾಚೆ ಆಡಳಿತ ಮೊಕ್ತೇಸರ ಪಿ. ವಿ. ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಕಾರ್ಯದರ್ಶಿ ದಿನೇಶ್ ಶೆಣೈನ ವರದಿ ವಾಚಲಿ. ಶ್ರೀನಿವಾಸ ಪ್ರಭುನ ಆಬಾರ ಮಾನಲೊ. ಶ್ರೀಧರ್ ಪೈನ ಸೂತ್ರ ಸಂಚಾಲನ ಕೆಲೆ°.
ಉಡುಪಿ - ಶ್ರೀಮದ್ ಸಂಯಮೀοದ್ರ ತೀರ್ಥ ಮೋಕ್ಕಾಂ.
ಉಡುಪಿ: ಶ್ರೀ ಸಂಸ್ಥಾನ ಕಾಶೀಮಠಾಧೀಶರಾದ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತ ಜೂನ್ 16 ದಾಕೂನ 19 ತಾಂಯ ಮೊಕ್ಕಾಂ ಕೆಲೆ°. ಕೊಂಚಾಡಿ ಮೊಕ್ಕಾಂ ದಾಕೂನ ಆಯಿಲೆ ಸ್ವಾಮೀಜಿಕ ಪೂರ್ಣ ಕುಂಭ, ಮಂಗಳವಾದ್ಯ ಸಹಿತ ಸ್ವಾಗತ ಕರಚೆ° ಜಾಲೆ°. ಗುರುವರ್ಯಾನ ದೇವಾಲಿ ಭೇಟಿ ಕರತರಿ ತಾಂಗೆಲಿ ಪಾದಪೂಜಾ ಚಲಿ. ಉಪರಾಂತ ಸ್ವಾಮೀಜಿನ ಅನುಗ್ರಹ ಸಂದೇಶ ದಿಲೊ.
ಆಟ್ರ ತಾರೀಕೆಕ ಭಕ್ತ ಲೋಕಾಂಕ ಗುರುವರ್ಯಾನ ತಪ್ತಾ ಮುದ್ರಾಧಾರಣ ಕರಯಲೆ°. ಮಠಾಚೆ ದೇವಾಕ ಆರತಿ ದಾಕೋವನು ಪ್ರಸಾದ ವಾಂಟಿಲೊ.
ಎಕುಣಿಸ ತಾರಿಕೆ ದೀವಸು ದೇವಳಾಚೆ ಪ್ರಧಾನ ದೇವ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಕ ಆರತಿ ದಾಕೊವನು ಮಹಾಪೂಜಾ ಕರನು ಪ್ರಸಾದ ವಾಂಟಿಲೊ. ಆಡಳಿತ ಮೋಕ್ತೆಸರ್ ಪಿ. ವಿ. ಶೆಣೈ, ಅರ್ಚಕ ಚೆಂಪಿ ಶ್ರೀಕಾಂತ್ ಭಟ್, ವಿನಾಯಕ ಭಟ್, ದೀಪಕ್ ಭಟ್, ಪುಂಡಲೀಕ ಕಾಮತ್, ವಸಂತ್ ಕಿಣಿ, ರೋಹಿತಾಕ್ಷ ಪಡಿಯಾರ್, ಉಮೇಶ್ ಪೈ, ವಿಶಾಲ್ ಶೆಣೈ, ಸತೀಶ್ ಕಿಣಿ, ನಿತೇಶ್ ಶೆಣೈ, ಜಿ ಎಸ್ ಬಿ ಯುವಕ /ಮಹಿಳಾ ಮಂಡಳಿಚೆ ಸಾಂದೆ, ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
ಸಿ. ಎ. ಭವನಾಕ ಭಾರತೀಯ ಲೆಕ್ಕಪರಿಶೋಧಕ ಸಂಸ್ಥೆಚೊ ರಾಷ್ಟ್ರೀಯ ಉಪಾಧ್ಯಕ್ಷ ಭೇಟಿ
ಉಡುಪಿ: ಹಾಂಗಾಚೆ ಕುಂಜಿಬೆಟ್ಟು ಸಿ. ಎ. ಭವನಾಕ ಭಾರತೀಯ ಲೆಕ್ಕಪರಿಶೋಧಕ ಸಂಸ್ಥೆಚೊ ರಾಷ್ಟ್ರೀಯ ಉಪಾಧ್ಯಕ್ಷ ಸಿ.ಎ. ರಂಜಿತ್ ಕುಮಾರ್ ಅಗರ್ವಾಲ್ ಹಾಂಣೆ ಭೇಟಿ ದಿಲಿ. ಭಾರತ ದೇಶಾಚೆ ಅಭಿವೃದ್ಧಿಂತು° ಲೆಕ್ಕಪರಿಶೋಧಕ ಲೋಕಾಲೊ ವಾಂಟೊ ಹೋಡ ಆಸಾ, ನವೀನ ಜಾವನು ಸಿ. ಎ. ಪಾಸ್ ಜಾತಲೆ ತರನಾಟೆಂಚೊ ಗರಜ ಖೂಬ ಆಸಾ ಮ್ಹಣು ತಾಣೆ ಸಾಂಗಲೆ°. ಹ್ಯಾ ನದರೇನ ಕಾರ್ಯಕ್ರಮ ಕರಚೆ° ಜಾವಕಾ ಮ್ಹಣು ತಾಣೆ ಉಲೊ ದಿಲೊ. ವಿದ್ಯಾರ್ಥಿಯಾಲೆ ಸವಾಲಾಂಕ ತಾಣೆ ಜಬಾಬ ದಿಲೆ. ಉಪರಾಂತ ತಾಕಾ ಸಂಸ್ಥೆ ತರಪೇನ ಸನ್ಮಾಣ ಚಲೊ. ಹ್ಯಾ ವೇಳಾರ ಸಿ.ಎ. ಕೋತಾ ಎಸ್. ಶ್ರೀನಿವಾಸ್, ಸಿ.ಎ. ಪ್ರಸನ್ನ ಕುಮಾರ್, ಸಿ.ಎ. ಮಂಗೇಶ್ ಕಿನಾರೆ, ಸಿ.ಎ. ಗೀತಾ ಎ.ಬಿ. ಆನಿ ಉಡುಪಿ ಸಿ.ಎ. ಸಂಸ್ಥೆಚೆ ಅಧ್ಯಕ್ಷ ಸಿ.ಎ. ಮಹೇಂದ್ರ, ಸ್ಥಾಪಕ ಅಧ್ಯಕ್ಷ ಸಿ.ಎ. ಗುಜ್ಜಾಡಿ ಪ್ರಭಾಕರ ನಾಯಕ್, ಸಿ.ಎ. ಲೋಕೇಶ್ ಶೆಟ್ಟಿ ಆನಿ ಹೇರ ಉಪಸ್ಥಿತ ಆಶಿಲೆ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 377 guests and no members online