Displaying items by tag: Udupi
ಜಿ ಎಸ್ ಬಿ ಯುವಕ ಮಂಡಳಿಕ 52 ವರಸ°
ಉಡುಪಿ: ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಜಿ ಎಸ್ ಬಿ ಯುವಕ ಮಂಡಳಿ ಹಾಂಗೆಲಿ 52ವೊ° ವಾರ್ಷಿಕೋತ್ಸವ ಆರತಾ° ಚಲೊ. ಹ್ಯಾ ವೇಳಾರ ಚಲೆಲೆ ವೆಗವೆಗಳೆ ಸ್ಪರ್ಧೇಚೆ ವಿಜೇತಾಂಕ ಇನಾ° ವಾಂಟಪ ಆನಿ ಸಾಂಸ್ಕೃತೀಕ ಕಾರ್ಯಕ್ರಮ ಚಲೆ. ಮಣಿಪಾಲ ಮಾಹೆಚೆ ಮ್ಹಾಲ್ಗಡೆ ಸಹಾಯಕ ಪ್ರಾದ್ಯಾಪಕ ರವೀಂದ್ರ ಶೆಣೈ ಮುಖೆಲ ಸೊಯರೆ ಆಶಿಲೆ. "ಶಿಕ್ಷಣ ಆನಿ ಸಂಸ್ಕಾರ ವ್ಹಿಂಗವ್ಹಿoಗಡ ಆಸಾ. ತರನಾಟೆಂಕ ಸಂಸ್ಕಾರ ದಿವಚೆ° ಜಾವಕಾ, ಹ್ಯಾ ನದರೇನ ವೈದಿಕಾನಿ, ಸಮಾಜ ಭಾಂದವಾನಿ ಆನಿ ದೇವಳಾಚೆ ಆಡಳಿತ ಮಂಡಳಿಚಾನಿ ಮೇಳನು ಯೋಜನಾ ಘಾಲಕಾ" ಮ್ಹಣು ತಾಂನಿ° ಉಲೊ ದಿಲೊ. ದೇವಳಾಚೆ ಆಡಳಿತ ಮೋಕ್ತೆಸರ ಪಿ ವಿ ಶೆಣೈ, ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ.
ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ - ಶಾರದಾ ಮಹೋತ್ಸವ
ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚಿ ಶಾರದಾ ಮಾತೆಲಿ ವಿಸರ್ಜನಾ ಅರ್ಚಕ ದಯಾಘನ್ ಭಟ್ ಹಾಂನಿ° ಸಂಪoನ್ನ ಕೆಲಿ. ನರಸಿಂಹ ಕಿಣಿ ಆನಿ ಪಂಗಡಾನ ಭಜನಾ ಸೇವಾ ಕರನು ತೆಪ್ಪೋತ್ಸವ ಚಲೊ. ಮಂಗಳಾ ವಾದ್ಯ ವೇದ ಘೋಷ ಕರನು ದೇವಳಾಚೆ ಪದ್ಮ ಸರೋವರಾಂತು° ಶಾರದಾ ವಿಗ್ರಹಾಚೆ ವಿಸರ್ಜನ ಜಾಲೆ°.
ದೇವಳಾಚೆ ಆಡಳಿತ ಮೋಕ್ತೆಸರ ಪಿ. ವಿ. ಶೆಣೈ, ವಸಂತ್ ಕಿಣಿ, ಮುರಳೀಧರ್ ಭಟ್, ಮಟ್ಟಾರ್ ಗಣೇಶ ಕಿಣಿ, ನರಹರಿ ಪೈ, ವಿಶಾಲ್ ಶೆಣೈ, ಶಾಮ್ ಪ್ರಸಾದ್ ಕುಡ್ವಾ, ಪ್ರದೀಪ್ ರಾವ್, ಆಡಳಿತ ಮಂಡಳಿಚೆ ಸಾಂದೆ, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ. ಶೋಭಾಯಾತ್ರೆಚೆ ವಾಟೇರಿ ತೋರಣ, ದೀಪಾಲಂಕಾರ ಆಶಿಲೆ. ಕೀಲು ಕುದುರೆ, ತಟ್ಟೀರಾಯ, ಸ್ಥಬ್ದ ಚಿತ್ರ° ವೆಂಕಟರಮಣ, ಶ್ರೀ ದೇವಿ, ನರಸಿಂಹ ಅವತಾರ, ರಾವಣ, ನಾಸಿಕ್ ಬ್ಯಾಂಡ್, ಚಂಡೆ ಮೇಳ, ಟಸ್ಸಲೆ ಮಂಗಳ ವಾದ್ಯ ಆಸೂನ ಶೋಭಾಯತ್ರಾ ಜನಾಕರ್ಷಕ ಆಶಿಲೆ.
ವಿಜಯದಶಮಿಚೆ ದೀವಸ ಶ್ರೀ ಶಾರದಾ ದೇವಿಲಕೆ ಸನ್ನಿದಿಂತು° ಸ್ತುತಿ ಪ್ರಭುನ ಭರತ್ಯನಾಟ್ಯ ಸೇವಾ ದಿಲಿ.
ಹ್ಯಾಚ ಸಂದರ್ಭಾರಿ ಶ್ರೀ ಶಿವ ಪ್ರಭಾ ಯಕ್ಷಗಾನ ಮಂಡಳಿ ಶಿವಪುರ ಹಾಂನಿ° ಕೊಂಕಣಿ ಯಕ್ಷಗಾನ "ರಾಣೆ ಶಶಿಪ್ರಭಾ" ಹಾಜೆ° ಪ್ರದರ್ಶನ ಕೆಲೆ°. ರತ್ನಕರ ಶೆಣೈ ಶಿವಪುರ ಹಾಂನಿ° ನಿರ್ದೇಶಕ ಆಣಿ ಭಾಗವತ ಆಶಿಲೆ. ಚಂಡೆರಿ ಗಣೇಶ್ ಶೆಣೈ ಶಿವಪುರ ಆನಿ ಮದ್ದಳೆರಿ ಶ್ರೀಪತಿ ಭಟ್ ಉಡುಪಿ ಹಾಂನಿ° ಸಹಕಾರ ದಿಲೊ.
ಶಾರದೆಲೆ ಸನ್ನಿಧಿಂತು° ಸಾನ ಚೆರಡುವಾಂಕ ಅಕ್ಷರ ಅಭ್ಯಾಸ ಚಲೊ. ವಿನಾಯಕ ಭಟ್ ಹಾಂನಿ° ನಿರ್ವಹಣ ಕೆಲೆ°.
ನವರಾತ್ರಿ ಪ್ರಯುಕ್ತ ದೇವಳಾಂತು° ವಿನಾಯಕ್ ಭಟ್ ಹಾಂಗೆಲೆ ಮಾರ್ಗದರ್ಶನಾರಿ ಚಂಡಿಕಾ ಹವನ ಚಲೊ. ದೇವಾಲೆ ಸನ್ನಿದಿಂತು° ಸಮೂಹಿಕ ಪ್ರಾರ್ಥನಾ, ಯಾಗ ಶಾಲೆಂತು° ಧಾರ್ಮಿಕ ಪೂಜಾ ವಿಧಾನಂ ಚಲೆ. ದಯಘಾನ್ ಭಟ್, ಮೇಘಶಾಮ್ ಭಟ್, ಶಿವಾನಂದ ಭಟ್, ದೀಪಕ್ ಭಟ್ ಆನೀ ಹೇರ ಅರ್ಚಕಾನಿ ಸಹಕಾರ ದಿಲೊ. ಪ್ರಕಾಶ ಶೆಣೈ ದಂಪತಿನ ಯಜಮಾನಪಣ ಘೆತಲೆಂ. ಪೂರ್ಣಾಹುತಿ ಜಾತರಿ ಮಹಾಪೂಜಾ ಉಪರಾಂತ ಸಮಾರಾಧನಾ ಆಶಿಲಿ.
To Support Kodial Khaber click the following button.
ವೈಶವಾಣಿ ಸಮಾಜಾಚೆ ಶಾರದಾ ಮಹೋತ್ಸವಾಚೊ ವಿಸರ್ಜನಾ ಉತ್ಸವ
ಉಡುಪಿ: ಹಾಂಗಾಚೆ ಅಂಬಾಗಿಲು ಸಂತೆಕಟ್ಟೆ ವೈಶವಾಣಿ ಸಮಾಜಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° 29ವೆ° ವರಸಾಚೆ ಶಾರದಾ ಮಹೋತ್ಸವಾಚೊ ವಿಸರ್ಜನಾ ಉತ್ಸವ ದೇವಳಾಚೆ ಪ್ರಧಾನ ಅರ್ಚಕ ಅನಂತ ಭಟ್ ಹಾಂನಿ° ಚಲೋವನ ದಿಲೊ. ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಕಲ್ಯಾಣಪುರಚೆ ಸ್ವರ್ಣಾ ನ್ಹಂಯತು° ವಿಗ್ರಹಾಚೆ ವಿಸರ್ಜಾನಾ ಜಾಲೆ.
To Support Kodial Khaber click the following button.
ಕೌಶಿಕ್ - ಕಾರ್ತಿಕ್ ನಿಪುಣತಾಯೆಚೊ ಖೇಳು - ಅಷ್ಟಭುಜಾಚಿ ದುರ್ಗಾ ದೇವಿ
ಉಡುಪಿ: ಸನಾತನ ಹಿಂದೂ ಪರಂಪರೆoತು° ಪಂಚತತ್ವಾoಕ ಆದ್ಯತಾ ದಿಲೆಲಿ ಆಸಾ. ಅಗ್ನಿ, ಮಾತಿ, ಉದಾಕ, ವಾಯು ಆನಿ ಆಕಾಶ ಪಂಚಭೂತ ಮ್ಹಣೊನ ಘೆತಾತಿ. ಸಗಟ ಜೀವಿ ಹ್ಯಾ ಪಂಚಭೂತಾoಕ ಆಧಾರೂನ ಆಸಾತಿ. ಆರಾಧನಾ ಕ್ರಮಾಂತೂಯಿ ಪಂಚತತ್ವ ಪಳೊವಚಾಕ ಮೆಳತಾ. ವೈದಿಕ ಸಂಸ್ಕೃತಿoತು° ಅಗ್ನಿನಚೀ ಆರಾಧನಾ ಕ್ರಮ ಶುರು ಜಾತಾ. ತ್ಯಾ ದೇಕೂನ ಹೋಮ ಹವನಾದಿಂಕ ಹಿಂದೂ ಧರ್ಮಾಂತು° ಪ್ರಾಶಸ್ತ್ಯ ದಿಲೆಲೆ° ಆಸಾ. ಮುಕಾರಿ ವಿಗ್ರಹಾರಾಧನಾ ಶುರು ಜಾಲೆ°. ತೆ° ಶುರು ಜಾಲೆಲೆ° ಮಾತಿ ವಾಪರೂನ. ದೇವ ದೇವಿಯಾಲೆ° ಮಾತ್ಯೆ ವಿಗ್ರಹ° ಆರಾಧನಾ ಕ್ರಮಾಂತ° ವಾಪೂರಚೆ° ಜಾಲೆಂ. ಕಲಾವಿದಾಲೆ ಕಲ್ಪನಾಕ ಲಾಗೂನ ದೇವ ದೇವಿಯಾಲೆ° ವ್ಹಿಂವ್ಹಿoಗಡ ಗಾತ್ರ ಆನಿ ಭಂಗಿಚೆ° ವಿಗ್ರಹ° ತಯಾರ ಜಾಲಿಂತಿ. ಪ್ರಕೃತಿ ಆರಾಧನಾ ಸರ್ವ ಆರಾಧನೆಚೆ ಮೂಲ. ಹ್ಯಾ ಫಾಟಭೂಂಯಚೆರಿ ವರ್ಷ ಋತು ಆನಿ ಶರದೃತು ಪ್ರಕೃತಿ ವೈಚಿತಾತ್ರ್ಯಕ ಆಸ್ರೊ ಜಾವನು ಆಸಾ. ಹ್ಯಾ ದೀವಸಾಂತು° ಯೆವಚೆ ಗಣೇಶ ಚತುರ್ಥಿ ಆನಿ ಶರನ್ನವರಾತ್ರಿಂತು° ಮಾತ್ಯೆ ವಿಗ್ರಹಾಂಚೆ ಆರಾಧನಾ ಕರಚೊ ಕ್ರಮ ಶುರು ಜಾಲೊ. ತ್ಯಾ ದೆಕೂನು ಗಣೇಶೋತ್ಸವ ವೇಳಾರಿ ಗಣಪತಿ ಆನಿ ನವರಾತ್ರಿ ಸಂದರ್ಭಾರಿ ನವದುರ್ಗೆ, ಶಾರದೆ ಆನಿ ಕಾಳಿಕಾಮಾತೆಲೆ ವಿಗ್ರಹ ರಚನ ಕರನು ಅರ್ಚನಾ ಕರಚೆ ರಿವಾಜ ಶುರು ಜಾಲೆ°. ಕಲಾವಿದ ತಾಂಗೆಲೆ ಕಲಾ ಪ್ರಜ್ಞೆನ ವೈವಿಧ್ಯಮಯ ಭಂಗಿ, ಆಕಾರ ಆಸಚೆ ಮೂರ್ತಿ ತಯಾರ ಕರನು ದೈವೀಕ ಕಳಾ ದಿತಾತಿ.
ತಸಲೆ ಕಲಾವಿದಾ° ಪಯಕಿ ಉಡುಪಿ ಕಿನ್ನಿಮೂಲ್ಕಿಚೆ ಶ್ರೀ ಗಣಪತಿ ಆರ್ಟ್ಸ್ ಸಂಸ್ಥೆಚೆ ಕೌಶಿಕ್ ಆನಿ ಕಾರ್ತಿಕ್ ಬ್ಹಾವಂಡ ದಿಸೂನ ಯೆತಾತಿ. ತಾಂಗೆಲೆ° ಪರಂಪರಾಗತ ಕಲಾವಿದಾಂಚೆ ಘರಾಣೆ. ಬಾಪಸೂನ ಸಾಬಾರ 50 ವರಸ° ವಿಗ್ರಹ ರಚನ ಕೆಲೆಲೆ° ಆಸಾ. ತಾಗೆಲೆ ನಂತರ ಚೆರಡುವ° ಜಾವನು ಆಸಚೆ ಕೌಶಿಕ್ ಆನಿ ಕಾರ್ತಿಕ್ ಹಾಂನಿ° ಕಲಾ ನೈಪುಣ್ಯ ಆಪಣಾಯಲೆ°. ಗಣೇಶೋತ್ಸವ ಸಂದರ್ಭಾರಿ ಸಾಬಾರ ಘರಾಂತ ಪ್ರತಿಷ್ಠಾಪನ ಜಾವಚೆ ವಿಗ್ರಹ° ರಚನ ಕರಚೆ° ಹಾಂನಿ° ಕರತಾತಿ. ಹರ ವರಸ ಸಾಬಾರ 50ಕಯಿ ಚಡ ಘರಾಂ ದಾಕೂನ ಹಾಂಕಾ° ಮಾಘಣಿ ಆಸತಾ. ವರಸಾನ ವರಸ ಹೆಂ ಚಡ ಜಾತಾ ಆಸಾ. ಹಾಜೆ ಸಾಂಗತ ಕಿನ್ನಿಮೂಲ್ಕಿ, ಮಾರುತಿ ವೀಥಿಕಾ, ಹಾವಂಜೆ ಆನಿ ಹೇರ ಸ್ಥಳಾಂಚೆ ಸಾರ್ವಜನಿಕ ಗಣೇಶೋತ್ಸವಾಂತಯಿ ಹಾಂನಿ° ರಚನ ಕೆಲೆಲೆ° ಗಣಪತಿ ವಿಗ್ರಹ° ಪೂಜಿತಾತಿ. ಗಣೇಶೋತ್ಸವ ನಂತಾ° ಶರನ್ನವರಾತ್ರಿಚೆ ಶಾರದಾ ಮೂರ್ತಿ ರಚನಾಯಿ ಹಾಂನಿ° ಕರತಾತಿ. ವಿಶೇಷ ಜಾವನು ಬಂಗಾಳ ರಾಜ್ಯಾಂತು° ಆಚರಣ ಕರಚೆ ಕಾಳಿಕಾ ಪೂಜೆಕ ಜಾವಕಾ ಜಾಲೆಲೆ ಕಾಳಿಕಾ ಮಾತೆಲೆ ಅಷ್ಟಭುಜೆ ದೇವಿಲೆ ವಿಗ್ರಹ ಶ್ರೀ ಗಣಪತಿ ಆರ್ಟ್ಸ್ ಹಾಂಗಾ ತಯಾರ ಜಾತಾತಿ. ಉಡುಪಾಂತು° ಬಿಡಾರ ಕರನು ಆಸಚೆ ಬಂಗಾಳಿ ಸಮಾಜಾಚೆ ಲೋಕಾಂ ಕಾತಿರ ಹಿ° ವಿಗ್ರಹ° ತಯಾರ ಜಾತಾತಿ. ಮಣಿಪಾಲ ಟ್ಯಾಪ್ ಮಿ ವಿದ್ಯಾರ್ಥಿಯಾಲೆ ಮಾಘಣಿ ಪ್ರಮಾಣೆ ಹ್ಯಾ ಪಾವಟಿ ಅಷ್ಟಭುಜೆ ದುರ್ಗಾ ದೇವಿ ಮೂರ್ತಿ ರಚನಾ ಜಾಲಾ°. ಕೌಶಿಕ್ - ಕಾರ್ತಿಕ್ ವಿಗ್ರಹ ರಚನ ಕರಚಾಕ ಯಂತ್ರೋಪಕರಣ ವಾಪೂರನಾತಿ. ಹಾತಾನಚಿ ವಿಗ್ರಹಾಂಕ ರೂಪ ದಿತಾತಿ. ರಾಸಾಯನಿಕ ರಹಿತ ರಂಗ ವಾಪೂರತಾತಿ.
Click Support Us to support Kodial Khaber
ಫ್ಯೂಷನ್ ಒಫ್ ಕಲರ್ಸ್ - ಚಿತ್ರಕಲಾ ಪ್ರದರ್ಶನ
ಉಡುಪಿ: ಗಾಂಧಿ ಜಯಂತಿ ಪ್ರಯುಕ್ತ ಹಾಂಗಾಚೆ ಕುಂಜಿಬೆಟ್ಟುಚೆ ಇನಾಯತ್ ಆರ್ಟ್ ಗ್ಯಾಲರಿ ಹಾಜೆ ಸ್ಥಾಪಕ ಲಿಯಾಖತ್ ಆಲಿ ಹಾಂನಿ° ತಾಂಗೆಲೆ ಆರ್ಟ್ ಸ್ಕೂಲಾಂತು° ತರಬೇತಿ ಫಾವೊ ಕೆಲೆಲೆ 38 ಸೀನಿಯರ್ ವಿದ್ಯಾರ್ಥಿಯಾಲೆ° ಫ್ಯೂಷನ್ ಒಫ್ ಕಲರ್ಸ್ - ಚಿತ್ರಪ್ರದರ್ಶನ ಅ. 2 ದಾಕೂನ 4 ತಾಂಯ ಸಕಾಳಿ 10 ದಾಕೂನ ಸಾಂಜವೇಳಾ 7 ತಾಂಯ ಆಯೋಜನ ಕೆಲೆ°. ಕನ್ನಡ ಸಂಸ್ಕೃತಿ ಇಲಾಖೆ ಉಡುಪಿ ಜಿಲ್ಲಾ ಹಾಜಿ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಹಾಂನಿ° ಮುಖೆಲ ಸೊಯ್ರೆ ಆಶಿಲೆ. "ಕಲಾ ಚೆರಡುವಾಂಲೆ° ಭವಿಷ್ಯ ಉಜ್ವಲ ಕರತಾ, ಕಲಾಸಕ್ತ ಮನ ಆಶಿಲ್ಯಾನಿ ಅಪರಾಧ ಕರಚಾಕ ಸಾಧ್ಯ ನಾ. ವ್ಹಡಿಲಾನಿ ಚೆರಡುವಾಂಕ ಚಿತ್ರಕಲೆಂತು° ಉಮೇದಿ ವಾಡೊಚೆ° ಕರಕಾ.' ಮ್ಹಣು ತಿಣೆ ಸಾಂಗಲೆ°. ನರಸಿಂಹ ಮೂರ್ತಿ, ಅನಂತ್ ಶೇಟ್, ಮೊಹನ್ ಕೃಷ್ಣ, ಸುಧೀಂದ್ರ ಭಂಡಾರಿ, ಕರಮತ್ ಆಲಿ, ಗುರುರಾಜ್ ಎಂ ಶೇಟ್, ಅಶ್ವಿನಿ ಭಟ್, ಅಧಿಬ ಆಲಿ ಆನಿ ಹೇರ ಉಪಸ್ಥಿತ ಆಶಿಲೆ.
Click Support Us to support Kodial Khaber
ದರ್ಬೊ ವಾಪರೂನ ಸಾತ ಹೆಡೊ ಆಸಚೆ ನಾಗದೇವಾಲಿ ಬಿಂಬ ಸ್ವರೊಪ ಆಸಚಿ ಕಲಾಕೃತಿ ರಚನಾ
ಉಡುಪಿ: ಹಾಂಗಾ ಲಾಗಿಚೆ ಕಲ್ಯಾಣಪುರ ಶ್ರೀ ರಾಮಂಜನೇಯ ದೇವಳಾಂತು° ಅರ್ಚಕ ಜಾವನು ಆಸಚೆ ವೇದಮೂರ್ತಿ ಕಾಶೀನಾಥ್ ಭಟ್ ಹಾಂನಿ° ಮಾಕ್ಷಿಚೆ 35 ವರಸ ದಾಕೂನ ಶ್ರೀ ಅನಂತ ಪದ್ಮನಾಭ ವೃತ(ನೋಪಿ) ಪೂಜಾ ಆಚರಣ ಕರಚಾಕ ಜಾವಕಾ ಜಾಲೆಲೆ ಅನಂತ ಶೇಷನಾಗ, ತಾಂತೂಯಿ ವಿಶೇಷ ಜಾವನು ಅಷ್ಟ ಪವಿತ್ರ ನಾಗಮಂಡಲಾಚೆ ರೂಪಾರಿ ದರ್ಬೊ ವಾಪರೂನ ಸಾತ ಹೆಡೊ ಆಸಚೆ ನಾಗದೇವಾಲಿ ಬಿಂಬ ಸ್ವರೊಪ ಆಸಚಿ ಕಲಾಕೃತಿ ರಚನ ಕರನು ಉಡುಪಿ ಪರಿಸರಾಚೆ ದೇವಳಾಂಕ ಫುಕಟ ಜಾವನು ಸೇವಾ ದಿತಾ ಆಸಾತಿ. ಜಿ ಎಸ್ ಬಿ ಸಮಾಜಾಚೆ ಪುರೋಹಿತ ವೇದಮೂರ್ತಿ ಕಾಶಿ ಭಟ್ಟ ಹಾಂನಿ° ತಾಂಗೆಲೊ ಬಾಪುಸು ಹರಿನಾರಾಯಣ ಭಟ್ಟ ಹಾಂಗೆಲಾಗಿ ಹಿ ವಿದ್ಯಾ ಶಿಕಲ್ಯಾಂತಿ. ಹ್ಯಾ ಕಲಾಕೃತಿಕ ಜಾವಕಾ ಜಾಲೆಲೊ ದರ್ಬೊ ಕೆಮ್ಮಣ್ಣು ಪ್ರದೇಶಾ ದಾಕೂನ ಹಾಡೂನ ಪಂದ್ರಾ ದೀವಸ ತಾಂಗೆ ಘರಾಂತು° ಸಮತಟ್ಟ ಕರನು ಫಾಡೆ ಘಾಲನು 2 ಫುಟ ಊಂಚಾಯೆಚೆ ಸಾತ ಹೆಡೆಂಚೆ ನಾಗದೇವಾಲೆ ಬಿಂಬ ಸ್ವರೂಪಾಚಿ ಕಲಾಕೃತಿ ರಚನಾ ಕರತಾತಿ. ಹ್ಯಾ ಪಾವಟಿ ಸಾಬಾರ 19 ಬಿಂಬ ಕಲಾಕೃತಿ ರಚನ ಕರನು ಉಡುಪಿ ಪರಿಸರಾಚೆ ಉದ್ಯಾವರ ವೀರ ವಿಠಲ್ ದೇವಸ್ಥಾನ, ಚೇಂಪಿ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನ, ತೆಂಕಪೇಟೆಚೆ ಆಚಾರ್ಯ ಮಠ, ಕಲ್ಯಾಣಪುರಚೆ ಶ್ರೀ ವೆಂಕಟರಮಣ ದೇವಸ್ಥಾನ, ಬ್ರಹ್ಮಾವರ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ಆನಿ ಮ್ಹಾಲ್ಗಡೆಲೆ ಘರವಂದಾಕ ಫುಕಟ ಜಾವನು ದಿಲೆಲೆ° ಆಸಾ. ಹ್ಯಾ ಅಪರುಬಾಯೆಚಿ ಕಲಾ ತಾಂಗೆಲೆ ಸಾಂಗತ ಸೇಚವಾ ದಿವಚೆ ಅರ್ಚಕಾಂಕ, ಚೆರಡುವಾಂಕ, ಬಾಯಲ ಭಾಗ್ಯಲಕ್ಷ್ಮೀ ಭಟ್, ಸೂನ್ನಾಂಕ ತರಬೇದಿ ದಿತಾ ಆಸಚೆ ಹಾಂನಿ° ಹಿ ಕಲಾ ಮುಕಾವಯಲೆ ಪೀಳಗಿಕ ವರಕಾ ಮ್ಹಳೆಲೆ ಪ್ರಯತ್ನ ಕರತ ಆಸಾತಿ. ವೇದಮೂರ್ತಿ ಕಾಶೀನಾಥ್ ಭಟ್ ಹಾಂನಿ° ಉಡುಪಿ ನಯಂಪಳ್ಳಿ ಕಾಶೀಮಠ, ಶ್ರೀ ರಾಮ ಮಂದಿರ ದೊಂಡೇರοಗಡಿ, ಶ್ರೀ ವೀರ ವಿಠಲ್ ದೇವಸ್ಥಾನ ಭದ್ರಗಿರಿ, ಶ್ರೀ ರಾಮಂಜೇನೆಯ ದೇವಸ್ಥಾನ ಕಲ್ಯಾಣಪುರ ಆನಿ ಹೇರ ದೇವಳಾಂತ ಧಾರ್ಮಿಕ ಕಾರ್ಯ, ಹೋಮ, ಯಜ್ಞ ಆಸಚೆ ದೀಸಾಂತು°, ನಾಗಮಂಡಲ, ಆಶ್ಲೇಷಾ ಬಲಿ, ನಾಗ ಪ್ರತಿಷ್ಠಾ ಸಂದರ್ಭಾರ ಸೇವಾ ದಿತಾ ಆಸಾತಿ.
ಕರ್ನಾಟಕ ರಾಜ್ಯ ಟೀಮಾಕ ಉಡುಪಿಚೋ ನಿಶ್ಚಿತ್ ನಾಗರಾಜ್ ಪೈ
ಉಡುಪಿ: ಹೈದರಬಾದಾಂತು ಅ. 12 ದಾಕುನು 20 ತಾಂಯ ಚಲಚಾ ಆಸಚೆ ಬಿ ಸಿ ಸಿ ಐ ಅಂಡರ್ 19 - ವಿನೂ ಮಾಂಕಾಡ್ ಟ್ರೋಫಿ 2023-24 ಕರ್ನಾಟಕ ರಾಜ್ಯ ಟೀಮಾಕ ಉಡುಪಿಚೋ ನಿಶ್ಚಿತ್ ನಾಗರಾಜ್ ಪೈ ಹಾಗೆಲೆ ವಿಂಚವಣ ಜಾಲಾಂ. ಹೊ ಬೆಂಗಳೂರಚೇ ಜೈನ್ ಯುನಿವರ್ಸಿಟಿತುಂ ಬಿ.ಕಾಂ ಪಯಲೆಂ ವರಸಾಚೋ ವಿದ್ಯಾರ್ಥಿ ಆಸಾ ಆನಿ ಉಡುಪಿಚೇ ಕೆ ನಾಗರಾಜ್ ಪೈ ಆನೀ ಉಜ್ವಲ್ ಕಿರಣ್ ಹಾಂಗೆ ಲೋ ಪುತು ಜಾವನು ಆಸಾ.
ಉಡುಪಿ ಕಲ್ಯಾಣಪುರ ಗಣೇಶ ವಿಸರ್ಜನಾ
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಗಣೇಶ ವಿಗ್ರಹ ವಿಸರ್ಜನಾ ಶೋಭಾಯಾತ್ರಾ ಶನಿವಾರ (ಸೆ.23) ಸಾಂಜವೇಳಾ ಚಲೆ. ದೇವಳಾಂತು° ಪೂಜಿಲೆಲೆ 12 ಗಣೇಶ ಮೂರ್ತಿಚೆ ಸಾಂಗತ ದೇವಳಾಚೆ ಮಹಾಗಣಪತಿಕ ರುಪ್ಯಾ ಪಾಲ್ಲಕಿ ಉತ್ಸವಾರಿ ಮಂಗಳ ವಾದ್ಯ, ವಾಘಾ ವೇಸ ಸಹಿತ ಮೆರವಣಿಗಾ ಚಲಿ. ದೇವಳಾ ದಾಕೂನ ಭಾಯರ ಸರಲೆಲಿ ಮೆರವಣಿಗಾ ಐಡಿಯಲ್ ಸರ್ಕಲ್ - ಪೊರನೆ ಪೋಸ್ಟ್ ಆಫೀಸ್ ರಸ್ತೊ - ಡಯಾನಾ ಸರ್ಕಲ್ - ಕವಿ ಮುದ್ದಣ್ಣ ಮಾರ್ಗ - ತ್ರಿವೇಣಿ ವೃತ್ತ - ಪೋಸ್ಟ್ ಆಫೀಸ್ ರಸ್ತೊ - ಸಂಸ್ಕೃತ ಕಾಲೇಜು ಸರ್ಕಲ್ - ಮಾರುತಿ ವಿಥಿಕ ರಸ್ತೊ - ಚಿತ್ತರಂಜನ್ ಸರ್ಕಲ್ - ಮೈಸೂರ್ ಸ್ಟೀಲ್ ರಸ್ತೊ - ತೆಂಕುಪೇಟೆ ಜಾವನು ಪರತೂನ ದೇವಳಕಾ ಪಾವಲಿ. ಉಪತಾಂತ ದೇವಳಾಚೆ ಪದ್ಮ ಸರೋವರಾಂತು° ಶ್ರೀ ಗಣೇಶ ವಿಗ್ರಹಾಚೆ ವಿಸರ್ಜನಾ ಚಲೆ. ಅರ್ಚಕ ವಿನಾಯಕ ಭಟ್ , ದಯಾಘನ್ ಭಟ್, ಗಿರೀಶ ಭಟ್ ಹಾಂನಿ° ಧಾರ್ಮಿಕ ಪೂಜಾ ವಿಧಿ ವಿಧಾನ ಸಂಪನ್ನ ಕೆಲೆ°. ದೇವಳದ ಆಡಳಿತ ಮಂಡಳಿಚೆ ಸಾಂದೆ, ಜಿ ಎಸ್ ಬಿ ಯುವಕ ಮಂಡಳಿ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜ ಬಾಂದವ ಉಪಸ್ಥಿತ ಆಶಿಲೆ.
ತ್ಯಾಚ ದೀವಸ ಸಾಂಜವೇಳಾ ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ಗಣೇಶ ವಿಸರ್ಜನಾ ಮೆರವಣಿಗಾ ಚಲಿ. ಗಾಂವಚೆ ಪ್ರಮುಖ ಬೀದಿಂತು° ಮೆರವಣಿಗಾ ಚಲನು ಸ್ವರ್ಣ ನ್ಹಂಯತು° ವಿಸರ್ಜಾನ ಚಲೆ. ದೇವಳಾಚೊ ಆಡಳಿತ ಮೋಕ್ತೆಸರ ಅನಂತ ಪದ್ಮನಾಭ ಕಿಣಿ ಹಾಂಗೆಲೆ ಮಾರ್ಗದರ್ಶನಾರಿ ದೇವಳಾಚೆ ಪ್ರಧಾನ ಅರ್ಚಕ ಜಯದೇವ ಭಟ್, ಗಣಪತಿ ಭಟ್ ಹಾಂನಿ° ಧಾರ್ಮಿಕ ಪೂಜಾ ವಿಧಾನ ಸಂಪನ್ನ ಕೆಲೆ°. ಜಿ ಎಸ್ ಬಿ ಸಭಾ ಸದಸ್ಯ ಆನಿ ಭಕ್ತವೃಂದ ಉಪಸ್ಥಿತ ಆಶಿಲೆ.
ಕನ್ಸಲ್ಟಿಂಗ್ ಎಂಜಿನಿಯರ್ ರಾಜೇಶ್ ಶೇಟ್ ಹಾಂಕಾ° ಸನ್ಮಾನ
ಉಡುಪಿ: ಹಾಂಗಾಚೆ ಬ್ರಹ್ಮಗಿರಿಚೆ ಎ. ಜಿ. ಎಸೋಸಿಯೇಟ್ಸ್ ಸಭಾಂಗಣಾοತು° ಆರತಾ° ಎಂಜಿನಿಯರ್ಸ್ ದೀವಸ ಆಚರಣ ಜಾಲೊ. ಹ್ಯಾ ಸಂದರ್ಭಾರಿ ಕನ್ಸಲ್ಟಿಂಗ್ ಎಂಜಿನಿಯರ್ ರಾಜೇಶ್ ಶೇಟ್ ಹಾಂಕಾ° ಸನಮಾನ ಚಲೊ. ಲೋಕೋಪಯೋಗಿ ಇಲಾಖೆಚೊ ನಿವೃತ್ತ ಕಾರ್ಯನಿರ್ವಾಹಕ ಅಭಿಯಂತರ ಉಮೇಶ್ ಭಟ್ ಮುಖೇಲ ಸೊಯುರೆ ಆಶಿಲೆ. "ಎಂಜಿನಿಯರ ಲೋಕಾನಿ ಸರ್ ಎಂ. ವಿಶ್ವೇಶ್ವರಯ್ಯ ಹಾಂಗೆಲೆ ಪಾಯವಾಟೆರಿ ಚಲಕಾ" ಮ್ಹಣು ಉಲೊ ದಿಲೊ. ಎಕಿ ಯೋಜನಾ ಸಕಾಲಾರಿ ಪೂರ್ಣ ಜಾಯನಿ ಜಾಲ್ಯಾರಿ ಖರ್ಚು ಚಡತಾ ಸಾರ್ವಜನಿಕಾಲೊ ದುಡು ವಾಯಟ ಜಾತಾ ಮ್ಹಣು ತಾಂನಿ° ಸಾಂಗಲೆ°. ಎಂ. ಡಿ. ಎಸೋಸಿಯೇಟ್ಸ್ ಕನ್ಸಲ್ಟಿಂಗ್ ಎಂಜಿನಿಯರ್ ಎಂಡ್ ಬಿಲ್ಡರ್ ಎಂ. ಡಿ. ಗಣೇಶ್, ಎ. ಜಿ. ಎಸೋಸಿಯೇಟ್ಸ್ ವಾಂಟೆಲಿ ಯೋಗೀಶಚಂದ್ರ ಧರ್, ಶೈಲೇಶ್ ಉಪಸ್ಥಿತ ಆಶಿಲಿಂತಿ. ರಂಜಿತಾನ ಪ್ರಾರ್ಥನಾ ಸಾಂಗಲಿ. ಎ. ಜಿ. ಎಸೋಸಿಯೇಟ್ಸ್ ವಾಂಟೆಲಿ ಎಂಜಿನಿಯರ್ ಗೋಪಾಲ ಭಟ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಮಹೇಶ್ ಹಲ್ಸನಾಡ್ ಹಾಂನಿ° ಬೀಜ ಭಾಷಣ ಕೆಲೆ°. ಆರ್ಕಿಟೆಕ್ಟ್ ನೀತಿ ಹೆಗ್ಡೆನ ಪ್ರಾಸ್ತಾವಿಕ ಉತ್ರ° ಸಾಂಗಲಿ°. ಗ್ರೀಷ್ಮಾ ಧರ್ ಹಾಂನಿ° ಆಬಾರ ಮಾನಲೊ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 97 guests and no members online