ಮಂಗಳೂರು: ಡಾ. ಟಿ.ಎಮ್.ಎ ಪೈ ಪ್ರತಿಷ್ಠಾನಾನ 2023 ವರಸಾಕ ಪ್ರದಾನ ಕರಚೆ "ಉತ್ಕೃಷ್ಠ ಕೊಂಕಣಿ ಪುಸ್ತಕ ಪುರಸ್ಕಾರ" ಪ್ರೋ. ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಬರಯಿಲೆ° "ಮಹಾಪ್ರಸ್ಥಾನ ಕೊಂಕಣಿ ಕಾದಂಬರಿಕ ಫಾವೊ ಜಾಲಾ°, ಹ್ಯಾ ಬದಲ ಲೇಖಕಾಕ ತಾಂಗೆಲೆ ಅಭಿಮಾನಿ ಲೋಕಾನ ಮೇಳನು ತಾಂಕಾ° ಸನ್ಮಾನ ಕರಚೆ° ಠರಯಲಾ° ಮ್ಹಣು ಸನ್ಮಾನ ಸಮಿತಿಚೊ ಮುಖೇಲ ಸಂಚಾಲಕ ಎಂ. ಆರ್. ಕಾಮತ್ ಹಾಂನಿ° ಆಜಿ ಘಡಲೆಲೆ ಪತ್ರಿಕಾ ಪರಿಶದೆಂತು° ಸಾಂಗಲೆ°. ಶನಿವಾರ ಸೆಪ್ಟೆಂಬರ್ 20ಕ ಸಾಂಜವೇಳಾ 4.00 ಗಂಟೆಕ ಮಂಗಳೂರು ಮಲ್ಲಿಕಟ್ಟೆಚೆ ಲಯನ್ಸ್ ಸೇವಾ ಮಂದಿರಾoತು° ಹೊ ಕಾರ್ಯಕ್ರಮ ಘಡತಲೊ ಮ್ಹಣು ತಾಣೆ ಕಳಯಲೆ°.
ಮಾಕ್ಷಿಚೆ 50 ವರಸ ದಾಕೂನ ಕೊಂಕಣಿ ಭಾಶೆಚೆ ತಾಂತೂಯಿ° ಮುಖ್ಯ ಜಾವನು ಶಾಳೆಂತು° ಕೊಂಕಣಿ ಶಿಕ್ಷಣಾ ಬದಲ ಸೇವಾ ದಿಲೆಲೆ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ವಿಶ್ವ ಕೊಂಕಣಿ ಕೇಂದ್ರಾಚೆ ಗೌರವ ಕಾರ್ಯದರ್ಶಿ ಆನಿ ಜಿ.ಎಸ್.ಬಿ ಸೇವಾ ಸಂಘ ಮಂಗಳೂರು ಹಾಜೆ ಅಧ್ಯಕ್ಷ ಜಾವನು ಆಸಾತಿ. ಡಾ. ಕಸ್ತೂರಿ ಮೋಹನ ಪೈ ಹಾಂಗೆಲಿ ಸಾಧನಾ ಮಾನೂನ ಘೆವನು ಗೋವಾ ಸರಕಾರಾಚೆ 'ಮಾಧವ ಮಂಜುನಾಥ ಜನಪದ ಸೇವಾ ಪುರಸ್ಕಾರ', ಪುರುಷೊತ್ತಮ ಕಾಕೋಡಕರ್ ದತ್ತಿ ಪುರಸ್ಕಾರ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುರಸ್ಕಾರ, ಕರ್ನಾಟಕ ರಾಜ್ಯ ಸರಕಾರಾಚೆ ಕೊಂಕಣಿ ಪಠ್ಯ ಪುಸ್ತಕ ರಚನಾ ಸಮಿತಿಚಿ ಅಧ್ಯಕ್ಷತಾ, ಬರಗೂರು ರಾಮಚಂದ್ರಪ್ಪ ಪರಿಷ್ಕರಣಾ ಸಮಿತಿಚೆ ಸಾಂದೆಪಣ, ಕೊಂಕಣಿ ಭಾಷಾ ಮಂಡಳ ಕರ್ನಾಟಕ ಪುರಸ್ಕಾರ ಹಾಂಕಾ° ಲಾಭಲ್ಯಾ. ಹಾಂನಿ° ಬರಯಿಲಿ ಕನ್ನಡ ಕಾದಂಬರಿ "ಧ್ರುವತಾರೆ" ನಾವಾದೀಕ ಆಸಾ. ಕೊಡಿಯಾಲ ಖಬರ ಸಹಿತ ವೆಗವೆಗಳೆ ಪತ್ರಾಂತು° ಹಾಂನಿ° 250ಕಯೀ ಚಡ ಕೊಂಕಣಿ ಲೇಖನ ಬರಯಿಲೆಂ ಆಸಾ. ಗಳನ್ನು ಬರೆದಿರುತ್ತಾರೆ. ಕಾರ್ಯಕ್ರಮಾಚೆ ಅಧ್ಯಕ್ಷತಾ ವಿಶ್ವ ಕೊಂಕಣಿ ಕೇಂದ್ರಾಚೊ ವಿಶ್ವಸ್ಥ, ನ್ಯೂ ತಾಜಮಹಲ ಕೆಫೆ ಹಾಜೊ ಆಡಳಿತ ನಿರ್ದೇಶಕ, ದ.ಕ. ಜಿಲ್ಲಾ ಹೋಟೆಲು ಮಾಲಕರ ಸಂಘಾಚೊ ಅಧ್ಯಕ್ಷ ಕುಡ್ಪಿ ಜಗದೀಶ ಶೆಣೈ ಘೆತಾತಿ ಮ್ಹಣು ಕಾಮತ್ ಹಾಂನಿ° ಸಾಂಗಲೆ°. ಪತ್ರಿಕಾ ಪರಿಶದೆಂತು° ಡಾ. ಎ. ರಮೇಶ ಪೈ, ಗೀತಾ ಸಿ. ಕಿಣಿ, ಗೋವಿಂದರಾಯ ಪ್ರಭು, ಶಾಂಭವಿ ಪ್ರಭು, ವೆಂಕಟೇಶ ಎನ್. ಬಾಳಿಗಾ, ಮೋಹನದಾಸ ಪೈ ಉಪಸ್ಥಿತ ಆಶಿಲೆ.

To Support Kodial Khaber click the following button.

 विश्व कोंकणी केंद्राचे अध्यक्ष सी ए नंदगोपाल शेणै हांगेले मुखेल पणारी केंद्राचे कोंकणी शिक्षण नियोग मानेसत जिल्लाधिकारीक  भेट करूनू नवीन द्विभाषा नीती थावन तिसरे भास कोंकणी शिकवणेक अडकळ यानाशी पोळोवका म्होणू, मान्य मुख्यमंत्रिंक  उद्देशिसुनू एक  मनवी दिलें. नियोगांत उपाध्यक्षराद डी. रमेश नायक, काऱ्यदर्शी डा कसतूरी मोहन पै, कोशाधिकारी बी आर भट, सी ए ओ डा बी देवदास पै, एं आर कामत, प्रभा भट, मोहनदास पै, राधिका पै,  उषा मोहन पै, विद्या पै, शांभवी प्रभू हान्नी उपस्थीत आशिलिंची.

ಮಂಗಳೂರು : ಮಾಕ್ಷಿಚೆ ಚಾರ ದಶಕಾ ದಾಕೂನು ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ಕರೂನ ಆಸಚೆ ಹಾಂಗಾಚೆ ಕೊಂಕಣಿ ಸಾಂಸ್ಕೃತಿಕ ಸಂಘ ಹಾಂನಿ° ಅ.23ಕ "ಕೊಂಕಣಿ ಮಾನ್ಯತಾಯ್ ದಿವಸ" ಆಚರಣ ಕೆಲೊ. ಕೆನರಾ ಶಾಳೆಚೆ ಶ್ರೀ ಸುಧೀಂದ್ರ ಸಭಾಭವನಾಂತು° ಚಲೆಲೆ ಹ್ಯಾ ಕಾರ್ಯಕ್ರಮಾಚೆ ಉಗ್ತಾವಣ ಶಾಸಕ ಡಿ. ವೇದವ್ಯಾಸ ಕಾಮತ್ ಹಾಂನಿ° ದೀವೊ ಲಾವನು ಕೆಲೊ. "ಕೊಂಕಣಿ ಎಕಿ ಸಮೃದ್ಧ ಭಾಸ. ವೆಗವೆಗಳೆ ಧರ್ಮಾಚೆ ಆನಿ ವ್ಹಿಂಗವ್ಹಿoಗಡ ಪಂಗಡಾಚಾಲಿ ಮಾತೃಭಾಸ ಜಾವನು ಆಸಾ. ಮ್ಹಾಲ್ಗಡೆಲೆ ನಿಸ್ವಾರ್ಥ ಸೇವೆಚೆ ನಿಮಿತ ಆಮಗೆಲೆ ಭಾಶೆಕ ಸರ್ವ ಸ್ಥಾನಮಾನ° ಮೆಳ್ಯಾಂತಿ. ತೆ° ವರೋನ ಹಾಡಚಿ ಜಬಾಬ್ದಾರಿ ಆಮಗೆಲಿ ಜಾವನು ಆಸಾ. ಆಮಿ ಸಗಟಾನ ಮೇಳನು ತೆ° ಕರೂಂಕ ಜಾಯ" ಮ್ಹಣು ತಾಣೆ ಸಾಂಗಲೆ°.
ಎಸ್ ಎಲ್ ಶೇಟ್ ಜ್ಯುವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೊ ಮಾಲಕು ಪ್ರಶಾಂತ್ ಶೇಟ್ ಮುಖೇಲ ಸೊಯ್ರೆ ಆಶಿಲೆ. "ಮೆಗೆಲೊ ಬಾಪೂಸು ದೇವಾದಿನ ಎಂ. ರಘುನಾಥ್ ಶೇಟ್ ಹಾಂನಿ° ಕೊಂಕಣಿ ಭಾಸೆಚೆ ಝುಜಾಂತು° ಮುಕಾರ ಆಶಿಲೆ. ತಾಂಗೆಲೆ ಮಾರ್ಗದರ್ಶನಾಚೆ ವಾಟೆರಿ ಕೊಂಕಣಿ ಭಾಶೆಚಿ ಸೇವಾ ಕರಚಾಂತು° ಹಾಂವ° ಆಸತಲೊ. ಜಾತಿ ಮತ ಭೇದ ಕರನಾಶಿ° ಆಮೀ ಸಗಟ ಮೇಳನು ಮಾತೃಬಾಸ ಕೊಂಕಣಿಚಿ ಸೇವಾ ಕರೂಯಾ°" ಮ್ಹಣು ತಾಣೆ ಉಲೋ ದಿಲೊ.
ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕೊಂಕಣಿ ಮಾನ್ಯತಾ ದೀಸಾಚೊ ಸಂದೇಶ ದಿಲೊ. "ಸರಕಾರಾನಿ ಆಮಗೆಲೆ ಭಾಶೆಕ ದಿವಕಾ ಜಾಲೆಲೆ ಸಗಟ ಮಾನ್ಯತಾಯ ದಿಲೆಲೆ ಆಸಾ. ದೇಶಾಚೆ ಸಂವಿಧಾನಾಚೆ 8ವೇ ವಳೇರಿಂತು° ಸ್ಥಾನ, ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ ಮಾನ್ಯತಾ, ಶಾಳಾ ಕಾಲೇಜಾಂತು° ಕೊಂಕಣಿ ಶಿಕ್ಷಣ, ಕೊಂಕಣಿ ಎಂ. ಎ. ಕರಚಾಕ ಅವಕಾಶ, ಜ್ಞಾನಪೀಠ ಪ್ರಶಸ್ತಿ, ಸರಸ್ವತಿ ಸಮ್ಮಾನ ಅಶೆ° ಸರ್ವ ಮಾನ್ಯತಾ ಆಮಗೆಲಿ ಮಾತೃಭಾಸ ಕೊಂಕಣಿಕ ಮೆಳೆಲಿ ಆಸಾ. ಆಜಿ ಆಮಿ ಕೊಂಕಣಿ ಶಿಕ್ಷಣಾಕ ಚಡ ಮಹತ್ವ ದಿವಚೆ° ಗರಜೆಚೆ° ಆಸಾ. ಬರೊವಚೆ ಆನಿ ವಾಚೂಚೆ° ಕರನಾಶಿ° ಖಂಚೆಯಿ ಭಾಸ ವರನಾ" ಮ್ಹಣು ತಾಣೆ ಸಾಂಗಲೆ°.
ಹ್ಯಾಚ ಕಾರ್ಯಕ್ರಮಾಂತು° ಸಂಘಾಚೊ ಸಂಸ್ಥಾಪಕ ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂಗೆಲೆ ಸಂಸ್ಮರಣ ಜಾಲೆ°. ಸ್ಥಾಪಕ ಸಾಂದೊ ಸವನಾಳ ಜನಾರ್ಧನ ರಾವ್ ಹಾಂನಿ ಸ್ಥಾಪಕಾಲೆ° ಗುಣಗಾನ ಕೆಲೆ°. ಸ್ಥಾಪಕಾಲೆ ಕುಟುಂಬೆ ತರಪೇನ ಸೂನ ಮಿತ್ರಾ ಪ್ರಭು ಉಪಸ್ಥಿತ ಆಶಿಲಿ. ಕೆನರಾ ಹೈಸ್ಕೂಲ್ ಅಸೋಸಿಯೇಷನಾಚೊ ಸಿ. ಎ. ವಾಮನ್ ಕಾಮತ್ ಆನಿ ಉದ್ಯಮಿ ಯಜ್ಞವಂತ ಪೈ ಮಾನಾಚೆ ಸೊಯ್ರೆ ಆಶಿಲೆ.
ಕೊಂಕಣಿ ಸಾಧಕ ಪ್ರಕಾಶ ನಾಯಕ ಆನಿ ಗೌರಿ ಆರ್. ಮಲ್ಯ ಹಾಂಕಾ° ದೇವಾದಿನ ಎಂ. ರಘುನಾಥ್ ಶೇಟ್ ಸ್ಮಾರಕ ಪ್ರಶಸ್ತಿ ದೀವನು ಸನ್ಮಾನ ಚಲೊ. ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ ಹಾಂನಿ ಯೆವ್ಕಾರ ಮಾಘಲೊ. ಕಾರ್ಯದರ್ಶಿ ಸುವರ್ಣಿ ಪಡಿಯಾರಾನ ಆಬಾರ ಮಾನಲೊ. ರತ್ನಾಕರ ಕುಡ್ವ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಂಘಾಚೆ ಸಾಂದ್ಯಾನಿ ಬಿ. ವಿ. ಬಾಳಿಗಾ ಹಾಂಗೆಲಿ ರಚನಾ "ಗೊಡಿ ಗೊಡಿ ಹೋಡಿ ಭಾಸ ಕೊಂಕಣಿ" ಗಾಯಲಿ. ಸಪ್ತಮಿ ಮಲ್ಯ ಹೀಣೆ ಕೊಂಕಣಿ ಗೀತೆಕ ಭರತನಾಟ್ಯ ಕೆಲೆ°. ಬಾಲ ಕಲಾವಿದಾ° ಸ್ತುತಿ ನಾಯಕ್ ಆನಿ ಸ್ಮಿತಿ ನಾಯಕ ಹಾಂನಿ° ಕೊಂಕಣಿ ಗೀತೆತ ನ್ರತ್ಯ ಪ್ರದರ್ಶನ ಕೆಲೆ°. ಆಖೇರಿಕ ವಿಶ್ವನಾಥ್ ಭಟ್ ಆನಿ ಪಂಗಡಾನ "ಸಕಲ ಕಲಾ ವಲ್ಲಭ" ಕೊಂಕಣಿ ನಾಟ್ಕುಳೆ° ಪ್ರರ್ದಶನ ಕೆಲೆ°.

To Support Kodial Khaber click the following button.

ಮಂಗಳೂರು: 1981 ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತೀಚಿ ಸೇವಾ ಕರೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಮಂಗಳೂರು ಹಾಂನಿ° ಜೂನ್ 1 ತಾರೀಕೆಕ ಮಂಗಳೂರು ನಗರಾಚೆ ಕುದ್ಮುಲ್ ರಂಗ ರಾವ್ ಪುರಭವನಾಂತು° "ದಮಯಂತಿ ಪುನಃ ಸ್ವಯಂವರ" ಕೊಂಕಣಿ ಯಕ್ಷಗಾನ ಪ್ರದರ್ಶನ ಕೆಲೆಂ. ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಸ್ಥಾಪನಾ ಕೆಲೆಲೆ ಹ್ಯಾ ಸಂಸ್ಥೆoತು ಆಜಿ ಸಾಬಾರ 700 ಸದಸ್ಯ ಆಸಾತಿ ಆನಿ ಹರ ವರಸ ಆಮಿ ಕೊಂಕಣಿ ಯಕ್ಷಗಾನ, ನಾಟಕ ಆನೀ ಸಾಂಸ್ಕೃತೀಕ ಕಾರ್ಯಕ್ರಮ ಮಾಂಡೋನ ಹಾಡತ ಆಸಾತಿ. ಆಜಿ ಬಾರಾವೆ° ವರಸಾಚೊ ಪ್ರಸಂಗ ಪ್ರದರ್ಶನ ಜಾತಾ ಆಸಾ. ಆದಲೊ ಅಧ್ಯಕ್ಷ ಎಂ. ಆರ್. ಕಾಮತ ಆನಿ ಉಪಾಧ್ಯಕ್ಷಾ ಪ್ರಫುಲ್ಲಾ ಹೆಗ್ಡೆ ಹಾಂನಿ° ಹಾಜೆ ಶುರುವಾತ ಕೆಲೆಲೆ° ಮ್ಹಣು ಸಂಘಾಚಿ ಅಧ್ಯಕ್ಷಾ ಪ್ರಭಾ ಭಟ್ (ಕ್ಯಾಪ್ಟನ್) ಹೀಣೆ ತಿಗೆಲೆ ಸ್ವಾಗತಾಚೆ ಉತ್ರಾಂತು ಕಳಯಲೆ°. ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರು ಹಾಜೊ ಅಧ್ಯಕ್ಷ ನಂದಗೋಪಾಲ ಶೆಣೈ ಸಭಾ ಕಾರ್ಯಕ್ರಮಾಚೆ ಉಗ್ತಾವಣ ದಿವೋ ಲಾವನು ಕೆಲೆ°. "ಆಮಿ ಕೊಂಕಣಿ ಲೋಕ ಸಗಟ ಎಕ, ಜಾತಿ ಧರ್ಮು ಭೇದ ಕರನಾಶಿ° ಆಮಿ ಆವಸು ಭಾಸ ಕೊಂಕಣಿಚಿ ಸೇವಾ ಕರಕಾ. ಹ್ಯಾ ಕಾಮಾಂತು° ವಿಶ್ವ ಕೊಂಕಣಿ ಕೇಂದ್ರ ಮುಖೆಲಪಣ ಘೆವಚಾಕ ತಯಾರ ಆಸಾ" ಮ್ಹಣು ತಾಣೆ ಸಾಂಗಲೆ°.

ಹ್ಯಾಚ ವೇಳಾರ ಯಕ್ಷಗಾನ ಕಲಾವಿದು, ನಿರ್ದೇಶಕ ಮೂಡುಬಿದಿರೆಚೊ ಶಾಂತರಾಮ ಕುಡ್ವ ಹಾಂಕಾ° "ಸಾಂಸ್ಕೃತೀಕ ಯಕ್ಷ ರತ್ನ" ಪ್ರಶಸ್ತಿ ದೀವನು ಸನ್ಮಾನ ಚಲೊ. ನಂದಗೋಪಲ ಶೆಣೈ ಆನಿ ಮಾನಾಚೆ ಸೊಯ್ರೆ ಟ್ರಾಯಿ ಜ್ಯುವೆಲ್ರ‍್ಸ ಹಾಜಿ ನಿರ್ದೇಶಕಿ ಶ್ರದ್ಧಾ ಸುಬ್ರಾಯ ಪೈ ಆನಿ ಟಾಟಾ ರಿಫ್ರಾಕ್ಟರಿಚೊ ನಿವೃತ್ತ ಆಡಳಿತ ನಿರ್ದೇಶಕು ಸಿ. ಡಿ. ಕಾಮತ ಹಾಂನಿ° ಶಾಲ, ಮಾಳಾ, ಫಲ, ಯಾದಸ್ತಿಕಾ ದಿವನು ಪೇಟಾ ನೆಸೊನು ಸನ್ಮಾನ ಕೆಲೊ.
"ಆಮಿ ಆಮಗೆಲಿ ಆವಸು ಭಾಸ ಆನಿ ಸಂಸ್ಕೃತಿ ವಿಸೊರುಂಕ ನಜ. ಅಸಲೊ ಕಾರ್ಯಕ್ರಮ ತಾತಾವಳಿ ಜಾವಕಾ, ಮೆಗೆಲೊ ಸಹಕಾರ ಕೆದನಾಯೀ ಆಸತಲೊ" ಮ್ಹಣು ಶ್ರದ್ಧಾ ಸುಬ್ರಾಯ ಪೈ ಹಾಂನಿ° ಸಾಂಗಲೆ°. ಉಪರಾಂತ ಶೈಕ್ಷಣಿಕ ಸಾಧನಾ ಕೆಲೆಲೆ ಥೊಡೆ ವಿದ್ಯಾರ್ಥಿಯಾಂಕ ನಗದ ಇನಾಂ ದೀವನು ಸನ್ಮಾನ ಚಲೊ. "ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ಸಾಂಗತ ಮಾಕ್ಷಿಚೆ ದ್ಹಾ ವರಸ ದಾಕೂನ ಮೆಗೆಲೊ ಸಂಭoದ ಆಸಾ. ತೊ ಆನಿ ಮುಕಾರಯೀ ಆಸತಾ. ಬರೆ° ಜಾವೊ" ಮ್ಹಣು ಮ್ಹಾಲ್ಗಡೊ ಮನೀಸ ಸಿ. ಡಿ. ಕಾಮತ ಹಾಂನಿ° ಆಶೀರ್ವಾದ ದಿಲೊ.

ಮೇಘಾ ಪೈನ ಪ್ರಾರ್ಥನಾ ಗಾಯಲಿ. ಕಾರ್ಯದರ್ಶಿ ಸುವರ್ಣಿ ಪಡಿಯಾರ ಹೀಣೆ ಆಬಾರ ಮಾನಲೊ. ಖಜಾಂಚಿ ರಾಧಿಕಾ ಪೈ ಆನಿ ಕಾರ್ಯಕ್ರಮಾಚೊ ಸಂಚಾಲಕ ಕೃಷ್ಣ ಕಾಮತ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಹೊನ್ನಾವರ: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ 2023ಚೆ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರದಾನ ನವೆಂಬರ್ 10ಕ ಹಾಂಗಾಚೆ ಶಾನ್‌ಭಾಗ್ ರೆಸಿಡೆನ್ಸಿ ಹಾಂಗಾ ಚಲೆ. ಮಾರ್ಸೆಲ್ ಎಂ. ಡಿಸೋಜ, ಹ್ಯಾರಿ ಫೆರ್ನಾಂಡಿಸ್, ಅಶೋಕ ಕಾಸರ್‌ಕೋಡ್ ಹಾಂಕಾ° ಗೌರವ ಪ್ರಶಸ್ತಿ ಆನಿ ಮೇರಿ ಸಲೋಮಿ ಡಿಸೋಜ, ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ) ಆನಿ ಫಾ| ರೊಯ್ಸನ್ ಫೆರ್ನಾಂಡಿಸ್ ಹಾಂಕಾ° ಸನ್ಮಾನ ಚಲೊ.
ವೆಗವೆಗಳೆ ಕಲಾಪಂಗಡಾ ತಾವನ ಸಾಂಸ್ಕೃತಿಕ ಪ್ರದರ್ಶನಾಚೆ ಮೆರವಣಿಗೆಚೆ ಸಾಂಗತ ಪ್ರಶಸ್ತಿ ವಿಜೇತಾಂಕ ಮಾಂಟವಾಕ ಹಾಡಚೆ° ಜಾಲೆ°. ಆಶಾ ದೇವ್‌ರಾಯ್ ಮೇಸ್ತ ಆನಿ ಪಂಗಡಾನ ಮೂರ್ಣ ಕುಂಭ ಸ್ವಾಗತ, ನೆಲ್ಸನ್ ಲೋಪಿಸ್ ಆನಿ ಪಂಗಡಾಚೆ ಗೊಂಬೆ ನೃತ್ಯ, ಕೋಸ್ಟ ಫರ್ನಾಂಡಿಸ್ ಆನಿ ಪಂಗಡಾಚೆ ಶಿಗ್ಮೊ ನೃತ್ಯ, ಅಗ್ನೆಲ್ ಲೋಪಿಸ್ ಆನಿ ಮದರ್ ತೆರೆಜಾ ಬ್ಯಾಂಡ್ ಹಾಂಗೆಲೆ° ಬ್ರಾಸ್ ಬ್ಯಾಂಡ್ ಮೆರವಣಿಗೆಂತು° ಆಶಿಲೆ°. ಮರಿಯಾಣಿ ಎಂ. ಸಿದ್ದಿ ಆನಿ ಪಂಗಡ, ಮುಂಡುಗೋಡು ಹಾಂಗೆಲೆ° ಸಿದ್ದಿ ಜಾನಪದ ನೃತ್ಯ, ಲಕ್ಷ್ಮಣ್ ಖಾರ್ವಿ ಆನಿ ಪಂಗಡಾಚೆ ಖಾರ್ವಿ ಜಾನಪದ ನೃತ್ಯ, ಸುರೇಶ್ ಸಿ. ನಾಯ್ಕ್ ಆನಿ ಪಂಗಡಾಚೆ ಗುಮ್ಟೆಂ ಫಾಂಗ್ ಪ್ರದರ್ಶನ ಚಲೆ°. ಸಭಾ ಕಾರ್ಯಕ್ರಮಾಂತು° ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್, ಮುಖೇಲ ಸೊಯ್ರೆ ಮಿಲಾಗ್ರಿಸ್ ಕೊ.ಆಪರೇಟಿವ್ ಸೊಸೈಟಿಚೊ ಅಧ್ಯಕ್ಷ ಜೋರ್ಜ್ ಫೆರ್ನಾಂಡಿಸ್, ಮಾನಾಚೆ ಸೊಯ್ರೆ ಕಾಸರ್‌ಕೋಡ್ ಪಂಚಾಯತಾಚಿ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್, ಅಖಿಲ ಭಾರತ ಕೊಂಕಣಿ ಖಾರ್ವಿ ಮಹಾಜನ್ ಸಭಾಚೊ ಅಧ್ಯಕ್ಷ ಮೋಹನ್ ನಾಗೇಶ್ ಬಾನಾವಳಿಕರ, ತಂಝಿ° ಭಟ್ಕಳ್ ಹಾಜೊ ಉಪಾಧ್ಯಕ್ಷ ಮೊಹಿದಿನ್ ರುಕ್‌ನದ್ದಿನ್, ಮಂಗಳೂರು ಧರ್ಮಪ್ರಾಂತ್ಯಾಚೊ ಸಾರ್ವಜನಿಕ ಸಂಪರ್ಕ ಅಧಿಕಾರಿ, ಅಕಾದೆಮಿಚೊ ಆದಲೊ ಅಧ್ಯಕ್ಷ ರೋಯ್ ಕ್ಯಾಸ್ತೆಲಿನೊ ಆನಿ ಅಕಾಡೆಮಿಚೊ ರಿಜಿಸ್ಟ್ರಾರ್ ರಾಜೇಶ್ ಜಿ. ಉಪಸ್ಥಿತ ಆಶಿಲೆ. ಸನ್ಮಾನಿತಾನಿ ತಾಂಗೆಲೊ ಅನುಭವ ವಾಂಟೂನ ಘೆತಲೊ. ಅಕಾಡೆಮಿಚೆ ಸಾಂದೆ ಜೇಮ್ಸ್ ಲೋಪಿಸ್ (ಸದಸ್ಯ ಸಂಚಾಲಕ) ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ, ಸಮರ್ಥ್ ಭಟ್, ಫಾ| ಪ್ರಶಾಂತ್ ಮಾಡ್ತಾ, ಅಕ್ಷತಾ ನಾಯಕ್, ಪ್ರಮೋದ್ ಪಿಂಟೊ, ಶ್ರೀನಿವಾಸ್ ಗೌಡ, ದಯಾನಂದ ಮಡ್ಕೇಕರ್, ಜಗದೀಶ್ ಖಾರ್ವಿ, ಮಾಮ್ದು ಇಬ್ರಾಹಿಂ ಉಪಸ್ಥಿತ ಆಶಿಲೆ. ವಿಕ್ಟರ್ ಮಥಾಯಸ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ರಿಜಿಸ್ಟ್ರಾರ್ ರಾಜೇಶ್ ಜಿ. ಹಾಂನಿ° ಆಬಾರ ಮಾನಲೊ. ಉಪರಾಂತ ಮನೋಜ್ ಲೊಪೀಸ್ ಆನಿ ಪಂಗಡಾ ತಾವನ ಸಂಗೀತ ರಸಮಂಜರಿ ಕಾರ್ಯಕ್ರಮ ಚಲೊ.

To Support Kodial Khaber click the following button.

कोडियाळ: हांगाचे जी.एस.सेवा संघाचे कार्यकर्तांचे एक पंगडान विश्व कोंकणी केंद्राक भेट दिवुन कोंकणी कोगुळाचें कोंकणी गान गायलें. केंद्राचे कोंकणी कीर्ती मंदिरांत जमील्या 8 वरसाचे ध्वनी अनंत पैन बालगीत, 13 वरसाचे दीवा अनंत पैन नैतीक ल्हान काणी, सुचित्रा एस. शेणैन देस रागांत देशभक्ती गीत, चंद्रीका मल्यान कोंकणी चारोळी, उषा मोहन पैन पावसाळेचें कविता, प्रतिमा प्रभु हांनी सुंदर पद, विद्या पैन कथानक अशें कान भर कोंकणी कोगुळाचो मधुर स्वरान कीर्ती मंदिर गुनगुनावोन थंय आशिल्या 126 कोंकणी माल्घड्यांक (तांचे नक्ष्याक) आर्गा ओपलो. एम. आर. कामत आनी वेंकटेश बाळिगा हांनी विश्व कोंकणी केंद्रांत तांचो अणभव वांटलो. गुरुदत्त प्रभुन गिरीष कार्नाड आनी सुब्राय प्रभु, माधव्राय प्रभु आनी संघाचो गौरव सचीव डा. रमेश पैन अम्मेंबळ सुब्ब राव पै हांचो देणॆचेर उगडास घेतलो. रत्नाकर कुड्वान कोंकणी शिक्षणाचो याद दिलो. केंद्राचो अध्यक्ष नंदगोपाल शेणैन येवकार दिलो आनी संघाचो अध्यक्ष डा. कस्तुरी मोहन पैन देव बरेकरूं म्हळ्ळें. सुरेश किणीन सूत्रसंचालन केलें. माधव्राय प्रभु, शांभवी प्रभु, डा. देवदास पै, लक्ष्मी किणी, विग्नेश उपस्थित आशिले.  

To Support Kodial Khaber click the following button.

कोडियाळ: 2024 च्या SSLC परीक्षेंत तीसरी भास कोंकणींत 100/100 अंक जोडलेल्या 6 छांत्रांक कर्नाटक राज्य सरकाराच्या आडळीत सुधारणा समितीचो अध्यक्ष आनी विश्व कोंकणी केंद्राचो गौरवाध्यक्ष श्री आर. वी. देशपांडे हांनी अभीनंदन भेटयल्या. हो संदेश तानीं विश्व कोंकणी केंद्राच्य गौरव सचीव डा. कस्तुरी मोहन पै हांका दाडला अशें डा. पै हांनी कळयला. कारवार सावन मंगळूर मेरेन 12 शाळेंत अवंदु 300 छात्रां कोंकणी शिक्षण घेवत आसात. तुं ह्या 100/100 अंक जोडिल्या छात्रांक रू 3000 भोमान, नवें छात्रांक अवंदु नवें शाळा ब्याग आनी आदल्या छात्रांक शिश्य वेतन विश्व कोंकणी केंद्राच्या वतीन मेळतलें अशें डा. पै हानीं जाहिर केलां. कर्नाटकांत शाळेंत कोंकणी शिक्षण विश्व कोंकणी केंद्राच्या सहयोगान चालतींत आसा म्हणू तानीं सांगलें.  

कौसल्या – एस.वी.टी शाळा - कार्कळ

श्रद्धा शेट – केनरा शाळा - मंगळूरु

नम्रता नायक – केनरा शाळा- मंगळूरु

आदित्या मूली – संत लारेन्स शाळा - मूढुबेळ्ळे

सोनल पिरैरा - संत लारेन्स शाळा - मूढुबेळ्ळे

  धनुष - संत लारेन्स शाळा - मूढुबेळ्ळे

To Support Kodial Khaber click the following button.

ಮಂಗಳೂರು: 43 ವರಸ ದಾಕೂನ ಮಂಗಳೂರು ಶಹರಾಂತು° ಕೊಂಕಣಿ ಭಾಸ ಆನಿ ಸಂಸ್ಕೃತಿಚಿ ಸೇವಾ ಕರನು ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕçತಿಕ ಸಂಘ (ರಿ.) ಮಂಗಳೂರು ಹಾಂನಿ° ಮೇ 31ಕ ಕೊಡಿಯಾಲಚೆ ಕುದಮುಲ್ ರಂಗ ರಾವ್ ಪುರಭವನಾಂತು° "ಸೀತಾ ಕಲ್ಯಾಣ" ಕೊಂಕಣಿ ಕಾಲಮಿತಿ ಯಕ್ಷಗಾನ ಪ್ರಸ್ತುತ ಕರತಾತಿ. ಸಾಂಜವೇಳಾ 5.30ಕ ಚಲಚೆ ಉಗ್ತಾವಣ ಸುವಾಳ್ಯಾಂತು° ಟಾಟಾ ರಿಫ್ರೇಕ್ಟರಿಸ್ ಹಾಜೊ ನಿವೃತ್ತ ಆಡಳಿತ ನಿರ್ದೇಶಕ ಸಿ.ಡಿ. ಕಾಮತ್, ದೇವಗಿರಿ ಚಹಾಚೊ ಮಾಲಕು ನಂದಗೋಪಾಲ ಶೆಣೈ, ಎಸ್.ಎಲ್. ಶೇಟ್ ಜುವೆಲ್ಲರ್ಸ್ ಅಂಡ್ ಡೈಮಂಡ್ಸ್, ಕೆ. ಎಸ್. ರಾವ್ ರಸ್ತೊ ಮಂಗಳೂರು ಹಾಜೊ ಪ್ರಶಾಂತ್ ಶೇಟ್ ಆನಿ ಸಾಧನಾ ಬಳಗ ಹಾಜೊ ಗೌರವಾಧ್ಯಕ್ಷ ನರಸಿಂಹ ಭಂಡಾರ್‌ಕಾರ್ ಮಾನಾಚೆ ಸೊಯ್ರೆ ಆಸತಲೆ. ಹ್ಯಾ ಯಕ್ಷಗಾನ ಖೇಳಚಾಕ ಯಕ್ಷಕಲಾವಿದ ಗಣೇಶಪುರ ಗಿರೀಶ್ ನಾವಡ ಹಾಂನಿ° ದ ತರಬೇತಿ ದಿಲ್ಯಾ. ಸಾಹಿತ್ಯ ಎಂ. ಶಾಂತರಾಮ ಕುಡ್ವ, ಮೂಡುಬಿದಿರೆ ಹಾಂಗಲೆ° ಜಾವನು ಆಸಾ.
ದೇವಾದಿನ ಜಿ. ಜಿ. ವಾಸುದೇವ ಪ್ರಭಹು ಹಾಂನಿ° ಸ್ಥಾಪನಾ ಕೆಲೆಲೆ ಹ್ಯಾ ಸಂಸ್ಥೆoತು° ಆಜಿ ಸಾಬಾರ 600 ಸಾಂದೆ ಆಸಾತಿ ಆನಿ ವಸರಸಾಕ ಸಾಬಾರ ಕಾರ್ಯಕ್ರಮ ಆಯೋಜನ ಕರತ ಆಸಾತಿ ಮ್ಹಣು ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನನ ಶೆಣೈನ ಪತ್ರಿಕಾ ಪರಿಶಧೆಂತು° ಕಳಯಲಾ°. ಹ್ಯಾಚ ಕಾರ್ಯಕ್ರಮಾಂತು° ಕಟೀಲು ಮೇಳಾಚೊ ಕಲಾವಿದ ಗಣೇಶ್ ಪಾಲೆಚಾರ್ ಹಾಂಕಾ° "ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ" ಬಿರುದು ದೀವನು ಸನ್ಮಾನ ಚಲಚಾ ಆಸಾ. ಪತ್ರಿಕಾ ಪರಿಶದೇಂತು° ಕಾರ್ಯದರ್ಶಿ ಕೃಷ್ಣ ಕಾಮತ್, ಖಜಾಂಚಿ ರತ್ನಾಕರ ಕುಡ್ವಾ ಎಂ. ಆನಿ ಯಕ್ಷಗಾನ ಕಲಾವಿದ ಆನಿ ಲೇಖಕು ಎಂ. ಶಾಂತಾರಾಮ ಕುಡ್ವಾ, ಮೂಡುಬಿದಿರೆ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಮಂಗಳೂರು: 2007 ದಾಕೂನ ಮಂಗಳೂರ ದಾಕೂನ ಪ್ರಕಟ ಜಾವಚಾಕ ಶುರು ಜಾಲೆಲೆ "ಕೊಡಿಯಾಲ ಖಬರ" ಕೊಂಕಣಿ ಪಾಕ್ಷಿಕ ಪತ್ರಿಕಾ 'ಕೊಡಿಯಾಲ ಖಬರ ಡಾಟ್ ಕಾಮ್' ರೂಪಾರಿ ಡಿಜಿಟಲ್ ಮಾಧ್ಯಮ ಜಾವನು ಚಾರ ವರಸ° ಜಾಲ್ಯಾಂತಿ. ಮಾಕ್ಷಿಚೆ ಚಾರ ವರಸಾಂತು ಸಾಬಾರ ತೀಸ ಲಾಖ ವಾಚಕಾನಿ ಹ್ಯಾ ವೆಬ್ ಸೈಟಾಕ ಭೇಟಿ ದಿಲೆಲಿ ಆಸಾ. 17 ವರಸಾಂತು° ಕೊಡಿಯಾಲ ಖಬರ ಮಾಧ್ಯಮಾನ ದೇಶ ವಿದೇಶಾಂತು ಆಸಚೆ ಕೊಂಕಣಿ ಭಾಷಿಕ ಲೋಕಾಂಕ ಕೊಂಕಣಿ ಭಾಸ ವಾಪರೂನ ಖಬರೊ ಆನಿ ಲೇಖನ° ಪಾವೊಚೆ ಪ್ರಾಮಾಣಿಕ ಪ್ರಯತ್ನ ಕರತ ಆಸಾ. ಮೇ 19, 2024 ದೀವಸು ಸಾಂಜವೇಳಾ 4.00 ಗಂಟ್ಯಾಕ ಮಂಗಳೂರಚೆ ಕದ್ರಿ ಮಲ್ಲಿಕಟ್ಟೆಚೆ ಲಯನ್ಸ್ ಸೇವಾ ಮಂದಿರಾoತು° ಕೊಡಿಯಾಲ ಖಬರ ಡಾಟ್ ಕಾಮ್ ತರಪೇನ ಸಾರಸ್ವತ ಕೊಂಕಣಿ ಪುರಸ್ಕಾರ° ಪ್ರದಾನ ಕರಚೆ° ಜಾತಾ.
ಖೂಬ ದಶಕಾ° ದಾಕೂನ ಕೊಂಕಣಿ ಭಾಷಾ ಸಾಹಿತ್ಯಾಕ ತಾಂತೂoಯಿ ಮುಖ್ಯ ಜಾವನು ಪ್ರಾಥಮಿಕ ಶಾಳಾ ಸ್ಥರಾಂತು° ಕೊಂಕಣಿ ಶಿಕ್ಷಣಾಕ ವಿಶೇಷ ದೇಣೆ ದಿಲೆಲೆ ಡಾ. ಕಸ್ತೂರಿ ಮೋಹನ ಪೈ ಹಾಂಕಾ° 'ಕೊಂಕಣಿ ಸಾಹಿತ್ಯ ರತ್ನ ಪ್ರಶಸ್ತಿ', ಸಾರಸ್ವತ ಕೊಂಕಣಿ ಸಂಘ ಸಂಸ್ಥೆoಕ ವಿಶೇಷ ಮುಖೇಲಪಣ ದೀವನು ಸ್ತ್ರೀಯಾ° ಮಧೆ° ಕೊಂಕಣಿ ಭಾಶೆ ಬದಲ ಜಾಗೃತಿ ಹಾಡಯಿಲೆ ಮಾನೂನ ಘೆವನು ಗೀತಾ ಸಿ. ಕಿಣಿ ಹಾಂಕಾ° 'ಕೊಂಕಣಿ ಸಂಘಟನಾ ರತ್ನ ಪ್ರಶಸ್ತಿ', ಕೊಂಕಣಿ ಭಾಸ ನಂತಾ° ಹೇರ ಸಾಂಸ್ಕೃತೀಕ ಆನಿ ಧಾರ್ಮಿಕ ಕ್ಷೇತ್ರಾಂತು° ವಿಶೇಷ ಪೋಷಕ ಜಾವನು ಸೇವಾ ದಿಲೆಲೆ ಮಂಗಳೂರು ಕೆ. ಎಸ್. ರಾವ್ ರಸ್ತೆಚೆ 'ಮೆ. ಎಸ್. ಎಲ್. ಶೇಟ್ ಜ್ಯೂವೆಲ್ಲರ್ಸ್ ಎಂಡ್ ಡೈಮಂಡ್ ಹೌಸ್' ಹಾಂಕಾ° 'ಕೊಂಕಣಿ ಪೋಷಕ ರತ್ನ ಪ್ರಶಸ್ತಿ', ಉದ್ಯಮ ಕ್ಷೇತ್ರಾಂತು° ತಾಂತೂoಯಿ ಇನ್ಶೂರೇನ್ಸ್ ಆನಿ ಇನ್ವೆಸ್ಟಮೆಂಟ್ ಕ್ಷೇತ್ರಾಂತು° ವಿಶೇಷ ಸೇವಾ ದಿಲೆಲೆ ಕುಂಬ್ಳೆ ನರಸಿಂಹ ಪ್ರಭು ಹಾಂಕಾ° 'ಕೊಂಕಣಿ ಉದ್ಯಮ ರತ್ನ ಪ್ರಶಸ್ತಿ' ಆನಿ ತರನಾಟೆ ಮಧೆ° ಕೊಂಕಣಿ ಭಾಶೆ ಬದಲ ಸೇವಾ ದಿಲೆಲೆ ಖಾತಿರ ಡಾ. ಅರವಿಂದ್ ಶ್ಯಾನುಭಾಗ ಬಾಳೇರಿ, ಕುಮಟಾ ಹಾಂಕಾ° 'ಕೊಂಕಣಿ ಯುವ ರತ್ನ ಪ್ರಶಸ್ತಿ' ದೀವನು ಸನ್ಮಾನ ಕರತಾತಿ ಮ್ಹಣು ಕೊಡಿಯಾಲ ಖಬರ ಡಾಟ್ ಕಾಮ್ ಹಾಜೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಹಾಂನಿ° ಕಳಯಲಾ°. ಹ್ಯಾ ಕಾರ್ಯಕ್ರಮಾಂತು° ಕನಾರ್ಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಷ ಸ್ಟ್ಯಾನಿ ಅಲ್ವಾರಿಸ್ ಹಾಂನಿ° ಮುಖೇಲ ಸೊಯ್ರೆ ಆಸತಲೆ, ಟಾಟಾ ರಿಫ್ರೇಕ್ಟರಿಸ್ ಹಾಜೆ ನಿವೃತ್ತ ಆಡಳಿತ ನಿರ್ದೇಶಕ ಸಿ. ಡಿ. ಕಾಮತ ಆನಿ ಜಿ. ಎಸ್. ಬಿ. ಮಹಿಳಾ ವೃಂದ ಮಂಗಳೂರು ಹಾಜಿ ಅಧ್ಯಕ್ಷಾ ನಯನಾ ರಾವ್ ಹಾಂನಿ° ಮಾನಾಚೆ ಸೊಯ್ರೆ ಆಸತಲೆ. ಹ್ಯಾ ಸುವಾಳ್ಯಾಂತುಚೀ ಆರತಾ° ಚಲೆಲೆ ಎಸ್. ಎಸ್. ಎಲ್. ಸಿ ಪರೀಕ್ಷೆಂತು° ಕೊಂಕಣಿ ಭಾಶೆಂತು° ಶಂಬರಿಕ ಶಂಬರಿ ಅಂಕ ಜೋಡಿಲೆ ಕೆನರಾ ಹೈಸ್ಕೂಲ್ ಡೊಂಗರಕೇರಿ ಹಾಂಗಾಚೆ ವಿದ್ಯಾರ್ಥಿನಿ ಜಾವನು ಆಸಚೆ ಶ್ರದ್ಧಾ ಕೆ. ಶೇಟ್ ಆನಿ ನಮೃತಾ ಜಿ. ನಾಯಕ ಹಾಂಕಾoಯಿ ಆಭಿನಂದನ ಪಾಟಯತಾತಿ ಮ್ಹಣು ಸಹ ಸಂಪಾದಕಿ ವಿದ್ಯಾ ಬಾಳಿಗಾ ಹಾಂನಿ° ಕಳಯಲಾ°.

ಉಡುಪಿ: ಕಾಸರಗೋಡು ಚಿನ್ನಾ ಹಾಂಗೆಲಿ ಪರಿಕಲ್ಪನೆಚಿ "ಘರ್ ಘರ್ ಕೊಂಕಣಿ" ಕಾರ್ಯಕ್ರಮಾಚಿ 151ವಿ° ಆವೃತ್ತಿ ಮಣಿಪಾಲಚೆ ಪೆರಂಪಳ್ಳಿ ರಸ್ತೆಚೆ ಸಾಯಿರಾಧಾ ಗ್ರೀನ್ ವೇಲಿಚೆ ನಾವಾದಿಕ ಸಾಹಿತಿ, ಕಾಡಬೆಟ್ಟು ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಹಾಂಗೆಲೆ ಘರಾಕಡೆನ ಚಲೆ. ಕಾಸರಗೋಡು ಚಿನ್ನಾ ಹಾಂನಿ° ಉಗತಾವಣ ಕರನು "ಮಾತೃಭಾಸ ಶ್ರೇಷ್ಠ ಆಸಾ ತೀ ಶಿಕಯಿಲಿ ಆವಸು ದೇವಾಕ ಸಮಾನ. ಹೆ° ಋಣ ಪಾವೋಚಾಕ ಜಾಯನಾ." ಮ್ಹಣು ಸಾಂಗಲೆ°. ಹ್ಯಾ ಕಾರ್ಯಕ್ರಮಾಂತು° ತರಂಗ ಹಪ್ತಾಳಾಯಾಚಿ ಸಂಪಾದಕಿ ಸಂಧ್ಯಾ ಪೈ, ಸಂಗೀತಗಾರ ತೋನ್ಸೆ ರಂಗ ಪೈ, ರಂಗ ಕಲಾವಿದ ಶಶಿಭೂಷಣ ಕಿಣಿ, ನಿರ್ಮಾಪಕ ಟಿ.ಎ. ಶ್ರೀನಿವಾಸ ಉಪಸ್ಥಿತ ಆಶಿಲೆ. ಮನೋಹರ್ ನಾಯಕ್ ಹಾಂನಿ° ರಚನ ಕೆಲೆಲೆ° ಕೊಂಕಣಿ ಸಂಸ್ಕೃತಿಚೆ ವ್ಹಾರ್ಡಿಕ ಆನಿ ಬಾಳಗೀತೆಂಚೆ ವಿಡಿಯೊ ಆನಿ ಕೊಂಕಣಿ ಭಾಷಿಗ ಪಂಗಡಾoಚೆ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಾಂಚೆ ಪ್ರದರ್ಶನ ಜಾಲೆ°. ಚೇಂಪಿ ರಾಮಚಂದ್ರ ಭಟ್ ಸೂತ್ರ ಸಂಚಾಲಕ ಆಶಿಲೆ. ಸಮಾರೋಪ ಕಾರ್ಯಕ್ರಮ ಹೊಟೇಲ್ ಮಧುವನ್ ಸೆರಾಯ್ ಹಾಜೆ ಮಧುರಾ ಸಭಾಂಗಣಾoತು° ಚಲೆ. ಟಿ. ಎಂ. ಎ. ಪೈ ಪೌಂಡೇಶೆನ್ ಹಾಜೆ ಟಿ. ಅಶೋಕ್ ಪೈ ಹಾಂನಿ° ದೀವೊ ಲಾಯಲೊ. ವೇದಿರಿ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ನಂದಗೋಪಾಲ್ ಶೆಣೈ, ವೈಶ್ಯವಾಣಿ ಸಮಾಜಾಚೆ ಅಧ್ಯಕ್ಷ ವಸಂತ ನಾಯಕ್ , ಕುಡಾಳ್ ದೇಶಸ್ಥ ಸಮಾಜಾಚೆ ಅಧ್ಯಕ್ಷ ರಾಧಾಕೃಷ್ಣ ಸಾವಂತ್, ಕೊಂಕಣಿ ಸಾಹಿತ್ಯಕಾರ ಡಾ ಜೆರಾಲ್ಡ್ ಪಿಂಟೋ, ಸಮಾಜ ಸೇವಕ ವಿಶ್ವನಾಥ ಶೆಣೈ, ಶ್ರೀ ದುರ್ಗಾಂಭ ದೇವಸ್ಥಾನಾಚೆ ಅರ್ಚಕ ಶಿವಾನಂದ ಭಟ್, ಲಾವಕಾರ ಖಾರ್ವಿ, ದೈವಜ್ಞ ಸುಬ್ರಹ್ಮಣ್ಯ ಶೇಟ್, ಪಲ್ಲವಿ ಮಡಿವಾಳ ಕುಮಟಾ, ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಉಪಸ್ಥಿತ ಆಶಿಲೆ. ಹ್ಯಾಚ ವೇಳಾರ ಉಡುಪಿ ವಠಾರಾಚೆ 12 ಸಾಧಕಾಂಕ ಸನ್ಮಾನ ಚಲೊ. ವಿಧ್ವಾನ್ ಹರಿ ಪ್ರಸಾದ್ ಶರ್ಮಾ ಆನಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಮುಲ್ಕಿ ರವೀಂದ್ರ ಪ್ರಭು ಹಾಂಗೆಲೆ ಸಂಗೀತ ಕಾರ್ಯಕ್ರಮ ಜಾತರಿ ಕಾರ್ಯಕ್ರಮ ಸಂಪನ್ನ ಜಾಲೊ.

To Support Kodial Khaber click the following button.