Displaying items by tag: Konkani
151ವಿಂ "ಘರ್ ಘರ್ ಕೊಂಕಣಿ"
ಉಡುಪಿ: ಕಾಸರಗೋಡು ಚಿನ್ನಾ ಹಾಂಗೆಲಿ ಪರಿಕಲ್ಪನೆಚಿ "ಘರ್ ಘರ್ ಕೊಂಕಣಿ" ಕಾರ್ಯಕ್ರಮಾಚಿ 151ವಿ° ಆವೃತ್ತಿ ಮಣಿಪಾಲಚೆ ಪೆರಂಪಳ್ಳಿ ರಸ್ತೆಚೆ ಸಾಯಿರಾಧಾ ಗ್ರೀನ್ ವೇಲಿಚೆ ನಾವಾದಿಕ ಸಾಹಿತಿ, ಕಾಡಬೆಟ್ಟು ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಹಾಂಗೆಲೆ ಘರಾಕಡೆನ ಚಲೆ. ಕಾಸರಗೋಡು ಚಿನ್ನಾ ಹಾಂನಿ° ಉಗತಾವಣ ಕರನು "ಮಾತೃಭಾಸ ಶ್ರೇಷ್ಠ ಆಸಾ ತೀ ಶಿಕಯಿಲಿ ಆವಸು ದೇವಾಕ ಸಮಾನ. ಹೆ° ಋಣ ಪಾವೋಚಾಕ ಜಾಯನಾ." ಮ್ಹಣು ಸಾಂಗಲೆ°. ಹ್ಯಾ ಕಾರ್ಯಕ್ರಮಾಂತು° ತರಂಗ ಹಪ್ತಾಳಾಯಾಚಿ ಸಂಪಾದಕಿ ಸಂಧ್ಯಾ ಪೈ, ಸಂಗೀತಗಾರ ತೋನ್ಸೆ ರಂಗ ಪೈ, ರಂಗ ಕಲಾವಿದ ಶಶಿಭೂಷಣ ಕಿಣಿ, ನಿರ್ಮಾಪಕ ಟಿ.ಎ. ಶ್ರೀನಿವಾಸ ಉಪಸ್ಥಿತ ಆಶಿಲೆ. ಮನೋಹರ್ ನಾಯಕ್ ಹಾಂನಿ° ರಚನ ಕೆಲೆಲೆ° ಕೊಂಕಣಿ ಸಂಸ್ಕೃತಿಚೆ ವ್ಹಾರ್ಡಿಕ ಆನಿ ಬಾಳಗೀತೆಂಚೆ ವಿಡಿಯೊ ಆನಿ ಕೊಂಕಣಿ ಭಾಷಿಗ ಪಂಗಡಾoಚೆ ವೈವಿಧ್ಯಮಯ ಸಾಂಸ್ಕೃತಿಕ ಕಾರ್ಯಕ್ರಮಾಂಚೆ ಪ್ರದರ್ಶನ ಜಾಲೆ°. ಚೇಂಪಿ ರಾಮಚಂದ್ರ ಭಟ್ ಸೂತ್ರ ಸಂಚಾಲಕ ಆಶಿಲೆ. ಸಮಾರೋಪ ಕಾರ್ಯಕ್ರಮ ಹೊಟೇಲ್ ಮಧುವನ್ ಸೆರಾಯ್ ಹಾಜೆ ಮಧುರಾ ಸಭಾಂಗಣಾoತು° ಚಲೆ. ಟಿ. ಎಂ. ಎ. ಪೈ ಪೌಂಡೇಶೆನ್ ಹಾಜೆ ಟಿ. ಅಶೋಕ್ ಪೈ ಹಾಂನಿ° ದೀವೊ ಲಾಯಲೊ. ವೇದಿರಿ ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ನಂದಗೋಪಾಲ್ ಶೆಣೈ, ವೈಶ್ಯವಾಣಿ ಸಮಾಜಾಚೆ ಅಧ್ಯಕ್ಷ ವಸಂತ ನಾಯಕ್ , ಕುಡಾಳ್ ದೇಶಸ್ಥ ಸಮಾಜಾಚೆ ಅಧ್ಯಕ್ಷ ರಾಧಾಕೃಷ್ಣ ಸಾವಂತ್, ಕೊಂಕಣಿ ಸಾಹಿತ್ಯಕಾರ ಡಾ ಜೆರಾಲ್ಡ್ ಪಿಂಟೋ, ಸಮಾಜ ಸೇವಕ ವಿಶ್ವನಾಥ ಶೆಣೈ, ಶ್ರೀ ದುರ್ಗಾಂಭ ದೇವಸ್ಥಾನಾಚೆ ಅರ್ಚಕ ಶಿವಾನಂದ ಭಟ್, ಲಾವಕಾರ ಖಾರ್ವಿ, ದೈವಜ್ಞ ಸುಬ್ರಹ್ಮಣ್ಯ ಶೇಟ್, ಪಲ್ಲವಿ ಮಡಿವಾಳ ಕುಮಟಾ, ಮನೋಹರ ನಾಯಕ್ ಆನಿ ಶೀಲಾ ನಾಯಕ್ ಉಪಸ್ಥಿತ ಆಶಿಲೆ. ಹ್ಯಾಚ ವೇಳಾರ ಉಡುಪಿ ವಠಾರಾಚೆ 12 ಸಾಧಕಾಂಕ ಸನ್ಮಾನ ಚಲೊ. ವಿಧ್ವಾನ್ ಹರಿ ಪ್ರಸಾದ್ ಶರ್ಮಾ ಆನಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಮುಲ್ಕಿ ರವೀಂದ್ರ ಪ್ರಭು ಹಾಂಗೆಲೆ ಸಂಗೀತ ಕಾರ್ಯಕ್ರಮ ಜಾತರಿ ಕಾರ್ಯಕ್ರಮ ಸಂಪನ್ನ ಜಾಲೊ.
To Support Kodial Khaber click the following button.
फ़ेब्रुवरी 21 संवसारीक मायभास दीस: डा. कस्तुरी मोहन पै
हेर एक संस्कृताय ताची स्वताची बोली उगतायता. ती कालगतींत एक पूर्ण प्रमाणाची भास जाता. लोक ती भास उलैतात, वाचतात, बरयतात आनी शिक्षण घेतात. तांची अस्मिताय तांतु पळयतात. ती तांची मायभास जाता. त्या भासेची अभिमान भोगतात. असली एक गजाल पूर्वी पाकिस्तानाच्या (आतां तें बांगला देश) बंगाली उलौपी लोकांची संघर्षान आयज संवसारीक मायभास दीस घडता.
इसवी 1952 च्या फ़ेब्रुवरीक पाकिस्तान सरकारान दोनय पूर्व आनी पश्छिम पाकस्तानाची अधिकृत भास उर्दु अशें राजपत्र काडलो. पूर्वी पाकस्तानांत 90% लोक बंगाली उलौपी आशिल्ले आनी ती भास उर्दु भासे सावन पूर्विल्ली आशिल्ली. लाखानी बंगाली लोकान बंड केल्लें. सरकारान फ़ार मारलो (Firing). 22 बंगाली भाशिकांक मरण आयलें. सरकारान राजपत्र परतुन घेतलें. लोकान मायभासेच्या खातिर बलिदान केल्या लोकांची स्मारक बांदलें आनी हेर वरस फ़ेब्रुवरी 21क आवयभास दीस मनयलो. जागतीक रास्ट्र संघाच्या युनेस्कोन (UNESCO) इसवी 1999 फ़ेब्रुवरी 21क संवसारीक मायभास दीस मनायचो ठराव घेतलो. आयज मेरेन तो चालतींत आसा. ह्या घडुणेक दरून एक व्हडलें स्मारक बांगला देश धाका शारांत आसा. संवसाराचे कोंकणी सहित सगळेय मायभाशिकांक याद दिता.
कोंकणी लोकांक हांतु एक नैतीक पाठ आसा. तुमची मायभास कोंकणी तर वांचुक जाय, उदरगती जाय तर तुम्ही ताका संघर्ष करूंक जाय, क्रीयाशील आसुंक जाय. ह्या दिसाक आमची मायभास कोंखणीची उदर्गतीक नवयो योजना घलुंक जाय. आमी सगळेय संवसारांत केवल २५ लाख लोक आसचीं. आमगेले चेरडुवांक कोंकणी उलौच्याक, वाचुंक आनी बरौच्याक आनी शाळेंत कोंकणी शिकोवुंक जाय. कोंखणी साहित्कार शेणै गोंयबाब, रविंद्र केळेकार, बी.वी.बाळीगा, मंद्र्के माधव पै, बस्ती वामन शेणै, वेंकटेश बाळिगा इत्यादी लोकांचे व्हळख करून दिवुंक जाय. कोडियाल खबर, पनवार, भांगरभूंय असलीं कोंकणी पत्रिका वाचुंक जाय. विश्व कोंकणी केंद्राक भेट दिवुंक जाय. थंय हजारनी बाल साहित्यांची पुस्तकां आसाती. तीं वाचुंक लावुंक जाय. तेन्ना मात्र संवसारीक मायभास दिवस कोंकणीक अर्थगर्भीत जातली.
To Support Kodial Khaber click the following button.
विश्व कोंकणी केंद्राचे २०२३ वरसाचे विश्व कोंकणी पुरसकार जाहीर
मंगळूरचे विश्व कोंकणी केंद्र वतीन दिवचे अखील भारत मट्टचे श्रीमती विमला वी. पै विश्व कोंकणी साहित्य पुरसकार -२०२३, बसती वामन शेणै विश्व कोंकणी सेवा पुरसकार-२०२३ आनी डा. पी दयानंद पै विश्व कोंकणी पुरसकार- २०२३ प्रकट जालां. वरसाचे कोंकणी साहित्य कृतीक दिवचे श्रीमती विमला वी. पै विश्व कोंकणी साहित्य पुरसकार- २०२३ क गोंयचे कोंकणी लेखक प्रकाश परियंकार हान्नी रचन केलेले "पूरण विंचून आयलां. वरसाचे कोंकणी कविता कृती पुरसकार -२०२३ क केरळचे कोंकणी कवी, लेखक आर एस भासकर हान्नी रचन केलेले कोंकणी कविता संकलन "चैत्र कविता" विंचून आयलां. कोंकणी भास, साहित्य, संसकृतिचे उदरगतीक विशेष जावन देणे दिलेले म्हाल्गडेंक गौरव दिवचाक स्थापन केलेले श्रीमती विमला वी. पै विश्व कोंकणी जीवन सिद्धी सम्मान २०२३ क गोंयचे म्हाल्गडे कोंकणी कलावीद रमानंद रायकर हांका कोंकणी भाsa, संगीत साहित्याक दिलेले अपार देणे मानून घेवन विंचून काळां. बसती वामन शेणै विश्व कोंकणी सेवा पुरसकार -२०२३क बायलांगेले विभागांत मेटमोर्फेस सेवा संस्थे बेंगळूरचे शकुंतला ए. भंढारकार विंचून आयलां. बसती वामन शेणै विश्व कोंकणी सेवा पुरसकार -२०२३क दारलेंगेले विभागांत मंजेश्वराचे स्नेहालय च्यारिटेबल ट्रसट चे जोसेफ क्रासता हान्नी विंचून आयलांची. डा . पी. दयानंद पै विश्व कोंकणी अनुवाद पुरसकार २०२३क गोंयचे लेखक रमेश लाड विंचून आयलांची. डा. पी दयानंद पै विश्व कोंकणी रंगश्रेषट पुरसकार २०२३क श्रीनिवास राव (कासरगोडू चिन्ना) विंचून आयलांची. एक लाखलरूपायी सम्मानधन आनी फलक जावन हें ७ प्रशसती वितरणा २०२४ फेबरुवरी ११ आयतार सकाळी १० गंटेक विश्व कोंकणी केंद्रांत चलचे वारषीक विश्व कोंकणी समारोह समारंभांत प्रशसती प्रदान करचे आसा. फेबरवरी १० आनी ११ क चलचे विश्व कोंकणी साहित्य समारोहचे अंग जावनू संजे ५.००ताकून ८.०० पऱ्यंत चारी वेवेगळे कोंकणी नाटक मंगळूरचे टी. वी. रमण पै सभागृहांत प्रदर्शन जावचे आसा. १९९६ इसवी विश्व कोंकणी सरदार श्री बसती वामन शेणै हांगेले नेतृत्वारी प्रारंभ जालेले कोंकणी भास आनी संसकृती प्रतिषठान विश्व कोंकणी केंद्र मंगळूरचे शक्तिनगरांत स्थापन करनू कोंकणी भाषे, साहित्य, संसकृती चे अभिवृद्धीक आनी कोंकणी समुदायाचे सर्वांगीण उदरगतीक विशेष काऱ्यक्रम मांडून हाडता. अशीं विश्व कोंकणी केंद्राचे अध्यक्ष नंदगोपाल शेणय हान्नी हें पत्रिका प्रकटण दिलां.
To Support Kodial Khaber click the following button.
कोचींत कोंकणी भाषोत्सव घडयलो
कोची: कोचीन कार्णीवल समिती आनी केरळ कोंकणी अकादमी हांचें जोड पालवान फोर्टकोची बास्टण बांग्ळाव हांगाच्या जिल्लो दायज संग्रहालयांत कोंकणी भाषोत्सव घडयलो.
भाषोत्सवाक लागून सकाळी जाल्ले उक्तावण केरळ कोंकणी अकादमीचे अध्यक्ष पी.एन.कृष्णन हांणें यजमानपण चलयलें. कोंकणी प्रेमी मंडळाचे सचीव विजीत कुमार हांणें दिवली पेटेवंन कार्यावळीचें उक्तावण केल्ले. कोचीन कार्णीवल समितीचे निमंत्रक सेव्यर बोबन आनी कार्यावळ निमंत्रक सुरजी हांचें ह्या वेळार उलोवप जाल्ले. सुरवेक नवनीतकृष्णा के.शेणै हांणे प्रार्थनागीत गायलें.
उपरांत कोंकणी लेखिका स्वर्गस्त एल.सुनिताबाय यादस्तीक कविता गायन स्पर्धा आनी कोंकणी फुडारी स्वर्गस्त बलराज शेठ यादस्तीक इलोकूषन स्पर्धा घडयलीं. स्पर्धेत साबार जाणां वांटेकार जाल्ले. कविता गायन स्पर्धेंत अत्रेष टी.एस,
नवनीतकृष्णा के.वी.शेणै,
अविनंदा कृष्णा प्रभु (सब जूनियर), ज्ञानदेव जी.मल्या, गार्गी एल.शेट, गौतमी एल.शेट (जूनियर), वैष्णवी पी.नायक, अपर्णा कृष्णन (सीनियर), पदमा जी.शेणै, बाबु आलिंगल, अनिता आर.पै (सू.सीनायर) हीं जैतिवंत जाल्ली. इलोकूषन स्पर्धेंत
ज्ञानदेव जी.मल्या, अविनंदा कृष्णा प्रभु, दन्या जी.मल्या, सुरेश आर. हीं जैतिवंत जाल्ली. ज्येष्ठ साहित्यीक आर.एस.भास्कर हांणी जैतिवंतांक यादस्तीक, रोख आनी प्रमाणपत्र भेटेयलें. अकादमीचे सहकार्यदर्शी चंद्रबाबु यु.शेटी हांणे येवकाराची उतरां उलयली जाल्यार निमंत्रक के.प्रकाशन हांणे उपकार मानलो.
कार्यावळींत साबार लोक हाजीर आशिल्ले.
To Support Kodial Khaber click the following button.
तर्जण आनी लिप्यंतर कोंकणी कथांचेर राषट्रीय परिसंवाद कथादायज
ಚೆರಡುವಾಂಲೊ ದೀಸ ಆಚರಣ
ಮಂಗಳೂರು: ನ. 14 ರಾಷ್ಟ್ರೀಯ ಸ್ಥರಾರ ಭುರ್ಗ್ಯಾಂಲೊ ದೀಸ ಮ್ಹಣ ಆಚರಣ ಜಾತಾ. ದೇಶಾಚೊ ಪಯಲೊ ಪ್ರಧಾನಿ ಜವಾಹರಲಾಲ್ ನೆಹರುಲೊ ಜಲ್ಮ ದೀಸ ಹೊ. ತಾಕಾ ಚೆರಡುವ° ಮ್ಹಳ್ಯಾರಿ ಖೂಬ ಪ್ರೀತಿ ಆಶಿಲ್ಯಾನ ತಾಗೆಲೆ ಇಚ್ಛಾ ಪ್ರಮಾಣೆ ಹೊ ದೀಸ ಭುರ್ಗ್ಯಾಂಲೊ ದೀಸ ಮ್ಹಣ ಆಚರಣ ಕರತಾತಿ. ಹ್ಯಾ ದೀಸ ಸಗಟ ಕಡೆನ ಚೆರಡುಂವಾಲೊ ಗಲಗಲೊ ಪಳೊವಚಾಕ ಮೇಳತಾ. ಹಾಂಗಾಚೆ ಶಕ್ತಿನಗರಾಚೆ ವಿಶ್ವ ಕೊಂಕಣಿ ಕೇಂದ್ರಾತ ಸುತಾ ಚೆರಡುವಾಂಲೊ ದೀಸ ಆಚರಣ ಜಾಲೊ. ಜೆಪ್ಪು ಭಗಿನಿ ಸಮಾಜ, ಕಂಕನಾಡಿ ಈಶ್ವರಾನಂದ ಮಹಿಳಾ ಸೇವಾಶ್ರಮ, ನಳಂದಾ ಶಾಳಾ, ಚಿನ್ಮಯ ಶಾಳಾ ಅಶೆ° ವೆಗವೆಗಳೆ ಸಂಸ್ಥ್ಯಾಂಚೆ ವ್ಹಿಂವ್ಹಿoಗಡ ವಯಾಚೆ ಚೆರಡುವ° ತಂಯ ಪಾವಲೆ. ತಾಂಕಾ° ವಿವಿಧ ಕಾರ್ಯಾವಳ, ಚೆಲಿಯಾಂಕ ಆರೋಗ್ಯ ಬದ್ದಲ ಸಮಾಲೋಚನಾ, ಲ್ಹಾನ ಭುರ್ಗ್ಯಾಂಕ ಬಣ್ಣ ಬಣ್ಣಾಚೆ ಚಿತ್ರಕಲಾ, ಪದ ಸಾಂಗಚೆ, ಅಭಿನಯ ಗೀತಾ, ಕಾಣಿ ಸಾಂಗಚೆ, ರಂಗರoಗಾಚೆ ಬಲೂನ್ ಶೃಂಗಾರ ಆಯೋಜನ ಕೆಲೆಲೆ°. ಹ್ಯಾ ಸಂದರ್ಭಾರ "ಭುರ್ಗ್ಯಾಂಕ ಸಾಧನಾ ?" ಪ್ರೇರಕ ವಿಡಿಯೋ ಪ್ರದರ್ಶನನ ಜಾಲೆಂ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾನ್ನಿ ಸ್ವಾಗತಾಚೆ ಉತ್ರ° ಸಾಂಗಲಿ°. ಉಷಾ ಮೋಹನ ಪೈ, ಸುಮತಿ ಪೈ, ವಂದನಾ ಕಾಮತ್, ರಾಧಿಕಾ ಪೈ, ಕುಡ್ಪಿ ವಿದ್ಯಾ ಶೆಣೈ, ಪಂಚಮಹಲ್ ಪ್ರೀತಮ್ ಕಾಮತ ಹಾಂನಿ° ಕಾರ್ಯಾವಳಿ ಸಾಂಬಾಳಿ. ಕುದ್ರೋಳಿ ಗಣೇಶ್ ಹಾಂನಿ° ಜಾದೂ ಪ್ರದರ್ಶನ ದಿಲೆ°. ಫುಕಟ ಬುಕ್ ವಾಂಟಪ, ಫಳಾರ ಆನಿ ಭೋಜನ ವ್ಯವಸ್ಥಾ ಆಶಿಲಿ. ವಿಶ್ವ ಕೊಂಕಣಿ ಕೇಂದ್ರಾಚೆ ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಬಿ. ಆರ್. ಭಟ್, ಟ್ರಸ್ಟಿ ಕಸ್ತೂರಿ ಮೋಹನ ಪೈ, ವಿಲಿಯಂ ಡಿಸೋಜಾ, ರಮೇಶ ಡಿ. ನಾಯಕ್, ಶಕುಂತಲಾ ಆರ್. ಕಿಣಿ, ಮೆಲ್ವಿನ್ ರೊಡ್ರಿಗಸ್ ಆನಿ ಹೇರ ಲೋಕ ಉಪಸ್ಥಿತ ಆಶಿಲಿಂತಿ. ಡಾ. ಬಿ. ದೇವದಾಸ್ ಪೈನ ಆಬಾರ ಮಾನಲೊ.
To Support Kodial Khaber click the following button.
ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ - ಶಾರದಾ ಮಹೋತ್ಸವ
ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚಿ ಶಾರದಾ ಮಾತೆಲಿ ವಿಸರ್ಜನಾ ಅರ್ಚಕ ದಯಾಘನ್ ಭಟ್ ಹಾಂನಿ° ಸಂಪoನ್ನ ಕೆಲಿ. ನರಸಿಂಹ ಕಿಣಿ ಆನಿ ಪಂಗಡಾನ ಭಜನಾ ಸೇವಾ ಕರನು ತೆಪ್ಪೋತ್ಸವ ಚಲೊ. ಮಂಗಳಾ ವಾದ್ಯ ವೇದ ಘೋಷ ಕರನು ದೇವಳಾಚೆ ಪದ್ಮ ಸರೋವರಾಂತು° ಶಾರದಾ ವಿಗ್ರಹಾಚೆ ವಿಸರ್ಜನ ಜಾಲೆ°.
ದೇವಳಾಚೆ ಆಡಳಿತ ಮೋಕ್ತೆಸರ ಪಿ. ವಿ. ಶೆಣೈ, ವಸಂತ್ ಕಿಣಿ, ಮುರಳೀಧರ್ ಭಟ್, ಮಟ್ಟಾರ್ ಗಣೇಶ ಕಿಣಿ, ನರಹರಿ ಪೈ, ವಿಶಾಲ್ ಶೆಣೈ, ಶಾಮ್ ಪ್ರಸಾದ್ ಕುಡ್ವಾ, ಪ್ರದೀಪ್ ರಾವ್, ಆಡಳಿತ ಮಂಡಳಿಚೆ ಸಾಂದೆ, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ. ಶೋಭಾಯಾತ್ರೆಚೆ ವಾಟೇರಿ ತೋರಣ, ದೀಪಾಲಂಕಾರ ಆಶಿಲೆ. ಕೀಲು ಕುದುರೆ, ತಟ್ಟೀರಾಯ, ಸ್ಥಬ್ದ ಚಿತ್ರ° ವೆಂಕಟರಮಣ, ಶ್ರೀ ದೇವಿ, ನರಸಿಂಹ ಅವತಾರ, ರಾವಣ, ನಾಸಿಕ್ ಬ್ಯಾಂಡ್, ಚಂಡೆ ಮೇಳ, ಟಸ್ಸಲೆ ಮಂಗಳ ವಾದ್ಯ ಆಸೂನ ಶೋಭಾಯತ್ರಾ ಜನಾಕರ್ಷಕ ಆಶಿಲೆ.
ವಿಜಯದಶಮಿಚೆ ದೀವಸ ಶ್ರೀ ಶಾರದಾ ದೇವಿಲಕೆ ಸನ್ನಿದಿಂತು° ಸ್ತುತಿ ಪ್ರಭುನ ಭರತ್ಯನಾಟ್ಯ ಸೇವಾ ದಿಲಿ.
ಹ್ಯಾಚ ಸಂದರ್ಭಾರಿ ಶ್ರೀ ಶಿವ ಪ್ರಭಾ ಯಕ್ಷಗಾನ ಮಂಡಳಿ ಶಿವಪುರ ಹಾಂನಿ° ಕೊಂಕಣಿ ಯಕ್ಷಗಾನ "ರಾಣೆ ಶಶಿಪ್ರಭಾ" ಹಾಜೆ° ಪ್ರದರ್ಶನ ಕೆಲೆ°. ರತ್ನಕರ ಶೆಣೈ ಶಿವಪುರ ಹಾಂನಿ° ನಿರ್ದೇಶಕ ಆಣಿ ಭಾಗವತ ಆಶಿಲೆ. ಚಂಡೆರಿ ಗಣೇಶ್ ಶೆಣೈ ಶಿವಪುರ ಆನಿ ಮದ್ದಳೆರಿ ಶ್ರೀಪತಿ ಭಟ್ ಉಡುಪಿ ಹಾಂನಿ° ಸಹಕಾರ ದಿಲೊ.
ಶಾರದೆಲೆ ಸನ್ನಿಧಿಂತು° ಸಾನ ಚೆರಡುವಾಂಕ ಅಕ್ಷರ ಅಭ್ಯಾಸ ಚಲೊ. ವಿನಾಯಕ ಭಟ್ ಹಾಂನಿ° ನಿರ್ವಹಣ ಕೆಲೆ°.
ನವರಾತ್ರಿ ಪ್ರಯುಕ್ತ ದೇವಳಾಂತು° ವಿನಾಯಕ್ ಭಟ್ ಹಾಂಗೆಲೆ ಮಾರ್ಗದರ್ಶನಾರಿ ಚಂಡಿಕಾ ಹವನ ಚಲೊ. ದೇವಾಲೆ ಸನ್ನಿದಿಂತು° ಸಮೂಹಿಕ ಪ್ರಾರ್ಥನಾ, ಯಾಗ ಶಾಲೆಂತು° ಧಾರ್ಮಿಕ ಪೂಜಾ ವಿಧಾನಂ ಚಲೆ. ದಯಘಾನ್ ಭಟ್, ಮೇಘಶಾಮ್ ಭಟ್, ಶಿವಾನಂದ ಭಟ್, ದೀಪಕ್ ಭಟ್ ಆನೀ ಹೇರ ಅರ್ಚಕಾನಿ ಸಹಕಾರ ದಿಲೊ. ಪ್ರಕಾಶ ಶೆಣೈ ದಂಪತಿನ ಯಜಮಾನಪಣ ಘೆತಲೆಂ. ಪೂರ್ಣಾಹುತಿ ಜಾತರಿ ಮಹಾಪೂಜಾ ಉಪರಾಂತ ಸಮಾರಾಧನಾ ಆಶಿಲಿ.
To Support Kodial Khaber click the following button.
ಮ್ಹಾತರೊ ಚರ್ಬೆಲಾ "ಸಂವಾದ್ - ಪ್ರಾತ್ಯಕ್ಷಿಕಾ"
ಮಂಗಳೂರು: ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಘ ಆನಿ ಕೊಂಕಣಿ ವಿಭಾಗಾಚೆ ತರಪೇನ "ಸಂವಾದ್ - ಪ್ರಾತ್ಯಕ್ಷಿಕ" ಕಾರ್ಯಕ್ರಮ ಆರತಾ° ರಾಬರ್ಟ್ ಸಿಕ್ವೇರ ಸಭಾಂಗಣoತ ಘಡಲೊ. ಮ್ಹಾತರೊ ಚರ್ಬೆಲಾ ಫಮಾದ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯ ಮುಖೇಲ ಸೊಯರೆ ಆಶಿಲೆ. ತಾಣೆ ವಿದ್ಯಾರ್ಥಿಯಾಲೆ ಸಾಂಗತ ಉಗ್ತ್ಯಾ ಮನಾನ ಸಂವಾದ ಕೆಲೊ. ಆಪ್ಲಿ ಭೊಗ್ಣಾ ಉಚಾರ್ನ, ಮ್ಹಾತರೊ ಚರ್ಬೆಲಾ ನಾಟಕಾಚೆ 99ವೊ° ಪ್ರದರ್ಶನ ಕಾಲೇಜಾಚೆ ಸಂಭಾಗಣಾoತ್ ಚಲೊಂವ್ಚಿ ಇಚ್ಛಾ ಪ್ರಕಟ ಕೆಲಿ. ವಿದ್ಯಾರ್ಥಿ ಖಾತಿರ ಏಕ ನಾಟಕ ಬರೋವನು ನಿರ್ದೇಶನ ಕರತಾ° ಮ್ಹಣ್ ಭಾಸಯ್ಲೆ°. ಉಪ್ರಾಂತ ಪ್ರಾತ್ಯಕ್ಷಿಕ ಮುಖಾಂತ್ರ ಮನೋರಂಜಿತ ಕೆಲೆ°. ಕಾರ್ಯದರ್ಶಿ ಮೆಲ್ಕನಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ಫ್ರ್ಯಾಂಕ್ಲಿನಾನ ಆಬಾರ ಮಾನಲೊ. ಅಧ್ಯಕ್ಷಿಣ್ ಫ್ಲೋರ ಕಾಸ್ತೆಲಿನೊ ಹಾಜರ ಆಶಿಲಿ.
Click Support Us to support Kodial Khaber
ರಾಷ್ಟ್ರೀಯ ಸ್ಥರಾಚೊ ದೊಡೆಂ (ಡುಯೇಟ್) ಗಾಯನ ಸ್ಪರ್ಧೊ
ಮಂಗಳೂರು: ಸಾಂ. ಲೂವಿಸ್ ಕಾಲೇಜ್ ಆನಿ ಕಲಾನಿಕೇತನ್ ಗೊಂಯ್ ಹಾಂಗೆಲೆ ಜೋಡ್ ಆಶ್ರಾಯಾರ ಚಲೆಲೆ ರಾಷ್ಟ್ರೀಯ ಸ್ಥರಾಚೊ ದೊಡೆಂ (ಡುಯೇಟ್) ಗಾಯನ ಸ್ಪರ್ಧೊ ಮಾಂಡೂನ ಹಾಡಲೊ. 40 ಸ್ಪರ್ಧಿಕಾ° ಪಯಕಿ 16 ಸ್ಪರ್ಧಿಕ ಅಂತಿಮ ಕಣಾಂತ ಗೊಯಾಂತ ಅಕ್ಟೋಬರ್ 25 ತಾರೀಕೆಕ ಚಲಚೆ ಫೈನಲ್ ಸ್ಪರ್ಧ್ಯಾಕ ವಿಂಚುನ ಆಯಲೆಂತಿ. ವಿಷೇಶ್ ಆಕರ್ಷಣ ಜಾವನು ಆಸಾ ಕೆಲೆಲೆ ಗೊಯಚೆ ಖಾಣಾಂಚೆ ಸ್ಟೋಲ್ 'ಕುಮಿದೊ' ಹಾಜೆ ಉಗ್ತಾವಣ ಮಾ. ಬಾ. ಮೆಲ್ವಿನ್ ಪಿಂಟೊ ಜೆ.ಸ. ರೆಕ್ಟರ್ ಹಾನಿ° ಕರನು ಆಶೀರ್ವಚನ ದಿಲೆ°. ಗಾಯನ ಸ್ಪರ್ಧ್ಯಾಕ ಗುಮಾಟ ಆನಿ ತೊಣಿಯೊ ಖೆಳೊನ ಚಾಲನ ದಿಲೆ°. ಸಂದೇಶಾಚೊ ಪ್ರಾಶುಂಪಾಲ ಮಾ.ಬಾ.ದೊ.ಪ್ರವೀಣ್ ಮಾರ್ಟಿಸ್ ಜೆ.ಸ. ಹಾಂನಿ° ಉಗ್ತಾವಣಾಚೆ ಉತ್ರಂ ಸಾಂಗಲಿ°. ಗೊಂಯಚೆ ತಿಯಾತ್ರ ಸಂಸ್ಥ್ಯಾಚೆ ಅಧ್ಯಕ್ಷ ಅರ್ನಾಲ್ಡ್ ಡಿಕೊಸ್ತ ಹಾಂನಿ° ಸಮಾರೋಪ ಸುವಾಳ್ಯಾಚೆ ಮುಖೇಲ ಸೊಯರೆ ಆಸೂನ ತಾಂಚೊ ಸಂದೇಶ ದಿಲೊ. ಸಂಚಾಲಕ ಮೈಕಲ್ ಗ್ರೇಶಿಯಸ್ ಆನಿ ವರೇಣ್ಯಾರಾನಿ ಸಾಂಗಾತ ದಿಲೊ. ವಿದ್ಯಾರ್ಥಿ ಮೆಲ್ಕನಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ಜೋಶ್ವನಾನ ಆಬಾರ ಮಾನಲೊ. ಸ್ವೀಡಲ್ ಮೆಂಡೊನ್ಸಾನ ಸೂತ್ರ ಸಂಚಾಲನ ಕೆಲೆ°.
मंगळूरांत ‘कोंकणी वाग्देवी पुरस्कार’ प्रदान
मंगळूर: “कोंकणी भासेक भारताचे संविधानांत मान्यताय मेळून तीस वरसां हुपलीं आनी एक संपूर्ण नवी पिळीगा आयज उबो राबल्या. ह्या पर्व कालाचेर मंगळूरच्या नलंदा आंग्ल माध्यम शाळेच्या पूर्णिमा प्रभुन कर्नाटक sslc बोर्ड परीक्षेंत कोंकणींत १००% अंक जोडुन इतिहास निर्माण केला. तिका सुजिर सि.वी. नायक सभागृहांत कोंकणी वाग्देवी पुरस्कार, शिश्यवेतन आनी उड्गेरें मंगळूरच्या सेवा संघाचो अध्यक्ष डा. कस्तुरी मोहन पै हानी फ़ावो केलो. सेवा संघाचो ८५ संस्थापन दिवसाचे सुवाळ्यांत एक्सपर्ट शिक्षण संस्थेच्या उप अध्यक्ष डा.उशाप्रभा नायक, अर्थिक तज्ञ डा. प्रकाश कामत आनी धर्मदर्शी सतीश प्रभु हे मुखैल सोयरे आसिल्ले. विश्वनाथ भट्ट, उशा मोहन पै, सुचित्रा शेणाइ, वेंकटेश बाळिगा, एम. आर. कामत उपस्थित आशिल्ले. शिक्षणिक क्षमताय जोडलेल्या १६० छात्रांक एम.आर.कमत आनी माधव्रय प्रभु हानीं सम्मान केलो. उषा मोहन पै, चंद्रिका मल्या, विद्या बाळिगा, मिनाक्षी पै आनि विध्या पै हांनी २५ शाळेंच्या २५० छात्रांक वेग वेग्ळे कोंकणी सर्त चलोवुन बोमान वांटलीं. गौरव सचिव डा. रमेश पै हानी देव बरे करूं म्हळ्ळें.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಭಾಜ
ತೂಪ ಘಾಲನ ಫೋಳೋ ಚರಚರೀ ಭಾಜೂಕಾ. ಕಾಯಿಲೇರಿ ಪೋಡಿ ಭಾಜಿತಾತಿ. ಕಣಂಗ ಮುಂಬರಾಂತ ಭಾಜಿತಾತಿ.
ಹೇ ಉದ್ದೃತ ವಾಕ್ಯಾಂತ ಭಾಜ ಮ್ಹಣಚೊ ಜೋ ಏಕ ಶಬ್ದ ವಾಪರಲಾ ತಾಜೋ ಅಥರ್ು ಸಾಮಾನ್ಯ ಸರ್ವಯೀ ಜಾಣ. ಉದಾಕ ಘಾಲನು ಆಯದನಾಂತ ಶೀಜೋವಚೇ ಜಾಲ್ಯಾರ ತೇಲ ಜಾವೋ ತೂಪ ಜಾವೋ ಘಾಲನ ಕಾಯಿಲೆರಿ ಖಾವಚಾಕ ಜಾವಚೇ ತಶೀಂ ಸಿದ್ದ ಕರಚೇ ಜೋ ಆಸಾ ತಾಕಾ ಭಾಜೂಚೆ ಮ್ಹಣತಾತಿ. ಆಶೀಂ ಆಸೂಚೆ ಶಬ್ದಾಚೀ ವ್ಯುತ್ಪತ್ತಿ ಅಶೇಂ ಅಸಾ.
ಭಾಜೂಚೇ ಮ್ಹಣಚೇ ಅಥರ್ಾರಿ ಪ್ರಾಕೃತ ಭಾಶೇಂತು ಭಜ್ಜ, ಭಜ್ಜಣ ಮ್ಹಣಚೊ ಶಬ್ದು ಆಸಾ. ಹೋ ಶಬ್ದು ಸಂಸ್ಕೃತ ಭಾಶೇಚೊ ಭಜನ , ಭರ್ಜನ ಮ್ಹಣಚೊ ಜೋ ಶಬ್ದು ಆಸಾ ತಾಜೇ ಪ್ರಾಕೃತ ಭಾಶಾ ರೂಪ ಭಜ, ಭಜ್ಜಣ ಮ್ಹಣು. ಪ್ರಾಕೃತ ಭಾಷೇಚೋ ಹೋಚೀ ಶಬ್ದು ಕೊಂಕಣಿ ಭಾಶೇಂತು ಭಾಜ ಮ್ಹಣು ಜಾಲಾ. ಹೇ ಭಜ್ಜ ಮ್ಹಣಚೇ ಶಬ್ದಾಚೆ ಪಯಲೇ ಅಕ್ಷರ ದೀರ್ಘ ಉಚ್ಛಾರ ಕೆಲೇಲೇ ನಿಮಿತ್ತ ಭಜ್ಜ > ಭಾಜ್ಜ ಜಾತಾ. ಪಯಲೇ ಅಕ್ಷರ ದೀರ್ಘ ಜಾಲ್ಯಾರ ದೂಸರೇ ದೊಟ್ಟಿ ಅಕ್ಷರ ಏಕಾಕ್ಷರ ಜಾವಚೆ ನಿಮಿತ್ತ ಭಜ್ಜ > ಭಾಜ್ಜ > ಭಾಜ ಮ್ಹಣು ಕೊಂಕಣಿಂತ ರೂಪ ಪಾವಲಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- तुळशी काट्टो
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ಘರ ಏಕ್ ದೇವುಳ
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 425 guests and no members online