Uttar Kannada (11)
ಕೊಂಕಣಿ ಅಕಾಡೆಮಿ - ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರದಾನ ಕಾರ್ಯಕ್ರಮ
Written by Editor
ಹೊನ್ನಾವರ: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ 2023ಚೆ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರದಾನ ನವೆಂಬರ್ 10ಕ ಹಾಂಗಾಚೆ ಶಾನ್‌ಭಾಗ್ ರೆಸಿಡೆನ್ಸಿ ಹಾಂಗಾ ಚಲೆ. ಮಾರ್ಸೆಲ್ ಎಂ. ಡಿಸೋಜ, ಹ್ಯಾರಿ ಫೆರ್ನಾಂಡಿಸ್, ಅಶೋಕ ಕಾಸರ್‌ಕೋಡ್ ಹಾಂಕಾ° ಗೌರವ ಪ್ರಶಸ್ತಿ ಆನಿ ಮೇರಿ ಸಲೋಮಿ ಡಿಸೋಜ, ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ) ಆನಿ ಫಾ| ರೊಯ್ಸನ್ ಫೆರ್ನಾಂಡಿಸ್ ಹಾಂಕಾ° ಸನ್ಮಾನ ಚಲೊ.
ವೆಗವೆಗಳೆ ಕಲಾಪಂಗಡಾ ತಾವನ ಸಾಂಸ್ಕೃತಿಕ ಪ್ರದರ್ಶನಾಚೆ ಮೆರವಣಿಗೆಚೆ ಸಾಂಗತ ಪ್ರಶಸ್ತಿ ವಿಜೇತಾಂಕ ಮಾಂಟವಾಕ ಹಾಡಚೆ° ಜಾಲೆ°. ಆಶಾ ದೇವ್‌ರಾಯ್ ಮೇಸ್ತ ಆನಿ ಪಂಗಡಾನ ಮೂರ್ಣ ಕುಂಭ ಸ್ವಾಗತ, ನೆಲ್ಸನ್ ಲೋಪಿಸ್ ಆನಿ ಪಂಗಡಾಚೆ ಗೊಂಬೆ ನೃತ್ಯ, ಕೋಸ್ಟ ಫರ್ನಾಂಡಿಸ್ ಆನಿ ಪಂಗಡಾಚೆ ಶಿಗ್ಮೊ ನೃತ್ಯ, ಅಗ್ನೆಲ್ ಲೋಪಿಸ್ ಆನಿ ಮದರ್ ತೆರೆಜಾ ಬ್ಯಾಂಡ್ ಹಾಂಗೆಲೆ° ಬ್ರಾಸ್ ಬ್ಯಾಂಡ್ ಮೆರವಣಿಗೆಂತು° ಆಶಿಲೆ°. ಮರಿಯಾಣಿ ಎಂ. ಸಿದ್ದಿ ಆನಿ ಪಂಗಡ, ಮುಂಡುಗೋಡು ಹಾಂಗೆಲೆ° ಸಿದ್ದಿ ಜಾನಪದ ನೃತ್ಯ, ಲಕ್ಷ್ಮಣ್ ಖಾರ್ವಿ ಆನಿ ಪಂಗಡಾಚೆ ಖಾರ್ವಿ ಜಾನಪದ ನೃತ್ಯ, ಸುರೇಶ್ ಸಿ. ನಾಯ್ಕ್ ಆನಿ ಪಂಗಡಾಚೆ ಗುಮ್ಟೆಂ ಫಾಂಗ್ ಪ್ರದರ್ಶನ ಚಲೆ°. ಸಭಾ ಕಾರ್ಯಕ್ರಮಾಂತು° ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್, ಮುಖೇಲ ಸೊಯ್ರೆ ಮಿಲಾಗ್ರಿಸ್ ಕೊ.ಆಪರೇಟಿವ್ ಸೊಸೈಟಿಚೊ ಅಧ್ಯಕ್ಷ ಜೋರ್ಜ್ ಫೆರ್ನಾಂಡಿಸ್, ಮಾನಾಚೆ ಸೊಯ್ರೆ ಕಾಸರ್‌ಕೋಡ್ ಪಂಚಾಯತಾಚಿ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್, ಅಖಿಲ ಭಾರತ ಕೊಂಕಣಿ ಖಾರ್ವಿ ಮಹಾಜನ್ ಸಭಾಚೊ ಅಧ್ಯಕ್ಷ ಮೋಹನ್ ನಾಗೇಶ್ ಬಾನಾವಳಿಕರ, ತಂಝಿ° ಭಟ್ಕಳ್ ಹಾಜೊ ಉಪಾಧ್ಯಕ್ಷ ಮೊಹಿದಿನ್ ರುಕ್‌ನದ್ದಿನ್, ಮಂಗಳೂರು ಧರ್ಮಪ್ರಾಂತ್ಯಾಚೊ ಸಾರ್ವಜನಿಕ ಸಂಪರ್ಕ ಅಧಿಕಾರಿ, ಅಕಾದೆಮಿಚೊ ಆದಲೊ ಅಧ್ಯಕ್ಷ ರೋಯ್ ಕ್ಯಾಸ್ತೆಲಿನೊ ಆನಿ ಅಕಾಡೆಮಿಚೊ ರಿಜಿಸ್ಟ್ರಾರ್ ರಾಜೇಶ್ ಜಿ. ಉಪಸ್ಥಿತ ಆಶಿಲೆ. ಸನ್ಮಾನಿತಾನಿ ತಾಂಗೆಲೊ ಅನುಭವ ವಾಂಟೂನ ಘೆತಲೊ. ಅಕಾಡೆಮಿಚೆ ಸಾಂದೆ ಜೇಮ್ಸ್ ಲೋಪಿಸ್ (ಸದಸ್ಯ ಸಂಚಾಲಕ) ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ, ಸಮರ್ಥ್ ಭಟ್, ಫಾ| ಪ್ರಶಾಂತ್ ಮಾಡ್ತಾ, ಅಕ್ಷತಾ ನಾಯಕ್, ಪ್ರಮೋದ್ ಪಿಂಟೊ, ಶ್ರೀನಿವಾಸ್ ಗೌಡ, ದಯಾನಂದ ಮಡ್ಕೇಕರ್, ಜಗದೀಶ್ ಖಾರ್ವಿ, ಮಾಮ್ದು ಇಬ್ರಾಹಿಂ ಉಪಸ್ಥಿತ ಆಶಿಲೆ. ವಿಕ್ಟರ್ ಮಥಾಯಸ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ರಿಜಿಸ್ಟ್ರಾರ್ ರಾಜೇಶ್ ಜಿ. ಹಾಂನಿ° ಆಬಾರ ಮಾನಲೊ. ಉಪರಾಂತ ಮನೋಜ್ ಲೊಪೀಸ್ ಆನಿ ಪಂಗಡಾ ತಾವನ ಸಂಗೀತ ರಸಮಂಜರಿ ಕಾರ್ಯಕ್ರಮ ಚಲೊ.
To Support Kodial Khaber click the following button.
ಭಟ್ಕಳ: ಶ್ರೀ ಸಂಸ್ಥಾನ ಕಾಶೀಮಠಾಚೆ 20ವೆ° ಯತಿವರ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಜನ್ಮ ಶತಾಬ್ದಿ ಆರಾಧನಾ ಮಹೋತ್ಸವಾಕ ಲಾಗೂನ ಜುಲೈ 15(ಆಷಾಢ ಮಾಸಾಚೆ - ಸ್ವಾತಿ ನಕ್ಷತ್ರ) ದೀವಸು ಭಟ್ಕಳಚೆ ಸ್ನೇಹಾ ವಿಶೇಷ ಚೆರಡುವಾಂಲೆ ಶಾಳೆಕ ಭಟ್ಕಳಚೆ ಶ್ರೀ ಕಾಶೀಮಠ ವ್ಯವಸ್ಥಾಪಕ ಸಮಿತಿಚೆ ಸಾಂದ್ಯಾನಿ ಭೇಟಿ ದೀವನು ದಿವ್ಯಾಂಗ್ ವಿದ್ಯಾರ್ಥಿಯಾಲೆ ಸಾಂಗತ ದೋನಪಾರಾಛೆ ಜೇವಣ ಕೆಲೆ°. ಸಮಿತಿಚೆ ಡಾ. ವಿಶ್ವನಾಥ ನಾಯಕ, ಬಿ. ಕೆ. ಪೈ, ಶ್ರೀಧರ ಶಾನಭಾಗ, ವೆಂಕಟೇಶ್ ನಾಯಕ, ಸುನೀಲ ಕಾಮತ್, ಭಟ್ಕಳ ಎಜ್ಯುಕೇಶನ ಟ್ರಸ್ಟ್ ಹಾಜೆ ಶ್ರೀ ಗುರು ಸುಧೀಂದ್ರ ಕಾಲೇಜಾಚೆ ಉಪನ್ಯಾಸಕ ವೃಂದಾಚೆ ಲೋಕ ಉಪಸ್ಥಿತ ಆಶಿಲೆ. ಶ್ರೀ ಕಾಶೀಮಠ ಸಮಿತಿಚೆ ಅಧ್ಯಕ್ಷ ಸುರೇಂದ್ರ ಆನಂದ ಕಾಮತ ಹಾಂನಿ° ಕಾರ್ಯಕ್ರಮ ಆಯೋಜನ ಕರಚಾಕ ಸಹಕಾರ ದಿಲೊ. ಉಪರಾಂತ ಗೊಡ್ಶೆ° ವಾಂಟೂಚೆ° ಜಾಲೆ°.
To Support Kodial Khaber click the following button.
“ಕಾನ್ಗೋಡ್” ಕೊಂಕಣಿ ಸಿನೇಮಾ ಶಿರಸೀಂತು ಚಿತ್ರೀಕರಣ ಜಾಲ್ಲೆ°
Written by ವಾಸುದೇವ ಶಾನಭಾಗ ಶಿರಸಿ
ಬೆಂಗಳೂರಚೆ ಖ್ಯಾತ ನಿರ್ದೇಶಕ ಸೋಮಶೇಖರ ಆರಾಧ್ಯ ಹಾನ್ನಿ ತಾಂಗೆಲೆ ‘ಶ್ರೀ ಅನ್ನಪೂರ್ಣೇಶ್ವರಿ ಸ್ಟುಡಿಯೋ’ ಬ್ಯಾರ‍್ರಾ ಖಾಲ ನಿರ್ಮಾಣ ಕರ್ಚೆ° “ಕಾನ್ಗೋಡ್” ಕೊಂಕಣಿ ಚಲನಚಿತ್ರಾಚೆ ಸಂಪೂರ್ಣ ಚಿತ್ರೀಕರಣ ಶಿರಸಿಂತೂ ಕೋರ್ನು ತಾಜ್ಜೆ° ಡಬ್ಬಿಂಗ್ ಕಾರ್ಯ ಪಣ ಶಿರಸಿಂತೂಚಿ ಸಂಪನ್ನ ಜಾಲ್ಲೆ°. ಸುಮಾರು ಏಕ ಮ್ಹಯನೋ ಶಿರಸಿಂತೂ ರಾಬ್ಬೂನು ಹ್ಯಾ ಸಿನೇಮಾಚೆ ಸಂಪೂರ್ಣ ಕಾಮ ಜಾವ್ನು ಚಿತ್ರ ತಂಡ ಬೆಂಗಳೂರಾಕ ಭಾಯ್ರ ರ‍್ತನಾ ನಿರ್ಮಾಪಕ ಆನಿ ನಿರ್ದೆಶಕ ಶ್ರೀ ಆರಾಧ್ಯ ಹಾಂಕಾ° ಶಿರಸಿಚೆ ಕಲಾವಿದ ಲೊಕಾನ್ನೀ ಮೇಳ್ನು ಪಂಚವಟಿ ಹೊಟೆಲ್ಲಾಂತು ಆತ್ಮೀಯ ಜಾವ್ನು ಸನ್ಮಾನ ಕೆಲ್ಲೊ. ಶಿರಸೀಚೆ ಕಲಾವಿದ ಶಿರಸಿ ಮಂಜು, ಕುಸುಮಾ ಗೌಡ, ವಾಸುದೇವ ಶಾನಭಾಗ, ಆರ್.ಡಿ. ಪೈ. ಅನಿಲ ನಾಯಕ, ಎಸ್.ಜಿ.ಹೆಗಡೆ ಉಪಸ್ಥಿತ ಆಶಿಲ್ಲೆ. ಶಿರಸೀಚೆ ಜಿ.ಎಸ್.ಬಿ. ಸೇವಾವಾಹಿನಿ ತರ್ಫೇನ ವಾಸುದೇವ ಶಾನಭಾಗ ಹಾನ್ನಿ ಯಾದಸ್ತಿಕಾ ದಿಲ್ಲಿ. ಹ್ಯಾ ಚಿತ್ರಾಚೆ ಚಿತ್ರೀಕರಣ ಶಿರಸೀಚೆ ದೇವನಿಲಯ ಚಿಪ್ಗಿ, ಅಂಬಾಗಿರಿ, ಕಬ್ಬೆ ಗಾಂವು , ರಾಮನಾಥ ರಿಫ್ರೆಶ್ಮೆಂಟ, ಶಾರದಾದೇವಿ ಸ್ಟೂಡೆಂಟ್ಸ ಹೋಮ್, ಹುಸರಿಚೆ ದಿವೇಕರ ಫಾರ್ಮ್ಸ ಹ್ಯಾ ಲೊಕೇಶನ್ನಾಂತು ಕೆಲ್ಲಾ°. ಹ್ಯಾ ಫಿಲ್ಮಾಂತು ಸ್ಥಳೀಯ ಕಲಾವಿದ ವಾಸುದೇವ ಶಾನಭಾಗ, ಶಿರಸಿ ಮಂಜು, ಅನಿಲ ನಾಯಕ, ರಾಮಚಂದ್ರ ಪೈ, ಆನಂದ ಕಾಮತ್, ಶಾಂತಾರಾಮ ಶೆಟ್ಟಿ, ಕಾಶಿನಾಥ ಕಾನಡೆ, ಶಾಂತಾರಾಮ ಹೆಗಡೆ, ಡಾ. ಅಜಿತ ಧಾಕಪ್ಪಾ, ಸುಕನ್ಯಾ ಮಳಗೀಕರ್, ಕುಸುಮಾ ಎಸ್.ಜಿ., ಮಾ. ಅಭಯ ಹ್ಯಾ ಸರ್ವಾನ್ನೀ ಅಭಿನಯ ಕೆಲ್ಲಾ. ಸ್ಕ್ರೀನ್ ಪ್ಲೇ ಆನಿ ಸಂಭಾಷಣೆ ಸೋಮಶೇಖರ ಆರಾಧ್ಯ ಹಾನ್ನೀ ಬರೆಯಿಲ್ಲೇಂ ವಾಸುದೇವ ಶಾನಭಾಗ ಹಾನ್ನಿ ಕೊಂಕಣಿοತು ತರ್ಜುಮೊ ಕೆಲ್ಲಾ. ಕ್ಯಾಮರಾ ಸತೀಶ ಮಂಡ್ಯ, ಸಹಾಯಕ ನಿರ್ದೇಶನ ಮಂಜು, ಸಂಕಲನ ಶಶಿ ಆರಾಧ್ಯ ಹಾನ್ನಿ ಕೆಲ್ಲಾ. ಹ್ಯಾ ಫಿಲ್ಮಾಚೆ ಡಬ್ಬಿಂಗ್ ಕಾರ್ಯ ವಾಸುದೇವ ಶಾನಭಾಗ, ಆನಂದ ಕಾಮತ, ಅನಿಲ ನಾಯಕ, ಎಸ್.ಜಿ.ಹೆಗಡೆ, ಸುಕನ್ಯಾ, ಕಾಶಿನಾಥ ಕಾನಡೆ ಹಾನ್ನಿ ಪೂರೈಸಿಲ್ಲೆ°. ಚಿತ್ರೀಕರಣಾಕ ಸಹಕಾರ ದಿಲ್ಲಿಲೇ ಸರ್ವಾಂಕ ಕೃತಜ್ಞತೆ ಸಾಂಗೂನು ನಿರ್ದೇಶಕ ಆರಾಧ್ಯ ಹಾನ್ನಿ ‘ಕಾನ್ಗೋಡ್’ ಚಿತ್ರ ಅಗಷ್ಟ ಮ್ಹಯನ್ಯಾಂತು ಥೇಟರಾಂತು ರಿಲೀಸ್ ಕರ್ಚೊ ವಿಚಾರ ಆಸ್ಸಾ ಅಶ್ಶೀ° ಸಾಂಗ್ಲೆ°.
ಸರಸ್ವತಿ ಪ್ರಭಾ ಪುರಸ್ಕಾರ -2023 ಪ್ರಧಾನ ಸಮಾರಂಭ
Written by Argodu Suresh Shenoy
ಶಿರಸಿ: ಮ್ಹಾಲ್ಗಡಿ ಕೊಂಕಣಿ ಸಾಹಿತಿ ಆನಿ ಗಾಯಕಿ ಜಯಶ್ರೀ ನಾರಾಯಣ ನಾಯಕ, ಯಕ್ಕಂಬಿ ಹಾಂಕಾ ಸರಸ್ವತಿ ಪ್ರಭಾ ಪುರಸ್ಕಾರ -2023 ಪ್ರಧಾನ ಆರತಾ° ಶಿರಸಿ ಶ್ರೀ ಗೋಪಾಲಕೃಷ್ಣ ದೇವಳಾಂತು° ಜಾಲೆ°.
ಜೀವನಾಂತು ಜಿದ್ದಿ(ಛಲ) ಆಸಚೊ ಮನೀಷು ಮಾತ್ರ ಜೀವನಾಂತು ಯಶ ಪಾವತಾ. ಹಾಕಾ ಜಯಶ್ರೀ ನಾರಾಯಣ ನಾಯಕ ಚಾಂಗ ಉದಾಹರಣ. ಆಪಲೆ ವ್ಹಡ ಕುಟುಂಬ ಸಾಂಬಾಳಚೆ ಬರಶಿ ತಾಂನಿ ಅವಯಿ ಭಾಸ ಕೊಂಕಣಿ ವಾಪರೂನ ರಚನ ಕೆಲೀಲೆ ಅಪಾರ ಸಾಹಿತ್ಯ ಸೇವಾ ಸಕಟಾಂಕ ಅನುಕರಣೀಯ. ಸರಸ್ವತಿ ಪ್ರಭಾ ಪತ್ರಿಕೇನ ಹೇ ಪುರಸ್ಕಾರಾಕ ಯೋಗ್ಯಾಂಕ ಸೊದೂನು ಗೌರವ ಕೆಲಾ° ಅಶಿ° ಮ್ಹಣು ಶಿರಸಿಚೆ ಸ್ಮಿತಾ ಎಸ್. ಕಾಮತ್ ಹಾಂನಿ° ಸಾಂಗಲೆ. ತಾಂನಿ° ಮೆ. 25ಕ ಶಿರಸಿಚೆ ಶ್ರೀ ಗೋಪಾಲಕೃಷ್ಣ ದೇವಳಾಂತು ಜಯಶ್ರೀ ನಾರಾಯಣ ನಾಯಕ ಹಾಂಕಾ ಸರಸ್ವತಿ ಪ್ರಭಾ ಪುರಸ್ಕಾರ 2023 ಪಾವಿತ ಕೊರನು ಉಲಯತಾ ಆಶಿಲೆ. ಮುಖೇಲ ಸೊಯರೆ ಜಾವನು ಶ್ರೀ ಗೋಪಾಲಕೃಷ್ಣ ದೇವಳಾಚೆ ಮೊಕ್ತೇಸರ ವಿವೇಕಾನಂದ ಕಾಮತ ಉಪಸ್ಥಿತ ಆಶಿಲೆ.
ಪತ್ರಿಕಾ ಸಂಪಾದಕ ಆರಗೋಡು ಸುರೇಶ ಶೆಣೈ ಹಾಂನಿ° ಪ್ರಾಸ್ತಾವಿಕ ಉತ್ತರ ಉಲಯಲೆ. ಕವಿ ರಾಮಚಂದ್ರ ಪೈ ಶಿರಸಿ ಹಾಂನಿ° ಸನ್ಮಾನ ಪತ್ರ ವಾಚಲೆ. ಶ್ರೀಧರ ನಾಯಕ ಹಾಂನಿ° ಯೆವ್ಕಾರಾಚೆ ಉತ್ರ° ಸಾಂಗಲಿ° ಆನಿ ಸೂತ್ರ ಸಂಚಾಲನ ಕೆಲೆ°. ಜಯಶ್ರೀ ನಾಯಕಾಂಕ ಶಾಲ, ಮಾಳ, ಫಲವಸ್ತು ದಿವನು ಸನ್ಮಾನ ಕೊರನು ರೂ. 5,000/- ನಗದ, ಸ್ಮರಣಿಕಾ ಆನಿ ಸನ್ಮಾನ ಪತ್ರ ದಿವನು ಗೌರವ ಕೆಲೆ°. ಹೇ ವೇಳ್ಯಾರಿ ಶ್ರೀ ಗೋಪಾಲಕೃಷ್ಣ ದೇವಸ್ಥಾನ ಕಾರ್ಯದರ್ಶಿ ಹರೀಶ್ ಪಂಡಿತ್, ವರೇಂದ್ರ ಕಾಮತ್, ಜಾಗೇಶ್ ಧಾಕಪ್ಪ, ನಾಗರಾಜ್ ಶಾನಭಾಗ್, ಗೀತಾ ಕಾಮತ್, ಶ್ರೀಲಕ್ಷ್ಮೀ ಶಾನಭಾಗ್ ಜವಾಹರ್ ಹೆರ್ವಾಟ್ಟಾ, ಅನುರಾಧ ಹೆರ್ವಾಟ್ಟಾ, ಶಚಿ ಶ್ರೀಧರ್ ನಾಯಕ, ತೃಯೀ ನಾಯಕ, ವೈಜಪ್ಪ ನಾಯಕ, ಉದಯ್ ಹೆಬ್ಳೆ, ಆನಂದ್ ಪ್ರಭು, ವಿಠ್ಠಲ್ ನಾಯಕ, ವಿಘ್ನೇಶ ಕಾಮತ್, ಹರ್ಷ ಪ್ರಭು, ನಿರಂಜನ್ ಕಾಮತ್, ನಾಗೇಶ ನಾಯಕ, ರಾಜೇಶ ನಾಯಕ, ಚಂದನ ನಾಯಕ, ಜಯಶ್ರೀ ನಾಯಕ ಹಾಂಗೆಲೆ ಅಪಾರ ಅಭಿಮಾನಿ ಲೋಕ ಉಪಸ್ಥಿತ ಆಶಿಲೆ.
ಹುಬ್ಬಳ್ಳಿ: ಕೊಂಕಣಿ ಭಾಶೆಚೆ ನಾವಾದಿಕ ಮಾಸಿಕ ಪತ್ರಿಕಾ ಸರಸ್ವತಿ ಪ್ರಭಾ ಹಾಂನಿ° ನಾವಾದಿಕ ಕೊಂಕಣಿ ಸಾಹಿತಿ ಜಯಶ್ರೀ ನಾರಾಯಣ ನಾಯಕ ಎಕ್ಕಂಬಿ ಹಾಂಕಾ° 2023 ವರಸಾಚೆ ಸರಸ್ವತಿ ಪ್ರಭಾ ಪುರಸ್ಕಾರ ಪ್ರದಾನ ಕರಚೆ° ಮ್ಹಣು ಠರಯಲಾ° ಮ್ಹಣು ಪತ್ರಿಕೆಚೊ ಪ್ರಧಾನ ಸಂಪಾದಕ ಆರಗೋಡು ಸುರೇಶ ಶೆಣೈ ಹಾಂನಿ° ಕಳಯಲಾ°.
77 ವರಸಾಚಿ ಜಯಶ್ರೀ ನಾಯಕ ಹಾಂನಿ° ಮಾಕ್ಷಿಚೆ 50 ವರಸಾಂತು° ಕಾವ್ಯ, ಲೋಕವೇದ ಸಾಹಿತ್ಯ ಸಂಗ್ರಹ ಕರನು ಕೊಂಕಣಿ ಆನಿ ಕನ್ನಡ ದೋನಯೀ ಭಾಶೆಚಿ ಸೇವಾ ಕೆಲೆಲಿ ಆಸಾ. ಹಾಂನಿ° ಖೂಬ ಕೊಂಕಣಿ ಸಾಹಿತ್ಯ, ಆಟ ಕೊಂಕಣಿ ಪುಸ್ತಕ°, ಪಂಚ್ವಿಸ ಆಕಾಶವಾಣಿ ಕಾರ್ಯಕ್ರಮ, ಸಾಬಾಋ ಕವಿ ಗೋಷ್ಠಿ, ಸಮಾವೇಶಾಂತು° ವಾಂಟೊ ಗೆತಿಲೊ ಆಸಾ. ಹ್ಯಾ ಪುರಸ್ಕಾರಾಚೆ ಸಾಂಗತ ಹಾಂಕಾ° ಪಾಂಚ ಹಜಾರ ರುಪಯೊ ನಗದ ಇನಾಂಯಿ ಮೇಳತಾ ಮ್ಹಣು ಕಳವಣಿ ಸಾಂಗತಾ.
ಮಾರ್ಚ 23 - ವಿದ್ಯಾಧಿರಾಜ್, ಜೀವೋತ್ತಮ ಆನಿ ಪುರುಷೋತ್ತಮ ಪ್ರಶಸ್ತಿ ಪ್ರದಾನ
Written by Editor
ಯಲ್ಲಾಪುರ: ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಪ್ರಮುಖ ಮಠ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ 548ವಿ ವರ್ಧಂತಿ ಮಾರ್ಚ 23ಕ ಗೊಂಯ ಕಾಣಕೋಣಾಚೆ ಪರ್ತಗಾಳಿಚೆ ಮೂಲ ಮಠಾಂತು° ಚಲಚೆ ಆಸಾ. ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮಿ ಮಹಾರಾಜ್ ಹಾಂಗೆಲೆ ಉಪಸ್ಥಿತಿರಿ ಚಲಚೆ ಹ್ಯಾ ಕಾರ್ಯಕ್ರಮಾಂತು° ಮೈಸೂರಚೆ ಉದ್ಯಮಿ ಎಂ. ಜಗನ್ನಾಥ ಶೆಣೈ ಹಾಂಕಾ° "ಶ್ರೀ ವಿದ್ಯಾಧೀರಾಜ ಪ್ರಶಸ್ತಿ", ಗೊಂಯಚೆ ವಕೀಲ ಪ್ರಕಾಶ ಶ್ರೀರಂಗ ಪ್ರಭುದೇಸಾಯಿ ಆನಿ ಯಲ್ಲಾಪುರಚೆ ಮಹೇಶ ಸುಂದರ ನಾಯಕ ಹಾಂಕಾ° "ಶ್ರೀ ಜೀವೋತ್ತಮ ಪ್ರಶಸ್ತಿ" ಆನಿ ವೆ. ಮೂ. ಅನಂತ ಪರುಷೋತ್ತಮ ಭಟ್ - ಬೆರೋಲಿ, ವೆ. ಮೂ. ವರದರಾಜ ಅನಂತ ಭಟ್ - ಕುಮಟಾ ಆನಿ ವೆ.ಮೂ. ಬಾಲಕೃಷ್ಣ ಲಕ್ಶ್ಮೀನಾರಾಯಣ ಭಟ್ - ಕುಂದಾಪುರ ಹಾಂಕಾ° "ಶ್ರೀ ಪುರುಷೋತ್ತಮ ಪ್ರಶಸ್ತಿ" ಪ್ರದಾನ ಕರತಾತಿ ಮ್ಹಣು ಮಠಾಚೆ ಕೇಂದ್ರಿಯ ಸಮಿತಿಚೊ ಅಧ್ಯಕ್ಷ ಶ್ರೀನಿವಾಸ ವಿ. ಎಸ್. ದೆಂಪೊ ಹಾಂನಿ° ಕಳಯಲಾ°. ಮಾರ್ಚ 23ಕ ದೋನಪಾರ 13ಕ ಮಹಾಪೂಜಾ, 3.30ಕ ವೈದಿಕ ಸಂಭಾವನಾ, 4.00ಕ ಪ್ರಶಸ್ತಿ ಪ್ರದಾನ ಆನಿ 6.00ಕ ಗುರುವರ್ಯಾಲೆ° ಆಶೀರ್ವಚನ ಚಲಚೆ° ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.
ಕುಮಟಾ: ಹಾಂಗಾಚೆ ಹನುಮಂತ್ ಬೆಣ್ಣೆ ಸರ್ಕಾರಿ ಪದವಿ ಪೂರ್ವ ಕಾಲೇಜಾಂತು° ತಾಲೂಕಾ ಸ್ಥರಾಚೆ ಭಗವದ್ಗೀತಾ ಸ್ಪರ್ಧೊ ಚಲೊ. “ಭಗವದ್ಗೀತೆಚೆ ಶ್ಲೋಕ ಪಠಣ ಕರನು ತ್ಯಾ ಪ್ರಮಾಣೆ ಚಲ್ಯಾರಿ ವಿದ್ಯಾರ್ಥಿಯಾನಿ ಶಿಕ್ಷಣಾಂತು° ಯಶ ಫಾವೊ ಕರಯೆತ” ಮ್ಹಣು ಉದ್ಯಮಿ ಮುರಳಿಧರ ಪ್ರಭು ಹಾಂನಿ° ಹ್ಯಾ ವೇಳಾರ ಸಾಂಗಲೆ°. ಎಂ. ರಮೇಶ್ ಉಪಾಧ್ಯಯ್, ಎಂ. ಟಿ. ಗೌಡ, ಸುಧಾ ಶಾನಾಭಾಗ, ಆರ್. ಎಂ. ಶಾನಾಭಾಗ್, ಉಪ ಪ್ರಾಂಶುಪಾಲ ಆರ್. ಎಚ್. ನಾಯ್ಕ್ ಉಪಸ್ಥಿತ ಆಶಿಲಿಂತಿ.
ಶ್ರೀ ಕ್ಷೇತ್ರ ಗಾಣಗಾಪುರಾಂತು° ದೈವಜ್ಞ ಗುರುವರ್ಯಾಲೆ 37ವೊ ಚಾತುರ್ಮಾಸ
Written by Mangalore
ಹೊನ್ನಾವರ: ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಗುರುವರ್ಯ ಶ್ರೀ ಶ್ರೀ ಸಚ್ಚಿದಾನಂದ ಜ್ಞಾನೇಶ್ವರ ಭಾರತೀ ಮಹಾಸ್ವಾಮಿ (ಶ್ರೀ ಜ್ಞಾನೇಶ್ವರಿ ಪೀಠ, ದೈವಜ್ಞ ಬ್ರಾಹ್ಮಣ ಮಠ, ಶ್ರೀ ಕ್ಷೇತ್ರ ಕರ್ಕಿ - ಹೊನ್ನಾವರ ) ಹಾಂಗೆಲೊ 37ವೊ ಚಾತುರ್ಮಾಸ್ಯ ವ್ರತಾಚರಣ ಕಲಬುರ್ಗಿ ಜಿಲ್ಲೆಚೆ ದತ್ತಪೀಠ ಗಾಣಗಾಪುರಾಚೆ ಸಂಗಮ ರಸ್ತೊ ಹಾಂಗಾ ಆಸಚೆ ಜಗದ್ಗುರು ಶ್ರೀ ಆದಿ ಶಂಕರಾಚಾರ್ಯ ಮಠಾಂತು° ಚಲಚೊ ಆಸಾ. ಶುಭಕೃತ್ ನಾಮ ಸಂವತ್ಸರಾಚೆ ಆಷಾಢ ಪೂರ್ಣಿಮಾ ಬುಧವಾರ ಜುಲೈ 13ಕ ವೇದವ್ಯಾಸ, ಆದಿ ಶಂಕರಾಚಾರ್ಯರ ಪೂಜಾ ಸಹಿತ ಶುರು ಜಾವಚೆ ಹ್ಯಾ ಚಾತುರ್ಮಾಸ್ಯ ವ್ರತ ದೋನ ಮ್ಹಯನೊ ಚಲನು ಭಾದ್ರಪದ ಪೂರ್ಣಿಮಾ ಶನಿವಾರ ಸೆ. 10ಕ ಸೀಮೋಲ್ಲಂಘನ ಕರನು ಸಂಪನ್ನ ಜಾವಚೆ ಆಸಾ ಮ್ಹಣು ಮಠಾಚೆ ಕಳವಣಿಂತು° ಸಾಂಗಲಾ°. ಸಂಪರ್ಕ ಕರಚಾಕ ದೂರವಾಣಿ 9448317779 (ಗುರು ಭಟ್) ಜಾವನು ಆಸಾ.
ಕುಮಟಾ: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಲಿ ಜಿವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂಗೆಲೊ ಶುಭಕೃತ ನಾಮ ಸಂವತ್ಸರಾಚೊ ಚಾತುರ್ಮಾಸ ಉತ್ತರಕನ್ನಡ ಜಿಲ್ಲೆಚೆ ಕುಮಟಾಚೆ ಶ್ರೀ ಶಾಂತೇರಿ ಕಾಮಾಕ್ಷಿ ರಾಮನಾಥ ಲಕ್ಷ್ಮೀನಾರಾಯಣ ದೇವಳಾಂತು° ಜುಲೈ 20 ದಾಕೂನ ಸೆಪ್ಟೆಂಬರ್ 10 ಥಾಂಯ ಚಲಚೊ ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಪೀಠಾಧಿಪಾತಿ ಜಾತರಿ ಹೊ ಗುರುವರ್ಯಾಲೊ ದುಸ್ರೊ ಚಾತುರ್ಮಾಸ ಜಾವನು ಆಸಾ. ಜುಲೈ 16ಕ ಗುರುವರ್ಯಾಲೆ° ಪುರಪ್ರವೇಶ ಆನಿ ಸೆಪ್ಟೆಂಬರ್ 10ಕ ಚಾತುರ್ಮಾಸ ವೃತ ಸಮರ್ಪಣ ಜಾವಚೆ° ಆಸಾ ಮ್ಹಣು ಕಳವಣಿ ಸಾಂಗತಾ.
ಹೊನ್ನಾವರಚೊ ದೀಪಕ್ ಆರ್. ಶೇಟ್ ಹಾಂಕಾ° ಯು. ಪಿ. ಎಸ್. ಸಿ 311ವೆ° ರಾಂಕ್
Written by Sirsi
ಹೊನ್ನಾವರ: ಹಾಂಗಾ ಲಾಗಿಚೆ ಮಂಕಿ ಗಾಂವಂಚೆ ನಿವೃತ್ತ ಅಂಗನವಾಡಿ ಕಾರ್ಯಕರ್ತಾ ಸೀತಾ ಆನೀ ಶೇತಗಾರ ಕಾಮೆಲಿ ರಾಮಚಂದ್ರ ಶೇಟ್ ಹಾಂಗೆಲೊ ದ್ಹಾಕಲೊ ಪೂತು ದೀಪಕ ಆರ್. ಶೇಟ್ ಹಾಂನಿ° ಯು. ಪಿ. ಎಸ್. ಸಿ ಪರೀಕ್ಷೆಂತು° 311ವೆ° ರಾಂಕ್ ಫಾವೊ ಕೆಲಾ°. ತಾಗೆಲೆ ಸ್ಹಾತವೆ° ಪ್ರಯತ್ನಾಂತು° ಯಶ ಪಾವಿಲೆ ಹಾಣೆ ಸ್ಹವೆ ದಾಕೂನ ದ್ಹಾವೆ ಕಕ್ಷಾ ತಾಂಯ ಶಿಕ್ಷಣ ಮೊರಾರ್ಜಿ ರೆಸಿಡೆನ್ಶಿಯಲ್ ಶಾಳೆಂತುಂ ಕರನು ಶಾಳೆಂತು° ಪ್ರಥಮ ಸ್ಥಾನ ಫಾವೊ ಕರತರಿ ಪಿ. ಯು. ಶಿಕ್ಷಣ ಮುಡೂಬಿದಿರೆಚೆ ಆಳ್ವಾಸ್ ಕಾಳೇಜಾಂತು° ಕೆಲೆ°. ಉಪರಾಂತ ತಾಣೆ ಬೆಂಗೂರಚೆ ಆರ್. ವಿ. ಕಾಲೇಜ ಆಫ್ ಇಂಜಿನಿಯರಿಂಗ್ ಹಾಂಗಾ ಇಂಜಿನಿಯರಿಂಗ್ ಪದವಿ ಪ್ರಾಪ್ತ ಕೆಲಿ. ಎಕ ವರಸ ಬೆಂಗಳೂರಚೆ ಖಾಸಗಿ ಕಂಪೆನಿಂತು° ನೌಕರಿ ಕರತರಿ ಸಿವಿಲ್ ಸರ್ವಿಸಸ್ ಪರೀಕ್ಷೆಚೆ ತಯಾರಿ ಖಾತಿರ ಡಾ| ರಾಜಕುಮಾರ ಸಿವಿಲ್ ಸರ್ವಿಸಸ್ ಅಕಾಡೆಮಿಕ ಮೆಳಚೆ° ಜಾಲೆ°.
2015 ವರಸಾಂತು° ಪಯಲೆ° ಪಾವಟಿ ಸಿವಿಲ್ ಸರ್ವಿಸಸ್ ಪರೀಕ್ಷೆಕ ಬಶಿಲೆ ಹಾಕಾ ಆತ° ಯಶ ಮೆಳಚಾಕ ಕುಟುಂಬೆಚೆ ಸರ್ವ ಸದಸ್ಯಾಲೊ ಸಹಕಾರ ಆನಿ ಸಹಯೋಗಚಿ ಕಾರಣ ಮ್ಹಣು ತೊ ಸಾಂಗತಾ.
More...
ಕಾರವಾರ : ಉತ್ತರ ಕನ್ನಡ ಜಿಲ್ಲಾ ರಂಗಮοದಿರಾοತು° ಕರ್ನಾಟಕ ರಾಜ್ಯ ಸರಕಾರಿ ನೌಕರರ ಸಂಘ ಹಾಂನಿ° ಆಯೋಜನ ಕೆಲೆಲೆ ಗಡಿನಾಡ ಕನ್ನಡ ಉತ್ಸವಾಚೆ ಭಾಷಣ ಸ್ಪರ್ಧೆಂತು° "ಗಡಿಭಾಗದ ಭಾಷಾ ವೈವಿಧ್ಯತೆ ಮತ್ತು ಸೌಹಾರ್ದತೆ" ವಿಷಯಾಂತು° ವಾಂಟೊ ಘೆತಿಲೆ ಕೋಡಕಣಿಚೆ ಅರವಿಂದ ಶ್ಯಾನಭಾಗ, ಬಾಳೇರಿ ಹಾಂಕಾ° ಪಯಲೆ° ಇನಾο ಫಾವೊ ಜಾಲಾ°. ಸಾಂಜವೇಳಾ ಚಲೆಲೆ ಸಾಂಸ್ಕೃತಿಕ ಕಾರ್ಯಕ್ರಮಾಚೆ ವೇದಿರಿ ಸಂಘಾಚೊ ಅಧ್ಯಕ್ಷ ಷಡಕ್ಷರಿ ಹಾಂನಿ° ರೂ. 10000/- ನಗದ ಸಹಿತ ಅಭಿನಂದನಾ ಪತ್ರ ಪ್ರದಾನ ಕೆಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ನೀಪ-ನಿಪಯ
ಮಾದಕ ವಸ್ತು ಚಡುವಾಂಕ ಮೇಳನಾ ತಶೀಂ ನಿಪೋವನ ದವರಕಾ. ತೇಂ ನಿಪಯ್, ದಾಖೋವನಕಾ, ಪೋಲಿಸಾಂಕ ಪಳಯಿಲ್ಯಾರ ತೋ ನಿಪತಾ ಹೇ ಉದ್ಘೃತ ವಾಕ್ಯಾಂತ ನಿಪಯ್, ನಿಪತಾ ಮ್ಹಣಚೊ ಜೋ ಶಬ್ದು ಪಾಪರಲೊಲೊ ಅಸಾ ತಾಜೊ ಅರ್ಥ ಆನಿ ವ್ಯುತ್ಪತ್ತಿ ಅಶಿ ಆಸಾ. ನೀಪ ಮ್ಹಳ್ಯಾರ ಕೋಣಂಕಯಿ ದಿಸನಾಶಿ ಆಸ ಆನಿ ನಿಪಯ ಮ್ಹಳ್ಯಾರ ಕೊಣಾಂಕಯಿ ದಿಸನಾ ತಶೀಂ ದವರ ಮ್ಹಣ ಅಥರ್ು. ಕೋಣಾಂಕಯಿ ದಿಸನಾಶಿ ಆಸೊ ನ್ಹಹಿಂವೇ ಕರಕಾ ಜಾಲ್ಯಾರ ತೇ ವಸ್ತುಚೇರಿ ಕಸಲೇಂಯಿ ಧಾಂಪುಕಾ ನ್ಹಹಿಂವೇ ತೇ ವಸ್ತುಕ ಖಂಚಾಚೇಯಿ ಆಡ ದವರಕಾ, ತಾಜೇರಿ ಕಸಲೇಂಯಿ ಪಾಂಗೂರಕಾ ಜಾತಾ. ಅಶೀಂ ಧಾಂಪಪ, ಆಡ ದವರಪ, ಪಾಂಗರೂಚೆ ಕರಚಾಕ ನೀಪ, ನಿಪಯಿ ಮ್ಹಣತಾತಿ. ಅಶೀಂ ಕರಚೇ ಜೋ ಅಸಾ ತೇಂ ನಿಪೊವಚೆ ಹೊ ಅರ್ಥೊ ದಿವಚೊ ಹೊ ನಿಪಪ ಶಬ್ದು ಸಂಸ್ಕೃತ ಭಾಷೇಚೋ ಲಿಪ್ ಮ್ಹಣಚೆ ಧಾತೂಚೆ ತಧ್ಬವ ರೂಪ ಜಾವುನು ಆಸಾ. ಲಿಪ್ ಮ್ಹಣಚಾಂತೂಲೆ ಲಿ ಅಕ್ಷರ ನಿ ಜಾವುನು ಲಿಪ್-ನಿಪ್ (ನಿಪಪ) ಮ್ಹಣಚೊ ಕೊಂಕಣೀಂತು ರೂಪ ಪಾವಲಾ ಆನಿ ಹಾಜೋ ಅಥರ್ು ವಯರ ಸಾಂಗಲ್ಯಾ ವರೀ ಕೋಣಾಂಕಯಿ ದಿಸನಾಶಿ ಕರಚಾಕ, ಧಾಂಪಪ, ಆಡ ದವರಪ, ಪಾಂಗೂರಪ ಮ್ಹಣ ಜಾವನು ಆಸಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- ಮಸೀಂಗ
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 320 guests and no members online
