ಮಂಗಳೂರು: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಮಠಾಚೆ ಪಾಂಯಶೆ ಪನ್ನಾಸ ವರಸಾಚೆ ಯಾದೆಕ 550 ಕೋಟಿ ಶ್ರೀರಾಮನಾಮ ತ್ರಯೋದಶಾಕ್ಷರ ಮಂತ್ರ ಜಪ ಅಭಿಯಾನ 119 ಕೇಂದ್ರಾoತು ಚಲತ ಆಸಾ. 17 ಎಪ್ರೀಲ್ 2024 ದಾಕೂನು 4 ಅಗಸ್ಟ್ 2024 ಪರ್ಯಂತ 110 ದಿವಸಾಂತು 124,22,91,119 ಜಪಸಂಖ್ಯಾ ಪೂರ್ಣ ಜಾಲ್ಯಾ. ಕೊಡಿಯಾಲಾಚೆ ಗೋಕರ್ಣ ಮಠಾಚೆ ಮಂಗಲರಾಮಃ ಜಪಕೇಂದ್ರಾAತು 5,92,77,343 ಜಪ ಕೆಲ್ಯಾ ಮೋಣು ಮಾಹಿತಿ ಮೆಳ್ಯಾ.

To Support Kodial Khaber click the following button.

ಬೆಂಗಳೂರು: ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಗುರುಪೀಠಾ° ಪಯಕಿ ಎಕ ಜಾವನು ಆಸಚೆ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ 24ವೆ° ಪೀಠಾಧಿಪತಿ ಪರಮಪೂಜ್ಯ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೆಯರ್ ಹಾಂಗೆಲೊ ಕ್ರೋಧಿ ನಾಮ ಸಂವತ್ಸರಾಚೊ ಚಾತುರ್ಮಾಸ ವೃತ ಸ್ವೀಕಾರ ಸುವಾಳೊ ಬೆಂಗಳೂರಚೆ ಬಸವನಗುಡಿಚೆ ಶ್ರೀ ದ್ವಾರಕನಾಥ ಭವನಾಂತು° ಜುಲೈ 27ಕ ಚಲೊ.
ಹಾಜೆ ಪಯಲೆ° 1979 ಇಸವಿಂತು° ಮ್ಹಾಲ್ಗಡೆ ಸ್ವಾಮೀಜಿ ಶ್ರಿಮದ್ ವಿದ್ಯಾಧಿರಾಜ ತೀರ್ಥ ಶ್ರೀಪಾದ ವಡೆಯರ್ ಹಾಂಗೆಲೊ ಚಾತುರ್ಮಾಸ ಹಾಂಗಾ ಚಲೆಲೊ. ೪೫ ವರಸ ಉಪರಾಂತ ಆತ° ಬೆಂಗಳೂರಾಂತು° ಚಾತುರ್ಮಾಸ ಚಲತಾ ಆಸಾ. ಸೆಪ್ಟೆಂಬರ್ 18 ತಾಂಯ ಚಲಚೆ ಹ್ಯಾ ಚಾತುರ್ಮಾಸ ಸ್ವೀಕಾರ ಕರೂಂಕ ಗುರುವರ್ಯ ಜು.25ಕ ಕುಮಟಾ ಮೋಕ್ಕಾಂ ದಾಕೂನ ಯೆವನು ಪುರಪ್ರವೇಶ ಕರಚೆ ವೇಳಾರ ಸಮಾಜಬಾಂಧವಾನಿ ತಾಂಕಾ° ಗಡದಾಯೆರಿ ಮೆರವಣಿಗೆರಿ ಸ್ವಾಗತ ಕೆಲೆ°.

ಮುಕಾವಯಕಲೆ ವರಸ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠ ಸ್ಥಾಪನಾ ಜಾವನು 550 ವರಸ ಜಾತಾತಿ. ಹೊ ಸುಸಂದರ್ಭ ವಿಶೇಷ ರೀತಿರಿ ಆಚರಣ ಕರಚೆ ನದರೇನ ಗುರುವರ್ಯಾನ 550 ದೀವಸಾಂತುಂ ಸಮಾಜ ಬಾಂಧವಾಲೆ ಮುಖೇನ 550 ಕೋಟಿ ಶ್ರೀರಾಮ ನಾಮ ಜಪ ದೇವಾಕ ಅರ್ಪಣ ಕರಚಾಕ ಸಂಕಲ್ಪ ಕೆಲೆಲೊ ಆಸಾ. ಹೊ ಅಭಿಯಾನ ಎಪ್ರಿಲ 17 ಶುರು ಜಾಲೆಲೊ ಆಸಾ ಆನಿ ಅಕ್ಟೋಬರ್ 18 2024ಕ ಸಂಪನ್ನ ಜಾವಚೊ ಆಸಾ. ಎದೋಳೂಚಿ 118 ಕೇಂದ್ರ ಆನಿ ಉಪ ಕೇಂದ್ರಾಂತು° ಸಮಾಜಬಾಂಧವಾನ ಮೇಳನು ಜಪ ಸಾಂಗಚೆ° ಜಾತಾ ಆಸಾ. ಜುಲೈ 27ಕ ಸಕಾಳಿ 8.30 ದಾಕೂನ ಪುಜಾ ಆನೀ ಧಾರ್ಮಿಕ ವಿಧಿ ಸಹಿತ ಚಾತುರ್ಮಾಸ ವೃತ ಸ್ವೀಕಾರ ಕಾರ್ಯಕ್ರಮ ಚಲೊ. ಉಪರಾಂತ ಗುರುವಾರ್ಯಾನ ಆಶೀರ್ವಚನ ದಿಲೆ°. "ದೇವಾಚೆರಿ ಅನನ್ಯ ಭಕ್ತಿ ದವರಲ್ಯಾರಿ ದೇವು ಆಮಕಾ ಉದ್ಧಾರ ಕರತಾ. ದೇವಾಕ ಭಕ್ತಿನ ಶರಣ ಗೆಲ್ಯಾರಿ ದೇವಾಲೆ ಭವ್ಯ ರೂಪ ಆಮಕಾ ದಿಸತಾ. ದೇವಾಲಿ ಸೇವಾ ಕರಚೆ° ಆಮಗೆಲೆ ಪ್ರಮುಖ ಕರ್ತವ್ಯ ಜಾವನು ಆಸಾ" ಮ್ಹಣು ತಾಂನಿ ಸಾಂಗಲೆ°.

ಹ್ಯಾ ವೇಳಾರ ತಾಂನಿ° ಸಾಬಾರ ಯೋಜನಾ ಸಭೆ ಮಯಕಾರ ದವರಲಿ°. ಮಠಾಕ 550 ವರಸ ಜಾವಚೆ ಉಡಗಾಸಾಕ ಅಕ್ಟೋಬರ್ 18, 2024 ತಾಂಯ ರಾಮ ಜಪ ಯಜ್ಞ, ಅ. 19 ದಾಕೂನ ನ. 26 ತಾಂಯ ಶ್ರೀ ರಾಮ ದಿಗ್ವಿಜಯ (ರಾಮ ರಥ ಯಾತ್ರಾ) ಹರ ಎಕ ಜಪ ಕೇಂದ್ರಾಂಕ ಪಾವತಲಿ. ನ. 27 ದಾಕೂನ ಡಿ. 7 ತಾಂಯ ಪರ್ತಗಾಳಿಂತು° ವಿಶೇಷ ಧಾರ್ಮಿಕ ಆಣಿ ಸಾಂಸ್ಕೃತೀಕ ಕಾರ್ಯಕ್ರಮ ಆನಿ ಹ್ಯಾಚ ವೇಳಾರ ಮಠಾಚೆ ಆವರಣಾಂತು° 77 ಫೀಟ್ ಉಂಚಾಯೆಚೆ ತಾಂಬೆಚೆ ಶ್ರೀರಾಮಾಲೆ ಪ್ರತಿಮಾ ಸ್ಥಾಪನಾ ಜಾವಚೆ° ಆಸಾ ಮ್ಹಣು ತಾಂನಿ° ಕಳಯಲೆ°. ಧಾರ್ಮಿಕ ಪೂಜಾ ವಿಧಿ ವಿಧಾನ ವೈದಿಕ ಅನಂತ ಭಟ್, ನಾರಾಯಣ ಭಟ್, ಮುಕುಂದ್ ಭಟ್, ವಿಕ್ರಂ ಭಟ್, ಸಂತೋಷ ಆಚಾರ್ಯ ಹಾಂನಿ° ಮಾಂಡೂನ ಹಾಡಲಿ. ಧಾರ್ಮಿಕ ಸಭಾ ಕಾರ್ಯಕ್ರಮಾಂತು° ಗೋಕರ್ಣ ಮಠಾಚೆ ಸೆಂಟ್ರಲ್ ಕಮಿಟಿಚೆ ಅಧ್ಯಕ್ಷ ಶ್ರೀನಿವಾಸ್ ದೆಂಪೋ, ಆರ್. ಆರ್. ಕಾಮತ್, ಚಾತುರ್ಮಾಸ್ಯ ಸಮಿತಿಚೆ ಗೌರವಾಧ್ಯಕ್ಷ ದಯಾನಂದ ಪೈ, ಉಪಾಧ್ಯಕ್ಷ ಅಮರನಾಥ್ ಕಾಮತ್, ದಿನೇಶ್ ಪೈ, ಅಣ್ಣಪ್ಪ ಕಾಮತ್, ಜಗದೀಶ್ ಪೈ, ಮುಕುಂದ್ ಕಾಮತ್, ಗಾಂವ ಪರಗಾಂವಚೆ ಶಿಷ್ಯವರ್ಗ ಆನೀ ಗಣ್ಯ ವ್ಯಕ್ತಿ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು° ಜೂನ್ 30 ದೀವಸು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜಿವೋತ್ತಮ ಮಠಾಚೆ 550ವೆ° ವರಸಾಚೆ ಪ್ರಯುಕ್ತ ವಿಶೇಷ ಬೃಹತ್ ರಾಮನಾಮ ಜಪ ಅಭಿಯಾನ ಚಲೆ. ಹ್ಯಾ ವೇಳಾರ ಶ್ರೀ ಗೋಕರ್ಣ ಮಠದ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂನಿ° ಉಪಸ್ಥಿತ ಆಸೂನ ಅನುಗ್ರಹ ದಿಲೆ°. ಸಗಳೆ ದೀವಸು ಅಧಿಕ ಸಂಖೆನ ಮೇಳೆಲೆ ಭಜಕಾನಿ ಸಾಬಾರ 41 ಲಾಖ ರಾಮ ನಾಮ ತಾರಕ ಮಹಾಮಂತ್ರಾಚೆ ಜಪ ಕೆಲೆ°. ಸಕಾಳಿ ವಿಶೇಷ ಪ್ರಾರ್ಥನಾ ದೋನಪಾರಾ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಹಾಂನಿ° ದೇವಳಾಕ ಯೆತನಾ ಪೂರ್ಣ ಕುಂಭ ಸ್ವಾಗತ, ಪಾದ ಪೂಜಾ ಫಲ ಪುಷ್ಪ ಕಾಣಿಕಾ ಅರ್ಪಣ ಜಾಲೆಂ. ಮುಕಾರಿ 550 ದೀವಸ ಚಲಚೆ ಶ್ರೀರಾಮನಾಮ ಜಪ ಅಭಿಯಾನ ಆಮಗೆಲೆ ಸಮಾಜಾಕ ಮೇಳೆಲೊ ಅಭೂತಪೂರ್ವ ಅವಕಾಶ ಜಾವನು ಆಸಾ, ಶ್ರೀ ರಾಮನಾಮ ಜಪ ಕೆಲ್ಯಾರಿ ದೇವು ಆಂಕಾ ಖಂಚೆಯ ಎಕ ರೀತಿರಿ ಅನುಗ್ರಹ ಕರತಾ" ಮ್ಹಣು ಗುರುವರ್ಯಾನಿ ಹ್ಯಾ ವೇಳಾರ ಸಾಂಗಲೆ°. ಹ್ಯಾ ದೀವಸ ಶ್ರೀ ವೀರ ವಿಠಲ ದೇವಸ್ಥಾನ ಭದ್ರಗಿರಿ, ಶ್ರೀ ರಾಮ ಮಂದಿರ ಮಲ್ಪೆ, ತೋನ್ಸೆ ಪೈ ಕುಟುಂಬಸ್ಥ, ಶ್ರೀ ವೆಂಕಟರಮಣ ದೇವಸ್ಥಾನ ಬ್ರಹ್ಮಾವರ, ಶ್ರೀ ರಾಮ್ ಮಂದಿರ ಸಾಲಿಗ್ರಾಮ ಹಾಂಗಾಚೆ ಭಜಕ ಲೋಕಾನ ವಾಂಟೊ ಗೆತಲೊ. ನವೀನ ಜಾವನು ಶ್ರೀ ರಾಮ ನಾಮ ಜಪ ಅಭಿಯಾನ ಶುರು ಕರಚೆ ಉಪಕೇಂದ್ರ ಜಾವನು ಆಸಚೆ ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ, ಶ್ರೀ ವೀರ ವಿಠ್ಠಲ ದೇವಸ್ಥಾನ ಉದ್ಯಾವರ, ಶ್ರೀ ದುರ್ಗಾಂಬಾ ದೇವಸ್ಥಾನ ಮಣಿಪಾಲ್, ಶ್ರೀ ವಿಠೋಬ ದೇವಸ್ಥಾನ ಮುಂಡ್ಕೂರ್, ಶ್ರೀ ವೆಂಕಟರಮಣ ದೇವಸ್ಥಾನ ಕಾಪು, ಶ್ರೀ ರಾಮನಾಮ ಕಮಿಟಿ ಹಾಂಗೆಲಿ ಮಾಘಣಿ ಗುರುವರ್ಯಾನ ಸ್ವೀಕಾರ ಕರನು ಆಶಿರ್ವಾದ ದಿಲೊ. ಉಪರಾಂತ ಶ್ರೀ ಲಕ್ಷ್ಮಿ ವೆಂಕಟೇಶ ಸ್ವಾಮಿಕ ರಾತಿ ಪುಜಾ ಚಲಿ. ಜಗದೀಶ್ ಪೈ ಸಹಕಾರ ದಿಲೊ. ಧರ್ಮದರ್ಶಿ ಪಿ.  ವಿ. ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ವೇ. ಮೊ. ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗೂನು ಸೂತ್ರ ಸಂಚಾಲನ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೆ ಸಾಂದೆ. ಶ್ರೀ ರಾಮನಾಮ ಜಪ ಅಭಿಯಾನ ಸಮಿತಿಚೆ ಸಾಂದೆ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿ, ವೆಗವೆಗಳಿ ಭಜನಾ ಮಂಡಳಿಚೆ ಸಾಂದೆ ಗಾಂವಪರಗಾoವಚೆ ಜಿ ಎಸ್ ಬಿ ದೇವಳಾಂಚೆ ಪ್ರತಿನಿಧಿ ಆನಿ ಖೂಬ ಲೋಕ ಉಪಸ್ಥಿತ ಆಶಿಲೆ. 

To Support Kodial Khaber click the following button.

ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ಗುರುಪೀಠಾಂತು° ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ 550ವೆ° ವರಸಾಚೆ ಆಚರಣ ಆನಿ ಸಮಾಜಾಚೆ ಉದ್ಧಾರಾ ಖಾತಿರ ಮಠಾಧಿಪತಿ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂಗೆಲೆ ಉಪದೇಶಾನುಸಾರ ಶ್ರೀ ರಾಮನಾಮ ಜಪ ಅಭಿಯಾನ ಮೇ. 10 ಅಕ್ಷಯ ತೃತೀಯಾ ದೀವಸು ಸಾಮೂಹಿಕ ಪ್ರಾರ್ಥನಾ, ಶ್ರೀ ರಾಮದೇವಾಲೆ ತಸ್ವಿರಾಚೆ ಮೆರವಣಿಗಾ ಕರನು ಶ್ರೀ ಸಚ್ಚಿದಾನಂದ ಸಭಾಗ್ರಹಾಂತು° ಶ್ರೀರಾಮನಾಮಜಪ ಶುರು ಜಾಲೆ°. 18 ಅಕ್ಟೋಬರ್ 2025 ತಾಂಯ ಚಲಚೆ ಹ್ಯಾ ಅಭಿಯಾನಾಚೆ ಪಯಲೆ ದೀವಸು ಪಯಲೆ ಪಾಳಿಕ ಶಂಬರಿಕಯೀ ಚಡ ಲೋಕ ಉಪಸ್ಥಿತ ಆಶಿಲೆ. ಶ್ರೀರಾಮ ನಾಮಜಪ ಅಭಿಯಾನಾಕ ಉಡುಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ಜಪ ಕೇಂದ್ರ ಆಸಾ ಆನಿ ಹಾಕಾ ಶ್ರೀ "ರಘುನಾಯಕ:" ಮ್ಹಣು ನಾಮಕರಣ ಕೆಲಾ°. ಹಾಂಗಾ ಚಲಚೆ ಶ್ರೀ ರಾಮನಾಮ ಜಪ ಅಭಿಯಾನಾಕಾ ಉಡುಪಿ ನಂತಾ° ಲಾಗಿಚೆ ಗಾಂವ° ಜಾವನು ಆಸಚೆ ಕಟಪಾಡಿ, ಉದ್ಯಾವರ, ಮುಲ್ಕಿ, ಕಾಪು, ಪಡುಬಿದ್ರೆ, ಮಲ್ಪೆ, ಹಿರಿಯಡ್ಕ, ಹರಿಕಂಡಿಗೆ, ಮಣಿಪಾಲ್, ಕಲ್ಯಾಣಪುರ ಹಾಂಗಾಚೆ ಭಕ್ತಾಭಿಮಾನಿಯಾಂಕ ವಾಂಟೊ ಘೆವಚಾಕ ಅವಕಾಶ ಆಸಾ. ಮೇ 10 ದಾಕೂನ 18 ಮೇ 2024 ಸಾಂಜವೇಳಾ 4:00 ದಾಕೂನ  5:30, 19 ಮೇ 2024 ದಾಕೂನ ಸಾಂಜವೇಳಾ 5:45 ದಾಕೂನ 7:00 ಗಂಟೆ ತಾಂಯ, ಹರ ಆಯತಾರಾ ಸಕಾಳಿ 9:30 ದಾಕೂನ 11:00 ಗಂಟೆ ತಾಂಯ ವಿಶೇಷ ಪಾಳಿ ಆಯೋಜನ ಜಾಲ್ಯಾ. ಶ್ರೀ ರಾಮನಾಮಜಪ ಅಭಿಯಾನಾಕ ಶ್ರೀ ದೇವಳಾಚದೆ ಆಡಳಿತ ಮೊಕ್ತೇಸೇರ ಪಿ. ವಿ. ಶೆಣೈ, ಅರ್ಚಕ ದಯಾಘನ್ ಭಟ್, ದೀಪಕ್ ಭಟ್ ಹಾಂನಿ° ಸಹಕಾರ ದಿಲಾ. ಆಡಳಿತ ಮಂಡಳಿಚೆ ಸಾಂದೆ, ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಜಪ ಕಮಿಟಿಚೆ ಸಾಂದೆ, ಯುವಕ ಮಂಡಳಿ ಸಾಂದೆ, ಮಹಿಳಾ ಮಂಡಳಿ ಸಾಂದೆ ಆನಿ ಖೂಬ ಸಮಾಜ ಬಾಂದವ ಉಪಸ್ಥಿತ ಆಶಿಲೆ.

ಉಡುಪಿ: ಹಾಂಗಾ ಲಾಗಿಚೆ ಶ್ರೀ ರಾಮ ಮಂದಿರ, ಮಲ್ಪೆ ಹಾಂಗಾ ನವೀನ ಜಾವನು ಬಾಂದಿಲೆ ಶ್ರೀ ರಾಮಧಾಮ ಇಮಾರತಾಚೆ ಲೋಕಾರ್ಪಣ ಆನಿ ದೇವಾಕ ಸ್ವರ್ಣ ಕವಚ ಅರ್ಪಣ ಆರತಾಂ(ಮಾ.18) ಚಲೆ. ಸಕಾಳಿ 8-30 ಕ ಶ್ರೀ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ಶ್ರೀ ವಿದ್ಯಾಧೀಶತೀರ್ಥ ಶ್ರೀ ಪಾದ ಒಡೆಯರ್ ಸ್ವಾಮೀಜಿ ಹಾಂಕಾ° ಕಲ್ಮಾಡಿ ಸಾಂಕವಾ ಲಾಗಿ ದಾಕೂನ ಚಂಡೆ, ಮಂಗಳವಾದ್ಯ, ಭಜನ ಆನಿ ಪೂರ್ಣಕುಂಭ ಸಹಿತ ಮೆರವಣಿಗೆರಿ ಸ್ವಾಗತ ಚಲೆ°. ಉಪರಾಂತ ಪಾದ ಪೂಜಾ, ಫಲ ಪುಷ್ಪ ಆನಿ ಗುರುಕಾಣಿಕಾ ಅರ್ಪಣ ಜಾಲೆ°. ಶ್ರೀ ರಾಮದೇವಾಲೆ ಸನ್ನಿಧಿಂತು° ಸಮೂಹಿಕ ಪ್ರಾರ್ಥನಾ, ವೇದಮಂತ್ರ ಪಠಣ ಜಾತರಿ ಪೂಜ್ಯ ಗುರವರ್ಯಾಂಲೆ ಹಸಾ ಉಗ್ತಾವಣ ಜಾವನು ಪಂಚ್ವಿಸ ವರಸ° ಜಾತಾತಿ. ತ್ಯಾಚ ಉಡಗಾಸಾಕ ದೇವಾಕ ಸ್ವರ್ಣ ಕವಚ ಸಮರ್ಪಣ ಜಾವಚೆಂ ಸಂತೋಸಾಚೊ ವಿಷಯ, ಆಮಿ ಶ್ರೀ ರಾಮಾಲೆ ಆದರ್ಶ ಗುಣ ಆಪಣಾವನು ಶ್ರೀ ರಾಮಾಲಿ ಚರಿತ್ರಾ, ನೀತಿ ಜೀವನಾಂತು° ಪಾಲನ ಕರನು ಹೇರಾಂಕ ಪಾಯವಾಟ ಜಾವಕಾ ಮ್ಹಣು ಗುರುವರ್ಯಾನಿ ಅನುಗ್ರಹ ಸಂದೇಶ ದಿಲೊ. ಇಮಾರತ ಬಾಂದಪಾಕ ಸಹಕಾರ ದಿಲೆಲೆ ದಾನಿ ಲೋಕಾಂಕ ಸನ್ಮಾನ ಚಲೊ.

ಶ್ರೀ ರಾಮ ಮಂದಿರಾಚೆ ಅಧ್ಯಕ್ಷ ಕೆ. ಗೋಕುಲ್ ದಾಸ್ ಪೈ, ಜಯದೇವ ಭಟ್ ಕಲ್ಯಾಣಪುರ, ಲಕ್ಷ್ಮಣ ಭಟ್, ಅರ್ಚಕ ಶೈಲೇಶ ಭಟ್, ವಿಶ್ವನಾಥ ಭಟ್, ಕೃಷ್ಣ ಶೆಣೈ, ಅನಂತ ಕಾಮತ್, ಸುಧೀರ್ ಶೆಣೈ, ಸಂತೋಷ ಆಚಾರ್ಯ, ಶಾಲಿನಿ ಪೈ, ಜಿ.ಎಸ್.ಬಿ ಸಮಾಜಾಚೆ ಶ್ರೀ ರಾಮ ಸೇವಾ ಟ್ರಸ್ಟ, ಜಿ.ಎಸ್.ಬಿ ಯುವಕ ಮಂಡಳಿ, ಜಿ .ಎಸ್.ಬಿ ಮಹಿಳಾ ಮಂಡಳಿ ಆನಿ ಹೇರ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ದಕ್ಷಿಣಾಚೆ ಪಂಢರಾಪುರ ಮ್ಹಣು ಖ್ಯಾತಿ ಪಾವಿಲೆ ಭದ್ರಗಿರಿ ಶ್ರೀ ವೀರವಿಠ್ಠಲ ದೇವಳಾಕ ಶ್ರೀ ಗೋಕರ್ಣ ಪರ್ತಗಾಳಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಬೇಟಿ ದಿಲಿ. ತ್ಯಾ ವೇಳಾರ ಗುರುವರ್ಯಾಂಕ ಮಂಗಳವಾದ್ಯ ಸ್ವಾಗತ ಜಾಲೆ°. ಉಪರಾಂತ ಪಾದಪೂಜಾ, ಗುರುಕಾಣಿಕಾ ಸಮರ್ಪಣ ಕರಚೆ° ಜಾಲೆ°. ಗುರುವರ್ಯಾನಿ ದೀವೊ ಲಾವನು ಭಜನಾ ಮಹೋತ್ಸವಾಕ ಚಾಲನ ದೀವನು ಆಶೀರ್ವಚನ ದಿಲೆ°.

ಹ್ಯಾಚ ವೇಳಾರ ತಾಂನಿ° ಶ್ರೀ ವೀರ ವಿಠಲ್ ದೇವಾಲೆ ಕ್ಯಾಲೆಂಡರ್ ಮೋಕಳಿಕ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೊ ಗೌರವಾಧ್ಯಕ್ಷ ಎನ್. ಮಂಜುನಾಥ ಪಿ. ನಾಯಕ್, ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರoಗ ಆಚಾರ್ಯ, ವೇದಮೂರ್ತಿ ಗಣಪತಿ ಭಟ್, ಸದಾನಂದ ಆಚಾರ್ಯ, ಜಯದೇವ ಪುರಾಣಿಕ್ ಕಾರ್ಕಳ, ಕೃಷ್ಣಾನಂದ ಶರ್ಮ, ಧರ್ಮ ವಿಶ್ವಸ್ತಮಂಡಳಿಚೆ ಸಾಂದೆ ವಿಠ್ಠಲದಾಸ ಆಚಾರ್ಯ, ಪ್ರಭಾಕರ ಭಟ್, ಗಣೇಶ ಜಿ ಪೈ ಪರ್ಕಳ, ಕೆ ಸಿ ಪ್ರಭು, ಉದಯ ಪಡಿಯಾರ್, ಸಿ. ಕೃಷ್ಣ ಪೈ, ಭಾಸ್ಕರ ಶೆಣೈ, ಸುರೇಶ ಶೆಣೈ, ಗಿರಿಧರ ರಾವ್, ಸುಧೀರ ಭಟ್, ದಿನೇಶ ಪಡಿಯಾರ್, ಆಶಾ ಆಚಾರ್ಯ, ಕಿಶೋರಿ ಪೈ, ಭಾಗ್ಯಶ್ರೀ ಭಟ್, ಲತಾ ಆಚಾರ್ಯ ರಾಧಾ ಗೋಪಾಲಕೃಷ್ಣ, ವೆಂಕಟೇಶ ಶೆಣೈ, ರವಿಚಂದ್ರ ಶೆಣೈ ಉಪಸ್ಥಿತ ಆಶಿಲೆ. ಭದ್ರಗಿರಿ ಶ್ರೀ ವೀರವಿಠ್ಠಲ ಭಜನಾ ಮಂಡಳಿನ ಭಜನಾ ಸೇವಾ ದಿಲಿ. ಪ್ರಭಾಕರ ಭಟ್ ಆನಿ ಯೋಗಾನಂದ ಹಾಂಗೆಲಿ ಅನ್ನ ಸಂತರ್ಪಣಾ ಸೇವಾ ಚಲಿ.

To Support Kodial Khaber click the following button.

ಬ್ರಹ್ಮಾವರ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನಾಕ ಆರತಾ° ಶ್ರೀ ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಸ್ವಾಮೀಜಿ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಭೇಟಿ ದಿಲಿ. ಗುರುವರ್ಯಾಂಕ ಅಲಂಕೃತ ವಾಹನಾರಿ ಪೂರ್ಣಕುಂಭ ಸ್ವಾಗತಾರಿ ಮೆರವಣಿಗೆರಿ ಸ್ವಾಘತ ಕರಚೆ° ಜಾಲೆ°. ಪಾದಪೂಜಾ ಸ್ವೀಕಾರ ಕೆಲೆಲೆ ಗುರುವರ್ಯಾನ ಭಕ್ತವರ್ಗಾಗ ಪ್ರಸಾದ ದೀವನು ಅನುಗ್ರಹ ಕೆಲೆ. ಹೇರದೀವಸು ಸಕಾಳಿ ಗುರುವರ್ಯಾನ ದೇವಾಕ ಅಷ್ಟೋತ್ತರ ಶತ ಕಲಶಾಭಿಷೇಕ ಕೆಲೊ. ನಿರೀಕ್ಷಣಾ ದ್ರವ್ಯ ವಾಪರೂನ ಪ್ರಸನ್ನ ಪೂಜಾ, ಮಹಾಪೂಜಾ, ಸಮಾರಾಧನಾ ಚಲೆ. ಕಾರ್ತೀಕ ದೀಪೋತ್ಸವಾಚೊ ವಾಂಟೊ ಜಾವನು ದೇವಾಕ ವಿಶೇಷ ಅಲಂಕಾರ, ಗುರುವರ್ಯಾಲೆ ಉಪಸ್ಥಿತಿರಿ ಲಘು ವಿಷ್ಣ್ಣು ಹವನ, ಭಜನಾ ಕಾರ್ಯಕ್ರಮ, ಮಹಾ ಸಮಾರಾಧನಾ, ರಾತ್ರಿ ದೀಪಾರಾಧನಾ, ಪಲ್ಲಂಕಿ ಪೇಟೆ ಉತ್ಸವ, ಕಟ್ಟೆ ಪೂಜಾ ಚಲೆ. ದೇವಳಾಚೆ ಆಡಳಿತ ಮೊಕ್ತೇಸರ ಕೆ. ನರೇಂದ್ರ ಪೈ, ಗೋಪಾಲಕೃಷ್ಣ ಪೈ, ಅರ್ಚಕ ಪಾಂಡುರoಗ ಭಟ್, ಜಯದೇವ ಭಟ್, ಶ್ರೀಕಾಂತ್ ಭಟ್ ಚೇಂಪಿ, ಗಣೇಶ ಭಟ್ ಕಾಪು, ವೈದಿಕ ವೃಂದ ಆನಿ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಕಲ್ಯಾಣಪುರ: ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ ಹಾಂಗಾ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾದೀಶ ಶ್ರೀಪಾದ ವಡೇರ್ ಸ್ವಾಮೀಜಿ ಹಾಂನಿ° ಪಯಲೆ ಪಾವಟಿ ಭೇಟಿ ದಿಲಿ. ಗುರುವರ್ಯಾಂಕ ಪೂರ್ಣಕುಂಭ, ಮಂಗಳ ವಾದ್ಯ ಸಹಿತ ಸ್ವಾಗತ ಜಾಲೆ°. ಪಾದಪೂಜಾ, ಗೌರವಾರ್ಪಣಾ, ಗುರುಕಾಣಿಕಾ ಸಮರ್ಪಣ ಕರಚೆ° ಜಾಲೆ°. "ಭಕ್ತ ಲೋಕಾನ ದೇವಾಲಾಗಿ ಸಮಸ್ಯಾ ಸಾಂಗಚೆ° ಕರನು ಸ್ವಾರ್ಥಿ ಜಾವಚೆ ಬದಲಾಕ ಚಿಂತನ ಕರನು ವೆಗವೆಗಳಿ ಸೇವಾ ಕರಚೆ° ಕರಕಾ. ದೇವಳಾಚೆ ಜೀರ್ಣೋದ್ಧಾರಾನ ಗಾಂವಚೆ°, ರಾಜ್ಯಾಚೆ°, ದೇಶಾಚೆ° ಉದ್ಧಾರ ಜಾತಾ. ದೇವಳಾಚೆ ಜೀರ್ಣೋದ್ಧಾರಾಚೆ ಕಾಮ ಶೀಘ್ರ ಸಂಪನ್ನ ಜಾವೊ" ಮ್ಹಣು ಆಶೀರ್ವಚನಾಂತು° ಸಾಂಗಲೆ°. ಉಪರಾಂತ ತಾಂನಿ° ಸಗಟಾಂಕ ಫಲಮಂತ್ರಾಕ್ಷತ ದಿಲೆ°. ದೇವಳಾಚೆ ಆಡಳಿತ ಮೋಕ್ತೆಸರ ಅನಂತ ಪದ್ಮನಾಭ ಕಿಣಿ, ಪ್ರಧಾನ ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಅರವಿಂದ ಬಾಳಿಗಾ, ದತ್ತತ್ರೇಯ ಕಿಣಿ, ವಿನೋಧ್ ಕಾಮತ್,  ಲಕ್ಷ್ಮೀನಾರಾಯಣ ನಾಯಕ್, ವಿದ್ಯಾಧರ್ ಕಿಣಿ, ಸುದೇಶ್ ಭಟ್, ಅಮುಂಜೆ ಯಶವಂತ ನಾಯಕ್,  ಶಿವಾನಂದ ಕಿಣಿ, ಜೀರ್ಣೋದ್ದಾರ ಸಮಿತಿಚೆ ಸಾಂಗೆ, ಜಿ ಎಸ್ ಬಿ ಸಭಾಚೆ ತರನಾಟೆ ಆನಿ ವನಿತಾ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ. 

To Support Kodial Khaber click the following button.

ಮಂಗಳೂರು: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿಧ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂನಿ° ಆಜಿ (ಅ. 19) ರಾತಿ 11 ಗಂಟ್ಯಾಕ ಕೊಡಿಯಾಲ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳ ವಠಾರಾಚೆ ಆಚಾರ್ಯಾ ಮಠಾಚೆ ಶ್ರೀ ಶಾರದಾ ಮಾತೆಲೆ ಪ್ರತಿಷ್ಠಾ ಪೂಜೆಂತು° ಉಪಸ್ಥಿತ ಆಸತಾತಿ. ಕಾಲ (ಅ. 18) ರಾತಿ ಶ್ರೀ ಶಾರದಾ ವಿಗ್ರಹ ಮೆರವಣಿಗೆರಿ ದೇವಳಾಕ ಹಾಡಚೆಂ ಜಾಲೆ°. ರಾಜಾಂಗಣ, ಉಮಾಮಹೇಶ್ವರಿ ದೇವಳ ರಸ್ತೊ, ರಾಮ ಮಂದಿರ, ನಂದಾದೀಪ ರಸ್ತೊ, ಫುಲ್ಲಾ ಮಾರ್ಕೆಟ್ ಆಡ ರಸ್ತೊ, ಫುಲ್ಲಾ ಮಾರ್ಕೆಟ್, ರಥಬೀದಿ ಜಾವನು ವಿಗ್ರಹ ಉತ್ಸವ ಸ್ಥಳಾಕ ಪಾವೊಚೆಂ ಜಾಲೆಂ. 101ವೆ° ವರಸಾಚೊ ಹ್ಯಾ ಶಾರದಾ ಉತ್ಸವ ಸಾತ ದೀವಸ ಚಲತಲೊ ಆನಿ ಹ್ಯಾ ವೇಳಾರಿ ವ್ಹಿಂಗವ್ಹಿoಗಡ ಸಾಂಸ್ಕೃತೀಕ ಕಾರ್ಯಕ್ರಮ ಚಲತಾತಿ. ಅ. 23ಕ ಪಂಡಿತ ನರಸಿಂಹ ಆಚಾರ್ಯ ಹಾಂಗೆಲೆ ಮುಖೇಲಪಣಾರಿ ಶ್ರೀ ಶ್ರೀನಿವಾಸ ಕಲ್ಯಾಣೋತ್ಸವಯೀ ಚಲಚೊ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.

Click Support Us to support Kodial Khaber 

ಮಂಗಳೂರು: ಜಿ.ಎಸ್.ಬಿ. ಮಹಿಳಾವೃಂದ (ರಿ) ಮಂಗಳೂರ ಹಾಂನಿ° ಆರತಾ° ತಾಂಗೆಲೆ ಸದಸ್ಯಾಂಕ ಉಕ್ಡೆ ತಾಂದ್ಲಾಚೆ ಗೊಡ್ಶೆ ಆನಿ ತಿಕ್ಷೆ ಖಾಣ ಸ್ಪರ್ಧೋ  ಆಯೋಜನ ಕೆಲೆಲೊ. ಸೆಪ್ಟೆಂಬರ್ ಮ್ಹಯನ್ಯಾಚಿ ಹಿ ಸಭಾ ಸೆ. 25ಕ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾಗೃಹಾಂತು ಚಲಿ. ಪುಷ್ಪ ಪ್ರಭು ಆನಿ ನಯನಾ ಪ್ರಭು ಗೊಡ್ಶೆ ಖಾಣಾಕ ಆನಿ ಮಂಗಳಾ ಭಟ್ ಆನಿ ಲೀನಾ ಭಟ್ ತಿಕ್ಷೆ ಖಾಣಾಕ ನಿಣಾ೯ಯಕ ಜಾವಾನು ಆಯಿಲಿಂತಿ. ಮಹಿಳಾ ವೃಂದಾಚಿ ಅಧ್ಯಕ್ಷಾ ನಯನ ರಾವ್ ಹಾಂನಿ ನಿರ್ಣಾಯಕಾಲೊ ವಳಕ ಕರನು ಸ್ವಾಗತಾಚೆ ಉತ್ರ° ಸಾಂಗಲಿ°. ತಾಂಕಾ° ಯಾದಸ್ತಿಕಾ ದಿವಚೆ° ಜಾಲೆ°. ಹ್ಯಾಚ ಸಭೆಂತು° ದೋನ ಚರಡೂವಾಂಕ ವಿದ್ಯಾರ್ಥಿ ವೇತನ ದಿವಚೆ° ಜಾಲೆ°. ತಿಕ್ಷೆ ಖಾಣಾಂತು ಪಯಲೆ° ಇನಾಂ ಸವಿತಾ ಜಿ. ಕಾಮತ್ (ಪತ್ರಡೊ), ದೂಸರೆ ಇನಾಂ ಪದ್ಮಿನಿ ಕಾಮತ್(ಬಾಕ್ರಿ), ಗೊಡ್ಶೆ ಖಾಣಾಂತು ಪಯಲೆ° ಇನಾಂ ಗೌರಿ ಶೆಣೈ (ಹಲ್ವಾ), ದೂಸರೆ ಇನಾಂ ರಾಧಾ ಪ್ರಭು (ಪಾತ್ತೊಳಿ) ಹಾಂಕಾ° ಫಾವೊ ಜಾಲೆ°. ಜಯಲಕ್ಷ್ಮೀ ಶೆಣೈನ ವರದಿ ವಾಚಲಿ. ಮರೋಳಿ ಸಬಿತಾ ಕಾಮತ್ ಹಾಂನಿ° ಅನ್ಯ ಪ್ರಕಟಣ ವಾಚೂನ ಆಬಾರ ಮಾನಲೊ. ಲಕ್ಷ್ಮೀ ಭಂಡಾರಿನ ಸೂತ್ರ ಸಂಚಾಲನ ಕೆಲೆ°.

Click Support Us to support Kodial Khaber