ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೊ ಆದಿಮಠ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ ಪರಮ ಪೂಜ್ಯ ಶ್ರೀಮದ ಶಿವಾನಂದ ಸರಸ್ವತಿ (ಗುರು ಪರಂಪರೆಚೆ 77ವೆ° ಯತಿವರ್ಯ) ಹಾಂಗೆಲೊ ವಿಶ್ವಾವಸು ಸಂವತ್ಸರಾಚೊ ಚಾತುರ್ಮಾಸ್ಯ ವ್ರತ ಸ್ವೀಕಾರ ಕಾರ್ಯಕ್ರಮ ಗುರು ಪೂರ್ಣಿಮೆ ದೀವಸು ಗುರುವಾರ, ಜುಲೈ 10ಕ  ಮುಂಬೈ ಬಾಣಗಂಗಾಚೆ ಸ್ವಮಠ, ವಾಲ್ಕೇಶ್ವರ್ ಕೈವಲ್ಯ ಮಠಾಚೆ ಶ್ರೀ ಕಾಳಿಕಾ ದೇವಿ - ಮುರಳೀಧರ್ ದೇವಾಲೆ ಸನ್ನಿದಿಂತು° ಶುರು ಜಾವನು ಸೆಪ್ಟೆಂಬರ್ 7 ತಾಂಯ ಚಲಚೊ ಆಸಾ. ಶುಕ್ರವಾರ ಜುಲೈ 4ಕ ಗುರುವರ್ಯ ವಾಲ್ಕೇಶ್ವರ ಪಾವಲೆ. ಜುಲೈ 6, ಆಯತಾರಾ ಆಷಾಢ ಏಕಾದಶಿ ದೀವಸು ಗುರುವರ್ಯಾನ ಭವಾನಿ ಶಂಕರ ದೇವಾಕ ನೈವೇದ್ಯ ಪೂಜಾ ಕರನು ವಿಠ್ಠಲ ರುಕುಮಾಯಿ ದೇವಾಕ ಪೂಜಿಲೆ. ಮುಂಬಯಿ, ಕರ್ನಾಟಕ, ಗೋವಾ, ದೆಹಲಿ ಆನಿ ದೇಶಾಚೆ ವೆಗವೆಗಳೆ ಪ್ರದೇಶಾಚೆ ಶಿಷ್ಯ ವರ್ಗಾಚೆ ಲೋಕ ಹಾಂತು° ವಾಂಟೊ ಘೆತಾತಿ ಮ್ಹಣು ಚಾತುರ್ಮಾಸ್ಯ ಸಮಿತಿಚೊ ಸಾಂದೊ ಆನಿ ವಕ್ತಾರ ಕಮಲಾಕ್ಷ ಸರಾಫ ಹಾಂನಿ° ಕಳಯಲಾ°.
10.07 2025 ಸಾವನ 07.09.2025 ತಾಂಯ ಚಲಚೆ ಚಾತುರ್ಮಾಸಾಚೆ ದೀಸಾಂತ ಹೇರ ದೀವಸ ನೈರ್ಮಲ್ಯ ವಿಸರ್ಜನಾ, ಸಕಾಳೆ ಭಜನಾ ಆನಿ ದೇವತಾ ನಾಮ ಸಂಕೀರ್ತನ, ಭವಾನಿ ಶಂಕರ ದೇವಾಕ ಅಭಿಷೇಕ ಪೂಜಾ, ಆರತಿ, ಕಾಳಿಕಾ ಮಾತೆಕ ಪೂಜಾ, ಮಧ್ಯಾಹ್ನ ಆರತಿ, ಅನುಷ್ಠಾನ, ಭಿಕ್ಷಾ ಸೇವಾ, ಸಮಾರಾಧನಾ, ಗುರುವರ್ಯಾಲಿ ಪಾದ ಪೂಜಾ ಸೇವಾ, ಸಾಂಜವೇಳಾ ಗುರುವರ್ಯಾಲೆ ಸಂದರ್ಶನ, ಆಶೀರ್ವಚನ, ಸಾಂಸ್ಕೃತಿಕ ಕಾರ್ಯಕ್ರಮಾಚೆ ವಾಂಟೊ ಜಾವನು ಕೊಂಕಣಿ ಹಾಸ್ಯ ನಾಟಕ, ಕೊಂಕಣಿ, ಮರಾಠಿ ಆನಿ ಕನ್ನಡ ಭಕ್ತಿ ಸಂಗೀತ ಕಾರ್ಯಕ್ರಮ, ಯಕ್ಷಗಾನ ಪ್ರದರ್ಶನ ರಾತ್ರಿ ಪೂಜಾ/ಆರತಿ ಚಲಚೆ ಆಸಾ ಮ್ಹಣು ತಾಂನಿ° ಕಳಯಲಾ°.

ಚಾತುರ್ಮಾಸ್ಯ ವ್ರತ ಆಚರಣ ಸಮಿತಿ ಆಶೆಂ ಆಸಾ. ಗೌರವ ಅಧ್ಯಕ್ಷ - ಪ್ರಫುಲ್ ಹೆಡೆ, ಗೌರವ ಕಾರ್ಯಕಾರಿ ಅಧ್ಯಕ್ಷ - ಸುಧೀರ್ ಫಡ್ನಿಸ್, ಗೌರವ ಕಾರ್ಯದರ್ಶಿ - ಶ್ರೀ ಪ್ರಮೋದ್ ಗಾಯತೊಂಡೆ, ಸಹ ಗೌರವ ಕಾರ್ಯದರ್ಶಿ - ಶಾಂತೇಶ್ ವರ್ತಿ, ಕೋಶಾಧಿಕಾರಿ - ಚಿಂತಾಮಣಿ ನಾಡಕರ್ಣಿ, ಸಹ ಕೋಶಾಧಿಕಾರಿ - ತೋನ್ಸೆ ವೆಂಕಟೇಶ ಶೆಣೈ, ಅನಂತ ಎಸ್. ಪೈ ಆನಿ ಪ್ರಶಾಂತ ಶೆಣೈ ಸಮನ್ವಯಕಾರ

To Support Kodial Khaber click the following button.

ನಾವಾದಿಕ ಕೊಂಕಣಿ ರಂಗ ನಾಟಕಕಾರ, ಲೇಖಕ, ರಂಗ ನಿರ್ದೇಶಕ ಮಳಾವಿಚೊ ಉತ್ತರ ಕನ್ನಡ ಜಿಲ್ಲೆಚೆ ಶಿರಾಲಿ ಲಾಗಿಚೊ ಕಾಸರಕೊಡಾಚೊ ಏ. ಜಿ. ಕಾಮತ್ (ಅನಂತ್ ವಿಠ್ಠಲ್ ಗೋಪಾಲಕೃಷ್ಣ ಕಾಮತ್) ಹಾಂಕಾ° ಜಿ. ಎಸ್. ಬಿ. ಸೇವಾ ಮಂಡಲ, ಠಾಣೆ ಹಾಂನಿ° ವಜ್ರ ಮಹೋತ್ಸವ ಸುವಾಳಯಾಂತು° ಸನ್ಮಾನ ಕೆಲೊ. ಅಧ್ಯಕ್ಷ ಯಶವಂತ್ ಕಾಮತ್ ಆನಿ ಆನಿ ಸಮಿತಿಚೆ ಸಾಂದೆ ಉಪಸ್ಥಿತ ಆಶಿಲೆ. ಮುಂಬಯಿoತು° ಕೊಂಕಣಿ ತ್ರಿವೇಣಿ ಕಲಾ ಸಂಗಮ (ರಿ) ಸ್ಥಾಪನಾ ಕರನು ಖೂಬ ಕಾಳ ತಾಜೊ ಅಧ್ಯಕ್ಷ ಆಸೂನು ಗಾಂವoಚೆ ಕಲಾಕಾರಾಂಕ ಸಾಂಗತ ಹಾಣು ಕೊಂಕಣಿ ನಾಟಕ ಪ್ರದರ್ಶನ ಕರನು ಜನಮೋಗಾಳ ಜಾವನು ಹಾಂನಿ° ನಾಂವ ಪಾವಿಲೆ° ಆಸಾ. ಲಿಮ್ಕಾ ಖ್ಯಾತಿ ನಾಟಕರಂಗ ತಜ್ಞ ಆನಿ ನಿರ್ದೇಶಕ ಡಾ. ಚಂದ್ರಶೇಖರ್ ಶೆಣೈ ಹಾಂಗೆಲೆ ಸಾಂಗತ ದೇಶಭರ 'ಸರ್ವೇ ಜನಾಃ ಕಂಚನಮಾಶ್ರಯoತೆ' ಕೊಂಕಣಿ ಭಾಶೆಚೆ ಭಾವನಾತ್ಮಕ ನಾಟಕ ಸ್ವತ: ರಚನ ಕರನು ಅಭಿನಯ ಕರನು 52 ಪ್ರದರ್ಶನ ಕರನು ಕೊಂಕಣಿ ರಂಗಭೂoಯoತು ದಬಾಜೊ ಕೆಲೆಲೆ ಶ್ರೇಯ 92 ವರಸ ಪ್ರಾಯೆಚೆ ಎ. ಜಿ. ಕಾಮತ್ ಹಾಂಗೆಲೆ° ಜಾವನು ಆಸಾ. ಹಾಂನಿ° ಧರ್ಮಪತಿಣ್ ಪದ್ಮಾ ಕಾಮತ್ ಹಾಂಗೆಲೆ ಸಾಂಗತ ಠಾಣಾಂತು° ವೃದ್ಧಾಪ್ಯ ಜೀವನ ಕರತ ಆಸಾತಿ. ಎಕ ಪುತು ಬಾಲಕೃಷ್ಣ ಆನಿ ಎಕಿ ಧುವ ಮಂಗಲಾ ಆನಿ ಕುಟುಂಬಚೆ ಸಾಂದೆಲೆ ಸಾಂಗತ ನಾಟಕ ಜೀವನಾಚೆ ಉಡಗಾಸ ಜಾಡತ ಆಸಾತಿ. ಫಕತ ತಾಂನಿ° ರಚನ ಕೆಲೆಲೆ° ನಾಟಕ ನಂತಾ° ಹೇರಾನಿ ರಚನ ಕೆಲೆಲೆ° ನಾಟಕ° ಜಾವನು ಆಸಚೆ 'ಬ್ರಹ್ಮ ಗಾಂಟಿ', ಲಗ್ನಾ ಪಿಶ್ಶೆ' (ಬಾಲಕೃಷ್ಣ ಪುರಾಣಿಕ್ ರಚನಾ, ಕಾಮತ್ ಹಾಂನಿ° ಪುನರ್ ರಚನ ಕೆಲೆಲೆ°), 'ಕೌರವಾಲೋ ಕೃಷ್ಣು', 'ಗ್ರಹಿಣಿ ಗ್ರಹಮುಚ್ಚತೆ', 'ದೇವಾನ ಸಾಕ್ಷಿ ದಿಲ್ಲಿ', 'ಹೊಡಪನಾ ಸುಖ' ಆನಿ 'ಸೋಯಿರಿಕೆ ಸಂಭ್ರಮ' ಅಶೆಂ ಸಾಬಾರ ಕೊಂಕಣಿ ನಾಟಕಾಂತು° ನಟನ ಕರನು ಪ್ರದರ್ಶನ ಕೆಲೆಲಿ ಕೀರ್ತಿ ಹಾಂಗೆಲಿ ಜಾವನು ಆಸಾ.

To Support Kodial Khaber click the following button.

ಮುಂಬಯಿ: ಬೃಹನ್ ಮುಂಬಯಿ, ಉಪನಗರ, ಬೆಂಗಳೂರು, ಮೈಸೂರು, ಕರಾವಳಿ ಕರ್ನಾಟಕಾಂತು° 16 ಪ್ರದರ್ಶನ ಕರನು ಲೋಕಾಮೋಗಾಳ ಜಾಲೆಲೆ 'ಲಗ್ನಾ ಪಿಶ್ಶೆ' ಕೊಂಕಣಿ ನಾಟಕಾಚೆ ಪ್ರದರ್ಶನ ದಹಿಸರ್ ಕಾಶಿ ಮಠಾಚೆ ವಠಾರಾಂತ ನವರಾತ್ರಿ ಸಂದರ್ಭಾರ ಜಾಲೆ°. ಆಮ್ಮೀ ರಂಗಕರ್ಮಿ (ರಿ), ಗುರುಕೃಪಾ ಕಲಾರಂಗ, ದಹಿಸರ್ ಕಾಶಿ ಮಠ ಹಾಂಗೆಲೆ ಸಹಯೋಗಾರ, ಜಿ.ಎಸ್.ಬಿ ಮಂಡಲ ದೊಂಬಿವಿಲಿ ಹಾಂಗೆಲೆ ಪ್ರಾಯೋಜಕತ್ವಾರ ಹೆ° ಜಾಲೆ°.
ನಾಟಕಕಾರ ಬಾಲಕೃಷ್ಣ ಪುರಾಣಿಕ್, ಕಾಸರಕೋಡ್, (ಉತ್ತರ ಕನ್ನಡ) ಹಾಂನಿ° ರಚಯಿಲೆ, ವಿಮಲಾ ಪೈ ವಿಶ್ವ ಕೊಂಕಣಿ ಪುರಸ್ಕೃತ ಎ. ಜಿ. ಕಾಮತ್ ಹಾಂನಿ° ಪುನರ್ಲೇಖನ ಕರನು ಲಿಮ್ಕಾ ಖ್ಯಾತಿ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನ ಕೆಲೆಲೆ ಹ್ಯಾ ನಾಟಕಾಕ ಕೃಷ್ಣ ಚಂದಾವರಕರ್ ಹಾಂನಿ° ಸಂಗೀತ ದಿಲೆಲೆ° ಆಸಾ. ಪಾತ್ರವರ್ಗಾಂತು° ಮುಂಬಯಿಚೆ ನಾವಾದೀಕ ಹಾಸ್ಯ ಕಲಾವಿದ ಕಮಲಾಕ್ಷ ಸರಾಫ್, ಯಕ್ಷಗಾನ ಆನಿ ಕೊಂಕಣಿ ರಂಗಭೂಮಿoತು° ನಾಂವ ಪಾವಿಲೆ ಅಕ್ಷತಾ ಕಾಮತ್, ವಿನೋದಿ ಕಲಾವಿದ ಹರೀಶ್ ಚಂದಾವರ, ಮ್ಹಾಲ್ಗಡೊ ಯಕ್ಷಗಾನ ಆನಿ ನಾಟಕ ಕಲಾಕಾರ ತೋನ್ಸೆ ವೆಂಕಟೇಶ್ ಶೆಣೈ, ಯುವ ಕಲಾಕಾರ ಪ್ರಮೋದ್ ಮಲ್ಯ, ಸುರೇಶ್ ಕಿಣಿ, ದಿವ್ಯಾ ಭಟ್, ಶ್ರೇಯಾ ಭಟ್ ಆನಿ ಹೇರಾನಿ ನಟನ ಕೆಲೆಲೆ° ಆಸಾ. ಆಮ್ಮಿ ರಂಗಕರ್ಮಿ ಸಂಸ್ಥೆಚೊ ವಿಶ್ವಸ್ತ ಸುಧಾಕರ್ ಭಟ್ ಹಾಂನಿ° ರಂಗವಿನ್ಯಾಸ, ದ್ವನಿ ನಿಯಂತ್ರಣ, ದೀಪ ಸಂಯೋಜನಾ ಆನಿ ಪಾರ್ಶ್ವ ಗಾಯನಾಚಿ ಜಬಾಬದಾರಿ ಘೆತಿಲಿ. ಶ್ರೇಯಾ ಭಟ್ ಹಾಂನಿ° ವೇಷ ಭೂಷ ಸಾಂಬಾಳಲೆ°.

To Support Kodial Khaber click the following button.

ಮುಂಬಯಿ: ಆಮ್ಮೀ ರಂಗಕರ್ಮಿ, ಮುಂಬೈ ಪಂಗಡಾ ತಾವನ ಕೊಂಕಣಿ ನಾಟಕ "ಲಗ್ನಾ ಪಿಶೆ°" ಹಾಜೆ° ಪ್ರದರ್ಶನ ಬೆಂಗಳೂರು ಆನಿ ಮೈಸೂರಾಂತು° ಆಗಸ್ಟ 15, 17 ಆನಿ 18 ಚಲಚೆ ಆಸಾ. ಉತ್ತರ ಕನ್ನಡ ಜಿಲ್ಲೆಚೆ ಕಾಸರಕೋಡಾಚೆ ಬಾಲಕೃಷ್ಣ ಪುರಾಣಿಕ ಹಾಂನಿ° ರಚನ ಕರನು ಡಾ. ಚಂದ್ರಶೇಖರ್ ಶೆಣೈ ಹಾಂನಿ° ನಾಟಕಾಚೆ ನಿರ್ಧೇಶನ ಕೆಲೆಲೆ° ಆಸಾ. ಪಯಲೆ° ಪ್ರದರ್ಶನ ಬೆಂಗಳೂರಾoತು° ಚಾತುರ್ಮಾಸ ಆಚರಣ ಕರತ ಆಸಚೆ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಶ್ರೀಪಾದ ಹಾಂಗೆಲೆ ಮುಕಾರಿ ಆಗಸ್ಟ 15ಕ ದೋನಪಾರ 3 ಗಂಟ್ಯಾಕ ಜಾವಚೆ° ಆಸಾ. ಎನ್ ಎಸ್ ಕಾಮತ್, ಟಿ ವಿ ಶೆಣೈ ಆನಿ ಸುಧಾಕರ್ ನಾಟಕಾಚೆ ನಿರ್ಮಾಪಕ ಆಸಾತಿ. ಸಹನಿರ್ದೇಶಕ ತೋನ್ಸೆ ವೆಂಕಟೇಶ್ ಶೆಣೈ, ಸಂಗೀತ ನಿರ್ದೇಶಕ ಕೃಷ್ಣ ಚಂದಾವರ್ ಹಾಂನಿ° ಸಹಕಾರ ದಿತಾತಿ. ರಂಗವಿನ್ಯಾಸ, ಉಜ್ವಾಡು, ದ್ವನಿ ನಿಯಂತ್ರಣ ಆನಿ ಪಾರ್ಶ್ವ ಸಂಗೀತ ಹಾಜಿ ಜಬಾಬ್ದಾರಿ ಸುಧಾಕರ್ ಭಟ್ ಹಾಂಗೆಲಿ ಜಾವನು ಆಸಾ. ಚೇತನ್ ಶೆಣೈ, ವಸುಧಾ ಪ್ರಭು ಆನಿ ಆನಂದರಾಯ್ ಪ್ರಭು ಹಾಂನಿ ಸಹಕಾರ ದಿಲಾ. ಹರೀಶ್ ಚಂದಾವರ್, ವೆಂಕಟೇಶ್ ಶೆಣೈ, ಅಕ್ಷತಾ ಕಾಮತ್, ಪ್ರಮೋದ್ ಮಲ್ಯ, ಸುರೇಶ್ ಕಿಣಿ ಆನಿ ನಾವಾದಿಕ ಕನ್ನಡ ಹಾಸ್ಯ ರಂಗ ನಟ, ಕನ್ನಡಿಗ ಕಲಾವಿದರ ಪರಿಷತ್ತು, ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್ ಹಾಂನಿ° ನಟನ ಕೆಲೆಲೆ° ಆಸಾ.
ನಾಟಕಾಚೆ ಪ್ರದರ್ಶನ ಮೈಸೂರಾಂತು° ಗೋವಿಂದರಾಯ ಮೆಮೋರಿಯಲ್ ಹಾಲಾಂತು° ಜಿ ಎಸ್ ಬಿ ಸಭಾ, ಮೈಸೂರು ಹಾಜೊ ಅಧ್ಯಕ್ಷ ಜಗನ್ನಾಥ್ ಶೆಣೈ ಹಾಂಗೆಲೆ ಮುಖೇಲಪಣಾರಿ ಅಗಸ್ಟ 17 ಶನಿವಾರಾ ಸಾಂಜವೇಳಾ 5.30ಕ ಜಾವಚೆ° ಆಸಾ. ಅಗಸ್ಟ 18ಕ ಸಾಂಜವೇಳಾ 5.30ಕ ಬೆಂಗಳೂರಚೆ ವೆಂಕಟರಮಣ ದೇವಸ್ಥಾನ, ಅನಂತ್ ನಗರ ಹಾಂಗಾ ಜಾವಚೆ° ಆಸಾ ಮ್ಹಣು ಕಳವಣಿಂತು ಸಾಂಗಲಾ°.

To Support Kodial Khaber click the following button.

जीएसबी स्कालरशिप लीग हालींच 95 वी वर्सुकी सादारण मंडळ बसका घेतल्या. एक सुळसुळीत आनी इश्टागतीन मेळप जालें. लीगच्या कामां विशीं तशेंच अर्थीक गजालीं विशीं चड प्रस्न पडले नात. लीगच्या वेवस्थापकीय समितीच्या वांगड्यांक गरजेवंत विद्यार्थ्यांच्या शिक्षणाक चालना दिवपाक बरी पावलां उबारपाक प्रेक्षकांनी उर्बा दिली. ताजेपणाक प्रायोजकत्व दिल्ल्या खातीर वांगड्यांनी श्री बाबू कामत हांचे उदार उपकार मानले. वेवस्थापन समितींत आतां श्री व्ही.व्ही.पाई. रमेश भदरकर, श्री जी.एस,भाट आनी श्रीमती विजय कामठ,आनी सी गोपाल पाई जीएसबी शिश्यवृत्ती लीगचे ट्रस्टी म्हूण. अध्यक्ष एस.एस.भाट, एस. गीता आर.पाई अध्यक्ष, आनंद शानभाग उपाध्यक्ष, गणेश शानभाग आनी  मधुकर पाई सचीव आनी प्रवीण कामत आनी डॉ प्रशांत किनी कोषाध्यक्ष म्हणून. विवेक शानभाग, महेश शानभाग,  वर्षा कामठ हे समितीचे वांगडी आसात. सुधा प्रभु, डॉ.वत्साला पै आनी कमलाक्ष भाट आमंत्रित म्हणून.

To Support Kodial Khaber click the following button.

ಮುಂಬಯಿ: ಆಮ್ಮೀ ರಂಗಕರ್ಮಿ (ರಿ), ಮುಂಬೈ ಹಾಜೆ ಕಲಾವಿದ ಹಾಂನಿ° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ್ ಹಾಂಗೆಲೆ ಸಹಯೋಗಾರಿ ಬಾಲಕೃಷ್ಣ ಪುರಾಣಿಕ್, ಕಾಸರಕೊಡ್ ಹಾಂಗೆಲೆ ರಚನಾ ಆನಿ ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನಾಚೆ ಕೊಂಕಣಿ ಹಾಸ್ಯ ಪ್ರಧಾನ ಸಂಗೀತಮಯ ನಾಟಕ 'ಲಗ್ನಾ ಪಿಶೆ°' ಹಾಜೆ° 7 ಪ್ರದರ್ಶನ° ಡಿ 26 ದಾಕೂನ ಜನವರಿ 1 ತಾಂಯ ಕರಾವಳಿ ಜಿಲ್ಲೆಂತ ಕಾರ್ಕಳ, ಸಿದ್ದಾಪುರ, ಕುಂದಾಪುರ, ಶಿರಾಲಿ, ಭಟ್ಕಳ್, ಮಂಗಳೂರು ಆನಿ ಉಡುಪಿಂತು° ಪ್ರದರ್ಶನ ಕರನು ಮುಂಬಯಿಕ ಪರತೂನ ಆಯಲೆ. ಶ್ರೇಷ್ಠ ಸಂಗೀತ ಆನಿ ನೈಜ್ಯ ಹಾಸ್ಯ ಭರಿತ ಹ್ಯಾ ನಾಟಕಾಕ ಪ್ರೇಕ್ಷಕಾನಿ ಖೂಬ ಪ್ರಶಂಸಾ ದಿಲಿ. ಪಾತ್ರವಗಾಂತು° ಮುಂಬಯಿಚೆ ನಾವಾದೀಕ ಕೊಂಕಣಿ - ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್, ಸಾರಸ್ವತ ಸಮಾಜಾಚೊ ರಂಗನಟ ಹರೀಶ್ ಚಂದಾವರ್, ಮ್ಹಾಲ್ಗಡೊ ರಂಗನಟ ಆನಿ ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ, ಪ್ರಬುದ್ಧ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಪ್ರತಿಭಾವಂತ ಕಲಾವಿದ ಪ್ರಮೋದ್ ಮಲ್ಯ ಆನಿ ಚಂದ್ರಶೇಖರ್ ಶೆಣೈ ಹಾಂನಿ° ಅಧ್ಬುತ ನಟನ ಕೆಲೆ°. ನಾಟಕಕಾ ಸಂಗೀತ ನಿರ್ದೇಶನ ಕೃಷ್ಣ ಚಂದಾವರ್ ಹಾಂನಿ° ಕೆಲೆ°. ಸುಧಾಕರ್ ಭಟ್ ಹಾಂನಿ° ಸೌಂಡ್ ಆನಿ ಉಜ್ವಾಡ ಸಾಂಬಾಳಲೊ, ರಂಗಸಜ್ಜಿಕಾ, ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ತಾಂನಿ° ಸಾಂಬಾಳಲಿ. ಹರ ಎಕ ಪ್ರದರ್ಶನಾಚೆ ವೇಳಾರಿ ಸಭಾಗೃಹ ಭರ ಪ್ರೇಕ್ಷಕ ಆಶಿಲೆ.

To Support Kodial Khaber click the following button.

ಮುoಬಯಿ: ಮುಂಬಯಿoತ ವಸತಿ ಕರನು ಆಸಚೊ ಪಯ್ಣಾರಿ.ಕೊಮ್ ಹಾಜೊ ಸಂಪಾದಕ ವಲ್ಲಿ ಕ್ವಾಡ್ರಾಸ್ ಹಾಂಕಾ° ಭಾರತೀಯ ಸಂಸ್ಕೃತಿ ಇಲಾಖೊ 'Life and cultural aspects of Siddi Community (A broader study on Siddis Living in Karnataka, India.) ಹೆ° ಕ್ವಾಡ್ರಾಸಾಲೆ ಸಂಸೋಧಿಕ ವಾವ್ರ eವನು ಆಸಾ. ಭಾರತೀಯ ಸಂಸ್ಕೃತಿ ಇಲಾಖೊ ಭಾರತೀಯ ಭಾಶೆಂಚೆ ವೆಗ-ವೆಗಳ್ಯಾ ಕ್ಷೇತ್ರಾಂತು (ಶಿಕ್ಷಣ, ಕಲಾ, ಜಾನಪದ, ಸಾಹಿತ್ಯ, ರಂಗಮoಚ) ಜೂನಿಯರ ತಶೆಂಚ ಸೀನಿಯರ ಫೆಲೋಶಿಪಾಕ ಅರ್ಜ್ಯೊ ಆಪಯ್ತಾ. ಆನಿ ಜೊಕ್ತ್ಯಾಂಕ ಹೆ° ಫೆಲೋಶಿಪ್ ಫಾವೊ ಕರತಾ. ಸೀನಿಯರ್ ಫೆಲೋಶಿಪಾಂತ ದೋನ ವರ್ಸಾಂಚೊ ಸಂಸೋದ್ ಆಟಾಪ್ತಾ. ಹರ ಎಕ ಸ ಮ್ಹಯನ್ಯಾಚೆ ಸಂಸೋಧನ ವಾವ್ರಾಚೊ ರಿಪೋರ್ಟ್ ಧಾಡುಂಕ ಪಡ್ತಾ. ವಲ್ಲಿ ಕ್ವಾಡ್ರಸಾನ ಮುಂಡುಗೋಡ, ಹಾನೆಗಳ್ಳಿ, ಎಲ್ಲಾಪುರ ಅಶೆಂ ಸಿದ್ದಿ ಲೊಕಾಂಚೆರ ಕೆಲೆಲೆ ಸಂಸೋಧಾಕ ಹೆ° ಫೆಲೋಶಿಪ್ ಮೆಳಾ°. ಹಾಕಾ ಫಾವೊ ಜಾಲೆಲೆ ಹೆರ ಪುರಸ್ಕಾರಾ° ಅಶೆ° ಆಸಾತ, ದಿವೊ ಸಾಹಿತ್ಯಿಕ ಪುರಸ್ಕಾರ (2003), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ° ಉತ್ತೀಮ ಪುಸ್ತಕ ಪುರಸ್ಕಾರ (ಕವಿತಾಪಾಠ್, 2005), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ° ಉತ್ತೀಮ ಪುಸಕ ಪುರಸ್ಕಾರ (ದರ್ಭಾರಾಂತ್ಲಿ ಪಿಂರ್ಗೊಣ್, 2006), ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆಂ ಉತ್ತೀಮ ಪುಸ್ತಕ ಪುರಸ್ಕಾರ (ಬಂಧ್, 2018), ಕವಿತಾ ಟ್ರಸ್ಟಾಚೊ ಮಥಾಯಸ್ ಕುಟ್ಮಾಚೊ ಪುರಸ್ಕಾರ (2019), ವಿಶ್ವ ಕೊಂಕಣಿ ಕೇಂದ್ರಾಚೊ ವಿಮಲಾ ವಿ. ಪೈ. ಪುರಸ್ಕಾರ (ಭಿತರ್ಲೊ ಕವಿ, 2022), ದಾಯ್ಜಿದುಭಾಯ್ ಸಾಹಿತ್ಯಿಕ್ ಪುರಸ್ಕಾರ (2023)

To Support Kodial Khaber click the following button.

ಮುoಬಯಿ: ಆಮ್ಮಿ ರಂಗಕರ್ಮಿ (ರಿ), ಮುಂಬೈ, ಗುರು ಕೃಪಾ ಕಲಾ ರಂಗ, ದಹಿಸರ್ ಕಾಶೀ ಮಠ ಹಾಂಗೆಲೆ ಸಹಯೋಗಾನ ಹಾಸ್ಯ ಪ್ರಧಾನ ಆನೀ ಸಂಗೀತಮಯ 'ಲಗ್ನಾ ಪಿಶೆ°' ಕೊಂಕಣಿ ನಾಟಕಾಚೆ ಪ್ರರ್ದಶನ ಡಿ. 26 ದಾಕೂನ ಜ. 01 ತಾಂಯ ಕರ್ನಾಟಕ ಕರಾವಳಿಚೆ 7 ಗಾಂವಾoತು° ಚಲಚೆ° ಆಸಾ ಮ್ಹಣು ಆಮ್ಮಿ ರಂಗಕರ್ಮಿ (ರಿ), ಮುಂಬೈ ಹಾಜೊ ಮ್ಯಾನೆಂಜಿoಗ್ ಟ್ರಸ್ಟಿ ಡಾ. ಚಂದ್ರಶೇಖರ ಶೆಣೈ ಹಾಂನಿ° ಕಳಯಲಾ°. ಹ್ಯಾ ನಾಟಕಾಚೆ ಲೇಖಕ ಉತ್ತರ ಕನ್ನಡಚೆ ಕಾಸರಕೊಡಚೆ ಬಾಲಕೃಷ್ಣ ಪುರಾಣಿಕ್ ಆನಿ ನಿರ್ದೇಶಕ ಲಿಮ್ಕಾ ಬುಕ್ಕ್ ಆಫ್ ರಿಕಾರ್ಡ ಖ್ಯಾತಿಚೆ ಡಾ. ಚಂದ್ರಶೇಖರ್ ಶೆಣೈ ಜಾವನು ಆಸಾತಿ. ಹ್ಯಾ ನಾಟಕ ಪ್ರದರ್ಶನ ಜಾವಚೆ ಜಾಗೆ, ದೀಸ ಆನಿ ವೇಳು ಆಶೆ° ಆಸಾ.
26.12.23 ಶ್ರೀ ವೀರ ಮಾರುತಿ ದೇವಳ, ಕಾರ್ಕಳ 5.30ಠಿm
27.12.23 ಶ್ರೀ ದುರ್ಗಾ ಹೊನ್ನಮ್ಮ ದೇವಳ, ಕೆಳಪೇಟೆ, ಸಿದ್ದಾಪುರ, ಉಡುಪಿ ಜಿಲ್ಲೆ, ಸಾಂಜವೇಳಾ 5.00
28.12.23 ಶ್ರೀ ವೆಂಕಟರಮಣ ದೇವಸ್ಥಾನ, ಕುಂದಾಪುರ, ಸಾಂಜವೇಳಾ 6.30
29.12.23 ಶ್ರೀ ಮಹಾಗಣಪತಿ ಮಹಾ ಮಹಾಮಾಯಾ ದೇವಳ, ಶಿರಾಲಿ, ಉತ್ತರ ಕನ್ನಡ ಜಿಲ್ಲೆ ರಾತಿ 9.00
30.12.23 ಶ್ರೀ ರಾಘವೇಂದ್ರ ಮಠ, ಭಟ್ಕಳ, ಉತ್ತರ ಕನ್ನಡ ಜಿಲ್ಲೆ ರಾತಿ 9.00 

31.12.23 ಕುಡ್ತೆರಿ ಮಹಾಮ್ಮಾಯಿ ದೇವಳ, ರಥಬೀದಿ, ಮಂಗಳೂರು, ಸಾಂಜವೇಳಾ 5.30 
01.01.2024 ಭುವನೇಂದ್ರ ಮಂಟಪ, ಶ್ರೀ ಕಾಶೀ ಮಠ,ಉಡುಪಿ ಸಾಂಜವೇಳಾ 4.30 
ನಾಟಕಾಸ್ತಾಂಕ ಪ್ರವೇಶ ಫುಕಟ ಆಸಾ.

To Support Kodial Khaber click the following button.

ಮುoಬಯಿ: ಉತ್ತರ ಕನ್ನಡ ಜಿಲ್ಲೆಚೆ ಕಾಸರಕೋಡಾಚೆ ನಾವದೀಕ ಕೊಂಕಣಿ ಲೇಖಕ ಬಾಲಕೃಷ್ಣ ಪುರಾಣಿಕ ಹಾಂನಿ° ಬರಯಿಲೆ° 'ಲಗ್ನಾ ಪಿಶೆ°' ಕೊಂಕಣಿ ನಾಟಕಾಚೆ 6 ಪ್ರದರ್ಶನಕಮಲಾಕ್ಷ ಸರಾಫ್ ಕರ್ನಾಟಕ ಕರಾವಳಿಚೆ ಉತ್ತರ ಕನ್ನಡ, ಉಡುಪಿ ಆನಿ ದಕ್ಷಿಣ ಕನ್ನಡ ಜಿಲ್ಲೆಂತು° ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ಹಾಂಗೆಲೆ ನಿರ್ದೇಶನಾರಿ ಜಾವಚೆ° ಆಸಾ ಮ್ಹಣು ನಟ ಆನಿ ಆಯೋಜಕ ಕಮಲಾಕ್ಷ ಸರಾಫ್ ಹಾಂನಿ ಕಳವಣಿಂತು° ಸಾಂಗಲಾ°. ಆರತಾ° ಹ್ಯಾ ನಾಟಕಾಚೆ° ಪ್ರದರ್ಶನ ಕಾಶೀ ಮಠಾಧಿಪತಿ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಸಮ್ಮುಖಾರಿ ಡಾ. ದಯಾನಂದ ಪೈ ಹಾಂಗೆಲೆ ಸಹಯೋಗಾನ ಅ. 14ಕ ಬೆಂಗಳೂರಾoತು° ಅಸಂಖ್ಯ ಲೋಕಾಚೆ° ಮುಕಾರ ಜಾಲೆಲೆ° ಆಸಾ. ಉಪರಾಂತ ಅ. 22ಕ ಮುಂಬಯಿಚೆ ಖಾರ ದಾಂಡಾಚೆ ಶ್ರೀ ಭದ್ರಕಾಳಿ ಮಹಾಲಕ್ಷ್ಮಿ ದುರ್ಗಾ ಹೊನ್ನಮ್ಮ ದೇವಿಲೆ ಮುಕಾರ ಹಾಜೆ° ಪ್ರದರ್ಶನ ಜಾಲೆ°. ಡಿ. 2ಕ ದಹಿಸರ್ ಕಾಶೀ ಮಠಾಚೆ ವಿಠ್ಠಲ್ ರಖುಮಾಯಿ ದೇವಳಾಂತು° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ ಹಾಂಗೆಲೆ ಆಶ್ರಯಾರಿ ನಾಟಕಾಚೆ ಪ್ರದರ್ಶನ ಜಾಲೆಲೆ° ಆಸಾ ಮ್ಹಣು ಸರಾಫ್ ಹಾಂನಿ° ಕಳಯಲಾ°.
ಮುಕಾರಿ ಡಿಸೆಂಬರ್ ಮ್ಹಯನ್ಯಾಂತು° ಡಿ.26ಕ ಉಡುಪಿ, ಡಿ. 27 ಸಿದ್ದಾಪುರ, ಡಿ.28 ಕುಂದಾಪುರ, ಡಿ.29 ಶಿರಾಲಿ, ಡಿ.30 ಭಟ್ಕಳ, ಡಿ. 31ಕ ಮಂಗಳೂರಾoತು° ಹ್ಯಾ ನಾಟಕಾಚೆ ಪ್ರದರ್ಶನ ಜಾವಚೆ° ಆಸಾ. ಪಾತ್ರವರ್ಗಾಂತು° ಕೊಂಕಣಿ - ಕನ್ನಡ ಹಾಸ್ಯ ರಂಗ ನಟ ಕಮಲಾಕ್ಷ ಸರಾಫ್, ಹರೀಶ್ ಚಂದಾವರ, ಯಕ್ಷಗಾನ ಕಲಾವಿದ ರಂಗನಟ ತೋನ್ಸೆ ವೆಂಕಟೇಶ್ ಶೆಣೈ, ಬಹುಮುಖ ಪ್ರತಿಭಾ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಕಲಾವಿದ ಪ್ರಮೋದ್ ಮಲ್ಯ, ಅರ್ಚನಾ ಭಟ್ ಆನಿ ಹೇರ ಆಸತಲೆ. ನಾವಾದೀಕ ಸಂಗೀತ ನಿರ್ದೇಶಕ ಕೃಷ್ಣ ಚಂದಾವರ್ ಹಾಂಗೆಲೆ° ಸಂಗೀತ ಆಸತಲೆ. ತೋನ್ಸೆ ವೆಂಕಟೇಶ್ ಶೆಣೈ ಸಹ ನಿರ್ದೇಶಕ ಆಸೂನ ವಿಶ್ವ ಕೊಂಕಣಿ ಪುರಸ್ಕೃತ ಎ. ಜಿ. ಕಾಮತ್ ಹಾಂನಿ° ಮಾರ್ಗದರ್ಶನ ದಿತಾತಿ. ರಂಗ ವಿನ್ಯಾಸ, ಉಜ್ವಾಡು, ದ್ವನಿ ನಿಯಂತ್ರಣ ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ಸುಧಾಕರ ಭಟ್ ಹಾಂಗೆಲೆ ಜಾವನು ಆಸಾ. ಆಮ್ಮಿ ರಂಗಕರ್ಮಿ (ರಿ.), ಮುಂಬಯಿ ತರಪೇನ ಎನ್. ಎಸ್. ಕಾಮತ್, ಟಿ. ವಿ. ಶೆಣೈ ಆನಿ ಸುಧಾಕರ ಭಟ್ ಹಾಂನಿ° ನಿರ್ವಹಣ ಕರತಾ ಆಸಾತಿ.

To Support Kodial Khaber click the following button.

ಪದ್ಮನಾಭ ಬಾಲಕೃಷ್ಣ ಆಚಾರ್ಯ (ಜನನ 8 ಅಕ್ಟೋಬರ್ 1931) ಹಾಂನಿ° ಆಜಿ ಮುಂಬಯಿoತು° ಅಂತರಲೆ. ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಹಾಂನಿ° ಹಾಂಕಾ° 14 ಜುಲೈ 2014 ದೀವಸು ನಾಗಾಲ್ಯಾಂಡ್ ರಾಜ್ಯಾಚೊ ಗವರ್ನರ್ ಜಾವನು ನೆಮಣೂಕ ಕೆಲೆಲೊ. 12 ಡಿಸೆಂಬರ್ 2014 ಆನಿ 17 ಆಗಸ್ಟ್ 2016 ಮಧೆ° ಹಾಂನಿ° ಅಸ್ಸಾಂ ರಾಜ್ಯಾಚೆ ರಾಜ್ಯಪಾಲ ಜಾವನೂಯಿ ಚಡತಿ ಜಬಾಬದಾರಿ ಘೆತಿಲಿ. 21 ಜುಲೈ 2014 ದಾಕೂನ 19 ಮೇ 2015 ತಾಂಯ° ತ್ರಿಪುರಾ ರಾಜ್ಯಾಚೆ ಗವರ್ನರ್ ಜಾವನು ಆಶಿಲೆ. 26 ಜನವರಿ 2017 ದಾಕೂನ ಅರುಣಾಚಲ ಪ್ರದೇಶ ರಾಜ್ಯಾಚೆ ಗವರ್ನರ್ ಜಾವನು ಹಾಂಕಾ° ಚಡತಿ ಜಬಾಬದಾರಿ ದಿಲೆಲಿ. ಜುಲೈ 2019ತು° ಥೊಡ ಹಪ್ತೆ ಕಾತಿರ ಹಾಂನಿ° ಮಣಿಪುರಾಚಿ ಜಬಾಬದಾರಿ ಘೆತಿಲಿ ಆಸಾ. ತ್ಯಾಚ ವರಸ ಹಾಂಗೆಲಿ ರಾಜ್ಯಪಾಲ ಹುದ್ದೆಚಿ ಅವಧಿ ಸಂಪಲಿ.
ಉಡುಪಿಚೆ ಬಾಲಕೃಷ್ಣ ಆನಿ ರಾಧಾ ಆಚಾರ್ಯ ದಂಪತಿಲೊ ಪೂತು ಜಾವನು ಆಸಚೆ ಹಾಂನಿ° ಕರ್ನಾಟಕಾಚೆ ಉಡುಪಿಂತು° ಜಲ್ಮಲೆ. ಉಡುಪಿಚೆ ಕ್ರಿಶ್ಚಿಯನ್ ಹೈಸ್ಕೂಲಾಂತು° ಮೆಟ್ರಿಕ್ಯುಲೇಷನ್ ಕೆಲೆಲೆ ಹಾಂನಿ° 1949ತು° ಉಡುಪಿಚೆ ಮಹಾತ್ಮ ಗಾಂಧಿ ಸ್ಮಾರಕ (ಎಂ.ಜಿ.ಎo) ಕಾಲೇಜಾಂತು° ಪದವಿ ಶಿಕ್ಷಣ ಫಾವೊ ಕೆಲೆಂ. ಉಪರಾಂತ ಉದ್ಯೋಗ ನಿಮಿತ ಮಂಬೈಕ ಗೆಲೆಲೆ ಹಾಂಕಾ° ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ (ಎ.ಬಿ.ವಿ.ಪಿ)ಚೊ ಸಂಬoಧ ಜಾಲೊ ಆನಿ ಹಾಂನಿ° ಮುಂಬೈ ವಿಶ್ವವಿದ್ಯಾಲಯಾಚೆ ಸೆನೆಟ್ ಸದಸ್ಯ ಜಾಲೆ. ಹಾಂನಿ° ಮುಂಬೈ ವಿಶ್ವವಿದ್ಯಾನಿಲಯಾ ದಾಕೂನ ಎಲ್‌ಎಲ್‌ಬಿ ಪದವಿ ಪ್ರಾಪ್ತ ಕೆಲಿ. ದೆಹಲಿ ವಿಶ್ವವಿದ್ಯಾನಿಲಯಾಚೆ "ಜ್ಞಾನೋದಯ ಎಕ್ಸ್ಪ್ರೆಸ್" ಈಶಾನ್ಯ ಭಾರತಾಕ ಕಾಲೇಜ್ ಆನ್ ವ್ಹಿಲ್ಸ್ ಕಾರ್ಯಕ್ರಮಾಚಿ ಯೋಜನಾ ಕೆಲೆಲಿ ಕೀರ್ತಿ ಹಾಂಗೆಲಿ ಜಾವನು ಆಸಾ.
ರಾಜ್ಯಪಾಲ ಜಾವಚೆ ಪಯಲೆ° ಹಾಂನಿ° ಭಾರತೀಯ ಜನತಾ ಪಕ್ಷ (ಬಿಜೆಪಿ) ಹಾಂತು° ವಿವಿಧ ಹುದ್ದೆ ಸಾಂಬಾಳೆಲೆ ಆಶಿಲೆ. 1980ತು° ಪಿ.ಬಿ. ಆಚಾರ್ಯ ಭಾರತೀಯ ಜನತಾ ಪಕ್ಷಾಕ ಮೆಳೆ. 1987ತು° ವಾಯುವ್ಯ ಬಾಂಬೆ ಜಿಲ್ಲೆ ಬಿಜೆಪಿ ಅಧ್ಯಕ್ಷ ಜಾವನು ವಿಂಚೂನ ಆಯಲೆ ಹಾಂನಿ° 1989ತು° ಮುಂಬೈ ಬಿಜೆಪಿಯ ಸಮಿತಿಚೆ ಸಾಂದೆ ಜಾಲೆ. 1991ತು° ಹಾಂಕಾ° ಈಶಾನ್ಯ ರಾಜ್ಯಾಂಚಿ ಉಸ್ತುವಾರಿ ಜಾವನು ಬಿಜೆಪಿಚೆ ರಾಷ್ಟ್ರೀಯ ಕಾರ್ಯಕಾರಿ ಸಮಿತಿಚೊ ಸಾಂದೊ ಜಾವಚೊ ಅವಕಾಶ ಮೆಳೊ. ಅರುಣಾಚಲ ಪ್ರದೇಶ, ಮಣಿಪುರ, ಮೇಘಾಲಯ, ಮಿಜೋರಾಂ ಆನಿ ನಾಗಾಲ್ಯಾಂಡ್ ಹಾಜಿ ಜಬಾಬದಾರಿ ಹಾಂಕಾ° ಮೆಳಿ. 1995-2002 ಮಧೆ° ತಾಂನಿ° ಬಿಜೆಪಿಚೆ ಅಖಿಲ ಭಾರತ ರಾಷ್ಟ್ರೀಯ ಕಾರ್ಯದರ್ಶಿ ಆನಿ ಈಶಾನ್ಯ ರಾಜ್ಯಾಂಚೆ ಉಸ್ತುವಾರಿ ಸುತಾ ಆಶಿಲೆ.
2002ತು° ಹಾಂನಿ° ಕೇರಳ ಆನಿ ಲಕ್ಷದ್ವೀಪ ಆನಿ 2005ತು° ತಮಿಳುನಾಡಾಚೆ ಉಸ್ತುವಾರಿ ಆನಿ ರಾಷ್ಟ್ರೀಯ ಕಾರ್ಯಕಾರಿ ಸದಸ್ಯ ಆಶಿಲೆ. ಆಚಾರ್ಯ ಹಾಂನಿ° ಎಸ್‌ಸಿ/ಎಸ್‌ಟಿ ಮೋರ್ಚಾಚೆ ರಾಷ್ಟ್ರೀಯ ಉಸ್ತುವಾರಿ ಆನಿ ಬಿಜೆಪಿಚೆ ಸಾಗರೋತ್ತರ ಇಷ್ಟಾಂಚೆ ಸಹ ಸಂಚಾಲಕ ಆಶಿಲೆ. ಈಶಾನ್ಯ ಭಾರತಾಚೆ ಸಂಪರ್ಕ ಕೋಶಾಚೆ ರಾಷ್ಟ್ರೀಯ ಪ್ರಭಾರಿ ಜಾವನುಯಿ ಹಾಂನಿ° ಜಬಾಬದಾರಿ ಸಾಂಬಾಳಲಿ ಆಸಾ. ಮುಂಬೈ ನಗರಿಚೆ ಕುಟುಂಬಾನಿ ಶೈಕ್ಷಣಿಕ ಉದ್ದೇಶಾನ ಯೆವ್ಕಾರ ದಿವನು ಆಪಯಿಲೆ ಈಶಾನ್ಯ ರಾಜ್ಯಾಂಚೆ ಬುಡಕಟ್ಟು ಚೆರಡುವಾಂಕ ಎಬಿವಿಪಿಚಿ ಯೋಜನಾ ಜಾವನು ಆಸಚೆ "ಮೈ ಹೋಮ್ ಈಸ್ ಇಂಡಿಯಾ" ಸಕಳ ಆಚಾರ್ಯಾ ಸಕ್ರಿಯ ಆಶಿಲೆ. ಹಾಂಗೆಲೆ ಘರಕಡೆ ಸುತಾ ಖೂಬ ವಿದ್ಯಾರ್ಥಿ ವಾಸ ಆಸೂನ ಶಿಕ್ಷಣ ಕರತಲೆ. 1975 ದಾಕೂನ ಆಚಾರ್ಯಾ ಹಾಂನಿ° ರಾಣಿ ಮಾ ಗೈಡಿನ್ಲಿಯು ಭವನಾಂತ ಭಾರತೀಯ ಬುಡಕಟ್ಟು ಉಪಭಾಷೆಂಚಿ ಅಕಾಡೆಮಿ ಹಾಜೆ ಸಾಂಗತ ನಿಕಟ ಸಂಭoದ ದವರನು ಘೆತಿಲೊ.

 To Support Kodial Khaber click the following button.