Displaying items by tag: Mumbai
ವಡಾಲಾ ಮಠಾಂತು° ವರಸಾವಧಿ ಆರೋಗ್ಯ ಶಿಬಿರ
ವಡಾಲಾ ಮಠಾಚೆ ವಾರ್ಷಿಕೋತ್ಸವಾಚೆ ಸಂದರ್ಭಾರಿ ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟ್ ಹಾಂಗೆಲೆ ಜೋಡ ಆಶ್ರಯಾರಿ ಬ್ಲಡ್ ಪ್ರಶರ್, ಬ್ಲಡ್ ಶುಗರ್, ದೋಳೆ, ದಾಂತ, ಗೈನಾಕಾಲಜಿ ಆನಿ ಹಾಡಾಂಚೆ ತಪಾಸಣಾ ಕರನು ಮಾರ್ಗದರ್ಶನ ದಿವಚೆಮ ಜಾಲೆ°. ಡಾ. ಅಶೋಕ ಕೆರೂರ್, ಡಾ. ಯಮುನಾ ಕೆರೂರ್, ಡಾ. ಕಾಂಚನಾ ನಾಯಕ, ಡಾ. ವಿಮಲ ತೇಲಾಂಗ್, ಡಾ. ಸೀಮಾ ಮಾಹಾಲೆ, ಡಾ. ಶ್ರೇಯಾ ಜೊಷಿ, ಡಾ. ಸಚಿನ್ ಜೈನ್, ಡಾ. ವಿವೇಕ ಪೈ, ಡಾ. ಚೌಸೆ ಶರಿಫಾ, ಡಾ. ದಾವಿಂದರ ತುಲಪುಲೆ, ಡಾ. ಅನಿಲ್ ಕುಮಾರ ಸಿಂಘಾಲ, ಡಾ. ಗೀತಾಂಜಲಿ ಬೆಲೆಕರ್, ಡಾ. ಶೋನಿರ ಪೈ, ಡಾ. ಪ್ರತಿಕ ಸತ್ಪುತೆ, ಡಾ. ಸ್ವಾತಿ ಸತ್ಪುತೆ ಹಾಂನಿ° ಆರೋಗ್ಯ ಸೇವಾ ದಿಲಿ.
ಸಂಕ್ರಾοತಿ - ಹಳದಿ ಕುಂಕುಮ
ಮುοಬಯಿ: ಸಂಕ್ರಾοತಿ ಆಚರಣ ಬದಲ ಜಿ.ಎಸ್.ಬಿ.ಎಸ್ ಮೆಡಿಕಲ್ ಟ್ರಸ್ಟ್, ದಾದರ ಹಾಂನಿ° ಆರತಾ° ತಾಂಗೆಲೆ ಉದ್ಯೋಗಿಯಾಲೆ ಖಾತಿರ ಹಳದಿ ಕುಂಕುಮ ಕಾರ್ಯಕ್ರಮ ಆಯೋಜನ ಕೆಲೊ. ಉಡಿಗಿರೆ° ವಾಂಟಚೆ° ಆನಿ ಸಾಂಗತ ಜೇವಚೆ° ಜಾಲೆ°. ಅಧ್ಯಕ್ಷ ಡಾ. ಸುಹಾಸ ಪ್ರಭುನ ಶುಭಾಷಯ ಪಾಟಯಲೊ. ಟ್ರಸ್ಟಾಚೆ ಹಿತೈಷಿ ರಾಧಾ ಕಿಣಿ, ಅಜೀತಾ ಕಿಣಿ, ಡಾ. ಆರ್. ಎನ್. ಕಿಣಿ ಆನಿ ಸುಮನಾ ಕಿಣಿ ಮಾನಾಚೆ ಸೊಯ್ರೆ ಆಶಿಲೆ. ಗೀತಾ ಆರ್. ಪೈನ ಸ್ವಾಗತಾಚೆ ಉತ್ರ° ಸಾಂಗಲಿ°.
ಸವಿತಾ ಹರಿದಾಸ್ ನಾಯಕ್ ಅಂತರಲಿοತಿ
ಮಂಗಳೂರು: ಲೇಡಿಹಿಲ್ ವಿಕ್ಟೋರಿಯ ಶಾಳಾ ಆನಿ ಸಂತ ಅಗ್ನೇಸ್ ಕಾಲೇಜಾಚಿ ಆದಲಿ ವಿದ್ಯಾರ್ಥಿ ಸವಿತಾ ಹರಿದಾಸ್ ನಾಯಕ್ (ಜಯಶ್ರೀ ಮಲ್ಯ) ಹಾಂನಿ° ಫೆ.3ಕ ವಾಶೀ ನವೀ ಮುಂಬಯಿಚೆ ಸ್ವಗೃಹಾಂತು° ಕಾಳಜಾಚೊ ಆತಾಕ ಯೆವನು ಅಂತರಲಿοತಿ. ಲಯನ್ಸ್ ನವೀ ಮುಂಬಯಿ, ಕನ್ನಡ ಸಂಘ, ಜಿ.ಎಸ್.ಬಿ. ಸಂಘ, ಮಹಿಳಾ ಸಂಘ ಹಾಜೆ ಅಧ್ಯಕ್ಷಾ ಜಾವನು ಸೇವಾ ದಿಲೆಲೆ ಹಾಂನಿ° ಸಮಾಜ ಸೇವಾ ಕರೂನ ನಾವಾದಿಕ ಆಶಿಲಿಂತಿ. ಬ್ಹಾಮುಣು, ದೋನ ದ್ಹುವೊ, ಎಕ ಪೂತು ದೋನ ಬ್ಹಾವ ಆನಿ ಎಕ ಬ್ಹಯಣಿಕ ಸೋಡೂನ ತಾಂನಿ° ಗೆಲ್ಯಾಂತಿ. ಖೂಬ ಸಂಖ್ಯಾನಿ ಬಂಧುಮಿತ್ರ, ಆನಿ ಅಭಿಮಾನಿ ಲೋಕಾನ ಯೆವನು ಪಾರ್ಥಿವ ಶರೀರಾಚೆ ದರ್ಶನ ಘೆತಲೆ. ಸಾಬಾರ ಸಂಘಸοಸ್ಥೆನಿ ಸಂತಾಪ ಸೂಚನ ಕೆಲೊ.
ಜಿ. ಎಸ್. ಬಿ. ಸ್ಕಾಲರಶಿಪ್ ಲೀಗ್ - ನವೀನ ಮಂಡಳಿ
ಮುοಬಯಿ: ಶಂಬರಿ ವರಸಾಚೊ ಇತಿಹಾಸ ಆಸಚೆ ಹಾಂಗಾಚೆ ವಡಾಲಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸ್ಕಾಲರಶಿಪ್ ಲೀಗ್ ಹಾಜೆ ನವೀನ ಮಂಡಳಿಚಿ ರಚನಾ ಆರತಾಂ ಘಡಲೆಲೆ ಮಹಾ ಸಭೆಂತು° ಜಾಲೆ.
ವಿ. ವಿ. ಪೈ, ರಮೇಶ ಭಂಡಾರಕಾರ್, ಜಿ. ಎಸ್. ಭಟ್, ವಿಜಯಾ ವಿ. ಕಾಮತ, ಗೋಪಾಲ ಎಸ್. ಪೈ ಹಾಂನಿ° ಟ್ರಸ್ಟಿ ಜಾವನು ನೆಮಣೂಕ ಜಾಲ್ಯಾಂತಿ. ಉಪರಾಂತ ಚಲೆಲೆ ಕರ್ಯಕಾರಿ ಮಂಡಳಿಚೆ ಸಭೆಂತು° ನವೀನ ವ್ಹಾಂಗಡ್ಯಾಲೊ ನೆಮಣೂಕ ಜಾಲೆ°. ಎಸ್. ಎಸ್. ಭಟ್(ಅಧ್ಯಕ್ಷ), ಗೀತಾ ಆರ್. ಪೈ (ಚೇಯರ ಪರ್ಸನ್), ಗಣೇಶ ಶ್ಯಾನುಭಾಗ ಆನಿ ಮಧುಕರ ಪೈ(ಕಾರ್ಯದರ್ಶಿ), ಪ್ರವೀಣ ಕಾಮತ ಆನಿ ಡಾ. ಪ್ರಶಾಂತ ಕಿಣಿ(ಖಜಾನದಾರ) ಹಾಂಗೆಲೆ° ನೆಮಣೂಕ ಜಾಲೆ°. ಆನಂದ ಶ್ಯಾನುಭಾಗ, ಮಹೇಶ ಶ್ಯಾನುಭಾಗ ಆನಿ ಡಾ. ವರ್ಷಾ ಕಾಮತ ಸುತಾ ಕಮಿಟಿಂತು° ಆಸತಾತಿ. ಡಾ. ವತ್ಸಲಾ ಪೈ ಆನಿ ಸುಧಾ ಪ್ರಭು ಆಮಂತ್ರಿತ ಸಾಂದೆ ಆಸತಲೆ. ಹರ ಎಕ ಮ್ಹಯನ್ಯಾಚೆ ತಿಸರೆ ಶನವಾರಾ ಕಾರ್ಯಕಾರಿ ಮಂಡಳಿಚಿ ಸಭಾ ಚಲತಲಿ ಮ್ಹಣು ನಿರ್ಣಯ ಘೆತಲೊ ಮ್ಹಣು ಲೀಗಾಚೆ ಕಳವಣಿಂತು° ಸಾಂಗಲಾ°.
ದಾರಲೆ° ಕಾತಿರ ಪಯಲೆ° ಕ್ಯಾನ್ಸರ್ ತಪಾಸಣಾ ಶಿಬಿರ
ಮುಂಬಯಿ: ಮಾಕ್ಷಿಚೆ ತೀನ ವರಸ ದಾಕೂನ ಫಕತ ಬಾಯಲ ಮನಶಾ° ಕಾತಿರ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕರತ ಆಶಿಲೆ ವಡಾಲಾಚೆ ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್ ಹಾಂನಿ° ಪಯಲೆ ಪಾವಟಿ ಅ. 18ಕ ದಾರಲೆ° ಕಾತಿರ ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕೆಲೆ°. ಬಿ. ಟಿ. ಮಲ್ಯ ಹಾಂನಿ° ತಾಂಗೆಲಿ ಬಾಯಲ ದೇವಾದಿನ ಪ್ರತಿಮಾ ಮಲ್ಯ ಹಾಂಗೆಲೆ ಉಡಗಾಸಾರಿ ಹ್ಯಾ ಶಿಬಿರಾಚೆ ಪ್ರಾಯೋಜನ ಕೆಲೆಲೆ ಹ್ಯಾ ಶಿಬಿರಾಂತು° ಇ.ಎನ್.ಟಿ ವೈದ್ಯ ದಿನೇಶ ಮೊಗ್ರೆ ಆನಿ ಸರ್ಜನ್ ಡಾ. ಲಾಕಿನ್ ವೀರಾ ಹಾಂನಿ° ತೀನ ಸ್ಥರಾರಿ ವೆಗವೆಗಳೆ ತಪಾಸಣಾ ಕೆಲಿ.
ನ.14 ಚಾಳಿಸಾ ವಯಲೆ ಬಾಯಲ ಮನಾಶಾಂಕಯೀ ಕ್ಯಾನ್ಸರ್ ತಪಾಸಣ ಶಿಬಿರ ಚಲೆ°. 16ವೆ° ಶಿಬಿರ ಜಾವನು ಆಶಿಲೆ ಹಾಜೆ ಉಪೇಗ ಖೂಬ ಲೋಕಾನ ಕೆಲೆ°. ಡಾ. ಶೋನಿಕ್ ಪೈ, ಡಾ. ಕೆಥಕಿ ಕುಲಕರ್ಣಿ, ಡಾ. ಶಾಲಿನಿ ರೂಪನಾರಾಯಣ, ಡಾ. ಜ್ಯೋತಿ ಸತ್ಪುತಿ, ಡಾ. ಪ್ರತೀಕ ಸತ್ಪುತು, ಡಾ. ವಿಕಾಸ್ ಗುಪ್ತಾ ಹಾಂನಿ° ತಪಾಸಣಾ ಕೆಲಿ. ರಾಧಾ ಕಿಣಿ ಆನಿ ಅಜಿತಾ ಕಿಣಿ ಪ್ರಾಯೋಜಕ ಆಶಿಲೆ ಮ್ಹಣು ಟ್ರಸ್ಟಿ ಆನಿ ಕಾರ್ಯದರ್ಶಿ ಗೀತಾ ಆರ್. ಪೈ ಹಾಂನಿ° ಕಳಯಲಾ°.
ಕಮಲಾಕ್ಷ ಸರಾಫ್ ಹಾಂಕಾ° ಕಲಾಶ್ರೀ ಪೃಶಸ್ತಿ
ಮುಂಬಯಿ: ಮಹಾರಾಷ್ಟಾçಚೆ ಸರ್ವ ಕನ್ನಡ, ಕೊಂಕಣಿ, ತುಳು, ಕೊಡವ, ಬ್ಯಾರಿ ಕಲಾವಿದಾಂಚೊ ಮಾತೃ ಸಂಸ್ಥೊ ಕನ್ನಡ ಕಲಾವಿದರ ಪರಿಷತ್ತು ಹಾಂನಿ° ಆರತಾ° (ಸೆ. 29) ಮುಂಬೈಚೆ ಸಾಂತಾಕ್ರೂಜ್ (ಪೂರ್ವ) ಬಿಲ್ಲವ ಭವನಾಂತು° ‘ಕಲಾ ಮಹೋತ್ಸವು’ ಆಯೋಜನ ಕೆಲೊ. ಹ್ಯಾ ಸುವಾಳ್ಯಾοತು° ಕೊಂಕಣಿ ನಾಟಕ ಕ್ಷೇತ್ರಾಚೊ ನಾವಾದಿಕ ಕಲಾಕಾರ ಕಮಲಾಕ್ಷ ಸರಾಫ್ ಹಾಂಕಾ° ಕಲಾಶ್ರೀ ಪೃಶಸ್ತಿ ದಿವನು ಸನ್ಮಾನ ಚಲೊ. ಕಮಲಾಕ್ಷ ಸರಾಫ್ ಹಾಂನಿ° ಕನ್ನಡ ಆನಿ ಕೊಂಕಣಿ ನಾಟಕ ಕ್ಷೇತ್ರಾಕ ದಿಲೆಲಿ ಸೇವಾ ಮಾನೂನ ಘೆವನು ಹೀ ಪ್ರಶಸ್ತಿ ಫಾವೊ ಜಾಲಿ. ಮಾಕ್ಷಿಚೆ 45 ವರಸ ದಾಕೂನ ಬಾಯಲ ಮಾಯಾ ಸರಾಫ್ ಹಾಂಗೆಲೆ ಸಾಂಗತ ಕೊಂಕಣಿ ನಾಟಕ° ‘ನಂದಾದೀಪ', ‘ಸರ್ವೇ ಜನಾಃ ಕಾಂಚನಮಾಶ್ರಯοತೇ', ‘ಲಗ್ನಾ ಪಿಶೆ°’, ‘ಸತ್ಯಂ ವದ ಧರ್ಮಂ ಚರ’, ‘ಸ್ವಾರ್ಥ ದೇವೋಭವ’, ‘ಹೊಡ್ಪನ ಸುಖ’, ‘ಕೌರವಾಲೊ ಕೃಷ್ಣು, ‘ಸೋಯರಿಕೆ ಸಂಭ್ರಮ’, ‘ಬ್ರಹ್ಮ ಗಾಂಟಿ’ ಅಸಲೆ ಸಾಬಾರ ನಾಟಕಾοತ ಹಾಂನಿ° ನಟನ ಕರನು ಪ್ರಶಸ್ತಿ ಜೋಡಲ್ಯಾ. ಕೊಂಕಣಿ ತ್ರಿವೇಣಿ ಕಲಾ ಸಂಗಮ, ಮುಂಬೈ ಆನಿ ರಾಮ್ ಸೇವಕ ಸಂಘ, ಶ್ರೀ ರಾಮ ಮಂದಿರ, ವಡಾಲಾ ಆನಿ ಆಮಿ ರಂಗಕರ್ಮಿ ನಿರ್ಮಾಣ ಕೆಲೆಲೆ ಕೊಂಕಣಿ ನಾಟಕಾಂತು° ಪ್ರಮುಖ ಪಾತ್ರ ಹಾಂನಿ° ಕೆಲೆಲೆ° ಆಸಾ.
ಗಣಪತಿ ಜೂನಿಯರ್ ಕಾಲೇಜಾಚಿ ಪಯಲಿ ಪ್ರಾಂಶುಪಾಲಾ ಸಾವಿತ್ರಿ ಬಾಬುಲಕರ್ ಅಂತರಲಿ.
ಮಂಗಳೂರು: ಪೊರನೆ ಮಂಗಳೂರಚಿ ಸಹೃದಯಿ ಸ್ತ್ತ್ರೀ , ದೇಶಾಚೆ ವೆಗವೆಗಳೆ ಪ್ರದೇಶಾಂತು° ನಾವಾದೀಕ ಜಾವನು, ಸಗಟಾಲೊ ಮೋಗು ಆನಿ ಗೌರವ ಜೋಡಿಲಿ, ಮುಂಬಯಿοತು° ವಿವಾಸ ಕರನು ಸಮಾಜಾಕ ಭರಪೂರ ದೇಣೆ ದಿಲೆಲಿ ಸಾವಿತ್ರಿ ರಮೇಶ ಬಾಬುಲಕರ್ ಆಲಿಯಾಸ್ ಉದ್ಯಾವರ್ (1936-2022) 86 ವರಸ ಪ್ರಾಯೇರಿ ಜೂನ್ 5, 2022ಕ ದೋನಪಾರಾ ದೇವಾದಿನ ಜಾಲಿ. ಸಾಂತಾಕ್ರೂಜ್ ವೆಸ್ಟ್ ಹಾಂಗಾ ತಿಗೆಲೊ ಅಂತ್ಯ ಸಂಸ್ಕಾರ ತ್ಯಾಚಿ ದಿವಸು ಚಲೊ. ತಿಗೆಲೆ ಲಾಗಶಿಚೆ ಸಂಭοದಿ ಆನೀ ಇಷ್ಟ ಲೋಕ ಉಪಸ್ಥಿತ ಆಶಿಲೆ.
1936 ಇಸವಿಂತು° ಜಲ್ಮಾಕ ಆಯಿಲಿ ಸಾವಿತ್ರಿ ಉದ್ಯಾವರ ಯು. ಭಾಸ್ಕರ್ ರಾವ್ (ಮುಂಬಯಿοತು° ಟೈಮ್ಸ್ ಆಫ್ ಇಂಡಿಯಾಚೊ ಸಬ್ ಎಡಿಟರ್) ಹಾಂಗೆಲಿ ದ್ಹುವ ಆನಿ ಯೋಧಾ ದೇವಾದಿನ ರಮೇಶ ಬಾಬುಲಕರ್ ಹಾಂಗೆಲಿ ಬಾಯಲ ಜಾವನು ಆಸಾ. ನಿವೃತ್ತಿ ನಂತರ ಮುಂಬಯಿಕ ಆಯಿಲೊ ರಮೇಶ ಬಾಬುಲಕರ್ ಹಾಂಗೆಲೆ ದೇಹಾಂತ್ಯ 2010 ಇಸವಿಂತು° ಜಾಲೆ°.
ಸಾವಿತ್ರಿಲೆ ಸಾನಪಣೆಕ ಗೆಲ್ಯಾರಿ ತಿಗೆಲೆ ಪದವಿ ಶಿಕ್ಷಣ ಮಂಗಳೂರಚೆ ಸೇಂಟ್ ಆಗ್ನೇಸ್ ಕಾಲೇಜಾಂತು°(1958) ಆನಿ ಪದವಿಯೋತ್ತರ ಶಿಕ್ಷಣ ಮುಂಬಯಿಚೆ ಸೇಂಟ್ ಕ್ಸೇವಿಯರ್ ಕಾಲೇಜಾಂತು° (1960) ಜಾಲೆ°. ಉಪರಾಂತ ತಿಣೇ 1978 ಇಸವಿಂತು° ಮುಂಬಯಿಚೆ ಸೇಂಟ್ ಥೆರೆಸಾ ಕಾಲೇಜಾಂತು° ಬಿ. ಎಡ್ ಪದವಿ ಪ್ರಾಪ್ತ ಕೆಲಿ. ಎಕ ಯೋಧಾಲಿ ಬಾಯಲ ಜಾಲೆಲ್ಯಾನ ತಿಣೇ ದೇಶಾಚೆ ವ್ಹಿಂಗವ್ಹಿοಗಡ ಸೇನಾ ಪ್ರದೇಶಾಂತು° ಜೀವನ ಕರಚೆ° ಜಾಲೆ°. ತ್ಯಾ ದೆಕೂನ ಅಸ್ಸಾಂಚೆ ಜೋರಟ್ ಪ್ರದೇಶ ಆನಿ ಅಹಮದಾಬಾದಾಚೆ ಮೌಂಟ್ ಕಾರ್ಮೆಲ್ ಶಾಲೆಂತು° ವಿದ್ಯಾರ್ಥಿಯಾಲಿ ಮೋಗಾಚಿ ಶಿಕ್ಷಕಿ ತಿ ಜಾಲಿ. ತೀಣೆ ಮಂಗಳೂರಚೆ ಗಣಪತಿ ಜ್ಯೂನಿಯುರ್ ಕಾಲೇಜಾಚಿ ಪ್ರಥಮ ಪ್ರಾಂಶುಪಾಲಾ ಜಾವನು ಸೇವಾ ದಿಲೆಲೆ° ವಿಶೇಷ ಆಸಾ. ಮುಂಬಯಿοತು° ತಿಣೇ ಲಾರೇನ್ಸ್ ಸ್ಕೂಲ್, ಸಾಂತಾಕ್ರೂಜ್, ಆರ್ಯಾ ವಿದ್ಯಾ ಮಂದಿರ, ಸಾಂತಾಕ್ರೂಜ್, ಎಸ್. ವಿ. ಟಿ ಕಾಲೇಜ್(ಎಸ್. ಎನ್. ಡಿ. ಟಿ. ಸಾಂತಾಕ್ರೂಜ್ ಹಾಜೊ ಶಾಖಾ) ಹಾಂಗಾಯಿ ಸೇವಾ ದಿಲೆಲಿ ಆಸಾ.
ತ್ಯಾ ನಂತಾ° ತಿಣೇ ವುಮನ್ಸ್ ಇರಾ, ಫೇಮಿನಾ, ವಿ, ಇವ್ಸ್ ವೀಕ್ಲಿ, ಮಿಡ್ ಡೇ ಆನಿ ಟೈಮ್ಸಾ ಖಾತಿರ ಮಿಡಿಸ್ ಅಂಕಣ(ಸಾಮಾನ್ಯ ಲೋಕಾಂಕ ಇಷ್ಟ ಜಾವಚೆ ವಿಷಯ) ಬರಯಿಲೆ ಆಸಾ. ಹೆ° ಸೋಡೂನ ಆನಿ ಇತಲೆ ವಿಷಯಾರಿ ತೀಕಾ ಉಮೇದಿ ಆಶಿಲಿ. ರಂಗಭೂಮಿ, ಭಾಷಣಕಲಾ, ಭಾರತೀಯ ಆನಿ ಪಾಶ್ಚಾತ್ಯ ಲಘು ಸಂಗೀತ, ಯೋಗಾ, ಮುದ್ರಾ ಆನೀ ಹೇರ ವಿಷಯಾರಿ ತೀ ಉಮೇದಿ ದವರೂನ ಆಶಿಲಿ.
ಬ್ಹಾಮುಣು ದೇವಾದಿನ ಕರ್ನಲ್ ರಮೇಶ ಬಾಬುಲಕರ್ ಹಿಗೆಲೊ ಆದರ್ಶ ಆಶಿಲೊ. ಪೂತು ವಿಕ್ರಂ, ದ್ಹುವ ವಿನಿತಾ ತಿಗೆಲೆ ಮೋಗಾಚೆ ಆಶಿಲೆ. ಜ್ಹಾಂವಯಿ, ಸೂನ ಆನಿ ನಾತ್ರ° ಸಹಿತ ಸಗಳೆ ಕುಟುಂಬೆಚೆ ಮೇಳನು ತಿಗೆಲೆ ಜೀವನಭರ ಆಧಾರ ಸ್ಥಂಬ ಆಶಿಲೆ. ಮುಂಬಯಿοತು° ತೀಣೆ ನಿರಂತರ ಕೆಲೆಲಿ ಸಮಾಜ ಸೇವಾ ಮೋಲಾಧಿಕ ಆನಿ ಆಜಿಕಯಿ ಉಡಗಾಸ ದವರಚಿ ತಸಲಿ° ಆಸಾ.
ವಾಚಕಾಂಕ ತಿಗೆಲಿ ಕೃತಿ ‘ಚೈಲ್ಡ್ ಹುಡ್ ಡೈಜ್” ವಾಚಿಲೊ ಆನಂದ ಉಡಗಾಸ ಜಾತಲೊ. ಸಾಬಾರ ಲೋಕಾಂಕ ಆವಡಲೆಲಿ ಹ್ಯಾ ಕೃತಿಚಿ ಖೂಬ ಪ್ರತಿಯೊ ವಿಕೂನ ಗೆಲ್ಯಾಂತಿ. ವೆಗವೆಗಳೆ ಮಾಧ್ಯಮಾಂತು° ಬರಯಿಲೆ ಹಿಗೆಲಿ ಹೀ ಕೃತಿ ಆರತಾ° ಕನ್ನಡ ಭಾಶೆಕ “ಬಾಲ್ಯತನದ ಮಾಯಾಜಾಲಾ” ಮ್ಹಣು ಭಾಶಾಂತರ ಜಾಲ್ಯಾ. ಸಾವಿತ್ರಿ ಹಾಂಕಾ ಲಾಗಿ ದಾಕೂನ ವಳಕತಲಿ ಮುಂಬಯಚಿ ಶ್ಯಾಮಲಾ ಮಾಧವಾನ ಹೆ° ಅಣಕಾರ ಕೆಲಾ°.
ದುರದೃಷ್ಟಾವಶಾತ “ಚೈಲ್ಡಹುಡ್ ಡೈಜ್” ಹಾಜೆ° ದುಸ್ರೆ° ಮುದ್ರಣ ಪಳೊವಚೆ° ಪಯಲೆಂಚಿ ಸಾವಿತ್ರಿ ಹಾಂಗೆಲೆ° ದೇಹಾಂತ್ಯ ಜಾಲಾ°. ಸಾವಿತ್ರಿ ಹಾಂಗೆಲೆ° ಚಾಂಗಪಣ ಆಟೋವನು ಪ್ರಶಂಶಾ ಕರಚಾಕ ಹೋ ಬರೊ ಅವಕಾಶ ಆಸಾ.
ದೇವು ತಿಗೆಲೆ ಆತ್ಮಾಕ ಚಿರಶಾಂತಿ ದೀವೊ ಮ್ಹಣು ಮಾಘೂಯಾ°.
ಆοಗ್ಲ ಮೂಳ: ಐವಾನ್ ಸಲ್ದಾನಾ - ಶೇಟ್, ಸೆಕ್ಯೂಲರ್ ಸಿಟಿಜನ್.
ಕೊಂಕಣಿ ಅಣಕಾರ – ವೆಂಕಟೇಶ ಬಾಳಿಗಾ ಮಾವಿನಕುರ್ವೆ
ಚಾಳಿಸಾ ವಯಲೆ ಬಾಯಲ ಮನಶಾಂಕ ಕ್ಯಾನ್ಸರ್ ತಪಾಸಣಾ ಶಿಬಿರ
ಮುಂಬಯಿ: ಹಾಂಗಾಚೆ ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟ್ ಹಾಜೆ ತರಪೇನ ಚಾಳಿಸ ವರಸಾ ವಯಲೆ ಬಾಯಲ ಮನಶಾ° ಖಾತಿರ ಕ್ಯಾನ್ಸರ್ ತಪಾಸಣಾ ಶಿಬಿರ ಮೆ. 9ಕ ಆಯೋಜನ ಜಾಲೆ°. ವಿಸ್ತ್ರತ ತಪಾಸಣಾ ಕರೂಂಕ ಆಶಿಲ್ಯಾನ ಫಕತ 24 ಲೋಕಾಂಚೆ° ನಾಂವ ನೊಂದ ಕರೂಂಕ ಜಾಲೆ° ಮ್ಹಣು ಆಯೋಜಕಾನಿ ಕಳಯಲೆ°. ಲೋಕಾ° ಮಧೆ° ಬ್ರೆಸ್ಟ್ ಕ್ಯಾನ್ಸರಾ ಬದಲ ಖೂಬ ಸಮಝಣಗಿ ಆಸಚೆ° ಹ್ಯಾ ಶಿಬಿರಾ ವೇಳಾರ ಕಳಿತಾಕ ಆಯಲೆ°.
ಡಾ| ನಿರಂಜಿನಿ ನಾಯಕ ಆನಿ ವಿಶ್ವನಾಥ ಆಚಾರ್ಯಾ ಹಾಂನಿ° ತಾಂಗೆಲೆ ವ್ಹಡಿಲ ಕಮಲಾಕ್ಷಿ ಆನಿ ಜನಾರ್ಧನ ಆಚಾರ್ಯಾ ಹಾಂಗೆಲೆ ಉಡಗಾಸಾಕ ಪ್ರಾಯೋಜನ ಕೆಲೆಲೆ ಹ್ಯಾ ಶಿಬಿರಾಂತು° ಡಾ. ಮೀನಾ ಕುಮಾರಿ, ಡಾ. ಶಿರ್ಲಿ ಲಿಮಯೇ, ಡಾ. ರಿತೇಶ ದಲ್ವಿ, ಹಾಂನಿ° ಸಹಯೋಗ ದಿಲೊ. ಗೀತಾ ಆರ್. ಪೈ ಹಾಂನಿ° ಆಬಾರ ಮಾನಲೊ.
ದ್ಹಾರಾವಿಂತು° ಜಿ. ಎಸ್. ಬಿ. ಎಸ್. ವೈದ್ಯಕೀಯ ಶಿಬಿರ
ಮುಂಬಯಿ: ಹಾಂಗಾಚೆ ದ್ಹಾರಾವಿ ಪ್ರದೇಶಾಚೆ ಲೋಕಾ° ಖಾತಿರ ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟ್ ಹಾಂನಿ° ಗೋವಾ ಹಿಂದು ಅಸೋಸಿಯೇಶನ್ ಹಾಂಗೆಲೆ ಪ್ರಾಯೋಜಕತ್ವಾರಿ ವೈದ್ಯಕೀಯ ಶಿಬಿರ ಮಾಂಡೊನ ಹಾಡಲೆ.
ಬ್ಲಡ್ ಪ್ರಶರ್, ಶುಗರ್, ದಾಂತ, ದೋಳೆ, ಖಾತ, ಗೈನೆಕ್ ತಪಾಸಣಾ ಕರನು ಎಕ ಫಿಸಿಶಿಯನಾಕ ಮೇಳಚಿ ವ್ಯವಸ್ಥಾ ಶಿಬಿರಾಂತು° ಆಶಿಲಿ. ಸಾಬಾರ ಶಂಬರ ಲೋಕಾನ ಶಿಬಿರಾಚೆ ಉಪೇಗ ಘೆತಲೆ°. ಗೋವಾ ಹಿಂದು ಅಸೋಸಿಯೇಶನ್ ಹಾಜೆ ಅಧ್ಯಕ್ಷ ಸುಭಾಷ ಸರಾಫ್ ಆನೀ ಕಾರ್ಯದರ್ಶಿ ರಾಜೇಂದ್ರ ಪೈ ಉಪಸ್ಥಿತ ಆಶಿಲೆ. ಸಂಪದಾ ಬೈಟ್, ರೀನಾ ಕಾನಡೆ ಆನಿ ಚಂದ್ರಮೋಹನ ಹಾಂನಿ° ಶಿಬಿರ ಸಾಂಬಾಳನು ಹಾಡಲೆ°. ಜಿ. ಎಸ್. ಬಿ. ಎಸ್. ಮೆಡಿಕಲ್ ಟ್ರಸ್ಟಾಚಿ ಟ್ರಸ್ಟಿ – ಕಾರ್ಯದರ್ಶಿ ಗೀತಾ ಆರ್. ಪೈನ ಆಬಾರ ಮಾನಲೊ.
ಕ್ಯಾನ್ಸರ್ ತಪಾಸಣಾ ಶಿಬಿರ
ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್ ಹಾಂನಿ° ಆರತಾ° ಬ್ರೆಸ್ಟ್ ಕ್ಯಾನ್ಸರ್ ಡಿಟೆಕ್ಷನ್ ಶಿಬಿರ ಮಾಂಡೋನ ಹಾಡಲೆ°. ಚಾಳಿಸ ವರಸಾ ವಯಲೆ ಸ್ತ್ರೀಯಾ° ಖಾತಿರ ಆಯೋಜನ ಜಾಲೆಲೆ ಹ್ಯಾ ಶಿಬಿರಾಚೆ ಪ್ರಾಯೋಜಕ ಲಕ್ಷ್ಮೀಕಾಂತ ಪ್ರಭು ಆಶಿಲೆ. ಸಕಾಳಿ 8.30ಕ ಶುರು ಜಾವನು ಸಾಂಜವೇಳ 5 ಥಾಂಯ ಚಲೆಲೆ ಶಿಬಿರಾಚೆ ಉಪೇಗ ಖೂಬ ಸ್ತ್ರೀಯಾನಿ ಘೆತಲೆ. ಪ್ರಾಯೋಜಕಾಲೆ ತರಪೇನ ಬೀನಾ ಶೆಣೈ ಉಪಸ್ಥಿತ ಆಶಿಲಿಂತಿ.
ನಾಟ್ಯ ಸಂಗೀತಗಾರ ರಾಮದಾಸ ಕಾಮತ ಅಂತರಲೆ
ಮುಂಬಯಿ : ನಾವಾದೀಕ ಹಿಂದುಸ್ತಾನಿ ನಾಟ್ಯ ಸಂಗೀತಗಾರ ರಾಮದಾಸ ಶಾಂತರಾಮ ಕಾಮತ(91 ವರಸº) ಹಾಂನಿº ಕಾಲಿ(ಜ.8) ಮುಂಬಯಿಂತುº ಅಂತರಲೆ. ಗೊಂಯಚೆ ಮಾಪುಸಾಂತುº 1931 ಫೆ 18ಕ ಜಲ್ಮಲೆಲೆ ಹಾಂನಿº ಸಾನ ಪ್ರಾಯೇರಿಚಿ ಮ್ಹಾಲ್ಗಡೊ ಭಾವು ಉಪೇಂದ್ರ ಕಾಮತ ಹಾಂಗೆಲಾಗಿ ಹಿಂದುಸ್ಥಾನಿ ಶಿಕ್ಷಣ ಶುರು ಕೆಲೆº. ಉಪರಾಂತ ಪಂ. ಗೋವಿಂದ ಭುವಾ ಅಗ್ನಿ, ಪಂ. ಜಿತೇಂದ್ರ ಅಭಿಷೇಕಿ, ಪ್ರಭಾಕರ ಪೆಂಡೆರಕರ್ ಆನಿ ಪಂ. ಭೀಮಸೇನ ಜ್ಯೊಷಿ ಹಾಂಗೆಲಾಗಿ ನಾಟ್ಯ ಸಂಗಿತಾಚಿ ತರಬೇತಿ ಘೆತಲಿ. ಭಾವಗೀತೆಂಚೆ ಜ್ಞಾನ ಹಾಂಕಾº ಯಶವಂತರಾವ್ ದಿಯೊ, ನಾಟಕ ಸಂಸ್ಥಾನ, ದಿ. ಗೋವಾ ಹಿಂದು ಎಸೋಸಿಯೇಶನ್, ಗೋಪಿನಾಥ ಸಾವ್ಕರ್ ಹಾಂಗೆಲೆº ಕಲಾಮಂದಿರ, ಮುಂಬಯಿ ಮರಾಠಿ ನಾಟ್ಯ ಸಂಗೀತ, ರಂಗ ಶಾರದಾ, ಭರತನಾಟ್ಯ ಮಂದಿರ ಪುಣೆ, ಜಯರಾಂ ಶೇಲೆದಾರಾಂಚೆ ಮರಾಠಿ ರಂಗಭೂಮಿ ಆನೀ ಮೋಹನ ವಾಘ ಹಾಂಗೆಲೆ ಚಂದ್ರಲೇಕಾಂತುº ಮೆಳೆº.
ಕಾಮತ ಹಾಂನಿ ಸಾಬಾರ 18 ಸಂಗೀತ-ನೃತ್ಯ ನಾಟಕಾಂತು ನಟನ ಕರನು 2015 ವರಸ ರಾಷ್ಟçಪತಿ ಪ್ರಣಬ್ ಮುಖರ್ಜಿ ಹಾಂನಿ ಪ್ರಧಾನ ಕೆಲೆಲಿ ಸಂಗೀತ ನಾಟ್ಯ ಅಕಾಡೆಮಿಚಿ ಪ್ರಶಸ್ತಿ ಸಹಿತ ಖೂಬ ಪ್ರಶಸ್ತಿ ಆಪಣಾಲ್ಯಾ. ಮಣಿಪಾಲಚೆ ಡಾ| ಟಿ.ಎಂ.ಎ. ಪೈ ಪ್ರತಿಷ್ಠಾನಾನ ಹಾಂಕಾº ಉತ್ಕೃಷ್ಟ ಕೊಂಕಣಿ ಪ್ರಶಸ್ತಿ ದಿವನು ಸನ್ಮಾನ ಕೆಲೆಲೊ ಆಸಾ. 2009 ವರಸಾಂತ ಹಾಂನಿº ಮರಾಠಿ ನಾಟ್ಯ ಸಮ್ಮೇಳನಾಚೆ ಅಧ್ಯಕ್ಷ ಆಶಿಲೆ. ಪೂತು ಡಾ| ಕೌಸ್ತುಭ ಕಾಮತ ಸೂನ ಡಾ| ಸಂಧ್ಯಾ ಕಾಮತ, ನಾತ್ರಂ ಆನಿ ಅಪಾರ ಸಂಗೀತ ಪ್ರೇಮಿಂಕ ಸೋಡೂನ ತಾಂನಿº ಗೆಲ್ಯಾಂತಿ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 112 guests and no members online