ಉಡುಪಿ: ಹಾಂಗಾಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿನ ನವರಾತ್ರಿಚೊ ವಾಂಟೊ ಜಾವನು ಶಿವಪ್ರಭಾ ಯಕ್ಷ ವಿಶ್ವ ಬಳಗ ಶಿವಪುರ ಹಾಂಗಾಚೆ ವಿದ್ಯಾರ್ಥಿಯಾಲೆ° ಕೊಂಕಣಿ ಯಕ್ಷಗಾನ - ಶ್ರೀ ಕೃಷ್ಣ ಪುಷ್ಪ ವಿಲಾಸ ಪ್ರರ್ದರ್ಶನ ಆಯೋಜನ ಕೆಲೆಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕೆರಿ ಹೆ° ಜಾಲೆ°. ಮದ್ದಲೆರಿ ಆನಂದ್ ಭಟ್, ಚೆಂಡೆರಿ ಪ್ರದೀಪ್ ಭಟ್, ಗಣೇಶ್ ಶೆಣೈ ಆನಿ ಸಂದೇಶ್ ಹಾಂನಿ° ಸಾಥ ದಿಲೆ°. ಹ್ಯಾಚ ವೇಳಾರ ಯಕ್ಷಗಾನ ಕ್ಷೇತ್ರಾಂತು° ವಿಶಿಷ್ಟ ಸಾಧನಾ ಕೆಲೆಲೆ, ಅಂತರರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ ಪುರಸ್ಕೃತ, ಫುಕಟ ಶಂಬರಿಕಯೀ ಚಡ ವಿದ್ಯಾರ್ಥಿಯಾಂಕ ಕನ್ನಡ, ಕೊಂಕಣಿ, ತುಳು ಭಾಷೆಂತು° ತರಬೇತಿ ದೀವನು ಯಕ್ಷಗಾನ ಪ್ರದರ್ಶನ ದಿಲೆಲೆ ಭಾಗವತ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಸನಮಾನ ಚಲೊ. ದೇವಳಾಚೆ ಮೊಕ್ತೇಸರ ಪಿ. ವಿ. ಶೆಣೈ, ಜಿ.ಎಸ್.ಬಿ. ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ. ಉಪರಾಂತ ಶ್ರೀ ಶಾರದಾ ಮಾತೆಲೊ ವಿಸರ್ಜನಾ ಶೋಭಾ ಯಾತ್ರಾ ಚಲಿ. ಅರ್ಚಕ ವಿನಾಯಕ್ ಭಟ್ ಹಾಂನಿ° ಶ್ರೀ ಶಾರದಾ ದೇವಿಕ ಆರತಿ ದಾಕೋವನು ವಿಸರ್ಜನಾ ಮೆರವಣಿಗೆಕ ಚಾಲನಾ ದಿಲೆ°. ವಿಸರ್ಜನಾ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಪೊರನೆ ಡಯಾನಾ ಸರ್ಕಲ್, ಕೆ ಎಮ್ ಮಾರ್ಗ, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್ ಜಾವನು ಕೊಳದಪೇಟೆ ವಾಟೆರಿ ದೇವಳಾಕ ಪರತೂನ ಯೆವನು ಪದ್ಮ ಸರೋವರಾಂತು° ಜಲಸ್ತಂಭನ ಕರಚೆಂ ಜಾಲೆ°. ಶೋಭಾ ಯಾತ್ರೆಂತು° ವಾಜಪ, ನಾಸಿಕ್ ಬ್ಯಾಂಡ್, ಸ್ತಬ್ದ್ ಚಿತ್ರ° ಶ್ರೀ ವೆಂಕಟರಮಣ, ಶ್ರೀ ರಾಮಾಲೊ ಪಟ್ಟಾಭೀಷೇಕ, ಕೂರ್ಮಾವತಾರ, ಶಿವಾ ತಾಂಡವ, ಕೊಲ್ಲೂರು ಮುಂಕಾοಬಿಕಾ, ಸ್ಪರಸ್ಪತಿ ಆನಿ ಹೇರ ಟ್ಯಾಬ್ಲೋ ಆಶಿಲೆ. ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಉಡುಪಿ ಹಾಂಗೆಲೆ ವಿಶೇಷ ಭಜನಾ ಸೇವಾ ಆಶಿಲೆ.

To Support Kodial Khaber click the following button.

ಬೆಂಗಳೂರು: ಹಾಂಗಾಚೆ ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ(ರಿ) ಹಾಂಗೆಲೆ 49ವೆ° ವಾರ್ಷಿಕೋತ್ಸವಾಚೆ ವೇಳಾರ ಪ್ರಧಾನ ಜಾವಚಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಯಕ್ಷಗಾನ ಕ್ಷೇತ್ರಾಂತ ಸೇವಾ ದಿಲೆಲೆ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಫಾವೊ ಜಾಲ್ಯಾ. 23-6-2024 ತಾರೀಕೆಕ ರವೀಂದ್ರ ಕಲಾ ಕ್ಷೇತ್ರ ಹಾಂಗಾ ಘಡಲೆಲೆ ಹ್ಯಾ ಸುವಾಳ್ಯಾಂತು° ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ ಬೆಂಗಳೂರು ಹಾಜೆ ಸಂಸ್ಥಾಪಕ ಅಧ್ಯಕ್ಷ ಡಾ. ಹೆಚ್. ಎಲ್. ಎನ್. ರಾವ್, ಮಾನಾದಿಕ ನ್ಯಾಯಮೂರ್ತಿ ಡಾ. ಎಚ್. ಜಿ. ಪ್ರಭಾಕರ್ ಶಾಸ್ತ್ರಿ, ಖ್ಯಾತ ಚಿತ್ರ ನಟು ಎಸ್. ನಾರಾಯಣ್ ಆನಿ ನಾಡೋಜ ಮಹೇಶ್ ಜೋಷಿ ಉಪಸ್ಥಿತ ಆಶಿಲೆ. ಗಾಂವಾoಕ ಯೆತರಿ ಅನಂತ ವೈಧಿಕ ಕೇಂದ್ರ ಹಾಂಗಾ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸನ್ಮಾನ ಕೆಲೊ.

To Support Kodial Khaber click the following button.

ಮಂಗಳೂರು: 43 ವರಸ ದಾಕೂನ ಮಂಗಳೂರು ಶಹರಾಂತು° ಕೊಂಕಣಿ ಭಾಸ ಆನಿ ಸಂಸ್ಕೃತಿಚಿ ಸೇವಾ ಕರನು ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕçತಿಕ ಸಂಘ (ರಿ.) ಮಂಗಳೂರು ಹಾಂನಿ° ಮೇ 31ಕ ಕೊಡಿಯಾಲಚೆ ಕುದಮುಲ್ ರಂಗ ರಾವ್ ಪುರಭವನಾಂತು° "ಸೀತಾ ಕಲ್ಯಾಣ" ಕೊಂಕಣಿ ಕಾಲಮಿತಿ ಯಕ್ಷಗಾನ ಪ್ರಸ್ತುತ ಕರತಾತಿ. ಸಾಂಜವೇಳಾ 5.30ಕ ಚಲಚೆ ಉಗ್ತಾವಣ ಸುವಾಳ್ಯಾಂತು° ಟಾಟಾ ರಿಫ್ರೇಕ್ಟರಿಸ್ ಹಾಜೊ ನಿವೃತ್ತ ಆಡಳಿತ ನಿರ್ದೇಶಕ ಸಿ.ಡಿ. ಕಾಮತ್, ದೇವಗಿರಿ ಚಹಾಚೊ ಮಾಲಕು ನಂದಗೋಪಾಲ ಶೆಣೈ, ಎಸ್.ಎಲ್. ಶೇಟ್ ಜುವೆಲ್ಲರ್ಸ್ ಅಂಡ್ ಡೈಮಂಡ್ಸ್, ಕೆ. ಎಸ್. ರಾವ್ ರಸ್ತೊ ಮಂಗಳೂರು ಹಾಜೊ ಪ್ರಶಾಂತ್ ಶೇಟ್ ಆನಿ ಸಾಧನಾ ಬಳಗ ಹಾಜೊ ಗೌರವಾಧ್ಯಕ್ಷ ನರಸಿಂಹ ಭಂಡಾರ್‌ಕಾರ್ ಮಾನಾಚೆ ಸೊಯ್ರೆ ಆಸತಲೆ. ಹ್ಯಾ ಯಕ್ಷಗಾನ ಖೇಳಚಾಕ ಯಕ್ಷಕಲಾವಿದ ಗಣೇಶಪುರ ಗಿರೀಶ್ ನಾವಡ ಹಾಂನಿ° ದ ತರಬೇತಿ ದಿಲ್ಯಾ. ಸಾಹಿತ್ಯ ಎಂ. ಶಾಂತರಾಮ ಕುಡ್ವ, ಮೂಡುಬಿದಿರೆ ಹಾಂಗಲೆ° ಜಾವನು ಆಸಾ.
ದೇವಾದಿನ ಜಿ. ಜಿ. ವಾಸುದೇವ ಪ್ರಭಹು ಹಾಂನಿ° ಸ್ಥಾಪನಾ ಕೆಲೆಲೆ ಹ್ಯಾ ಸಂಸ್ಥೆoತು° ಆಜಿ ಸಾಬಾರ 600 ಸಾಂದೆ ಆಸಾತಿ ಆನಿ ವಸರಸಾಕ ಸಾಬಾರ ಕಾರ್ಯಕ್ರಮ ಆಯೋಜನ ಕರತ ಆಸಾತಿ ಮ್ಹಣು ಸಂಘಾಚೊ ಅಧ್ಯಕ್ಷ ಮಣೇಲ್ ಗಜಾನನ ಶೆಣೈನ ಪತ್ರಿಕಾ ಪರಿಶಧೆಂತು° ಕಳಯಲಾ°. ಹ್ಯಾಚ ಕಾರ್ಯಕ್ರಮಾಂತು° ಕಟೀಲು ಮೇಳಾಚೊ ಕಲಾವಿದ ಗಣೇಶ್ ಪಾಲೆಚಾರ್ ಹಾಂಕಾ° "ಕೊಂಕಣಿ ಸಾಂಸ್ಕೃತಿಕ ರಾಯಭಾರಿ" ಬಿರುದು ದೀವನು ಸನ್ಮಾನ ಚಲಚಾ ಆಸಾ. ಪತ್ರಿಕಾ ಪರಿಶದೇಂತು° ಕಾರ್ಯದರ್ಶಿ ಕೃಷ್ಣ ಕಾಮತ್, ಖಜಾಂಚಿ ರತ್ನಾಕರ ಕುಡ್ವಾ ಎಂ. ಆನಿ ಯಕ್ಷಗಾನ ಕಲಾವಿದ ಆನಿ ಲೇಖಕು ಎಂ. ಶಾಂತಾರಾಮ ಕುಡ್ವಾ, ಮೂಡುಬಿದಿರೆ ಉಪಸ್ಥಿತ ಆಶಿಲೆ.

To Support Kodial Khaber click the following button.

ಉಡುಪಿ: ಹಾಂಗಾಚೆ ತೆಂಕುಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚಿ ಶಾರದಾ ಮಾತೆಲಿ ವಿಸರ್ಜನಾ ಅರ್ಚಕ ದಯಾಘನ್ ಭಟ್ ಹಾಂನಿ° ಸಂಪoನ್ನ ಕೆಲಿ. ನರಸಿಂಹ ಕಿಣಿ ಆನಿ ಪಂಗಡಾನ ಭಜನಾ ಸೇವಾ ಕರನು ತೆಪ್ಪೋತ್ಸವ ಚಲೊ. ಮಂಗಳಾ ವಾದ್ಯ ವೇದ ಘೋಷ ಕರನು ದೇವಳಾಚೆ ಪದ್ಮ ಸರೋವರಾಂತು° ಶಾರದಾ ವಿಗ್ರಹಾಚೆ ವಿಸರ್ಜನ ಜಾಲೆ°.

ದೇವಳಾಚೆ ಆಡಳಿತ ಮೋಕ್ತೆಸರ ಪಿ. ವಿ. ಶೆಣೈ, ವಸಂತ್ ಕಿಣಿ, ಮುರಳೀಧರ್ ಭಟ್, ಮಟ್ಟಾರ್ ಗಣೇಶ ಕಿಣಿ, ನರಹರಿ ಪೈ, ವಿಶಾಲ್ ಶೆಣೈ, ಶಾಮ್ ಪ್ರಸಾದ್ ಕುಡ್ವಾ, ಪ್ರದೀಪ್ ರಾವ್, ಆಡಳಿತ ಮಂಡಳಿಚೆ ಸಾಂದೆ, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ. ಶೋಭಾಯಾತ್ರೆಚೆ ವಾಟೇರಿ ತೋರಣ, ದೀಪಾಲಂಕಾರ ಆಶಿಲೆ. ಕೀಲು ಕುದುರೆ, ತಟ್ಟೀರಾಯ, ಸ್ಥಬ್ದ ಚಿತ್ರ° ವೆಂಕಟರಮಣ, ಶ್ರೀ ದೇವಿ, ನರಸಿಂಹ ಅವತಾರ, ರಾವಣ, ನಾಸಿಕ್ ಬ್ಯಾಂಡ್, ಚಂಡೆ ಮೇಳ, ಟಸ್ಸಲೆ ಮಂಗಳ ವಾದ್ಯ ಆಸೂನ ಶೋಭಾಯತ್ರಾ ಜನಾಕರ್ಷಕ ಆಶಿಲೆ. 

ವಿಜಯದಶಮಿಚೆ ದೀವಸ ಶ್ರೀ ಶಾರದಾ ದೇವಿಲಕೆ ಸನ್ನಿದಿಂತು° ಸ್ತುತಿ ಪ್ರಭುನ ಭರತ್ಯನಾಟ್ಯ ಸೇವಾ ದಿಲಿ.

ಹ್ಯಾಚ ಸಂದರ್ಭಾರಿ ಶ್ರೀ ಶಿವ ಪ್ರಭಾ ಯಕ್ಷಗಾನ ಮಂಡಳಿ ಶಿವಪುರ ಹಾಂನಿ° ಕೊಂಕಣಿ ಯಕ್ಷಗಾನ "ರಾಣೆ ಶಶಿಪ್ರಭಾ" ಹಾಜೆ° ಪ್ರದರ್ಶನ ಕೆಲೆ°. ರತ್ನಕರ ಶೆಣೈ ಶಿವಪುರ ಹಾಂನಿ° ನಿರ್ದೇಶಕ ಆಣಿ ಭಾಗವತ ಆಶಿಲೆ. ಚಂಡೆರಿ ಗಣೇಶ್ ಶೆಣೈ ಶಿವಪುರ ಆನಿ ಮದ್ದಳೆರಿ ಶ್ರೀಪತಿ ಭಟ್ ಉಡುಪಿ ಹಾಂನಿ° ಸಹಕಾರ ದಿಲೊ.

ಶಾರದೆಲೆ ಸನ್ನಿಧಿಂತು° ಸಾನ ಚೆರಡುವಾಂಕ ಅಕ್ಷರ ಅಭ್ಯಾಸ ಚಲೊ. ವಿನಾಯಕ ಭಟ್ ಹಾಂನಿ° ನಿರ್ವಹಣ ಕೆಲೆ°.

ನವರಾತ್ರಿ ಪ್ರಯುಕ್ತ ದೇವಳಾಂತು° ವಿನಾಯಕ್ ಭಟ್ ಹಾಂಗೆಲೆ ಮಾರ್ಗದರ್ಶನಾರಿ ಚಂಡಿಕಾ ಹವನ ಚಲೊ. ದೇವಾಲೆ ಸನ್ನಿದಿಂತು° ಸಮೂಹಿಕ ಪ್ರಾರ್ಥನಾ, ಯಾಗ ಶಾಲೆಂತು° ಧಾರ್ಮಿಕ ಪೂಜಾ ವಿಧಾನಂ ಚಲೆ. ದಯಘಾನ್ ಭಟ್, ಮೇಘಶಾಮ್ ಭಟ್, ಶಿವಾನಂದ ಭಟ್, ದೀಪಕ್ ಭಟ್ ಆನೀ ಹೇರ ಅರ್ಚಕಾನಿ ಸಹಕಾರ ದಿಲೊ. ಪ್ರಕಾಶ ಶೆಣೈ ದಂಪತಿನ ಯಜಮಾನಪಣ ಘೆತಲೆಂ. ಪೂರ್ಣಾಹುತಿ ಜಾತರಿ ಮಹಾಪೂಜಾ ಉಪರಾಂತ ಸಮಾರಾಧನಾ ಆಶಿಲಿ.

To Support Kodial Khaber click the following button.

ಉಡುಪಿ: ಕಟೀಲ್ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನಾಚೆ ಸನ್ನಿಧಾನಾಂತು° ಆರತಾ° ವಿಶೇಷ ಯಕ್ಷಗಾನ ತಾಳ ಮದ್ದಳೆ "ಕಛ್ ದೇವಯಾನಿ" ಪ್ರಸಂಗ ಚಲೊ. ವೇದಿಕೆರಿ ಮ್ಹಾಲ್ಗಡೆ ಯಕ್ಷಗಾನ ಕಲಾವಿದ 92 ವರಸಾಚೆ ಡಾ. ಕೂಳೂರು ರಾಮಚಂದ್ರ ರಾವ್, ಕಟೀಲ್ ದೇವಳಾಚೆ ವೇ. ಮೂ. ಹರಿ ನಾರಾಯಣದಾಸ ಅಸ್ರಣ್ಣ, ಸು. ವಿಶ್ವೇಶ್ವರ ಭಟ್, ಪಾಶುಪತಿ ಶಾಸ್ತ್ರೀ, ಭಾಗವತ ಕಟೀಲ್ ಮೇಳಾಚೊ ದೇವಿ ಪ್ರಸಾದ ಆಳ್ವ, ಮದ್ದಳೆ ವಾದಕ ಯೋಗೀಶ ಆಚಾರ್ಯ, ಚಂಡೆ ವಾದಕ ದೇವಿಪ್ರಸಾದ ಕಟೀಲ್ ಉಪಸ್ಥಿತ ಆಶಿಲೆ.

ದಾವಣಗೆರೆ: ಮಂಗಳೂರಚೆ ಕುಡ್ತೇರಿ ಶ್ರೀ ಮಹಾಮಾಯಾ ದೇವಸ್ಥಾನಾಚೆ ಶ್ರೀ ವಾಗೀಶ್ವರೀ ಯಕ್ಷಗಾನ ಸಂಘಾಚೆ ಶತಮಾನೋತ್ಸವಚೊ ವಾಮಟೊ ಜಾವನು ಆಯೋಜನ ಜಾಲೆಲೆ ಯಕ್ಷಪೀಠಿಕಾ ಸ್ಪರ್ಧೆಂತು° ವನಿತಾ ವಿಭಾಗಾಂತು° ಕೇರಳ ರಾಜ್ಯಾಚೆ ಮಂಗಲ್ಪಾಡಿಚೆ ಯಕ್ಷ ಮೌಕ್ತಿಕ ಯಕ್ಷಗಾನ ಮಹಿಳಾ ಪಂಗಡಾಚೆ ಸದಸ್ಯ, ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಸಮಿತಿ ಸದಸ್ಯ ಯಕ್ಷಗಾನ ತಾಳಮದ್ದಳೆಚೆ ಗಂಭೀರ ಅರ್ಥಪೂರ್ಣ ಅರ್ಥಧಾರಿ ಸರಸ್ವತಿ ಹೊಳ್ಳ ಹಾಂಕಾ° ಪ್ರಥಮ ಬಹುಮಾನ, ಯಕ್ಷಗಾನ ತಾಳಮದ್ದಳೆಚೆ ಪ್ರತಿಭಾವಂತ ಅರ್ಥಧಾರಿ ಶ್ರೀಲತಾ ನಾವಡ ಹಾಂಕಾ° ತಿಸ್ರೆ° ಇನಾ° ಫಾವೊ ಜಾಲಾ°. ಚೆರಡುವಾಂಲೆ ವಿಭಾಗಾಂತು° ಯಕ್ಷಗಾನ ಕಲಾವಿದ ಹರಿಕೀರ್ಥನಾ ಕಾಲಕ್ಷೇಪಾಚೊ ಬಾಲಪ್ರತಿಭಾ ಕುಮಾರ ಸಾತ್ವಿಕ್ ನಾವಡ ಹಾಕಾ ತಿಸ್ರೆ° ಇನಾ° ಫವೊ ಜಾಲಾ° ಮ್ಹಣು ಮಂಗಲ್ಪಾಡಿಚೆ ಯಕ್ಷ ಮೌಕ್ತಿಕ ಯಕ್ಷಗಾನ ಸಂಸ್ಥೆಚೆ ಸಂಸ್ಥಾಪಕ, ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಅಧ್ಯಕ್ಷಾ ಜಯಲಕ್ಷ್ಮಿ ಕಾರಂತ ಹಾಂನಿ° ಕಳಯಲಾ°.

ಶ್ರೀ ವಾಗೀಶ್ವರಿ ಯಕ್ಷಗಾನ ಕಲಾವರ್ಧಕ ಸಂಘಾಚೆ ಶತಮಾನೋತ್ಸವಾಚೆ 42ವೊ° ಸರಣಿ ಕಾರ್ಯಕ್ರಮ ಆರತಾ° ಶ್ರೀ ಮಹಾಮಾಯಿ ದೇವಸ್ಥಾನಾಚೆ ವಠಾರಾಂತು° ಚಲೊ. ನೇಹಾ ಮೆಡಿಕಲ್ಸ್ ಹಾಜೊ ಮಾಲಕ ನಾಗರಾಜ ಶೆಣೈ ಸಮಾರಂಭಾಚೊ ಅಧ್ಯಕ್ಷ ಆಶಿಲೊ. "ಸಾಬಾರ ವರಸ ದಾಕೂನ ಹ್ಯಾ ಸಂಘಾಚೆ ತಾಳಮದ್ದಳೆ ಕಾರ್ಯಕ್ರಮ ಹಾಂವ ಪಳಯತಾ ಆಯಲಾ. ಶತಮಾನೋತ್ಸ ಕಾರ್ಯಕ್ರಮಾಚೊ ಅಧ್ಯಕ್ಷ ಜಾವನು ವಾಂಟೊ ಘೆವಚೊ ಅವಕಾಶ ಮೆಳೆಲ್ಯಾನ ಖೂಬ ಸಂತೋಸ ಜಾಲಾ" ಮ್ಹಣು ತಾಂನಿ° ಸಾಂಗಲೆ°. ಹ್ಯಾ ಹಪ್ತಾö್ಯಂತು° ಖೂಬ ಮೇಳಾಂತು° ಸ್ತ್ರೀ ವೇಷ, ಪುಂಡು ವೇಷ, ರಾಜ ವೇಷ ಧಾರಣ ಕರನು ಯಕ್ಷಗಾನ ಕಲಾಸೇವಾ ಕೆಲೆಲೆ ಕಾವೂರು ವಿಠಲ ಶೆಟ್ಟಿಗಾರ ಹಾಂಕಾ° ಸನ್ಮಾನ ಚಲೊ. ಸಂಘಾಚೊ ಪ್ರಧಾನ ಕಾರ್ಯದರ್ಶಿ ಸಂಜಯ ಕುಮಾರ್ ರಾವ್ ಹಾಂನಿ° ಅಭಿನಂದನ ಪಾಟಯಲೆ°. ಸಂಘಟನಾ ಕಾರ್ಯದರ್ಶಿ ಅಶೋಕ್ ಬೋಳೂರು ಹಾಂನಿ° ಸಂಮಾನ ಪತ್ರ ವಾಚಿಲೆ°. ಪ್ರಖ್ಯಾತ ಸ್ತ್ರೀ ವೇಷಧಾರಿ, ನಾಟಕಾಂಚೊ ಪರದೊ, ಗಣಪತಿ ಮೂರ್ತಿ ಕರಪ, ಯಕ್ಷಗಾನ ಬಣ್ಣಗಾರಿಕಾ ಅಶೆ° ಸಾಬಾರ ವಿಷಯಾಂಕ ಪಡುಬಿದಿರೆ ವಠಾರಾಂತ ನಾವಾದೀಕ ಆಶಿಲೊ ಕೀರ್ತಿಶೇಷ ಪಡುಬಿದ್ರಿ ದೇವರಾಜ ಹಾಂಗಲೆ° ಸಂಸ್ಮರಣ ಕರಚೆ° ಜಾಲೆ°. ಶತುಂತಲಾ ಶೆಣೈ ಪ್ರಾಯೋಜಕ ಆಶಿಲೆ. ಕೋಶಾಧಿಕಾರಿ ಶಿವಪ್ರಸಾದ್ ಪ್ರಭು ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಅಧ್ಯಕ್ಷ ಶ್ರೀನಾಥ ಪ್ರಭು, ಶತಮಾನೋತ್ಸವ ಸಮಿತಿಚೊ ಅಧ್ಯಕ್ಷ ಸಿ. ಎಸ್. ಭಂಡಾರಿ, ಉಪಾಧ್ಯಕ್ಷಾ ಪ್ರಫುಲ್ಲಾ ನಾಯಕ್ ಉಪಸ್ಥಿತ ಆಶಿಲಿಂತಿ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಸಂಘಾಚೆ ಕಲಾವಿದ ಆನಿ ಸೊಯ್ರೆ ಕಲಾವಿದಾನಿ ಮೇಳನು "ರಾಮಾಶ್ವಮೇಧ" ತಾಳಮದ್ದಳೆ ಕಾರ್ಯಕ್ರಮ ಪ್ರಸ್ತುತ ಕೆಲೊ.

ದಾವಣಗೆರೆ: ಕರ್ನಾಟಕ ಕರಾವಳಿ ಜಿಲ್ಲೆಂಚೆ ಆರಾಧನಾ ಕಲಾ ಯಕ್ಷಗಾನ ಹಾಜೆ ಸರ್ವ ಕಲಾ ಪ್ರಕಾರಾಂತು° ಅಪ್ರತಿಮ ಸಾಧನಾ ಕೆಲೆಲೆ ನಾವಾದಿಕ ಯಕ್ಷಗಾನ ಸಾಹಿತ್ಯ ಕಲಾಕಾರ, ಯಕ್ಷಗಾನ ತಾಳ ಮದ್ದಳೆಚೊ ವಾಕ್ಟ್ಟು, ಆದಲೊ ಶಾಸಕ ಜಾವನು ಆಶಿಲೊ ಕುಂಬ್ಳೇ ಸುಂದರ್ ರಾವ್ ಹಾಂನಿ° ಆಜಿ(ನ.30) ಸಕಾಳಿ ದೇವಾದಿನ ಜಾಲೆ. ಯಕ್ಷಗಾನ ಕಲಾ ಕ್ಷೇತ್ರಾ ಭರಚಾಕ ಜಾಯನಾ ಆಶಿಲೆ ಲುಕ್ಸಾನ ಜಾಲಾ° ಮ್ಹಣು ದಾವಣಗೆರೆಚೆ ಯಕ್ಷರಂಗ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಸಂತಾಪ ವ್ಯಕ್ತ ಕೆಲಾ.
2005 ಇಸವಿಂತು° ಯಕ್ಷರಂಗಾಚೆ ದಶಮಾನೋತ್ಸವ ಕಾರ್ಯಕ್ರಮಾಕ ದಾವಣಗೆರೆಕ ಸುಂದರ್ ರಾವ್ ಹಾಂನಿ° ಭೇಟಿ ದಿಲೆಲೆ ಕ್ಷಣ ತಾಂನಿ° ಉಡಗಾಸ ಕೆಲೆ. ಅಧ್ಯಕ್ಷ ಮಲ್ಯಾಡಿ ಪ್ರಭಾಕರ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಬೇಳೂರು ಸಂತೋಷ್ ಕುಮಾರ ಶೆಟ್ಟಿ, ಖಜಾಂಚಿ ನೀಲಾವರ ಭಾಸ್ಕರ ನಾಯಕ್ ಆನಿ ಹೇರ ಸಾಂದ್ಯಾನಯೀ ಶ್ರದ್ಧಾಂಜಲಿ ಅರ್ಪಣ ಕೆಲಿ.

ದಾವಣಗೆರೆ: ದಾವಣಗೆರೆಚೆ ಕಲಾಕುಂಚ ಸಾಂಸ್ಕøತಿಕ ಸಂಸ್ಥೆಚೊ ಅಂಗ ಸಂಸ್ಥೊ ಯಕ್ಷರಂಗ-ಯಕ್ಷಗಾನ ಸಂಸ್ಥೆಚೆ ತರಪೇನ ಗಾಂವಚೆ ಕೆ. ಬಿ. ಬಡಾವಣೆ, ಕುವೆಂಪು ರಸ್ತೊ (ಲಾಯರ್ ರಸ್ತೆ) ಹಾಂಗಾ ಆಸಚೆ ಕಲಾಕುಂಚ ದಫ್ತರಾಚೆ ಸಭಾಂಗಣಾಂತು° ನಿರಂತರ ಯಕ್ಷಗಾನ ತರಬೇತಿ ಶಿಬಿರ ಮಾಂಡೋನ ಹಾಡಲಾ° ಮ್ಹಣು ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°. ಹರ ಆಯತಾರಾ ಸಕಾಳಿ 6-30 ದಾಕೂನ 9 ಗಂಟೆ ಥಾಂಯ ಚಲಚೆ ಹ್ಯಾ ಶಿಬಿರಾಂತು° ನಾವಾದೀಕ ವೃತ್ತಿನಿರತ ಯಕ್ಷಗಾನ ಕಲಾವಿದ ಹಟ್ಟಿಯಂಗಡಿ ಆನಂದ ಶೆಟ್ಟಿ ತರಬೇತಿ ದಿತಾತಿ.

ವಯಾಚೆ ಮೀತಿ ನಾತಿಲೆ° ಚೆರಡುವಂ, ಬಾಯಲ ಮನಶ° ಆನಿ ದಾರಲ್ಯಾನಿ ಹ್ಯಾ ಶಿಬಿರಾಕ ಮೆಳಯೆತ. ಕರ್ನಾಟಕ ಕರಾವಳಿ ಜಿಲ್ಲೆಚಿ ವಿಶ್ವ ವಿಖ್ಯಾತ ಆರಾಧಾನಾ ಕಲಾ ಯಕ್ಷಗಾನಾಕ ವಾಣಿಜ್ಯ ನಗರಿ ದಾವಣಗೆರೆಂತು° ಪ್ರಸ್ತುತ ಕರನು ನಾವಾದೀಕ ಕರಚೊ ಉದ್ಧೇಶ ಹ್ಯಾ ಶಿಬಿರಾಚೊ ಜಾವನು ಆಸಾ ಮ್ಹಣು  ಸಂಸ್ಥೆಚೊ ಅಧ್ಯಕ್ಷ ಮಲ್ಯಾಡಿ ಪ್ರಭಾಕರ ಶೆಟ್ಟಿ ಹಾಂನಿ° ಕಳಯಲಾ°.  

ಚಡತೆ ಮಾಹಿತಿಕ ಖಜಾಂಚಿ ನೀಲಾವರ ಭಾಸ್ಕರ ನಾಯಕ್ 9449374300, ಶಿಬಿರಾಚೊ ಸಂಚಾಲಕ ಪ್ರದೀಪ್ ಕಾರಂತ್ 9481181446, 9448028218 ಹಾಂಕಾ° ಸಮಪರ್ಕ ಕರಯೆತ.

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು°  ನವರಾತ್ರಿ ಪ್ರಯುಕ್ತ  ಶ್ರೀ ದುರ್ಗಾಂಬಾ ಯಕ್ಷಗಾನ ಮಂಡಳಿ ವತಿನ ರತ್ನಕರ ಶೆಣೈ ಶಿವಪುರ ಹಾಂಗೆಲೆ  ನಿರ್ದೇಶನ ಆನಿ  ಭಾಗವತಿಕೆರಿ ಕೊಂಕಣಿ ಯಕ್ಷಗಾನ "ವಿಜಯ ವೈಷ್ಣವ" ಖೆಳಚೆ° ಜಾಲೆ°.