Displaying items by tag: Udupi
ಕಾಶೀಮಠಾಧೀಶ ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮೀಜಿ ಭೇಟಿ
ಸೋಮೇಶ್ವರ: ಹಾಂಗಾಚೆ ಶ್ರೀ ವೆಂಕಟರಮಣ ದೇವಸ್ಥಾನ ದೇವಾಲೆ ಸನ್ನಿಧಿಂತು° ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಭಕ್ತ ಲೋಕಾಂಕ ತಪ್ತಾ ಮುದ್ರಾಧಾರಣ ಕರನು ದೇವಾಕ ಆರತಿ ದಾಕೊವನು ಪ್ರಸಾದ ದಿವನು ಅನುಗ್ರಹ ಕೆಲೆ°.
ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಸ್ಥಾನಾಂತು° ಆರತಾ° ಶ್ರೀನಿವಾಸ ಕಲ್ಯಾಣ ಮಹೋತ್ಸವ ಚಲೊ. ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಭೇಟಿ ದಿವನು ದೇವಾಕ ಆರತಿ ದಾಕೊವನು ಪ್ರಸಾದ ದಿವನು ಅನುಗ್ರಹ ಕೆಲೆ°. ಚೇಂಪಿ ಶ್ರೀಕಾಂತ್ ಭಟ್, ದೇವಳಾಚೆ ಆಡಳಿತ ಮೊಕ್ತೇಸರ ಅನಂತ ಪದ್ಮಾನಾಭ ಕಿಣಿ, ಪ್ರಧಾನ ಅರ್ಚಕ ಜಯದೇವ ಭಟ್, ಗಣಪತಿ ಭಟ್, ಆಡಳಿತ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ.
ಉಡುಪಿ ವಸಂತ ಪೂಜಾ
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಹ್ಯಾ ವರಸಾಚೆ ವಸಂತ ಮಾಸಾಚೆ ಆಖೇರಿ ದಿವಸು ದೇವಾಕ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಲಾಲ್ಕಿ ಉತ್ಸವ ಆನಿ ಪಾಲ್ಲಂಕಿ ಉತ್ಸವ ಚಲೊ. ಅರ್ಚಕ ವಿನಾಯಕ ಭಟ್ ಹಾಂನಿ° ಪೂಜಾ ಕೆಲಿ.
ದೇವಳಾಚೆ ಆಡಳಿತ ಮೋಕ್ತೆಸರ ಪಿ. ವಿ. ಶೆಣೈ , ವಿಶ್ವನಾಥ ಭಟ್, ಗಣೇಶ ಕಿಣಿ, ವಿಶಾಲ್ ಶೆಣೈ, ನರಹರಿ ಪೈ, ದೀಪಕ್ ಭಟ್, ಪ್ರಕಾಶ ಶೆಣೈ, ಜಿ ಎಸ್ ಬಿ ಯುವಕ ಮಂಡಳಿ ಅಧ್ಯಕ್ಷ ನಿತೇಶ್ ಶೆಣೈ, ಪ್ರದೀಪ್ ರಾವ್ ಆನಿ ಹೇರ ಸಾಂದೆ ಆನಿ ಮಹಿಳಾ ಮಂಡಳಿಚೆ ಸಾಂದೆ ಉಪಸ್ಥಿತ ಆಶಿಲೆ.
ವೈಶಾಕಾ ಶಿಬಿರ
ಉಡುಪಿ: ಹಾಂಗಾಚೆ ನೋರ್ತ್ ಶಾಳಾ ಹಳೇ ವಿದ್ಯಾರ್ಥಿ ಆನಿ ಶಾಲಾಭಿವೃದ್ಧಿ ಸಮಿತಿಚೆ ತರಪೇನ ಆಟ ದಿವಸಾಚೆ ವೈಶಾಕಾ ಶಿಬಿರ ಚಲೆ°. ಉಡುಪಿಚೆ ತರನಾಟೊ ಉದ್ಯಮಿ ಅಜಯ್ ಪಿ. ಶೆಟ್ಟಿ ಹಾಂನಿ° ಉಗ್ತಾವನ ಕೆಲೆಲ ಹ್ಯಾ ಶಿಬಿರಾಚೆ ಸಮಾರೋಪ ಕಾರ್ಯಕ್ರಮ ಆರತಾ° ಶಾಳಾ ವಠಾರಾಂತು° ಚಲೊ. ದಾನಿ ಆನಿ ಸಮಾಜ ಸೇವಿಕಾ ರಂಜಿತಾ ರಮಾನಾಥ್ ನಾಯಕ್, ಮುರಳಿ ಬಲ್ಲಾಳ್, ಭಾಗ್ಯಶ್ರೀ ದೊಡ್ಡಮನಿ ಆನಿ ಆನಿ ಕಲ್ಯಾಣಿ ಪೈ ಮಾನಾಚೆ ಸೊಯ್ರೆ ಆಶಿಲೆ. ಪ್ರೊ. ಶ್ರೀನಾಥ್ ರಾವ್ ಕೆ ಹಾಂನಿ° ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ. ಶುಭಾ ರಾವ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಅನನ್ಯಾ ಚೇತನ್ ನಾಯಕ್ ಹೀಣೆ ಪ್ರಾರ್ಥನಾ ಗಾಯಲಿ. ಶ್ರೀದೇವಿ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಪ್ರೊ. ಕೆ. ಶ್ರೀನಾಥ್ ರಾವ್ ಹಾಂನಿ° ಪ್ರಾಸ್ತಾವಿಕ ಭಾಷಣ ಕೆಲೆ°. ರಂಜನ್ ಭಾಗವತ್ ಹಾಂನಿ° ಆಭಾರ ಮಾನಲೊ.
ಆಟ ದಿವಸಾಚೆ ಹ್ಯಾ ಶಿಬಿರಾಂತು° ಉಡುಪಿ ಜಿಲ್ಲೆಚೆ ವೆಗವೆಗಳೆ ಶಾಳೆಚೆ ಸಾಬಾರ 45 ವಿದ್ಯಾರ್ಥಿಯಾನಿ ವಾಂಟೊ ಘೆತಲೊ. ತಾಂಕಾ° ನ್ರತ್ಯ, ಚಿತ್ರಕಲಾ, ಕರಕುಶಲ ತರಬೇತಿ, ವ್ಯಕ್ತಿತ್ವ ವಿಕಸನ, ಪೇಪರ್ ಕ್ರಾಫ್ಟ್, ನೀತಿ ಕಥಾ, ಗ್ರಾಮೀಣ ಕ್ರೀಡಾ ಅಶೆ° ಖೂಬ ವಿಷಯಾಚೆರಿ ಮಾಹಿತಿ ದಿವಚೆ° ಜಾಲೆ°. ವ್ಹಡಿಲಾನಿ ಶಿಬಿರಾ ವಿಷಯಾರಿ ಬರೊ ಅಭಿಪ್ರಾಯ ಕಳಯಲೊ. ವಾಂಟೊ ಘೆತಿಲೆ ಸಗಟ ವಿದ್ಯಾರ್ಥಿಯಾಂಕ ಪ್ರಶಂಸಾ ಪತ್ರ, ಡ್ರಾಯಿಂಗ್ ಕಿಟ್, ಸ್ಟೈನ್ ಲೆಸ್ ಸ್ಟೀಲ್ ವಾಟರ್ ಬಾಟಲ್ ದಿವಚೆ ಜಾಲೆ°.
ಅಂತರರಾಷ್ಟ್ರೀಯ ಯೋಗ ಪ್ರಶಸ್ತಿ ವಿಜೇತಾ ಕುಮಾರಿ ಶಿವಾನಿ ಶೆಟ್ಟಿ ಆನಿ ಶಿಬಿರಾಕ ಮಾರ್ಗದರ್ಶನ ದಿಲೆಲಿ ಕಲ್ಯಾಣಿ ಪೈ ಹಾಂಕಾ° ಸನ್ಮಾನ ಕರಚೆ° ಜಾಲೆ°. ವಿದ್ಯಾರ್ಥಿಯಾನಿ ಸಾಂಸ್ಕೃತೀಕ ಕಾರ್ಯಕ್ರಮ ದಿಲೊ.
ಶಾಳಾ ಹಳೇ ವಿದ್ಯಾರ್ಥಿ ಸಂಘಾಚೊ ಕಾರ್ಯದರ್ಶಿ ಮಹೇಶ್ ನಾಯಕ್, ಜಂಟಿ ಕಾರ್ಯದರ್ಶಿ ಹರೀಶ್ ಶೇರಿಗಾರ್, ಸಾಂದೆ ಅಮರನಾಥ್ ಭಟ್, ಶೇಖ್ ಮಕ್ಬೂಲ್, ಚೇತನ್ ಕುಮಾರ್ ನಾಯಕ್, ಸತೀಶ್ ಹೆಗಡೆ, ಅನಿಲ್ ಬೈಲಕೆರೆ, ಸತೀಶ್ ಶೇಟ್, ಸುಧೀಂದ್ರ ರಾವ್, ವಿಶ್ವನಾಥ್ ಬಾಳಿಗಾ, ಚಂದ್ರಕಲಾ ಬಾಳಿಗಾ, ಶಾಂತಾ ಬಾಳಿಗಾ, ಜ್ಯೋತಿ ಬಲ್ಲಾಳ್, ಶಾಲಾ ಶಿಕ್ಷಕಿ ಶೋಭಾ ಶೆಟ್ಟಿ, ಸಂಪನ್ಮೂಲ ವ್ಯಕ್ತಿ ಸ್ರಜನ್ ಶೇರಿಗಾರ್, ಹರಿಪ್ರಸಾದ್, ಶ್ರೀದೇವಿ ಆನಿ ಹೇರ ಉಪಸ್ಥಿತ ಆಶಿಲೆ.
ಪುನರ್ ಪ್ರತಿಷ್ಠಾ ವರ್ಧಂತಿ ಮಹೋತ್ಸವ
ಉಡುಪಿ: ಹಾಂಗಾ ಲಾಗಿಚೆ ನಯಂಪಳ್ಳಿ ಕಾಶೀಮಠ ಶ್ರೀ ಗೋಪಾಲ ಕೃಷ್ಣ ದೇವಸ್ಥಾನಾಂತು° 16 ವೆ° ವರಸಾಚೆ ಪುನರ್ ಪ್ರತಿಷ್ಠಾ ವರ್ಧಂತಿ ಮಹೋತ್ಸವ ಚಲೊ. ಸಾಮೂಹಿಕ ದೇವತಾ ಪ್ರಾಥನಾ, ಸಾನಿಧ್ಯ ಹವನ, ಶತ ಕಲಶಾಭಿಷೇಕ, ವೆಗವೆಗಳೆ ಭಜನಾ ಮಂಡಳಿಚಿ ಭಜನ ಸೇವಾ, ಶ್ರೀ ದೇವಾಕ ವಿಶೇಷ ಫುಲ್ಲಾ ಅಲಂಕಾರ, ಮಹಾ ಪೂಜಾ ಚಲಿ. ಉಪರಾಂತ ಸಮಾರಾಧನಾ ಚಲಿ. ಅರ್ಚಕ ಶ್ರೀಜಿತ್ ಶರ್ಮಾ, ಲಕ್ಷ್ಮಣ ಭಟ್, ಗಣಪತಿ ಭಟ್, ಗಣೇಶ ಭಟ್ ನಂತಾ° ನಯಂಪಳ್ಳಿ ಶ್ರೀ ಕಾಶೀಮಠಾಚೆ ವ್ಯವಸ್ಥಾಪನಾ ಸಮಿತಿಚೆ ಅಧ್ಯಕ್ಷ ಶಿರಿಯಾರ ಗಣೇಶ ನಾಯಕ್, ಕಾರ್ಯದರ್ಶಿ ಅರವಿಂದ ಭಟ್ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ. ರಾತಿ ಫುಲ್ಲಾ ಪೂಜಾ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಪಲ್ಲಕಿ ಉತ್ಸವ ಪ್ರಸಾದ ವಾಂಟಪ ಜಾಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಶ್ರೀ ರಾಮನವಮಿ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಶ್ರೀ ರಾಮನವಮಿ ಪ್ರಯುಕ್ತ ಶ್ರೀ ದೇವಾಕ ವಿಶೇಷ ಅಲಂಕಾರ, ಭಜನಾ ಕಾರ್ಯಕ್ರಮ, ತೊಟ್ಟಿಲು ಸೇವಾ, ವಸಂತ ಪೂಜಾ, ಅಷ್ಟಾವಧಾನ ಸೇವಾ, ಪಲ್ಲಕಿ ಉತ್ಸವ, ರಾತಿ ಪೇಂಟಾ ಉತ್ಸವ ಚಲೊ. ಧಾರ್ಮಿಕ ಪೂಜಾ ವಿಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ನಿರ್ವಹಣ ಕೆಲೆ°. ದೇವಳಾಚೆ ಆಡಳಿತ ಮೋಕ್ತೆಸರ ಪಿ ವಿ ಶೆಣೈ ಆನಿ ಹೇರ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
ಪರಿವಾರ ದೇವಾಂಚಿ ಪುನರ್ ಪ್ರತಿಷ್ಠಾ ವರ್ಧಂತಿ ಮೊಹೋತ್ಸವ
ಉಡುಪಿ: ಹಾಂಗಾಚೆ ತೆಂಕಪೇಟೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಪರಿವಾರ ದೇವಾಂಚಿ ಪುನರ್ ಪ್ರತಿಷ್ಠಾ ವರ್ಧಂತಿ ಮೊಹೋತ್ಸವ ಮಾರ್ಚ 14 ಮಂಗಳವಾರ ಚಲೊ. ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಕ ವಿಶೇಷ ಅಲಂಕಾರ, ಸಕಾಳಿ ದೇವಾಲೆ ಸನ್ನಿಧಿಂತು° ಸಾಮೂಹಿಕ ಪ್ರಾಥನಾ, ಪಂಚಾಮೃತ ಅಭಿಷೇಕ, ದ್ವಾದಶ ಕಳಶಾಭಿಷೇಕ, ಸಾನ್ನಿಧ್ಯ ಹವನ, ಮಹಾಪೂಜಾ ಉಪರಾಂತ ಸಂತರ್ಪಣ ಚಲೆ. ಚೇಂಪಿ ಶ್ರೀಕಾಂತ್ ಭಟ್ ಹಾಂನಿ° ಧಾರ್ಮಿಕ ಪೂಜಾ ವಿಧಾನ ಸಂಪನ್ನ ಕೆಲೆ°. ದೇವಳಾಚೆ ಆಡಳಿತ ಮೊಕ್ತೇಸರ ಪಿ ವಿ ಶೆಣೈ, ಅರ್ಚಕ ವಿನಾಯಕ ಭಟ್, ದಯಾಘನ್ ಭಟ್, ದೀಪಕ್ ಭಟ್, ಆಡಳಿತ ಮಂಡಳಿಚೆ ಸಾಂದೆ, ಜಿ. ಎಸ್. ಬಿ ಯುವಕ ಆನಿ ಮಹಿಳಾ ಮಂಡಳಿಚೆ ಸಾಂದೆ ಆನಿ ಹೇರ ಸಮಾಜಭಾಂದವ ಉಪಸ್ಥಿತ ಆಶಿಲೆ.
ಮಹಾರಾಷ್ಟ್ರಾಚೆ ಪಂಡರಾಪುರಾಂತು° ಕಾಶೀಮಠಾಚೆ ಶಾಖಾ ಮಠಾಕ ನಿಧಿಕಲಶ ಸ್ಥಾಪನಾ
ಪಂಡರಾಪುರ: ದೇವಾಲೊ ಅನುಗ್ರಹ, ಗುರು ಪರಂಪರೆಚೊ ಆರ್ಶೀವಾದಾನ ಭಕ್ತಲೋಕಾಂಚೆ ದೋನ ದಶಕಾಂಚೆ ಸೋಪನ ಸಾಕಾರ ಜಾತಾ ಆಸಾ ಮ್ಹಣು ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಸಾಂಗಲೆ°. ಮಹಾರಾಷ್ಟ್ರಾಚೆ ಪಂಡರಾಪುರಾಂತು° ಕಾಶೀಮಠಾಚೆ ನೂತನ ಶಾಖಾ ಮಠಾಕ ನಿಧಿಕಲಶ ಸ್ಥಾಪನಾ ಆನಿ ವಿವಿಧ ಧಾರ್ಮಿಕ ವಿಧಿವಿಧಾನ ಕರನು, ಶಿಲಾನ್ಯಾಸ ಕರನು ತಾಂನಿ° ಆರ್ಶೀವಚನ ದಿಲೆ°. ಪ್ರಸಿದ್ಧ ಪುಣ್ಯಕ್ಷೇತ್ರ ಪಂಡರಾಪುರಾಂತು° ಶಾಖಾ ಮಠ ಸ್ಥಾಪನ ಕರಕಾ ಮ್ಹಣು ಭಕ್ತವರ್ಗ ಸಾಂಗತ ಆಯಿಲೆ°. ಚಂದ್ರಭಾಗಾ ನ್ಹಂಯಚೆ ತಡಿಯೆರಿ ಮಠಾಚೆ ನಿರ್ಮಾಣ ಜಾತಾ ಆಸಾ. ಭಜನಾ ಪ್ರಿಯ ವಿಠಲ ದೇವಾಲೆ° ಕ್ಷೇತ್ರ ಆನಿ ಭಗವಂತು ಕೃಷ್ಣಾಲೆ ಪಾದುಕಾ ಆಸಚೆ ವಿಷ್ಣುಪಾದಾ ಲಾಗಿ ಮಠ ಸ್ಥಾಪನ ಜಾವಚೆ° ಸುಯೋಗ. ಕಾಶಿಮಠಾಚೆ ಮ್ಹಾಲ್ಗಡೆ ಯತಿವರ್ಯರ ಕೇಶವೇಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಪುಣ್ಯತಿಥಿ ದೀವಸು ನವೀನ ಮಠಾಚೆ ಶಿಲಾನ್ಯಾಸ ಜಾವಚೆ° ದೇವಾಲೆ ಆನಿ ಗುರುಂಗೆಲೆ ಅನುಗ್ರಹಾನ ಸಾಧ್ಯ ಜಾಲೆ° ಮ್ಹಣು ಗುರುವರ್ಯಾನ ಸಾಂಗಲೆ°. ಪುಣ್ಯ ಕ್ಷೇತ್ರಾಂತು° ಶಾಖಾ ಮಠ ಸ್ಥಾಪನ ಜಾವಚೆ ನಿಮಿತ ಭಕ್ತ ಲೋಕಾಂಚೆ ವಾಸ್ತವ್ಯಾಕ ಅನುಕೂಲ ಜಾತಾ. ಹರಿದ್ವಾರ, ತಿರುಪತಿಂತು ಶಾಖಾಮಠ ಸ್ಥಾಪನ ಕರತನಯೀ ಆಮಗೆಲೆ ಗುರು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ° ಚಿಂತನಯೀ ತೆಂಚಿ ಜಾವನು ಆಶಿಲೆ°. ತಾಂಗೆಲೆ ಆರ್ಶೀವಾದಾನ ಆತ° ಪಂಡರಾಪುರಾಂತೂಯೀ ಮಠ ನಿರ್ಮಾಣ ಜಾತಾ ಆಸಾ ಮ್ಹಣು ತಾಂನಿ° ಸಾಂಗಲೆ°.
ವೇದಮಂತ್ರ ಘೋಷಾನ ಗುರುವರ್ಯಾಲೆ° ಸ್ವಾಗತ ಜಾಲೆ°. ನೂತನ ಶಾಖಾ ಮಠಾಕ ಯೋಗ್ಯ ಜಾಗೊ ಪಳಯತನಾ ಆಯಿಲೆ ದುಬಾವಾ ಬದಲ ಮಂಬೈಚೆ ದೀಪಕ್ ಭಾಸ್ಕರ್ ಶೆಣೈನ ಕಳಯಲೆಂ. ಜಗನ್ನಾಥ ಕಾಮತ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ರಘುವೀರ್ ಭಂಡಾರಕಾರ್, ಅಜಿತ್ ಕಾಮತ್, ಜಯಂತ್ ಪ್ರಭು, ದಿನೇಶ್ ಕಾಮತ್ ಕೋಟೇಶ್ವರ್, ರಾಜೇಶ್ ಪ್ರಭು ಎರ್ನಾಕುಲಂ, ರಮೇಶ್ ಭಂಡಾರಕಾರ್, ನಿತಿನ್ ಪ್ರಭು, ಗುರುಪ್ರಸಾದ ಕಾಮತ್ ಕಾಞಗಾಡ್, ಗಣೇಶ್ ಹೆಗ್ಡೆ ಪಂಡರಾಪುರ, ಪ್ರವೀಣ್ ಪೈ ಪಂಡರಾಪುರ, ಚೇತನ್ ಕಾಮತ್, ನರೇಶ್ ಪ್ರಭು ಆನಿ ಮಹಾರಾಷ್ಟ್ರ, ಕರ್ನಾಟಕ, ಕೇರಳ ಸಹಿತ ದೇಶಾಚೆ ಖೂಬ ಪ್ರದೇಶಾ ದಾಕೂನ ಶಿಷ್ಯ ವರ್ಗ ಉಪಸ್ಥಿತ ಆಶಿಲೆ. ಶ್ರೀ ಸುಕೃತೀಂದ್ರ ಸ್ವಾಮಿ ಸೇವಾ ಪ್ರತಿಷ್ಠಾನ ಹಾಂನಿ° ಹೋ ಕಾರ್ಯಕ್ರಮ ಆಯೋಜನ ಕೆಲೆಲೊ. ಪಂಡರಾಪುರಚೆ ಗೌಡ ಸಾರಸ್ವತ ಬ್ರಾಹ್ಮಣ ಸಮುದಾಯಾಚೆ ಲೋಕಾನ ಭಜನಾ ದಿಂಡಿ ಮೆರವಣಿಗಾ ಕೆಲಿ.
ಮಾ. 10 - ಆಯುರ್ವೇದ ಆರೋಗ್ಯ ತಪಾಸಣಾ ಸಾರ್ವಜನಿಕ ಶಿಬಿರ
ಕೋಟೇಶ್ವರ: ಹಾಂಗಾಚೆ ಶ್ರೀ ಯಾದವೇಂದ್ರ ಆಯುರ್ವೇದ ವೈದ್ಯಶಾಲ, ಶ್ರೀ ಭುವನೇಂದ್ರ ಪಂಚಕರ್ಮ ಸೆಂಟರ್ ಹಾಂನಿ° ಮಾರ್ಚ 10 ಶುಕ್ರಾರಾ ಬಸ್ರೂರು ಶ್ರೀ ಕಾಶೀ ಮಠಾಂತು° ಸಕಾಳಿ 9.30 ದಾಕೂನ ದೋನಪಾರಾ 1.30 ತಾಂಯ ಆಯುರ್ವೇದ ಆರೋಗ್ಯ ತಪಾಸಣಾ ಸಾರ್ವಜನಿಕ ಶಿಬಿರ ಮಾಂಡೋನ ಹಾಡಲಾ. ಶ್ರೀಮದ್ ಕೇಶವೆಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಪುಣ್ಯತಿಥಿ ಪ್ರಯುಕ್ತ ಚಲಚೆ ಹ್ಯಾ ಶಿಬಿರ ಪರಮಗುರು ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಆನಿ ಕಾಶೀ ಮಠಾಧಿಪತಿ ಶ್ರೀಮದ್ ಸಂಯಮೀοದ್ರ ಸ್ವಾಮೀಜಿ ಹಾಂಗೆಲೆ ಆಶೀರ್ವಾದ ಆನಿ ಆಶಯಾಕ ತಕೀತ ಹೀ ಆರೋಗ್ಯ ಸೇವಾ ಚಲತ ಆಸಾ. 46ವೆ° ಹ್ಯಾ ಫುಕಟ ಆಯುರ್ವೇದ ಆರೋಗ್ಯ ತಪಾಸಣಾ ಸಾರ್ವಜನಿಕ ಶಿಬಿರಾಚೆ ಉಪೇಗ ಸಗಟಾನ ಘೆವಕಾ ಮ್ಹಣು ಆಯೋಜಕಾನಿ ಮಾಘಣಿ ಕೆಲ್ಯಾ.
ಅಂತರಾಷ್ಟ್ರೀಯ ಸ್ತ್ರೀಯಾಂಚೊ ದಿವಸ ಆಚರಣ
ಉಡುಪಿ: ಮಾರ್ಚ್ ಆಟ್ ತಾರೀಕೆ ದೀವಸು ಉಡುಪಿಚೆ ರೆಡ್ ಕ್ರಾಸ್ ಭವನಾಂತು° ಲಯನ್ಸ್ ಕ್ಲಬ್ ಬ್ರಹ್ಮಗಿರಿ, ಕರ್ನಾಟಕ ಎಲೆಕ್ಟ್ರಿಕಲ್ ಆನಿ ಎಲೆಕ್ಟ್ರಾನಿಕ್ಸ್ ಸರ್ವಿಸಸ್ ಅಸೋಸಿಯೇಷನ್, ಕೇರಳ ಕಲ್ಚರಲ್ ಆನಿ ಸೋಶಿಯಲ್ ಸೆಂಟರ್ ಉಡುಪಿ, ಎಲೆಕ್ಟ್ರಾನಿಕ್ಸ್ ಟೆಕ್ನಿಷಿಯನ್ ವೆಲ್ಫೇರ್ ಅಸೋಸಿಯೇಷನ್ ಉಡುಪಿ, ಇಂಡಿಯನ್ ರೆಡ್ ಕ್ರಾಸ್ ಸೊಸೈಟಿ ಕುಂದಾಪುರ ಹಾಂಗೆಲೆ ಜೋಡ ಆಶ್ರಯಾರಿ ಅಂತರಾಷ್ಟ್ರೀಯ ಸ್ತ್ರೀಯಾಂಚೊ ದಿವಸ ಆಚರಣ ಜಾಲೊ. ಹ್ಯಾ ಸಂದರ್ಭಾರಿ ಲಯನ್ಸ್ ಕ್ಲಬ್ ಬ್ರಹ್ಮಗಿರಿ ಹಾಂಗೆಲೆ ತರಪೇನ ಉಡುಪಿಚೆ ಸೆಷನ್ಸ್ ಕೋರ್ಟಾಚೆ ನಾವಾದೀಕ ವಕೀಲ ಬಿಂದು ತಂಕಪ್ಪನ್ ಹಾಂಕಾ° ಸನ್ಮಾನ ಚಲೊ. ಹ್ಯಾಚ ವೇಳಾರ ರಕ್ತದಾನ ಶಿಬಿರ ಚಲೆ°. ಲಯನ್ಸ್ ಇಂಟರನ್ಯಾಶನಲ್ ಹಾಜೊ ಆದಲೊ ಜಿಲ್ಲಾ ಗವರ್ನರ್ ಲಯನ್ ಬಸ್ರೂರು ರಾಜೀವ್ ಶೆಟ್ಟಿ ಹಾಂನಿ° ದೀವೊ ಲಾವನು ಕಾರ್ಯಕ್ರಮಾಚೆ ಉಗ್ತಾವಣ ಕೆಲೆ°. ಕರ್ನಾಟಕ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಸರ್ವಿಸಸ್ ಹಾಜೊ ಅಧ್ಯಕ್ಷ ಲಯನ್ ಬಿನೇಶ್ ವಿ.ಸಿ., ಇಂಡಿಯನ್ ರೆಡ್ ಕ್ರಾಸ್ ಸೊಸೈಟಿ ಕುಂದಾಪುರ ಹಾಜೊ ಅಧ್ಯಕ್ಷ ಜಯಕರ್ ಶೆಟ್ಟಿ, ಕೇರಳ ಕಲ್ಚರಲ್ ಮತ್ತು ಸೋಶಿಯಲ್ ಸೆಂಟರ್ ಹಾಜೊ ಅಧ್ಯಕ್ಷ ಸುಗುಣ ಕುಮಾರ್, ಎಲೆಕ್ಟ್ರಾನಿಕ್ಸ್ ಟೆಕ್ನಿಷಿಯನ್ಸ್ ವೆಲ್ಫೇರ್ ಅಸೋಸಿಯೇಷನ್ ಹಾಜೊ ಅಧ್ಯಕ್ಷ ಮನೋಹರ್ ಶಾಸ್ತ್ರಿ, ಲಯನ್ಸ್ ಪ್ರಾಂತ್ಯ ಅಧ್ಯಕ್ಷ ಹರಿಪ್ರಸಾದ್ ರೈ ಆನಿ ಹೇರ ಉಪಸ್ಥಿತ ಆಶಿಲೆ. ಲಯನ್ಸ್ ಕ್ಲಬ್ ಬ್ರಹ್ಮಗಿರಿ ಹಾಜೊ ಅಧ್ಯಕ್ಷ ಉಮೇಶ್ ನಾಯಕ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಶೈನಿ ಸತ್ಯಭಾಮ ಹಾಂನಿ° ಆಬಾರ ಮಾನಲೊ. ಗಾಯತ್ರಿ ಗಣೇಶ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಆಂತರರಾಷ್ಟ್ರೀಯ ಭುರಗ್ಯಾಂಚೋ ಕ್ಯಾನ್ಸರ ದೀಸ ಮನಾಯಲೋ
ಮಣಿಪಾಲ: "ಚಡಶಾ ಭುರಗೇಪಣಾಂತಲ್ಯಾ ಕ್ಯಾನ್ಸರಾಚೇರ ಯೋಗ್ಯ ಪಂಗಡಾನ ಯೋಗ್ಯ ಉಪಚಾರಾ ವರವೀಂ ಯೋಗ್ಯ ವೇಳಾರ ಉಪಚಾರ ಕೇಲ್ಯಾರ ಬರೇ ಜಾತಾತ. ಭುರಗ್ಯಾಂಚ್ಯಾ ಕ್ಯಾನ್ಸರಾ ವಿಶೀಂ ಜಾಗೃತಾಯ ಕರಪಾ ಖಾತೀರ ಆನೀ ಕ್ಯಾನ್ಸರ ಆಶಿಲ್ಲ್ಯಾ ಭುರಗ್ಯಾಂಕ, ತಾಂಚೀ ಜತನಾಯ ಘೇವಪೀ ಆನೀ ಕ್ಯಾನ್ಸರಾಂತಲ್ಯಾನ ಜಿವೀತ ಉರಿಲ್ಲ್ಯಾಂಕ ಆದಾರ ದಾಖೋವಪಾ ಖಾತೀರ ದರ ವರ್ಸಾ ಫೆ. 15ಕ ಸಂವಸಾರೀಕ ಪಾಂವಡ್ಯಾರ ಆಂತರರಾಷ್ಟ್ರೀಯ ಭುರಗ್ಯಾಂಚೋ ಕ್ಯಾನ್ಸರ ದೀಸ ಮನಯತಾತ. ಏಕ ಬರೀ ಜಿವೀತ ಉರಪ ಮ್ಹಣಲ್ಯಾರ ತುಮಚ್ಯಾ ಹಾತಾಂತಲ್ಯಾನ ಸಾಧ್ಯ ಕರಪಾಕ ಮೇಳತಾ ಹೇ° ಆಯ್. ಸಿ. ಸಿ. ಡಿ.ಚ್ಯಾ ತೀನ ವರ್ಸಾಂಚ್ಯಾ ಮಿಶನಾಚೇ° (2021-2023) ದ್ಯೇಯವಾಕ್ಯ ಜಾವನು ಆಸಾ. ಮಣಿಪಾಲ ಕೆ. ಎಂ. ಸಿ. ಚೆ ಡೀನ ಡಾ. ಪದ್ಮರಾಜ್ ಹೆಗ್ಡೆನ ಸ್ವಾಗತಾಚೆ ಉತ್ರ° ಸಾಂಗಲಿ°. "ಕ್ಯಾನ್ಸರ ಆಸಚೆ ಖಂಚೆಯ ಚೆರಡು ಚಿಕಿತ್ಸಾ ಮೇಳನಾಶಿ° ವಚಾಕ ನಜ" ಹ್ಯಾ ನದರೇನ ಕೆ. ಎಂ. ಸಿ ಕ್ರಿಯಾಶೀಲ ಆಸಾ ಮ್ಹಣು ತೊ ಮ್ಹಣಾಲೊ. ಬಾಲ ರೋಗ ವಿಜ್ಞಾನ ಆನೀ ಒಂಕಾಲಾಜಿ ಸಹಾಯಕ ಪ್ರಾದ್ಯಾಪಕ ಡಾ| ಹರೀಶ ವರ್ಮಾ ಟಿ. ಹಾಂನಿ° ಉಲಯತಾ ಅಶೆ° ಸಾಂಗಲೆ°. "ಕ್ಯಾನ್ಸರ ಆಶಿಲ್ಲ್ಯಾ ಭುರಗ್ಯಾ° ಖಾತೀರ ಏಕತ್ರೀತ ಕಾಳಜೀ ಪದ್ದತೀಂತ ಚಡಾಂತ ಚಡ ಯಶ ಮೇಳೊವಪಾ ಖಾತೀರ ಜಾಯತ್ಯಾ ಜಾಣಾಂನೀ ಏಕಠಾಂಯ ಕಾಮ ಕರಪಾಚೀ ಗರಜ ಆಸಾ." ಮ್ಹಣು ಸಾಂಗಲೆ°. ಜೀತ್ ಅಸೋಸಿಯೆಶನ್ ಫಾರ್ ಸಪೋರ್ಟ ಆಫ್ ಕ್ಯಾನ್ಸರ್ ಪೇಶೆಂಟ್ಸ್ ಸಿ. ಇ. ಒ ಡಾ. ಕೆ. ವಿ. ಗಣಪತಿ, ಮಾಹೆ ಚೆ ಆದಲೆ ಉಪಕುಲಪತಿ ಡಾ. ರಾಜ್ ವಾರಿಯರ್ ಮಾನಾಚೆ ಸೊಯ್ರೆ ಆಶಿಲೆ.
ವೈಜಕೀ ಅಧೀಕ್ಷಕ ಡಾ. ಅವಿನಾಶ ಶೆಟ್ಟಿ ಹಾಂಣೀ ಉಪಕಾರ ಮಾನಲೊ. ಶಿಕ್ಷಣೀಕ ಹಾಸ್ಪಿಟಲಾಂಚೇ ವೇವಸ್ಥಾಪಕೀಯ ಸಂಚಾಲಕ ಡಾ. ಆನಂದ ವೇಣುಗೋಪಾಲ ಆನೀ ಕೆ. ಏಂ. ಸಿ. ಮಣಿಪಾಲಾಚೇ ಸಹಾಯಕ ಡೀನ ಡಾ. ಕೃಷ್ಣಾನಂದ ಪ್ರಭು ಹಾಂನಿ° ಉಪಸ್ಥಿತ ಆಶಿಲೆ. ಸ್ಪರ್ಧೇಂತ ಜೈತಿವಂತ ಜಾಲ್ಲ್ಯಾಂಕ ಕಸ್ತೂರಬಾ ಹಾಸ್ಪಿಟಲ, ಮಣಿಪಾಲ ಹಾಂಗಾಚೇ ನರ್ಸಿಂಗ ಸೇವಾ ಮುಖೇಲೀ ಡಾ. ಪಿ. ಸುಬಾ ಸೂರಿಯಾನ ಇನಾಂ ವಾಂಟಿಲೆ°. ಸಭಾ ಕಾರ್ಯಾವಳಿಚೆ ಉಪರಾಂತ ಭುರಗ್ಯಾಂ ಖಾತೀರ ಆನೀ ತಾಂಚ್ಯಾ ಪಾಲಕಾಂಕ ಮನೋರಂಜನಾ ಕಾರ್ಯಕ್ರಮ ಆಯೋಜಿತ ಕೆಲೆಲೊ. ಸಹಾಯಕ ಡಾ. ಅರ್ಚನಾ ಎಂ. ವಿ. ಆನಿ ಸಹಾಯ್ಯಕ ಪ್ರಾಧ್ಯಾಪಕ ಡಾ. ವಾಸುದೇವ ಭಟ್ ಹಾಂಣೀ ಸೊಯ್ರಾಲೊ ವಳಕ ಕರನು ದಿಲೊ. ವಾಣಿಶ್ರೀ ಹಾಂನಿ° ಸೂತ್ರ ಸಂಚಾಲನ ಕೆಲೆ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 248 guests and no members online