ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮಿ ವೆಂಕಟೇಶ ದೇವಸ್ಥಾನಾಂತು° ಶ್ರಾವಣ ಪುರುಷೋತ್ತಮ ಮಾಸಾಚೆ (ಅಧಿಕ ಮಾಸ) ಪ್ರಯುಕ್ತ ಅಹೋರಾತ್ರಿ ಭಜನಾ ಮಹೋತ್ಸವು ಜು.18 ದಾಕೂನ ಅ. 17 ತಾಂಯ ಚಲಚೊ ಆಸಾ. ಆಜಿ ದವೊ ಲಾವನು ತಾಜೆ ಉಗ್ತಾವಣ ಜಾಲೆ°. ಗಾಂವ° ಪರಗಾಂವಚೆ ಭಜನಾ ಮಂಡಳಿಚೆ ವ್ಹಿಂಗ ವ್ಹಿಂಗಡ ಫಾಳಿಯೆರಿ ಭಜನ ಸೇವಾ ದಿತಾತಿ. ಸಕಾಳಿ 3 ದಾಕೂನ ಫಾಳಿ ಶುರು ಜಾತಾತಿ. ಹೀ ಭಜನ ಸೇವಾ ಎಕ ಮ್ಹಯನೊ ಭರ ಚಲತಾ.

ಮೂಡುಬಿದಿರೆ: ಹೊಸ್ಮಾರು ಶ್ರೀ ಲಕ್ಷ್ಮೀ ವೆಂಕಟೇಶ ಭಜನಾ ಮಂದಿರಾಚೆ ವಾರ್ಷಿಕ ಏಕಾಹ ಭಜನೆಚೆ ಸುವರ್ಣ ಮಹೋತ್ಸವಾಚೊ ವಾಂಟೊ ಜಾವನು ಶ್ರೀ ಲಕ್ಷ್ಮೀ ವೆಂಕಟೇಶ, ಸಪರಿವಾರ ಶ್ರೀ ರಾಮಚಂದ್ರ ದೇವಾಲೆ ಸ್ವರ್ಣ ಲೇಪಿತ ನೂತನ ಬಿಂಬಾοಚೆ° ಪುನರ್ ಪ್ರತಿಷ್ಠಾ ಆರತಾ° ಚಲೆ. ಉಮೇಶ ಶೆಣೈ ಹಾಂನಿ°ಸೇವಾದಾರ ಆಶಿಲೆ. ಶುರವೆಕ ನಗರ ಭಜನಾ ಸೇವೆರಿ ನವೀನ ಬಿಂಬಾοಚೆ° ಗ್ರಾಮೋತ್ಸವ ಚಲೊ. ಸುವರ್ಣ ಮಹೋತ್ಸವಾಕ ಲಾಗೂನ ಶ್ರೀ ದೇವಾಲೆ ಗರ್ಭಗುಡಿಕ ನವೀನ ಪಿತಲೆ ದ್ವಾರ, ನೂತನ ಉತ್ಸವ ಮಂಟಪಾοಚೆ° ಸಮರ್ಪಣ ಜಾಲೆಂ°. ಮಾಳಾಚೊ ಲೋಹಶಿಲ್ಪಿ ಸುದರ್ಶನ್ ಚಿಪ್ಳೂಣ್ಕರ್ ಹಾಂಕಾ° ಭಜನಾ ಮಂದಿರಾಚೆ ತರಪೇನ ಅಧ್ಯಕ್ಷ ಗಣಪತಿ ಪೈ ಹಾಂನಿ° ಗೌರವಾರ್ಪಣ ಕೆಲೆ°. ಭಜನಾ ಮಂಡಳಿಚೊ ಉಪಾಧ್ಯಕ್ಷ ರತ್ನಾಕರ ಪ್ರಭು, ಕಾರ್ಯದರ್ಶಿ ಸಂತೋಷ ಪೈ ಆನೀ ಸೇವಾದಾರ ಉಮೇಶ್ ಪೈ, ಕೇಶವ ಶೆಣೈ, ಸುರೇಂದ್ರ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಫೆ.23 ದಾಕೂನ 26 ತಾಂಯ ವೆಗವೆಗಳೆ ಧಾರ್ಮಿಕ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಚಲಚೊ ಆಸಾ. ಫೆ.27 ದೀವಸು ಅಹೋರಾತ್ರಿ ಏಕಾಹ ಭಜನೋತ್ಸವು ಸಂಪನ್ನ ಜಾವಚೊ ಆಸಾ. ಮ್ಹಣು ಕಳವಣಿಂತು° ಸಾಂಗಲಾ°.

ಕಾರ್ಕಳ: ಎಸ್.ಎನ್.ಎಸ್. ಅರ್ಥ್ ಮೂವರ್ಸ್ ಹಾಜೊ ಮಾಲಕ ಕಾರ್ಕಳ ಸುಧೀರ ಪುರಾಣಿಕ(61 ವರಸ) ಆಜಿ(ಅ. 21) ಕೇರಳಚೆ ಕೊಚ್ಚಿಂತು° ಹೃದಯಘಾತಾನ ಅಂತರಲೆ. ಕಾರ್ಕಳಚೆ ವೆಂಕಟರಮಣ ಭಜನಾ ಮಂಡಳಿಕ 50 ವರಸ° ಪೂರ್ಣ ಜಾಲೆಲೆ ಸಂದರ್ಭಾರ ಗುರುವರ್ಯಾ ಲಾಗಿ ಪ್ರಸಾದ ಸ್ವೀಕಾರ ಕರಚಾಕ ಗೆಲೆಲೆ ಪಂಗಡಾoತ ಹಾಂನಿ° ಆಶಿಲೆ ಮ್ಹಣು ಕಳನು ಆಯಲಾ°. ಬಾಯಲ, ಎಕ ಪೂತು ಆನೀ ದೋನ ಧುವೆಂಕ ಸೊಡೂನ ತಾಂನಿ ಗೆಲ್ಯಾಂತಿ.