ಲೆಕ್ಕ ಪರಿಶೋಧಕ, ICAI ಮಂಗಳೂರು ಹಾಜೊ ನಿಕಟಪೂರ್ವ ಅಧ್ಯಕ್ಷ, ಕೇಂದ್ರ ಕನ್ನಡ ಸಾಹಿತ್ಯ ವೇದಿಕೆ, ದ . ಕ ಜಿಲ್ಲೆ ಹಾಜೊ ಗೌರವಾಧ್ಯಕ್ಷ, ಮಂಗಳೂರು ಪ್ರೊಡಕ್ಟಿವಿಟಿ ಕೌನ್ಸಿಲ್ ಹಾಜೊ ಮಹಾಪೋಷಕ, ವಿದ್ಯಾಪೋಷಕ ನಿಧಿ, ಜಿ ಎಸ್ ಬಿ ಹಿತರಕ್ಷಣಾ ವೇದಿಕೆ, ಮಂಗಳೂರು ಹಾಜೊ ಅಧ್ಯಕ್ಷ, ಅಟಲ್ ಇನ್ಕ್ಯುಬೇಷನ್ ಕೇಂದ್ರ, ನಿಟ್ಟೆ ಹಾಜೊ ಮುಖ್ಯ ಮಾರ್ಗದರ್ಶಕ, 3 ದಶಕ ದಾಕೂನ ದಕ್ಷಿಣ ಕನ್ನಡ ಜಿಲ್ಲೆ, ಕರ್ನಾಟಕ ರಾಜ್ಯ , ದೇಶ - ವಿದೇಶಾಚೆ 25000ಕಯಿ ಚಡ ವಾಣಿಜ್ಯೋದ್ಯಮಾಂಕ ಆನೀ ನವೋದ್ಯಮ ಸ್ಥಾಪಕಾಂಕ ಮಾರ್ಗದರ್ಶಕ ಜಾವನು ಸೇವಾ ದಿವನು ಆಶಿಲೆ ಲೇಖ ಪರಿಶೋಧಕ ಎಸ್. ಎಸ್. ನಾಯಕ ಹಾಂಕಾ ಹೆ ವರ್ಸಾಚಿ “ಕರ್ನಾಟಕ ರಾಜ್ಯೋತ್ಸವ ಜಿಲ್ಲಾ ಪ್ರಶಸ್ತಿ” ಫಾವೋ ಜಾಲ್ಯಾ. ಮಂಗಳೂರಾಂತು ಚಲೆಲೆ ರಾಜ್ಯೋತ್ಸವ ಸಮಾರಂಭಾಂತು ಜಿಲ್ಲಾ ಉಸ್ತವಾರಿ ಮಂತ್ರಿ ಎಸ್. ಅಂಗಾರ ಹಾಂನಿ ಪ್ರಶಸ್ತಿ ದಿವನು ಸನ್ಮಾನ ಕೆಲೋ.

1996 ಇಸವಿಂತ ಸ್ಥಾಪನ ಜಾಲೆಲೆ ವಿಶ್ವ ಕೊಂಕಣೀ ಕೇಂದ್ರಾಚೆ ನವೀನ ಅಧ್ಯಕ್ಷ ಜಾವನು ಚರ‍್ಟರ್ಡ ಅಕೌಂಟೆoಟ್ ನಂದಗೋಪಾಲ ಶೆಣೈ ಹಾಂಗೆಲೆ° ನೆಮಣೂಕ ಆರತಾ° ಚಲೆಲೆ ಮಹಾಸಭೆಂತು° ಜಾಲಾ° ಮ್ಹಣು ವಿಶ್ವ ಕೊಂಕಣಿ ಕೇಂದ್ರಾಚೆ ಫೇಸಬೂಕ್ಕ ಪೋಸ್ಟಾಂತು° ಕಳಯಲಾ°. 

ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂಗೆಲಿ ಫುಲ್ಲಟ ಸಾಹಿತ್ಯ ಕೃತಿ “ಇಸವಸಯ ಕೇನೋಪನಿಷತ್ತುಕುಳಡೆ ಮಾಧ್ವಭಾಷ್ಯಂ – ಮಲಯಾಳಂ ವ್ಯಾಖ್ಯಾನ  ಸಹಿತಂ” ಹಾಜೆ° ಮೋಕಳಿಕ ಗುರುವರ್ಯಾನ ಕೊಚ್ಚಿನ್ ತಿರುಮಲ ದೇವಸ್ವಂ ದೇವಳಾಂತು° ನ.14ಕ ಕೆಲೆ°. ಸುಕೃತೀಂದ್ರ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್  ಹಾಂಗೆಲೆ ಸ್ವರ್ಣ ಮಹೋತ್ಸವಾಚೆ ಸಂದರ್ಭಾರ ಹಿ ಕೃತಿ ಮೋಕಳಿಕ ಜಾಲ್ಯಾ. ಇನ್ಸ್ಟಿಟ್ಯೂಟಚೆ ಗೌರವ ನಿರ್ದೇಶಕ ಡಾ| ವಿ. ನಿತ್ಯಾನಂದ ಭಟ್ ಹಾಂನಿ° ಗುರುವರ್ಯಾ ಲಾಗಿ ಪುಸ್ತಕಾಚಿ ಪ್ರತಿ  ಸ್ವಿಕಾರ ಕೆಲಿ. 

ಮಂಗಳೂರಾಚೆ  ಶ್ರೀ ವಿಠೋಬಾ ದೇವಳಾಂತು ಭಜನಾ ಸಪ್ತಾಹ ಪ್ರಯುಕ್ತ ಪುತ್ತೂರು ಪಾಂಡುರoಗ ನಾಯಕ ಆನೀ ರಾಧಿಕಾ ನಾಯಕ್ ಹಾನಿ  ಭಜನ್ ಕಾರ್ಯಕ್ರಮು ದಿಲೊ. ಹಾರ್ಮೋನಿಯಾಂರಿ ನಾಗೇಶ್ ಮಂಗಳೂರು ತಬಲಾರಿ ಪುತ್ತೂರು ವಿಶ್ವನಾಥ್ ನಾಯಕ್ ಆನಿ ತಾಳಾರಿ ಸುತೀಶ್  ಕಾಮತ್  ಮಂಗ್ಳುರ್ ಹಾಂನಿ ಸಾಥ ದಿಲೆ. 

ಮುಖೆಲಪಣಾಚೆ ಅವಕಾಶ ವಾಪೂರಚೆ° ಜಾವಕಾ -ಗಣೇಶ್ ಕಾಮತ್

ಮಂಗಳೂರು: ಶಾಳಾ ಸಂಸತ್ತ ಮುಖೆಲಪಣಾಚೆ ತರಬೇತಿ ಫಾವೊ ಕರಚಾಕ ಏಕ ವೇದಿಕಾ ಜಾವನು ಆಸಾ. ಹೆ° ಮುಖೆಲಪಣ ಫಕತ ರಾಜಕೀಯಾಕ ಸೀಮಿತ ಜಾಯನಾಶಿ°  ಹೇರ ಕ್ಷೇತ್ರಾಂತುoಯಿ ವಾಪೂರಚೆ° ಜಾವಕಾ. ದೇಶಾಚೆ ಘನತಾ ವಾಡೊಚೆ° ಆಮಗೆಲೆ ದ್ಯೇಯ ಜಾವಕಾ ಮ್ಹಣು ಕೆನರಾ ಪ್ರೌಢ ಶಾಳೆಂತು° ಪ್ರಸಕ್ತ ವರಸಾಚೆ° ಶಾಳಾ ಸಂಸತ್ ಉಗ್ತಾವಣ ಕರನು ಕೆನರಾ ಎಂಜಿನಿಯರಿoಗ್ ಕಾಲೇಜಾಚೊ ಆಡಳಿತಾಧಿಕಾರಿ ಎಂ. ಗಣೇಶ್ ಕಾಮತ್ ಹಾಂನಿ ಸಾಂಗಲೆ°. ಸಮಾಜಾಚೆ ಸಾಬಾರ ಕ್ಷೇತ್ರಾಂಕ ಕೆನರಾ ಶಿಕ್ಷಣ ಸಂಸ್ಥೆoನಿ ಮುಖೇಲಿಯಾಂಕ ದಿಲಾಂ ಮ್ಹಣು ಶಾಳಾ ಆಡಳಿತ ಮಂಡಳಿ ಕೆನರಾ ಹೈಸ್ಕೂಲ್ ಎಸೋಸಿಯೇಶನ್ ಹಾಜೊ ಅಧ್ಯಕ್ಷ ಎಂ. ಅಣ್ಣಪ್ಪ ಪೈ ಹಾಂನಿ° ಸಾಂಗಲೆ°. ಶಾಳಾ ಮುಖ್ಯೋಪಾಧ್ಯಾಯಿನಿ ನವಿತಾ ಪ್ರಕಾಶ್ ಹಾಂನಿ° ಶಾಳಾ ಸಂಪುಟಾಚೆ ಮುಖೇಲಿಯಾಂಕ ಪ್ರಮಾಣವಚನ ಬೋಧನ ಕೆಲೆ°. ಶಾಲಾ ಸಂಪುಟ ನಾಯಕ  ಸ್ವಸ್ತಿಕ್ ಎಸ್. ಶೆಟ್ಟಿ, ಉಪನಾಯಕಿ ಅಹನಾ ಕಿಣಿ ಸಹಿತ ಸಂಪುಟಾಚೆ 15 ಮುಖೆಲಿಯಾನಿ ಅಧಿಕಾರ ಸ್ವೀಕಾರ ಕೆಲೊ. ಆಡಳಿತ ಮಂಡಳಿಚೊ ಕಾರ್ಯದರ್ಶಿ ಎಂ. ರಂಗನಾಥ್ ಭಟ್, ಕೋಶಾಧಿಕಾರಿ ಎಂ. ವಾಮನ ಕಾಮತ್, ಶಾಳಾ ಸಂಚಾಲಕ ಪಂಚಮಾಲ್ ಗೋಪಾಲಕೃಷ್ಣ  ಶೆಣೈ, ಶಿಕ್ಷಕ ರಾಜಾರಾಮ್,  ಕೆನರಾ ಹಿರಿಯ ಪ್ರಾಥಮಿಕ ಶಾಳೆಚಿ ಮುಖ್ಯೋಪಾಧ್ಯಾಯಿನಿ ಲಲನಾ ಜೆ .ಶೆಣೈ ಉಪಸ್ಥಿತ ಆಶಿಲಿಂಚಿ. ಪ್ರಣವ್ ರಾವಾನ ಸ್ವಾಗತಾಚೆ ಉತ್ರಂ ಸಾಂಗೂನ ವೈಷ್ಣವಿ ಗೋರೆನ ಆಭಾರ ಮಾನಲೊ. ಪ್ರಣಾಲಿ ಡಿಚೋಲಿಕಲಾನ ಸೂತ್ರ ಸಂಚಾಲನ ಕೆಲೆ°.