Mangalore
ಉದ್ಯಮಿ ಜೆ. ಮೋಹನದಾಸ್ ಪ್ರಭು ದೇವಾದಿನ
ಮಂಗಳೂರು: ಹಾಂಗಾಚೆ ನಂದಾದೀಪ ರಸ್ತೆಚೆ ನಿವಾಸಿ ದಿ| ಆಸ್ಪತ್ರೆ ವಾಮನ ಪ್ರಭು ಹಾಂಗೆಲೊ ಪುತು, ಉದ್ಯಮಿ ಜೆ. ಮೋಹನದಾಸ್ ಪ್ರಭು (ಆನಂದರಾಯ ಮಾಮ್) (87) ಹಾಂನಿ° ಅನಾರೋಗ್ಯಾನ ಜ. 14ಕ ದೇವಾದಿನ ಜಾಲೆ. ಸರಕಾರಿ ಆಸ್ಪತ್ರೆಕ ಆಹಾರ ಸರಬರಾಜ ಕರಚೆ ಕಂಟ್ರಾಕ್ಟರ್ ಆಶಿಲೆ ಹಾಂನಿ° ಪ್ರಭು ಫ್ಯಾಶನ್ ಹಾಜೆ ಮಾಲಕ ಸುತಾ ಜಾವನು ಆಶಿಲೆ. ಖೂಬ ಕಾಳ ವಿ. ಟಿ. ರಸ್ತೆಚೆ ಶ್ರೀಕೃಷ್ಣ ಮಂದಿರಾಚೆ ಟ್ರಸ್ಟಿ ಜಾವನು ಸೇವಾ ದಿಲೆಲೆ ಹಾಂನಿ° ಮಂದಿರಾಚೆ ಅಭಿವೃದ್ಧಿ ಕಾರ್ಯಾಂತು° ಪ್ರಮುಖ ರೂವಾರಿ ಆಶಿಲೆ. 19 ವರಸ° ಶಬರಿಮಲೆ ಯಾತ್ರೆ ಕೆಲೆಲೆ ಹಾಂನಿ° ಮಕರ ಸಂಕ್ರಮಣಾಚೆ ದಿವಸೂಚಿ ಸ್ವರ್ಗಸ್ಥ ಜಾಲೆಲೆ° ವಿಶೇಷ ಜಾವನು ಆಸಾ. 1998 ಇಸವಿಂತು° ಮಂಗಳೂರ ಶ್ರೀ ವೆಂಕಟರಮಣ ದೇವಳಾತು° ಘಡಲೆಲೆ ಕವಳೆ ಮಠಾಚೆ ಗುರುಶಿಷ್ಯಾಂಗೆಲೆ° ಐತಿಹಾಸಿಕ ಚಾತುರ್ಮಾಸ ಸಮಿತಿಚೆ ಕೋಶಾಧಿಕಾರಿ ಜಾವನುಯಿ ಹಾಂನಿ° ಸೇವಾ ದಿಲೆಲಿ ಆಸಾ. ಬಾಯಲ, ಚಾರ ಪೂತ ಆನಿ ಅಪಾರ ಬಂಧು ಭಾಂದವಾοಕ ಸೊಡೂನ ತಾಂನಿ° ಗೆಲ್ಯಾಂತಿ.
ಉತ್ತರಾಯಣ ಶುರು
ಆಜಿ (ಜ.14) ರಾತಿ 8.15ಕ (32ಘಟಿ, 55ವಿಘಟಿ) ಸೂರ್ಯ ದೇವು ಮಕರ ರಾಶಿಕ ಪ್ರವೇಶ ಕರತಾ. ತ್ಯಾ ದೆಕೂನ ಮುಕಾವಯಲೆ 16 ಗಂಟೆ ಪುಣ್ಯ ಕಾಲಾಚೆ ಆಚರಣ ಜಾತಾ. ಜಾಲ್ಯಾರ ರಾತಿಚೆ° ಆಚರಣ ಕರನಾತಿಲ್ಯಾನ ಹೇರದಿವಸು (ಜ.15) ಶನಿವಾರ ಸಕಾಳಿ 6.50 ದಾಕೂನ 12 ಭಿತರಿ ಮಕರ ಸಂಕ್ರಮಣ ಪುಣ್ಯಕಾಲ ಆನಿ ಉತ್ತರಾಯಣ ಪುಣ್ಯಕಾಲ (ನ್ಹಂಯಿ/ಸಮುದ್ರ ಸ್ನಾನ, ಜಪ, ಪಾರಾಯಣ, ಧಾನ್ಯ, ಪುಜಾ, ದೇವ ಆನಿ ಪಿತೃತರ್ಪಣ, ದಾನ ಕರಚೆ°) ಆಚರಣ ಕರಕಾ ಮ್ಹಣು ಮ್ಹಾಲ್ಗಡೆ ಸಾಂಗತಾತಿ.
ಆದಲೆ ಅಧ್ಯಕ್ಷಾಕ ಕೊಂಕಣಿ ಅಕಾಡೆಮಿಚಿ ಶ್ರದ್ಧಾಂಜಲಿ
ಮοಗಳೂರು: ಆರತಾ° ಅಂತರಲೆಲೆ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಆದಲೆ ಅಧ್ಯಕ್ಷ ಬಸ್ತಿ ವಾಮನ ಶೆಣೈ ಹಾಂಕಾ° ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ತರಪೇನ ಶ್ರದ್ಧಾಂಜಲಿ ಸಭಾ ಜ.13ಕ ಮಂಗಳೂರಚೆ ನವರತ್ನ ಪ್ಯಾಲೆಸ್ ಹೋಟೆಲಾಂತು° ಚಲಿ. “ಕೊಂಕಣಿ ಭಾಶೆಕ ಬಸ್ತಿ ವಾಮನ ಶೆಣೈ ಹಾಂಗೆಲಿ ದೇಣಿಗಾ ಅಪಾರ” ಮ್ಹಣು ಹ್ಯಾ ವೇಳಾರಿ ಅಕಾಡೆಮಿಚೊ ಅಧ್ಯಕ್ಷ ಡಾ| ಜಗದೀಶ ಪೈ ಹಾಂನಿ° ಸಾಂಗಲೆ°. ಮ್ಹಾಲ್ಗಡೊ ಕೊಂಕಣಿ ಸಾಹಿತಿ ಡಾ| ಕೆ. ಮೋಹನ ಪೈ, ಅಕಾಡೆಮಿಚೊ ಆದಲೊ ಅಧ್ಯಕ್ಷ ರೋಯ್ ಕ್ಯಾಸ್ಟಲಿನೊ, ಮಾಂಡ್ ಸೋಭಾಣ್ ಸಂಸ್ಥೆಚೊ ಅಧ್ಯಕ್ಷ ಲೂವಿ ಪಿಂಟೊ, ಕೊಂಕಣಿ ಅಧ್ಯಯನ ಪೀಠಾಚೊ ಸಂಚಾಲಕ ಡಾ| ಜಯವಂತ ನಾಯಕ, ಅಕಾಡೆಮಿಚೊ ಆದಲೊ ರಿಜಿಸ್ಟಾçರ್ ಡಾ| ದೇವದಾಸ ಪೈ, ಸಾಹಿತಿ ರೇಮಂಡ್ ಡಿಕುನ್ಹಾ ಆನಿ ಹೇರಾನಿ ಶ್ರದ್ಧಾಂಜಲಿ ಅರ್ಪಣ ಕೆಲಿ. ಅಕಾಡೆಮಿಚೆ ಸಾಂದೆ ನವೀನ ನಾಯಕ, ಸಾಣೂರು ನರಸಿಂಹ ಕಾಮತ, ಅರುಣ ಜಿ. ಶೇಟ್, ಗೋಪಾಲಕೃಷ್ಣ ಭಟ್, ಕೆನ್ಯೂಟ್ ಪಿಂಟೊ, ಪುರ್ಣಿಮಾ ಸುರೇಶ ಆನಿ ಹೇರ ಉಪಸ್ಥಿತ ಆಶಿಲೆ.
ಡಾ| ಕ್ರೀಷಿ ಅಂತರಲೆ
ಮೂಡುಬಿದಿರೆ: ಹಾಂಗಾಚೆ ಪ್ರಭು ಹಾಸ್ಪಿಟಲ್ ಹಾಜೆ ಸಿ.ಇ.ಒ. ಡಾ| ಕೃಷ್ಣಮೋಹನ ಪ್ರಭು(55) ಹಾಂನಿ° ಅಲ್ಪ ಕಾಲಾಚೆ ಅಸೌಖ್ಯಾಚೆ ನಂತರ ಕ್ಯಾನ್ಸರಾಕ ಲಾಗೂನ ಆಜಿ (ಜ.11) ಮಂಗಳೂರಚೆ ಎಕ ಖಾಸಗಿ ಆಸ್ಪತ್ರೆಂತು° ಅಂತರಲೆ. ಬಾಯಲ ಡಾ| ರಾಧಿಕಾ ಪ್ರಭುಲೆ ಸಾಂಗತ ಆಸ್ಪತ್ರೆ ಸಾಂಬಾಳನು ಆಶಿಲೆ ಹಾಂನಿ° ವೆಗವೆಗಳೆ ವಿಷಯಾಂತು° ಉಮೇದಿ ದವರನು ಆಶಿಲೆ. ಟ್ರೆಕ್ಕಿಂಗ್, ಪರ್ವತಾರೋಹಣ, ವನ್ಯಜೀವಿ ಫೋಟೊಗ್ರಾಫಿ, ಶಾಸ್ತ್ರೀಯ ಸಂಗೀತ, ಕಂಪ್ಯೂಟರ್ ಆನಿ ಇಂಟರನೆಟ್ ಹಾಂಗೆಲೊ ಹವ್ಯಾಸ ಆಶಿಲೊ. 1990 ಇಸವಿಂತು° ಘಡಲೆಲೆ ಬ್ರಹ್ಮ ಪರ್ವತಾರೋಹಣಾಚೆ ಪಂಗಡಾಚೆ ಸದಸ್ಯ ಆಶಿಲೆ ಹಾಂನಿ ಪಶ್ಚಿಮ ಹಿಮಾಲಯಾಚೆ ಪ್ರಪಂಚಾಚೆ 17ವೆಂ ಊಂಚ ಪರ್ವತ ಶ್ರೇಣಿ(21050 ಫಿಟ್) ಆರೋಹಣ ಕೆಲಾಂ. ಮಂಗಳೂರಚೆ ‘ಆರೋಹಣ’ ಪಂಗಡಾಚೆ ಹಾಂನಿ° ಸಾಂದೆ ಆಶಿಲೆ. 1989 – 92 ಇಸವಿಂತು° ವರ್ಲ್ಡವೈಡ್ ಫಂಡ್ ಫಾರ್ ನೇಚರ್ ಹಾಜೆ ತರಪೇನ ಹಾಂನಿ° ಮದುಮಲೈ, ಬಂಡಿಪುರ, ನಾಗರಹೋಳೆ ಆನೀ ಭದ್ರಾ ವನ್ಯಜೀವಿ ಉದ್ಯಾನವನಾಂತು° ಪ್ರಕೃತಿ ಶೀಬಿರ ಘಡಯಲ್ಯಾಂತಿ. ‘ವೈಲ್ಡ್ ಲೈಫ್ ಫಸ್ಟ್’ ಹಾಜೆ ಹಾಂನಿ° ಸಾಂದೆ ಆಶಿಲೆ.
ಮಂಗಳೂರಚೆ ‘ಸೈಬರ್ ಫೋರಂ’ ಹಾಜೆ ಸಾಂದೆ ಆನಿ ಕಾರ್ಯದರ್ಶಿ ಜಾವನುಯೀ ಹಾಂನಿ° ಸೇವಾ ದಿಲೆಲಿ ಆಸಾ. ಹ್ಯಾ ಸಂಸ್ಥೆಚೆ ಪ್ರಯತ್ನಾಕ ಲಾಗೂನ ಮಂಗಳೂರ ಆನೀ ಉಡುಪಾಕ ಇಂಟರನೆಟ್ ಸಂಪರ್ಕ ಆಯಿಲೆ°. ಹಾಂನಿ° ವರ್ಲ್ಡ ವೈಡ್ ವೆಬ್ (www) ಆನಿ ಕಂಪ್ಯೂಟರಾ ಬದಲ ಸಾಬಾರ ಶೀಬಿರಾ° ಆಯೋಜನ ಕೆಲೆಲೆ° ಆಸಾ. ವೈದ್ಯಕೀಯ ಸಾಫ್ಟವೆರಾ ಬದಲ ಹಾಂಕಾ° ವಿಶೇಷ ಉಮೇದಿ ಆಶಿಲಿ.
ಅತ್ಯುನ್ನತ ಸ್ಥರಾಚೆ ಛಾಯಾಗ್ರಾಹಕ ಆಶಿಲೆ ಹಾಂನಿ° drkrishi.com ವೆಬ್ ಸೈಟ್ ಸಾಂಬಾಳನು ಹಾಡೂನ ಖೂಬ ಫಾಮಾದ ಆಶಿಲೆ. ಮೆಕ್ರೊಸ್, ಕ್ಲೋಸಪ್ ಆನೀ ಪ್ರಕೃತಿ ಫೊಟೊಗ್ರಾಫಿಂತು° ಹಾಂನಿ° ಚಡ ಕಾಮ ಕೆಲೆಲೆ° ಆಸಾ. ಹ್ಯಾ ವಿಷಯಾರಿ ಬ್ಲಾಗ್ ಬರಯತಲೆ ಹಾಂನಿ° ತರನಾಟೆಂಕ ತರಬೇತಿ ದಿತಲೆ. ಥೊಡೆ ದೋಸ್ತಾಲೆ ಸಾಂಗತ ಮ್ಯಾಂಗಲೋರ ಫೊಟೊಗ್ರಾಫಿ ಕ್ಲಬ್ ಶುರು ಕೆಲೆಲೆ ಹಾಂನಿ° ಖೂಬ ಶಿಬಿರ°, ಫೊಟೊವಾಕ್ಸ್ ಆಯೋಜನ ಕೆಲ್ಯಾಂತಿ. ಆರತಾಂ ‘ಕ್ರಿಯೇಟಿವ್ ಫೋಕಸ್’ ಮ್ಹಳೆಲೊ ಸಂಸ್ಥೊ ಶುರು ಕರನು ನವೀನ ಛಾಯಗ್ರಾಹಕಾಂಕ ವೈಯಕ್ತಿಕ ಜಾವನು ತರಬೇತಿ ದಿವಚಾಕ ಶುರು ಕೆಲೆಲೆ°. ಬಾಯಲ ಡಾ| ರಾಧಿಕಾ ಪ್ರಭು, ದ್ಹುವ ನೀತಾ ಆನೀ ಖೂಬ ಅಭಿಮಾನಿ ಲೋಕಾಂಕ ಸೋಡೂನ ತಾಂನಿ° ಗೆಲ್ಯಾಂತಿ.
आर्थिक दुबळ्यांक संस्कृत भाशा शिक्षण दिवचें देवाली व्हडली सेवा - एल. श्रीधर भट्ट
श्री श्रीनिवास पाठशाळा नवती कार्यावळ:
आर्थिक दुबळ्यांक संस्कृत भाशा शिक्षण दिवचें देवाली व्हडली सेवा:
कोडियाळ: हांगाचे श्रीनिवास पाठशाला ओरियंटल प्रौढ शाळेंत संस्थेचो णवती वरसाचो कार्यावळ संपन्न जालो. संस्कृत भाशा आनी संपूर्ण विद्या आयज ह्या शाळेंत सकलेशपुर, हासन, चिक्कमगळूर, बागलकोट इत्यादी आर्थिक दुबळेपणाचे शेतकाराले चेरडुवांक दिवुन ह्या संस्थेन देवाली व्हडली सेवा केल्या म्हणु मुखैल सोयरो त्रिभाशा पंडित माल्घड शिक्षक श्री एल. श्रीधर भट्ट हांनी सांगलें. संस्कृत भाशा शिक्षणा खातिर 1931 तुं श्री वीरवेंकटेश देवाले कृपेर देवळाचे पौळेर उबजललो हो संस्थो आयाज दोन कन्नड माध्यम राज्य सरकार अनुदानित शाळा आनी दोन आंग्ल माध्यम खासगी शाळा स्वंत इमारतांत चलयत आसाती. ओरियंटल प्रौढ शाळेंत आयज मेरेन संस्कृत भाशा शिक्षण चालतेंत आसा म्हणु गौरव कार्यदर्शी प्रो. डा. कस्तुरी मोहन पै हांनी तांच्या येवकार उत्रांत सांगलें. 1931तुं पयलो संस्कृत शिक्षक आशिलो वेदमूर्ती मञेश्वर केशव भट्ट तांगेले स्मरणार्थ शाळेंत संस्कृत शिकपी विद्यार्थियांक पुरस्कार आनी वेवेगळे शाळेच्या विद्यार्थियांक संस्कृत भाशेंत काणी बरोवुची स्पर्धा चलोवुन बोमान वांटिलें. संस्कृत शिकपी विद्यार्थियान येवकार गीत आनी संस्कृत समूहगायन प्रस्तुत केलें. ह्या कार्यावळेक वेदमूर्ती मञेश्वर केशव भट्ट हांगेलो पौत्र बेंगळूर निवासी श्री के. प्रबोधचंद्र भट्ट हांनी दत्ती दान दिलें. श्री श्रीनिवास पाठशाला एसोसियेश्नाचो अध्यक्ष श्री बि.आर. शेणै, पूर्वाध्यक्ष पंडित सुरेंद्र आचार्य, जी. विश्वनाथ भट्ट, सदस्य विजयचंद्र कामत, सोयरे श्रीमती उषा पै, कस्तूरी बालकृष्ण पै मुखैल शिक्षिकां श्रीमती सविता कामत, पूर्व मुखैल शिक्षिकां श्रीमती इंदिरा जोडुमुट, सरस्वती भट्ट शिक्षक ऒम प्रकाश उपस्थित आशिले. संस्कृत शिक्षक श्री अनंतराम राव हांनी सूत्र संचालन केलें. मुखैल शिक्षिका श्रीमती शशिकला हांनी धन्यवाद सांगुनु देवबरेकरूं म्हळ्ळें.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- ಮಸೀಂಗ
- भारताचे अमृत स्वातंत्र महोत्सवाचे पांच अमृत घडियो
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 158 guests and no members online
