ಮಂಗಳೂರು: ವಿಶ್ವ ಕೊಂಕಣಿ ಕೇಂದ್ರ ವತೀನ ಕ್ಷಮತಾ ಯೋಜನೆರಿ ಕರಾವಳಿ ಜಿಲ್ಲೆಚಾ ಕಾಲೇಜ ಆನಿ ಪದವಿ ಪೂರ್ವ ವಿದ್ಯಾರ್ಥಿಂಕ ಪದವೀಧರಾಂಕ ಉದ್ಯೋಗ ಸಾಮರ್ಥ್ಯ ವೃದ್ಧಿ ಜಾವಚಾಕ ಸಹಾಯ ಜಾವಚೆ ತಶಿಂ ಮುಂಬಯಿ ಜ್ಯೋತಿ ಲ್ಯಾಬೊರೆಟರೀಸ ಸಂಸ್ಥೆ (ಉಜಾಲಾ) ಜಂಟಿ ಆಡಳಿತ ನಿರ್ದೇಶಕ ಉಲ್ಲಾಸ ಕಾಮತ ಹಾಂನಿ^o ಮಾಂಡಯಿಲೆ^o ‘ಕ್ಷಮತಾ ಯು ಗೆಟ್ ಇನ್’ ಯೋಜನಾ ಹಾಜೊ ವಾರ್ಷಿಕ ಸಮಾವೇಶ ಆರತಾಂ ಮಂಗಳೂರಚೆ ಟಿ. ವಿ. ರಮಣ ಪೈ ಕಾನ್ವೆನ್‌ಶನ ಸಭಾಂಗಣಾoತು^o ಘಡಲೊ. ವಿಶ್ವ ಕೊಂಕಣಿ ಕೇಂದ್ರಾಚೆ ಅಧ್ಯಕ್ಷ ಬಸ್ತಿ ವಾಮನ ಶೆಣೈನ ಉಗ್ತಾವಣ ಕೆಲೆ^o. “ಯುವ ಜನತೇನ ಶಿಕ್ಷಣ ಜ್ಞಾನಾಚೆ ಸಾಂಗಾತಾಕ ಜ್ಞಾನ, ಕೌಶಲ ಆನಿ ಉತ್ತಮ ವ್ಯಕ್ತಿತ್ವ ಆಪಣಾವನ ಘೆತಲ್ಯಾರಿ ಯಶ ಪಾವಚಾಕ ಸಾಧ್ಯ ಜಾತ್ತಾ” ಮ್ಹಣು ಉಲ್ಲಾಸ ಕಾಮ ಹಾಂನಿ^o ಸಾಂಗಲೆ.

“ಉದ್ಯೋಗು ಆನಿ ಉದ್ಯಮಾಕ ಶಿಕ್ಷಣ ಅತ್ಯವಶ್ಯಕ ಜಾವನ ಆಸಾ. ಜಾಲ್ಯಾರಿ ಶಿಕ್ಷಣಾ ಪಶಿ ಚಡ ಪ್ರಾಮುಖ್ಯತಾ ಜ್ಞಾನಾಕ ಆಸ್ಸ. ತಶೀಂಚಿ ಸಾಧನ ಕರಕಾ ಜಾಲ್ಯಾರಿ ಪಯಲೆ ಆಮೀ ಆಮಕಾ ಆಸಚೆ ಅನುಕೂಲಕರ ವಾತಾವರಣಾ ತಾಕುನ (ಕಂಫರ್ಟ ಝೋನ್) ಭಾಯರ ಯೆವಕಾ. ಆಮಗೆಲೆ ಜೀವನ ಆಮೀಚಿ ಬಾಂದುಚಾಕ ಶ್ರಮ ಘೆವನ ವಾವರ ಕರಕಾ. ಜೀವನಾಂತ ವೈಫಲ್ಯ ಆಮಕಾ ಏಕ ಪಾಠ ಜಾತಾ. ಜಾಲ್ಯಾರಿ ತೇಚಿ ವೈಫಲ್ಯ ವಾಪಸ ವಾಪಸ ಜೀವನಾಂತ ಜಾವಚಾಕ ನಜ್ಜ. ಪ್ರಯತ್ನ ಕೆಲ್ಯಾರಿ ಜಯ ನಿಶ್ಚಿತ. ಖಂಚೆಯ ಪ್ರಶಂಸಾ ಆಮ್ಹಿ ಹಾಸುನುಚಿ ಆಪಣಾವನ ಘೆವಕಾ ತೆದನಾ ಆಮಗೆಲೆ ನಿಜ ಜೀವನ ಆಮಕಾ ಕಳತಾ” ಮ್ಹಣು ತಾಂನಿA ಸಾಂಗಲೆA. ಹೇರ ದೀವಸು ಚಲೆಲೆ ‘ವಿಶ್ವ ಕೊಂಕಣಿ ಅಲ್ಯುಮ್ನಿ ಸಂಘ’ ವಿದ್ಯಾರ್ಥಿಂಗೆಲೆ “ಪ್ರೇರಣಾ” ಸಮಾವೇಶಾಂತುA ಬೆಂಗಳೂರಚೆ “ಸೇತು” ಸಂಸ್ಥೆಚೆ ಸ್ಥಾಪಕ ಶ್ರೀ ಸಾಹಿಲ್ ಕಿಣಿ, ಮೆಡ್‌ವೆಲ್ ವೆಂಚರ್ ಸ್ಥಾಪಕ ಆನಿ ಸಿ. ಇ. ಒ. ಲಲಿತ್ ಪೈ, ಡೊವ್ ಕೆಮಿಕಲ್ಸ್ ಸಂಸ್ಥೆ ಸಿ.ಇ.ಒ. ಸುಧೀರ ಶೆಣೈ, ಭಾರತೀಯ ನೌಕಾದಳ ಅಧಿಕಾರಿ ಕಮಾಂಡರ್ ಎನ್. ಪಿ. ಶೆಣೈ, ನಾಮನೆಚೆ ಹಿನ್ನಲೆ ಧ್ವನಿ ಕಲಾಕಾರ ಚೇತನ ಸಶಿತಲ್, ಕ್ವೆಸ್ಟ್ ಗ್ಲೋಬಲ್ ಸಂಸ್ಥೆಚೆ ಸಿ.ಒ.ಒ ಅಜಯ ಪ್ರಭು, ಜ್ಯೋತಿ ಲ್ಯಾಬೊರೆಟರೀಸ ಜಂಟಿ ಆಡಳಿತ ನಿರ್ದೇಶಕ ಉಲ್ಲಾಸ ಕಾಮತ ಹಾನ್ನಿ ಉಪನ್ಯಾಸ ದಿಲೆಂ.

ಮಣಿಪಾಲ ಗ್ಲೋಬಲ್ ಎಜುಕೇಶನ ಸಂಸ್ಥೆಚೊ ಅಧ್ಯಕ್ಷ ಟಿ. ವಿ. ಮೋಹನದಾಸ ಪೈನ ವಿದ್ಯಾರ್ಥಿಂಕ ಉದ್ದೇಶಸುನ “ಮನಶಾಲೆ ನಾಗರೀಕತಾ ಅಭಿವೃದ್ಧಿ ಜಾತಾ. ಆರತಾಂ ನವೆ ಯುಗಾಂತ ನವೀನ ಮಾದರಿ ಚಿಂತಪ ಆಮÀಗೆಲೆ ಜಗತ್ಯಾಕ ಜಾವಕಾ ಆನಿ ನಿರೀಕ್ಷ ಕರತ ಆಸಾ. ಜಗತ್ಯ ಬದಲಾವಣ ಜಾಯತ ಆಸಾ ಆಧುನಿಕ ತಂತ್ರಜ್ಞಾನಾ ನಿಮಿತ್ತ ನವೀಂ ಚಿಂತಪಾರಿ ವಾಡತಾ ಆಸಾ. ಅಶಿಂ ನವೇಂ ಚಿಂತಪ ವಯರ ವಾವರ ಕರಚಾಕ ಆರತಾಂ ಯುವಕಾನಿ ಮುಖಾರಸುನ ವಾವರ ಕೆಲ್ಯಾರಿ ಜಯ ಪಾವಚಾಕ ಸಾಧ್ಯ ಜಾತಾ” ಮ್ಹಣು ಸಾಂಗಲೆA. ವಿಶ್ವ ಕೊಂಕಣಿ ಕೇಂದ್ರ ಉಪಾಧ್ಯಕ್ಷ ಗಿಲ್ಬರ್ಟ್ ಡಿಸೋಜಾ, ಖಜಾಂಚಿ ಬಿ. ಆರ್. ಭಟ್, ಕಾರ್ಯದರ್ಶಿ ಸಿ. ಎ. ನಂದಗೋಪಾಲ ಶೆಣೈ, ಬಿ. ಪ್ರಭಾಕರ ಪ್ರಭು, ಕೇರಳ ಕೊಂಕಣಿ ಅಕಾಡೆಮಿ ಆದಲೆ ಅಧ್ಯಕ್ಷ ಪಯ್ಯನೂರು ರಮೇಶ ಪೈ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಅಧ್ಯಕ್ಷ ರಾಮದಾಸ ಕಾಮತ ಯು, ಕಾರ್ಯದರ್ಶಿ ಪ್ರದೀಪ ಜಿ. ಪೈ, ಪ್ರೇರಣಾ ಸಮಾವೇಶಾಚೊ ಮಾರ್ಗದರ್ಶಕ ಸಂದೀಪ ಶೆಣೈ, ಆನಿ ಅಲ್ಯುಮ್ನಿ ಸಂಘ ಅಧ್ಯಕ್ಷಾ ನಿರೋಶಾ ಕುಮಾರಿ ಆನಿ ಕಾರ್ಯದರ್ಶಿ ಪ್ರೇರಣಾ ಸಮಾವೇಶಾಂತ ಉಪಸ್ಥಿತ ಆಶಿಲಿಂಚಿ.

ಶಿವಮೊಗ್ಗ: ಕೊಂಕಣಿ ಶಬ್ದ ರತ್ನಾಕರ ಬಿರುದಾಂಕಿತ ಶಬ್ದ ಸಾಹಿತಿ ಮಂದರ್ಕೆ ಮಾಧವ ಪೈ ಹಾಂನಿ° ಚಾಳಿಸ ವರಸ ಮಾಕ್ಷಿ ಇಂಗ್ಲಿಷ ದಾಕೂನ ಕನ್ನಡ ಭಾಶೆಕ ಅಣಕಾರ (ಭಾಷಾಂತರ) ಕರನು ದೋನ ವರಸ ಮಾಕ್ಷಿ ಬೆಂಗಳೂರಚೆ ಅರವಿಂದ ಆಶ್ರಮ ಹಾಂನಿ° ಛಾಪೊವನು ಪುಸ್ತಕ ರೂಪ ದಿಲೆಲಿ ಕೃತಿ ‘ಸಾವಿತ್ರಿ’ ಕಾವ್ಯಾಕ ಕರ್ನಾಟಕ ರಾಜ್ಯ ಸಾಹಿತ್ಯ ಅಕಾಡೆಮಿಚೆ ಪುಸ್ತಕ ಬಹುಮಾನ ಫಾವೊ ಜಾಲಾ°.

ಮಾಧವ ಪೈ ಹಾಂನಿ° 40 ವರಸ ಮಾಕ್ಷಿ ರಚನ ಕೆಲೆಲೆ ಸಾವಿತ್ರಿ ಕಾವ್ಯ ಬೆಂಗಳೂರಾಚೆ ಅರವಿಂದ ಆಶ್ರಮ ಹಾಂನಿ° ದೋನ ವರಸ ಮಾಕ್ಷಿ ಪುಸ್ತಕ ರೂಪ ದಿಲೆಲೆ°. ತ್ಯಾ ಕೃತಿಕ ಆತ° ಅಕಾಡೆಮಿನ ಪಂಚ್ವೀಸ ಹಜಾರ ನಗದ ಆನೀ ಫಲಕ ಸಹಿತ ಬಹುಮಾನ ಘೋಷಣ ಕೆಲಾ°. ಸಾನ ದಾಕೂನ ಶಬ್ದಾಚೆ ಸಾಂಗತ ಖೇಳತ ಹೋಡ ಜಾಲೆಲೊ ನಿವೃತ್ತ ಶಿಕ್ಷಕು ಮಾಧವ ಪೈ ಹಾಂನಿ° ಆಜೀಕಯೀ ಮ್ಹಾಲ್ಗಡೆ ಪ್ರಾಯೇರಿ ಸುತಾ ಬರೊವಚೆಂ ಕರನು ಆಯಿಲೆಂತಿ. ಖಂಚೇಯ ಪ್ರಚಾರಾಕ ವಚನಾಶಿ° ಹಾಂನಿ° ಪಾನಾಚೆ ಮಾಕ್ಷಿ ನಿಪೋನು ಬಶಿಲೆ° ಫಲಶೆ° ಆಯಚೆ ತರನಾಟ್ಯಾಂಕ ಕಳನಾಶಿ° ಜೀವನ ಕರನು ಆಸಾತಿ. ಮಾಧವ ಪೈ ಹಾಂನಿ° ಮಹರ್ಷಿ ಅರವಿಂದ ಹಾಂಗೆಲಿ ಇಂಗ್ಲಿಷ ಕೃತಿ ‘ಮದರ್’, ಕನ್ನಡಾಕ ‘ಮಾತೆ’ ಮ್ಹಣು ಭಾಷಾಂತರ ಕೆಲೆಲಿ ಆಸಾ. ಶಬ್ದಾರ್ಥ ಗೌರವ ಕೃತಿ ಕರ್ನಾಟಕ ಸಂಘಾನ ಪ್ರಕಟ ಕೆಲೆಲಿ ಆಸಾ. ಹಾಂನಿ° ಶಬ್ದಾಚೆ ವ್ಯುತ್ಪನ್ನಾಚೆ ಬದಲ ಪುಸ್ತಕ ಬರಯಿಲೆ° ಆಸಾ. 19 ಹಜಾರ ಶಬ್ದಾಚೆ° ಕನ್ನಡ ಕೊಂಕಣಿ ಶಬ್ದ ಕೋಶ, ಕನ್ನಡ ಕೊಂಕಣಿ ಸಂಸ್ಕೃತ ಪ್ರಾಕೃತ ಶಬ್ದಕೋಶ ಸುತಾ ಹಾಂನಿ° ರಚನ ಕೆಲೆಲೆ° ಆಸಾ.

ಮοಗಳೂರು: ಹಾಂಗಾಚೆ ಗೌಡ ಸಾರಸ್ವತ ಬ್ರಾಹ್ಮಣ ಸೇವಾ ಸಂಘಾನ ಕೊಂಕಣಿ ಶಿಕ್ಷಣ ಅಭಿಯಾನಾಕ ಲಾಗೂನ ಸುಜೀರ ಸಿ. ವಿ. ನಾಯಕ್ ಸಭಾಗೃಹಾಂತು ಆಯೋಜನ ಕೆಲೆಲೆ ಕೊಂಕಣಿ ಸೌರಭ ೨೦೨೦ ಸ್ಪರ್ಧೆಚೆ ವಿಜೇತಾಂಕ ಇನಾ° ವಾಂಟಪ ಜಾಲೆ°. ಕೊಂಕಣಿ ಲೇಖಕಿ ಇಂದಿರಾ ಜೋಡುಮಠ, ಕೊಂಕಣಿ ಶಬ್ದ ರತ್ನಾಕರ ಮಂದರ್ಕೆ ಮಾಧವ ಪೈ ಹಾಂನಿ° ಇನಾ° ವಾಂಟಿಲೆ°. ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ, ಬಿ. ಆರ್. ಶೆಣೈ, ಮಾಧವರಾಯ ಪ್ರಭು, ಡಾ. ರಮೇಶ ಪೈ, ಆನೀ ಎಮ್.ಆರ್. ಕಾಮತ್ ಉಪಸ್ಥಿತ ಆಶಿಲೆ. ವಿಜೇತಾಲಿ ಯಾದಿ ಅಶಿ° ಆಸಾ.

ಕೆ. ಜಿ. ವಿಭಾಗ-ಶಿಶುಗೀತಾ ಪ್ರಥಮ- ಧ್ವನಿ ಅನಂತ ಪೈ- ಪೆಟಿಟ್ಸ ಶಾಳಾ ಲಾಲಬಾಗ್, ದ್ವಿತೀಯ- ಆರ್ನವ ಪ್ರಭು - ಕೆನರಾ ನರ್ಸರಿ, ೧ ದಾಕೂನ ೩ ಕಕ್ಷಾ - ಪಂಚತοತ್ರಾಚಿ ಕಾಣಿ ಸಾಂಗಚೆ°, ಪ್ರಥಮ - ದೀವಾ ಅನಂತ ಪೈ - ಕೆನರಾ ಸಿ.ಬಿ.ಎಸ್.ಸಿ - ದ್ವಿತೀಯ ಭೂಮಿಕಾ ಭಟ್ಟ - ಬೆಸಂಟ್ ಆಂಗ್ಲ ಮಾಧ್ಯಮ, ೪ ದಾಕೂನ ೬ವೆ° ಕಕ್ಷಾ - ಶ್ರೀಕೃಷ್ಣಾಲಿ ಕಾಣಿಯೊ ಸಾಂಗಚೆ° - ಪ್ರಥಮ - ಸ್ವಾತಿ ಭಟ್ಟ - ಕೆನರಾ ಆಂಗ್ಲ ಹೀರಿಯ ಪ್ರಾಥಮಿಕ, ದ್ವಿತೀಯ- ಅದಿತಿ ಕುಡ್ವ - ಕೆನರಾ ಪ್ರೌಢಶಾಳಾ, ೭ ದಾಕೂನ ೯ - ೧೦೦ ಕೊಂಕಣಿ ಶಬ್ದ ಬರೊವಚೆ -ಪ್ರಥಮ - ನಾಗರಾಜ ಪ್ರಭು - ನಲಂದಾ ಆಂಗ್ಲ ಮಾಧ್ಯಮ, ದ್ವಿತೀಯ - ಮಾನ್ಯಾ ನಾಯಕ್ - ಚಿನ್ಮಯಾ ಆನೀ ಆದಿತ್ಯ ಪೈ - ಕೆನರಾ ಪ್ರೌಢ ಶಾಳಾ, ೧೦, ೧೧, ೧೨ವೆಂ ಕಕ್ಷಾ - ಕನ್ನಡ ಕಾಣಿಯೆಚೆ° ಕೊಂಕಣಿ ಅಣಕಾರ ಬರಪ - ಪ್ರಥಮ -ಮಾನ್ಯಾ ನಾಯಕ್ - ಚಿನ್ಮಯಾ ಆಂಗ್ಲ ಮಾಧ್ಯಮ ಶಾಳಾ, ದ್ವಿತೀಯ-ಕಾವ್ಯಾ ಶೆಣೈ - ಕೆನರಾ ಬಾಲಕಿಯರ ಪ್ರೌಢಶಾಲೆ, ಮುಕ್ತ ವಿಭಾಗ - ಅಪೂರ್ಣ ಕೊಂಕಣಿ ಕಾಣಿಯೆಚೆ° ಮುಕ್ತಾಯ - ಪ್ರಥಮ - ಪ್ರೇಮ ಮೊರಾಸ, ಬಿಜೈ, ದ್ವಿತೀಯ -ಸುಚಿತ್ರಾ ಶೆಣೈ, ಮಂಗಳೂರು. ಪ್ರತಿಮಾ ಪ್ರಭು, ಮೀನಾಕ್ಷಿ ಪೈ, ವೆಂಕಟೇಶ ಬಾಳಿಗಾ, ವಿದ್ಯಾ ಬಾಳಿಗಾ, ಲತಾ ಪ್ರಭು, ಕುಂಬ್ಳೆ ನರಸಿಂಹ ಪ್ರಭು, ಡಾ. ದೇವದಾಸ ಪೈ, ಎಚ್. ವಿಜಯಚಂದ್ರ ಕಾಮತ, ಐಶ್ವರ್ಯಾ ಭಟ್ಟ, ಉಷಾ ಮೋಹನ ಪೈ, ಮೇಧಾ ಕಾಮತ್ ಹಾಂನಿ° ವರೇಣ್ಯಾರ ಆಶಿಲೆ.

ಮಂಗಳೂರು: “ಖಂಚೆಯ ಭಾಸ ತೀ ಉಲಯತಲ್ಯಾನಿ ಬರಯಲ್ಯಾರ ಮಾತ್ರ ವಾಡತಾ, ತೆ° ಆಮಗೆಲಿ ಮಾತೃ ಭಾಸ ಕೊಂಕಣಿಕ ಸುತಾ ಅನ್ವಯ ಜಾತಾ. ಹ್ಯಾ ನದರೇನ ಜಿ. ಎಸ. ಬಿ ಸೇವಾ ಸಂಘಾನ ವಿಶ್ವ ಕೊಂಕಣಿ ಕೇಂದ್ರಾಚೆ ಸಹಯೋಗಾನ ‘ಹಜಾರ ಘರಾಂತ ಕೊಂಕಣಿ ಬರಪ’ ಮ್ಹಳೆಲೆ° ಕೊಂಕಣಿ ಲೇಖನ ಪುಸ್ತಕ ಲೋಕಾರ್ಪಣ ಕೆಲಾ°. ಸಗಟಾನ ತೆ° ಘರಾಕ ವ್ಹರನು ಕೊಂಕಣಿ ಬರೊವಚೆ° ಕೌಶಲ್ಯ ವಾಡೋನ ಘೆವಕಾ” ಮ್ಹಣು ಜಿ. ಎಸ. ಬಿ ಸೇವಾ ಸಂಘಾಚೊ ಅಧ್ಯಕ್ಷ ಡಾ| ಕೆ. ಮೋನಹ ಪೈ ಹಾಂನಿ° ಊಲೊ ದಿಲಾ.

ಕಾರ್ಯಕ್ರಮಾಂತು° ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಷ ಡಾ. ಜಗದೀಶ ಪೈ, ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ಬಸ್ತಿ ವಾಮನ ಶೆಣೈ, ಕೊಡಿಯಾಲ ಖಬರ ಪಾಕ್ಷಿಕಾಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಆನೀ ಪಂಚಕಾದಾಯಿ ಮ್ಹಯನಾಳ್ಯಾಚೊ ಸಂಪಾದಕ ಜ್ಞಾನದೇವ ಮಲ್ಯ, ಅಖಿಲ ಭಾರತೀಯ ಕೊಂಕಣಿ ಪರಿಷಧಾಚೊ ಗೋಕುಲದಾಸ ಪ್ರಭು, ಪಾವ್ಲ ಮೊರಾಸ, ಕವಿತಾ ಟ್ರಸ್ಟಾಚೊ ಮೆಲ್ವಿನ್ ರೊಡ್ರಿಗಸ್, ಕೆನರಾ ಶಿಕ್ಷಣ ಸಂಸ್ಥೆಚೊ ಉಪಾಧ್ಯಕ್ಷ ಎಮ್. ಅಣ್ಣಪ್ಪ ಪೈ, ಸೇವಾಸಂಘಾಚೆ ವ್ಹಾಂಗ್ಡಿ ಜಿ. ವಿಶ್ವನಾಥ ಭಟ್ಟ, ಪಂಡಿತ್ ಸುರೇಂದ್ರ ಆಚಾರ್ಯ, ಎಚ್. ವಿಜಯಚಂದ್ರ ಕಾಮತ, ಜಿ. ಮಾಧವರಾಯ ಪ್ರಭು, ಕುಂಬ್ಳೆ ನರಸಿಂಹ ಪ್ರಭು, ಬಿ. ಆರ್. ಶೆಣೈ, ಉಷಾ ಮೋಹನ ಪೈ, ಸುರೇಶ ಶೆಣೈ ಆನೀ ದ.ಕ, ಉಡುಪಿ ಆಣೀ ಉತ್ತರ ಕನ್ನಡ ಜಿಲ್ಲೆಂತು° ಕೊಂಕಣಿ ಶಿಖೊವಚೆ ವಿವಿಧ ಸಂಸ್ಥೆಚೆ ಮುಖ್ಯಸ್ಥ, ಶಿಕ್ಷಕ ಉಪಸ್ಥಿತ ಆಶಿಲಿಂತಿ. ೨೦೦ ವಿದ್ಯಾರ್ಥಿಯಾಂಕ ವೆಗವೆಗಳೆ ಸ್ಪರ್ಧೆ ಚಲೊವನು ಇನಾ° ಆನೀ ಪ್ರಮಾಣ ಪತ್ರ ವಾಂಟಚೆ° ಜಾಲೆ°. ನಲಂದಾ ಶಾಳೆಚೆ ವಿದ್ಯಾರ್ಥಿಯಾನಿ ಪ್ರಾರ್ಥನಾ ಕರನು  ಎಮ್. ಆರ್. ಕಾಮತ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಡಾ. ಎ. ರಮೇಶ ಪೈನ ಆಭಾರ ಮಾನಲೊ.