ಪಂಚ ಸರೋವರ ಪಯಕಿ ಸನಾತನ ಹಿಂದೂ ಆಸ್ತಿಕಾನಿ ನಮಗುನು ಆಯಿಲೆ ಸರ್ವ ಶ್ರೇಷ್ಠ ತೀರ್ಥ ಮಾನಸ ಸರೋವರ. ಬ್ರಹ್ಮ ದೇವಾನ ಸೃಷ್ಟಿ ಕೆಲೆಲೆಂ ಹೆಂ ಸರೋವರ ಪರಮ ಪಾವನ ಜಾವನು ಆಸ. ಹಿಂದೂ ಲೋಕಾಂಕ ಮಾತ್ರ ನ್ಹಹಿಂ ಜೈನ ಭಂದುAಕ, ಬೌದ್ಧಾಂಕಯಿ ಹೆಂ ಅತೀ ಪವಿತ್ರ ತೀರ್ಥ. ಕೋಟ್ಯಾನುಕೋಟಿ ದಿವ್ಯ ತೀರ್ಥಾಂಕ ಸಮಾನ. ಮಾನಸ ಸರೋವರಾಂತು ಸ್ನಾನ ಕೆಲೆಲೆ ಮಾತ್ರಾನ ಜನ್ಮ ಜನ್ಮಾಂತರಾಚೆ ಪಾಪ ನಾಶ ಜಾತಾ ಮ್ಹಳೆಲೆ ನಂಬಿಕ. ಟಿಬೇಟ ಚೀನಾಂತು ಸ್ಥಿತ ಹೆ ಪವಿತ್ರ ಕ್ಷೇತ್ರಾಕ ಸಂದರ್ಶನ ಕರಚಾಕ ಚೀನಾ ದೇಶಾಚೆ ವೀಸಾ ಅವಶ್ಯ ಆಸ. ಸಾಬಾರ ೪೧೦ ಕಿ.ಮೀ ಪ್ರದೇಶಾಂತು ಪಸರನು ಆಸುಚೆ ಹೆ ಸರೋವರ ೯೦ ಮೀಟರ್ ಆಳ ಆಸೂನು ಭೊ ಸುಂದರ ನೈಸರ್ಗಿಕ ದೃಶ್ಯ ಪಳಯಿಲೆ ಯಾತ್ರಿ ಮಂತ್ರ ಮುಗ್ದ ಜಾತಾಚಿ. ಶಿಂಯಾ ದೀವಸಾಂತುA ಸಂಪೂರ್ಣ ಸರೋವರ ಫ್ರೀಜ್ ಜಾತಾ.

ಕೈಲಾಸ ಮಾನಸ ಸರೋವರ ಜಗತ್ಯಾಚೆ ಅತ್ಯಂತ ಪವಿತ್ರ ಪರ್ವತು ಆನಿ ಸರೋವರ. ಯಾತ್ರಾ ಕರಚೆಂಯೀ ಕಷ್ಟಕರ. ವರಸಾಂತು ಜೂನ ದಾಕೂನು ಸಪ್ಟಂಬರ ಮ್ಹಹಿನೊ ಥಾಂಯಿ ಮಾತ್ರ ಯಾತ್ರಾ ಸಾಧ್ಯ. “ಮಹಾದೇವಾಲೊ “ಬುಲಾವ” ಆಯಿಲೆಕ ಮಾತ್ರ ಹೊ ಸುಯೋಗು ಪ್ರಾಪ್ತ ಜಾತಾ ಮ್ಹಣು ಮ್ಹಣತಾಚಿ. ಸಮುದ್ರ ಮಟ್ಟ ದಾಕೂನು ಸಾಬಾರ ೧೬೦೦೦ ಫೀಟ್ ಊಂಚಾಯೇರಿ ಟಿಬೇಟಾಚೆ “ಬರಖಾ” ಪೀಠ ಭೂಮಿ ಪ್ರದೇಶಾಂತು ಸ್ಥಿತ ಹೆ ಅದ್ಭುತ ಸರೋವರ ನವದೆಹಲಿ ದಾಕೂನು ೬೨೯ ಕಿ.ಮೀ ದೂರ ಆಸ. ಬೌದ್ಧಾಂಕ ಅತ್ಯಂತ ಪೂಜನೀಯ ತೀರ್ಥ ಹೆಂ. ಕೈಲಾಸ ಪರ್ವತಾಕ ಲಾಗೂನು ಆಸಚೆ ಕೈಲಾಸ್ ಗ್ಲೇಸಿಯರ್ ಹ್ಯಾ ಸರೋವರಾಕ ಉದಕಾಚೆ ಆಶ್ರಯ ದಿತಾ. ಮಾನಸ ಸರೋವರಾಚೆ ಏಕ ಪರಿಕ್ರಮ (ಪ್ರದಕ್ಷಿಣ) ಕಾಡಚಾಕ ೯೨ ಕಿ.ಮೀ ದೂರ ಜಾತಾ. ಸರೋವರ ಮಧ್ಯೆಂತು ಏಕ ದಿವ್ಯ ಔಷಧಿಚೆ ವೃಕ್ಷ ಆಸೂನು ತಾಜೆ ಫಲ ದೈಹಿಕ ಆನಿ ಮಾನಸಿಕ ಚಿಕಿತ್ಸೆಕ ಯೋಗ್ಯ ಔಷಧ ಜಾವನು ಆಸ. ಬೌದ್ಧಂಗೆಲೆ ನಂಬಿಕೆ ಪ್ರಕಾರ ಉಗ್ರ ಸ್ವರೂಪ ಬುದ್ಧು ಸರೋವರಾಂತು ವಾಸ ಕರತಾ ಮ್ಹಣು ಪ್ರತಿ ವರಸ ದೇಶ ವಿದೇಶ ದಾಕೂನು ಮಾನಸ ಕೈಲಾಸ ಯಾತ್ರೆಕ ಭೊ ಸಂಖ್ಯೇರಿ ಯೆತಾಚಿ. ಸ್ವರ್ಗಾ ದಾಕೂನು ರಾತ್ರಿ ದೇವ ಗಂಧರ್ವ ಯೆವನು ಮಾನಸ ಸರೋವರಾಂತು ಪುಣ್ಯ ಸ್ನಾನ ಕರತಾಚಿ ಮ್ಹಣತಾತಿ. ಅನೇಕ ಯೋಗಿ, ಸಂತ, ಋಷಿ ಮುನಿವರ್ಯ ಹಾಂಗ ವಾಸ ಕರತಾಚಿ. ಸರೋವರಾಂತು ಅನೇಕ ಪ್ರಭೇದಾಚೆ ಮತ್ಸö್ಯ, ಜಲಚರ ಆನಿ ಪಕ್ಷಿ ವಾಸ ಕರತಾಚಿ. ರಾಜಹಂಸ ಹ್ಯಾ ಸರೋವರಾಂತು ಪೊಳೊವಚಾಕ ಮೆಳತಾ.

ಪುರಾಣ ಉಲ್ಲೇಖ ಪ್ರಕಾರ ಋಷಿವರ್ಯ ಕೈಲಾಸ ಪರ್ವತಾ ಲಾಗಿ ೧೨ ವರಸ ಅಖಂಡ ತಪಸ ಕರತಾಚಿ. ಮಹಾ ದೇವಾಲೆ ಆನಿ ಪಾರ್ವತಿಲೆ ದರ್ಶನ ಮೆಳತಾ ಋಷಿ ವರ್ಯಾಂಕ. ಸರ್ವ ಋಷಿ ವರ್ಯ ಬ್ರಹ್ಮ ದೇವಾಕ ಪ್ರಾರ್ಥನ ಕರನು ಹೆ ಪವಿತ್ರ ಸ್ಥಳಾರಿ ಉದ್ದಕ ಅವಶ್ಯ ಆಸ ಮ್ಹಣು ಬಿನ್ನಹ ಕರತಾಚಿ. ಬ್ರಹ್ಮ ದೇವು ಆಪಣೆಲೆ ಮನಃ ಶಕ್ತಿನ ವಿಶಾಲ ಸರೋವರ ಸೃಷ್ಟಿ ಕರತಾ. ತೇಚಿ ಮಾನಸ ಸರೋವರ. ಯಾತ್ರಿಕ ಹೆ ಪವಿತ್ರ ಸರೋವರಾಚೆ ಪರಿಕ್ರಮ ಪಾದ ಯಾತ್ರೆನಯಿ ಕರತಾಚಿ. ಮಾನಸ ಸರೋವರಾಚೆ ಪ್ರದಕ್ಷಿಣ ಯೆತನಾ ಪವಿತ್ರ ಕೈಲಾಸ ಪರ್ವತಾಚೆ ದರ್ಶನ ಜಾತಾ. ಸಾಬಾರ ೬೦ ಕಿ.ಮೀ ದೂರಾರಿ ಕೈಲಾಸ ಪರ್ವತು ಆಸ.

“ಮೌಂಟ್ ಕೈಲಾಸ್ ಏಕ ಅದ್ಭುತ. ಮಹಾದೇವು ಪಾರ್ವತಿ ಸಮೇತ ಹಾಂಗ ವಾಸ ಕರತಾ ಮ್ಹಣು ಆಸ್ತಿಕ ಹಿಂದೂ ಜನ ನಮಗುನು ಆಯಿಲೆಂಚಿ. ಅಪ್ರತಿಮ ಪ್ರಾಕೃತಿಕ ಸೌಂಧರ್ಯಾಚೆ ಕೈಲಾಸ ದರ್ಶನ ಮೆಳಚಾಕ ಜನ್ಮ ಜನ್ಮಾಂತರಾಚೆ ಪುಣ್ಯ ಜಾವಕಾ ಮ್ಹಣತಾಚಿ. ಕೈಲಾಸ ಪರ್ವತಾಕ ಮೇರು ಸುಮೇರು, ಹೇಮಾದ್ರಿ ದೇವ ಪರ್ವತ, ಗಾನ ಪರ್ವತ, ರತ್ನ ಸ್ತಂಭ, ಮಂಜುಶ್ರೀ ಅಶಿಂ ಅನೇಕ ನಾಂವ ಆಸಾಚಿ. ಹಿಮಾಲಯಾಚೆ ಅಸಂಖ್ಯ ಪವಿತ್ರ ಶಿಖರ ಪಯಕಿ ಕೈಲಾಸ ಪರ್ವತು ಅತಿ ಶ್ರೇಷ್ಟ ಜಾವನು ಆಸ. ಬೌದ್ಧ ಕೈಲಾಸ ಪರ್ವತಾಕ “ಕಾಂಗ್ ರಿಂಪೋಚೆ” ಮ್ಹಣತಾಚಿ.

ತಾಂಗೆಲೊ ದೇವು “ಲಾರ್ಡ್ ಡೆಮಚೊಗ್” ತ್ರಿಶೂಲ, ಡಮರು ಧಾರಣ ಕರನು ಹೆ ಪರ್ವತಾರಿ ವಾಸ ಕರತಾ ಮ್ಹಣು ತಾಂಗೆಲಿ ನಂಬಿಕಾ. ಜೈನ ಧರ್ಮಾಚೆ ಕೈಲಾಸ ಪರ್ವತಾಕ “ಅಷ್ಟಪಾದ” ಮ್ಹಣು ಮ್ಹಣತಾತಿ. ಪ್ರಥಮ ತೀರ್ಥಂಕರು ವೃಷಭನಾಥಾಕ e್ಞÁನೋದಯ ಜಾಲೆಲೊ ಜಾಗೋ ಮ್ಹಣು ನಂಬಿಕ. ಬ್ರಹ್ಮ ಪುತ್ರ, ಸಿಂಧೂ, ಸಟ್ಲೇಜ್, ಕರ್ನಾಲಿ ಅಶಿಂ ಚಾರಿ ನ್ಹಂಯಚೆ ಉಗಮ ಸ್ಥಾನ ಕೈಲಾಸ ಪರ್ವತು. ಸಮುದ್ರ ಮಟ್ಟ ದಾಕೂನು ೨೨೦೨೭ ಅಡಿ ಊಂಚಾಯೇರಿ ಆಸುಚೆ ಹೆ ಪರ್ವತಾಕ ಆಜಿ ತಾಂಯಿ ಕೊಣಯಿ ಆರೋಹಣ ಕೆಲೆಲೆ ದಾಖಲೊ / ಉದಾಹರಣ ನಾ. ದೂರ ದಾಕೂನು ಪಳಯತಾನ ಬೃಹತ ಶಿವಲಿಂಗ ಮ್ಹಣಕೆ ದಿಸತಾ. ಕೈಲಾಸ ಪರ್ವತ ಉಲ್ಲೇಖ ಸರ್ವ ಹಿಂದೂ ಪುರಾಣಾಸಂತು ದಿಸತಾ. ಭಗವದ್ಗೀತೆಂತು ಕೃಷ್ಣ ಪರಮಾತ್ಮು ಸಾಂಗತಾ “ಪರ್ವತಾಂತು ಹಾಂವ ಮೇರು” ಹೆ ಸ್ಥಳಾರಿ ದರ್ಶನ ಕರಚಾಕ ದೇವಳ, ಮಂದಿರ, ಮೂರ್ತಿ, ಗೋಪುರ ಕಸಲೆಂಯೀ ನಾ. ಕೈಲಾಸ ಪರ್ವತಾಚೆ ಆನಿ ಮಾನಸ ಸರೋವರಾಚೆ ಅದ್ಭುತ ದೃಶ್ಯ ಪಳೊವನು ಯಾತ್ರಿಕ ಮಂತ್ರ ಮುಗ್ದ ಜಾತಾಚಿ. ಪ್ರತ್ಯಕ್ಷ ಶಿವ ಸಾನಿಧ್ಯ ಹಾಂಗ ಆಸ.

ಮಹಾ ದೇವು ನಾದೋಪಾಸಕು, ಕೈಲಾಸ ಪರಿಸರಾಂತು ಸದಾಕಾಳ ಓಂ ನಾಧ ಅನುರಣನ ಜಾತ ಆಸತಾ. ವಿಚಿತ್ರ ಅನುಭವು ಯಾತ್ರಿಕ ಕೈಲಾಸ ಪರ್ವತಾಚೆ ಪರಿಕ್ರಮ (ಪ್ರದಕ್ಷಿಣ) ಕಾಡತಾಚಿ. ಪರಿಕ್ರಾಮಕ ಫೊಡೆರಿ ವಚುಯೆತ, ಭೊ ಯಾತ್ರಿಕ ಪಾದಯಾತ್ರೆರಿ ಪ್ರದಕ್ಷಿಣ ಕಾಡತಾತಿ. ಪರಿಕ್ರಮ ೩ ದಿವಸ ಲಾಗತ ೫೨ ಕಿ.ಮೀ ದೂರ ಶುರುವೇ ದಿವಸು, ೧೮ ಕಿ.ಮೀ ದುಸ್ರೆ ದಿವಸ ೨೦ ಕಿ.ಮೀ ಆನಿ ತೀಸ್ರೆ ದಿವಸು ೧೪ ಕಿ.ಮೀ ಭೊ ಕಷ್ಟಕರ ಆನಿ ಕ್ಲಿಷ್ಟಕರ ಯಾತ್ರಾ. ಮೈನಸ್ ೫ ಡಿಗ್ರಿ ೧೦ ಡಿಗ್ರಿ ಥಂಡಿ. ಪ್ರಾಣವಾಯು ಊಣೆ ಆಸ. ಐಸ್ ಫಾಲ್ ಪಾವುಸು ಅನೀರೀಕ್ಷಿತ ಹವಾಮಾನ, ಪರಮಾತ್ಮಾಲಿ ಸಂಪೂರ್ಣ ಕೃಪಾ ಕಟಾಕ್ಷ ಆಸಲೆರಿ ಮಾತ್ರ ಮಾನಸ ಸರೋವರ ಯಾತ್ರ ಪೂರ್ಣ ಕರನು ವಾಪಾಸ ಯೆವೆತ. ಪ್ರತೀ ವರಸ ಯಾತ್ರೆಕ ಆಯಿಲೆ ಥೊಡೆ ಯಾತ್ರಿಕ “ಕೈಲಾಸ” ಪಾವತಾಚಿ ! ಸಗಳೆ ಭೂಮಂಡಲಾಚೆ ಕೇಂದ್ರ ಕೈಲಾಸ ಪರ್ವತು. ಸೆಂಟರ್ ಪಾಯಿಂಟ್ ಆಫ ದ ಯೂನಿವರ್ಸ್ ಅನೇಕ ನಿಗೂಡ ವಿಷಯ ಹಾಂಗ ಆಸಚೆ ಕೈಲಾಸ ಪರಿಕ್ರಮ ವತನ “ಗೌರಿ ಕುಂಡ” ದರ್ಶನ ಮೆಳತಾ. ೧೮೫೩೬ ಫೀಟ್ ಊಂಚಾಯೇರಿ ಡೊಲ್ಮಲಾ ಮ್ಹಳೆಲೆ ಜಾಗೆರಿ ಗೌರಿಕುಂಡ ದರ್ಶನ ಅದ್ಭುತ ದೃಶ್ಯ. ಪರಿಕ್ರಮಾಚೆ ಶುರುವೇರಿ ಮಾನಸ ಸರೋವರ ಲಾಗೀಚಿ ಆನಿ ಏಕ ಸರೋವರ ಪಳೊವಚಾಕ ಮೆಳತಾ. ಹೆ ಸರೋವರ “ರಾಕ್ಷಸ ತಾಲ್”. ಭೊ ವಿಶಾಲ ಜಾವನು ಆಸ. ಜಾಲೆರಿ ಹಿಂದೂAಕ ಆನಿ ಬೌದ್ಧಂಕ ಹೆ ಸರೋವರ ಅಶುಭ ತಶಿಂ ಜಾವನು ಹೆ ಸರೋವರಾಂತು ಸ್ನಾನ ಕರನಾಚಿ.

ಪ್ರಕೃತಿ ವಿಕೋಪ, ರಾಜಕೀಯ ಕಾರಣ ನಿಮಿತ ೨೪ ವರಸ ೧೯೫೪ – ೧೯೭೮ ಮಾನಸ ಸರೋವರ ಕೈಲಾಸ ಯಾತ್ರಾ ರಾಬೂನು ಗೆಲೆಲಿ. ಸದೃಡ ಶರೀರ, ಉತ್ತಮ ಆರೋಗ್ಯ, ದೃಢ ಸಂಕಲ್ಪ ಆನಿ ಬದ್ಧತ ಆನಿ ಪರಮಾತ್ಮ ವಯರಿ ನಂಬಿಕ ಶ್ರದ್ಧಾ ಆಶಿಲೇಂಕ ಮಾತ್ರ ಹಿ ಯಾತ್ರ ಸಾಧ್ಯ. ತಸಲೆ ಅದಮ್ಯ ಇಚ್ಛಾ ಶಕ್ತಿ ಆಶಿಲೆ ಹೆ ಮಹಾನ ಯಾತ್ರಿಕ ಭಾಯರ ಸರತಾಚಿ. ಯಾತ್ರೆಕ ತಯಾರಿ ಸಾಬಾರ ೬ ಮ್ಹಯನೆ ಫುಡೆಚಿ ಶುರು ಜಾತಾ. ಘರವಾಲ ಮಂಡಳ ವಿಕಾಸ ನಿಗಮ ಯಾ ಭಾರತ ಸರಕಾರ ೧೯೮೧ ಲಾಗೂನು ಪ್ರತೀ ವರಸ ಕೈಲಾಸ ಮಾನಸ ಸರೋವರ ಯಾತ್ರ ಆಯೋಜನ ಕರತಾಚಿ. ಪ್ರತೀ ವರಸ ಯಾತ್ರೆ ವಿಷಯು ವಿಸ್ತಾರ ಜಾವನು ದೂರದರ್ಶನ ಆನಿ ಪ್ರಮುಖ ವಾರ್ತಾ ಪತ್ರಿಕೆಂತು ಜಾಹೀರಾತ ಯೆತಾ. ಆನಲೈನ್ ವಚೂನ ಅರ್ಜಿ ಘಾಲಚಾಕ ಜಾತಾ. ಸರಕಾರಾನ ಆಯೋಜನ ಕರಚೆ ಕೈಲಾಸ ಮಾನಸ ಸರೋವರ ಯಾತ್ರಾ ಭೊ ಕಟ್ಟ ನಿಟ್ಟಾರಿ ಚಲತಾ. ೨೭ ದಿವಸ ಲಾಗತಾ. ಹೀ ಯಾತ್ರಾ ಫಕತ ಜೂನ್, ಜುಲಾಯಿ, ಆಗಸ್ಟ ಆನಿ ಸಪ್ಟಂಬರ ಅಶಿಂ ೪ ಮ್ಹಯನೆ ಚಲತಾ. ನವದೆಹಲಿ ದಾಕೂನು ನೈನಿತಾಲ್ ಜಿಲ್ಲೆಂತು ಕಾಟ ಗೋದಾರಿ ಭವಾನಿ ಅಲ್ಮೋರಾ, ಬಾಗೇಶ್ವರ, ಚಾಕೋರಿ, ದಾರಚೂಲ, ಗಾಲಾ, ಬುಧಿ, ಗುಂಜಿ, ಕಾಲಾಪಾನಿ, ಲಿಪುಲೆಕ್, ತಾಕಲಕೋಟ್ ಜಾವನು ಮಾನಸ ಸರೋವರ ಪಾವತಾಚಿ. ಸಾಬಾರ ಗಾಂವು ಚಮಕೂನು ವಚೂಕಾ.

ಐಟಿಬಿಪಿ ಹಾಜೆ ಜವಾನ ಯಾತ್ರಿಂಕ ಜಾವಕ ಜಾಲೆಲೊ ನದದ ದಿತಾಚಿ. ವಿದೇಶ ಸಚಿವಾಲಯಾ ದಾಕೂನು ಜಾಯಿಂಟ್ ಸೆಕ್ರೆಟರಿ ರ‍್ಯಾಂಕಾಚೊ ಏಕು ಆಫಿಸರ್ ಆಮಗೆಲೆ ಗ್ರೂಪ್ ಸಾಂಗತಿ ಯೆತಾ. ವ್ಯವಸ್ಥಿತ ಯಾತ್ರಾ ಖಾಣ, ಜೇವಣ ಆರೋಗ್ಯ ತಪಾಸಣ ಇತ್ಯಾದಿಕ ಪ್ರಾಥಮಿಕತ ದಿತಾಚಿ. ಪ್ರತೀ ಏಕ ಯಾತ್ರಿಕ ಉತ್ತಮ ಆರೋಗ್ಯ ವಿಷಯಾಂತು ಕಾಳಜಿ ದವರನು ಘೆವಕಾ. ಯಾತ್ರೆ ಖರ್ಚು ಸಾಬಾರ ೧ ಲಾಖ ರುಪಯೊ ಜಾತಾತಿ. ಆಯೋಗ್ಯ ತಪಾಸಣಾಂತು ಚಡ ಊಣೆ ಆಶಿಲೆಂಕ ಯಾತ್ರಾ ಕರಚಾಕ ಅವಕಾಶ ಮೆಳನಾ. ಯಾತ್ರಾ ವತ ಆಸತಾನಾಯಿ ಹೆಲ್ತ್ ಚೆಕಪ್ ಜಾತ ಆಸತಾ. ಆರೋಗ್ಯ ಸಮಸ್ಯಾ ಆಯಿಲೆರಿ ತೆ ಯಾತ್ರಿಂಕ ವಾಪಾಸ ಪೆಟೋನು ದಿವಚೆ ವ್ಯವಸ್ಥ ಕರತಾಚಿ. ಸಾಟಿ (೬೦) ವರಸ ಪ್ರಾಯೆಚಾಂಕ ಅವಕಾಶ ಮೆಳಚೆಂ ಭೊ ಕಷ್ಟ. ಆಜಿಕಯಿ ನೇಪಾಳಾಂತು ಭಾರತಾಂತು ತಶೀಂಚಿ ಅನೇಕ ದೇಶ ದಾಕೂನು ಕೈಲಾಸ ಮಾನಸ ಸರೋವರ ಯಾತ್ರಾ ನೇಪಾಳ ವಾಟೆನಿ ಆಯೋಜನ ಜಾತಾ. ಖರ್ಚು ಸ್ವಲ್ಪ ಚಡ ಜಾಲೆರಿ ಚಮಕೂನ ವಚಾಕ ಸಾಬಾರ ನಾ. ಕಾಠ್ಮಂಡು-ಕೊಡಾರಿ - ಝಾಂಗಮು ವಾಟ್ಟೆರಿ ಟೊಯೊಟಾಚೆ ಲ್ಯಾಂಡ್ ಕ್ರುಸರ್ ಫೋರ ವ್ಹಿಳ್ ಡ್ರೆöÊವ್ ವಾಹನಾರಿ ಯಾತ್ರಾ ಆಯೋಜನ ಜಾತ್ತಾ. ಆಮಗೆಲೆ ಗ್ರೂಪ್ ೨೦೦೩ ಇಸವಿಂತು ಜುಲಾಯಿ ಮ್ಹಯನ್ಯಾಂತುA ಕಾಠ್ಮಂಡು - ನೇಪಾಳ ವಾಟೇರಿ ಮಾನಸ ಸರೋವರ ಕೈಲಾಸ ಯಾತ್ರಾ ಕರನು ಆಯಿಲಿಂಚಿ.

ಮಾನಸ ಸರೋವರ ಕೈಲಾಸ ಯಾತ್ರಾ ಕರಚೆ ಭಾಗ್ಯ ಮಾಕ ಪ್ರಾಪ್ತ ಜಾತಲೆ ಮ್ಹಣು ಹಾಂವೆ ಕನ ಮನಾಂತು ಲೆಕನಿ ಆಶಿಲೆ. ಪರಮಾತ್ಮಾಲಿ ದಯಾ ಮ್ಹಾಲ್ಗಡಲೊ ಆಶೀರ್ವಾದು ಆನಿ ಜನ್ಮ ಜನ್ಮಾಂತರಾಚೆ ಪುಣ್ಯ ಫಲ ಮ್ಹಣು ಲೆಕತಾ ಹಾಂವ.

೨೦೦೩ ಮಾರ್ಚ ಏಕ ದಿವಸು ಪುತ್ತೂರಾ ದಾಕೂನು ಡಾ|| ಗೌರಿ ಪೈನ ಫೋನು ಕರನು ಹಾಂವ ಮಾನಸ ಸರೋವರ ಕೈಲಾಸ ಯಾತ್ರೆಕ ವತಾ ಆಸ. ತೂಂವಯೀ ತಯಾರಿ ಕರಿ ಮ್ಹಣು ಮ್ಹಣಾಲಿ. ಮಾಕಾ ಕಸಲೆಂ ಉತ್ತರ ದಿವಕಾ ಮ್ಹಣು ಮನಾಕ ವಚನಿ. ಹಾಂವ ತುಕಾ ಫಾಯಿ ಸಾಂಗತಾ ಮ್ಹಣು ಸಾಂಗಲೆ.

ಏಕ ವರಸ ಮಾಕ್ಷಿ ೨೦೦೨ ಜುಲಾಯಿ ಮ್ಹಹಿನೆಂತು ಶ್ರೀಕಾಂತ್ ಟ್ರಾವೆಲ್ಸ್ ಬೆಂಗಳೂರು ಹಾಂನಿ ಆಯೋಜನ ಕೆಲೆಲೆ ಮಾನಸ ಸರೋವರ ಯಾತ್ರೆಕ ತೀ ಚಮಕಲೆಲಿ. ಜಾಲೆರಿ ಮಾನಸ ಸರೋವರ ಪಾವಚೆ ಏಕು ದಿವಸು ಫುಡೆ “ಪರಯಾಂಗ್” ಮ್ಹಳಲೆ ಕಡೆನ ಬ್ರಹ್ಮಾಪುತ್ರಾ ನ್ಹಂಯAತು ಅಕಸ್ಮಾತ್ ವುವಾರು ಆಯಿಲೆ ನಿಮಿತ ತಾಂಗೆಲೆ ಸಗಳೆ ಯಾತ್ರಾ ತಂಡ ವಾಪಾಸ ಆಯಿಲೆ. ಹೆರ ವರಸ ವಾಪಾಸ ತೇಚಿ ಶ್ರೀಕಾಂತ ಟ್ರಾವೆಲ ಲಾಗಿ ಯಾತ್ರೆ ವಿವರ ಹಾಡೋನು ವಾಪಾಸ ವಚಾಕ ತಯಾರಿ ಪ್ರಾರಂಭ ಕರನು ಮಾಕಯಿ ನಿಮಗಿಲೆಲೆ.

ಹಾಂವೆ ತಿಕಾ ಸಾಂಗಿಲೆ ಕೀ, ಮಾಕ ಪೂರಾ ನಮೂನೆರಿ ಅನಾನೂಕೂಲ ಆಸ. ಮುಖ್ಯ ಜಾವನು ಮೆಗೆಲೊ ಪಾಸಪೋರ್ಟ ಎಕ್ಸ್ಪಯರ್ ಜಾಲಾ ಆನಿ ಯಾತ್ರೆ ಖರ್ಚು ಸಾಬಾರ ಏಕ ಲಾಖ ರುಪಾಯಿ ಜಾತಾ ತೆ ಮೆಗೆಲೆಗ ನಾ, ವ್ಯವಸ್ಥಾ ಕರಚಾಕಯಿ ವಾಟನಾ, ಅನೇಕ ಸಮಸ್ಯಾ ಆಸ. ದುಸರೆ ಕೊಣಕಯಿ ನಿಮಗಿ, ಹೆ ವರಸ ಅಸಾಧ್ಯ ಮ್ಹಣು ಮೆಗೆಲಿ ಪರಿಸ್ಥಿತಿ ತಿಕಾ ವಿವರ ಜಾವನು ಸಾಂಗಲೆA. ಹೆರ ದಿವಸು ತೀ ಮಂಗಳೂರಾಕ ಆಮಗೆಲೆ ಘರಾ ಯೆವನು ಯಾತ್ರೆ ವಿಷಯು ವಿಷದ ಜಾವನು ಮಾಕಾ ಕಳಯಿಲೆ. ತೂಂವೆ ಕಸಲೆ ವಿಷಯಾಂತು ಚಿಂತ ಕರಕಾ ಮ್ಹಣು ನಾ ಪೂರಾ ಹಾಂವ ಪಳಯತಾಂ, ಆಜೀಚಿ ಪಾಸಪೊರ್ಟ ಅರ್ಜಿ ಘಾಲಿ ಮ್ಹಣು ಮ್ಹಣಾಲಿ. ಪೂರಾ ದೈವ ಸಂಕಲ್ಪ. ಬಹುಶಃ ಮಹಾ ದೇವಾಲೊ ”ಬುಲಾವ್” ಆಯಲಾ, ಮಾನಸ ಸರೋವರ ಕೈಲಾಸ ದರ್ಶನಾಚೊ ಸುಯೋಗು ಆಯಲಾ ಮ್ಹಣು ದಿಸಲೆಂ. ಯಸ್, ಮ್ಹಣು ತೇಚಿ ದಿವಸು ಪಾಸ್‌ಪೋರ್ಟ ಅರ್ಜಿ ಪೆಟಯಿಲಿ. ಗೌರಕ್ಕಾನಚಿ ಟ್ರಾವೆಲ್ ಏಜೆಂಟಾಕ ಪೇಮೆಂಟಯೀ ಕೆಲೆಂ. ೪೫ ದಿವಸ ಭಿತ್ತರಿ ಪಾಸ್ಪೋರ್ಟ ಆಯಲೊ. ಮಾನಸ ಸರೋವರ ಕೈಲಾಸ ಯಾತ್ರೆಕ ತಯಾರಿ ಪ್ರಾರಂಭ ಜಾಲಿ. ಭಾರತ ಸರಕಾರಾನ ಪ್ರತೀ ವರಸ ಆಯೋಜನ ಕರಚೆ ಮಾನಸ ಸರೋವರ ಕೈಲಾಸ ಯಾತ್ರಾ ಕಟ-ನಿಟಾರಿ ಚಲತಾ. ತೀ ಯಾತ್ರಾ ವಿಂಗಡ ರೂಟಾರಿ ವತಾ. ಆಮಗೆಲಿ ಯಾತ್ರಾ ನೇಪಾಳ ವಾಟೆನಿ ಆಯೋಜನ ಜಾತಾ.

ಹಿ ಯಾತ್ರಾ ಭೊ ಕಠಿಣ ೫೦-೫೫ ವರಸ ಪ್ರಾಯ ಜಾವಚೆ ಫುಡೆಚಿ ಹಿ ಯಾತ್ರಾ ಕರಕಾ. ಆರೋಗ್ಯ ಸಮಸ್ಯಾ ಆಶಿಲೆನಿ ಅಗತ್ಯ ಜಾವನು ವೈದ್ಯಾಲಿ ಸಲ್ಲಾ ಘೇವನು ವಚೂಕಾ. ಅಸಾಧ್ಯ ಥಂಡಿ, ಲೋ ಆಕ್ಸಿಜನ್ ಕೆಲವು ಕಡೆನ ಶ್ವಾಸು ಘೆವಚಾಕ ಕಷ್ಟ ಜಾತಾ. ಅಸಿಡಿಟಿ, ತಾಪು, ಆಂಗಾದೂಕಿ, ಜೋಯಿಂಟ್ ಪೈನ್, ಲೂಸ್ ಮೋಶನ್, ಅಜೀರ್ಣ, ಮಸಲ್ ಪುಲ್ಲ್, ಕೋಲ್ಡ್ & ಕಫ್, ಹೆಡ್ ಏಕ್ ಇತ್ಯಾದಿ ಆರೋಗ್ಯ ಸಮಸ್ಯಾ ಯೆತಾ. ಪೂರ ನಮೂನೆಚೆ ಔಷದ ಮಾತ್ರಾ ಇಂಜೆಕ್ಷನ್ ತಯಾರ ದವರನು ಘೆವಕಾ. ವಾತಾವರಣ ಹವಮಾನ ತಾತ್ತಾವಳಿ ಬದಲ ಜಾತಾ ಆಸತಾ. ಕಸಲೀ ಗ್ಯಾರಂಟೀ ನಾ. ಜಾಕೆಟ್ ಥರ್ಮಲ್ ಲೇಯರ್, ವೂಲನ್ ಆನೀ ಕಟನ್ ಸಾಕ್ಸ್, ಹ್ಯಾಂಡ್ ಗ್ಲವ್ಸ್, ರೈನ್ ಕೋಟ್, ಸಾತ್ತೆಂ, ಟರ‍್ಚ್, ಫ್ಲಾಸ್ ಲೈಟ್, ಸನ್ ಕ್ರೀಮ್, ಪಕೆಟ್ ನೈಫ್, ವಿಕ್ಸ್ ಇನ್ ಹೇಲರ್ ಅಶೀಂ ಅನೇಕ ಸಾಮಾಗ್ರಿ ಆಮಗೆಲಾಗಿ ರೇಡಿ ಆಸೂಕಾ.

ಖಾಣ ಜೇವಣಾಚೆ ವಿಷಯಾರಿ ಭೊ ಜಾಗ್ರತ ಆಸೂಕಾ. ಟ್ರಾವೆಲ್ ಎಜೆಂಟ್, ಸಕಾಳಿಚೊ ಫಳಾರ, ದೋನಪಾರಚೆಂ ಜೇವಣ, ರಾತಿ ಜೇವಣ, ಕಾಫಿ, ಚಾ, ಪಿವಚಾಕ ಉದಾಕ ವ್ಯವಸ್ಥ ಕರತಾ. ಆಮಗೆಲೆ ಒಟ್ಟು ಟ್ರಕ್ಕಾರಿ ಯೆವಚೆ ಶೆರ್ಫಾ ರಾಂದಪ ಕರತಾಚಿ. ಆಮಿ ಡೈ ಫ್ರುಟ್ಸ್, ಬಿಸ್ಕಿಟ್, ಸ್ವೀಟ್ಸ್ ಧರನು ಘೆವಕಾ. ವಾಂಚೆ ಖಾತಿರಿ ಮಾತ್ರ ಖಾವಕಾ. ಸ್ವಲ್ಪ ಚಡ ಊಣೆ ಜಾಲೆರಿ ಅಜೀರ್ಣ ಜಾವಚೆ ಸಾಧ್ಯತಾ ಆಸ. ರಾತ್ರಿ ರಾಬಚಾಕ ಹೈ ಎಲ್ಟಿಟ್ಯೂಡ ಟೆಂಟ್ಸ್, ಹಾಂತೂಳA ಆನೀ ಸ್ಲಿಪೀಂಗ್ ಬ್ಯಾಗ್ ವ್ಯವಸ್ಥಾ ಕರತಾಚಿ. ಜಾಲೆರಿಯಿ ಥಂಡಿ ತಡಸುನು ಘೆವಚಾಕ ಜಾಯನಾ. ಮೈನಸ್ ೫-೧೫ ಡಿಗ್ರಿ. ಸಾಧ್ಯ ಆಶಿಲೆ ತಿತಲೆ ಮೌನ ಆಸೂನು ಧ್ಯಾನ ಜಪ, ದೇವಾಲೆ ನಾಮ ಸ್ಮರಣ ಪ್ರಾಣಯಾಮ ಕರತ ಆಸಲೆರಿ.

ಚಾಂಗ ಬೀಡಿ, ಸಿಗರೇಟ್, ಮಧ್ಯಪಾನ, ಡ್ರಗ್ಸ್, ಬಿಲ್‌ಕುಲ್ ನಿಷೇದ. ಗ್ರೂಪಾಚೆ ಸರ್ವ ಸದಸ್ಯಾನಿ ಏಕ ಮೆಳೆರಿ ಅಗತ್ಯ ಆಶಿಲೆಂಕ ಸಹಾಯ ಕರನು ಆಸೂಕಾ. ಹೆ ಯಾತ್ರೆಂತು ಪ್ರತಿ ಹೆಜ್ಜೆರಿ ಅನಿಶ್ಚಿತತಾ ಆಸ. ಕೆದನಾ ಕಸಲೆ ಜಾಯತ ಮ್ಹಣು ಸಾಂಗೂಕ ಜಾಯನಾ. ಚೀನಾ-ಟಿಬೆಟ ಪ್ರದೇಶ ಪ್ರವೇಶ ಜಾತರಿ ಚೀನಾ ಸರಕಾರಾಚೆ ರೂಲ್ಸ್ ಲಾಗು ಜಾತಾ. ವಾಟೆರಿ ವಿಪರೀತ ಹವಮಾನ, ಭೂ ಕುಸಿತ, ಅವಘಡ, ಅಪಘಾತ, ಹಿಮಪಾತ, ಪಾವುಸು, ವುವಾರು, ರೋಡ್ ಬ್ಲಾಕ್, ರಾಜಕೀಯ ಸಮಸ್ಯಾ ಯೆವಚೆ ಸಾಧ್ಯತಾ ಚಡ ಆಸ. ಹೆ ಪ್ರದೇಶಾಂತು ನಾಗರಿಕತಾ ಆನಿಕಯಿ ವಾಡನಿ. ವಾಟೆರಿ ಭಾರಿ ಪರ್ವತ, ನ್ಹಂಯಿ, ಸರೋವರ ಜಲಪಾತ, ಪೀಠಭೂಮಿ, ಮರುಭೂಮಿ, ರಸ್ತೋ ನಾ. ರಾತ್ರಿ ರಾಬಚೆ ಅತಿಥಿ ಗೃಹಾಂತು ಸೌಕರ್ಯ ನಾ. ಟೋಯಿಲೆಟ್ ಅವಸ್ಥ ಸಾಂಗಚೆ ತಶಿ ನಾ. ಅಂತೂ ಹಿ ಯಾತ್ರಾ ಏಕ ಹೋಡು ಸಾಹಸು. ಹಾತಾಂತು ಇತರ ಖರ್ಚಾ ಖಾತಿರ ಕ್ಯಾಶ್ ಧರನು ಘೆವಕಾ. ಹೆಲ್ತ್ ಆನಿ ರ‍್ಸನಲ್ ಎಕ್ಸಿಡೆಂಟ್ ಇನ್ಶೂರೆನ್ಸ್ ಕರಕಾ. ಆಮಗೆಲೆ ಗ್ರೂಪಾಚೆ ವಿಸಾ ಇತ್ಯಾದಿ ತಯಾರ ಜಾವನು ಜುಲಾಯಿ ೬ ತಾರಿಕೇಕ ಭಾಯ್ರ ಸರಚೆಂ ಮ್ಹಣು ನಿಶ್ಚಯ ಜಾಲೆಂ. ಒಟ್ಟು ೧೮ ದಿವಸ ಯಾತ್ರಾ ಪುತ್ತೂರ ಮಹತೋಭಾರ ಮಹಾಲಿಂಗೇಶ್ವರ ಆನಿ ಲಕ್ಷಿö್ಮÃ ವೆಂಕಟರಮಣಾಲೆ ಸನ್ನಿಧಿಂತು ಪೂಜಾ ಪ್ರಾರ್ಥನ ಕರನು ಯಾತ್ರಾ ಯಶಸ್ವಿ ಜಾವಚೆ ಖಾತಿರ ಪ್ರಸಾದ ಘೆವನು ಬೆಂಗಳೂರಾಕ ಭಾಯ್ರ ಸರಲಿಂಚಿ. ಬೆಂಗಳೂರ ಪಾವನು ವಿಮಾನಾರಿ ಕಾಟ್ಮಂಡು ಯೆವನು ಹೋಟೆಲಾಂತು ವಾಸ್ತವ್ಯ. ದೋನ ದಿವಸ ಕಾಟ್ಮಂಡು ದರ್ಶನ. ನೇಪಾಳಾಚೆ ಜಗತ್ಪçಸಿದ್ಧ ಸಿದ್ಧಶ್ರೀ ಪಶುಪತಿನಾಥ ದೇವಳ ಭೇಟಿ. ಶ್ರೀ ಸ್ವಯಂಭೂ ನಾಥ ಆನಿ ಇತರ ಪ್ರಮುಖ ದೇವಳ ದರ್ಶನ ಕರನು ವಾಪಾಸ ಹೋಟೆಲಾಕ ಯೆವನು ಲಂಚ್ ಜಾತರಿ ಟ್ರಾವೆಲ ಏಜೆಂಟಾಲೆ ಬ್ರಿಫಿಂಗ್ ಸೆಶನ್ ಜಾಲೆಂ. ಯಾತ್ರೆ ವಿವರ ಪೂರಾ ೫೨ ಜನ ಗ್ರೂಪ ಸದಸ್ಯಾಂಕ ವಿವರಶಿಲೆ. ಪರಸ್ಪರ ಪರಿಚಯ ಜಾಲೆ. ಆಮಗೆಲೆ ಗ್ರೂಪಾಂತು ಕರ್ನಾಟಕ ಆನಿ ಆಂಧ್ರಪ್ರದೇಶ ದಾಕೂನು ಆಯಿಲೆ ಸದಸ್ಯ ಆಶಿಲೆ. ಆಂಧ್ರಾಚೆ ದೋಗ ಜನ ಡಾಕ್ಟರ್ ಆಶಿಲೆ.

ಹೇರ ದಿವಸು ಸಕಾಳಿ ಕಾಟ್ಮಂಡು ದಾಕೂನು ೧೦೦ ಕಿ.ಮೀ ದೂರ ನೇಪಾಳ ಟಿಬೆಟ ಗಡಿಯೆರಿ ಸ್ಥಿತ ಕೊಡಾರಿ ಮ್ಹಳೆಲೆ ಗಾಂವಾಕ ಪಾವುನು ಥಂಯಿ ಮನೋಕಾಮನಾ ಗೆಸ್ಟ್ ಹೌಸಾಂತುA ರಾತ್ರಿ ವಾಸ್ತವ್ಯ. ಹೆರ ದಿವಸು ಕೊಡಾರಿ ಗಾಂವಾ ದಾಕೂನು ೨೦ ಕಿ.ಮೀ ಪಯಣ ಕರನು ನೇಪಾಳ – ಚೀನಾ ಸರ ಹದ್ದಾರಿ ಆಸಚೆ ಫ್ರೆಂಡಶಿಪ್ ಬ್ರಿಡ್ಜಾರಿ ಆಯಲಿಂಚಿ. ಸಾಬಾರ ೬೦ ಫೀಟ ಲಾಂಬ ಆಶಿಲೆ ಬ್ರಿಡ್ಜ್ಚೆ ಪೆಲತಡಿ ರಿಪಬ್ಲಿಕ್ ಆಫ್ ಚೀನಾ ಮ್ಹಣು ಚೀನಿ ಲಿಪಿರಿ ಬರÀಯಲಾಂ. ಹಾಂಗಾ ಬೋರ್ಡರ್ ಸೆಕ್ಯೂರಿಟಿ ಆಫೀಸಾಂತು ಪಾಸ್ ಪೋರ್ಟ, ವಿಸಾ, ಲಗೇಜ್ ಇತ್ಯಾದಿ ತಪಾಸಣ ಜಾತರಿ ಮುಕಾರಸೂನು ಟಿಬೇಟಾಂತು ಪ್ರವೇಶ ಕರಚಾಕ ಸೊಡತಾತಿ. ಆಮಿಗೆಲ್ಲೆಲೆ ತೆದನಾ ಎಚ್ ೧ ಎನ್ ೧ ಮಹಾಮಾರಿ ಹೆ ಪ್ರದೇಶಾಂತು ವ್ಯಾಪಕ ಜಾವನು ಆಶಿಲೆ ನಿಮಿತ್ತ ಆರೋಗ್ಯ ತಪಾಸಣಯಿ ಕರತ ಆಶಿಲಿಂಚಿ. ಫಕ್ಕನೆ ಖಂಚೆ ಯಾತ್ರಿಕಾಂತು ಹೆ ರೋಗಾಚೆ ಲಕ್ಷಣ ದಿಸಲೆಂ ತಾಕಾ ವ್ಹಿಂಗಡ ದವರತಲಿಂಚಿ. ಹೆ ಆಫೀಸಾಂತು ಆಶಿಲೆ ಚೀನಿ ಆಫಿಸರ, ಸಿಬ್ಬಂಧಿ ಭೊ ಒರಟು ಸ್ವಭಾವಾಚೆ. ನಿರ್ಧಯಿ ಆನಿ ಅಸಹಕಾರಿ. ದೇವಾಲೆ ದಯೆನಿ ಆಮಗೆಲೆ ಸರ್ವ ಸದಸ್ಯ ಆತಂಕಾ ದಾಕೂನು ಪಾರ ಜಾಲೆಚಿ.

ಮುಕಾರಿ ಟೋಯೊಟಾ ಲ್ಯಾಂಡ್ ಕ್ರುಸರ್ ೪೫೦೦ ಸಿ.ಸಿ. ಓರ್ ವ್ಹೀಲ್ ಡ್ರೆöÊವ್ ವಾಹನಾರಿ ಪಯಣ. ಟಿಬೇಟಿಯನ್ ಚಾಲಕ. ಇಂಗ್ಲಿಷ್ ಹಿಂದಿ ಕೋಣಾಕಯೀ ಭಾಲನಾ. ಏಕ ಲ್ಯಾಂಡ ಕ್ರೂಸರಾರಿ ಫಕತ ೪ ಲೋಕ. ಆಮಕಾ ೫೨ ಲೋಕಾಂಕ ೧೩ ವಾಹನ. ಸಾಂಗತ ಏಕ ಮಿನಿ ಟ್ರಕ್. ತಾಂತುA ೨೩ ಶೆರ್ಪಾ ಲೋಕ. ಟೆಂಪಾಚೆ ಸಾಮಾಗ್ರಿ ರಾಂದಪ, ಆಯದನ, ಸಾಮಾನ ಪೂರಾ ಹೆ ಟ್ರಕಾರಿ ಯೆತಾ. ಫ್ರೆಂಡಶಿಪ್ ಬ್ರಿಡ್ಜ್ ದಾಕೂನು ೮ ಕಿಮೀ ನೋಮಾನ್ಸ್ ಲ್ಯಾಂಡ್. ಘಾಟ ರೋಡಾರಿ ಪಯಣ ಕರನು ಟಿಬೇಟಾಚೆ ಪ್ರಥಮ ಗಾಂವು ಜುಂಗ್ ಮೂ ಪಾವಲಿಂಚಿ. ಹೆ ಚೀನಾ ದೇಶಾಂತು ಆಸ. ಹಾಂಗಾಚಿ ಆಮಿ ಹಾಳೆಲಿ ಇಂಡಿಯನ್ ಕರೆನ್ಸಿ ಚೀನಾಚೆ ಯವಾನಕ ಚೇಂಜ್ ಕರನು ಘೆವಕಾ. ಆಮಗೆಲೆ ರೂ. ೧೦೦೦ ಕ ಚೀನಾಚೆ ೧೫೪ ಯುವಾನ ಮೆಳತಾ. ಹೆ ಗಾಂವಾAತು ಖಾಸಗಿ ಮನಿ ಚೇಂರ‍್ಸ್ ಭೊ ಜನ ಆಸಚಿ. ಆಮಕಾ ಜಾವಕಾ ಜಾಲೆಲೆ ಕರೆನ್ಸಿ ಎಕ್ಸ್ಚೇಂಜ್ ಕರನು ಘೆವನು ಥಂಯಿ ದಾಕೂನು ಸಾಬಾರ ೩೦ ಕಿ.ಮೀ ಪಯಣ ಕರನು ನ್ಯಾಲಂ ಗಾಂವಾAಕ ಪಾವಲಿಂಚಿ. ರಾತ್ರಿ ೮:೦೦ ಗಂಟೆಕ ನ್ಯಾಲಂ ಹೋಟೇಲಾಂತು ಆಮಗೆಲೆ ರಾತ್ರಿ ವಾಸ್ತವ್ಯ. ಸಗಳೊ ಗಾಂವು ಗಲೀಜ ಆನಿ ಗಾಂವ ಭರಿ ದುರ್ವಾಸನಾ. ನ್ಯಾಲಂ ಗಾಂವಾAತು ಹವೋ ಸಮಝೂನ ಘೆವಚಾಕ ಏಕ ದೀವಸಾಚೆಂ ವಾಸ್ತವ್ಯ. ಅಶಿಂ ತಶಿಂ ಆಮಗೆಲೆ ಯಾತ್ರೆಚೆ ೫ ದಿವಸ ಕಳವಲೆ. ಮುಕಾವಯಿಲೆ ದಿವಸು ನ್ಯಾಲಂ ಗಾಂವಾ ದಾಕೂನು ೨೨೧ ಕಿ.ಮೀ ಪಯಣ. ಪೈಗುಸ್ತೋ ಗಾಂವಾAಕ ೮:೦೦ ಗಂಟೆ ಡ್ರೆöÊವ್ ಕರನು ಥಂಯಿ ರಾತ್ರಿ ಕ್ಯಾಂಪ್.

“ನ್ಯಾಲಂ ಕ್ಯಾಂಪ್ ದಾಕೂನು ಸಕಾಳಿ ೭:೦೦ ಗಂಟೆಕ ಆಮಗೆಲೆ ಯಾತ್ರಿಕ ವೃಂದ ಭಾಯರ ಸರಲೆ. ವಿಪರೀತ ಥಂಡಿ. ಸಾಂಜವೇಳ ಭಿತರಿ ೨೨೧ ಕಿ.ಮೀ ಪ್ರಯಾಣ ಕರನು “ಪಯಿಗಸ್ತೊ” ಕ್ಯಾಂಪ್ ಪಾವಕಾ. ಹೆ ಪ್ರದೇಶಾಂತು ಪರ್ವತ, ರಾನ, ಜಲಪಾತ, ನ್ಹಂಯಿ ಕಸಲೆಂಯಿ ನಾ, ವಿಶಾಲ ಜಾವನು ಆಶಿಲೆ. ಪೀಠ ಭೂಮಿ. ರಸ್ತೋ ನಾ. ಹೆ ಟಿಬೇಟಿಯನ್ ವಾಹನ ಚಾಲಕ ಅಭ್ಯಾಸ ಬಲಾರಿ, ಅಂದಾಜೆರಿ ಡ್ರೆöÊವ್ ಕರತಾತಿ. ಪ್ರಕೃತಿಚೆ ಆನಿಯೆಕ ರೂಪ ಹಾಂಗ ಪಳೊವಯೆತ. ಚಾರಿ ದಿಕಾನಯಿ ಗ್ರೀನರಿ ದಿಸನಾ. ಶುಷ್ಕ ವಾತಾವರಣ. ಪ್ರಾಣ ವಾಯು ಊಣೆ ಜಾತ ಆಸತಾ. ಶ್ವಾಸು ಘೆವಚಾಕ ಕಷ್ಟ. ಉಲ್ಲಯಲೆರಿ ಆಯಾಸು. ಆಮಗೆಲೆ ಸಾಂಗತ ಆಂಧ್ರಾಚೆ ದೋಗ ಜನ ಡಾಕ್ರ‍್ಸ್ ಆಶಿಲೆಚಿ. ಅಗತ್ಯ ಆಶಿಲೆಂಕ ಪರೀಕ್ಷ ಕರನು ಔಷದ ದಿತ ಆಶಿಲಿಂಚಿ. ಪ್ರಾಣಾಯಾಮ ಕರಚಾಕ ಅಡ್ವೆöÊಸ್ ಕರತ ಆಶಿಲೆ. ರಾತ್ರಿಚೆ ವಿಪರೀತ ಥಂಡಿ, ದಿಸಾಚೆ ವಿಪರೀತ ಹೀಟ್. ಉದಾಕ ಪಿತಾಚ ರಾಬೂಕಾ, ನಾ ಮ್ಹಣು ಜಾಲ್ಯಾರಿ ಡಿ ಹೈಡ್ರೆಶನ್ ಜಾವನು ಪ್ರಯಾಣ ಕರಚಾಕ ಕಷ್ಟ. ಸಾಬಾರ ೧೨:೩೦ ಗಂಟೆಕ ‘ಪಿಕು’ ಮ್ಹಳೆಲೆ ಗಾಂವಾಕ ಪಾವನು ಥಂಯಿ ಫಳಾರು ಕರನು ವಿಶ್ರಾಂತಿ ಘೆತಲಿ. ಹೆ ಜಾಗೆರಿ ಏಕಿ ನ್ಹಂಯಿ ಹೊಳತ ಆಶಿಲಿ. ಸಾಬಾರ ೭:೩೦ ಗಂಟೆಕ ಆಮೀ ಪಾವಕಾ ಜಾಲೆಲೆ ಕ್ಯಾಂಪ್ ‘ಪಯಿಗುಸ್ಟೊ’ಕ ಪಾವಲಿಂಚಿ. ರಾತಿ ಗುಡಾರಾಂತು (ಟೆಂಟ್) ವಾಸ್ತವ್ಯ. ಸಹಿಸುಚಾಕ ಅಸಾಧ್ಯ ಥಂಡಿ. ಹೆರ ದಿವಸು ಸಕಾಳಿ ಪ್ರಯಾಣ ಮುಕಾರಸುನು ೭:೦೦ ಗಂಟೆ ಪ್ರಯಾಣ “ಸಾಗಾ” ಕ್ಯಾಂಪಾಕ.

“ಸಾಗಾ” ಗಾವಾಂಕ ಪಾವಚೆ ಫುಡೆ “ಬ್ರಹ್ಮಪುತ್ರಾ” ನ್ಹಂಯಚೆ ದರ್ಶನ ಜಾತಾ. ಹೆ ಜಾಗೆರಿ ಬ್ರಹ್ಮಪುತ್ರಾ ಕ್ರಾಸ್ ಕರಕಾ. ಆಮಗೆಲೆ ಭಾರತಾಂತು ಪ್ರಸಿದ್ಧ ಆನಿ ಪವಿತ್ರ ಜಾವನು ಆಸುಚಿ ಬ್ರಹತ್ ನ್ಹಂಯಿ ಬ್ರಹ್ಮಪುತ್ರ. ಹಾಂಗಾ ಬ್ರಹ್ಮಪುತ್ರಾ ವಯರಿ ಸೇತು ನಾ. ದೇವಾಲೆ ದಯೆನಿ ನ್ಹಂಯಿAತು ವುವಾರು ನಾ ಆಶಿಲೊ. ಆಮಗೆಲೆ ಗ್ರೂಪಾಚೆ ೧೩ ವಾಹನ ಆನಿ ಏಕ ಟ್ರಕ್ ಫೆರಿ ಮೂಲಕ “ಬ್ರಹ್ಮಪುತ್ರಾ” ದಾಂಟವಾಯಿಲೆ. ‘ಸಾಗಾ’ ಗಾಂವು ಸಾಬಾರ ಅಭಿವೃದ್ಧಿ ಜಾಲೆಲೊ ಗಾಂವು. ಕಾಂಕ್ರೀಟ ರಸ್ತೊ. ಮಾರ್ಕೆಟ ಹೋಟೆಲ ಇತ್ಯಾದಿ ಆಸೂನು ಜನ ಸಂದಣಿ ಆಸ. “ಯಾಕ್” ಮೃಗಾಚೆ ಪಾಲನ ಕರತಾಚಿ. ತಾಜೆ ದೂದ ಚರ್ಮ, ಮಾಂಸ, ಶೀಂಗ ಆನಿ ತಾಜೆ ಕೇಶ, ರೋಮಾಚೆ ಉಪಯೋಗು ಜಾತಾ. ಯಾಕ್ ಮೃಗ ಸಾಮಾಗ್ರಿ ವ್ಹಂವಚಾಕಯೀ ಉಪಯುಕ್ತ. ಬಹುಪಯೋಗಿ ಪ್ರಾಣಿ. “ಸಾಗಾ” ದಾಕೂನು ಪರ್ಯಾಂಗ್ ಕ್ಯಾಂಪಾಕ ಆಮಗೆಲೆ ಪಯಣ ಮುಕಾರಸಲೆ. ಮರುಭೂಮಿ ಪ್ರದೇಶ. ರಸ್ತೊ ನಾ. ಹಾಂಗಾಯಿ ವಿರಳ ಜಾವನು ಪಶುಪಾಲನ ಕರನು ಆಶಿಲೆ ಟಿಬೇಟಿಯನ್ ಆದಿವಾಸಿ ಪಳೋವಚಾಕ ಮೆಳತಾಚಿ. ಹಲವು ಪ್ರಾಣಿ ಪಕ್ಷಿ ಪಳೋವಯೆತ. ಪರಮಾತ್ಮಾಲಿ ವಿಚಿತ್ರ ಸೃಷ್ಟಿ. ಪ್ರತಿಕ್ಷಣ ಪ್ರಕೃತಿಚೆ ವಿವಿಧ ಅದ್ಭುತ ದೃಶ್ಯ. ಸಾಬಾರ ೮ ತಾಸ ಪಯಣ ಮುಕಾವಯಲೆ ಡೆಸ್ಟಿನೇಶನ್ ಮಾನಸ ಸರೋವರ. ಪರ್ಯಾಂಗ ದಾಕೂನ ೨೫೦ ಕಿ.ಮೀ ವಾಟ್ಟೇರಿ ಪರತೂನ ಬ್ರಹ್ಮಪುತ್ರಾ ದರ್ಶನ ಜಾತಾ. ಆಮಗೆಲೆ ಪಯಣಾಚೆ ಆಟಾ ದಿವಸು ಸಾಂಜೆರಿ ೫:೩೦ಕ ಆಮಗೆಲೆ ಸರ್ವ ವಾಹನ ಮಾನಸ ಸರೋವರ ತೀರಾಕ ಪಾವಲಿಂಚಿ. ಹೆ ವಿಶಾಲ ಸರೋವರಾಚೆ ದೃಶ್ಯ ಅದ್ಭುತ ವಾತಾವರಣ ಪಳೊವನು ರೋಮಾಂಚನ ಜಾಲೆಂ. ಅಮಗೆಲೆ ಸಾಂಗತ ಆಯಿಲೆ ದೋಗ ಯಾತ್ರಿ ಸರೋವರ ಪಳೊವನು ಮಂತ್ರಮುಗ್ದ ಜಾವನು ದಡಾರಿ ಉದ್ಧಂಡ ನಮಸ್ಕಾರ ಘಾಲನು ಆನಂದ ಭಾಷ್ಪ ತಾಂಗೆಲೆ ದೋಳೆಂತು ಆಯಲೆಂ. ಪೂರಾ ಯಾತ್ರಿಕಾ ವಾಹನಾರಿ ದಾಕೂನು ಸರೋವರ ದಡರಿ ದೇವುನು ತೆ ಅದ್ಭುತ ವಾತಾವರಣಾಂತು ಮೂಕ ವಿಸ್ಮಿತ ಜಾವನು ಜಾಲೆ. ಹೊ ಏಕು ಅಪರೂಬಾಯೆಚೊ ಅನುಭವು. ಉತ್ರಾನಿ ಸಾಂಗಚಾಕ ಅಸಾಧ್ಯ. ಹೆ ಪ್ರದೇಶಾಂತು ರಾತ್ರಿ ೯:೦೦ ಗಂಟೆ ಜಾಲ್ಯಾರಯಿ ಕಾಳೋಕು ಜಾಯನಾ. ಹೆ ಸರೋವರಾಕ ಲಾಗೂನು ‘ರಾಕ್ಷಸ್ ತಾಲ್’ ಸರೋವರ ಆಸ. ಆಜಿ ಆಮಗೆಲೆ ಕ್ಯಾಂಪ್ ಮಾನಸ ಸರೋವರಾಚೆ ತೀರಾರಿ. ಆಮಗೆಲೆ ಸಾಂಗತ ಟ್ರಕಾರಿ ಆಯಿಲೆ ಶೇರ್ಪಾನಿ ಗುಡಾರ ಘಾಲನು ರಾತ್ರಿ ವಾಸ್ತವ್ಯಕ ತಯಾರಿ ಕೆಲೆಂ. ಜೇವಣ ತಯಾರ ಜಾಲೆ. ವಿಪರೀತ ಥಂಡಿ ಆನಿ ವಾರೆಂ. ಥರ್ಮಲ್ ವೇರ, ವುಲನ್ ಡ್ರೆಸ್, ರಜಾಯೀ ಕಾಂಬಳಿ ಆನಿ ಸ್ಲೀಪಿಂಗ್ ಬ್ಯಾಗ್ ಆಸಲೆರಯಿ ಅಸಾಧ್ಯ ಥಂಡಿ. ನಿದ್ದಲೆರಿ ನೀದ ಯೇನಾ. ರಾತ್ರಿ ಸಾಬಾರ ೨:೦೦ ಗಂಟೆಕ ಧೈರ್ಯ ಕರನು ಗುಡಾರ ದಾಕೂನು ಭಾಯರ ಯೆವನು ಸರೋವರಾಚೆ ದೃಶ್ಯ ಪಳೋವಚೊ ಸಾಹಸು ಕೆಲೊ. ತ್ಯಾ ದಿವಸು ಪುನ್ನವ, ಆಕಾಶಾರಿ ಚಂದ್ರ ಪಳೋವನು ಆನಿ ತಾಗೆಲೆ ಪ್ರಕಾಶಾಕ ತೇ ಮಾನಸ ಸರೋವರಚೆ ದೃಶ್ಯ ಪಳೊವನು ಹಾಂವA ಮಾಕಾಚ ವಿಸರಲೊ. ಆಕಾಶಾರಿ ದಾಕೂನು ಕೆಲವು ಆಕಾಶ ಕಾಯ ಸರೋವರಾಂತು ಯೆವನು ವಾಪಾಸ ವಚೆಂ ವಿಚಿತ್ರ ದೃಶ್ಯ ಪಳೋವನು ಆಶ್ಚರ್ಯ ಜಾಲೆಂ. ರಾತಿ ಭರಿ ನೀದನಾ, ಜಾಗರಣ. ಮಾನಸ ಸರೋವರಾಚೆ ವೀಕ್ಷಣ ಕರತ ಆಶಿಲೊ. ಮುಕಾವಯಿಲೆ ದಿವಸು ಆಮಗೆಲೆ ವಾಹನಾರಿ ಮಾನಸ ಸರೋವರಾಚೆ ಪ್ರದಕ್ಷಿಣೆಕ ಚಮಕಲಿಂಚಿ. ಪ್ರದಕ್ಷಿಣೆ ನಂತರ ಸರೋವರಾಂತು ಪುಣ್ಯಸ್ನಾನ ಕರಚೊ ಕಾರ್ಯಕ್ರಮ. ಸರೋವರ ವಿಶಾಲತಾ, ತೀ ಜಲರಾಶಿ ತೆ ಪ್ರಾಕೃತಿಕ ಸೌಂದರ್ಯ ಪಳೋವನು ಮಂತ್ರ ಮುಗ್ಧ ಜಾಲೆ. ಸ್ನಾನಾಕ ತಯಾರ ಜಾವನು ಉದಕಾಂತು ಮುಕಾರಿ ವತನ ಸೂರ್ಯೋದಯ ಜಾವನು ಸೂರ್ಯಲೆ ಪ್ರಕಾಶಾಕ ಸರೋವರ ದೃಶ್ಯ ಭೊ ಸುಂದರ ದಿಸತ ಆಶಿಲೆ.

ಸರೋವರಾಚೆ ಉದಾಕ ಇತಲೆ ಥಂಡ ಆಶಿಲೆಂ ಕೀ ಪಾಯ ರಾಕ್ಕುಡ ಜಾವನು ಗೆಲೆಂ. ಭೊ ಪ್ರಯಾಸಾರಿ ಸರೋವರಾಂತು ದೇವಾಲೆ ನಾಮ ಸ್ಮರಣೆ ಕರತಚಿ ಪಿತೃಂಗೆಲೆ ಉಡಗಾಸು ಕಾಡತಚಿ ಡುಬುಕಿ ಘಾಲನು ಪುಣ್ಯಸ್ಥಾನ ಪೂರ್ಣ ಕೆಲೆಂ. ದಡಾರಿ ಯೆವನು ಶುರುವೆಕ ಟವಲಾನಿ ಪುಸುನು ಘೆವನು ಡ್ರೆಸ್ ಚೇಂಜ್ ಕರನು ಪೂಜೆಕ ಆನಿ ಹೋಮಾಕ ತಯಾರ ಕೆಲೆಂ. ಮನಾಂತು ದೇವಾಲೆ ಧ್ಯಾನ, ಜಪು ಶಿವಾಯಿ ದೂಸರಿ ಆಲೋಚನಾ ಯೆನಾ. ಆಮಗೆಲೆ ವಿನಾಯಕಾನಾಂದ ಸ್ವಾಮೆನ ಪೂಜೆಕ, ಹೋಮಕ ಸಾಮಾಗ್ರಿ ಹಾಳೆಲಿ. ಲೋಕೋದ್ಧಾರ ಖಾತಿರ ಪ್ರಾರ್ಥನ ಕರನು ಹೋಮು ಕೆಲೊ. ಮಾನಸ ಸರೋವರಾಚೆ ಏಕ ಪರಿಕ್ರಮಾ ೬೨ ಕಿ.ಮೀ ಜಾತಾ.

ಮಾನಸ ಸರೋವರ ಪರಿಸರ ದಾಕೂನು ಆಮಗೆಲೆ ಪಯಣ ಕೈಲಾಸ ಪರ್ವತಾಚೆ ಪರಿಕ್ರಮ ಶುರು ಜಾವಚೆ ಸ್ಥಳಾಕ ಮುಕಾರಸಲೆ. ವತ್ತನ ಕೈಲಾಸ ಪರ್ವತಾಚೆ ದರ್ಶನ ಮೆಳತ ಆಶಿಲೆಂ. ಪ್ರತೀ ಕ್ಷಣ ಕೈಲಾಸ ಪರ್ವತಾಚೆ ರಂಗು ಬದಲ ಜಾತಾ ಆಶಿಲೊ. ಕೈಲಾಸ ಪರಿಕ್ರಮಾಕ ೩ ದಿವಸ ಜಾವಕಾ ಆನಿ ೫೪ ಕಿ.ಮೀ ಪರಿಕ್ರಮ ಕರಕಾ. ಶುವೇ ದೀವಸು ೧೮ ಕಿ.ಮೀ ವಚೂನ ‘ದಿರಾಪುಕ್’ ಕ್ಯಾಂಪ್ ಪಾವಕಾ. ಮಧೆಂತು ಕಸಲೇಯಿ ವ್ಯವಸ್ಥಾ ನಾತಿಲೆ ನಿಮಿತ ಸಾಂಜೆ ದುಸ್ರೊ ಪಡಾವ ೨೨ ಕಿ.ಮೀ ವಚೂನು ‘ಝುತುಲ್ ಪುಕ್’ ಕ್ಯಾಂಪಾಕ ಪಾವಕಾ. ರಾತಿ ಹಾಂಗಾ ಕ್ಯಾಂಪ್ ಕರನು ತೀಸ್ರೆ ದಿವಸು ೧೪ ಕಿ.ಮಿ ಪಯಣ ಕರನು ‘ಡಾರಚೆನ್’ ಕ್ಯಾಂಪಾಕ ಪಾವಕಾ. ಭೊ ಕಠಿಣ ಯಾತ್ರಾ. ಧೃಡ ಸಂಕಲ್ಪು, ಛಲ ಆಶಿಲೆಂಕ ಆನಿ ದೇವಾಕ ಪೂರ್ತಿ ಶರಣಾಗತ ಜಾವನು ಅನನ್ಯ ಶ್ರದ್ಧೆರಿ, ಭಕ್ತಿರಿ ಯಾತ್ರ ಕರತಲೆ ಭಕ್ತಾಂಕ ಮಾತ್ರ ಸಾಧ್ಯ ಹಿ ಸಾಧನ. ಪರಿಕ್ರಮ ಶುರು ಜಾವಚೆ ಪೋಯಿಂಟಾಕ ಆಮಗೆಲೆ ಗ್ರೂಪಾಚೆ ವಚೂನು ಪರಿಕ್ರಮ ವಚೆ ಖಾತಿರ ಫೋಡೊ ಫಿಕ್ಸ್ ಕರನು ತಯಾರ ಜಾತ ಆಸತಾನಾ ಏಕಾಏಕ ಹವಾಮಾನಾಂತು ಬದಲಾವಣ ಜಾವನು ಪಾವಸು ಯೆವಚಾ ಶುರು ಜಾಲೊ. ಏಕಾ ಏಕಿ ಹವಮಾನ ವಿಸರೀತ ಜಾವನು ಆಮಕಾ ಕೈಲಾಸ ಪರಿಕ್ರಮ ಕರಚಾಕ ಸಾಧ್ಯ ಜಾಯನಿ. ಭೊ ನಿರಾಶ ಜಾಲಿ. ಜಾಲ್ಯಾರಿ ಮುಕಾರುಸುಚಾಕ ಅಸಾಧ್ಯ. ದೇವಾಲೆ ಮನಾಂತು ಆಸಲೆ ವರಿ ಜಾತಾ ಮ್ಹಣು ಲೆಕಲೆ.

ಕೈಲಾಸ ಪರ್ವತ ದರ್ಶನ ಏಕ ಅದ್ಭುತ ಅನುಭವು. ಪÀಳಯತಾ ಆಸತಾನಾ ಪ್ರತೀ ಕ್ಷಣ ಸೂರ್ಯಲೆ ಕಿರಣ ಪಡತಾನ ರಂಗ ಬದಲ ಜಾತ ಆಸತಾ. ಆಮಿ ಮಸ್ತ ವೇಳು ಥಂಯಿ ರಾಬೂನು ಪರ್ವತ ವೀಕ್ಷಣ ಕರನು ಆನಂದ ಪಾವಲೆಚಿ. ಮಹಾದೇವಾಲಿ ಪ್ರಾರ್ಥನಾ ಶಿವ ಸ್ತೋತ್ರ ಪಠಣ, ಓಂ ನಮಃ ಶಿವಾಯ ಜಪು ಕರತಚಿ ಕೈಲಾಸ ದರ್ಶನ ಕರನು ಕೃತಾರ್ಥ ಜಾಲೆಚಿ. ರಾಬಿಲೆ ಸ್ಥಳಾರಿ ದೀರ್ಘ ದಂಡ ನಮಸ್ಕಾರು ಘಾಲನು ಮಹಾದೇವಾಕ. ಮಾನಸ ಸರೋವರ ಯಾತ್ರೆಚೆ ಸೌಭಾಗ್ಯ ಪ್ರದಾನ ಕೆಲೆಲೆ ಖಾತಿರ ಅಭಾರ ಪ್ರಕಟ ಕರನು ಸರ್ವ ಚೂಕಿ ಕ್ಷಮ ಕರನು ಮುಕಾವಯಿಲೆ ಜೀವನಾಚೆ ಸಾಫಲ್ಯ ಖಾತಿರ ಶ್ರದ್ಧಾ ಭಕ್ತಿ ಪೂರ್ವಕ ಪ್ರಾರ್ಥನ ಕೆಲಿ. ಕೈಲಾಸ ಪರಿಕ್ರಮ ಕರಚೆ ಆಮಗೆಲೆ ಅದೃಷ್ಟಾಂತು ನಾ ಆಶಿಲೆಂ ದಿಸತಾ. ದೈವ ಸಂಕಲ್ಪ ಮಾತೆಂ ಭಾಗಸೂಕಾ.

ಆಮಗೆಲೆ ಪರತ್ ಪಯಣ ಪ್ರಾರಂಭ ಜಾಲೆಂ. ವಾಪಾಸ ತೇಚಿ ರೂಟಾರಿ ಪರ್‌ಯಾಂಗ್, ಸಾಗಾ, ಪಯಿಗಸ್ತೊ, ನ್ಯಾಲಂ, ಝಂಗಮು, ಕೊಡಾರಿ ವಾಟೆರಿ ವಾಪಾಸ ನೇಪಾಳ ದೇಶ ರಾಜಧಾನಿ ಕಾಟ್ಮಂಡು ಯೆವನು ಸುರಕ್ಷಿತ ಜಾವನು ಪಾವಲಿಂಚಿ. ಕೈಲಾಸ ಪರಿಕ್ರಮ ವಚಾಕ ಜಾಯನಾ ನಾತಿಲೆ ನಿಮಿತ್ತ ಆಮಕಾ ತೀನಿ ದಿವಸ ಸಮಯ ಆಶಿಲೆ. ರಿರ‍್ನ್ ಎರ್ ಟಿಕೆಟ್ ತೀನಿ ದಿವಸ ನಂತರ ಆಶಿಲೆ ನಿಮಿತ ಆಮಿ ಪೊಖರಾ, ಮನೋಕಾಮನಾ ದೇವಿ ಮಂದಿರ ಆನಿ ಗಂಡಕೀ ಯಾತ್ರ ಕರನು ಮುಕ್ತಿನಾಥ ಕ್ಷೇತ್ರ ದರ್ಶನ ಕರಚೆ ನಿಶ್ಚಯ ಕೆಲೆಂ. ಮುಕ್ತಿನಾಥ ಯಾತ್ರಾ ವಿಷಯು ವಿವರ ಜಾವನು ಅಷ್ಟ ವಿಷ್ಣು ಕ್ಷೇತ್ರ ದರ್ಶನ ಶೀರ್ಷಿಕೆಂತು ಬರಯಲಾಂ.

ಆಟಯನಾ ನಾತಿಲೆಂ ಹೆಂ ಸೌಭಾಗ್ಯ ಪರಮಾತ್ಮಾಲಿ ಕೃಪಾ ದೃಷ್ಟಿ ಮ್ಹಣು ಲೆಕಲಾ ಹಾಂವೆA. ಭೊ ಕಠಿಣ ಆನಿ ಕ್ಲಿಷ್ಟ ಜಾವನು ಆಶಿಲಿ ಹಿ ಯಾತ್ರಾ ಸುರಕ್ಷಿತ ಜಾವನು ಪೂರ್ಣ ಜಾವನು ಆಮಗೆಲೆ ಸಗಳೆ ಯಾತ್ರಿಕ ವೃಂದ ತಾಂಗತಾAಗೆಲೆ ಗಾಂವಾAಕ ಪಾವಿಲೆ ದೇವಾಲಿ ದಯಾ. ಹೆಜ್ಜೆ ಹೆಜ್ಜೆಕ ದೇವಾನ ಆಮಗೆಲೊ ಗಾತು ಧರನು ಮುಕಾರಸೂನು ವ್ಹೆಲೆಲೊ ಏಕ ಅಪೂರ್ವ ಆನಿ ಅದ್ಭುತ ಅನುಭವು.

ಕೈಲಾಸ ಮಾನಸ ಸರೋವರ ಯಾತ್ರ ಕರನು ಯೆತ್ತರಿ ಜೀವನಾಂತು ಸರ್ವ ದಿಶೆನ ಅಭಿವೃದ್ಧಿ, ಮಂಗಳಮಯ ಜೀವನ ಪ್ರಾಪ್ತ ಜಾತಾ ಮ್ಹಣತಾಚಿ. ಹೆಂ ಸತ್ಯ. ಮಾಕಾ ಸ್ವತಃ ಹೊ ಅನುಭವು ಜಾಲಾ. ಆಧ್ಯಾತ್ಮಿಕ ಉನ್ನತಿ ಅನುಭವು ಜಾಲಾ. ಹೆ ವಿಷಯಾಂತು ಧೃಡ ಸಂಕಲ್ಪ ಕರನು ಹಿ ಯಾತ್ರಾ ಕರಚೆ ಪ್ರಯತ್ನ ಸಾನ ಪ್ರಾಯೆರಿ ಕರಾ. ದೇವು ಬರೆಂ ಕರೊ.
 ಬಿಂದು ಸರೋವರ.

ಮುಕಾವಯಲೆ ಸಂಚಿಕೆತು....

• Prev
• Next