एरणाकुळम: केरळच्या समाजीक क्षेत्रांत कोंकणी लोकांचे निमतान बेस बरें योगदान जालें अशे कोची नगराध्यक्ष ऑड.एम.अनिलमकुमार हांणी सांगले. केरळ राज्य संस्कृतीक खात्या खाला स्थापीत कोंकणी साहित्य अकादमी (केरळ)चे वतीन कोंकणी राष्ट्र मान्यता दिसाचे निमितान एरणाकुळम भारत ट्यूरीस्ट होम सभाघरांत आयोजीत केल्ले कार्यावळीचें
दिवली पेटेवन उक्तावण करून ते उलेयतालें. संस्कृतीक वैजकीय शिक्षणीक तशेंच वेवसायीक क्षेत्रांत बी हांगेंली योगदान सांगपाक सारकें आसा. तेन्नाचे कोची राज्यांत आनी ट्रावनकूर राज्यांत राजांनी कोंकण्यांक अळशिरो दिल्लो आनी जाय तितलो जागो बी दिल्लो अशी तांणी परतून सांगलें. अकादमीचें अध्यक्ष तांबानूर गोविंद नायक हांच्या यजमानपणार चल्ले कार्यावळींत श्रीकला सुखादिया कम्मत हांगेलो 'गुरपळे' बालकवित संग्रह मेयर अनिलकुमार हांणी पयली प्रती साहित्यीक आर.एस.भास्कर हांका भेटेवन उजवाडायलो. अकादमीचे अध्यक्ष गोविंद नायक हांणे ह्या वेळार मेयर अनिलकुमार हांका शाल पांगरून आदर
केल्लो. प्रोफ.जी.मोहनराव हांणे पुस्तकाचो परिचय कोलो. साहित्यीक शरतचंद्र शेणै, केरळ कोंकणी अकादमी अध्यक्ष पी.एन.कृष्णन, कोडुंगलूर श्री कृष्ण स्वामी देवस्थानाचे अध्यक्ष एम.एन.मदन शेणै आनी विजयकुमार कम्मत हांणीं आशंसा भाषण केल्लें. सुरवेक रामानंद राव हांणी प्रार्थना गीत गायलें. अकादमीचे वांगडी सचीव डी.डी.नवीनकुमार हांणें येवकार दिल्लो जाल्यार अकादमीचे ज्येष्ट वांगडी एन.के.प्रभाकर नायक हांणी उपकार मागलो. कवयत्री श्रीकला सुखादिया कम्मत हांणे प्रतिस्पंदनाची उतरां उलेयलीं. कार्यावळींत साबार लोक हाजीर आशिल्ले.

To Support Kodial Khaber click the following button.

कोंकणी केंद्र - गोश्रीपुर आनी कोंकणी भाषा प्रचार सभा एकमेळून ८०वें म्हयन्याळें कोंकणी कवि संगम "विश्वावसु - श्रावण" २०२५ ऑगस्ट १६ तारिखेक शेनवार देनपारां ३.३० वरांचेर कोच्चीच्या कोंकणी भवनांत घडेयलें. कोंकणी केन्द्र - गोश्रीपुर संस्थेचो उपाध्यक्ष एन. सदानंद कम्मत हांणी कवी संगमाचें अध्यक्षपद सांबाळ्ळें आनी एस. चित्तरंजन नायक हांणी सगळ्या कवी गणांक येवकार दिलो. त्या उपरांत, (सर्वश्री/श्रीमती/कु) संध्या वी प्रभु, के.एन.आर भट, आर.एस.भास्कर, गोविंद एस. नायक, सुधीश एस. शेणाय, जी मोहन रावु, एस. रामकृष्ण किणी, उमेश टी. भट, जया बालकृष्ण कामत, धन्या जी मल्या, आर. रामानन्द प्रभु, अंडिक्कडवु सुरेश पै, एन. बालकृष्ण मल्ल्या, एन. सदानंद कम्मत, गोश्रीपुरं हरीकुमार ह्ये कवींनीं आपापल्यो कविता सादर केल्यो.

To Support Kodial Khaber click the following button.

कोंकणी केंद्र - गोश्रीपुर आनी कोंकणी भाषा प्रचार सभा एकमेळून युगादीक अनुबंध जावनु ७६वें म्हयन्याळें कोंकणी कवि संगम "विश्वावसु- चैत्र" ३० मार्च २०२५ तारीखेक आयतारा देनपारां ३.३० वरांचेर कोच्चीच्या कोंकणी भवनांत घडेयलें. कोंकणी केन्द्र - गोश्रीपूर संस्थेचो उपाध्यक्ष श्री. एन. सदानंद कम्मत हांणी कवी संगमाचें अध्यक्षपद सांबाळ्ळें. श्री. एस. चित्तरंजन नायक हांणी सगळ्या कवी गणांक येवकार दिलो. योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आषर हीणें सगळ्यांक युगादी दिनाची शुभेच्छा दिली. त्या उपरांत, के. नारायण नायक, गोश्रीपुरं हरीकुमार, संध्या वी. प्रभु, के.एन.आर. भट, आर. रामानंद प्रभु, धन्या जी मल्या, राजेंद्र भट, जया बालकृष्ण कामत, वसंतकुमारी पी एस, पंकज आषर, संजय राजगोपाल, सुधीश एस. शेणाय, सुरेश वी. शेणाय, एस. रामकृष्ण किणी, गोविंद एस. नायक, अंडिक्कडवु सुरेश पै, जी. मोहन रावु, एन. बालकृष्ण मल्या, एन. सदानंद कम्मत ह्ये कवींनीं आपापल्यो कविता सादर केल्यो.

फोटो :
श्रीमती. संध्या वी. प्रभु आपली कविता सादर करतना

येरणाकुळम: केरळ कोंकणी अकाडमीचो पी.बी.जनार्धन पुरस्कार प्रदान सुवाळो येरणाकुळमांत चलत आसच्या नेशनल बुक्क ट्रस्टाचे कोच्ची अंताराष्ट्रीय पुस्तक मेळाचो वर्सुकी पुस्तक प्रदर्शनाचे वेदीचेर संपन्न जालो. कोच्चीच्या टी.डी. शाळेच्या कोंकणी शिक्षिका सरस्वती प्रभुक सुवाळाच्या मुखैल सोयरो विश्व कोंकणी केंद्राच्या विश्वस्थ आनी महासचीव प्रा. डॉ. कस्तुरी मोहन पै हांच्या हस्तुकींत हो पुरस्कार फ़ावो जालो. “शाळेंत कोंकणी शिकोवुन आपण्यान कोंकणीची ल्हान सेवा केल्या आनी त्या खातीर आपण्याक हो भोमान दिवुन शिक्षकांचो मान तुमी वाडयलो” अशें सरस्वती प्रभु हांनी सांगलें. मुखैल सोयरो प्रा. डॉ. कस्तुरी मोहन पै हांनीं दिवो पेटौवुन उग्तावण केल्या डॉ. पै हानीं “केरळ राज्यांत कोंकणीच्या उदरगतीक केरळ कोंकणी अकादमीन व्हडली देणीगा दिल्या, अशेंच थटवर्ती भारताच्या चारय राज्यांच्या कोंकणी लोकान तांची एकटयेचो प्रदर्शन दिवुंक जाय, गोंय सावन भायर कोंकणी लोकान भारत संविधानांत तांका दिल्लो आश्वासन तीनय राज्याच्या राज्य़ सरकारान पूर्त करूंक जाय. संविधानाचे ३५० वळेरीन्त दिल्लो आदेश प्रमाण कोंकणी शिक्षणाक धन सहाय दिवुंक जाय” म्हणु म्हळ्ळें. पी.बी.जनार्धन हांची कोंकणीची सॆवा तानीं उल्लेख करून आयच्या पीळगेचे साहित्यकारांचो कोंकणी सेवेचो उडास करून दिल्लो. पुरस्कार विजेता सरस्वती प्रभुचे शाळेक आपण्यान भेट घेवुन कोंकणी शिक्षणाचो उत्कृश्ट दर्जो स्वताच पळोवुन शिकपी छात्रांक भोमान दिला म्हणु तांचे उत्रांत सांगलें. केरळ कोंकणी अकाडमीच्या अध्यक्ष पी.एन. कृष्णन हानीं येवकार केलो आनी रमानंद प्रभु कोरंबो विरचीत ‘कोंकणी कविता भरो’ पुस्तकाचें लोकार्पण केलें. प्रा. जी. मोहन राव हानीं अबिनंदना भाशण केलें. कोंकणी लेखक आर. एस. भास्कर, श्रीमती उषा मोहन पै, कोच्ची अंताराष्ट्रीय पुस्तक मेळाचो सचिव हरीदास आनी हेर उपस्थीत आशिल्ले. सिंधु आर. प्रभु हानीं कार्यावेळेचो सूत्र संचालन केलो.  

To Support Kodial Khaber click the following button.

कोची: शांकरा एकात्मक भारत रथयात्रेचे पयलें कोची जनार्दन देवस्थानांत दर्शन घेवपाक पाविल्या हाळदीपूर तथा काशी मठाधीश वामनाश्रम स्वामीक महाजनांनी भक्तीभरीत येवकार दिल्लो.  देवस्थानाचे  पुरोहित माधवभट हांच्या मुखेलपणार  अधिकारी श्रीकुमार जी. शेटी, प्रसाद वी.शेटी, बिजू आर.शेट, आर.एस.अरूण, एस.एस.सुशांत मेळनु वामनाश्रम स्वामीक

पूर्णकुंभ भेटोवन देवस्थानांत येवकारलो.  देव दर्शनाचे उपरांत स्वामीजीन सनातनधर्माचे प्रचाराक खातीर आपूण कन्याकुमारी सावन काश्मीर पर्यंत चलोवपी शंकरा एकात्मक भारत रथयात्रेचे विशीं महाजनांक मायती दिल्ली आनी ह्या कार्याक सगटांचो सहकार आसूंक जाय अशी सांगले. ह्या म्हयन्यांत 21 तारिखेक कन्याकुमारी सावन रथयात्रा समारंभ जाता.

उपरांत, पयलें वर्सा आपल्यान  कालडी सावन काशी मेरेन चलयली शांकरा एकात्मक पादयात्रेंत  आपल्याक अनुगमन केल्लेल्या कांय सेवकांक आदर केल्ले. साहित्य अकादमी पुरस्कृत नामनेचे कोंकणी साहित्यीक आर.एस.भास्कर हांचो सभेंत शाल पांगरून ह्या वेळार आदर जालो.  भास्कर हें माय भाशेचे खातीर उत्कृश्ट काम करीत आसा अशें स्वामीजीन सांगले.  आर.एस.भास्कर हांणें आपलें उलोवपांत मांडगांवांत 26 आनी 27 तारिखेक जावपी अखिल भारतीय कोंकणी अधिवेशना विशीं आनी डिसेंबर म्हयनांत कोंचींत घडोवपी परिशदेचे मनोमिलन संम्मेळनाचे विशीं मायती दिल्ली आनी दोनय कार्यावळींत सगटांनी वांटो घेवपाक जाय अशी विनंती केल्ली.

ह्या उपरांत वामनाश्रम स्वामीन सगटांक मंत्राक्षत भेटेयलें.

अखिल भारतीय कोंकणी परिशद केरळांत मनोमिलन संम्मेळन घडयतले - येवकार समिती निवड जाली
कोच्ची: अखिल भारतीय कोंकणी परिशदेचे मनोमिलन संम्मेळन अंदू वर्सा कोच्चींत जातले. कार्यावळ यशस्वीपणान घडेवंन हाडपाक खातीर येवकार समिती वेंचून काडली.कोच्ची सारस्वत एसोसियेषन सभाघरांत केरळ कोंकणी अकादमीचे वतीन घडयलें सभेंत कोंकणी मोगी आनी कोंकणी मातृभासी विंगविंगड समाजाचे प्रतिनिधि मेळनु साबार लोकानी वांटो घेतलो.

केरळ कोंकणी अकादमीचे अध्यक्ष पी.एन.कृष्णन हांगेल्या यजमानपणार चलयले कार्यावळ निवृत्त न्यायाधीश के.के.उत्तरन हांणी दिवली पेटोवन उक्तावण केल्ली.सुरवेक  प्रो.के.एन.रमेश भट हांणें प्रार्थनागीत गायलें. अकादमीचे सरकर्दरशी चन्द्रबाबु यू.षेटी हांणे सभेक येवकर दिल्लो आनी अखिल भारतीय कोंकणी परिशदेचे विशीं आनी मनोमिलन कार्यावळीचे विशीं संक्षिप्त मायती दिल्ली.
ए.श्रीधर पै ( गौड सारस्वत ब्राह्मण ग्रामा सभा), बी.रमेश शेट (दैवज्ञ ब्राह्मण सभा), प्रो.जी.मोहन राव (सारस्वत समाज), रमेश अमरावती (केरळ वैश्य समाज), के.प्रकाश (कुडुंबी समाज), अनंत जी.कम्मत, स्यामळा एस.प्रभू, जयानंद के.पै, वी.बलराम शेटी (वैश्य वाणी संस्कृती मंडळ), हांणीं उलेयले.

येवकार समितीचे अध्यक्ष म्होण प्रो.के.रमेश भट हांची निवड जाली. एस. सुदीश शेणै समितीचे मुखेल निमंत्रक आसतलें जाल्यार प्रो.जी.मोहन राव भांडारी म्हणूय नियुक्ती जाली. परिशदेचे उपाध्यक्ष आर.एस.भास्कर हांणी निरीक्षक म्होण वांटो घेतलो.

अकादमीचे कार्यदर्शी के.विजयन हांणें उपकार मागलो. 

फोटो:
कोचींत जाल्ले अखिल भारतीय कोंकणी परिशदेचे मनोमिलन कार्यावळीचे निर्णय सभा निवृत्त न्यायाधीश के.के.उत्तरन दिवली पेटेवंन उक्तावण करतना.

कोंकणी भाषा प्रचारसभा आनी कोंकणी केंद्र - गोश्रीपूर संस्थेन एक मेळनु २० ऑगस्ट २०२४ दिसा कोच्ची कोंकणी भाषा भवनांतु "कोंकणी मान्यता दिवस" ​​मनायलो.  ह्या निमतान ६८वें कोंकणी कवि संगम "क्रोधी श्रावण" सांजे ४.०० वरांचेर घडेयलें. प्रार्थनेचे उपरांत कोंकणी केंद्र - गोश्रीपुर संस्थे वतीन श्री. एस. चित्तरंजन नायक हांणी सागळ्यांक येवकार दिलो. कोंकणी केंद्र - गोश्रीपुर संस्थेचो उपाध्यक्ष श्री. एन. सदानन्द कम्मत हांणी कोंकणी मान्यताय दिवसाचो संदेश दिलो. कोंकणी मान्यताय दिवसाक अनुबंध जावनु कोच्ची एफ.एम. चॅनलांत कु. वैष्णवी पी.नायक हींणे म्हणल्ले कोंकणी गींत प्रसारित जालले. तीका सकुटुंब ह्या योगांत आमंत्रण करून यथावत सन्मान केलो. त्या उपरांत चलल्ले कवी गोष्टींत सर्वश्री/श्रीमती : आर.एस.भास्कर, विलासीनी नारायण नायक, के. नारायण नायक, के.एन.आर भट, उमेश टी. भट, एन सदानन्द कम्मत, आर. रामानन्द प्रभु, एस. रामकृष्ण किणी, पी.एस. वसन्त कुमारी, अनिता डी. किणी, सरस्वती एस. प्रभु, जया बालकृष्ण कम्मत, सुधीश एस. शेणै, एन. बालकृष्ण मल्या, गोश्रीपुरं हरिकुमार ह्ये कवीनीं आपआपली कविता सादर केली. प्रार्थनेचे उपरांत बसका सोंपली. 

 फोटो :

फोर्टकोची/केरळ: कोची अमरावती जनार्दन देवस्थानांत ५६ वें अकण्ड सप्ताह भजन ब्रेस्तारा सूरु जालें. साकाळी ६ वरार गणपती हवन घडलें. ७ वरार दिवली दवरप आशिल्ले. मुख्य पुरोहीत माधव भट हांणी पेटेयली दिवली देवस्थानाचे अधिकारी जी.एस. श्रीकुमार, आर.एस. अरुण आनी भजन मंडळी पदाधिकारी दिनकर शेटी, मधुसूदन शेटी आनी जयचन्द्रन जी.एस. 8मेळनु सप्ताह मण्डपांत स्थापिली. अकण्ड भजन सात दीस चालू आसतलें. कोची वाटारांतल्यो आनी सेजार गांवच्यो विंगडविंगड मं8डळी कार्यावळींत वांटो घेवन भजन सेवा करतलीं. दर दीस रात्रीचे ७ वरा सावन ९ वरा मेरेन प्रत्येक भजन जातलें. जुलै २५ तारिखेक आशा राजन एरणाकुळम, २६ श्रीलक्ष्मी बेलमण्णु बांगळूर, टी.एस.राधाकृष्णाजी एरणाकुळम, २८ दनपारा १२. ३० सावन २.३० चक्कम कुळंगरा भजन समिती तृपुणीतुरा, सांजें ७ थंय ९ मेरेन केतकी चैतन्या पुणे, २९ तारिखेक ७ थंय ९ मेरेन कविता शेणै मांगळूर, ३० तारिखेक चेंकोटा हरिहरा सुब्रह्मण्या अय्यर तृपुणीतुरा, ञऑगस्ट १ दिसा सकाळी ७ वरार दिवली काडप कार्यक्रम जातलें. उपरांत भक्तांचे शयन प्रदक्षण कार्यक्रम चलतलें. दर दीस सकाळी ७.३० वरार, दनपारचे १२ वरार आनी रात्री १२ वरार पूजा चालू आसतली अशी भजन समिती जाळवणदारांनी केळेयला.

To Support Kodial Khaber click the following button.

कोकणी केन्द्र - गोश्रीपुर आनी कोंकणी भाषा प्रचार सभा मेळनु ६७वें प्रतिमास कोंकणी कवि संगम - 'क्रोधी आषाढ' कोंकणी भाषा भवन, चेरळाय (कोच्ची) हांगा २१, जुलै २०२४ आयतारा सांजे ४.०० वरांचेर घडेयलें. प्रार्थनेचे उपरांत कोंकणी केंद्र - गोश्रीपुर संस्थे वतीन  एस. चित्तरंजन नायक हांणी सागळ्यांक येवकार दिलो. गुरू पूर्णिमा दिसाक घडेयलेले ह्ये कवी संमेलनांत कोंकणी कवींगेलो गुरूस्थानीय वरिष्ठ कोंकणी कवी आनी साहित्यकार (स्व.) अनंत भट हांचे स्मरणे मुखार सगळे कवीगणांनीं आर्गां ओपलीं. 

आर.एस.भास्कर (उपाध्यक्ष, अखिल भारतीय कोंकणी परिषद), एन.सदानंद कम्मत (उपाध्यक्ष, कोकणी केन्द्र - गोश्रीपुर), के. नारायण नायक (आजीवन वांगडी, कोंकणी भाषा प्रचार सभा), जी. मोहन रावु (आदले सचिव, केरळ कोंकणी अकादमी), एस. रामकृष्ण किणी (संचालक, कोंकणी लांग्वेज इन्स्टिट्युट), विजय कुमार एन. पै (अध्यक्ष, गोश्री कालाक्षेत्र) हांनीं (स्व.) अनंत भट हांकां याद करून दोन दोन उत्रां उलेयलीं. नंतर चलल्ले कविता सादरीकरणांत विलासिनी नारायण नायक, के. नारायण नायक, सुरेश वी. शेणै, जी. मोहन रावु, उमेश टी. भट, अंडिक्कडव सुरेश पै, एस. रामकृष्ण किणी, वसंतकुमारी पी.एस., अनिता डी किणी, एन.सदानन्द कम्मत्त, अंजली किणी, गोश्रीपुरं हरिकुमार, आर.एस.भास्कर, विजयकुमार एन. पै, आर. रामानन्द प्रभु, गोविंद एस. नायक, जया बालकृष्ण कामत्त, कांचना बोस, एन.बालकृष्ण मल्ल्या ह्ये कवींनी आपआपली कविता सादर केली. म्हालगडे कोंकणी नाटक कलाकार श्री. ए. नारायण शेणै आनी रत्नाकर मल्ल्या एम. (आजीवन वांगडी, कोंकणी भाषा प्रचार सभा) हांनीय संगमांत उपस्थित आसले. प्रार्थनेचे उपरांत बसका सोंपली.

To Support Kodial Khaber click the following button.

कोचिन्": हांगाचे नावादिक कवि के. अनंत भट (85) आज शुक्रार सकाळिं मरण पावले. कायं दिसां आदि भलाय्कि ईबाडिल्यान तांकां कोचिच्या हास्पितालान्त दाकल केल्ले. आजि सकाळि तानिं मरण पाव्ले. फाल्यां शेन्वारान्13 जुलायेक तांचे कुडियेचेरि निमाणे संस्कार जातले. तांच्या फाटल्यान धरकान्न पूत आनी लग्न जालि धूव आसा. अनंत भट हे एक प्रनिभावान कवि आसले. आकाशवाणी धारवाड, मंगळूर, पणजी, कोझीकोड, तिरुवनंतपुरम आनी आलाप्पुझा केंद्रांतल्यान कोंकणी प्रसारणान श्री.अनंत भाटाचो प्रवास सुरू जालो. ताच्यो कविता आनी गितां देशभरांतल्या वेगवेगळ्या गायकांनी सुर आनी गायन करपाक सेट केल्यात. ताचें पयलें उजवाडाक आयिल्लें पुस्तक (१९७६) हें संत तुलासीदासाचें कोंकणींतलें चरित्र.

ताच्या गीतांक १९८० वर्सा ‘तपस्विनी’ ह्या कोंकणी चित्रपटांत कास्ट जाल्लो.सुरदासाच्या हिंदी भजनांचो ताणें कोंकणींत अणकार केला (१९७९), आनी ताच्या श्रीरामचरितमानस ह्या कोंकणी अणकाराक २००६ वर्सा केंद्र साहित्य अकादमीचो अणकार पुरस्कार फावो जालो.

भाटमाम विशीं आमी चड वाचताना, हांगा ताच्या काव्यकथनाची भांगराळी रेकॉर्डिंग. धूर्त कोल्याची दंतकथा आशिल्ली कविता तो कथन करता, जी आमकां नीच संवसाराचेर नदर दवरून ताचेर वाडपाक नैतीक दिता.

11 बॅले (संगीत रूपक), 51 कविता (हरवे पान आनी पिकल्ले पान) आनी 101 गितां (गीत माला) आशिल्ल्या ताच्या संकलनांक आमच्या दरेकाच्या घरगुती वाचनालयांत सुवात मेळपाक जाय. निवृत्त बँकर अनंत भाट पिरायेच्या 71 व्या वर्साय बरोवपाचें काम चालूच दवरता. ताचीं भक्ती गीतां आयकल्ल्यां खातीर हांगासर आमकां एक कविता (कथरोपी कवन) एक काणी आसा, जी सोळा वर्सां आदीं कवीच्या आवाजांत स्वता वाचून काडली. अशें बरप कोंकणींतल्या बालसाहित्याच्या प्रकाराक भरपूर उंचायेर व्हरता, आनी शाळांनी कोंकणी पाठ्यपुस्तकांत ताचो आस्पाव करपाक भरपूर फावो.

श्री अनंत भाटमाम, हाणें कोंकणी भाशेंत असंख्य भजन आनी भावगीत रचल्यात, जी कविता आनी भक्ती साहित्यांतल्या सगळ्यांत व्हडल्या कोंकणी योगदाना मदीं आसा. ह्या संदर्भांत आमी इंग्लीश आनी कन्नड सोडल्यार कोंकणींत हरिकठेचें अमृत आमकां मेळोवन दिल्ल्या भद्रगिरी अचूठ दासजी आनी केशव दासजी हांच्या व्हडल्या कदां कडेनय आदरपूर्वक नमस्कार करतात.

श्री अनंत भाटमाम हांचीं भजन जीएसबी घरां मदीं लोकप्रियपणान गायतात जातूंत "आमगेलो देवू श्री व्यासू रघुपति" आनी जायते जे पंडित उपेंद्र भाट-माम आनी श्री पुत्तर पांडुरंग नायक-माम ह्या व्हड सरस्वत गायकांनी वेवस्थीत रितीन सादर केल्यात.

अनंत-माम हांच्या भव्य कृतींनी श्री रामचरित मानसाचो कोंकणी अणकार बृजभाशा हिंदींतल्या मूळ रचना प्रमाणच ताल आनी संदर्भांत आस्पावता.

To Support Kodial Khaber click the following button.