Displaying items by tag: Davangere

ದಾವಣಗೆರೆ: ಶೈಕ್ಷಣಿಕ ಕಾಳಜಿಚೆ ಸಾಂಗತ ವಿದ್ಯಾರ್ಥಿಯಾ° ಮಧೆ° ಜ್ಞಾನಾಚೆ ಪರಿಜ್ಞಾನ ವಾಡಯಲ್ಯಾರಿ ಚೆರಡುವಾಂಲೆ° ಭವಿಷ್ಯ ಬರೆ° ಆಸತಾ. ಹ್ಯಾ ವಿಷಯಾರಿ ಶಿಕ್ಷಕ-ಶಿಕ್ಷಕಿಯಾಂಲೆ ಸಾಂಗತ ವ್ಹಡಿಲಾನಿ ಹಾತ ಮೇಳೊಕಾ ಮ್ಹಣು ಮಂಡ್ಯ ಜಿಲ್ಲೆಚೆ ಶ್ರೀರಂಗಪಟ್ಟಣಾಚೊ ಕ್ಷೇತ್ರ ಶಿಕ್ಷಣಾಧಿಕಾರಿ ಎ. ಅನಂತರಾಜು ಹಾಂನಿ° ಸಾಂಗಲೆ°. ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಆನಿ ಕೆ.ಆರ್.ಎಸ್. ಸರ್ಕಾರಿ ಪದವಿ ಪೂರ್ವ ಕಾಲೇಜಾಚೆ ಜೋಡ ಆಶ್ರಯಾರಿ ಚಲೆಲೆ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿಯಾಂಕ ಪರೀಕ್ಷಾ ಪೂರ್ವ ಸಿದ್ಧತಾ ಫುಕಟ ಕಾರ್ಯಾಗಾರ ಸಮಾರಂಭ ಹಾಜೆ° ಉಗ್ತಾವಣ ಕರನು ಆಶೆ° ಸಾಂಗಲೆ°. ಶ್ರೀರಂಗಪಟ್ಟಣಾಚೆ ಶಿಕ್ಷಣ ಸಂಯೋಜಕ ಡಾ. ಪ್ರತಿಮಾ ಮುಖೇಲ ಸೊಯ್ರೆ ಆಶಿಲೆ. 2023-24 ವರಸಾಂತ ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು° ಪ್ರಥಮ ಭಾಸ ಕನ್ನಡಾಂತು° 125ಕ 125 ಅಂಕ ಜೋಡಿಲೆ ವಿದೈಆರ್ಥಿಯಾಂಕ ಕಿರೀಟ ದವರನು ಕನ್ನಡ ತಾಯಿ ಭುವನೇಶ್ವರಿ ಸ್ಮರಣಿಕಾ, ಭಾಂಗರಾಚೆ ಓಪ ಆಸಚೆ ಪದಕ ಸಹಿತ "ಕನ್ನಡ ಕೌಸ್ತುಭ" ರಾಜ್ಯ ಪ್ರಶಸ್ತಿ ದಿವನು ಸನ್ಮಾನ ಚಲೊ. ಕಲಾಕುಂಚ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಪರೀಕ್ಷಾ ಪೂರ್ವ ಸಿದ್ಧತಾ ಬದಲ ಉಪನ್ಯಾಸ ದಿಲೆ°. ಕಾಲೇಜಾಚೊ ಉಪ ಪ್ರಾಚಾರ್ಯ ಸಿ. ಉಮೇಶ್ವರ, ಸಿಬಿಸಿ ಸಮಿತಿ ಅಧ್ಯಕ್ಷ ಎಂ.ಬಿ.ಕುಮಾರ್, ಎಸ್.ಡಿ.ಎಂ.ಸಿ. ಅಧ್ಯಕ್ಷ ರಾಜೇಶ ಆಚಾರಿ, ಸಮಾಜ ಸೇವಕ ಶ್ರೀಧರ ನಾಯಕ್, ಶಿಕ್ಷಕಿ ಶ್ರೀಮತಿ ವಿದ್ಯಾ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಚಿತ್ರಶ್ರೀ ಪಂಗಡಾನ ಪ್ರಾರ್ಥನ ಸಾಂಗಲಿ. ಎಸ್.ಡಿ.ಎಂ.ಸಿ.ಸಾoದೊ ರಾಮಪ್ರಸಾದ ಪೊನ್ನುಸ್ವಾಮಿನ ಸ್ವಾಗತಾಚೆ ಉತ್ರ° ಸಾಂಗಲಿ°. ಸಹ ಶಿಕ್ಷಕ ಎಲ್. ಜಿ. ಲಿಂಗರಾಜಪ್ಪ ಹಾಂನಿ° ಸೂತ್ರ ಸಂಚಾಲನ ಕೆಲೆಂ. ಸಹ ಶಿಕ್ಷಕಿ ಎಸ್. ಜಯಲಕ್ಶ್ಮೀನ ಆಬಾರ ಮಾನಲೊ.

 

To Support Kodial Khaber click the following button.

 

Published in shimoga
Tagged under

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆನ ಶ್ರೀ ಗಣೇಶೋತ್ಸವದ ಪ್ರಯುಕ್ತ ಆಯೋಜನ ಕೆಲೆಲೆ ರಾಜ್ಯ ಸ್ಥರಾಚೆ 50 ಪೈಸೆ ಪೋಸ್ಟಲ್ ಕಾರ್ಡಾರ ಶ್ರೀ ಗಣಪತಿ ಚಿತ್ರ ಬರೊವಚೊ ಸ್ಪರ್ಧೊ “ಅಂಚೆ-ಕುοಚ” ಸ್ಪರ್ಧೆಚೊ ಫಲಿತಾಂಶ ಅಶೆ° ಆಸಾ. ಪ್ರಾಥಮಿಕ ವಿಭಾಗ ಪಯಲೆ° ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಗೋಕರ್ಣಾಚೆ ನಾರಾಯಣ ಪೈ, ದುಸ್ರೆ ಇನಾಂ ದಕ್ಷಿಣ ಕನ್ನಡ ಜಿಲ್ಲೆಚೆ ಪುತ್ತೂರಚೆ ಎ. ಪ್ರಚೇತ್ ಪೈ, ತಿಸ್ರೆ° ಇನಾಂ ಶಿವಮೊಗ್ಗ ಜಿಲ್ಲೆಚೆ ಜ್ಯೋತಿ ನಗರಾಚೆ ಹರ್ಷಿತ ಡಿ. ಆನಿ ತೊಕಣಾಯ ಇನಾಂ ಶಿವಮೊಗ್ಗ ಜಿಲ್ಲೆಚೆ ಬಳ್ಳಾಪುರಚೆ ಆರ್ಯನ್ ಪಿ., ಬಾಗಲಕೋಟೆ ಜಿಲ್ಲೆಚೆ ಶಿವಪುರಚೆ ಚಂದನ ಕೆ.ಸಿ. ಆನಿ ಮಹಾರಾಷ್ಟಾçಚೆ ಶ್ರೀರಾಂಪುರಚೆ ದೀಪಕ್ ವಾರ್ಕಾಂಡೆ ಹಾಂಕಾ° ಫಾವೊ ಜಾಲಾ°. ಕಿರಿಯರ ವಿಭಾಗಾಂತು° ಪಯಲೆ° ಇನಾ° ಬೆಂಗಳೂರಚೆ ನವ್ಯ ಮನೋಹರ ಪೈ, ದುಸ್ರೆ ಇನಾಂ ಮಂಡ್ಯ ಜಿಲ್ಲೆಚೆ ಹೊನ್ನಾಯನಕನಳ್ಳಿಚೆ ಹೆಚ್.ವಿ. ವಿಷ್ಣುಪ್ರಸಾದ್, ದಾವಣಗೆರೆಚೆ ಸಿರಾಲಿ ಎಲ್., ಶಿವಮೊಗ್ಗ ಜಿಲ್ಲೆಚೆ ಕಾಚಿನಕಟ್ಟೆಚೆ ನವ್ಯ.ಟಿ. ಹಾಂನಿ° ವಾಂಟೂನ ಘೆತಲಾ°, ತಿಸ್ರೆ ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಚೆ ಸಮರ್ಥ ಮೂನಕಾಮೆ ಆನಿ ತೊಕಣಾಯಾಚೆ ಇನಾಂ ಕೇರಳ ರಾಜ್ಯಾಚೆ ಕಾಸರಗೋಡಚೆ ಆದ್ಯಂತ ಅಡೂರು, ಗದಗಾಚೆ ಸಂಗೀತ ಹಾದಿಮನಿ, ದಾವಣಗೆರೆಚೆ ಕೀರ್ತಿ ಜಿ.ಎಸ್., ನಿಧಿಶ್ರೀ, ದಾವಣಗೆರೆ ಜಿಲ್ಲೆಚೆ ಕೋಟೆಹಾಳಿಚೆ ತೇಜಸ್.ಎ.ಎಸ್., ಶಿವಮೊಗ್ಗ ಜಿಲ್ಲೆಚೆ ಬೇಡರ ಹೊಸಹಳ್ಳಿಚೆ ಭರತ್ ಆರ್. ಹಾಂಕಾ° ಫಾವೊ ಜಾಲಾ°. ಮ್ಹಾಲ್ಗಡೆಂಕ ಆಯೋಜನ ಜಾಲೆಲೆ ಸ್ಪರ್ಧೆಂತು° ಪಯಲೆ° ಇನಾಂ ಶಿವಮೊಗ್ಗ ಜಿಲ್ಲೆಚೆ ತೀರ್ಥಹಳ್ಳಿ ತಾಲ್ಲೂಕಾಚೆ ಆರಗಾಚೆ ಅಮೃತ ನೂತನ್ ಆನಿ ದಕ್ಷಿಣ ಕನ್ನಡ ಜಿಲ್ಲೆಚೆ ಕುದ್ರೋಳಿಚೆ ರಾಜೇಶ್ ಡಿ. ಶೇಟ್ ಹಾಂಕಾ, ದುಸ್ರೆ ಇನಾಂ ದಾವಣಗೆರೆಚೆ ಛಾಯಾ. ಎಸ್. ವಿ., ತಿಸ್ರೆ ಇನಾಂ ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಚೆ ಲೋಹಿತಾಶ್ವ. ಬಿ. ಆನಿ ತೊಕಣಾಯೆಚೆ ಇನಾಂ ಮಹಾರಾಷ್ಟ್ರಾಚೆ ನಾಸಿಕಚೆ ಚಾಂದನಿ ಚಂದಾವಾರ್ಕರ್, ತಮಿಳುನಾಡಾಚೆ ತಿರುವನಂತಪುರಚೆ ಯಶೋಧಾ ರವಿಚಂದ್ರ ಶೆಣೈ, ಬೆಳಗಾವಿಚೆ ಶರಣಪ್ಪ ಕರ್ಜಗಿ, ದಾವಣಗೆರೆಚೆ ಎ. ಎಸ್. ಯಶೋಧಮ್ಮ, ನಿರ್ಮಲಾ ಆರ್. ರಾವ್ ಹಾಂಕಾ° ಫಾವೊ ಜಾಲಾ°. ಕರ್ನಾಟಕ ಆನಿ ಹೇರ ರಾಜ್ಯಾ ದಾಕೂನ ಒಟ್ಟು 1,876 ಪೋಸ್ಟ ಕಾರ್ಡ° ಆಯಲೆ ಮ್ಹಣು ತೀರ್ಪುಗಾರಾ° ಪಯಕಿ ಎಕಲಿ ಜ್ಯೋತಿ ಗಣೇಶ್ ಶೆಣೈ ಆನಿ ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°.

Published in shimoga

ಕಾಸರಗೋಡು: ಕಲಾ, ಸಾಹಿತ್ಯ, ಸಂಗೀತ, ಸಂಸ್ಕೃತಿ, ಆಧ್ಯಾತ್ಮ ಸಾರಕಿಲಿ ಆಮಗೆಲಿ ಲೋಕಪರಂಪರಾ ಆಮಿ ಮನಶಾಚಾ ಅವಸಾಂದ್ಯಾಚ ಮನಾಂಕ ಮೋಹಿತ ಕರಚಾಕ ಗುಂತಾಯತಾ ತೆನ್ನಾ ಸರ್ವ ಶಕ್ತಿಮಾಣತಾಯ ಪುರಾಯ ಜಾತಾ. ಜ್ಞಾನಾಚೆ ಭೂಕೆಕ ಲಾಗೂನ ಸಾಹಿತ್ಯಾಚೆ ಜ್ಞಾನಯಿ ವಾಡತಾ. ಹ್ಯಾ ಶೀಮಾ ವಲಯಾಚೆ ಪ್ರದೇಶಾಂತು° ಕನ್ನಡ ನಾಡು-ನುಡಿಚೆ ಇತಿಹಾಸ ಸಾಹಿತ್ಯ ಪರಂಪರೆಚಿ ಸೇವಾಆ ಕರತ ಆಸಚೆ ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೊ ಪರಿಶ್ರಮ ತೋಕಣಾಯೆಚೊ ಮ್ಹಣು ಶ್ರೀ ಶ್ರೀ ಯೋಗಾನಂದ ಸರಸ್ವತಿ ಸ್ವಾಮೀಜಿ ಹಾಂನಿ° ಸಾಂಗಲಾ°.
ದಾವಣಗೆರೆಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆಚೊ ಅಂಗ ಸಂಸ್ಥೊ ಕಲಾಕುಂಚ ಕೇರಳ ಗಡಿನಾಡ ಶಾಖೊ ಹಾಂನಿ° ಆರತಾ° ಕೇರಳ ರಾಜ್ಯಾಚೆ ಕಾಸರಗೋಡು ಜಿಲ್ಲೆಚೆ ಉಪ್ಪಳಾಚೆ ಶ್ರೀಕ್ಷೇತ್ರ ಕೊಂಡೆವೂರಾಚೆ ಶ್ರೀ ಗಾಯಿತ್ರಿ ಮಂಟಪಾοತು° ಲಕ್ಷ್ಮೀ ವಿ. ಭಟ್ ಹಾಂಗೆಲೆ 'ಭಕ್ತಿ ಮಂಜರಿ' ಕವನ ಸಂಕಲನ ಲೋಕಾರ್ಪಣ ಕರನು ತಾಂನಿ° ಆಶೀರ್ವಚನ ದಿಲೆ°. ತ್ಯಾಚ ವೇಳಾರ ಮ್ಹಾಲ್ಗಡೆ ಸಾಹಿತಿ ಜಾವನು ಆಸಚೆ ಪಿ. ನಾರಾಯಣ ಮೂಡಿತ್ತಾಯ, ವಿ. ಬಿ. ಕುಳಮರ್ವ, ಮೀನಾಕ್ಷಿ ರಾಮಚಂದ್ರ, ಡಾ. ಸುರೇಶ್ ನೆಗಳಗುಳಿ ಹಾಂನಿ° 'ಸುಚರಿತರು', 'ಕಲರವ', 'ಭಾರತಾಂಭೆಗೆ ನಮನ', 'ಭಾವಸ್ಪರ್ಶ' ಹ್ಯಾ ಕವನ ಸಂಕಲನಾοಚೆ ಲೋಕಾರ್ಪಣ ಕರನು ಕೃತಿಂಚೆ ಅವಲೋಕನ ಕೆಲೆ°. ಲೇಖಕಿ ಲಕ್ಷ್ಮೀ ವಿ. ಭಟ್ ಹಾಂನಿ° ತಾಂಗೆಲೊ ಅನುಭವ ಕಳಯಲೊ ಆನಿ ಸಗಟಾಲೊ ಆಬಾರ ಮಾನಲೊ. ಛಾಪಕ ಪಿ. ವಿ. ಪ್ರದೀಪ್ ಕುಮಾರ್ ಹಾಂನಿ° ಶುಭಾಷಯ ಪಾಟಯಲೊ. ಗಾಯಕ ಸುಪ್ರಜಾ ರಾವ್, ರಾಧಾಮಣಿ ಆರ್.ರಾವ್, ದಿವಾಕರ ಬಲ್ಲಾಳ್, ಗಣಪತಿ ಭಟ್ ಫೆರ್ಮುಖ, ದೇವಾಂಶು ಕಾರಂತ್, ವೇದಾಂತ್ ಕಾರಂತ್, ಪ್ರಾರ್ಥನಾ ಅಡಿಗ, ಕೀರ್ತನಾ ಅಡಿಗ, ರೂಪಶ್ರೀ ಬಲ್ಲಾಳ್, ದಿವ್ಯಾ ಕಾರಂತ್ ಹಾಂನಿ° ಕೃತಿಂಚೆ ಕವನಾಂಕ ರಾಗ ಸಂಯೋಜನ ಕರನು ಗಾಯಚೆ° ಕೆಲೆ°.
ಆದಿತಿ ಲಕ್ಷ್ಮೀಲೆ ಪೂಜಾ ನೃತ್ಯಾಚೆ ಸಾಂಗತ ಶುರುವಾತ ಜಾಲೆಲೆ ಕಾರ್ಯಕ್ರಮಾಂತ ಕಲಾಕುಂಚ ಕೇರಳ ಗಡಿನಾಡ ಶಾಖೆಚೆ ಅಧ್ಯಕ್ಷಾ ಜಯಲಕ್ಷ್ಮೀ ಕಾರಂತ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ದಿವಾಕರ ಬಳ್ಳಾಲ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಯೋಗಿಶ ರಾವ್ ಹಾಂನಿ° ಆಬಾರ ಮಾನಲೊ. ಸಂಸ್ಥೆಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರಾನಿ ಶುಭಾಷಯ ಪಾಟಯಲೊ.

Published in shimoga

ದಾವಣಗೆರೆ: ಹಾಂಗಾಚೆ ಕಲಾಕುಂಚ ಸಾಂಸ್ಕೃತಿಕ ಸಂಸ್ಥೆ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನ ಹಾಂಗೆಲೆ ಜೋಡ ಆಶ್ರಯಾರಿ 2022-23 ವರಸಾಂತ ಎಸ್.ಎಸ್.ಎಲ್.ಸಿ. ಪರೀಕ್ಷೆಂತು° 625 ಕ 625 ಪರಿಪೂರ್ಣ ಅಂಕ ಜೋಡಿಲೆ ಬೆಂಗಳೂರಚೆ ಭೂಮಿಕಾ ರಮೇಶ್ ಪೈ ಹಾಂಕಾ° "ಸರಸ್ವತಿ ಪುರಸ್ಕಾರ" ರಾಜ್ಯ ಪ್ರಶಸ್ತಿ ಪ್ರದಾನ ಕರಚೆ° ಜಾಲೆ°. ಶಾಮನೂರು ಶಿವಶಂಕರಪ್ಪ ಪಾರ್ವತಮ್ಮ ಸಮುದಾಯ ಭವನಾಂತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ಕನ್ನಡ ಅಭಿವೃದ್ಧಿ ಪ್ರಾಧಿಕಾರಾಚೊ ನಿಕಟಪೂರ್ವ ಅಧ್ಯಕ್ಷ, ಅಂತರಾಷ್ಟಿçÃಯ ಖ್ಯಾತ ಪ್ರಶಸ್ತಿ ಪುರಸ್ಕೃತ ರಂಗಕರ್ಮಿ, ಚಲನಚಿತ್ರ ನಟ, ನಿರ್ದೇಶಕ ಬೆಂಗಳೂರಚೊ ಟಿ. ಎಸ್. ನಾಗಾಭರಣ, ಕಲಾಕುಂಚ ಸಂಸ್ಥೆಚೊ ಅಧ್ಯಕ್ಷ ಕೆ. ಎಚ್. ಮಂಜುನಾಥ್, ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಾ ಜ್ಯೋತಿ ಗಣೇಶ್ ಶೆಣೈ, ಗೌರವ ಅಧ್ಯಕ್ಷಾ ವಸಂತಿ ಮಂಜುನಾಥ್, ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಥಾನಾಚೆ ಅಧ್ಯಕ್ಷ ಬೆಂಗಳೂರಚೆ ಡಾ. ನಾಗೇಶ್ ಸಂಜೀವ ಕಿಣಿ, ಸಮಿತಿ ಸದಸ್ಯ ಶ್ರೀಧರ ನಾಯಕ್, ವಂದನಾ ಶೆಣೈ, ಮುಕ್ತಾ ಶ್ರೀನಿವಾಸ ಪ್ರಭು, ಭೂಮಿಕಾಳೆ ವ್ಹಡಿಲ ರಮೇಶ ಪೈ, ರಮ್ಯಾ ಪೈ ದಂಪತಿ, ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ.

 

Published in shimoga

ದಾವಣಗೆರೆ: ಅಧಿಕ ಶ್ರಾವಣ ಮಾಸಾಕ ಲಾಗೂನ ಹಾಂಗಾಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾοತು° ಶ್ರೀ ಗಾಯತ್ರಿ ಮಹಾಯಜ್ಞ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾ ಚಲಿ. ಹ್ಯಾ ವೇಳಾರ 33 ಕೋಟಿ ದೇವತೆಂಕ ಉಡಗಾಸ ಕಾಣು 33 ಸುಹಾಸಿನಿಯಾಂಕ ಶಾಸ್ತ್ರೋಕ್ತ  ಜಾವನು ಕಂಕಣ ಬಾಂದೂನ, ಹಳದಿ ಕುಂಕುಮ, ಪಾಚ್ವೆ° ಗ್ಯಾಸಾಚೆ ಕಾಂಕಣ, ಶ್ರೀ ಗಾಯತ್ರಿ ಶ್ಲೋಕಾಚೆ ಪುಸ್ತಕ, ಚೋಳಿಯೆ ಕಣ, ನಾರಲು ದಿವನು ವ್ಹಂಟಿ ಭರರು ಗೌರವಾರ್ಪಣ ಕೆಲೆಲೆ ಅವಿಸ್ಮರಣೀಯ ಘಡಣಿ ಘಡಲಿ. ಶ್ರೀ ಗಾಯತ್ರಿ ಪರಿವಾರದ ಅಧ್ಯಕ್ಷಾ ಡಾ|| ಸುಶೀಲಮ್ಮ ಹಾಂನಿ° ತಾಂಗೆಲೊ ಸಂತೋಸ ವ್ಯಕ್ತ ಕೆಲೊ.
ಕಲಾಕುಂಚ ಮಹಿಳಾ ವಿಭಾಗಾಚಿ ಸಂಸ್ಥಾಪಕಿ ಜ್ಯೋತಿ ಗಣೇಶ್ ಶೆಣೈ ಹಾಂಗೆಲೆ ಮುಖೆಲಪಣಾರಿ ಚಲೆಲೆ ಹ್ಯಾ ಕಾರ್ಯಕ್ರಮಾಂತು° ಕಲಾಕುಂಚ ಮಹಿಳಾ ವಿಭಾಗಾಚಿ ಗೌರವಾಧ್ಯಕ್ಷಾ ವಸಂತಿ ಮಂಜುನಾಥ, ಅಧ್ಯಕಾ ಹೇಮಾ ಶಾಂತಪ್ಪ ಪೂಜಾರಿ, ಕಲಾಕುಂಚ ಸಿದ್ದವೀರಪ್ಪ ಬಡಾವಣೆ ಶಾಖೆಚಿ ಅಧ್ಯಕ್ಷಾ ಲಲಿತಾ ಕಲ್ಲೇಶ್, ಮ್ಹಾಲ್ಗಡಿ ಗಾಯಿಕಾ ವಿದುಷಿ ಸಾವಿತ್ರಮ್ಮ ಶಂಕರನಾರಾಯಣ ಶಾಸ್ತ್ರಿ ಆನಿ ಹೇರ ಉಪಸ್ಥಿತ ಆಶಿಲೆ.

Published in shimoga

ದಾವಣಗೆರೆ: ಆಮಗೆಲಿ ಸಂಸ್ಕೃತಿ, ಸಂಸ್ಕಾರ, ಸನಾತನ, ಧಾರ್ಮಿಕ, ಐತಿಹಾಸಿಕ ಪರಂಪರೆಚೊ ವೈಭವ ವಿಶ್ವವ್ಯಾಪಿ ಜಾವಚಾಕ ಕಾರಣ ಭಾರತ ದೇಶ, ತಾಂತೂοಯೀ ಆಮಗೆಲೆ ಕನ್ನಡ ನಾಡು-ನುಡಿಚೆ ಸಾಂಗತ ಆಧ್ಯಾತ್ಮಾಚಿ ಜಾಗೃತಾಯ ಆಸಾ ಕರಚೆ° ದಾವಣಗೆರೆಚೆ ಶ್ರೀ ಗಾಯತ್ರಿ ಪರಿವಾರ ಸಂಘಟನೆನ ಕೆಲೆಲೆ° ಭರಮೆಚೊ ವಿಶಯ. ಹೋಮ, ಹವನ, ಪೂಜಾ, ಪುನಸ್ಕಾರ ಕ್ರಮಬದ್ದ ವೇವಸ್ಥಿತ ಜಾವನು ಲೋಕಕಲ್ಯಾಣಾ ಕಾತಿರ ಕರನು ಪರಮಾತ್ಮಾಲೆ ಕೃಪೆಕ ಫಾವೊ ಜಾಲ್ಯಾಂತಿ ಮ್ಹಣು ಶ್ರೀ ಕ್ಷೇತ್ರ ಪುರವರ್ಗ ಹಿರೇಮಠದ ಶ್ರೀ ಶ್ರೀ ಓಂಕಾರ ಶಿವಾಚಾಚಾರ್ಯ ಮಹಾಸ್ವಾಮಿ ಹಾಂನಿ° ಆಶೀರ್ವಚನಾಂತು° ಸಾಂಗಲೆ°. ಹಾಂಗಾಚೆ ಶ್ರೀ ಸುಕೃತೀಂದ್ರ ಕಲಾಮಂದಿರಾοತು° ಶ್ರೀ ಗಾಯತ್ರಿ ಪರಿವಾರ ಹಾಂನಿ° ಮಾಡೊನ ಹಾಡಲೆಲೆ ಶ್ರೀ ಗಾಯತ್ರಿ ಯುಜ್ಞ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜಾಚೆ ಸಂದರ್ಭಾರ ತಾಂನಿ° ಅಶೆ° ಸಾಂಗಲೆ°. ಮುಖೇಲ ಸೊಯ್ರೆ ಜಾವನು ಮ್ಹಾಲ್ಗಡೆ ವೇದಶಾಸ್ತ್ರ ತಜ್ಞ, ಮ್ಹಾಲ್ಗಡೆ ಪುರೋಹಿತ ವೇ|| ಮು|| ಎಸ್. ಶಂಕರ ನಾರಾಯಣ ಶಾಸ್ತ್ರೀ, ಬೆಂಗಳೂರಚೆ ಸಿದ್ದಿ ಸಮಾಧಿ ಯೋಗ ಸಮಿತಿಚೆ ದಾವಣಗೆರೆ ಜಿಲ್ಲಾ ಮುಖ್ಯಸ್ಥ ರೇಣುಕಮ್ಮ ಮಾತಾಜೀ, ಮಾರಿಕಾಸ್ ಶ್ರೀ ವೆಂಕಟೇಶ್ವರ ಆಶ್ರಮಾಚೆ ತಿಸ್ರೆ ಪಿಳಗಿಚೆ ಸ್ವಾಮಿ ಜಾವನು ಆಸಚೆ ಸುದರ್ಶನ ದೇವೆಂದ್ರ ಅಪ್ಪಯ್ಯ ಗುರುಜೀ, ದಾವಣಗೆರೆ ಪಾಟೀದಾರ ಸಮಾಜಾಚೆ ಅಧ್ಯಕ್ಷ ಡಾ|| ರಮೇಶ್ ಪಟೇಲ್ ಉಪಸ್ಥಿತ ಆಶಿಲೆ. ಶ್ರೀ ಗಾಯತ್ರಿ ಪರಿವಾರ ಹಾಜೆ ಗೌರವಾಧ್ಯಕ್ಷ ಕೆ. ಹೆಚ್. ಮಂಜುನಾಥ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗಲಿ°. ಶ್ರೀ ಗಾಯತ್ರಿ ಪರಿವಾರ ಹಾಜಿ ಅಧ್ಯಕ್ಷಾ ಡಾ|| ಸುಶೀಲಮ್ಮ ಕಾರ್ಯಕ್ರಮಾಚಿ ಅಧ್ಯಕ್ಷಾ ಆಶಿಲಿ. ಶ್ರೀ ಗಾಯತ್ರಿ ಹೋಮ, ಶ್ರೀ ಸತ್ಯನಾರಾಯಣ ಸಾಮೂಹಿಕ ಪೂಜಾ ಸಂಕಲ್ಪ ಕರನು ಸೇವಾ ಕೆಲೆಲೆ ಲೋಕಾಂಕ ಶ್ರೀ ಗಾಯತ್ರಿ ದೇವಿಲಿ ಯಾದಸ್ತಿಕಾ, ಪೂಜಾ ಕಳಶ, ಶ್ರೀ ಸತ್ಯನಾರಾಯಣ ದೇವಾಲೆ ಬಿಲ್ಲಾ ದಿವಚೆ° ಜಾಲೆ°. ಬಾಲಪ್ರತಿಭಾ ಆಯಿಷ್ಯಕೃಷ್ಣ ಪ್ರಭುನ ಭಗವದ್ಗೀತೆಚೆ ಶ್ಲೋಕ ಸಾಂಗೂನ ಪ್ರಾರ್ಥನಾ ಕೆಲಿ. ಶೈಲಾ ವಿನೋದ್ ದೇವರಾಜ್ ಹಾಂನಿ° ಸ್ವಾಗತಾಚೆ ಉತ್ರಂ ಸಾಂಗಲಿ°. ಪ್ರಧಾನ ಕಾರ್ಯದರ್ಶಿ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಸೂತ್ರ ಸಂಚಾಲನ ಕರನು ಆಬಾರ ಮಾನಲೊ.

Published in shimoga

ದಾವಣಗೆರೆ: ದಾವಣಗೆರೆ ಆನಿ ಸಾಲಿಗ್ರಾಮಚೆ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನಾನ ಬೆಂಗಳೂರಚೆ ಬದರಿನಾಥ್ ಶರತ್ ಕಿಣಿ ಹಾಂಕಾ° "ಸರಸ್ವತಿ ಪುರಸ್ಕಾರ" ರಾಜ್ಯ ಪ್ರಶಸ್ತಿಕ ವಿಂಚೂನ ಕಾಡಲಾ ಮ್ಹಣು ಪ್ರತಿಷ್ಠಾನಾಚೊ ಸಂಸ್ಥಾಪಕ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂನಿ° ಕಳಯಲಾ°. 2022-23 ವರಸಾಕ ಸಾರ್ವಜನಿಕ ಶಿಕ್ಷಣ ಇಲಾಖೆನ ಕೆಲೆಲೆ ಪರೀಕ್ಷೇಂತು° 625 ತು° 612 ಅಂಕ ಜೋಡೂನ ಉತ್ತಮ ಸಾಧನಾ ಕೆಲೆಲೆ ಹಾಂನಿ° ಉಡುಪಿ ಜಿಲ್ಲೆಚೆ ಕುಂದಾಪುರಚೆ ಶ್ರೀ ವೆಂಕಟರಮಣ ವಿದ್ಯಾಸಂಸ್ಥೆοತು° ವ್ಯಾಸಂಗ ಕೆಲೆಲೆ°. ಬದರಿನಾಥ್ ಶರತ್ ಕಿಣಿ ಹಾಂಕಾ° ಜುಲೈ 30 ತಾರೀಕೆಕ ದಾವಣಗೆರೆಂತು° ಚಲಚೆ ಸುವಾಳ್ಯಾಂತು° ಪ್ರಶಸ್ತಿ ಪ್ರದಾನ ಚಲಚೆ° ಆಸಾ ಮ್ಹಣು ಕಲಾಕುಂಚ ಸಂಸ್ಥೊ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಹಾಂನಿ° ಕಳವಣಿಂತು° ಸಾಂಗಲಾ°.

ಯೋಗ ಸಾಧಕಿ ಮುಕ್ತಾ ಶ್ರೀನಿವಾಸ ಪ್ರಭುಕ ಭಾಂಗರಾ ಪದಕ


ಅಂತರ್ರಾಷ್ಟ್ರೀಯ ಯೋಗ ದೀವಸ ಆಚರಣೆ ಸಂದರ್ಭಾರಿ ದಾವಣಗೆರೆ ಜಿಲ್ಲಾ ಯೋಗ ಒಕ್ಕೂಟ ಆನಿ ಲಯನ್ಸ್ ಕ್ಲಬ್ ಜೋಡ ಆಶ್ರಯಾರಿ ಜಿಲ್ಲಾ ಸ್ಥರಾರಿ ಯೋಗ ಸ್ಪರ್ಧೊ ಚಲೊ. ಹಾಂತು° ಯೋಗ ಸಾಧಕಿ ಮುಕ್ತಾ ಶ್ರೀನಿವಾಸ ಪ್ರಭು ಹಾಂನಿ° ಪಯಲೆ° ಇನಾ° ಆನಿ ಭಾಂಗರಾ ಪದಕ ಜಿಕಲ್ಯಾಂತಿ. ಯೋಗ ಗುರು ವೈದ್ಯಶ್ರೀ ಚನ್ನಬಸವಣ್ಣ, ಡಾ. ಲಕ್ಶ್ಮೀ ಶ್ರೀನಿವಾಸ ಗುರುಜೀ, ಅಂತರ್ರಾಷ್ಟ್ರೀಯ ಯೋಗ ವರೇಣ್ಯಾರ ಅನಿಲ್ ರಾಯ್ಕರ್, ಜಿಲ್ಲಾ ಯೋಗ ಒಕ್ಕೂಟ ಹಾಜೊ ಅಧ್ಯಕ್ಷ ವಾಸುದೇವ ರಾಯ್ಕರ್, ಜಿಲ್ಲಾ ಆಯುಷ್ ಅಧಿಕಾರಿ ಡಾ. ಶಂಕರಗೌಡ, ಯೋಗ ಒಕ್ಕೂಟ ಹಾಜೊ ಗೌರವ ಅಧ್ಯಕ್ಷ ಬಿ.ಸಿ. ಉಮಾಪತಿ, ಪ್ರಧಾನ ಕಾರ್ಯದರ್ಶಿ ಡಾ. ಯು. ಸಿದ್ದೇಶ್, ಲಯನ್ಸ್ ಕ್ಲಬ್ ಅಧ್ಯಕ್ಷ ಎಸ್.ಆರ್. ನಾಗಭೂಷಾಣ್ ರಾವ್, ಸಿದ್ದಿ ವಿನಾಯಕ ಯೋಗ ಕೇಂದ್ರ ಹಾಜೆ ವ್ಹಾಂಗಡಿ, ಯೋಗ ಶಿಕ್ಷಕ, ಶಿಕ್ಷಕಿಯೊ ಉಪಸ್ಥಿತ ಆಶಿಲೆ. ದಾವಣಗೆರೆ ಗೌಡ ಸಾರಸ್ವತ ಸಮಾಜ ಆನಿ ಶ್ರೀಮತಿ ಸರಸ್ವತಿ ದಾಸಪ್ಪ ಶೆಣೈ ಪ್ರತಿಷ್ಠಾನ ತರಪೇನ ಸಾಲಿಗ್ರಾಮ ಗಣೇಶ್ ಶೆಣೈ ಆನಿ ಹೇರಾನಿ ಅಭಿನಂದನ ಪಾಟಯಲೆ°.

 

Published in shimoga

ದಾವಣಗೆರೆ: ಹಾಂಗಾಚೆ ಶ್ರೀಮತಿ ಪ್ರೇಮಾ ಅರುಣಾಚಲ ಎನ್. ರೇವಣಕರ್ ಪ್ರತಿಷ್ಠಾನಾಚೆ ಆಶ್ರಯಾರಿ ಶ್ರೀಮತಿ ಗೌರಮ್ಮ ನರಹರಿಶೇಟ್ ಸಭಾ ಭವನಾಂತು° 2022-23 ವರಸಾಚೆ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿ-ವಿದ್ಯಾರ್ಥಿನಿಯಾಂಕ “ಶಾರದಾ ಪುರಸ್ಕಾರ” ರಾಜ್ಯ ಪ್ರಶಸ್ತಿ ಪ್ರಧಾನ ಜಾಲೆಂ. ಹ್ಯಾ ಸಂದರ್ಭಾರಿ ಹ್ಯಾ ಕಾರ್ಯಕ್ರಮಾಚೆ ಪರಿಪೂರ್ಣ ಪರಿಕಲ್ಪನಾ, ಆಯೋಜನಾ, ವ್ಯವಸ್ಥಿತ ಜಾವನು ನಿರೂಪಣ ಕೆಲೆಲೆ ಕಲಾಕುಂಚ ರೂವಾರಿ ಸಾಲಿಗ್ರಾಮ ಗಣೇಶ್ ಶೆಣೈ ಹಾಂಕಾ° ಸನ್ಮಾನ ಚಲೊ. ಪ್ರತಿಷ್ಠಾನಾಚೊ ನಿರ್ದೇಶಕ ನಲ್ಲೂರು ಲಕ್ಶ್ಮಣ್‌ರಾವ್, ಅಖಿಲ ಭಾರತ ದೈವಜ್ಞ ಸಮಾಜಾಚೊ ಅಧ್ಯಕ್ಷ ದಿನಕರ ಶಂಕರ ಬೈಕೇರಿಕರ್, ಕನ್ನಡ ಸಾಹಿತ್ಯ ಪರಿಷತ್ತ ಮಂಗಳೂರು ಘಟಕಾಚೊ ಅಧ್ಯಕ್ಷ ಡಾ. ಮಂಜುನಾಥ್ ಎಸ್. ರೇವಣಕರ್, ದಾವಣಗೆರೆ ದೈವಜ್ಞ ಸಮಾಜಾಚೊ ಅಧ್ಯಕ್ಷ ಪ್ರಶಾಂತ ವಿಶ್ವನಾಥ್ ವರ್ಣೇಕರ್, ಪ್ರತಿಷ್ಥಾನಾಚೊ ಸ್ಥಾಪಕ ಡಾ. ನಲ್ಲೂರು ಅರುಣಾಚಲ ಎನ್.ರೇವಣಕರ್, ಪ್ರತಿಷ್ಠಾನಾಚಿ ಅಧ್ಯಕ್ಷಾ ಪ್ರೇಮಾ ಅರುಣಾಚಲ ಎನ್.ರೇವಣಕರ್ ಆನಿ ಹೇರ ಉಪಸ್ಥಿತ ಆಶಿಲೆ.

Published in shimoga

ದಾವಣಗೆರೆ: ಲೋಕಸಭಾ ಸದಸ್ಯ, ಮಾಜಿ ಕೇಂದ್ರ ಸಚಿವ ಜಿ.ಎಂ.ಸಿದ್ದೇಶ್ವರ್ ಹಾಂಗೆಲೆ 71ವೆ° ಜಾಯದೀಸಾಚೆ ಪ್ರಯುಕ್ತ ಮಾಕ್ಷಿಚೆ ಚಾರ ದಶಕಾ ದಾಕೂನ ಸಾಂಸ್ಕೃತಿಕ, ಶೈಕ್ಷಣಿಕ, ಆಧ್ಯಾತ್ಮ, ಪಾರ್ಶ್ವುವಾಯು ರೋಗಾಚಾಂಕ ಫುಕಟ ದಿವ್ಯಾಔಷಧ ವಾಂಟೂಚೆ ಕೆಲೆಲೆ ನಲ್ಲೂರು ಲಕ್ಷ್ಮಣ್ ರಾವ್ ರೇವಣಕರ್ ಹಾಂಕಾ° ಸನ್ಮಾನ ಚಲೊ. ವೇದಿಕೆರಿ ಆದಲೆ ಮುಖ್ಯಮಂತ್ರಿ ಬಿ. ಎಸ್. ಯಡಿಯೂರಪ್ಪ, ಬಸವರಾಜ ಬೊಮ್ಮಾಯಿ, ಕೆ.ಎಸ್.ಈಶ್ವರಪ್ಪ, ಮುರುಗೇಶ್ ನಿರಾಣಿ, ಸಂಸದ ಬಿ.ವೈ.ರಾಘವೇಂದ್ರ, ಆದಲೆ ಶಾಸಕ ಎಸ್.ಎ.ರವೀಂದ್ರನಾಥ್, ಎಸ್.ವಿ.ರಾಮಚಂದ್ರ, ಎಂ.ಪಿ.ರೇಣುಕಾಚಾರ್ಯ, ಶಾಸಕ ಎಂ.ಚοದ್ರಪ್ಪ, ಬಿ.ಪಿ.ಹರೀಶ್ ಆನಿ ಹೇರ ಉಪಸ್ಥಿತ ಆಶಿಲೆ.

Published in shimoga

ದಾವಣಗೆರೆ: ಹಾಂಗಾಚೆ ದೇವರಾಜು ಅರಸು ಬಡವಾಣೆಚೆ ದೈವಜ್ಞ ವಿದ್ಯಾ ಸಂಸ್ಥೆಚೆ ವಠಾರಾಂತು° ವಿಶ್ವ ಯೋಗ ದಿನಾಚರಣಾ ಜಾಲೆ°. ಶಾಳೆಚಿ ಮ್ಹಾಲ್ಗಡಿ ಶಿಕ್ಷಕಿ ಆಶಾ ಬಂಡಿಗೇರಿ ಹಾಂನಿ° ವಿದ್ಯಾರ್ಥಿಯಾಂಕ ಯೋಗಾಭ್ಯಾಸಾ ಕರೊನು ಯೋಗ ಕ್ರೀಯೆಚೊ ಮಹತ್ವ ಸಾಂಗಲೊ. ಸೂರ್ಯನಮಸ್ಕಾರ, ಪ್ರಾಣಾಯಾಮ ಆನಿ ವೆಗವೆಗಳೆ ಆಸನಾಚೆ ಪ್ರದರ್ಶನ ಜಾಲೆ°. ಹರ ಎಕ ಶನ್ವಾರಾ ಶಾಳೆಂತು° ಯೋಗ ಶಿಕ್ಷಣ ಜಾವಚೆ° ಆಸಾ ಮ್ಹಣು ಕಳಯಲೆ°.

ಬೇಕರಿ ವಸ್ತು ಆನಿ ಥಂಡ ಪೇಯ ಘೆನಾಶಿ° ಕಾರ್ಯದರ್ಶಿ ಯೋಗರಾಜ್ ಆರ್ ಅಣ್ವೇಕರ್ ಹಾಂನಿ° ವಿದ್ಯಾರ್ಥಿಯಾಂಕ ಸಲ್ಲಾ ದಿಲೆ°. ಮುಖ್ಯೋಪಾದ್ಯಾಯಿನಿ ಪದ್ಮಾವತಿ ವೆರ್ಣೇಕರ್ ಹಾಂನಿ° ಆಭಿನಂದನ ಪಾಟಯಲೆ°.

Published in Mangalore
Page 1 of 4

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°

ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°

ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ

18:53:41 ವಿಶ್ವ ಕೊಂಕಣಿ  ಕೇಂದ್ರ ‘ಕ್ಷಮತಾ

This application is only for the poor

कोंकणिंतल्या अस्तुरी साहित्याचेर

ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ

ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ

https://www.youtube.com/user/MrBaligavenkatesh

Editorial

ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,

ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.

Shabdvihar

ತಾಕೀತ (ತಾಕೀದ)

ಗೆಲೆಲೆ ಕಡೆನ ಕಸಲೆಂಯಿ ಪಾಡ ಕರಚೇ ಗಲಾಟೊ ಕರಚೇ ಆದಿಲ್ಲೆ ನಾಕಾ ಜಾಲೆಲೆ ಕರನಾಶೀ ಆಸೂಕಾ ಮ್ಹಣು ಆವಯೀನ ತಾಕೀತ(ತಾಕೀದ) ಕರನು ಪೆಟಯಲಾ.

ಹ್ಯಾ ವಾಕ್ಯಾಂತು ತಾಕೀತ (ದ) ಮ್ಹಣಚೋ ಶಬ್ದ ವಾಪರಲಾ ತೇ ಶಬ್ದಾ ವಿಶಿಂ ಸಮಜೂಯಾಂ. ತಾಕೀತ (ದ) ಮ್ಹಣಚೋ ಹೋ ಶಬ್ದು ಸಂಸ್ಕೃತ ಭಾಶೆಚೆ ಖಂಚೇಯ ಶಬ್ದಾಚೇ ತದ್ಭವ ರೂಪ ಜಾವೋ ಪ್ರಾಕೃತ ಶಬ್ದು ಜಾವೋ ನ್ಹಹಿಂ. ಹೋ ಅರಬ್ಬಿ ಭಾಶೇಚೊ ತಾಕೀದ ಮ್ಹಣಚೊ ಶಬ್ದು ಜಾವನು ಆಸಾ. ಅನ್ಯ ಭಾಶಾ ಶಬ್ದ ಸ್ವೀಕರಣ ಮ್ಹಣಚೇ ನಿಯಮಾ ಪ್ರಕಾರ ಹೋ ತಾಕೀದ್ ಶಬ್ದು ಕೊಂಕಣಿ ಭಾಶೆಂತು ಸ್ವೀಕಾರ ಕೆಲ್ಲಾ ಆನೀ ಹಾಜೋ ಅಥರ್ು ಜಾಗರೂಕತಾಯ, ಚೇತಾವನಿ ಆಸೋ ಮ್ಹಣು ಜೋರಾವರೇನ ಖಂಚೇಯ ಸಾಂಗಿಲೆ, ಉತರಾಚೀ ಆಜ್ಞಾ, ಆದೇಶ ಪರಿಪಾಲನ ಕರಕಾ ಮ್ಹಣು ಜಾಗರೂಕತಾಯಿ, ಬಲಾನ ದೀವಚೆ ಮ್ಹಣು ಜಾವನು ಆಸಾ. ಅರಬ್ಬಿ ಭಾಶೆಚೊ ತಾಕೀದ ಮ್ಹಣಚೊ ಹೋ ಶಬ್ದು ಕೊಂಕಣಿಂತು ತಾಕೀತ ಮ್ಹಣ ಜಾಲ್ಲಾ. ತಾಕೀದ ಮ್ಹಣೂಯಿ ಸಾಂಗತಾತಿ.

An Appeal to the members of the GSB Community

  जेसन पींत, SDB, उद्यावर, उडुपी (MA कोंकणी)

ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°

ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ

ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ

ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ

ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,

ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ

ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು

कोरोना महामारी भारताक येवनु ६ महिने जाले.

ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ

Home

Ad for Aruna Masala

ಶ್ರದ್ಧಾಂಜಲಿ

ಅಂಡಾರು ರಾಮದಾಸ ಕಿಣಿ

Featured Chandrika Mohan Pai KC Prabhu

 

Anniversaries

Shabdh Vihaar

Homage

 

Well Wishers

Has no content to show!

Most Read

Homage

Events

Who is Online?

We have 69 guests and no members online

Advertorial

Scroll to top