ಮೂಡುಬಿದಿರೆ: ಅಯೋಧ್ಯೆಂತು° ಶ್ರೀ ರಾಮಲಲ್ಲಾ ಪ್ರಾಣ ಪ್ರತಿಷ್ಠಾ ಜಾಲೆಲೆ ವೇಳಾರ ಮೂಡುಬಿದಿರೆ ಶ್ರೀ ವೆಂಕಟರಮಣ ದೇವಳಾಂತು° "ರಾಗ ಸಂಗಮ" ಹಾಂಗೆಲೆ "ರಾಮಕಥಾ" ಪ್ರವಚನ ಸಪ್ತಾಹ ಚಲೊ. ಉಡುಪಾಚೆ ವಿದ್ವಾನ್ ಹರಿಪ್ರಸಾದ್ ಶರ್ಮ ಹಾಂನಿ° ಪ್ರವಚನ ದಿಲೆ°. ವೆಂಕಟೇಶ ಕಾಮತ್, ರಾಮಕೃಷ್ಣ ಪೈ, ಎ. ಪುಂಡಲೀಕ ಕಿಣಿ, ಸದಾನಂದ ಶೆಣೈ, ರವಿಕಾಂತ್ ನಾಯಕ್, ಗೋಪಾಲಕೃಷ್ಣ ಪ್ರಭು, ವಿಘ್ನೇಶ್ವರ ಭಂಡಾರ್ಕರ್, ಗಣೇಶ್ ಮಲ್ಯ, ಕಾರ್ತಿಕೇಯ ಬಾಳಿಗ, ಉಮೇಶ್ ಹೆಗ್ಡೆ, ವಿಟ್ಟಲರಾಯ ಕಾಮತ್, ನಾಗೇಂದ್ರ ಭಟ್, ಉದಯ ಪ್ರಭು ಪುತ್ತೂರು ಹಾಂನಿ° ಸೇವಾದಾರ ಆಶಿಲೆ. ಆಡಳಿತ ಮೊಕ್ತೇಸರ ಜಿ. ಉಮೇಶ್ ಪೈ, ಆಡಳಿತ ಮಂಡಳಿ ಟ್ರಸ್ಟಿಯೊ, ದೇವಳಾಚೆ ವೆಗವೆಗಳೆ ಸಂಘ ಸಂಸ್ಥೆoಚೆ ಸಾಂದೆ ಉಪಸ್ಥಿತ ಆಸೂನು ಸಹಕಾರ ದಿಲೊ. ಭಜನಾ ಮಂಡಳಿಚೊ ಅಧ್ಯಕ್ಷ ಎಂ. ತುಕಾರಾಮ ಮಲ್ಯ, ರಾಗಸಂಗಮಾಚೆ ಮುರಳೀಧರ ಭಟ್ ಆನಿ ಸಾಂದೆನಿ ಕಾರ್ಯಕ್ರಮ ಸಾಂಬಾಳನು ಹಾಡಲೊ. ಸಪ್ತಾಹಾಚೆ ವೇಳಾರ ಭಜನಾ ಮಂಡಳಿಚೊ ಆದಲೊ ಅಧ್ಯಕ್ಷ ವಿಘ್ನೇಶ್ ಪ್ರಭುಲೆ ಮುಖೇಲಪಣಾರಿ ರಾಮನಾಮ ತಾರಕ ಮಂತ್ರ ಪಠಣ, ಭಜನಾ ಸಂಕೀರ್ತನಾ, ವಿಶೇಷ ಪುಷ್ಪಾಲಂಕಾರ ಪೂಜಾ, ಹನುಮ0ತ ದೇವಾಕ ವಿಶೇಷ ರಂಗಪೂಜಾ ಆನಿ ಜ. 22ಕ ಮಹಾ ಅನ್ನ ಸಂತರ್ಪಣಾ ಚಲೆ.

To Support Kodial Khaber click the following button.

ಮೂಡುಬಿದಿರೆ: ಅಯೋಧ್ಯೆಂತು° ಶ್ರೀ ರಾಮಚಂದ್ರ ದೇವಾಲಿ ಪ್ರಾಣಪ್ರತಿಷ್ಠಾ ಚಲಚೆ ಸಂಭ್ರಮ ಆಚರಣ ಕರಚೆ ನದರೆನ ಮೂಡುಬಿದಿರೆ ವೆಂಕಟರಮಣ ದೇವಳಾಂತು° "ರಾಗ ಸಂಗಮ" ಸಂಸ್ಥೆ ತರಪೆನ ವಿದ್ವಾನ್ ಹರಿಪ್ರಸಾದ ಶರ್ಮ ಹಾಂಗೆಲೆ "ರಾಮಕಥಾ" ಪ್ರವಚನ ಸಪ್ತಾಹಾಚೆ ಉಗ್ತಾವಣ ಜ.15ಕ ಜಾಲೆ°. ವೇ. ಮೂ. ಹರೀಶ್ ಭಟ್, ಆನಿ ವೇ. ಮೂ. ಪದ್ಮನಾಭ ಭಟ್ ಹಾಂನಿ° ದೋನಯಿ ದೇವಳಾಂತು° ಪ್ರರ್ಥನಾ ಕೆಲಿ. ದೀಪ ಪ್ರಜ್ವಲನ ಕಾರ್ಯಕ್ರಮಾಂತು° ಆಡಳಿತ ಮೊಕ್ತೇಸರ ಜಿ. ಉಮೇಶ್ ಪೈ, ಉದ್ಯಮಿ ಪಿ. ವಿಶ್ವನಾಥ ಭಟ್, ದೀಸಾಚೆ ಸೇವಾದಾರ ವೆಂಕಟೇಶ ಕಾಮತ್, ವಿದ್ವಾನ್ ಹರಿಪ್ರಸಾದ ಶರ್ಮ ಉಪಸ್ಥಿತ ಆಶಿಲೆ. ವೆಂಕಟರಮಣ ಭಜನಾ ಮಂಡಳಿಚೊ ಅಧ್ಯಕ್ಷ ಎಂ. ತುಕಾರಾಮ ಮಲ್ಯ ಹಾಂನಿ° ಯೆವ್ಕಾರಾಚೆಂ ಉತ್ರ° ಸಾಂಗಲಿ°. ದೇವದಾಸ ಕಿಣಿ ಹಾಂನಿ° ಆಭಾರ ಮಾನಲೊ.

To Support Kodial Khaber click the following button.

ಮೂಡುಬಿದಿರೆ: ಮಕರ ಸಂಕ್ರಾಂತಿಚೆ ಪುಣ್ಯದಿವಸಾಕ ತ್ಯಾಚ ದೀವಸ ಜಲ್ಮಾಕ ಆಯಿಲೆ ತಾಂಗೆಲೆ ದೇವಾದಿನ ಬಾಪಸೂಲೆ ಜಾಲೆಲೊ ದೀವಸ ಆಚರಣ ಕೆಲೆಲೆ ಎಂ. ಯೋಗೀಶ್ ಪ್ರಭು ಹಾಂನಿ° ಪೇಂಟಾಚೊ ಸೀಯಾಳಾಭಿಷೇಕ ಪ್ರಿಯ ಹನುಮಂತ ದೇವಳಾಕ ಪ್ರಾತಃಕಾಲ ದಾಕೂನ ದೋನಪಾರ ತಾಂಯ ಆಯಿಲೆ ಭಜಕಾಂಕ ಕಿಚಿಡಿ (ಹುಗ್ಗಿ) ಪ್ರಸಾದ ವಾಂಟಚೆ° ಕೆಲೆ°. ಮೂಡುಬಿದಿರೆಂತು° ಲಕ್ಷ್ಮೀ ಲಂಚ್ ಹೋಂ ಚಲಾಯಿಸತಾ ಆಶಿಲೆ ದೇವಾದಿನ ಕೃಷ್ಣರಾಯ ಪ್ರಭು ತಾಂಗೆಲೆ ಉಡಗಾಸಾಕ ಹೀ ಸೇವಾ ಮಾಕ್ಷಿಚೆ 18 ವರಸ ದಾಕೂನ ಚಲತ ಆಸಾ. ಹ್ಯಾ ಪಾವಟಿ ಸಾಬಾರ ಚಾರ ಹಜಾರ ಲೋಕಾಂಕ ಕಿಚಡಿ ವಾಡಚೆ° ಜಾಲಾ°. ಭಾವು ಮನೋಹರ ಪ್ರಭು ಆನಿ ಹೇರಾನ ಸಹಕಾರ ದಿಲೊ.

To Support Kodial Khaber click the following button.

मूडबिदिरेः कातृक पूर्णिमा दिसा सोमारा श्री वेंकटरमण देवळांत मूडवेनुपुराडोदेयाचो कतारिका दिपोत्सव उत्सवांत तरणाट्यांचो संस्कृताय आनी दायजाचो हुस्कोच दिसलो ना, पूण शारांतल्या ईश्वरवादी भक्तांक तांणी वापरिल्ल्या कांय दुर्मिळ खीणांचीय याद करून दिली पोसणें. 24 वरां चलपी हो महोत्सव तरणाटे सांस्कृतीक दायजाचो कसो मान दितात हाची एक देख जाली.

शक्तींचो तिगून गेल्लो संगम!
वशरुगाडु महोत्सवाचो एक भाग म्हूण श्रीदेवलाचे श्रीदेवी भुदेवीवांगडा वेंकटरमन श्रीमहालसनारायणी देवळासावन पावले आनी श्रीगोपालकृष्ण देवांच्या उत्सवाच्यो प्रतिमा पालकींतल्यान वनमंतप्काक गेले. सांज जाल्ली तेन्ना रानांत हवन, पंचमृत साहित्यडी सीय, पुष्पलंकार, महापूज, वनभोजना, उरुलू सेवा हाराके व्हरपी लोकांनी अभिषेकम.

सांजवेळार उत्सव मुथरी शारांतल्यान भायर सरून श्री हनुमान देवळाक वतात. वर्साक फकत एक फावट महालस नारायणी आनी भगवान हनुमान हांचे वांगडा श्री हनुमान देवळांत खाशेली रंग पुजेची उपस्थिती आसता, हांगा भक्त महाप्रसाद घेवपाची वाट पळयतात.हे खेपेय रातच्या साडे इकरा वरांचेर जाल्ली तेन्ना रायड टू द... कट्टेपुजा खातीर शार सुरू जालें.
मुडुवेनुपुरादोदेय, रजता पलाक्की व्हरून उत्सव श्री गोपालकृष्ण देव, मंगल वाय मेला, दिवो, इलाली, ध्वज, छत्र, चमराडी हांचीं प्रतिमां घेवन पुराय रात उत्सवान भरली. परंपरे प्रमाण पंचे शाल बांदून दवरिल्ले तरणाटे फुलां भशेन जड लळकी आनी पालकी घेवन अथकपणान परतले, जाका लागून हो एक उमेदीचो उत्सव जालो. वेगवेगळीं पुजा, नाश्तो आनी नाश्तो दिवप, जाण्टे आनी तरणाटे हांचे वांगडा हेर लोक आशिल्ले.

हनुमानाची वाट पळयत भजका!
मुदुबिदिरीच्या लोकांनी दीस फांतोडेर हनुमान भगवानाच्या सान्निध्यांत येवन वचपाची चाल आसा. पूण मंगळारा सकाळीं हनुमान दिसूंक शकलो ना. महोत्सवाचो दुसरो दीस (मंगळार) सदांच खाशेलो!. आदल्या दिसा खाशेली रंगा पूजा करून भायर सरपी ओडेयाचो उत्सव देवळांत परत येता आनी अर्द धा जातकच लेगीत देवाचें सिंहासन सोंपना. वसंत पूजा, अष्टवधान सेवा जाली आनी देव परतून गर्भगृहांत आयलो हे खेपेय 11..22 वरांचेर. उत्सवांत पुजा घेवन येवन परत येवपी महालासेच्या हाजिरेचीं प्रतिमा, त्या जोगळाच्या माथ्यार दिसांतल्यान उरिल्ल्या देवता खातीर दार बंद करचे पयलीं! परत मौन रावप.

दनपारां साडेदोन वरांचेर सूर्यान परतून रश्मीक आरसो धरलो. सुप्रभत्राचें पाठ करून, गर्भगृह उगडून आनी निमारल्या वर्ष उगडून ओकुली उत्सव सुरू जालो. हें करचे बगर हनुमान देवूळ उघडूंक मेळना ही परंपरा आसा. देखून वर्साक एक फावट हनुमानू महोत्सवाक लागून भक्तांक दर्शन दिवपाक कळाव जाता. ते उपरांत नैमारल्या, अभिषेकडी आनी पुजा जातली.
मंगळारा भजकारान परतून अशा दुर्मिळ घडणुकांच्या दायजाची पुनरावृत्ती दिसली. मंगळारा दनपारां दीस आनी रातच्या उत्सवांत धांवून थकलेले लेगीत रंगीत उदकान झिलमिलताले आनी उत्सवांत नाचताले. जायत्या कारणांक लागून जाण्ट्यांनी मांडून दवरिल्ले परंपरेच्या चौकटींत जाल्ल्या आनी उपकाराची भावना घेवन मनयल्ल्या ह्या उत्सवांत पयसुल्ल्या वाठारांतल्यान लोकांनी वांटो घेवप उल्लेखनीय आशिल्लें.

To Support Kodial Khaber click the following button.

ಮೂಡಬಿದಿರೆ: ಕರಾವಳಿಚೆ ಬಹುಮುಖ ವ್ಯಕ್ತಿತ್ವಾಚೆ, ಅಪರೂಪಾಚೆ ಸಾಧಕ, ಕೆ. ಎನ್. ಭಟ್ ಶಿರಾಡಿಪಾಲ್ ಅನೇಕ ಸಾಧನಾ ಕರನು ಹೆ° ಭೂಂಯಿಚೆ ಸಂಪರ್ಕ ಸೋಣು ವಚೋ ತಾಂಯಿ ಛಾಯಾಗ್ರಹಣ ಕಾಯಕಾಂತು ಸೇವಾ ಕರನು ಆಶಿಲೊ. ಹಾಂಗೆಲೆ ಜೀವನ ಸಾಧನೆಚೆ ಉಡ್ಗಾಸಾಕ ಹಾಂಗೆಲೆ ಶತಮಾನೋತ್ಸವ (1997 - 2023) ವರ್ಸಾಚೆ ಸುಸಂದರ್ಭಾರಿ ಹೆ ವರಸಪೂರ್ತಿ ಆಚರಣ ಕರಚೆ ತಸಲೆ ಶತನಮನ - ಶತಸನ್ಮಾನ ಕಾರ್ಯಕ್ರಮಾಚೆ ಪ್ರಯುಕ್ತ, ಹಾಂಗೆಲೆ ಸಾಧನಾ ಕ್ಷೇತ್ರಾಂತು ಸಾಧನ ಕೊರ್ಚೆ ತಸಲೆ, ತೀವ್ರ ಅನಾರೋಗ್ಯಾನ ಆಸ್ಲ್ಯಾರಿಯಿ, ಅನೇಕ ವರಸ ದಾಕುನು ಸಾಹಿತ್ಯ ರಚನಾ ಕರತ ಆಸಚೆ ಸುಮಂಗಲ ಯು. ಕಿಣಿ ಹಾಂಕಾ ಶತಸನ್ಮಾನ ಕಾರ್ಯಕ್ರಮಾಚೊ ಪಾಂಚವೊ ಸನ್ಮಾನ ಆರತಾ° ರೋಟರಿ ಇಂಗ್ಲೀಷ್ ಮೀಡಿಯಂ ಸ್ಕೂಲ್, ಮೂಡಬಿದಿರೆ ಹಾಂಗಾ ಚಲೊ. ಮೂಡಬಿದಿರೆ ಶ್ರೀ ವೆಂಕಟರಮಣ ಆನಿ ಹನುಮಂತ ದೇವಳಾಚೆ ಆಡಳಿತ ಮೊಕ್ತೇಸರ್ ಜಿ. ಉಮೇಶ್ ಪೈ ಮುಖೇಲ ಸೊಯ್ರೆ ಆಶಿಲೆ ಆನಿ ತಾಂನಿ° ಅಭಿನಂದನ ಪಾಟಯಲೆ°. ಸಂಘಟಕ ಕೃಷ್ಣ ಕುಮಾರ್, ಕೆ ಎನ್. ಭಟ್ ಶಿರಾಡಿಪಾಲ್ ಹಾಂಗೆಲೆ ಕುಟುಂಬಾಚೆ ಸಾಂದೆ ಆನಿ ಗೌರವ ಸಲ್ಲಾಗಾರ ಕೆ. ಶ್ರೀಪತಿ ಭಟ್ ಉಪಸ್ಥಿತ ಆಶಿಲೆ.

ಮೂಡುಬಿದಿರೆ: ಹಾಂಗಾಚೆ ಎಕ್ಸಲೆಂಟ್ ವಿಜ್ಞಾನ ಆನಿ ವಾಣಿಜ್ಯ ಪದವಿಪೂರ್ವ ಕಾಲೇಜಾಚೆ ಪ್ರಥಮ ಪದವಿಪೂರ್ವ ಕ್ಲಾಸಾಂಕ ನವೀನ ಜಾವನು ದಾಖಲೊ ಜಾಲೆಲೆ ವಿದ್ಯಾರ್ಥಿಯಾಂಕ ಆನಿ ತಾಂಗೆಲೆ ವ್ಹಡಿಲಾಂಕ ಸಂಸ್ಥೆಚೆ ಕಾರ್ಯಚಟುವಟಿಕಾಚೆ ಬದಲ ಆನಿ ನೀಟ್, ಜೆಇಇ, ಸಿಇಟಿ ಅಸಲೆ ಸ್ಪರ್ಧಾತ್ಮಕ ಪರೀಕ್ಷೆಂಚಿ ತಯಾರಿ ಬದಲ ಮಾಹಿತಿ ಕಾರ್ಯಗಾರ ಚಲೊ. ಸಂಸ್ಥೆಂಚೆ ಅಧ್ಯಕ್ಷ ಯುವರಾಜ ಜೈನ್ ಸುವಾಳ್ಯಾಚೆ ಅಧ್ಯಕ್ಷ ಆಶಿಲೆ. ಸಂಸ್ಥೆಚಿ ಕಾರ್ಯದರ್ಶಿ ವಿದ್ಯಾರ್ಥಿಯಾಂಕ ಹರ ಎಕ ಸ್ಥರಾರಿ ಮಾರ್ಗದರ್ಶನ ದಿವಚಾಕ ಸಂಸ್ಥೊ ತಯಾರ ಆಸಾ ಮ್ಹಣು ತಿಣೆ ಸಾಂಗಲೆ°. ನೀಟ್ ಸಂಯೋಜಕ್ ಡಾ. ಪ್ರಶಾಂತ್ ಹೆಗಡೆ ಹಾಂನಿ° ನೀಟ್ ತರಬೇತಿ ಬದಲ ಮಾಹಿತಿ ದಿಲಿ. ಪ್ರಾಂಶುಪಾಲ ಪ್ರದೀಪ್ ಕುಮಾರ್ ಶೆಟ್ಟಿ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಉಪಪ್ರಾಂಶುಪಾಲ ಆನಿ ಸಿಇಟಿ ಸಂಯೋಜಕ್ ಮನೋಜ್ ಕುಮಾರ್ ಹಾಂನಿ° ಸಿಇಟಿ/ಜೆಇಇ ತರಬೇತಿ ಬದಲ ಮಾಹಿತಿ ದಿಲಿ. ವಿಕ್ರಮ ನಾಯಕ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಮೂಡುಬಿದಿರೆ: “ಸಾಕ್ಷರತಾ ವಾಡಿಲೆ ತಶಿ° ಸಭ್ಯ ನಾಗರಿಕ ಸಮಾಜ ನಿಮಾರ್ಣ ಜಾವಕಾ. ತಾಜೆ ಕಾತಿರ ಮೌಲಿಕ ಶಿಕ್ಷಣ, ಸಮಾಜಮುಖಿ ಚಿಂತನಶೀಲ ಶಿಕ್ಷಣ ವ್ಯವಸ್ಥಾ ಗರಜೆಚೆ° ಆಸಾ. ಜಾತಿ ಧರ್ಮಾ ಪಶಿ ಪಯಲೆ° ದೇಶ ಮ್ಹಳೆಲಿ ಭಾವನಾ ಹರ ಎಕ ವಿದ್ಯಾರ್ಥಿಲೆ ಮನಾಂತ ಯೆವಕಾ. ಭಾರತೀಯ ಶಿಕ್ಷಣ ಪದ್ಧ್ದತಿಂತು° ಸಾಮಾಜಿಕ ಸಾಮರಸ್ಯ ವಾಡೊನು ವಿಶ್ವಭ್ರಾತೃತ್ವ ಫಾಯಸ ಕರನು ದೇಶ ಬಾಂದೂಚೆ ವಿಶೇಷ ಪರಿಕಲ್ಪನಾ ಆಸಾ.” ಮ್ಹಣು ಸಮಾಜ ಕಲ್ಯಾಣ ಇಲಾಖಾ ಆನಿ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖಾ ಹಾಜೊ ಮಂತ್ರಿ ಕೋಟ ಶ್ರೀನಿವಾಸ ಪೂಜಾರಿ ಹಾಂನಿ° ಸಾಂಗಲಾ°. ಹಾಂಗಾಚೆ ಎಕ್ಸಲೆಂಟ್ ಕಾಲೇಜಾಚೆ ದಶಮಾನೋತ್ಸವಾಚೆ ವೇಳಾರ ಚಲೆಲೆ ಪೋಷಕ ಆನಿ ಮ್ಹಾಲ್ಗಡೆ ವಿದ್ಯಾರ್ಥಿಯಾಲೆ° ಸಮ್ಮಿಲನ ಕಾರ್ಯಕ್ರಮಾಚೊ ಮುಖೇಲ ಸೊಯ್ರೊ ಜಾವನು ತಾಂನಿ° ಅಶೆ° ಸಾಂಗಲೆ°. ಹ್ಯಾ ವಾಟೆರಿ ಎಕ್ಸಲೆಂಟ್ ವಿದ್ಯಾ ಸಂಸ್ಥೊ ಆಧುನಿಕ ಶಿಕ್ಷಣಾಚೆ ಸಾಂಗತ ಸಂಸ್ಕಾರವοತ ಆನಿ ಜವಾಬ್ದಾರಿಯುತ ಪ್ರಜಾ ನಿರ್ಮಾಣ ಕರಚೆ ಬದಲ ಉಮೇದಿ ದಾಕಯತಾ ಆಸಚೆ° ಸಂತೋಸಾಚೊ ವಿಷಯ ಮ್ಹಣು ತಾಂನಿ° ಸಾಂಗಲೆ°. ಉಜಿರೆ ಎಸ್.ಡಿ.ಎಂ ಕಾಲೇಜಾಚೆ ಪ್ರಾಂಶುಪಾಲ ಡಾ. ಜಯಕುಮಾರ್ ಶೆಟ್ಟಿ ಮಾನಾಚೆ ಸೊಯ್ರೆ ಆಶಿಲೆ. “ವಿದ್ಯಾರ್ಥಿಯಾನಿ ಸವಾಲ ಘಾಲಚೊ ಅಭ್ಯಾಸ ಕರಕಾ ಆನಿ ತಾಜೆ ಸಾಂಗತ ನಾಕಾ ಜಾಲೆಲೆ ವಿಷಯಾಂಚೆ ಬದಲ ಆಕರ್ಷಿತ ಜಾವಚಾಕ ನಜ ಮ್ಹಣು ಉಲೊ ದಿಲೊ. ಶಿಕ್ಷಣ ತಜ್ಞ, ಆಪ್ತ ಸಮಾಲೋಚಕ ಪುಷ್ಪರಾಜ್ ಬದಿಯಡ್ಕ ಹಾಂನಿ° ಉಪಸ್ಥಿತ ಆಸೂನ ವಿದ್ಯಾರ್ಥಿಯಾಂಕ ಶಿಖತನಾ ಯೆವಚೆ ದುಬಾವ ಆನಿ ಪೋಷಕಾಂಕ ಯೆವಚೆ ಸಂದೇಹಾ ಬದಲ ಮಾಹಿತಿ ದಿಲಿ. ಅಧ್ಯಕ್ಷ ಯುವರಾಜ್ ಜೈನ್ ಹಾಂನಿ° ವಿದ್ಯಾರ್ಥಿಯಾನಿ ವ್ಹಡಿಲ ಆನಿ ಅದ್ಯಾಪಕಾಂಚೆರಿ ವಿಶ್ವಾಸ ದವರನು ಶಿಸ್ತು ಆಪಣಾವನು ಜ್ಞಾನ ಸಂಪಾದನ ಕರಚೆ° ಕರಕಾ ಮ್ಹಣು ಸಾಂಗಲೆ°. ಮ್ಹಾಲ್ಗಡೊ ಉಪನ್ಯಾಸಕ ಪುರುಷೋತ್ತಮ ತುಳುಪುಳೆ ಹಾಂನಿ° ವರದಿ ವಾಚಲಿ. ಕಾರ್ಯದರ್ಶಿ ಶ್ರೀಮತಿ ರಶ್ಮಿತಾ ಜೈನ್, ಪ್ರಾಂಶುಪಾಲ ಪ್ರದೀಪ್ ಕುಮಾರ್ ಶೆಟ್ಟಿ, ಮುಖ್ಯೋಪಾಧ್ಯಾಯ ಶಿವಪ್ರಸಾದ್ ಭಟ್ ವೇದಿರಿ ಉಪಸ್ಥಿತ ಆಶಿಲಿಂತಿ. ಸಾಧಕ ಮ್ಹಾಲ್ಗಡೆ ವಿದ್ಯಾರ್ಥಿಯಾಂಕ ಗೌರವಾರ್ಪಣ ಜಾಲೆ°. ಸಭಾ ಕಾರ್ಯಕ್ರಮಾಚೆ ಉಪರಾಂತ ಪೋಷಕ ಆನಿ ಮ್ಹಾಲ್ಗಡೆ ವಿದ್ಯಾರ್ಥಿಯಾನಿ ಮೇಳನು ಸಾಂಸ್ಕೃತೀಕ ಕಾರ್ಯಕ್ರಮ ಸಾದರ ಕೆಲೊ. ಉಪನ್ಯಾಸಕ ತೇಜಸ್ವಿ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಮೂಡುಬಿದಿರೆ: ಕ್ರೀಡಾ, ಫಕತ ದೇಹಾಚೆ ಶಕ್ತಿಚೆ ಪರ್ದಶನ ನ್ಹಹಿ°, ಭಿತರಿ ಆಸಚೆ ಆತ್ಮಶಕ್ತಿಚೆ ದರ್ಶನಯೀ ವಯಿ. ಕಾಯ, ವಾಚ ಮಾನಸ ಮ್ಹಳೆಲೆ° ತೀನ ಕರಣಾಂಚೆ ಏಕೀಕರಣ ಆಸಾ. ಕ್ರೀಡೆಂತು° ಕಾಯಾಕ ವ್ಯಾಯಾಮ, ಮನಾಕ ಏಕಾಗ್ರತಾ, ವಚನ ವಿಶ್ವಾಸಾಕ ಸ್ಪೂರ್ತಿ ಲಾಭತಾ. ಸಂಘಟಿತ ಸ್ಪರ್ಧಾತ್ಮಕ ಆನಿ ಕೌಶಲ್ಯಾನ ಭರಲೆ¯ ಕ್ರೀಡೆಂತು° ಬದ್ಧತಾ ಆನಿ ನ್ಯಾಯಪರ ಆಸಚೆ ನಿಯಮಾಂಚೆ° ಪಾಲನ ಜಾತಾ. ತತ್ವಾಂಚೆ° ಸಮ್ಮೀಲನ ಆಸಾ.” ಮ್ಹಣು  ಮಂಗಳೂರು ಪೋಲೀಸ್ ಕನಿಷನರ್ ಶಶಿಕುಮಾರ್ ಹಾಂನಿ° ಸಾಂಗಲಾ°. ಮೂಡುಬಿದಿರೆ ಕಲ್ಲಬೆಟ್ಟು ಎಕ್ಸಲೆಂಟ್ ವಿದ್ಯಾಸಂಸ್ಥೆοಚೆ° ವರಸಾವಧಿ ಕ್ರೀಡಾಕೂಟ ಉದ್ಘಟನ ಕರನು ತಾಂನಿ° ಆಶೆ° ಸಾಂಗಲೆ°. ಆದಲೊ ಮಂತ್ರಿ ಅಭಯಚಂದ್ರ ಜೈನ್ ಮುಖೆಲ ಸೊಯ್ರೆ ಆಶಿಲೆ. ಎಕ್ಸಲೆಂಟ್ ಸಮೂಹ ಸಂಸ್ಥೆಚೊ ಅಧ್ಯಕ್ಷ ಯುವರಾಜ್ ಜೈನ್ ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ.  ಕಾರ್ಯದರ್ಶಿ ರಶ್ಮಿತಾ ಜೈನ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ° ಮುಖ್ಯೋಪಾಧ್ಯಾಯ ಶಿವಪ್ರಸಾದ್ ಭಟ್ ಹಾಂನಿ° ಆಬಾರ ಮಾನಲೊ. ಡಾ| ವಾದಿರಾಜ್ ಹಾಂನಿ° ಸನ್ಮಾನ ಪತ್ರ ವಾಚಲೆ°. ಉಪನ್ಯಾಸಕ ವಿಕ್ರಮ್ ನಾಯಕ್ ಸೂತ್ರ ಸಂಚಹಾಲಕ ಆಶಿಲೆ. ವಿದ್ಯಾಸಂಸ್ಥೆಚೆ 2000 ವಿದ್ಯಾರ್ಥಿಯಾನಿ ಪಥ ಸಂಚಲನ ಕೆಲೆ°. ಸಂಸ್ಥೆಚೊ ರಾಷ್ಟ್ರೀಯ್ ಕ್ರೀಡಾಪಟು ಲಿಖಿತ್ ಹಾಂನಿ° ಕ್ರೀಡಾಜ್ಯೋತಿ ಪ್ರಜ್ವಲನ ಕೆಲಿ.

ಮೂಡುಬಿದಿರೆ: ಹಾಂಗಾಚೆ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಸ್ಥಾನಾಂತು° ವರಸಾವಧಿ ಕಾರ್ತಿಕ ದೀಪೋತ್ಸವ ಚಲೊ. ಕಾರ್ತಿಕ ದೀಪೋತ್ಸವಾಚೊ ವಾಂಟೊ ಜಾವನು ಪಾಟಾಚೊ ದೇವು ಶ್ರೀ ವೆಂಕಟರಮಣ, ಉತ್ಸವ ಮೂರ್ತಿಯಾಂಚೆ ಸಾಂಗತ ಶ್ರೀ ಮಹಾಮ್ಮಾಯಿ ದೇವಸ್ಥಾನಾಚೆ ಉತ್ಸವ ಮೂರ್ತಿಯಾಂಚೆ ಪಂಚಾಮೃತ ಸಾಹಿತ್ಯಾಭಿಷೇಕ, ಹವನಾದಿ ವನಮಂಟಪಾοತು° ಜಾಲೆ°. ಸಾಂಜವೇಳಾ ಮ್ಹಣತಾನ ರಾಜೋಪಚಾರ ಸಹಿತ ಮಹಾಮಂಗಳಾರತಿ ಚಲಿ. ಉಪರಾಂತ ಮನಭೋಜನ, ಪ್ರಸಾದ ವಾಂಟಪ ಚಲೆ°.

ವನಮಂಟಪಾ ದಾಕೂನ ಪೇಂಟಾ ಸವಾರಿ ಶುರು ಜಾವನು ಶ್ರೀ ಹನುಮಂತ ದೇವಸ್ಥಾನಾ ಲಾಗಿ ಸಂಕೀರ್ತನಾ, ವಿಶೇಷ ರಂಗಪೂಜಾ ಜಾಲಿ. ರಾತಿ ಪರತೂನ ಪೇಂಟಾ ಸವಾರಿ ಚಲನು ರಾತ ಭರಿ ಖೂಬ ಕಡೆನ ಕಟ್ಟೆಪೂಜಾ ಚಲಿ. ಅಷ್ಟಾವಧಾನ ಸೇವಾ, ವಸಂತ ಪೂಜಾ, ಮಂಗಲವಾದ್ಯ, ಜಯಘೋಷ ಸಹಿತ ಲಾಲ್ಕಿ, ಪಲ್ಲಕ್ಕಿ ಉತ್ಸವಾಚಿ ಚಂದಾಯಿ ಪಳೊವಚಾಕ ಖೂಬ ಸಂಖ್ಯಾನಿ ಭಜಕ ಉಪಸ್ಥಿತ ಆಶಿಲೆ. ಹೇರದಿವಸು ಅವಭೃತ ಉತ್ಸವ ಚಲೊ. ಮಹೋತ್ಸವಾಚೊ ವಾಂಟೊ ಜಾವನು ಕಾರ್ತಿಕ ಶುದ್ಧ ದಶಮಿ ದಾಕೂನ ಎಕ ಮ್ಹಯನೊ ಚಲೆಲೆ ನಗರ ಭಜನಾ ಸಂಕೀರ್ತನೋತ್ಸವಾಕ ಮಂಗಲ, ಉತ್ಥಾನ ದ್ವಾದಶಿ ದೀವಸು ತುಲಸಿಪುಜಾ, ಪೆಂಟೆ ಉತ್ಸವ, ಚತುರ್ದಶಿ ದಿವಸು ಯಂದು ತಳಯೆ ದೀಪೋತ್ಸವ, ನವಶಕ್ತಿ ಮಿತ್ರವೃಂದ ಹಾಂನಿ° ಆಯೋಜನ ಕೆಲೆಲೆ ವ್ಹಿಂಗವ್ಹಿοಗಡ ಸ್ಪರ್ಧೆಚೆ ವಿಜೇತಾಂಕ, ಶೈಕ್ಷಣಿಕ ಸಾಧಕಾಂಕ ಪುರಸ್ಕಾರ ದಿವಚೆ° ಜಾಲೆ°.

ಮೂಡಬಿದಿರೆ: ಹಾಂಗಾಚೆ ಎಕ್ಸಲೆಂಟ್ ಕಾಲೇಜಾಚೊ ವಿದ್ಯಾರ್ಥಿ ರಾಜೇಶ್ ಪರಶ್ರಾಮ್ ಮಾದವಲ್ಕರ್, ಮಾಕ್ಷಿಚೆ ಶೈಕ್ಷಣಿಕ ವರಸಾಂತ ಚಲೆಲೆ ನೀಟ್ ಪರೀಕ್ಷೆಂತು° 685 ಅಂಕ ಜೋಡುನು ಪುಣೆಂತ ಆಸಚೆ ದೇಶಾಚೆ ಪ್ರತಿಷ್ಟಿತ ಆರ್ಮಡ್ ಫೋರ್ಸ್ ವೈದ್ಯಕೀಯ ಕಾಲೇಜಾಕ ವಿಂಚೂನ ಆಯಲಾ. ರಾಷ್ತ್ರ ಸ್ಥರಾರಿ ಎಕಸಟವೆ° (61) ರ‍್ಯಾಂಕ ಫಾವೊ ಕರನು ತಾಕಾ ಪ್ರವೇಶ ಸಾಧ್ಯ ಜಾಲಾ°. ಹಾಜೇನ ತಾಕಾ ಸೈನ್ಯಾಂತು° ಲೆಫ್ಟಿನೆಂಟ್ ಶ್ರೇಣಿ ಲಾಭಲ್ಯಾ. ಎಕ್ಸಲೆಂಟ್ ಸಂಸ್ಥೆಚೊ ಅಧ್ಯಕ್ಷ ಯುವರಾಜ, ಕಾರ್ಯದರ್ಶಿ ರಶ್ಮಿತಾ ಜೈನ್, ಪ್ರಾಂಶುಪಾಲ ಪ್ರದೀಪ್‌ಕುಮಾರ್ ಶೆಟ್ಟಿ, ನೀಟ್ ಸಂಯೋಜಕ ಪ್ರಶಾಂತ್ ಹೆಗಡೆ ಆನೀ ಹೇರ ಲೋಕಾನ ಅಭಿನಂದನ ಪಾಟಯಲಾ°.