Displaying items by tag: SCS Hospital

Monday, 17 July 2023 14:28

"ಕರ್ಕೀಡಕ ಚಿಕಿತ್ಸಾ'- ಕರ್ಕಾಟಕ ಮಾಸಾಂತ ವಿಶೇಷ ಆಯುರ್ವೇದ ಚಿಕಿತ್ಸಾ

ಮಂಗಳೂರು: ಆಯುರ್ವೇದ ವೈದ್ಯಕೀಯ ಶಾಸ್ತ್ರ ರೋಗ ನಿವಾರಣ ಕರತಾ ನಂತಾ° ದೇಹಾಂತ ರೋಗ ಉತ್ಪನ್ನ ಜಾವಚೆ ಪಯಲೆಂಚಿ ತೆ° ಕಶಿ° ರಾಬೋಯೆತ ಮ್ಹಣು ಶಿಕಯತಾ. ಆಯುರ್ವೇದಾಚೆ° ಮೂಲ ಧ್ಯೇಯ "ಸ್ವಸ್ಥಸ್ಯ ಸ್ವಾಸ್ಥ್ಯ ರಕ್ಷಣಂ ಆತುರಸ್ಯ ವಿಕಾರ ಪ್ರಶಮನಂ". ಸ್ವಾಸ್ಥ್ಯ ರಕ್ಷಣೆ ಕಾತಿರ ದಿನಚರ್ಯ, ಋತುಚರ್ಯ ಅಶೆಂ ವಿಷಯಾಂಕ ಚಡ ಆದ್ಯತರಾ ದಿತಾ. ದಿನಚರ್ಯ ಮ್ಹಳ್ಯಾರಿ ವ್ಯಕ್ತಿನ ದಿನನಿತ್ಯ ಪಾಲನ ಕರಕಾ ಜಾಲೆಲೆ ಥೊಡೆ ವಿಧಾನಂ. ಹ್ಯಾ ವಿಷಯ° ಚೂಕಾನಶಿ° ಪಾಲನ ಕರಚೆ ವ್ಯಕ್ತಿಕ ರೋಗ ಯೆನಾ.
ಸಾಮಾನ್ಯ ಜಾವನು ಎಕ ವರಸ ದೋನ ಆಯನಾಂತ ವಾಂಟಲಾ°. ಉತ್ತರಾಯಣ ಆನಿ ದಕ್ಷಿಣಾಯನ. ಎಕ ಆಯನಾಂತ ತೀನ ಆಸತಾತಿ. ಎಕ ವರಸಾಂತು° ಸ್ಹ ಋತು ಆಸತಾತಿ. ಶಿಶಿರ, ವಸಂತ, ಗ್ರೀಷ್ಮ ಋತು ಉತ್ತರಾಯಣಾಂತ ಜಾಲ್ಯಾರಿ ಆನಿ ವರ್ಷ, ಶರತ, ಹೇಮಂತ ಋತು ದಕ್ಷಿಣಾಯನ ಮ್ಹಣು ಪ್ರತ್ಯೇಕ ಜಾವನು ವಿಭಜನ ಕೆಲೆಲೆ° ಆಸಾ. ಹೇಮಂತ ಆನಿ ಶಿಶಿರ ಋತುಂತು° ಶಾರೀರಿಕ ಬಲ ಚಡ ಆಸತಾ. ಶರತ ಆನಿ ವಸಂತ ಋತುಂತು° ವ್ಯಕ್ತಿಕ ಮಧ್ಯಮ ಶಾರೀರಿಕ ಬಲ ಆಸತಾ. ತಶಿಂಚಿ ವರ್ಷ ಆನಿ ಗ್ರೀಷ್ಮ ಋತುಂತು° ಶಾರೀರಿಕ ಬಲ ಊಣೆ ಜಾತಾ ವತಾ.
'ಕರ್ಕೀಡಕ ಚಿಕಿತ್ಸಾ" ಮ್ಹಳ್ಯಾರಿ ಕರ್ಕಾಟಕ ಮಾಸಾಂತು° ಕರಚಿ ಆಯುರ್ವೇದ ಚಿಕಿತಾ. ಹಿ ಚಿಕಿತ್ಸಾ ಕೇರಳಾ ರಾಜ್ಯಾಂತು° ಚಡ ಪ್ರಚಿಲಿತ ಆಸಾ. ಆರತಾಂಚೆ ದಿಸಾಂತು° ಹಿ ಚಿಕಿತ್ಸಾ ಕರ್ನಾಟಕಾಚೆ ಸಾಬಾರ ಪ್ರದೇಶಾಂತು° ಕರಚೆ° ದಿಸೂನ ಯೆತಾ.

'ಜುಲೈ 17 ದಾಕೂನ ಆಗಸ್ಟ್ 17' ಮಧೆಂಚೆ ದಿವಸಾಂಕ ಕರ್ಕಾಟಕ ಮಾಸ ಮ್ಹಣತಾತಿ. ಹ್ಯಾ ಕಾಳಾಂತು° ಪಾವಸು ಚಡ ಆಸತಾ. ಪಾವಸಾಡಿಂತು° ಮನಶಾಲಿ ಪಚನಕ್ರೀಯಾ ಊಣೆ ಜಾತಾ. ಹಾಜೆನ ಖಾಲೆಲೆ° ಆಹಾರ ಸಮ ಜಾವನು ಜೀರ್ಣ ಜಾಯನಾಶಿ° ಅಜೀರ್ಣ, ಅಮ್ಲ ಪಿತ್ತ ಇತ್ಯಾದಿ ರೋಗ ಶುರು ಜಾತಾತಿ. ತಶಿಂಚಿ ಶರೀರಾಚೆ ರೋಗ ನಿರೋಧಕ ಶಕ್ತಿ ಊಣೆ ಜಾತಾ. ಹ್ಯಾ ಸಮಸ್ಯಾ ನಿವಾರಣ ಕರಚಾಕ ಸುಲಭ ಜಾವನು ಜೀರ್ಣ ಜಾವಚೆ°, ಪೋಷಣಯುಕ್ತ, ಶರೀರಾಚೆ ರೋಗ ನಿರೋಧಕ ಶಕ್ತಿ ವಾಡೊಚೆ° ಆಹಾರ ಸ್ವೀಕಾರ ಕರಚಾಕ ಚಡ ಮಹತ್ವ ದಿತಾತಿ. ಹ್ಯಾ ಚಿಕಿತ್ಸೆಂತು° 'ಕರ್ಕೀಡಕ ಪೇಜ' ಮ್ಹಳೆಲಿ ವಿಶೇಷ ಪೇಜ ಕರನು ದಿತಾತಿ. ಹೀ ಪೇಜ ನವರಶಾಲಿ, ಮೆತಿ, ದಶಪುಷ್ಪ ಆನಿ ಹೇರ ಆಯುರ್ವೇದ ಔಷಧಿ ಮೆಳೊನು ಕರತಾತಿ.

ಆಯುರ್ವೇದಾಚೆ ಪ್ರಮಾಣೆ ಮನಶಾಲೆ ದೇಹ ವಾತ, ಪಿತ್ತ, ಕಫ ಮ್ಹಳೆಲೆ ತ್ರಿದೋಷಾನ ಮೇಳನು ಆಸಾ. ಹ್ಯಾ ತ್ರಿದೋಷಾಂಚೆ ಸಮತೋಲನ ವ್ಯಕ್ತಿಕ ಆರೋಗ್ಯವಂತ ಕರತಾ. ತ್ಯಾಚ ತ್ರಿದೋಷಾಂತ ಅಸಮತೋಲನ ಆಯಲ್ಯಾರಿ ಖೂಬ ರೋಗಾಂಕ ವಾಟ ಜಾತಾ. ಪಾವಸಾಡಿಂತು° ಆಮಿ ರೋಗ ಚಡ ಜಾವಚೆ° ಅನುಭವ ಕೆಲಾ. ಪಂಚಕರ್ಮ ಚಿಕಿತ್ಸೆ ಕರಚೆ ನಿಮಿತ ಹ್ಯಾ ಅಸಮತೋಲನವನ್ನು ಸಮ ಕರಚಾಕ ಜಾತಾ. ಹ್ಯಾಚ ಉದ್ದೇಶ ದವರೂನ ಪಾವಸಾಡಿಂತು° ಕರ್ಕೀಡಕ ಚಿಕಿತ್ಸಾ ದಿವಚೆ° ಜಾತಾ. ಹಿ ಚಿಕಿತ್ಸಾಂತು° ಅಭ್ಯಂಗ, ಸ್ವೇದ ಅಸಲೆ ಕ್ರಿಯಾ ಕರ್ಮ ಚಲತಾತಿ. ಹೀ 'ಕರ್ಕೀಡಕ ಚಿಕಿತ್ಸಾ' ಎಸ್.ಸಿ.ಎಸ್ ಆಯುರ್ವೇದ, ಕೆ.ಇ.ಸಿ.ಟಿ ಟವರ್ಸ್, ಹೊಯ್ಗೆಬೈಲ್, ಅಶೋಕನಗರ, ಮಂಗಳೂರು ಹಾಂಗಾ ಜುಲೈ 17 ದಾಕೂನ ಆಗಸ್ಟ್ 17 ತಾಂಯ ಚಲಚೆ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.

Published in Mangalore

Tagged under

ಎಸ್‌ಸಿಎಸ್ ಆಸ್ಪತ್ರೆಂತು° ರಕ್ತದಾನ ಶಿಬಿರ

ಮಂಗಳೂರು: ಎಸ್‌ಸಿಎಸ್ ಆಸ್ಪತ್ರೆನ ಕ್ಷೇಮ (ಜಸ್ಟೀಸ್ ಕೆ ಎಸ್ ಹೆಗ್ಡೆ ಚಾರಿಟೇಬಲ್ ಹಾಸ್ಪಿಟಲ್) ಹಾಂಗೆಲೆ ಜೋಡ ಆಶ್ರಯಾರಿ ರಕ್ತದಾನ ಶಿಬಿರ ಆಯೋಜನ ಕೆಲೆ°. ಹರ ವರಸ ಜೂನ್ ೧೪ಕ ವಿಶ್ವ ರಕ್ತದಾನಿಯಾಲೊ ದಿವಸ ಆಚರಣ ಕರತಾತಿ. ತ್ಯಾ ನದರೆನ ಹ್ಯಾ ಶಿಬಿರಾಚೆ° ಆಯೋಜನ ಜಾಲೆ°. ಅಧಿಕ ಸಂಖ್ಯಾನ ವಾಂಟೊ ಘೆವನು ರಗತ ದಾನ ಕೆಲೆಲೆ ಸಾರ್ವಜನಿಕಾಂಕ ಎಸ್‌ಸಿಎಸ್ ಆಸ್ಪತ್ರೆನ ಆಭಾರ ಪ್ರಕಟ ಕೆಲಾ.

Published in Mangalore

Tagged under

Editorial

ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,

ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.

Shabdvihar

248. ವೇರ

ವಣತೀಕ ಸಿಮೆಂಟ್ ಲೇಪಿಲೆ ಕಡೆ ವೇರ ಆಯಲ್ಯಾ. ತ್ಯಾ ಆರಸ್ಯಾಕ ಕಸಲೀಂಕೀ ಲಾಗೂನ ವೇರ ಆಯಲಾ. ಹೇ ಉಧ್ಘೃತ ವಾಕ್ಯಾಂತ ವೇರ ಮ್ಹಣಚೊ ಏಕ ಶಬ್ದ ವಾಪರಲಲೊ ಆಸಾ. ವೇರ ಮ್ಹಳ್ಯಾರ ಕಸಲೆ, ಆನಿ ತೇ ಶಬ್ದಾಚಿ ವ್ಯುತ್ಪತ್ತಿ ಕಶ್ಶಿಂ ಮ್ಹಣಚೆ ಸಮಜೂವ್ಯಾಂ. ಖ್ಹಂಚೇಯ ಎಕ ಫುಟಚ್ಯಾನ, ಭೆತಚ್ಯಾನ, ಥಂಯ ಮಧೆಂ ಆಸಚೇ ಖಾಲಿ ಥಳಾಕ್ ಜೋ ಆಸಾ ತಾಕಾ ವೇರ ಆಯಲಾ ಮಣತಾತಿ. ಹೋ ಅಥರ್ು ದಿವಚೊ ಜೋ ಸಂಸ್ಕೃತ ಶಬ್ದ ವಿಧಾರ, ವಿದೀರ್ಣ ಮ್ಹಣು ಆಸಾ ತೇ ಅಪಭ್ರಂಶ ರೂಪ ಜಾವನ ಆಸಾ ಹೋ ವೇರ ಮ್ಹಣಚೋ ಶಬ್ದು ವಿದಾರ ಮ್ಹಣಚೇ ಶಬ್ದಾಂತೂಲೇಂ ಮದ್ದೇಚೆ ಅಕ್ಷರ ಜೋ ದಾ ಮ್ಹಣಚೇ ಆಸಾ ತೇಂ ಲೋಪ ಜಾವನ ವಿದಾರ > ವಿಆರ ಮ್ಹಣು ಜಾತಾ. ಪಯಲೇ ಅಕ್ಷರ ವಿ ಕಾರಾಂತೂಲೇ "ಇ" ಆನೀ ತಾಚೆ ಮುಖಾವಯಲೇ "ಆ"(ಇ+ಆ) ಮೇಳೂನ ಏ ಜಾಲ್ಲಾ. ಅಶ್ಶಿಂ ವಿದಾರ > ವಿಆರ > ವೇರ ಮ್ಹಣ ಜಾಲಾಂ. ಆನೀ ಹಾಜೋ ಅರ್ಥ ಫುಟಿಲೇ, ಭೆತಿಲೇ, ಕಡೇನ ಆಸಚೋ(ದಿಸಚಿ) ಮೇಕಳಿ ಸುವಾತ ಮ್ಹಣು ಜಾವುನು ಆಸಾ.

Education