ಸಚಿನ್ ಶೆಣೈ ಉಧ್ಯಮಶೀಲತಾಚೊ ಉದಾಹರಣ
ಎಚ್.ಸಿ.ಎಲ್ ದಾಕೂನ ಗೂಗಲ್ - ಉಧ್ಯಮಿ !
‘ಹೆಲ್ದಿಫೈಮಿ’ ಹಾಜೊ ಸಚಿನ್ ಶೆಣೈ ಸಾಂಗತಾ, ತೋ ತಾಗೆಲೆ ಚೆರಡುಪಣಾಚೆ ಸೋಪನ್ ಭೊಗತ ಆಸಾ. “ಆಮಗೆಲಾಗಿ ಆಸಚೆ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ (ಎ.ಐ) ಸಹಾಯಕಿ, ರೀಯಾ ತೆ° ಆಮಗೆಲೆ ಆ್ಯಪಾರಿ ಸಂವಾದ ಕರತಾ. ಹೆ° ಏಕ ಸರ್ಕಲ್ ಪೂರ್ಣ ಜಾಲೆ° ಮ್ಹಣಯೆತ. ಮಾಕಾ ಚೌದಾ ವರಸ ಮ್ಹಣತಾನಾ ಬಿ.ಬಿ.ಸಿ.ರಿ “ಥಿಂಕಿ°ಗ್ ಮೇಷಿನ್ಸ್” ಫಾಯಸ ಜಾತಲೆ°. ತಾಂತು° ವಿಜ್ಞಾನಿಯಾನಿ ತಯಾರ ಕೆಲೆಲೆಂ ಮೆಷಿನ್ ಮಾನವಾಲೆ ಸಾಂಗತ ಸಂವಾದ ಕರಚೆಂ ವಿಷಯಾರಿ ಉಲಯತಲೆ. ಮಾಕಾ ಹ್ಯಾ ವಿಷಯಾರಿ ಉಮೇದಿ ವಾಡಲಿ ಆನೀ ತ್ಯಾ ಬದಲ್ ಪಿಸೊ ಜಾಲೊ. ಆಜೀ ರೀಯಾಚೆ ಸಾಂಗತ ಆಮೀ ತೇಂಚಿ ಕರತ ಆಸಾತಿ.

ಎಚ್.ಸಿ.ಎಲ್ ಆನೀ ಗೂಗಲಾ ಸಾಂಗತ ಕಾಮ ಕೆಲೆಲೆ ಸಚಿನಾಕ ಹೆಲ್ತ್ ಕೇರ್ ಕ್ಷೇತ್ರಾಂತು° ಎ.ಐ ವಾಪರೂನ ಖಾಂಯಪುಣಿ ಕ್ರಾಂತಿಕಾರಿ ಕರಕಾ ಮ್ಹಣು ದಿಸತ ಆಶಿಲೆ°.

ಮೂಲತಃ ಕೇರಳಚೆ ಕ್ಯಾಲಿಕಟ್ಟ ದಾಕೂನ ಆಯಿಲೊ ಸಚಿನ್ ಶಾಳೆಂತು° ಆಸತಾನಾ ಸಾಂಗೂನ ರೆಬೆಲ್ ಆಶಿಲೊ. ತಾಕಾ ಇಲೆಕ್ಟಾçನಿಕ್ಸ್ ವಿಷಯಾರಿ ಲಗಾವ ಆಶಿಲೆ°. ‘ಸರ್ಕ್ಯೂಟ್ಸ್ ಆನೀ ಮೆಷಿನ್ಸ್’ ಸಾಂಗತ ಖೆಳಚೆ°, ಬಿಬಿಸಿ ಶೋ ಪಳಯತಾ ಪಳಯತಾ ಟೆಕ್ನಾಲಜಿ ವಿಷಯಾರಿ ಚಡ ಮೋಗು ಜಾವಚೆ° ಜಾಲೆ°.

‘ಹೆಲ್ದಿಫೈಮೀ’ ಹಾಜೊ ಸಹ ಸ್ಥಾಪಕ ಆನೀ ಸಿ.ಟಿ.ಓ (ಚೀಫ್ ಟೆಕ್ನಾಲಜಿ ಆಫೀಸರ್) ಜಾವನು ಆಸಚೊ ಸಚಿನ್ ಶೆಣೈ ತಾಣೆ ಕೋಡರ್ ಸ್ಟಾರ್ಟ ಅಪ್ ಸ್ಥಾಪಕ ಆನೀ ಟೆಕ್ನಾಲಜಿಚೊ ಮೋಗು ಹಾಜೆ ಬದಲ್ ಸವಿಸ್ತಾರಾನ “ಯುಸ್ಟೋರಿ” ಕಾರ್ಯಕ್ರಮಾಂತು° ಸಾಂಗಲಾ°. ತಾಜೆ ಕೊಂಕಣಿ ಅನುವಾದ ಹಾಂಗಾ ಆಸಾ.

ಕೋಡಿಂಗ್ ಸ್ವಯಂ ಶಿಖಲೊ.
ಸಚಿನಾಕ ೧೬ ಮ್ಹಣತಾನ ತಾಕಾ ಕಂಪ್ಯೂಟರಾಚೆರಿ ಮೋಗು ಜಾಲೊ. ಪೈಂಟ್ ತಯಾರಿ ಉಧ್ಯಮ ಕರನು ಆಶಿಲೆ ತಾಗೆಲೆ ಬಾಪಸೂನ ತಾಗೆಲೆ ದಫ್ತರಾಚೆ ಲೇಖಪಾಕ ಕರಚಾಕ ಘರಾಕಡೆನ ಏಕ ಕಂಪ್ಯೂಟರ್ ಹಾಡಲೆ°. ಹೆ° ಸಚಿನಾಕ ಏಕ ವಿಶೇಷ ವರದಾನ ಜಾಲೆ°. ತಾಣೆ ಹ್ಯಾ ಕಂಪ್ಯೂಟರ್ ಸ್ಕಿçನಾ ಮುಕಾರ ಜಾವಕಾ ಜಾಲೆಲೆ ತಿತಲೊ ವೇಳು ಕಾಡಚಾಕ ಅವಕಾಶ ಮೆಳೊ. ಹಾಂಗಾ ತಾಣೆ ಪ್ರೋಗ್ರಾಮಿಂಗಾಚೆ ಪ್ರಪಂಚ ಪಳಯಲೆ°. ಬೆಸಿಕ್ ಫಸ್ಟ್, ಮುಕಾರಿ ಪಾಸ್ಕಲ್, ಉಪರಾಂತ ಸಿ ಆನಿ ಸಿ++.

“೧೯೯೩ ಇಸವಿಂತು° ಮೆಗೆಲೊ ಮ್ಹಾಲ್ಗಡೊ ಭಾವು ಎನ್.ಐ.ಟಿ ತು° ಇಂಜಿನಿಯರಿ°ಗ ಶಿಖತಲೊ. ತಾಗೆಲಾಗಿ ಕೇದನಾ ಉಲಯಲ್ಯಾರಯೀ ತೋ ತಾಗೆಲೆ ಸಹಪಾಟಿಂಕ ಅಲ್ಗಾರಿಥ°ಮ್ಸ್ ಪ್ರೋಗ್ರಾಮಿಂಗಾ°ತು° ಯೆವಚೆ° ಸವಾಲ° ಸಾಂಗತಲೊ. ಹಾಂವ ತೆಂ° ಸವಾಲ ಜಾವನು ಘೆವನು ಕೋಡ ಬರಯತಲೊ” ಮ್ಹಣು ಸಚಿನ ಸಾಂಗತಾ. ತ್ಯಾ ದೀವಸಾಂತು° ಎ. ಐ. (ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್) ಹಾಕಾ ಚಾಲನ ಶುರು ಜಾಲಾ° ಇತ್ಲೆಂಚಿ. ಮೆಷಿನ ಮನಶಾಲೆ ತಿತಲೆಂಚಿ ವೇಗಾರಿ ಕಾಮ ಕರತಲಿ° ಜಾಲ್ಯಾರಯಿ, ಚೆಸ್ ತಸಲೆ ಖೇಳಾಂತು° ಮನಶ° ಮೆಷಿನಾಕ ಸಲ್ಪಾಯತಲಿ°. “ಮನಶಾಲೆ° ಸಾಂಗತ ಖೇಳನು ಮನಶಾಕ ಸಲ್ಪಾಚೆ° ತಸಲೆ° ಮೇಷಿನ ತಯಾರ ಕರಕಾ ಮ್ಹಳಲೆ° ಸೋಪನ ಮಾಕಾ ಆಶಿಲೆ°” ಮ್ಹಣತಾ ಸಚಿನ್.

ವಿಸಾವೆ ಶೇಖಡೆಚೆ ಶುರುವಿಲೆ ದೀವಸ ತೆ. ಕಂಪ್ಯೂಟರ್ ಚೆಸ್, ಮನಶಾಕ ಕಂಪ್ಯೂಟರಾ ಸಾಂಗತಾ ಖೇಳಚೆ° ಹೆ° ಸಗಟ ಶುರು ಜಾಲೆಲೆ ಕಾಳ. ಮಾತ್ಯಾಂತು ಏಕ ಲಕ್ಷ ದವರೂನ ಸಚಿನಾನ ‘ನಾಟ್ಸ್ ಎಂಡ್ ಕ್ರಾಸಸ್’ ಮ್ಹಳೆಲೊ ಏಕ ಕಂಪ್ಯೂಟರ್ ಖೇಳು ತಯಾರ ಕರನು ಪರೀಕ್ಷಾ ಕರಚೆ° ಕೆಲೆ°. ವಗೀಚ ತಾಣೆ ಓಥೆಲ್ಲೊ ಚೆರ‍್ಸ್ ಖೇಳು ತಯಾರ ಕರನು ಓನ್‌ಲೈನ್ ಗೆಲೊ. ಹಾಜೇನ ಮನಶಾನ ಹೊ ಖೇಳು ಕಂಪ್ಯೂಟರಾಚೆ ಸಾಂಗತ ಖೇಳುಂಕ ಜಾಲೆ°. ಹಾಜೆ ಖಾತಿರ ದೆಹಲಿಂತು° ಹಾಕಾ ಏಕ ಪ್ರಶಸ್ತಿ ಸುತಾ ಮೇಳಿ.

ಉಪರಾಂತ ಸಚಿನ್ ಎನ್.ಎಸ್.ಎಸ್ ಇಂಜಿನಿಯರಿ°ಗ್ ಕಾಲೇಜಾಂತು° ಇಲೆಕ್ಟಾçನಿಕ್ಸ್ ಶಿಖಚಾಕ ಮೆಳತಾ. ತುಂವ° ವ್ಹಿಂಗಡ ಬರೆ° ಕಾಲೇಜಾಕ ಇತ್ಯಾಕ ವಚನಿ ಮ್ಹಣು ವಿಚರಲ್ಯಾರಿ ತೋ ದಾಕ್ಷಿಣ್ಯ ನಾಶಿ° ಸಾಂಗತಾ “ಮೆಗೆಲೆ ಮಾರ್ಕಾಂಕ ಬರೆ° ಕಾಲೇಜಾಂಕ ದಾಖಲೊ ಮೆಳನಾಶಿಲೊ. ಹಾಂವ° ಶಿಖಣೆಂತು° ತಿತಲೊ ಮುಕಾರ ನಾ ಆಶಿಲೊ. ಕೆದನಾಯಿ ಟೀಚರ‍್ಸಾ ಲಾಗಿ ಜಗಡೊ ಕರತಲೊ. ಹಾಂವ° ಕೆದನಾಯಿ ಸವಾಲಾಂಕ ಜವಾಬ ಸೋದಿತಲೊ ಮ್ಹಣಯೆತ. ಮೆಗೆಲಿ ವಾಟ ಸಮ ಮ್ಹಣು ಸಿದ್ಧ ಕರಚಾಕ ಪ್ರಯತ್ನ ಕರತಲೊ” ಮ್ಹಣು ಹಾಸತಾ ಸಾಂಗತಾ ತೊ. ತಾಣೆ ಕಾಲೇಜಾಂತು° ಕಂಪ್ಯೂಟರ್ ಸಾಯನ್ಸ್ ಘೆನಾಶಿ° ಬಯಸಚಾಕಯೀ ಹೆಂಚಿ ಕಾರಣ ಮ್ಹಣಯೆತ. ತೆದೋಳೂಚಿ ತಾಣೆ ಸ್ವತಃ ಚಡಾವತಾ ಪ್ರೋಗ್ರಾಂಮಿ°ಗ್ ಲ್ಯಾಂಗುಯೇಜ ಶಿಖೂನ ಆಶಿಲೆ°. ಕಾಲೇಜಾಂತು°ಯೀ ತೇಂಚಿ ಸಬ್ಜೆಕ್ಟ ಗೆತಲ್ಯಾರಿ, ಖಂಯ ಹಾಂವ ತಾಜೆ ನಿರ್ಲಕ್ಷ ಕರತಲೊಕೀ ಮ್ಹಣು ತಾಕಾ ದಿಸತಲೆ°. ತಾಜೆ ಬದಲಾಕ ವ್ಹಿಂಗಡಾ°ಕ ತಾಣೆ ಹಿ° ಸಬ್ಜೆಕ್ಟ ಶಿಖಚಾಕ ಉಮೇದಿ ದಿಲಿ. ತಾಗೆಲೆ ಸಿನಿಯರ‍್ಸಾಂಕ ತೋ ಕೋಡಿಂಗ ಶಿಖಯತಲೊ ಮ್ಹಣು ತೊ ಸಾಂಗತಾ.

ಏಕ ‘ಫುಕಟ ಪಾವಲ° ಜೀವನಾಂತು° ವಾಟ ದಾಕಯತಾ ಕಾಲೇಜ ಶಿಕ್ಷಣ ಸಂಪತರಿ, ಸಚಿನಾಕ ಕಸಲೆಂ ಕರಚೆ° ಮ್ಹಳೆಲೊ ಸವಾಲ ಆಯಲೊ. ತಾಗೆಲೆ ಭಾವಾನ ತಾಗೆಲೆ ಬಾಪಸುಲೆ ಉಧ್ಯಮಾಂತು° ಸ್ಥಾನ ಪ್ರಾಪ್ತ ಕೆಲ್ಯಾ ಮ್ಹಣಕೆ ಕರಚೆ° ಯಾ ಉನ್ನತ ಶಿಕ್ಷಣಾಕ ವಚೆ° ಯಾ ಉದ್ಯೋಗ ಕರಚೆ°. ಥೊಡೊ ವೃತ್ತಿ ಅನುಭವ ಜಾವಕಾ ಮ್ಹಣು ದಿಸೂನ ಸಚಿನಾನ ಕಾಮಾಕ ವಚೆ° ನಿರ್ಧಾರ ಕೆಲೊ. 1999 ಇಸವಿ ತೀ. ಕಾಮ ಮೆಳಚೆ° ತಿತಲೆ° ಸುಲಭ ನಾ ಆಶಿಲೆ°. ತ್ಯಾಚ ವೇಳಾರಿ ತಾಣೆ ಎಚ್.ಸಿ.ಎಲ್ ಟೆಕ್ನಾಲಜಿ ಕಂಪನಿನ ಕೆಲೆಲೆ ನೆಟ್‌ವರ್ಕಿಂಗ್ ಆನೀ ಪ್ರೋಗ್ರಾಮಿಂಗ್ ಬದಲ ಆಯಕೂನ ಆಶಿಲೆ°. ಥಂಯ ಖಾಂಯಪುಣಿ ಕಾಮ ಮೆಳತ ಮ್ಹಣು ಚಿಂತೂನ ತೊ ಬೆಂಗಳೂರಾಕ ಪಾವಲೊ. “ಥಂಯ ಮಾಕಾ ಕಾಮ ನಾ ಆಶಿಲೆ°. ಜಾಲ್ಯಾರ ಎಚ್.ಸಿ.ಎಲ್ ಟೆಕ್ನಾಲಜಿಸಾಂತು° ಖೂಬ ಶಿಖಚಾಕ ಮೆಳತಾ ಮ್ಹಣು ಕಳನು ಹಾಂವೆ° ಇಂರ‍್ನ್ಶಿಪ್ ಸುತಾ ಜಾಯತ ಮ್ಹಳೆ°. ತೆಂವಯಿ ದಿವಚಾಕ ಜಾಯನಾ ಮ್ಹಣು ಕಳತಾನಾ, ಮಾಕಾ ಫಕತ ಬಯಸಚಾಕ ಏಕ ಟೇಬಲ್ ದಿಯಾ ಹಾಂವ ತುಮಗೆಲೆ ಖಾತಿರ ಫುಕಟ ಕಾಮ ಕರತಾ° ಮ್ಹಳೆ°. ಫುಕಟ ಜೇವಣ ಆನೀ ಕಾಮಾಕ ಕೊಣಯೀ ನಾ ಮ್ಹಣಾತಿ. ಹಾಂವ ಎಚ್.ಸಿ.ಎಲಾಕ ಮೆಳೊ. ತೀನ ಮ್ಹಯನ್ಯಾನ ಸಾಂಬೋಳು ನಾತಿಲೆ° ಕಾಮ ಕರನ ಸೋಡತಾ° ಮ್ಹಣತಾನಾ ತಾಂನಿ° ಮಾಕಾ ಕಾಮ ದಿಲೆ°” ಮ್ಹಣತಾ ಸಚಿನ್.

ಎಚ್.ಸಿ.ಎಲಾತು° ಆಸತಾನಾ ಸಾಬಾರ ಪ್ರಾಜೆಕ್ಟಾಂತು° ಕಾಮ ಕೆಲೆಲ್ಯಾನ ತೀ ಅವಧಿ ಏಕ ಗಟ್ಟಿ ತರಬೇತಿಚೆ ಆಂಗಣ ಜಾಲೆ°. ಎಚ್.ಸಿ.ಎಲ್, ಇನ್ಫೋಸಿಸ್ ಆನಿ ಹೇರ ಸಾಫ್ಟವೇರ ಕಂಪನಿ°ಕ ‘ಲೇಗಸಿ’ ಸಂಸ್ಥೊ ಮ್ಹಣು ಕೊಣಯಿ ಸಾಂಗಲ್ಯಾರಿ ತೋ ಓಪವನಾ.ನಾ ಹ್ಯಾ ಸಂಸ್ಥೆ°ತು° ಖೂಬ ಶಿಖಚಾಕ ಮೆಳತಾ ಮ್ಹಣತಾ ತೊ.

“ಏಕ ವೆಬ್ ಅಪ್ಲಿಕೇಶನಾಂತು° ಕೋಡ ಕಾಮ ಕರನಾ ಮ್ಹಣು ಜಾಲ್ಯಾರ ತೆ° ಸಮ ಕರಚಾಕ ಯಾ ತಾಂತು° ಸುಧಾರಣ ಕರಚಾಕ ಅವಕಾಶ ಆಶಾ. ಜಾಲ್ಯಾರ ಪ್ರೋಟೋಕಾಲ ಕ್ಷೇತ್ರಾಂತು° ಏಕ ಬೋಲ ಪಳ್ಯಾರಿ ಸಗಳೆ ಪಡಚೆ° ಜಾತಾ. ಏಕ ಪ್ಯಾಕೆಟಾ ದಾಕೂನ ಏಕ ‘ಬೈಟ್’ ಸುತಾ ಪೊಂವಲ್ಯಾರಿ (ಲೀಕ್) ವ್ಹಿಂಗವ್ಹಿಂಗಡ ಪ್ಯಾಕೆಟಾ ದಾಕೂನ ಮಿಲಿಯ ಗಟ್ಲೆನ ಬೈಟ್ಸ್ ಲೀಕ ಜಾವಚೆ° ಜಾತಾ. ತ್ಯಾ ದೆಕೂನ ಎಚ್.ಸಿ.ಎಲ್ ತಸಲೆ ಸಂಸ್ಥೆ°ತು° ಸೀಸ್ಟಮ ಚಲಚಾಕ ಜಾವಕಾ ಜಾಲೆಲೆ° ಸಗಟ ಮನಾಂತು° ಘೇವನು, ಸರ್ವ ತೊಂದರೆ ಚಿಂತೂನ ಸಗಟ ವಾತಾವರಣಾಂತು° ಕಾಮ ಕರಚೆ° ತಸಲೆ° ಸಾಫ್ಟವೇರ ತಯಾರ ಕರತಾತಿ ಮ್ಹಣು ತೋ ಸಾಂಗತಾ.

ಎಚ್.ಸಿ.ಎಲಾ°ತು° ಆಸತಾನ ಸಚಿನಾನ ತಾಂಗೆಲೆ ಸಾಂಗಡ್ಯಾಲೆ ಸಾಂಗತ ಕ್ಲಾಯಂಟಾಲೆ (ಗ್ರಾಹಕಾಲೆ) ವಾಯ್ಸ್ ಓವರ್ ಐ.ಪಿ. ಖಾತೀರ ಸೇಶನ್ಸ್ ಇನಿಶಿಯೇಶನ್ ಪ್ರೋಟೊಕಾಲ ತಯಾರ ಕೆಲೆ°. ಹೀ ರಾಶಿ ವ್ಹಿಂಗಡ ಸಂಸ್ಥೆಚೆ ಪ್ರೋಟೋಕಾಲಾಚೆ ರಾಶಿ ಸಾಂಗತ ತೂಲನ ಕರತಾನಾ ಎಚ್.ಸಿ.ಎಲಾಚಿ ರಾಶಿ ಕೇದನಾಯಿ ಪಳೆಲಿ ಮ್ಹಣು ನಾ (ಕ್ರಾಶ್ ಜಾಲೆಲೆ° ನಾ). ಸಚಿನಾಲೆ ಉಡಗಾಸಾಚೆ ಪ್ರಮಾಣೆ ಫಕತ ಎಚ್.ಸಿ.ಎಲ್ ಹ್ಯಾ ವಾಟೇರಿ ನಿಸಣಿ ಚಡಚಾಕ ಫಾವೊ ಜಾಲಿ.

2001 ಇಸವಿಂತು° ಮಾರ್ಕೆಟ ಬರೆ° ನಾತಿಲ್ಯಾನ ಸಚಿನ ಆನಿ ಥೊಡೆ ಲೋಕ ಬೆಂಚೆರಿ ಆಶಿಲಿ° (ಕಂಪನಿ°ತು° ಕಾಮ ನಾತಲ್ಯಾರಿ ಸಾಂಬೋಳು ದಿವನು ಬಸವೊವಚಾಕ ಬೆಂಚ ಮ್ಹಣತಾತಿ) ತ್ಯಾ ವೇಳಾರಿ ಹಾಣೆ ಕೊಡಿಂಗ ಕರನು ಥೊಡೆ ಗ್ರಾಹಕಾಂಕ ವಿಕಲೆ°. ಸಗಟ ಪ್ರೋಟೋಕಾಲ ಪ್ರಯೋಗ (ಟೆಸ್ಟ್) ಕರನು ತಾಂತೂಲಿ ಚೂಕಿ ಸೋದುಚೆ° ತಿತಲೆ° ಕ್ಲಿಷ್ಟಕರ ಪ್ರೋಗ್ರಾ° ತೊ.

ಹೆಂ ಪ್ರಾಡಕ್ಟ ವಿಕಚೆ° ಕರತಾನಾ ಪಯಲೆ° ಪಾವಟಿ ತಾಕಾ ಗ್ರಾಹಕಾಲೆ ಸಾಂಗತ ಸಂಪರ್ಕ ಜಾಲೆ°. “ತೇದನಾ ಮಾಕಾ ಕಳೆ° ಕೀ ಹಾಂವೆ° ಕೆದನಾಯಿ ನವೆ° ಬಾಂದಚೆ° ಕರಕಾ ಆನಿ ಗ್ರಾಹಕ ಆನೀ ವಾಪರಪಿ ಲೋಕಾಲೆ ಸಾಂಗತ ಸಂಪರ್ಕ ದವರೂನ ಘೆವಕಾ” ಮ್ಹಣತಾ ಸಚಿನ್.

ಗೂಗಲಾಚಿ ಬ್ಹೋವಂಡಿ
ಎಚ್.ಸಿ.ಎಲಾತು° ಪಾಂಚ ವರಸಾಚೆ ಕಠಿಣ ಶ್ರಮ ಆನೀ ಶಿಖಪಾಚೆ ನಂತರ ಸಚಿನಾಕ ಖಂಚೆಯ ಪ್ರಾಡಕ್ಟ್ ಕಂಪನಿ°ತು° ಕಾಮ ಕರಕಾ ಮ್ಹಣು ಭೊಗಲೆ°. ಜಾಲ್ಯಾರ ತಾಣೇ ಏಕ ವರಸಾಚೆ° ಬ್ರೇಕ ಘೆತಲೆ° ಆನೀ ತಾಗೆಲೆ ಆಟ ಮ್ಹಯನ್ಯಾಚೆ ದ್ಹೂವೆಲೆ ಸಾಂಗತ ವೇಳು ಕಾಡಚೊ ನಿರ್ಣಯ ಕೆಲೊ. “ಮೆಗೆಲೆ ಬಾಯಲೆಕ ಕಾಮ ಕರಚೆ° ಆಶಿಲೆ°. ಮಾಕಾ ಘರಾಕಡೆನ ಬಯಸೂನ ಮೆಗೆಲೆ ದ್ಹುವ ಆನೀ ಪೂತಾಲೆ ಸಾಂಗತ ವೇಳು ಕಾಡಚೆ° ಆಶಿಲೆ°. ತೋ ಏಕ ವರಸ ಏದೋಳಚೆ ಜೀವನಾಚೆ ಅತ್ಯಂತ ಉತ್ತಮ ವರಸ ಮ್ಹಣು ತೊ ಉಡಗಾಸ ಕಾಡತಾ.

ತೋ ಹಾಂಗಾಚ ರಾಬನಿ, ತ್ಯಾ ವರಸ ಘಡಲೆಲೆ “ಗೂಗಲ್ ಕೋಡ ಚಾಂಪಿಯನ್” ಸ್ಪರ್ಧೆಕ ತಾಣೆ ನೊಂದಣಿ ಕೆಲಿ ಸಚಿನ್ ಫೈನಲಿಸ್ಟಾ° ಪಯಕೀ ಏಕಲೊ ಜಾಲ್ಯಾರಯಿ ತಾಕಾ ಗೂಗಲಾನ ಸಂದರ್ಶನಾಕ ಆಪಯನಿ. ಹೆ° ಮಾಕಾ ಗೂಗಲಾಕ ರಿಗೂಂಕ ಟಿಕೇಟ ಮ್ಹಣು ತೇದನಾಚಿ ಸಚಿನಾಕ ಭೊಗಲೆ°. ಮುಕಾವಯಲೆ ವರಸ ತಾಣೆ ತ್ಯಾ ಸ್ಪರ್ಧೆಕ ವಿಶೇಷ ತಯಾರಿ ಕೆಲಿ. ತ್ಯಾ ವರಸ ತಾಕಾ ಗೂಗಲಾಂತು ರೀಗ ಮೆಳಿ. ಉಪರಾಂತ ತಾಣೆ ಖೂಬ ಶೀಖಚೆ° ಜಾಲೆ°.

“ಎಚ್. ಸಿ. ಎಲಾನ ಮಾಕಾ ಚೂಕ ನಾತಿಲೆ° ಸಿಸ್ಟಮ ಕರಚಾಕ ಶಿಖಯಿಲೆ° ಜಾಲ್ಯಾರ, ಗೂಗಲಾನ ವಾಪರತಲೆ ಲೋಕಾಲೆ° ಚಿಂತನ ಮಾನುನ ಘೆವನು ಏಕ ಪ್ರಾಡಕ್ಟ ಕಶಿ° ತಯಾರ ಕರಚೆ° ಮ್ಹಣು ಶಿಖಯಲೆಂ ಮ್ಹಣು ತೊ ಸಂಗತಾ. ಗೂಗಲಾ°ತು ಸಚಿನಾನ ಚೂಕ ನಾತಿಲೆ° ಪ್ರಾಡಕ್ಟ್ ಮಿಲಿಯಗಟ್ಲೆನ ಲೋಕಾಂಕ ಕಶಿ° ಪಾವೊಚೆ° ಮ್ಹಣು ಶಿಖಚೆ° ಕೆಲೆ°.
ಏಕ ಕಂಪ್ಯೂಟರ್ ಸಿಸ್ಟಮಾಂತು ಸಾಬಾರ ತೊಂದರೆ ಯೆತಾತಿ. ಸಿ.ಪಿ.ಯು. ತಾಂತೂಲೆ ಏಕ ಜಾವನು ಆಸ. ಅನೇಕ ಕಾಮಾ ನಿಮಿತ ತೆ° ಓವರ್ ಲೋಡ ಜಾಲೆಲೆ ವೇಳಾರ ತೆ° ಕಾಮ ಕರಚೆ° ರಾಬಯತಾ. ತ್ಯಾ ದೇಕೂನ ತುಮೀ ಕಾಮ ವಾ°ಟೂನ ಘಾಲಚೆ° ಕರಕಾ ಜಾತಾ. ವ್ಹಿಂಗವ್ಹಿಂಗಡ ಕಂಪ್ಯೂಟರಾ°ಕ ವ್ಹಿಂಗವ್ಹಿಂಗಡ ಕಾಮ ದಿವಚೆ° ಕರಕಾ. ಹಾಕಾ ಹಾರಿಜಾಂಟಲ್ ಸ್ಕೇಲಿಂಗ್ ಮ್ಹಣತಾತಿ. ಗೂಗಲಾನ ಹ್ಯಾ ವಿಷಯಾರಿ ಶ್ರೇಷ್ಟತಾ ಫಾವೊ ಕೆಲಾಂ. ಸಚಿನ್ ಗೂಗಲಾಚೆ ಆರ್ಥಿಕ (ಫಿನಾಂಶಿಯಲ್) ಪ್ರಾಡಕ್ಟಾರಿ ಕಾಮ ಕರತಲೊ. ಜಾಲ್ಯಾರ ಹೆಂ ತಾಕಾ ದಿಲೆಲೆ° ನ್ಹಹಿ°. ತಾಣೇಚಿ ತಾಣೆ ಕಸಲೆ° ಕರಕಾ ಮ್ಹಣು ವಿಂಚಿಲೆ° ಜಾವನು ಆಶಿಲೆ°.

“ಗೂಗಲಾ°ತು ಉಗ್ತೆ° ಕಲ್ಚರ್ ಆಸಾ. ತಾಂನಿ° ಕಾಮಾಕ ಘೆತನಾ ವ್ಹಿಂಗವ್ಹಿಂಗಡ ಪ್ರಾಜೆಕ್ಟಾಂತು° ಅನುಭವ ಆಶಿಲ್ಯಾಂಕ ಘೆತಾತಿ. ಹಾಂವೆ° ವ್ಹಿಂಗಡಾಲಾಗಿ ಉಲಯತಾ ಕಸಲೆ° ಚಲಾತಾ ಆಸಾ ಮ್ಹಣು ಅರ್ಥ ಕರನು ಘೆವನು ತಾಜೇರಿ ಕಾಮ ಕರಕಾ ಜಾಲೆ°. ಆಮಿಚಿ ಸ್ಟರ‍್ಟಪ್ ಪ್ರಾಜೆಕ್ಟ ಸೋದೂನು ವ್ಹಿಂಗವ್ಹಿಂಗಡ ಪ್ರಾಡಕ್ಟಾರಿ ಕಾಮ ಕರಚೆ° ಕೆಲೆ° ಮ್ಹಣು ಸಚಿನ ಸಾಂಗತಾ. ಶುರುವೇಕ ತಾಣೆ ಜಿಮೈಲ್ ಬಾಂದಚೆ° ಕೆಲೆ°. ಉಪರಾಂತ ತಾಂಗೆಲೆ ಫಿನಾಂಶಿಯಲ್ ಪ್ರಾಡಕ್ಟಾರಿ ಕಾಮ ಕೆಲೆ°. ಏಕ ಇಂಜಿನಿಯರಾನ ಜಬಾಬದಾರಿ ಘೆವನು ಕಶಿ° ಕಾಮ ಕರಕಾ ಮ್ಹಣು ಗೂಗಲಾನ ತಾಕಾ ಶಿಖಯಲೆ°. “ಹಾವೆ° ಜಿ-ಮೈಲಾರಿ ಕಾಮ ಕರತಾನಾ ಹಾವೆ° ಜಾವಾ ಸ್ಕಿçಪ್ಟ ವಾಪೂರಕಾ ಜಾಲೆ°. ತ್ಯಾ ದೆಕೂನ ಫ್ರಂಟ್ ಎಂಡ್ (ವಾಪರಪಿ ಲೋಕ), ಬ್ಯಾಕ ಎಂಡ್ (ಸಾಪ್ಟವೇರ ಇಂಜಿನಿರ‍್ಸ್) ಆನೀ ತಾಜೆ ಮಧೆಂಚೆ ಸಗಟ ಪಳೊವಚೆ° ಜಾಲೆ° ಮ್ಹಣು ತೊ ಸಾಂಗತಾ. ತಾಣೇ ಜಿ-ಮೈಲ್ ಎಸ್.ಎಂ.ಎಸ್. ಅಲರ್ಟ ಸುತಾ ತಯಾರ ಕೆಲೆಲೆ°, ಜಾಲ್ಯಾರ ತೆ° ಏದೋಳು ಭಾಯರ ಯೆನಿ.

ಗೂಗಲಾಂತು° ಸಗಟ ಸ್ಪರ್ಧಾತ್ಮಕ ಅಶಿಲ್ಯಾನ ತುಮೀ ಕೆಲೆಲೆ ಕಾಮಾಕ ರ‍್ಯಾಧ° ಆಶಿಲಿ. ಸೀನಿಯಾರಿಟಿ ಮ್ಹಳೆಲೆ ಮಹತ್ವ ನಾ ಆಶಿಲೆ°. ಬ್ರೇಜಿಲಾಂತು° ತಯಾರ ಜಾಲೆಲೆ°  ‘ಓರ್ಕುಟ್’ ಪ್ರಾಡಕ್ಟ ತಯಾರಿಚೆ ಕೋರ ಟೀಮಾಂತು° ಸಚಿನ ಆಶಿಲೊ.
“ಓರ್ಕುಟ್ ಜಾವಕ ಜಾಲೆಲ್ಯಾಕಯೀ ಶುರುವೇಕಚಿ ತಯಾರ ಜಾಲೆಲೆ° ಪ್ರಾಡಕ್ಟ, ವಗೀಚ ಯಶಸ್ವಿ ಜಾಲೆ°. ಅತ್ಯುತ್ತಮ ಟೆಕ್ನಾಲಜಿ ವಾಪರೂನ ತೆ° ಬರಯಿಲೆ° ಮ್ಹಣು ಸಾಂಗಚಾಕ ಜಾಯನಾ. ತೆ° ವಾಡತಾನಾ ಆಮೀ ವಗೀಚ ತಾಜೆ ತಕೀತ ಕೋಡ ಪರತೂನ ಬರೋವಕಾ ಜಾಲೆ°. ತ್ಯಾ ವೇಳಾರಿ ಮುಳಾವೆ° ಕೋಡ್ ವಾಯಟ ಜಾಲಿಂತಿ. ತಾಜೇನ ಸಗಟ ಪಡಚೆ° ಜಾತಾ ಆಶಿಲೆ°. ಹಾಂತೂ ಕಾಂಯ ಚೂಕಿ ನಾ, ಜಾಲ್ಯಾರ ಹೋಡ ವಿಷಯ ಮಸಲೆ° ಮ್ಹಳ್ಯಾರ ಸಗಟ ಪರತೂನ ಬರೋವಚೆ° ಮ್ಹಣು ಆಮೀ ಲೇವಲ ಸೇವನ್ ಮ್ಹಳ್ಯಾರಿ ಫರಫೆಕ್ಟ ಕೋಡ ಬೇಸ ಬರೋವಚೆ° ಜಾಲೆ°.

“ಅಸಲೆ ವಿಷಯಾ ತಸಲೆ° ಸುರಂಗ ವಾಟೇರಿ ತುಮೀ ವಾಪರಪ ಕರತಲೆಂಕ ವಿಸೋರನು ಇಂಜಿನಿಯರಿ°ಗ್ ಬಬ್ಬಲಾಂತು ರೀಗಿಲೊ ಅನುಭವ ಜಾತಾ. ಜೀವನಾಂತು ಖಂಚೇಯ ಬರೆ° ಉತ್ತರ ಮ್ಹಳೆಲೆ° ನಾ. ಖಂಚೇಯ ವಿಷಯಾರಿ ಎಕ್ಸಟ್ರಿಮ್ ಚಿಂತನ ನಾಕಾ. ವೇಗ ಚಡ ಊಣೆ ಕರಚೆ° ಆನೀ ಖರೆ° ವಿಂಚಪ ಕರಚೆ° ಮುಖ್ಯ ಜಾತಾ ಮ್ಹಣು ಸಚಿನ ಸಾಂಗತಾ.

'ಸ್ಟಾರ್ಟ ಅಪ್'
ಸಚಿನಾನ ಗೂಗಲಾಂತು ತಯಾರ ಕೆಲೆಲೆ ಆಖೇರಿಚೆ° ಪ್ರಾಡಕ್ಟ ಮ್ಹಳ್ಯಾರಿ “ಕ್ಲ್ಲೌಡ್‌ಮ್ಯಾನ”. ತೆ° ಅಮೇಜಾನಾಚೆ ಎ.ಡಬ್ಲುö್ಯ.ಎಸ. ಕ ತೂಲನ ಕರಯೆತ. ತಾಂನಿ° ವರ್ಚುವಲ್ ಮೆಷಿನಾಂಕ ಕ್ರಮಬದ್ಧ ಜಾವನು ಚಲಚೆ ಸಿಸ್ಟಮ ತಯಾರ ಕರಚೆ° ಕರತ ಆಶಿಲಿಂತಿ. ತಾಜೇನ ವರ್ಚುವಲ್ ಮೆಷಿನ್ಸ್ ತಾಂಚಿತಲ್ಯಾಕ  ಕಾಮ ಕರಚೆ° ಸಾಧ್ಯ ಆಶಿಲೆ°. ಜಾಲ್ಯಾರ ಗೂಗಲಾಂತು ಮರಣ ಪಾವಿಲೆ° ಸಾಬಾರ ಪ್ರಾಡಕ್ಟಾ ಮ್ಹಣಕೆ ಹಾಜೆಂಯೀ ಅಂತ್ಯ ಜಾಲೆ°. ಸ್ಹ ವರಸ ‘ಟೇಕ್ ದೈತ್ಯಾಲೆ’ ಸಾಂಗತ ಆಶಿಲೆ ಸಚಿನಾನ ವ್ಹಿಂಗಡ ವಾಟ ಪಳೊವಚೆ° ಚಿಂತನ ಕೆಲೆ°.

“ಹಾ°ವ ಕೇದನಾಯಿ ನವೀನ ಖಾಂಯಪುಣಿ ಸೋದೂಚೆ° ಕರನು ಗೂಗಲಾಂತು° ಸಂತೋಸಾನ ಆಶಿಲೊ. ಜಾಲ್ಯಾರ ಪ್ರಾಜೆಕ್ಟ ಬಂದ ಕರಚೆ° ಖಂಚೆಯ ಡೆವಲಪರಾಕ ದೂಕಿಚೊ ವಿಷಯ ಜಾತಾ. ಮಾಕಾಯಿ ಮೆಗೆಲೆಂಚಿ ಖಾಂಯಪುಣಿ ಕರಕಾ ಮ್ಹಣು ಭೊಗತಲೆ° ಮ್ಹಣು ತೊ ಸಾಂಗತಾ.

2002, ಸಚಿನಾನ ವ್ಹಿಂಗವ್ಹಿಂಗಡ ವಾಟೇರಿ ಚಿಂತನ ಶುರು ಕೆಲೆ°. ತಾಕಾ ಸ್ವತಃ ತಾಣೆ ಏಕ ಪ್ರಾಡಕ್ಟ ತಯಾರ ಕರಕಾ ಮ್ಹಣು ಚಿಂತನ ಆಯಲ್ಯಾರಯೀ ತಾಜೇನ ಸಿ.ಇ.ಒ ಲೆ° ಆನೀ ಸೇಲ್ಸ್ ಕಾಮ ಜಾವಚೆ° ನಾ ಮ್ಹಣು ತಾಕಾ ಕಳಿತ ಆಶಿಲೆ°. ಹಾಂವ ಸೇಲ್ಸಾಂತು° ಆನೀ ಬಿಸಿನೆಸ್ಸಾಚೆ ಹೇರ ವಿಶಯಾಂತು° ಮಾಕ್ಷಿ ಆಶಿಲ್ಯಾನ ಹಾವೆ° ಸಹ ಸ್ಥಾಪಕಾಂಕ ಸೋದೂಚೆ° ಕೆಲೆ°. ಹಾವೆ° ಪಳಯಿಲೆ ಸಾಬಾರ ಲೋಕ ಖಂಚೆಯ ಏಕ ಕಲ್ಪನೆಕ ಬಾಂದೂನ ಆಶಿಲೆ. ತಾಂಕಾ° ಸವಾಲಾಂಕ ಜಬಾಬ ಸೋದುಚಾಂತು° ಉಮೇದಿ ದಿಸನಿ ಮ್ಹಣತಾ ಸಚಿನ.
ತಾಣೆ ದೋನ ಗೂಗಲಾಚೆ ಸಾಂಗತಿಯಾಲೆ ಸಾಂಗತ ಮೇಳನು ಕ್ಲೌಡ್ ಇನ್ಪಾçಸ್ಟçಕ್ಚರ್ ಪ್ರಾಜೆಕ್ಟ ಶುರು ಕೆಲೆ°. ತೆ° ಮೈಕ್ರೋಸಾಫ್ಟ ಎಕ್ಸಲೇಟರಾಂತು ತಾಂಗೆಲೊ ಏಕ ಮಾರ್ಗದರ್ಶಕಾನ ತೆ° ಪ್ರಾಡಕ್ಟ ವಿಕಚಾಕ ಸಲ್ಲಾ ದಿಲಿ.

“ತಾಂನಿ° ಪ್ರಾಡಕ್ಟ ವಿಕಚೆ° ಮ್ಹಣು ಚಿಂತನ ಕರತಾನಾ ಮಾಕಾ ದಿಸಲೆ° ಮೆಗೆಲೆ ಸಾಂಗಡ್ಯಾಲ ಪಶಿ ಸೇಲ್ಸಾಂತು ಹಾಂವಚೀ ಬರೊ ಆಶಿಲೊ. ತೆ° ಸಮ ನ್ಹಹಿ°, ಏಕ ಸ್ಥಾಪಕ ಟೀಮಾಂತು° ವ್ಹಿಂಗವ್ಹಿಂಗಡ ಸ್ಕಿಲ್ಸ್ ಕಳೆಲೆ ಆಸೂಂಕ ಜಾಯ ಮ್ಹಣತಾ ತೊ. ತ್ಯಾಚ ವೇಳಾರ ತಾಣೆ ತುಷಾರ ವಸಿಷ್ಠ ಹಾಕಾ ಮೆಳಚೆ ಜಾಲೆ°. ತಾಣೆ ತೆದೂಳೂಚಿ ‘ಹೆಲ್ದಿಫೈಮಿ’ ಬಾಂದಚಾಕ ಶುರು ಕೆಲೆಲೆ°. ದೋಗಾನಯಿ ಉಲೋವನು ಸಚಿನ ಸಿ.ಟಿ.ಓ (ಚೀಪ್ ಟೆಕ್ನಿಕಲ್ ಆಫಿಸರ್) ಜಾವನು ಕಂಪನಿಕ ಮೆಳೊ.

“ಗ್ರಾಹಕಾನಿ ಆರೋಗ್ಯ ರಕ್ಷಣಾ (ಹೆಲ್ತ್ ಕೇರ್) ಏಕ ತೊಂದರೆ ಮ್ಹಣು ಚಿಂತನ ಕರಚೆ° ಮಾಕಾ ಆಶ್ಚರ್ಯ ಜಾಲೆ°. ಹಾಕಾ ಲಾಗೂನ ಟೆಕ್ ಕಾಮ ಕರಚಾಕ ಖೂಬ ಅವಕಾಶ ಆಸಾ ಮ್ಹಣು ಭೊಗೂನ ಹಾಂವ° ಸಿ.ಟಿ.ಓ ಜಾವಚಾಕ ತಯಾರ ಜಾಲೊ ಮ್ಹಣತಾ ತೋ.

ಹೆಲ್ತ್ ಎಂಡ್ ಫಿಟನೆಸ್ ಸ್ಟಾರ್ಟ ಅಪ್ ಟೆಕ್ನಾಲಜಿ ಆನೀ ಮನಶಾಲಿ ಸೇವಾ ಮೆಳೊನು ಗ್ರಾಹಕಾಕ ಮೊಬೈಲ್ ಆ್ಯಪ್ ವಾಪರೂನ ಸಮಾಧಾನ ದಿವಚೆ° ಕರತಾ. ಸಚಿನಾಲೆ ಪ್ರಮಾಣೆ ತಾಂನಿ° ಏಕ ವರಸ ಭಾರತೀಯ ಲೋಕಾಲೆ° ರುಚಿ, ಖಾಣ ಜೇವಣಾಚಿ ವಿಂಚಪ ಆನೀ ಬರೆ° ತರಾನ ಜಾವಕಾ ಜಾಲೆಲೆ° ನ್ಯೂಟ್ರಿಷನ್ಸ್ ಆನೀ ಅಲ್ಗಾರಿಥಮ್ಸ್ ಅರ್ಥ ಕರಚಾಕ ವಾಪೂರಲೆ°.

ಆಜಿ ಸ್ಟರ‍್ಟ್ಅಪಾಚಿ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ‘ರಿಯಾ’, ಆ್ಯಪ ವಾಪರತಲೆ, ಆನೀ ಕೋಚಸಾಲೆ° (ಸಲ್ಲಾಗಾರ) ಮಧೆ° ತೀಣೆ ಸೋದಿಲೆಲೆ° ಜೇವಣಾಚೆ ವಿಶಯಾರಿ ಮೆಸೇಜ್(ಸಂದೇಶ) ವಿನಿಮಯ ಕರನು ಆ್ಯಪ ವಾಪ್ಯರತಲ್ಯಾಂಕ ಜಬಾಬ ದಿತಾ.

ಆಜೀ ಕೋಣಾಕಯಿ ಕಾಮಾಕ ಘೆತನಾ ತೊ ತಾಂಗೆಲೆ ಭಿತರಿ ಓನರಶಿಪ (ಆಪ್ಲೆಪಣ್) ಸೋದಿತಾ. “ತುವ° ಇಂಜಿನಿಯರ ಜಾಲೆಲ್ಯಾನ ತುಕಾ ಫಕತ ಏಕ ವಿಶಯಾರಿ ನಿಯಂತ್ರಣ ಆಸಾ ಮ್ಹಳೆಲೆ ಹಾಂವ ನಂಬಗನಾ. ತುವೆ° ಸಂಪೂರ್ಣತೆಚೆ ಚಿಂತನ ದವರನು ಕಾಮ ಕರಕಾ. ತೆಂ ಕರಚಾಕ ತುಕಾ ಆಪ್ಲೆಪಣ ಆಸೂಕಾ. ತುಕಾ ಕೊಣಯಿ ಸಾಂಗನಾಶಿ° ಸಗಟ ಕರಚೆ° ಕ್ಷಮತಾ ಆಸೂಕಾ”.

ಮುಖಾವಯಲೆ ತರನಾಟೆ ಟೆಕ್ನಿಂಕ ಸಚಿನಾಲೊ ಏಕ ಸಂದೇಶ ಆಸಾ. : ತುಮಗೆಲೆ ಕಾಮ ಪೂರ್ಣ ಕರತಾನಾ, ನವೆ° ಕಸಲೆ° ಶಿಖಚಾಕ ಮೆಳತಾ ಮ್ಹಣು ಪ್ರಯತ್ನ ಕರತ ರಾಬಾ. ಇಂಜಿನಿಯರ ಜಾವನು ಏಕ ಲಕ್ಷ ಪಾವಚಾಕ ವ್ಹಿಂಗವ್ಹಿಂಗಡ ವಾಟ ಆಸಾತಿ. ತೂವ° ವ್ಹಿಂಗವ್ಹಿಂಗಡ ವಾಟ ಪಳೊವಚಾಕ ತಯಾರ ಆಸಾ ?” ಮ್ಹಣು ವಿಚಾರತಾ ಸಚಿನ್.

ಯುವರ ಸ್ಟೋರಿಕ - ಸಿಂಧು ಕಾಶ್ಯಪಾನ ಸಂದರ್ಶನ ಕರನು ಎವೆಲಿನ್ ರತ್ನಕುಮಾರಾನ ಸಂಪಾದನ ಕೆಲಾ°.
ಕೊಂಕಣಿಕ – ವೆಂಕಟೇಶ ಬಾಳಿಗ ಮಾವಿನಕುರ್ವೆ

• Prev
• Next