ಕುಮಟಾ: ಹಾಂಗಾಚೆ ಹನುಮಂತ್ ಬೆಣ್ಣೆ ಸರ್ಕಾರಿ ಪದವಿ ಪೂರ್ವ ಕಾಲೇಜಾಂತು° ತಾಲೂಕಾ ಸ್ಥರಾಚೆ ಭಗವದ್ಗೀತಾ ಸ್ಪರ್ಧೊ ಚಲೊ. “ಭಗವದ್ಗೀತೆಚೆ ಶ್ಲೋಕ ಪಠಣ ಕರನು ತ್ಯಾ ಪ್ರಮಾಣೆ ಚಲ್ಯಾರಿ ವಿದ್ಯಾರ್ಥಿಯಾನಿ ಶಿಕ್ಷಣಾಂತು° ಯಶ ಫಾವೊ ಕರಯೆತ” ಮ್ಹಣು ಉದ್ಯಮಿ ಮುರಳಿಧರ ಪ್ರಭು ಹಾಂನಿ° ಹ್ಯಾ ವೇಳಾರ ಸಾಂಗಲೆ°. ಎಂ. ರಮೇಶ್ ಉಪಾಧ್ಯಯ್, ಎಂ. ಟಿ. ಗೌಡ, ಸುಧಾ ಶಾನಾಭಾಗ, ಆರ್. ಎಂ. ಶಾನಾಭಾಗ್, ಉಪ ಪ್ರಾಂಶುಪಾಲ ಆರ್. ಎಚ್. ನಾಯ್ಕ್ ಉಪಸ್ಥಿತ ಆಶಿಲಿಂತಿ.

ಕುಮಟಾ: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಲಿ ಜಿವೋತ್ತಮ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂಗೆಲೊ ಶುಭಕೃತ ನಾಮ ಸಂವತ್ಸರಾಚೊ ಚಾತುರ್ಮಾಸ ಉತ್ತರಕನ್ನಡ ಜಿಲ್ಲೆಚೆ ಕುಮಟಾಚೆ ಶ್ರೀ ಶಾಂತೇರಿ ಕಾಮಾಕ್ಷಿ ರಾಮನಾಥ ಲಕ್ಷ್ಮೀನಾರಾಯಣ ದೇವಳಾಂತು° ಜುಲೈ 20 ದಾಕೂನ ಸೆಪ್ಟೆಂಬರ್ 10 ಥಾಂಯ ಚಲಚೊ ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಪೀಠಾಧಿಪಾತಿ ಜಾತರಿ ಹೊ ಗುರುವರ್ಯಾಲೊ ದುಸ್ರೊ ಚಾತುರ್ಮಾಸ ಜಾವನು ಆಸಾ. ಜುಲೈ 16ಕ ಗುರುವರ್ಯಾಲೆ° ಪುರಪ್ರವೇಶ ಆನಿ ಸೆಪ್ಟೆಂಬರ್ 10ಕ ಚಾತುರ್ಮಾಸ ವೃತ ಸಮರ್ಪಣ ಜಾವಚೆ° ಆಸಾ ಮ್ಹಣು ಕಳವಣಿ ಸಾಂಗತಾ.

ಅನಾರೋಗ್ಯ  ಪರಿಸ್ಥಿತಿರಿ ಆಶಿಲೆ ರಾಮಚಂದ್ರ ನಾರಾಯಣ ಗೌಡ ಹಂದಿಗೊಣ, ತಿಮ್ಮು ನಾರಾಯಣ ಮುಕ್ರಿ ಕರ್ಕಿಮಕ್ಕಿ ಆನೀ ವಾಮನ ನಾರಾಯಣ ಶಾನಭಾಗ ಉಪ್ಪಿನಪಟ್ಟಣ ಹಾಂಕಾ° ಕೆ ಡಿ ಸಿ ಸಿ ಬ್ಯಾಂಕಾಚೆ ಪರಿಹಾರ ನಿಧಿ ಚೆಕ್ ಕೆ. ಡಿ ಸಿ ಸಿ ಬ್ಯಾಂಕ್ ನಿರ್ದೇಶಕ ಗಜಾನನ ಪೈ ಹಾಂನಿ ದಿಲಿ°.