ಮಂಗಳೂರು: "ಗೋವಾ ದಾಕೂನ ಮಂಗಳೂರಾಕ ಆನಿ ತಾಜೆ ಭೊಂವತಣಿಚೆ ಪ್ರದೇಶಾಂಕ ಕೊಂಕಣಿ ಲೋಕಾಂಚೆ ಸ್ಥಳಾಂತರ ಹಾಜೆ ಅಧ್ಯಯನ" ಹ್ಯಾ ವಿಷಯಾರ ಪ್ರಬಂಧ ಮಂಡನ ಕೆಲೆಲೆ ಪ್ರೇಮ್ ಮೊರಾಸ್ ಹಾಂಕಾ° ಶ್ರೀನಿವಾಸ್ ವಿಶ್ವವಿದ್ಯಾಲಯ ದಾಕೂನು ಡಾಕ್ಟರ್ ಆಫ್ ಫಿಲಾಸಫಿ (ಪಿಎಚ್‌ಡಿ) ಪದವಿ ಪ್ರಾಪ್ತ ಜಾಲ್ಯಾ. ಹಾಂನಿ° ಡಾ. ಅರವಿಂದ್ ಶಾನಭಾಗ್ ಹಾಂಗೆಲೆ ಮಾರ್ಗದರ್ಶನಾರಿ ಸಂಶೋಧನ ಕೆಲೆಲೆ° ಆಸಾ. ಮಂಗಳೂರ ಮೂಳಾಚೆ ಪ್ರೇಮ್ ಮೊರಾಸ್, ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾಲಯಾಚೆ ಹಂಪನಕಟ್ಟಾಚೆ ವಿಶ್ವ ವಿದ್ಯಾಲಯ ಕಾಲೇಜಾಂತು° ಕೊಂಕಣಿ ವಿಭಾಗಾಂತು° ಪಿಜಿ ಅಧ್ಯಯನ ಉಪನ್ಯಾಸಕ ಜಾವನು ಸೇವಾ ದೀವೂನ ಆಸಾತಿ. ಗೋವಾ ದಾಕೂನ ಮಂಗಳೂರ ಆನಿ ಭೊಂವತಣಿಚೆ ಪ್ರದೇಶಾಂಕ ಕೊಂಕಣಿ ಲೋಕಾಂಚೆ ಸ್ಥಳಾಂತರಾಚೆ ಪ್ರಾಮಾಣಿಕ ಕಾರಣಾ° ಹ್ಯಾ ಪ್ರಬಂಧಾಚೆ ವಾಂಟೊ ಜಾವನು ಆಸಾ.  ಹಾಂನಿ° ನಾವಾದೀಕ ಕೊಂಕಣಿ ಲೇಖಕ ದೇವಾದಿನ ಪೌಲ್ ಮೊರಾಸ್ ಆನಿ ಕೊಂಕಣಿ ಕವಯತ್ರಿ ಜೂಲಿಯೆಟ್ ಫೆರ್ನಾಂಡಿಸ್ ಹಾಂಚೆ ಪೂತ ಜಾವನು ಆಸಾತಿ.

To Support Kodial Khaber click the following button.

ಬಂಟವಾಳ: ಕಾರ್ಕಳ ಮಂಜುನಾಥ ಪೈ ಸ್ಮಾರಕ ಪ್ರಥಮ ದರ್ಜೆ ಕಾಲೇಜಾಂತು° ನಿರ್ವಹಣಾ ಶಾಸ್ತ್ರ ವಿಭಾಗಾಚಿ ಸಹಾಯಕ ಪ್ರದ್ಯಾಪಕಿ ದಿವ್ಯಾ ಪ್ರಭು ಪಿ. ಹಾಂಕಾ° ಬೆಂಗಳೂರಚೆ ಜೈನ್ ದೀಮ್ಡ್ ಟು ಬಿ ಯುನಿವರ್ಸಿಟಿನ ಪಿ. ಎಚ್. ಡಿ. ಪದವಿ ಪ್ರದಾನ ಕೆಲ್ಯಾ.
ಬೆಂಗಳೂರಚೆ ಸಿ. ಎಮ್. ಎಸ್. ಬ್ಯುಸಿನೆಸ್ ಸ್ಕೂಲಾಂತು° ಡಿಸಿಷನ್ ಸೈನ್ಸ್ ವಿಭಾಗಾಂತು° ಪ್ರಾದ್ಯಾಪಕ ಜಾವನು ಆಸಚೆ ಡಾ| ಜಿ. ಎಸ್. ವಿಜಯಾ ಹಾಂಗೆಲೆ ಮಾರ್ಗದರ್ಶನಾರಿ ಮಂಡನ ಕೆಲೆಲೆ ಸಂಶೋಧನಾ ಪ್ರಭಂದ “ಟಿಕ್ನಾಲಜಿ ಮಿಡಿಯೇಟೆಡ್ ಸರ್ವಿಸ್ ಡೆಲಿವರಿ ಫಾರ್ ಫಿನಾನ್ಶಿಯಲ್ ಇನಕ್ಲೂಷನ್ : ಎನ ಎನಾಲಿಸಿಸ್ ಆಫ್ ಇಟ್ಸ್ ಅಪಟೆಕ್, ಸ್ಕೆಲೆಬಿಲಿಟಿ, ಎಂಡ್ ಇಂಟಗ್ರೆಶನ್ ಇನ್ ರೂರಲ್ ಬ್ಯಾಂಕಿಂಗ್ ಸಿಸ್ಟಮ್ –ಎ ಸ್ಟಡಿ ಆಫ್ ದಕ್ಷಿಣ ಕನ್ನಡ ಡಿಸ್ಟ್ರಿಕ್ಟ್” ಹಾಕಾ ಹೀ ಪದವಿ ಪ್ರಾಪ್ತ ಜಾಲ್ಯಾ.
ಹಾಜೆ ಪಯಲೆ° ಹಾಂನಿ° ಸಹ್ಯಾದ್ರಿ ಕಾಲೇಜ್ ಆಫ್ ಇಂಜಿನಿಯರಿಂಗ್ ಎಂಡ್ ಮ್ಯಾನೆಜಮೆಂಟ್ ಆನಿ ಮೈಟ್ ಮೂಡುಬಿದಿರೆ ಹಾಂಗಾ ಎಂ. ಬಿ. ಎ. ವಿಭಾಗಾಂತು°, ಬೆಂಗಳೂರಚೆ ಎಕ್ಸಂಚರ್ಸ್ ಸಂಸ್ಥೆಂತು° ಸೇವಾ ದಿಲೆಲಿ ಆಸಾ. ಬಂಟ್ವಾಳಚೆ ಎಸ್. ವಿ. ಎಸ್. ದೇವಳಾಚೆ ವಿದ್ಯಾ ಸಂಸ್ಥೆಂತು° ಆನಿ ಉಡುಪಿ ಪೂರ್ಣಪ್ರಜ್ಞಾ ಇನ್ಸ್ಟ್ಟಿಟ್ಯೂಟ್ ಆಫ್ ಮೆನೇಜಮೆಂಟಾಂತು° ಶಿಕ್ಷಣ ಫಾವೊ ಕೆಲೆಲೆ ಹಾಂನಿ° ಬಂಟ್ವಾಳಚೆ ಎಲ್. ಐ. ಸಿ ಪ್ರತಿನಿಧಿ ಪಿ. ವಸಂತ ಪ್ರಭು ಆನಿ ವಸುಧಾ ಪ್ರಭು ಹಾಂಗೆಲಿ ಸುಪುತ್ರಿ ಆನಿ ಎಲೆಕ್ಟ್ರೊ ಹೋಮಿಯೊಪತಿ ವೈದ್ಯ ಡಾ| ಗಣೇಶ ಶೆಣೈ ಹಾಂಗೆಲಿ ಬಯಲ ಜಾವನು ಆಸಾತಿ.

ಮಣಿಪಾಲ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಚೆ ಇನ್ಸ್ಟ್ರಮೆಂಟೇಷನ್ ಆಂಡ್ ಕಂಟ್ರೋಲ್ ಇಂಜಿನಿಯರಿಂಗ್ ವಿಭಾಗಾಚೆ ಅಸಿಸ್ಟೆಂಟ್ ಪ್ರೊಫೆಸರ್ ಕೆ. ರಾಮಕೃಷ್ಣ ಕಿಣಿ ಹಾಂನಿ° ಮಂಡನ ಕೆಲೆಲೆ "ಮಲ್ಟಿವೇರಿಯೆಟ್ ಪ್ರೋಸೆಸ್ ಮಾನಿಟರಿಂಗ್ ಯೂಸಿಂಗ್ ಮಲ್ಟಿಸ್ಕೇಲ್ ವರ್ಷನ್ ಆಫ್ ಐಸಿಎ" ಮ್ಹಳೆಲೆ ಸಂಶೋಧನ ಪ್ರಭಂದಾಕ, ಮಾಹೇ ಸಂಸ್ಥೆನ ಪಿ.ಎಚ್.ಡಿ ದಿಲ್ಯಾ. ಕೆಮಿಕಲ್ ಇಂಜಿನಿಯರಿಂಗ್ ವಿಭಾಗಾಚೊ ಪ್ರೊ (ಡಾ).ಮುದ್ದು ಮದಕಯಾರು ಹಾಂಗೆಲೆ ಮಾರ್ಗದರ್ಶನಾರಿ ತಾಂನಿ° ಸಂಶೋಧನಾ ಕೆಲೆಲೆ ಆಸಾ. ಹಾಂನಿ° ಕಲ್ಯಾಣಪುರ  ವೆಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಕೆ. ಅನಂತಪದ್ಮನಾಭ  ಕಿಣಿ ಆನಿ ಅಹಲ್ಯ ಕಿಣಿ ಹಾಂಗೆಲೊ ಪೂತು ಜಾವಾನು ಆಸಾತಿ.