ಸಾಧನಾ ಬಳಗ, ಶ್ರೀ ಕೃಷ್ಣ ಮಂದಿರ, ವಿಠೋಭಾ ದೇವಸ್ಥಾನ ರೋಡ, ಮಂಗಳೂರು ಹಾಂಗೆಲೆ 18ವೆ° ಸ್ನೇಹಮಿಲನ ಕಾರ್ಯಕ್ರಮ ಆರತಾ° ಚಲೊ. ಮಾನಚೆ ಸೊಯ್ರೆ ಆಶಿಲೆ ಪಣಂಬೂರು ವಿಠೋಭಾ ಭಂಡಾರಕಾರ ಹಾಂನಿ° ಸಾಂಸ್ಕೃತೀಕ ಕ್ಷೇತ್ರಾಂತು° ತಾಂನಿ ಜೋಡಿಲೊ ಅನುಭವ ತರನಾಟೆ ಮಧೆ° ವಾಂಟೂನ ಘೆತಲೊ. 2011 ವರ್ಸಾ ಸಾವನ ತರನಾಟ್ಯಾ ಕಲಾಕಾರಾಂಕ ವೇದಿಕಾ ಫಾವೊ ಕರನು ಸಾಂಸ್ಕೃತಿಕ ಕ್ಷೇತ್ರಾಂತು° ಪ್ರಶಿಕ್ಷಣ ಕಾರ್ಯಾವಳಿ ಘಡೋವನ ಹಾಡತಾ ಆಸಚೆ ಸಾಧನಾ ಬಳಗಾಚೆ ಗೌರವಾಧ್ಯಕ್ಷ ನಂದಗೋಪಾಲ ಶೆಣೈ, ಸ್ಥಾಪಕ ಪ್ರಕಾಶ ಶೆಣೈ, ಗೌರವ ಕಾರ್ಯದರ್ಶಿ ಸತೀಷ ಕುಮಾರ ಭಟ್, ಕೆನರಾ ಬ್ಯಾಂಕಾಚೆ ಜಿ. ಎಂ. ಯೋಗಿಶ ಆಚಾರ್ಯ ಉಪಸ್ಥಿತ ಆಶಿಲೆ.

ಮಂಗಳೂರು: ಕೊಂಕಣಿ ಭಾಶೆನ ಭಜನ, ಸುಗಮ ಸಂಗೀತ ಆನೀ ಸಮೂಹ ನೃತ್ಯ ಪ್ರದರ್ಶನಾ ಬದಲ ಲೋಕಾ° ಮಧೆ° ಉಮೇದಿ ವಾಡೋಚೆ ನದರೇನ ಸಾಧನಾ ಬಳಗ (ರಿ.) ಮಂಗಳೂರು ಹಾಂನಿ° ಜ.2, 2022ಕ ಕೊಡಿಯಾಲಬೈಲಾಚೆ ಕೆನರಾ ಗರ್ಲ್ಸ ಹೈಸ್ಕೂಲಾಚೆ ಸುಧೀಂದ್ರ ಸಭಾ ಭವನಾಂತು° ‘ಮಧುರ ಕೊಂಕಣಿ – 2022’ ಕಾರ್ಯಕ್ರಮ ಆಯೋಜನ ಕೆಲಾ. ಜೂನಿಯರ್ ಆನೀ ಸೀನಿಯರ್ ವಿಭಾಗಾಂತು° ಚಲಚೆ ಸ್ಪರ್ಧೆಚೆ ವಿಜೇತಾಂಕ ನಗದ ಇನಾಂ ದಿತಾತಿ ಆನಿ ಸ್ಪರ್ಧೇಕ ಪ್ರವೇಶ ಶುಲ್ಕ ನಾ ಮ್ಹಣು ಕಳವಣಿಂತು° ಸಾಂಗಲಾ°. ಪ್ರವೇಶ ಪತ್ರ° ಮಂಗಳೂರು ರಥಬೀದಿಚೆ ಪೈ ಟಿಫಿನಾಚೆ ಮುಕಾರ ಆಸಚೆ ಭಂಡಾರಕಾರ್ ಎಂಟರಪ್ರೈಸಸ್ ಹಾಂಗಾ ಮೇಳತಾತಿ.