ಯಲ್ಲಾಪುರ ಪ್ರಭು ಹೊಟೇಲ್ ಹಾಜ್ಜೆ ಮಾಲಕ ವಿದ್ಯಾಧರ ಪ್ರಭು ಸದ್ಗತಿಕ ಪಾವಲೆ. ಜನಸಂಘ ಆನಿ ಭಾರತೀಯ ಜನತಾ ಪಕ್ಷಾಚೆ ಸಕ್ರಿಯ ಸಾಂದೊ ಜಾವ್ನು ವಾವುರಲ್ಲೊ ಪ್ರಭು ಮಾಮ್ ರಾಜಕೀಯಾಕ ಘೂಸನಾಶಿ ಜನಸೇವಾ ಕೆಲ್ಲಿಲೊ ಮನೀಸ್. ಆರತಾಂ ತೀಸ್- ಚಾಳೀಸ ವರಶಾಚೆ ಮಾಕ್ಷಿ ಯಲ್ಲಾಪುರಾಂತು ಮಾಶಳಿ ಜವಣಾಕ ಫಾಮಾದ್ ಜಾಲ್ಲಿಲೆ ಶುಚಿ-ರುಚಿ ಹೊಟೇಲ್ ಶೂರು ಕೋರನು ಆಜಿವರಿ ತೇಂ ಜವಣಾಚೆ ಸ್ವಾದ ಲೊಕಾಂಕ ದಿತ್ತ ಆಶಿಲೆ ಖ್ಯಾತಿ ಹಾಂಕಾ ಆಸಾ. ಯಲ್ಲಾಪುರ ವೆಂಕಟರಮಣ ಮಠಾಂತು ಸಂಪನ್ನ ಜಾಲ್ಲಿಲೆ ಪರ್ತಗಾಳಿ ಮಠಾಚೆ ಸ್ವಾಮಿ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಹಾಂಗೆಲೆ ಚಾತುರ್ಮಾಸ್ಯ ವೃತಾಚೆ ಆಯೋಜನೆಕ ಪ್ರಭು ಮಾಮಾನ ತೆಂಕೊ ದಿಲ್ಲಿಲೊ ಆಸಾ. ಕೊಂಕಣಿ ಮೋಗಿ ವಿದ್ಯಾಧರ ಮಾಮಾನ ಕೊಂಕಣಿ  ಪತ್ರಾಚೊ ವಾಚಪಿ ಜಾವ್ನು ಭಾಷಾಭಿಮಾನ ದವರುನು ಘೆತಿಲೊ.