ಮುಲ್ಕಿ: ಆರತಾ° ದಕ್ಷಿಣ ಕನ್ನಡ ಆನಿ ಉಡುಪಿ ಜಿಲ್ಲೆಂತು° ಪಾವಸಾನ ತಾಂಡವ ನೃತ್ಯ ಕೆಲೆಲೆ° ಸಗಟಾಂಕ ಅನುಭವ ಜಾಲಾ. ಹ್ಯಾ ಸಂದರ್ಭಾರಿ ಮುಲ್ಕಿ ನಗರ ಪಂಚಾಯತ ವ್ಯಾಪ್ತಿಚೆ ಮಾನಂಪಾಡಿ ಘಜನಿ ಮ್ಹಳೆಲೆ ಪ್ರದೇಶಾಂತು° ಶಾಂಭವಿ ನ್ಹಂಯಿ ಉಕ್ವುನು ಯೆವನು 16 ಕುಟುಂಬೆಚೆ ಘರಾಂತ ಉದಾಕ ಭರನು 36 ಲೋಕ ಸಂತ್ರಸ್ತ ಜಾಲೆ. ಹ್ಯಾ ವೇಳಾರ ಜಿಲ್ಲಾಡಳಿತಾನ ತಾಂಕಾ° ಮಾನಂಪಾಡಿ ಶಾಳೆಂತು° ರಾಬಚಿ ವ್ಯವಸ್ಥಾ ಕೆಲಿ. ಹ್ಯಾ ಸಂತ್ರಸ್ತ ಲೋಕಾಂಕ ಮುಲ್ಕಿ ಶ್ರೀ ವೆಂಕಟರಮಣ ದೇವಳಾ ತರಪೇನ ಜೇವಣಾ ವ್ಯವಸ್ಥಾ ಆನಿ ಲಯನ್ಸ್ ಕ್ಲಬ್ ಬಪ್ಪನಾಡು ಇನ್ಸ್ಪೈರ್  ಹಾಂನಿ° ಫಳಾರಾ ವ್ಯವಸ್ಥಾ ಕೆಲಿ. ಲಯನ್ಸ್ ಉಪಾಧ್ಯಕ್ಷ ವಿಶ್ವನಾಥ ಶೆಣೈ ಫಳಾರಾಚೆ ಪ್ರಾಯೋಜಕ ಆಶಿಲೆ. ಲಯನ್ಸ್ ಅಧ್ಯಕ್ಷ ಎನ್. ಸುಧೀರ ಬಾಳಿಗಾ, ಕಾರ್ಯದರ್ಶಿ ಪುಷ್ಪರಾಜ್ ಚೌಟಾ, ಖಜಾನಧಾರ ಬಿ. ಶಿವಪ್ರಸಾದ್, ಸ್ಥಾಪಕ ಅಧ್ಯಕ್ಷ ವೆಂಕಟೇಶ ಹೆಬ್ಬಾರ್, ವಲಯಾಧ್ಯಕ್ಷ ಪ್ರತಿಭಾ ಹೆಬ್ಬಾರ್ ಆನಿ ಜನ ಪ್ರತಿನಿಧಿ ವಂದನಾ ಕಾಮತ ಉಪಸ್ಥಿತ ಆಶಿಲೆ.

ಮοಗಳೂರು: ಆರ್. ಟಿ. ಐ. ಕಾರ್ಯಕರ್ತ ವಿನಾಯಕ ಬಾಳಿಗಾಕ ಜೀವಶಿ ಮಾರನು ಸ್ಹ ವರಸ° ಜಾಲಿಂತಿ. ಕೊಡಿಯಾಲ ಶ್ರೀ ವೆಂಕಟರಮಣ ದೇವಾಲೊ ಪರಮ ಭಕ್ತ, ಆರ್. ಎಸ್. ಎಸ್. ಆನಿ ಬಿ. ಜೆ. ಪಿ.ಚೊ ಕಾರ್ಯಕರ್ತ ಆಶಿಲೊ ಹಾಕಾ ಸಕಾಳಿ 5 ಗಂಟ್ಯಾಕ ಉಟಾನು ನ್ಹಾವನು, ರಥಬೀದಿಕ ವಚೂನ ದೇವಾಲಿ ಭೇಟಿ ಕರನು ಪರತೂನ ಯೆತಾನಾ ದೂದ ಘೆವನು ಯೆವನು ಸಕಾಳಿಚೆ ತಾಂನಿ° ಘೆವಚಿ ಸವಯ ಆಶಿಲಿ. ತ್ಯಾ ದೀವಸು 2016 ವರಸಾಚೆ ಮಾರ್ಚ 21ಕ ಕೆದನಾಚೆ ಮ್ಹಣಕೆ ತೋ ದೇವಳಾಕ ಭಾಯರ ಸರಲಲೊ. ಜಾಲ್ಯಾರ ಬೆಸೆಂಟ್ ಕಾಲೇಜಾ ಲಾಗಿಚೆ ತಾಗೆಲೆ ಘರಾಚೆ ಓಣಿ ದಾಕೂನ ಭಾಯರ ಯೆವಚೆ ಪಯಲೆಂಚಿ ರಾಖೂನ ಬಶಿಲೆ ಹಂತಕಾನಿ ತಾಗೆಲೆ ಬೋಡ ಭೆತೂನ, ಗಳೊ ಖಾತೊರನು ಜೀವಶಿ ಮಾರಲೆ°. ತಾಗೆಲೆ ಬ್ಹಯಣ್ಯಾನಿ ಆಸ್ಪತ್ರೆಚೆ ಆಂಬ್ಯುಲೆನ್ಸಾರಿ ಆಸ್ಪತ್ರೆಕ ವ್ಹೆಲ್ಯಾರಯೀ ತಂಯ ಪಾವಚೆ ಪಯಲೆಂಚಿ ತೋ ದೇವಾ ಲಾಗಿ ಪಾವಿಲೊ.
ತೇದನಾಚೆ ಪೋಲಿಸ್ ಕಮಿಷನರ್ ಚಂದ್ರಶೇಖರ ಆನಿ ಸಿಬಂದಿ ವರ್ಗಾಚೆ ದಕ್ಷ ಆನಿ ಪ್ರಾಮಾಣಿಕ ಕಾಮಾನ ಸರ್ವ ಆರೋಪಿಯಾಲೆ° ಬಂಧನ ಜಾಲೆ°. ಉಪರಾಂತ ತಾಂನಿ° ನ್ಯಾಯಾಲಯಾಂತು ಬೇಲ್ ಘೆವನು ಭಾಯರ ಆಯಲೆ. ಆಜಿಕಯೀ ವಿನಾಯಕಾಲೆ ಬ್ಹಯಣ್ಯೊ ನ್ಯಾಯಲಯಾಂತು° ಹೆ° ಕೇಸ್ ಝುಜತಾ ಆಸಾತಿ. ತಾಂಕಾ° ತಾಗೆಲೆ ಸ್ವ ಸಮಾಜಾಚೊ ಯಾ ಪಕ್ಷಾಚೊ ಕಸಲೊಯಿ ನಮೂನ್ಯಾಚೊ ಸಹಕಾರ ಯಾ ಸ್ಪಂದನ ಮೆಳನಿ ಮ್ಹಣು ತಾಂನಿ° ಸಾಂಗತಾತಿ.
ವಿನಾಯಕನ ಮಂಗಳೂರು ಶ್ರೀ ವೆಂಕಟರಮಣ ದೇವಳಾಚೆ ಆಡಳಿತ ಸಾಂಬಾಳಾಚಾಕ ಪೊರನೆ, ದೋನ ಪಾನಾಚೆ ಸ್ಕೀಮ್ (ಸಂವಿಧಾನ) ಪಾವನಾ ತಾಕಾ ನವೀನ ವಿಸ್ತçತ ಸ್ಕೀಮ್ ತಯಾರ ಕರಕಾ ಮ್ಹಣು ಮಾಘಣಿ ದೇವಳಾಚೆ ತೇದನಾಚೆ ಆಡಳಿತ ಮಂಡಳಿ ಮುಕಾರ ದವರಲೆಲಿ. ತೊ ವಿಷಯು ನ್ಯಾಯಾಲಯಾಕ ಪಾವನು ನ್ಯಾಯಾಲಯಾನ ಮಾಕ್ಷಿ ವರಸ ತಾಜೊ ನಿರ್ಣಯ ದಿವನು ನವೀನ ಸ್ಕೀಮಾಕ ಪರವಾಣಗಿ ದಿಲಿ. ತಾಜೆ ಪ್ರಮಾಣೆ ಮಾರ್ಚ 15 ತಾಂಯ ಸಮಾಜಾಚೆ ಪುರುಷ ಲೋಕಾನಿ ಮತದಾರ ಜಾವನು ನೊಂದ ಜಾವಚಾಕ ಅವಕಾಶ ಆಶಿಲೊ. ಹೆ° ಸ್ಕೀಮ್ ನ್ಯಾಯಾಲಯಾಕ ವಚನಾಶಿ° ಕರಚಾಕ ಸಾಧ್ಯ ಆಶಿಲೆ° ವೆ ? ಮ್ಹಳೆಲೊ ಎಕ ಹೋಡ ಸವಾಲ ಆಸಾ.
ವಿನಾಯಕಾನ ಮರನು 6 ವರಸ° ಜಾಲಿಂತಿ. ತಾಗೆಲೆ ಆವಸು ಆನಿ ಬಾಪುಸು ಹ್ಯಾಚ ಖಂತ್ಯೆοತು ದೇವಾದಿನ ಜಾಲೆ. ಆಜೀ ಘರಕಡೆ ಆಸಚೆ ದೋಗ ಬ್ಹಯಣ್ಯೊ ವಿನಾಯಕಾಕ ನ್ಯಾಯ ಮೇಳಕಾ ಮ್ಹಣು ಝುಜತಾ ಆಸಾತಿ.

ಕುಮಟಾಚೆ ರಥಬೀದಿಂತು ವಿರಾಜಮಾನ ಶ್ರೀ ವೆಂಕಟರಮಣ ಮಠಾಚೆ ಅಧಿದೈವಾಕ ನೋಂಪಿ ಪ್ರಯುಕ್ತ ಚೌದಾ ವೈವಿಧ್ಯಾಚೆ ಫುಲ್ಲಾಚೆ ಅಲಂಕಾರಾನ ವಿಶೇಷ ಪೂಜಾ ಸಮರ್ಪಣ ಕೆಲ್ಲೆ. ಸಾರಸ್ವತ ಸಮಾಜಾಚೆ ಬಾಂಧವ ಹೇ° ಅನಂತವೃತಾಂತು ಉಪಸ್ಥಿತ ಆಶಿಲ್ಲೆ°.

कुमटा श्री वॆंकटरमणाक विशेषालंकार

कुमटाचॆ रथबीदिंतु विराजमान श्री वॆंकटरमण मठाचॆ अधिदैवाक नोंपि प्रयुक्त चौदा वैविध्याचॆ फुल्लाचॆ अलंकारान विशेष पूजा समर्पण कॆल्लॆ. सारस्वत समाजाचॆ बांधव हें अनंतवृतांतु उपस्थित आशिल्लॆं.