ಬೆಂಗಳೂರು: ಹಾಂಗಾಚೆ ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ(ರಿ) ಹಾಂಗೆಲೆ 49ವೆ° ವಾರ್ಷಿಕೋತ್ಸವಾಚೆ ವೇಳಾರ ಪ್ರಧಾನ ಜಾವಚಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಯಕ್ಷಗಾನ ಕ್ಷೇತ್ರಾಂತ ಸೇವಾ ದಿಲೆಲೆ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಫಾವೊ ಜಾಲ್ಯಾ. 23-6-2024 ತಾರೀಕೆಕ ರವೀಂದ್ರ ಕಲಾ ಕ್ಷೇತ್ರ ಹಾಂಗಾ ಘಡಲೆಲೆ ಹ್ಯಾ ಸುವಾಳ್ಯಾಂತು° ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ ಬೆಂಗಳೂರು ಹಾಜೆ ಸಂಸ್ಥಾಪಕ ಅಧ್ಯಕ್ಷ ಡಾ. ಹೆಚ್. ಎಲ್. ಎನ್. ರಾವ್, ಮಾನಾದಿಕ ನ್ಯಾಯಮೂರ್ತಿ ಡಾ. ಎಚ್. ಜಿ. ಪ್ರಭಾಕರ್ ಶಾಸ್ತ್ರಿ, ಖ್ಯಾತ ಚಿತ್ರ ನಟು ಎಸ್. ನಾರಾಯಣ್ ಆನಿ ನಾಡೋಜ ಮಹೇಶ್ ಜೋಷಿ ಉಪಸ್ಥಿತ ಆಶಿಲೆ. ಗಾಂವಾoಕ ಯೆತರಿ ಅನಂತ ವೈಧಿಕ ಕೇಂದ್ರ ಹಾಂಗಾ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸನ್ಮಾನ ಕೆಲೊ.

To Support Kodial Khaber click the following button.

कोडियाळ: 2024 च्या SSLC परीक्षेंत तीसरी भास कोंकणींत 100/100 अंक जोडलेल्या 6 छांत्रांक कर्नाटक राज्य सरकाराच्या आडळीत सुधारणा समितीचो अध्यक्ष आनी विश्व कोंकणी केंद्राचो गौरवाध्यक्ष श्री आर. वी. देशपांडे हांनी अभीनंदन भेटयल्या. हो संदेश तानीं विश्व कोंकणी केंद्राच्य गौरव सचीव डा. कस्तुरी मोहन पै हांका दाडला अशें डा. पै हांनी कळयला. कारवार सावन मंगळूर मेरेन 12 शाळेंत अवंदु 300 छात्रां कोंकणी शिक्षण घेवत आसात. तुं ह्या 100/100 अंक जोडिल्या छात्रांक रू 3000 भोमान, नवें छात्रांक अवंदु नवें शाळा ब्याग आनी आदल्या छात्रांक शिश्य वेतन विश्व कोंकणी केंद्राच्या वतीन मेळतलें अशें डा. पै हानीं जाहिर केलां. कर्नाटकांत शाळेंत कोंकणी शिक्षण विश्व कोंकणी केंद्राच्या सहयोगान चालतींत आसा म्हणू तानीं सांगलें.  

कौसल्या – एस.वी.टी शाळा - कार्कळ

श्रद्धा शेट – केनरा शाळा - मंगळूरु

नम्रता नायक – केनरा शाळा- मंगळूरु

आदित्या मूली – संत लारेन्स शाळा - मूढुबेळ्ळे

सोनल पिरैरा - संत लारेन्स शाळा - मूढुबेळ्ळे

  धनुष - संत लारेन्स शाळा - मूढुबेळ्ळे

To Support Kodial Khaber click the following button.

ಮಂಗಳೂರು:

ಪುಸ್ತಕಬಹುಮಾನ- 2022 ಮತ್ತು 2023 ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿನ 2022 ಕ್ಯಾಲೆಂಡರ್ ವರಸ (2022 ಜನವರಿ 1 ದಾಕೂನ 2022 ಡಿಸೆಂಬರ್ 31) ಆನಿ 2023 ಕ್ಯಾಲೆಂಡರ್ ವರಸ (2023 ಜನವರಿ 1 ದಾಕೂನ 2023 ಡಿಸೆಂಬರ್ 31) ಪ್ರಕಟ ಜಾಲೆಲೆ (1) ಕೊಂಕಣಿ ಕವನ, (2) ಕೊಂಕಣಿ ಸಾನ ಕಾಣಿಯೊ ಯಾ ಕಾದಂಬರಿ. (3) ಕೊಂಕಣಿಕ ಭಾಷಾಂತರ ಕೆಲೆಲಿ ಕೃತಿ (ಪಯಲೆ° ಪ್ರಾಶಸ್ತ್ಯ) ಯಾ ಲೇಖನ/ ಅಧ್ಯಯನ ವಿಮರ್ಸೊ ಬದಲ ಲೇಖಕಾನ ಪ್ರಕಾಶಕಾನ ಪುಸ್ತಕ ಬಹುಮಾನಾ ಕಾತಿರ ಪುಸ್ತಕಾಚಿ 4 ಪ್ರತಿಯೊ ಸಾಂಗತ ಅರ್ಜಿ ಘಾಲೂಂಕ ಆಪೊವಣೆ ದಿಲಾ°. ದೋನ ವರಸಾಂಚೆ ಪುಸ್ತಕ° ಪ್ರತ್ಯೇಕ ಜಾವನು ಪಾವೋಕಾ ಜಾತಾ. ಪುಸ್ತಕ ಬಹುಮಾನ ಜಾವನು ರೂ.25,000/- ಗೌರವಧನ, ಹಾರ, ಪ್ರಮಾಣಪತ್ರ, ಫಲತಾಂಬೂಲ ಆಸತಲೆ°.

ಗೌರವ ಪ್ರಶಸ್ತಿ-2023
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ 2023 ಇಸವಿಕ ಲಾಗೂನ 1.ಕೊಂಕಣಿ ಸಾಹಿತ್ಯ, 2. ಕೊಂಕಣಿ ಕಲಾ (ಕೊಂಕಣಿ ನಾಟಕ, ಸಂಗೀತ, ಚಲನಚಿತ್ರ) 3. ಕೊಂಕಣಿ ಜಾನಪದ ಹ್ಯಾ ತೀನ ವಿಭಾಗಾಂತ ಜೀವಮಾನ ಸಾಧನಾ ಕೆಲೆಲೆ ಅರ್ಹ ವ್ಯಕ್ತಿಯಾನಿ ಅರ್ಜಿ ಘಾಲೂಂಕ ಆಪೊವಣೆ ದಿಲಾ°. ಪ್ರಶಸ್ತಿ ಸಾಂಗತ ರೂ. 50,000/- ಗೌರವಧನ, ಶಾಲು, ಸ್ಮರಣಿಕಾ, ಹಾರ, ಪ್ರಮಾಣ ಪತ್ರ, ಫಲತಾಂಬೂಲ ದಿವಚೆ° ಜಾತಾ. ಸಾಧಕ ಲೋಕಾನ ಸ್ವಯಂ, ಸಂಘ ಸಂಸ್ಥೆ, ಸಾರ್ವಜನಿಕಾನ ಸುತಾ ಸಾಧಕಾಂಚೆ ನಾಂವ ದಾಖಲೊ ಸಮೇತ ಅರ್ಜಿ ಘಾಲೂಂಕ ಜಾತಾ. ಗೌರವ ಪ್ರಶಸ್ತಿಕ ಅರ್ಜಿ ಘಾಲತಲ್ಯಾನ ಕವರಾರಿ "ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ-2023" ಆನಿ ಪುಸ್ತಕ ಬಹುಮಾನಾಕ ಅರ್ಜಿ ಘಾಲತಲ್ಯಾನಿ "ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ ಬಹುಮಾನ -2022 ಅಥವಾ 2023" ಮ್ಹಣು ಮುದ್ದಾಂ ಬರೊವನು, ರಿಜಿಸ್ಟ್ರಾರ್, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕಾ ಕಟ್ಟಡ, ಲಾಲ್ಟಾಗ್, ಮಂಗಳೂರು 575003, ಹಾಂಕಾ° 05.07.2024 ಭಿತರಿ ದಾಡೂನ ದಿವಕಾ ಮ್ಹಣು ಕಳವಣಿಂತು° ಸಾಂಗಲಾ°.

To Support Kodial Khaber click the following button.

ಮoಗಳೂರು: ಮಂಗಳೂರು ವಿಶ್ವ ವಿದ್ಯಾನಿಲಯಾನ 2023 ವರಸಾಂತ ಆಯೋಜನ ಕೆಲೆಲೆ ಕೊಂಕಣಿ ಎಂ. ಎ. ಸ್ನಾತಕೋತರ ಪರೀಕ್ಷೆಂತು° ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಉಪಾಧ್ಯಕ್ಷ ಆನಿ ಶ್ರೀರಾಮ್ ಜನರಲ್ ಇನ್ಶೂರೇನ್ಸ್ ಹಾಜೊ ಮಂಗಳೂರು ಶಾಖಾಧಿಕಾರಿ ಕೆ. ರತ್ನಾಕರ ಕುಡ್ವ ಹಾಂಕಾ° ಪಯಲೆ° ರ‍್ಯಾಂಕ್ ಫಾವೊ ಜಾಲಾ°. ಆರತಾ° ಕೊಣಾಜೆಂತು° ಘಡಲೆಲೆ ಸುವಾಳ್ಯಾಂತು° ರಾಜ್ಯಪಾಲ ಗೆಹಲೋಟ್ ಹಾಂನಿ° ಹೀ ಪದವಿ ಪ್ರಧಾನ ಕೆಲಿ.

ಮಂಗಳೂರು ವಿಶ್ವ ವಿದ್ಯಾನಿಲಯಾಚೆ ಸಾಂಜಕಾಲೇಜಾoತು° 2016 ಇಸವಿಂತು° ಶುರು ಜಾಲೆಲೆ ಕೊಂಕಣಿ ಎಂ. ಎ. ಸ್ನಾತಕೋತರ ಪದವಿ ಕಾರ್ಯಕ್ರಮಾಂತು° ಎದೋಳು 31 ವಿದ್ಯಾರ್ಥಿ ಸಫಲ ಜಾಲ್ಯಾಂತಿ. ಇತಲೆ ವರಸಾಂತು° ರ‍್ಯಾಂಕ್ ಫಾವೊ ಕೆಲೆಲೆ ವಿದ್ಯಾರ್ಥಿಯಾಂಲಿ ಪಟ್ಟಿ ಆಶಿ° ಆಸಾ. ಮೇಧಾ ಕಾಮತ(2018), ಐಶ್ವರ್ಯಲಕ್ಷ್ಮೀ ಭಟ್(2019), ಅನಿತಾ ಶೆಣೈ(2020), ಮಂಗಳಾ ಭಟ್(2021), ವಿಲ್ಮಾ ಮೋರಾಸ್(2022). ದೋನ ವರಸಾಚೆ ಹ್ಯಾ ಪದವಿ ಅಧ್ಯಯನ ಕಾರ್ಯಕ್ರಮಾಂತು° ಕೊಂಕಣಿ ವ್ಯಾಕರಣ, ಕಥಾ, ಕಾದಂಬರಿ, ನಾಟಕ, ಸಂಘ ಸಂಸ್ಥೆ, ಲೋಕವೇದ, ವಿಮರ್ಸೊ, ಕಾವ್ಯ ಆನಿ ಕವಿತಾ ಆನಿ ಹೇರ ವಿಷಯಾಂಚೆ ಅಧ್ಯಯನ ಜಾತಾ. ನವೀನ ಜಾವನು ಕೊಂಕಣಿ ಎಂ.ಎ. ಸ್ನಾತಕೋತರ ಪದವಿಕ ದಾಖಲೊ ಜಾವಚಾಕ ಅಗೋಸ್ಟ್ ಮ್ಹಯನ್ಯಾಂತು° ಅವಕಾಶ ಆಸಾ ಮ್ಹಣು ಕಳನು ಆಯಲಾ°. ಚಡತೆ ಮಾಹಿತಿಕ ಗೆಸ್ಟ್ ಫ್ಯಾಕಲ್ಟಿ ಜಾವನು ಆಸಚೆ ವಿದ್ಯಾ ಬಾಳಿಗಾ(8050305691), ಐಶ್ವರ್ಯಲಕ್ಷ್ಮೀ ಭಟ್(9481388410) ಆನಿ ಪ್ರೇಮ್ ಮೋರಾಸ್(9845761918) ಹಾಂಕಾ° ಸಂಪರ್ಕ ಕರಯೇತ.

To Support Kodial Khaber click the following button.

ಉಡುಪಿ:  ಉಡುಪಿ ತೆಂಕಪೇಟೆಚೆ ಯುವಕಲಾವಿದಾಂಗೆಲೆ° ಝೇಂಕಾರ ಟ್ರೂಪ್ ಹಾಜೆ° 10ವೊ° ವಾರ್ಷಿಕೋತ್ಸವ ಆರತಾ° ಉಡುಪಿಚೆ ಪುರಭವನಾಂತು° ಘಡಲೊ. ಸಾಂದ್ಯಾoಕ ಸಂಗೀತ ವಿದ್ಯಾ ಶೀಕಯಿಲೆ ಗುರು ಜಾವನು ಆಸಚೆ ಸುಧೀರ್ ನಾಯಕ್, ಶಂಕರ್ ಶೆಣೈ, ಸತ್ಯವಿಜಯ ಭಟ್, ಮಾಧವ ಆಚಾರ್ಯ, ಮಹಾಬಲೇಶ್ವರ ಭಾಗವತ್, ಸತ್ಯಚರಣ್ ಶೆಣೈ, ವಿಠ್ಠಲದಾಸ ಭಟ್, ನರಸಿಂಹ ಕಿಣಿ, ರಾಮ ಭಟ್, ಯೋಗೀಶ್ ಕಿಣಿ ಹಾಂಕಾ° ಗುರುವಂದನಾ ಕರಚೆ° ಜಾಲೆ°. ಸಕಾಳಿ ದಾಕೂನ ರಾತಿ ತಾoಯ ನಾವಾದೀಕ ಸಂಗೀತಗಾರಾಲೆ° ವೈವಿಧ್ಯಮಯ ಸಂಗೀತ ಕಾರ್ಯಕ್ರಮ ಚಲೊ. ಅವಧೂತ್ ಗಾಂಧಿ ಆನಿ ಪಂಗಡಾನ ಮಹಾರಾಷ್ಟಾçಚೆ ಋಷಿ ಸಾಹಿತ್ಯ ಜಾನಪದ ಸಂಗೀತ, ದೋನಪಾರಾ ಸ್ವರಾಂಜಲಿ ಕಾರ್ಯಕ್ರಮಾಂತು° ಸಿದ್ಧಾರ್ಥ ಬೆಳ್ಮಣ್ಣು ಹಾಂಗೆಲೆ° ಹಿಂದೂಸ್ತಾನಿ ಸಂಗೀತ ಪ್ರಸ್ತುತ ಜಾಲೆಂ. ಮುಖೇಲ ಸೊಯ್ರೆ ಜಾವನು ಅನಂತ ವೈದಿಕ ಕೇಂದ್ರಾಚೆ ಚೇoಪಿ ರಾಮಚಂದ್ರ ಭಟ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಮೋಕ್ತೆಸರ್ ಪಿ  ವಿ ಶೆಣೈ, ಉಡುಪಿ ಆಭರಣ ಫೌಂಡೇಶನ್ ಮುಖ್ಯಸ್ಥಾ ಸಂಧ್ಯಾ ಸುಭಾಸ್ ಕಾಮತ್, ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಭಜನಾ ಮಂಡಳಿಚೊ ಅಧ್ಯಕ್ಷ ಮಟ್ಟಾರ್ ಸತೀಶ್ ಕಿಣಿ, ಝೇಂಕಾರ ಟ್ರೂಪ್ ಹಾಜೆ ಸಾಂದೆ ಉಪಸ್ಥಿತ ಆಶಿಲೆ. ಸಕಾಳಿ ಉದಯ ರಾಗ ಕಾರ್ಯಕ್ರಮಾಂತು° ಸಮೀರ್ ರಾವ್ ಹಾಂಗೆಲೆ° ಬಾನ್ಸುರಿ ವಾದನ ಜಾಲೆ°. ಉಪರಾಂತ ಶಂಕರ್ ಶಾನುಬೋಗ್ ಹಾಂಗೆಲೆ ದಾಸವಾಣಿ ಕಾರ್ಯಕ್ರಮ ಚಲೊ. 

To Support Kodial Khaber click the following button.