कोचिन्": हांगाचे नावादिक कवि के. अनंत भट (85) आज शुक्रार सकाळिं मरण पावले. कायं दिसां आदि भलाय्कि ईबाडिल्यान तांकां कोचिच्या हास्पितालान्त दाकल केल्ले. आजि सकाळि तानिं मरण पाव्ले. फाल्यां शेन्वारान्13 जुलायेक तांचे कुडियेचेरि निमाणे संस्कार जातले. तांच्या फाटल्यान धरकान्न पूत आनी लग्न जालि धूव आसा. अनंत भट हे एक प्रनिभावान कवि आसले. आकाशवाणी धारवाड, मंगळूर, पणजी, कोझीकोड, तिरुवनंतपुरम आनी आलाप्पुझा केंद्रांतल्यान कोंकणी प्रसारणान श्री.अनंत भाटाचो प्रवास सुरू जालो. ताच्यो कविता आनी गितां देशभरांतल्या वेगवेगळ्या गायकांनी सुर आनी गायन करपाक सेट केल्यात. ताचें पयलें उजवाडाक आयिल्लें पुस्तक (१९७६) हें संत तुलासीदासाचें कोंकणींतलें चरित्र.

ताच्या गीतांक १९८० वर्सा ‘तपस्विनी’ ह्या कोंकणी चित्रपटांत कास्ट जाल्लो.सुरदासाच्या हिंदी भजनांचो ताणें कोंकणींत अणकार केला (१९७९), आनी ताच्या श्रीरामचरितमानस ह्या कोंकणी अणकाराक २००६ वर्सा केंद्र साहित्य अकादमीचो अणकार पुरस्कार फावो जालो.

भाटमाम विशीं आमी चड वाचताना, हांगा ताच्या काव्यकथनाची भांगराळी रेकॉर्डिंग. धूर्त कोल्याची दंतकथा आशिल्ली कविता तो कथन करता, जी आमकां नीच संवसाराचेर नदर दवरून ताचेर वाडपाक नैतीक दिता.

11 बॅले (संगीत रूपक), 51 कविता (हरवे पान आनी पिकल्ले पान) आनी 101 गितां (गीत माला) आशिल्ल्या ताच्या संकलनांक आमच्या दरेकाच्या घरगुती वाचनालयांत सुवात मेळपाक जाय. निवृत्त बँकर अनंत भाट पिरायेच्या 71 व्या वर्साय बरोवपाचें काम चालूच दवरता. ताचीं भक्ती गीतां आयकल्ल्यां खातीर हांगासर आमकां एक कविता (कथरोपी कवन) एक काणी आसा, जी सोळा वर्सां आदीं कवीच्या आवाजांत स्वता वाचून काडली. अशें बरप कोंकणींतल्या बालसाहित्याच्या प्रकाराक भरपूर उंचायेर व्हरता, आनी शाळांनी कोंकणी पाठ्यपुस्तकांत ताचो आस्पाव करपाक भरपूर फावो.

श्री अनंत भाटमाम, हाणें कोंकणी भाशेंत असंख्य भजन आनी भावगीत रचल्यात, जी कविता आनी भक्ती साहित्यांतल्या सगळ्यांत व्हडल्या कोंकणी योगदाना मदीं आसा. ह्या संदर्भांत आमी इंग्लीश आनी कन्नड सोडल्यार कोंकणींत हरिकठेचें अमृत आमकां मेळोवन दिल्ल्या भद्रगिरी अचूठ दासजी आनी केशव दासजी हांच्या व्हडल्या कदां कडेनय आदरपूर्वक नमस्कार करतात.

श्री अनंत भाटमाम हांचीं भजन जीएसबी घरां मदीं लोकप्रियपणान गायतात जातूंत "आमगेलो देवू श्री व्यासू रघुपति" आनी जायते जे पंडित उपेंद्र भाट-माम आनी श्री पुत्तर पांडुरंग नायक-माम ह्या व्हड सरस्वत गायकांनी वेवस्थीत रितीन सादर केल्यात.

अनंत-माम हांच्या भव्य कृतींनी श्री रामचरित मानसाचो कोंकणी अणकार बृजभाशा हिंदींतल्या मूळ रचना प्रमाणच ताल आनी संदर्भांत आस्पावता.

To Support Kodial Khaber click the following button.

विद्याकल्पक विद्यार्थी वेतन  योजनेंत वेंचून आयिल्ले द .क  आनी  उडुपी   जिल्लेंतले कालेज  विद्यार्थिंक  'क्षितीज'  तीनी  दिवसाचे उचीत कौशल्य तरबेत शिबीर विश्व कोंकणी केंद्रांत  ता. २८-०६-२०२४ थावन ३०-०६-२०२४ मेरेन  आयोजन केल्लें. हें शिबिरांतू  वेवेगळे गांवा थाकून आयिले यूव विद्यार्थीक  योग  शिक्षण ताकून  मृदू  कौशल्य, जीवन कौशल्य, म्हाल्गडे ओट्टू  सहबाळवे जीवनांत   कलेचो अगत्य, यूव उद्यम कारांक  प्रेरणा उपन्यास, अशीं वेवेगळे क्षेत्राचे ज्नान आनी तांगेले भविषयाचे शिक्षण आनी वृत्ती जीवना खातीर आत्म विश्वास वृद्धी करचे वेवेगळे विचार भासा भास चल्लें. शिबिराचे उग्तावण समारंभांत मुखेल सोयरे जावनू आयिले निवृत्त ब्यांक अधिकारी बालचंद्र राव  हानी शिबिरार्थिंक  स्फूर्तिदायक संदेश दिल्लें. म्हाल्गडे  लेक तपासक सी.ए  जयंत शेणै नगर, सी.ए सुरेंद्रनायक, वेदमूर्ती बी गणपती भट उळ्ळाल उपस्थीत आशिलीं.  विश्व कोंकणी केंद्र   अध्यक्ष सी. ए. नंदगोपाल शेणै हान्नी सोयरेंक  स्वागत केलें. उपाध्यक्ष गिलबर्ट डिसोज, खजांची बी. आर भट, डा. बी. देवदास पै उपस्थीत आशिलीं. प्रसिद्ध रंगभूमी कलावीद कासरगोडू चिन्ना हान्नी रंगभूमिचे  प्रात्यक्षिका दिलें. कुडपी विद्या शेणै, प्रीतम कामत, क्यारोल पायस, सुमती पै, राजेंद्र भट, विशेष तरबेतुदार जावनू आशिलिंची.

योगगुरू श्री गोपालकृषण भट देलंपाडी हानी दोनी दिवसाचे  योग तरबेती दिलें.  श्रीनिवास भट, वंदना किणी, प्रहलाद  पै  हानी  विशेष उपन्यास दिलें. क्यालिफोर्नियाचे  यूव उद्यमी सुशील पडियार हान्नी शिबिरार्थिंगेले सांगाताक  आन लैन मुखांतर संवाद केलें.

ह्या   संधरबारी मंगळूरू विश्वविद्यानिलय २०२४ इसविचे  एं कां परीक्षेंतू पयले रांक घेतिले विद्याकल्पकचे सायिबरकट्टे नंदिता हेगडे हांका अभिनंदन करन मान दिलें. शिबिरांत कार्कळाचे वात्सल्य धाम आनी शक्तिनगराचे रमाशक्ती मिशन हांगाची म्हाल्गडी लोकय भाग घेवनू खुशी पावलीं.

To Support Kodial Khaber click the following button.

ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಂತು° ಜೂನ್ 30 ದೀವಸು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜಿವೋತ್ತಮ ಮಠಾಚೆ 550ವೆ° ವರಸಾಚೆ ಪ್ರಯುಕ್ತ ವಿಶೇಷ ಬೃಹತ್ ರಾಮನಾಮ ಜಪ ಅಭಿಯಾನ ಚಲೆ. ಹ್ಯಾ ವೇಳಾರ ಶ್ರೀ ಗೋಕರ್ಣ ಮಠದ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ಶ್ರೀಪಾದ ಒಡೆಯರ್ ಸ್ವಾಮೀಜಿ ಹಾಂನಿ° ಉಪಸ್ಥಿತ ಆಸೂನ ಅನುಗ್ರಹ ದಿಲೆ°. ಸಗಳೆ ದೀವಸು ಅಧಿಕ ಸಂಖೆನ ಮೇಳೆಲೆ ಭಜಕಾನಿ ಸಾಬಾರ 41 ಲಾಖ ರಾಮ ನಾಮ ತಾರಕ ಮಹಾಮಂತ್ರಾಚೆ ಜಪ ಕೆಲೆ°. ಸಕಾಳಿ ವಿಶೇಷ ಪ್ರಾರ್ಥನಾ ದೋನಪಾರಾ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಹಾಂನಿ° ದೇವಳಾಕ ಯೆತನಾ ಪೂರ್ಣ ಕುಂಭ ಸ್ವಾಗತ, ಪಾದ ಪೂಜಾ ಫಲ ಪುಷ್ಪ ಕಾಣಿಕಾ ಅರ್ಪಣ ಜಾಲೆಂ. ಮುಕಾರಿ 550 ದೀವಸ ಚಲಚೆ ಶ್ರೀರಾಮನಾಮ ಜಪ ಅಭಿಯಾನ ಆಮಗೆಲೆ ಸಮಾಜಾಕ ಮೇಳೆಲೊ ಅಭೂತಪೂರ್ವ ಅವಕಾಶ ಜಾವನು ಆಸಾ, ಶ್ರೀ ರಾಮನಾಮ ಜಪ ಕೆಲ್ಯಾರಿ ದೇವು ಆಂಕಾ ಖಂಚೆಯ ಎಕ ರೀತಿರಿ ಅನುಗ್ರಹ ಕರತಾ" ಮ್ಹಣು ಗುರುವರ್ಯಾನಿ ಹ್ಯಾ ವೇಳಾರ ಸಾಂಗಲೆ°. ಹ್ಯಾ ದೀವಸ ಶ್ರೀ ವೀರ ವಿಠಲ ದೇವಸ್ಥಾನ ಭದ್ರಗಿರಿ, ಶ್ರೀ ರಾಮ ಮಂದಿರ ಮಲ್ಪೆ, ತೋನ್ಸೆ ಪೈ ಕುಟುಂಬಸ್ಥ, ಶ್ರೀ ವೆಂಕಟರಮಣ ದೇವಸ್ಥಾನ ಬ್ರಹ್ಮಾವರ, ಶ್ರೀ ರಾಮ್ ಮಂದಿರ ಸಾಲಿಗ್ರಾಮ ಹಾಂಗಾಚೆ ಭಜಕ ಲೋಕಾನ ವಾಂಟೊ ಗೆತಲೊ. ನವೀನ ಜಾವನು ಶ್ರೀ ರಾಮ ನಾಮ ಜಪ ಅಭಿಯಾನ ಶುರು ಕರಚೆ ಉಪಕೇಂದ್ರ ಜಾವನು ಆಸಚೆ ಶ್ರೀ ವೆಂಕಟರಮಣ ದೇವಸ್ಥಾನ ಕಲ್ಯಾಣಪುರ, ಶ್ರೀ ವೀರ ವಿಠ್ಠಲ ದೇವಸ್ಥಾನ ಉದ್ಯಾವರ, ಶ್ರೀ ದುರ್ಗಾಂಬಾ ದೇವಸ್ಥಾನ ಮಣಿಪಾಲ್, ಶ್ರೀ ವಿಠೋಬ ದೇವಸ್ಥಾನ ಮುಂಡ್ಕೂರ್, ಶ್ರೀ ವೆಂಕಟರಮಣ ದೇವಸ್ಥಾನ ಕಾಪು, ಶ್ರೀ ರಾಮನಾಮ ಕಮಿಟಿ ಹಾಂಗೆಲಿ ಮಾಘಣಿ ಗುರುವರ್ಯಾನ ಸ್ವೀಕಾರ ಕರನು ಆಶಿರ್ವಾದ ದಿಲೊ. ಉಪರಾಂತ ಶ್ರೀ ಲಕ್ಷ್ಮಿ ವೆಂಕಟೇಶ ಸ್ವಾಮಿಕ ರಾತಿ ಪುಜಾ ಚಲಿ. ಜಗದೀಶ್ ಪೈ ಸಹಕಾರ ದಿಲೊ. ಧರ್ಮದರ್ಶಿ ಪಿ.  ವಿ. ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ವೇ. ಮೊ. ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಪ್ರಾಸ್ತಾವಿಕ ಉತ್ರ° ಸಾಂಗೂನು ಸೂತ್ರ ಸಂಚಾಲನ ಕೆಲೆ°. ದೇವಳಾಚೆ ಆಡಳಿತ ಮಂಡಳಿಚೆ ಸಾಂದೆ. ಶ್ರೀ ರಾಮನಾಮ ಜಪ ಅಭಿಯಾನ ಸಮಿತಿಚೆ ಸಾಂದೆ ಜಿ ಎಸ್ ಬಿ ಯುವಕ ಆನಿ ಮಹಿಳಾ ಮಂಡಳಿ, ವೆಗವೆಗಳಿ ಭಜನಾ ಮಂಡಳಿಚೆ ಸಾಂದೆ ಗಾಂವಪರಗಾoವಚೆ ಜಿ ಎಸ್ ಬಿ ದೇವಳಾಂಚೆ ಪ್ರತಿನಿಧಿ ಆನಿ ಖೂಬ ಲೋಕ ಉಪಸ್ಥಿತ ಆಶಿಲೆ. 

To Support Kodial Khaber click the following button.

ಬೆಂಗಳೂರು: ಹಾಂಗಾಚೆ ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ(ರಿ) ಹಾಂಗೆಲೆ 49ವೆ° ವಾರ್ಷಿಕೋತ್ಸವಾಚೆ ವೇಳಾರ ಪ್ರಧಾನ ಜಾವಚಿ ಆರ್ಯಭಟ ಅಂತಾರಾಷ್ಟ್ರೀಯ ಪ್ರಶಸ್ತಿ ಯಕ್ಷಗಾನ ಕ್ಷೇತ್ರಾಂತ ಸೇವಾ ದಿಲೆಲೆ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಫಾವೊ ಜಾಲ್ಯಾ. 23-6-2024 ತಾರೀಕೆಕ ರವೀಂದ್ರ ಕಲಾ ಕ್ಷೇತ್ರ ಹಾಂಗಾ ಘಡಲೆಲೆ ಹ್ಯಾ ಸುವಾಳ್ಯಾಂತು° ಆರ್ಯಭಟ ಸಾಂಸ್ಕೃತಿಕ ಸಂಸ್ಥೆ ಬೆಂಗಳೂರು ಹಾಜೆ ಸಂಸ್ಥಾಪಕ ಅಧ್ಯಕ್ಷ ಡಾ. ಹೆಚ್. ಎಲ್. ಎನ್. ರಾವ್, ಮಾನಾದಿಕ ನ್ಯಾಯಮೂರ್ತಿ ಡಾ. ಎಚ್. ಜಿ. ಪ್ರಭಾಕರ್ ಶಾಸ್ತ್ರಿ, ಖ್ಯಾತ ಚಿತ್ರ ನಟು ಎಸ್. ನಾರಾಯಣ್ ಆನಿ ನಾಡೋಜ ಮಹೇಶ್ ಜೋಷಿ ಉಪಸ್ಥಿತ ಆಶಿಲೆ. ಗಾಂವಾoಕ ಯೆತರಿ ಅನಂತ ವೈಧಿಕ ಕೇಂದ್ರ ಹಾಂಗಾ ವೇದಮೂರ್ತಿ ಚೇಂಪಿ ರಾಮಚಂದ್ರ ಭಟ್ ಹಾಂನಿ° ಸನ್ಮಾನ ಕೆಲೊ.

To Support Kodial Khaber click the following button.

कोडियाळ: 2024 च्या SSLC परीक्षेंत तीसरी भास कोंकणींत 100/100 अंक जोडलेल्या 6 छांत्रांक कर्नाटक राज्य सरकाराच्या आडळीत सुधारणा समितीचो अध्यक्ष आनी विश्व कोंकणी केंद्राचो गौरवाध्यक्ष श्री आर. वी. देशपांडे हांनी अभीनंदन भेटयल्या. हो संदेश तानीं विश्व कोंकणी केंद्राच्य गौरव सचीव डा. कस्तुरी मोहन पै हांका दाडला अशें डा. पै हांनी कळयला. कारवार सावन मंगळूर मेरेन 12 शाळेंत अवंदु 300 छात्रां कोंकणी शिक्षण घेवत आसात. तुं ह्या 100/100 अंक जोडिल्या छात्रांक रू 3000 भोमान, नवें छात्रांक अवंदु नवें शाळा ब्याग आनी आदल्या छात्रांक शिश्य वेतन विश्व कोंकणी केंद्राच्या वतीन मेळतलें अशें डा. पै हानीं जाहिर केलां. कर्नाटकांत शाळेंत कोंकणी शिक्षण विश्व कोंकणी केंद्राच्या सहयोगान चालतींत आसा म्हणू तानीं सांगलें.  

कौसल्या – एस.वी.टी शाळा - कार्कळ

श्रद्धा शेट – केनरा शाळा - मंगळूरु

नम्रता नायक – केनरा शाळा- मंगळूरु

आदित्या मूली – संत लारेन्स शाळा - मूढुबेळ्ळे

सोनल पिरैरा - संत लारेन्स शाळा - मूढुबेळ्ळे

  धनुष - संत लारेन्स शाळा - मूढुबेळ्ळे

To Support Kodial Khaber click the following button.