ಆರತಾ^o ಪುತ್ತೂರಚೆ ಮಹಾಲಿಂಗೇಶ್ವರ ದೇವಳಾಚೆ ನಟರಾಜ ವೇದಿಕೆರ ಚಲೆಲೆ ರಾಜ್ಯ ಸ್ಥರಾಚೆ ಪುಸ್ತಕ ಮೇಳಾಚೆ ಉಗ್ತಾವಣ ಸುವಾಳ್ಯಾಂತು^o ಗಾಯಕ ಪುತ್ತೂರು ಪಾಂಡುರoಗ ನಾಯಕ ಆನೀ ವಿದುಷಿ ಪವಿತ್ರ ರೂಪೇಶ ಹಾಂಗೆಲೆ^o ಕಾವ್ಯ ಗಾಯನ ಚಲೆ^o. ಹಾರ್ಮೋನಿಯಾಂರಿ ಪುತ್ತೂರು ವಿಶ್ವನಾಥ ನಾಯಕ ಆನೀ ತಬಲಾರಿ ಸಾಯಿರಾಮ ಪುತ್ತೂರು ಹಾಂನಿ^o ಸಾಥ ದಿಲೆ^o. ಕವಿ ಧನಂಜಯ ಕುಂಬ್ಳೆ, ಡಾ।ವಸಂತ ಕುಮಾರ ಪೆರ್ಲ,  ಎಸ್. ಕೆ. ಆನಂದ ಕುಮಾರ,ಅಶ್ವಿನಿ ಕೋಡಿಬೈಲು, ರಘು ಇಡ್ಕಿಡು, ಭವ್ಯ ನಿಡ್ಪಳ್ಳಿ, ಟಿ. ಕೆ ಶರತ ಕುಮಾರ ಆನೀ ರಾಜಶೇಖರ ಹಳೆಮನೆ ಹಾಂಗೆಲೆ^o ಕವನಂ ತಾಂನಿ^o ಪ್ರಸ್ತುತ ಕೆಲೆಂತಿ. 

ಕಾರ್ಕಳ: ಹಾಂಗಾಚೆ ತೆಳ್ಳಾರು ರಸ್ತೆಚೆ ವಾತ್ಸಲ್ಯ ಸೇವಾ ಟ್ರಸ್ಟ್(ರಿ.) ಹಾಂನಿ^o ಚಲಾವ್ಸೂಚೆ^o ವೃದ್ಧಾಶ್ರಮಾಕ ಕೆನರಾ ಬ್ಯಾಂಕ್ ವೃತ್ತ ಕಛೇರಿ ದಾಕೂನ 1,25,000/- ರುಪಯೊ ಮ್ಹೋಲಾಚೆ ಮೈಕ್ರೋವೇವ್ ಓವನ್, ರೆಫ್ರಿಜರೇಟರ್ ಆನೀ ಹೇರ ವಿದ್ಯುತ ಉಪಕರಣ ದಿವಚೆಂ ಆರತಾ^o ಜಾಲೆ^o. ಬ್ಯಾಂಕಾಚೊ ಎ. ಜಿ. ಎಂ. ಕೆ. ಉಮೇಶ ಶೆಣೈ ಹಾಂನಿ^o ಆರತಾ^o ಆಶ್ರಮಾಕ ಭೇಟ ದಿವನು ಮ್ಹಾಲ್ಗಡೆ ಲೋಕಾಲೆ ಬದಲ ಕಾಳಜಿ ಘೆತಲಿ ಆನೀ ಸಂತೋಸ ವ್ಯಕ್ತ ಕೆಲೊ. ಟ್ರಸ್ಟಾಚೆ ಜಗದೀಶ ಮಲ್ಯ, ಗೀತಾ ಮಲ್ಯ, ಗಣಪತಿ ಪೈ ಆಶ್ರಮಾಚೆ ನಿವಾಸಿ, ಸಿಬ್ಬಂದಿ ಉಪಸ್ಥಿತ ಆಶಿಲೆ. 

ಡಾ. ನಾರಾಯಣ್ ಶೆಣೈ ಕೆ. ಹಾಂನಿ^o ಕನ್ನಡ ಭಾಷೆಂತ ರಚನ ಕೆಲೆಲೆ ಛತ್ರಪತಿ ಶಿವಾಜಿ ಮಹಾರಾಜಾಲೆ ಜೀವನಾಚೆ ನದರ "ಧ್ಯೇಯ ಜೀವಿ ಸಮ್ರಾಟ" ಹಾಜೆ^o ಮೊಕಳಿಕ ಆರತಾಂ ಜಾಲೆ^{o​​​​​​​}. ಹ್ಯಾ ಪುಸ್ತಕಾಂತು^o ಶಿವಾಜಿ ಮಹಾರಾಜಾಲೆ ಜೀವನಾಂತ ಘಡಲೆಲೆ ಖೂಬ ಘಡಣಿಚೆ ಉಲ್ಲೇಖ ಜಾಲಾ. ಹ್ಯಾ ಪುಸ್ತಕಾಚೆ ವಳಕ ಕರಚಾಕ  ಸಾಬಾರ ಜಿಲ್ಲಾ-ತಾಲೂಕ ಕೇಂದ್ರಾoತ ಸಂಘ-ಸoಸ್ಥೆoಚೆ ಆಶ್ರಯಾರ ಕಾರ್ಯಕ್ರಮ ಆಯೋಜನ ಕೆಲ್ಯಾಂತಿ ಮ್ಹಣು ಆದೇಶ ಶೆಣೈನ ಕಳಯಲಾ^{o​​​​​​​}. ಸಂಪರ್ಕ ಕರಾ - 9481019816. 

ಶ್ರೀಮದ್ ಸಂಯಮೀoದ್ರ ಸ್ವಾಮೆಲಿ ಕಾರ್ಕಾಳ ಭೇಟಿ
ಉಡುಪಿ ಜಲ್ಲೆಚೆ ಶಹರ ಕಾರ್ಕಳ ಇತಿಹಾಸಿಕ ಆನಿ ಸಾಂಸ್ಕೃತಿಕ ಕೇಂದ್ರ ಜಾವನು ಆಸ್ಸ. ಹಾಂಗಾಚೆ ಶ್ರೀ ವೆಂಕರಮಣ ದೇವಸ್ಥಾನ ಮಸ್ತ ಇತಿಹಾಸು ಆಸ್ಸ ಆನಿ ಹೆ^o ಎಕ ಪ್ರಾಚೀನ ದೇವಸ್ಥಾನ. ಹೇ ದೇವಳಾಕ ಚಡ ಊಣೆ 600 ವರಸಾಚೆ ಇತಿಹಾಸು ಆಸ್ಸ.
ಸುಮಾರ ವರಸ ಗೋವಾಂತು ಆಸ್ಸಲೆ ಗೌಡ ಸಾರಸ್ವತ ಬ್ರಾಹ್ಮಣ ವಿಂಗಡ ವಿಂಗಡ ಕಾರಣಾಂಕ ತಾಂಗೆಲೆ ಮೂಲ ನಿವಾಸ ಸೋಣು ಕಾರ್ಕಳಾಂತು ಯೆವನು ರಾಬಿಲೆ. ತಾಂಗೆಲೆ ಧಾರ್ಮಿಕ ಸಾಂಸ್ಕೃತಿಕ ಆನಿ ಸಾಮಾಜಿಕ ಉನ್ನತಿ ಸಾಧನೆಂಕ ಹಾಂಗಾ ಸಾನಾಚಿ ಏಕ ಗುಡಿ ಬಾಂದೂನು, ತಾಂತೂಚಿ ಶ್ರೀ ವೆಂಕಟರಮಣ ದೇವಾ ಪ್ರತಿಷ್ಟಾಪನ ಕರನು ಆರಾಧನಾ ಕರತಾ ಆಶಿಲೆ. ಆಜೀ ದೇವಳ ಅಭಿವೃದ್ದಿ ಜಾವನು ಪಡು ತಿರುಪತಿ ಕ್ಷೇತ್ರ ಮ್ಹಣು ಪ್ರಖ್ಯಾತಿ ಗೆತಲಾ ಆನಿ ಮಸ್ತ ಭಜಕ ವೃಂಧಾoಕ ಆನಿ ಸುತ್ತ ಘರವೃಂದ ಯೆವನು ನಂವೋಚ ಏಕ ಗಾಂವೂಚಿ ಸೃಷ್ಟಿ ಜಾಲಾ.
ಫುಡೆ ಪಾಂಡ್ಯ ನಗರಿ ಮ್ಹಣು ಆಪಯತಾ ಆಶಿಲೆ ಹಿರಿಯಂಗಡಿ ಪೆಂಟಾ ದಾಕುನು  ಕಾರ್ಕಳ - ಕಳಸ ರಾಯು ಆಳ್ವಿಕೆ  ಕರತಾಲೊ. ವಿಜಯ ನಗರಾಚೆ ಮಹಾ ಮಂಡಲೆಶ್ವರು ಜಾವನು ಆಶಿಲೊ ಬೈರರಸಾನ ಆಮಗೆಲೆ ವಯರಿ ಅನುಕಂಪ ದವರನು ಹೇ ದೇವಸ್ಥಾನ ಬಾಂದೂಕ ಆಮಕಾ ಅನುಕೂಲ ಕರನು ದಿಲೆ. ತೋ ಜೈನ ಮತಾವಲಂಬಿ ಜಾಲ್ಯಾರಿ, ಗೋವಾಂತು ಪೋರ್ಚುಗೀಸಾಲೆ ಅತ್ಯಾಚಾರು, ಬಲವಂತಾಚೆ ಮತಾಂತರಾ ದಾಕೂನು ಚೂಕುನು ತ್ಹಂಯ ದಾಕೂನ ದ್ಹಾವನು ಆಯಿಲೆ  ಸಾರಸ್ವತ ಬ್ರಾಹ್ಮಣಾಂಕ ಕಾರ್ಕಳ - ವರಂಗ - ಬಾರ್ಕೂರು ಮಾರ್ಗಾಂತು ಏಕು ಗುಡ್ಡ ಪ್ರದೇಶು ದೀವನು ಹೆ^o ದೇವಳ  ಕರುಂಕ ಸಹಾಯ ಕೆಲ್ಲೊ.
     ಸೋಮ ಶರ್ಮ ಮ್ಹಳೆಲೆ ಪ್ರಸಿದ್ದ ವಿದ್ವಾಂಸು ತಿರುಪತಿ ಯಾತ್ರೆ ವಚ್ಚೂನು ವಾಪಾಸ ತ್ಹಂಯ ದಾಕ್ಕುನು ಅನುಗ್ರಹ ಜಾಲ್ಲೆಲೆ ಶ್ರೀ ದೇವಿ ಭೂದೇವಿ ಯುಕ್ತ ವೆಂಟರಮಣ  ವಿಗ್ರಹ ಗೆವನು ಕಾರ್ಕಳಾಕ ಆಯಿಲೊ. ಹಾಂಗಾ ಸೊಹಿರೆ ಪ್ರಭುಲೆ ಘರಕಡೆ ತೊ ರಾಬಲೊ. ಉಪರಾಂತ ತಾನ್ನಿ ದೊಗ್ಗಾನಯಿ ಹಾಂಗಾ ತೀ ಮೂರ್ತಿ ಪ್ರತಿಷ್ಠಾಪನ ಕೆಲ್ಲಿ ಮ್ಹಣು ದಾಖಲೊ ಆಸಾ. ಗುಡಿ ಬಾಂದೂಚೆ ಫುಡೆ ಥೊಡೆ ಕಾಳ ದೇವು ಏಕ ಸಾನ ಚಪ್ಪರಾಂತು ಸ್ತಾಪನಾ ಜಾವನು ಪೂಜಾ ಘೆತಾ ಶಿಲೆ ನಿಮಿತ ಸಪ್ಪರ ಶ್ರೀನಿವಾಸ ಮ್ಹಣುಯೀ ವಳಕತಾ. ಹಾಂಗಾ ಮಾಧ್ವ ಸಂಪ್ರದಾಯಾಚೆ ದೇವಸ್ಥಾನಚಿ ನಾಂತಿಲೆ ಸಂದoರ್ಭಾರಿ ಹೇ ದೇವಸ್ಥಾನ ಸ್ಥಾಪನಾ ಜಾವನು 25/4/1537 ಕ ಹೇ ದೇವಳಾಚೆ ಮೂಲ ಪ್ರತಿಷ್ಟಾ ಜಾಲ್ಲೆ. (ಶಾಲಿವಾಹನ ಶಕ 145ಂ ಹೇವಿಳಂಬಿ ಸಂವತ್ಸರಾಚೆ ವೈಶಾಖ ಶುದ್ಧ 15 ಪೌರ್ಣಮಿ ಬುಧವಾರ) ತೋ ಸ್ವತಃ ಜೈನ ಮಠಾಚೊ ಜಾಲ್ಲೆರಿ, ಬೈರರಸಾನ ದೇವಳ ನಿರ್ಮಾಣಾಂಕ  ಸಹಾಯ ಕೆಲ್ಲೆ ಮ್ಹಣು ಹಾಂಗಾಚೆ ಇತಿಹಾಸ ಸಾಂಗತಾ. ಪೆಂಟೆಚೆ ಸಮಸ್ತ ಜನಾಲೊ ದೇವು ಜಾವನು ಆಶಿಲೆ ವೆಂಕಟರಮಣ ದೇವಸ್ಥಾನ ಆಜೀ ಹಾಂಗಾಚೆ ಏಕ ಪ್ರಸಿದ್ಧ ದೇವಸ್ಥಾನ ಜಾವನು ಅಭೀವೃದ್ದಿ ಜಾಲಾ. ಹಾಂಗಾಚೆ ಪೆಂಟೆಚೆ ಭಕ್ತಾಲೆ ಶ್ರಧ್ದಾ ಭಕ್ತಿನ 2016ತು^o ಹೇ ದೇವಸ್ಥಾನ ಪುನರ್ ಪ್ರತಿಷ್ಟಾ ಜಾಲೆ. ತೆದನಾ ಶ್ರೀಮದ್ ಕಾಶಿ ಮಠಾಚೆ ಪರಮ ಪೂಜ್ಯ ಗುರುವರ್ಯ ಶ್ರೀ ಸಂಯಮೀoದ್ರ ಸ್ವಾಮೇಲೆ ದಿವ್ಯ ಉಪಸ್ಥಿತಿ ಹಾಂಗಾ ಆಶಿಲಿ. 
ಕಾರ್ಕಳಾಂತು ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮುಕಾರ  ಪ್ರಸಿದ್ಧ ಶ್ರೀ ಹನುಮಂತ ದೇವಸ್ಥಾನಯಿ ಆಸ. ಹಾಕಾ ಲಾಗೂನು ಶ್ರೀ ಕಾಶಿ ಮಠಾಚೆ ಏಕ ಶಾಖೋಯಿ ಹಾಂಗಾ ದೇವಸ್ಥಾನಾ ದಾಕೂನು ತಳಯಿಕ ವಚೆ ವಾಟೇರಿ ಆಸ. ಕಾರ್ಕಳಾಚೆ ಶ್ರೀ ಕಾಶಿಮಠಾಕ ಸುಮಾರ ಶಂಬರಿ ವರಸಾಚೆ ಇತಿಹಾಸ ಆಸ. ವೆಂಕಟರಮಣ ದೇವಸ್ಥಾನಾಚೆ ಜೀರ್ಣೋದ್ಧಾರ ಕಾಮ 2015ತು^o ಜಾತಾ ಆಸತಾನಾ ಭಜಕಾಂಕ ಹೋ ಕಾಶೀ ಮಾಠಾಚೊಯೀ ಜೀರ್ಣೋದ್ಧಾರ ಕರಕಾ ಮ್ಹಣು ಮನಾಕ ದಿಸಲೆ^o. ಪರಮ ಪೂಜ್ಯಾ ಗುರುವರ್ಯ ಶ್ರೀ ಸುಧೀಂದ್ರ ತೀರ್ಥ ಸ್ವಾಮ್ಯಾಲೆ ಅನುಮತಿ ಘೆವ್ನ ಹೇ ಮಠಾಚೆ ಜೀರ್ಣೋದ್ಧಾರ ಕಾಮ ಸ್ವಾಮ್ಯಾಲೆ ಪಟ್ಟ ಶಿಷ್ಯ ಶ್ರೀಮತ್ ಸಂಯಮೀoದ್ರ ಸ್ವಾಮ್ಯಾಲೆ ಉಪಸ್ಥಿತಿಂತು 2 ಆಗಸ್ಟ್ 2015ಕ ಸಂಪನ್ನ ಜಾವನು. ಮಾರ್ಚ್ 28, 2016ತುಂ ದೇವಸ್ಥಾನಾಚೆ ಕುಂಬಾಭಿಷೇಕಾಚೆ ಫುಡೆ ಮಠಾಚೆ ಕಾಮ ಪೂರ್ಣ ಜಾವನು ಪೂಜ್ಯ ಗುರುವರ್ಯಾಲೆ^o ವಾಸ್ತವ್ಯ ಸದಾನ ಹೇ ಮಠಾಂತೂಚೀ ಜಾಲ್ಲೆಲೆ ಆಸ್ಸ. ತಾಜೆ ನಂತರ 2017ತು^o ಪೂಜ್ಯ ಗುರುವರ್ಯ ಹಾಂಗ ಆಯಿಲೆ, ಜಾಲ್ಯಾರಿ ಸುಮಾರ 4 ವರ್ಷ ದಾಕೂನು ಪೂಜ್ಯ ಗುರುವರ್ಯ ಶ್ರೀಮತ್ ಸಂಯಮೀoದ್ರ ತೀರ್ಥ ಸ್ವಾಮೆ ಕಾರ್ಕಾಳಾಕ ಮಸ್ತ ದಿಸಾಚೆ ವಾಸ್ತವ್ಯಕ ಯೇನಿ ಆಶಿಲೆ.
ಭಜಕಾಲೆ ಆನಿ ಶ್ರೀ ದೇವಳಾಚೆ ಆಮಂತ್ರಣ ಪ್ರಕಾರ ಪಯರಿ 22.6.2021ಕ ಸಾಂಜವೇಳಾ 6 ಗಂಟೆಕ ಸೋಮೆಶ್ವರ ಮೊಕ್ಕಾo ದಾಕೂನು ಪೂಜ್ಯ ಗುರುವರ್ಯ 7 ದಿಚಸಾಚೆ ವಾಸ್ತವ್ಯಕ ಕಾರ್ಕಳಾಕ ಯೇವನು ಪಾವಲಿಂತಿ.  ಪ್ರಥಮ ಜಾವನು ಗುರುವರ್ಯ ಶ್ರೀ ವೆಂಕಟರಮಣ ದೇವಸ್ಥಾನಾಂಕ ಭೇಟಿ ದಿಲ್ಲೆ. ತ್ಹಂಯಿ ದೇವಳಾಚೆ ಒಂದನೇ ಮೊಕ್ತೇಸ್ವರ ಜಾವನು ಆಶಿಲೆ ಜಯರಾಮ ಪ್ರಭು ಮಾಮಾನ ಸ್ವಾಗತ ಕರನು ದೇವಸ್ಥಾನಾಂತೂ ಸ್ವಾಮ್ಯಾಲೆ ಪಾದಪೂಜಾ ಕೆಲಿ.  ನಂತರ ಶ್ರೀ ಗುರುವರ್ಯ ವಾಸ್ತವ್ಯಾಕ ಶ್ರೀ ಕಾಶೀಮಠಾಕ ಆಯಲಿಂತಿ. ಪ್ರತಿ ನಿತ್ಯ ಸಕಾಳಿ ಆನಿ ಸಾಂಜವೇಳಾ ವಿವಿಧ ಮಂಡಳಿಚೆ ಸಂದರ ಭಜನಾ ಕಾರ್ಯಕ್ರಮ ಸಂಪನ್ನ ಜಾಲೆ. ನಂತರ ಪೂಜ್ಯ ಗುರುವರ್ಯಾನ ತಾಂಗೆಲೊ ದೇವು ವೇದವ್ಯಾಸಾಕ ತ್ರಿಕಾಲ ಪೂಜಾ, ಭಿಕ್ಷೆ ಆನಿ ಭಕಾಂಕ ಕೋವಿಡ್ ನಿಯಮಾಚೆ ಪಾಲನ ಕರನು ಪಾದಪೂಜಾ ಕೆಲ್ಲೆಲಾಂಕ ಫಲಮಂತ್ರಾಕ್ಷ ಪ್ರಧಾನ ಕೆಲ್ಲೆ.
ಸ್ವಾಮೆಲೆ ಉಪಸ್ಥಿತಿಂತೂ ಪ್ರತಿನಿತ್ಯ ಸಮಾಜಾಚೆ ಆನಿ ಲೋಕ ಕಲ್ಯಾಣಾರ್ಥ ಲಘು ವಿಷ್ಣು ಅಭಿಷೇಕ, ಶ್ರೀ ಸುಧರ್ಶನ ಹೋಮ, ಧನ್ವಂತರಿ ಹೋಮ, ಲಕ್ಷಿö್ಮ ನಾರಾಯಣ ಹೃದಯ ಹವನ, ಅಭಿಷೇಕು ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಆಯೋಜನ ಜಾಲೆಂ. 28/6/2021ಕ ಪೂಜ್ಯ ಗುರುವರ್ಯಾಲೆ ಅನುಗ್ರಹ ಪ್ರವಚನಯೀ ಭಕ್ತಾಂಕ ಜಾಲ್ಲೆ. ಆಮಗೆಲಿ ಸಂಸ್ಕೃತಿ ವರೋಚಾಕ ತಾನ್ನಿ ಸರ್ವಾಂಕ ಮಾರ್ಗದರ್ಶನ ಕೆಲೆಂ. ಸೋಮವಾರ 29/06/2021 ಸಾಂಜೆರಿ ಹಾಂಗಾ ದಾಕೂನ ಪೂಜ್ಯ ಗುರುವರ್ಯ ಕೋಟೇಶ್ವರ ಮೊಕ್ಕಾಂಕ ಚಮಕಲಿಂತಿ. ಆಶಿಂ 7 ದಿವಸು  ಬಾರೀ ವಿಜೃಂಭಣೇರಿ ಆನಿ ವೈಭವಾರಿ ಹಾಂಗಾಚೆ ವಿವಿಧ ಕಾರ್ಯಕ್ರಮ ಸಂಪನ್ನ ಜಾಲ್ಲೊ. ಭಜಕಾಲೆ ಮಸ್ತ ದಿಸಾಚೆ ಅಪೇಕ್ಷೆ ಪ್ರಕಾರ ಪೂಜ್ಯ ಗುರುವರ್ಯಾನ ಹಾಂಗಾ 7 ದೀವಸು ಮೊಕ್ಕಾಂ ಕರನು ಸಕ್ಕಡ ಭಕ್ತವೃಂದ ಪರಿಪೂರ್ಣ ಅನುಗ್ರಹ ಕರನು ಚಮಕಲೆ ಮ್ಹಳೆಲೊ ಹೋ ಅಭೂತ ಪೂರ್ವ ಅನುಭವ ಆಮಕಾ ಮೆಳೊ.
ಪೂಜ್ಯ ಕಾಶೀ ಮಠಾದೀಶ 2/8/2016 ಕ ಶ್ರೀ ಕಾಶೀ ಮಾಚೆ 21 ನೇ ಯತಿವರ್ಯ ಜಾವನು ಪೀಠಾರೋಹಣ ಕೆಲ್ಲೆಲೆ ಆಮಗೆಲೆ ಗೌರವಾದಾರಾಕ ಪಾತ್ರ ಜಾಲ್ಲೆಲೆ ಪೂಜ್ಯ ಗುರುವರ್ಯ ಸಾತ ದಿಸಾಚಿ ಹಾಂಗೆಲಿ ಉಪಸ್ಥಿತಿ ಸಗಳೆ ಪೆಂಟೆoತು ಏಕ ನವೀನ ವಿದ್ಯುತ ಸಂಚಾರ ಮ್ಹಣಕೆೆ ಜಾಲೆ^o. ಭಜಕಾಂಕ ತಾಂಗೆಲೆ ಜೀವನಾಂತು^o ಸ್ವಾಮೇಂಕ ಮೆಳನು ಧನ್ಯ ಜಾಲೆ ಮ್ಹಳೆಲೆ ಪವಿತ್ರ ಭಾವನ ಯೆವಚೆ ತಶಿಂ ಜಾಲಾ^o ಮ್ಹಳೇರಿ ತಾಂತೂ ಕಾಂಯೀ ಅತಿಶಯೋಕ್ತಿ ನಾ ಮ್ಹಣು ದೈರ್ಯಾನ ಆಮಿ ಸಾಂಗಯೆತ. 
-    ವೆಂಕಟೇಶ ಹೆಗ್ಡೆ, ಕಾರ್ಕಳ

ಮಂಗಳೂರಚೆ ಶ್ರೀ ಸತ್ಯಸಾಯಿ ಸೇವಾ ಸಮಿತಿಚೆ ಈಶ್ವರಾಂಬಾ ಟ್ರಸ್ಟ್ ತರಪೇನ ಲೇಡಿಗೋಶೆನ್ ಆಸ್ಪತ್ರೆಕ ನವೀನ ಆಕ್ಸಿಜನ್ ಪ್ಲಾಂಟ್ ಸ್ಥಾಪನ ಕರಚಾಕ 5 ಲಾಖ ರೂಪಯೊ ದೇಣಿಗಾ ಟ್ರಸ್ಟಾಚೊ ಅಧ್ಯಕ್ಷ  ಎಂ. ಪದ್ಮನಾಭ ಪೈ  ಹಾನಿ° ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಹಾಂಕಾ° ಹಾತಾಂತರ ಕೆಲೆ°. ಹ್ಯಾ ವೇಳಾರ ಮಂಗಳೂರು ಉತ್ತರ ಶಾಸಕ ಡಾ. ಭರತ್ ಶೆಟ್ಟಿ ವೈ. ಉಪಸ್ಥಿತ ಆಶಿಲೆ.