ಭದ್ರಗಿರಿ ಶ್ರೀ ವೀರ ವಿಠಲ ದೇವಳಾಂತು° ಜೂನ 24ಕ ಪುನರ ಪ್ರತಿಷ್ಠಾ ವರ್ಧಂತಿ ದೀವಸು ಶ್ರೀ ದೇವಾಲೆ ಸನ್ನಿದಿಂತು° ದ್ವಾದಶ ಕಲಶಾಭಿಷೇಕ, ಸಾನಿಧ್ಯ ಹವನ, ದೇವರಿಗೆ ವಿಶೇಷ ಅಲಂಕಾರ ಚಲೆ. ಧಾರ್ಮಿಕ ಪೂಜಾ ಪಾಠ ಕಾಶೀನಾಥ ಭಟ್ ಕಲ್ಯಾಣಪುರ ಹಾಂನಿ° ಚಲಾವಸುನು ದಿಲೆ. ಆಡಳಿತ ಮಂಡಳಿಚೆ ಸಾಂದೆ ಪಾಂಡುರoಗ ಆಚಾರ್ಯ ಉಪಸ್ಥಿತ ಆಶಿಲೆ. 

ವಿಜಯಲಕ್ಷಿ ಪೈ ಅಂತರಲಿ 

ಮಂಗಳೂರು: ಹಾಂಗಾಚೆ ಕೆನರಾ ಬ್ಯಾಂಕ್ ಕದ್ರಿ ಶಾಖೆಚಿ ನಿವೃತ್ತ ಉದ್ಯೋಗಿ, ದಿ. ವೆಂಕಟೇಶ್ ಪೈ ಹಾಂಗೆಲಿ ಧರ್ಮಪತ್ನಿ ಶ್ರೀಮತಿ ವಿಜಯಲಕ್ಷಿö್ಮ ಪೈ (72) ಜೂನ್ 26ಕ ಹೃದಯಾಘಾತಾನ ಖಾಸಗಿ ಆಸ್ಪತ್ರೆಂತು ಅಂತರಲಿ. ಹಾಂನಿ° ಕೆನರಾ ಬ್ಯಾಂಕಾoತು° ತೀಸ ವರಸ ಸೇವಾ ದಿಲ್ಯಾ. ಹಾನಿ° ಏಕ ಪೂತು, ಏಕ ದ್ಹುವ, ದೋಗ ಸಾನ ಭಾವ, ದೋಗ ಮ್ಹಾಲ್ಗಡೆ ಬ್ಹಯಣ್ಯೊ ಆನೀ ಅಪಾರ ಕುಟುಂಬ ಸದಸ್ಯಾಂಕ ಸೋಡೂನ ಗೆಲ್ಯಾಂತಿ.

ಮೂಡುಬಿದಿರೆ ಜವುಳಿ ವರ್ತಕ ಸಂಘಾಚೊ ಅಧ್ಯಕ್ಷ ‘ಸಿದ್ಧ' ಆರ್. ರವೀಂದ್ರ ಪೈ ದೇವಾದಿನ

ಮೂಡುಬಿದಿರೆ: ಹಾಂಗಾಚೆ ಜವುಳಿ ವರ್ತಕ ಸಂಘಾಚೊ ಅಧ್ಯಕ್ಷ ರೇಡಿಮೆಡ್ ಗಾರ್ಮೆಂಟ್ಸ ದುಕಾನಾಚೊ ಮಾಲಕ ಆರ್. ರವೀಂದ್ರ ಪೈ (59ವ) ಜೂನ್ 27ಕ ಹೃದಯಾಘಾತಾನ ದೇವಾದಿನ ಜಾಲೊ. ಸಿದ್ಧ ಗಾರ್ಮೆಂಟ್ಸ ಮೂಲಕ ಮಾರ್ಕ, ವೀಕೆಂಡ್ ಶರ್ಟ್, ಬೇಬಿಕೇರ್ ಬಾಬಾ ಸೂಟ್ ತಯಾರ ಕರನು ಮೂಡುಬಿದಿರೆ ಪರಿಸರಾಚೆ ಖೂಬ ಲೋಕಾಂಕ ಉದ್ಯೋಗಾವಕಾಶ ದಿಲೆಲೆ ಹಾಂನಿ° ಉಪರಾಂತ ರೇಡಿಲೆಡ್ ಗಾರ್ಮೆಂಟ್ಸ್ ಹಾಝೆ ದುಕಾನ ಸುತಾ ಸ್ಥಾಪನಾ ಕೆಲೆ°. ಜವುಳಿ ಮಾಲಕ ಸಂಘಾಚೆ ತರಪೇನ ಕೊರೋನಾ ಆಕಾಂತಾ ಮಧೇಂತುಚಿ ರಕ್ತದಾನ ಶಿಬಿರ, ಅಶಕ್ತ ಲೋಕಾಂಕ ಅಗತ್ಯವಸ್ತುಚೆ° ಕಿಟ್, ಸಾಬಾರ ಸಂಘ ಸಂಸ್ಥೆoಕ ಸ್ಯಾನಿಟೈಸರ್ ಸ್ಟ್ಯಾಂಡ್ ಭೇಂಟ್ ದೀವನು ಸೇವಾ ದಿಲೆಲಿ ಆಸಾ. ಮಾಕ್ಷಿ ವರಸ ಲಾಕ್ ಡೌನ್ ಅವಧಿಂತು° ಜುಲೈ ಮ್ಹಯನ್ಯಾಂತು° 15 ದಿವಸ ಜವುಳಿ ವರ್ತಕಾನಿ ಮೂಡುಬಿದಿರೆಂತು° ಸ್ವಯಂಪ್ರೇರಿತ ಅರ್ಧ ದಿವಸ ಮಾತ್ರ ವ್ಯಾರು ಕರನು ದ.ಕ ಜಿಲ್ಲೆಕ ಮಾದರಿ ಪ್ರದರ್ಶನ ದಿವಚೆ° ಕೆಲಾ°. ಕೊರೋನಾ ಮುಂಜಾಗ್ರತಾ ಕ್ರಮ ಜವುಳಿ ಬ್ಯಾಗ್ ರೂಪಾರಿ ವಾಂಟಿಲೆ° ವಿಶೇಷ ಮ್ಹಣಯೆತ. ಹ್ಯಾ ಪಾವಟಿ ವ್ಹಾರ್ಡಿಕೆ ಸೀಸನಾ ವೇಳಾರ ಲಾಕಡೌನ್ ಆಯಿಲ್ಯಾನ ಜವುಳಿ ವರ್ತಕಾಂಕ ವ್ಯಾರಾಕ ಅವಕಾಶ ಘೆವಚೆ ನದರೇನ ಹಾಂನಿ° ಜನಪ್ರತಿನಿಧಿ ಹಾಂಗೆಲೆ ಮುಖಾಂತರ ಸರಕಾರಾಕ ಸಂಪರ್ಕ ಕರನು ಯಶ ಪಾವಲ್ಯಾಂತಿ. ಸ್ನೇಹಜೀವಿ ಜಾವನು ಆಶಿಲೆ ಹಾಂನಿ° ವಿವಿಧ ಪತ್ರಿಕೆಂತು° ಸಿನಿ ಲೇಖನ, ಸಾನ ಕಾಣಿಯೊ ಬರೊವಚೆ°, ಆಕಾಶವಾಣಿಂತು° ಕಾಣಿ ವಾಚಚೆ°, ಲೇಖನಜ ವಾಚಚೆ° ಕರತಲೆ. ರಸಪ್ರಶ್ನೆ, ರಂಗನಟನೆoತೂಯಿ ಸಕ್ರಿಯ ಆಶಿಲೆ ಹಾಂನಿ° ಸೋಶಿಯಲ್ ಮೀಡಿಯಾ ಮೂಲಕ ಲಾಕಡೌನ್ ಅವಧಿಂತು° ಸಾಂಜವೇಳಾ ಭಜನ, ಗಾಯನ ಕರನು ಲೋಕಾಮೋಗಾಳ ಜಾಲೆಲೆ.

ಸ್ಥಳೀಯ ಶಾಸಕ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವ ಕೆ. ಅಭಯಚಂದ್ರ ಜೈನ್, ಬಿಜೆಪಿ ಜಿಲ್ಲಾಧ್ಯಕ್ಷ ಸುದರ್ಶನ್ ಎಂ, ಆಳ್ವಾಸ್ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ, ಶ್ರೀ ವೆಂಕಟರಮಣ ಆನೀ ಶ್ರೀ ಹನುಮಂತ ದೇವಳಾಚೊ ಆಡಳಿತ ಮೊಕ್ತೇಸರ ಜಿ. ಉಮೇಶ ಪೈ, ಚೌಟರ ಅರಮನೆಚೊ ಕುಲದೀಪ್ ಎಂ., ಪುರಸಭಾಧ್ಯಕ್ಷ ಪ್ರಸಾದ್, ಪುರಸಭಾ ಸದಸ್ಯ ಹೆಚ್. ಸುರೇಶ್ ಪ್ರಭು, ಜವುಳಿ ವರ್ತಕ ಸಂಘಾಚೊ ಗೌರವಾಧ್ಯಕ್ಷ ಪ್ರಭಾತ್ಚಂದ್ರ ಜೈನ್, ಕಾರ್ಯದರ್ಶಿ ಸದಾಶಿವ ನೆಲ್ಲಿಮಾರ್, ಎಂ. ಸಿ. ಎಸ್. ಬ್ಯಾಂಕ್ ಅಧ್ಯಕ್ಷ ಎಂ. ಬಾಹುಬಲಿ ಪ್ರಸಾದ್, ಜಿ. ವಿ. ಪೈ ಟ್ರಸ್ಟ್ ಕಾರ್ಯದರ್ಶಿ ಡಾ. ಹರೀಶ್ ನಾಯಕ್, ಉದ್ಯಮಿ ಕೆ. ಶ್ರೀಪತಿ ಭಟ್, ಅಬುಲ್ ಅಲಾ, ಸಿ. ಹೆಚ್. ಗಫೂರ್ ಆನೀ ಹೇರಾನಿ ರೇಂಜ್ ಫಾರೆಸ್ಟ್ ಕಛೇರಿ ಲಾಗಿ ಆಸಚೆ ತಾಂಗೆಲೆ ಘರ ‘ಆರುಷಿ’ ನಿವಾಸಾಕ ಭೇಟ್ ದೀವನು ಅಂತಿಮ ನಮನ ಸಾಂಗಲೆ°. ರವೀಂದ್ರ ಪೈ ಹಾಂನಿ° ಬಾಯಲ ಆನೀ ದೋಗ ದ್ಹುವಾಂಕ ಸೋಡೂನ ಗೆಲ್ಯಾಂತಿ.

18:53:41 ವಿಶ್ವ ಕೊಂಕಣಿ  ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021

ಶಿಬಿರ ಉಗ್ತಾವಣ ಸಮಾರಂಭ
ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ವತೀನ ತಾಂತ್ರಿಕ ಆನಿ ವೈದ್ಯಕೀಯ ಉಚ್ಛ ಶಿಕ್ಷಣಾಕ ವಿದ್ಯಾರ್ಥಿ ವೇತನ ದಿತ ಆಸಾ. ತಶೀಂಚಿ ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ಘೆತ್ತಿಲೆ ವಿದ್ಯಾರ್ಥಿಂಕ “ಕ್ಷಮತಾ ಅಕಾಡೆಮಿ” ಯೋಜನೆರಿ ತರಬೇತಿ ಶಿಬಿರಯ ಮಾಂಡುನ ಹಾಡತಾ. 2021 ವೇ ವರಸಾಚೆ “ಕ್ಷಮತಾ ಅಕಾಡೆಮಿ” (ಎಸ್. ಒ. ಟಿ. ಪಿ ಶಿಬಿರ) ತೀನ ದಿವಸ ಚಲಚೆ ಶಿಬಿರಾಚೆ° ಉಗ್ತಾವಣ ಸಮಾರಂಭ 28-05-2021 ತಾರ್ಕೆರ ವರ್ಚುವಲ್ ಕಾರ್ಯಕ್ರಮ ಅಂತರ್ಜಾಲಾoತ ಜೂಮ್ ಮುಖಾಂತರ ಚಲ್ಲೆ°. ವಿಶ್ವ ಕೊಂಕಣಿ ಕೇಂದ್ರ ಸ್ಥಾಪಕ ಅಧ್ಯಕ್ಷ ಬಸ್ತಿ ವಾಮನ ಶೆಣೈ ಹಾನ್ನಿ ವಿದ್ಯಾರ್ಥಿಂಕ ಆಶೀರ್ವಚನ ದೀವನ ಶಿಬಿರಾಚೆ ಉದ್ದೇಶ ಸಾಂಗಲೆ°.

ಮುoಬಯಿಚೆ ನಾಮಾನೆಚೆ ಜ್ಯೋತಿ ಲ್ಯಾಬೊರೆಟರೀಸ್ ಸಂಸ್ಥೆಚೆ ಜಂಟಿ ಆಡಳಿತ ಅಧಿಕಾರಿ ಶ್ರೀ ಉಲ್ಲಾಸ ಕಾಮತ ಹಾನ್ನಿ ಶಿಬಿರಾಚೆ ಉಗ್ತಾವಣ ಕೆಲೆ° ಆನಿ ಶಿಬಿರಾರ್ಥಿಂಕ ಉದ್ದೇಶಿಸಿಸುನ ಹರ ಏಕ ವಿದ್ಯಾರ್ಥಿಂನಿ ಶ್ರಮ ಘೆವನು ಕಾರ್ಯ ನಿರ್ವಹಣ ಆನಿ ಸಂವಹನ ನೈಪುಣ್ಯ ವೆವೆಗಳೆ ವಿಷಯಯಾರ ತಿಳುವಳಿಕಾ ಘೆವನು ಏಕ ಧ್ಯೇಯ ದವರುನ ಶಿಬಿರಾಚೆ ಸದುಪಯೋಗ ಘೆವನು ಜೀವನಾಂತ ಮುಖಾರ ಯೆವಕಾ ಅಶಿಂ ಶುಭ ಸಾಂಗಲೆ°.

ವಿಶ್ವ ಕೊಂಕಣಿ ‘ಪ್ರೇರಣಾ’ ಕಾರ್ಯಕ್ರಮಾಚೆ ಮಾರ್ಗದರ್ಶಿ ಶ್ರೀ ಸಂದೀಪ ಎಸ್. ಶೆಣೈ ಮುಂಬಯಿ, ವಿಶ್ವ ಕೊಂಕಣಿ ವಿದ್ಯಾರ್ಥಿ ವೇತನ ನಿಧಿ ಕಾರ್ಯದರ್ಶಿ ಶ್ರೀ ಪ್ರದೀಪ ಜಿ. ಪೈ, ಕ್ಷಮತಾ ಶಿಬಿರ ಸಂಚಾಲಕ ಶ್ರೀ ಸಿ.ಎ. ಗಿರಿಧರ ಕಾಮತ ಉಪಸ್ಥಿತ ಆಶಿಲಿಂಚಿ. ದೇಶ ವಿದೇಶಾಂತ ವಿದ್ಯಾರ್ಜನೆ ಖಾತಿರ ಆನಿ ಉದ್ಯೋಗಾಂತ ಆಸುಚೆ ‘ವಿಶ್ವ ಕೊಂಕಣಿ ಅಲ್ಯುಮಿನಿ’ ಸಾಂದೆನಿ ಭಾಗಿ ಜಾವನ ತಾಂಗೆಲೆ ಅಭಿಪ್ರಾಯ ಸಾಂಗಲೆ°. ವಿಶ್ವ ಕೊಂಕಣಿ ಕೇಂದ್ರ ಸಂಘಟನಾ ಕಾರ್ಯದರ್ಶಿ ಶ್ರೀ ಸಿ. ಎ. ನಂದಗೋಪಾಲ ಶೆಣೈ ಶಿಬಿರಾರ್ಥಿಂಕ ಉದ್ದೇಶಿಸುನ ಹರ ಎಕಲ್ಯಾನಿ ತಾಂಗೆಲೆ ಜೀವನಾಂತ ಶಿಸ್ತಾನ ವಾವರ ಕರನ ಜೀವನಾಂತ ಮುಖಾರ ಯೆವಕಾ ಅಶಿಂ ಸಾಂಗಲೆ°. ಕರಣ್ ಕಿಣಿ ಆನಿ ಸಂಯುಕ್ತ ಪ್ರಭುನ ಕಾರ್ಯಕ್ರಮ ನಿರೂಪಣ ಕೆಲೆ°. ವಿಶ್ವ ಕೊಂಕಣಿ ಭಾಷಾ ಸಂಸ್ಥಾನ ನಿರ್ದೇಶಕ ಶ್ರೀ ಗುರುದತ್ತ ಬಂಟ್ವಾಳಕಾರ ಹಾನ್ನಿ ಧನ್ಯವಾದ ಸಮರ್ಪಣ ಕೆಲೆ°. ವೆವೆಗಳೆ ಪ್ರದೇಶಾ ಥಾವನ ವಿದ್ಯಾರ್ಥಿಂನಿ ‘ಕ್ಷಮತಾ ಅಕಾಡೆಮಿ’ 2021 ವರ್ಚುವಲ್ ಶಿಬಿರಾಂತ ಭಾಗ ಘೆತಲೆ°.

ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ಶ್ರೀ ಕಾಶೀಮಠ ಸಂಸ್ಥಾನ  ವೆಲಫೆರ್ ಫಂಡ್ (ಕ್ಷೇಮಾಬ್ಯುದಯ ನಿಧಿ) ವತಿನ ಶ್ರೀ ಭುವನೇಂದ್ರ ಮಂಟಪಾoತು° ಪಿ.ಎಚ್.ಡಿ, ಡಿಗ್ರಿ, ಉನ್ನತ ವ್ಯಾಸಂಗಾoತ ರಾಂಕ್ ವಿಜೇತಾಂಕ, ಎಸ್. ಎಸ್. ಎಲ್. ಸಿ.  ಆನೀ ದ್ವೀತಿಯ  ಪಿ. ಯು. ಸಿ.  ವಿಶೇಷ ಸಾಧನಾ ಕೆಲೆಲೆ ವಿದ್ಯಾರ್ಥಿಯಾಂಕ ಪ್ರತಿಭಾ  ಪುರಸ್ಕಾರ  ಸುವಾಳೊ ಚಲೊ. ಡಾ. ವಿ. ಎಲ್. ನಾಯಕ ಆನೀ ವಿಜಯ ಲಕ್ಷ್ಮೀ ನಾಯಕ್ ಹಾಂನಿ° ಮುಖೇಲ ಸೊಯ್ರೆ ಆಶಿಲೆ. ಸಾಧನಾ ಕೆಲೆಲೆ ವಿದ್ಯಾರ್ಥಿಯಾಂಕ ಕಾಶೀ ಮಠಾಧೀಶ ಹಾಂಗೆಲೆ ಹಸ್ತ ಅಕ್ಷರ ಆಸಚೆ ಪ್ರಶಸ್ತಿ ಆನೀ ನಗದ ಪುರಸ್ಕಾರ ದೀವನು ಗೌರವಾರ್ಪಣ ಕೆಲೆ°. ದೇವಳಾಚೆ ಆಡಳಿತ ಮೋಕ್ತೆಸರ್ ಪಿ. ವಿ. ಶೆಣೈ  ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಪುಂಡಲೀಕ ಕಾಮತ, ರೋಹಿತಾಕ್ಷ ಪಡಿಯಾರ, ಪ್ರಭಾಕರ್ ಪೈ ಉಪಸ್ಥಿತ ಆಶಿಲೆ. ದಿನೇಶ ಶೆಣೈನ ಸೂತ್ರ ಸಂಚಾಲನ ಕೆಲೆ°. ದೀಪಕ ಶೆಣೈನ ಆಭಾರ ಮಾನಲೊ.