ಗುರು ಸಾಧನಾ, ಬೋಧನಾ ಹಾಜೆ ಉಜ್ವಾಡಾನ ಸಮಾಜಾಚಿ  ಉನ್ನತಿ ಸಾಧ್ಯ - ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ್ 

ಮಂಗಳೂರು: “ಯತಿಧರ್ಮ ಪಾಲನಾ, ಬೋಧನಾಚೆ ಸಾಂಗತ ಧೃಢ ನಿರ್ಧಾರ, ಶೃದ್ಧಾ, ನಿಷ್ಠಾ ಆನೀ ಭಕ್ತೀನ ಶಿಷ್ಯವರ್ಗಾಕ ಖಂಚೆಯ ಕಾರ್ಯಾಂತು^o ಯಶ ಸಾಧ್ಯ ಮ್ಹಣು ಆಮಗೆಲೆ ಗುರು ವಿದ್ಯಾಧಿರಾಜ ತೀರ್ಥ ಹಾಂನಿ^o ಸಾಧನಾ ಕರನು ದಾಕಯಲಾಂ. ತಾಂಗೆಲೆ^o ಸಾಂಗತ್ಯಾಚೆ ಹರ ಏಕ ಪಾವಲ^o ಶಿಕ್ಷಣಾಚೊ ಅನುಭವ ಆಸಾ. ತಾಂನಿ^o ವೃಂದಾವನಸ್ಥ ಜಾಲ್ಯಾರ ಸುತಾ ತಾಂಗೆಲೊ ಉಜ್ವಾಡು ಶಿಷ್ಯವರ್ಗಾಕ ನಿರಂತರ ಮೆಳತಲೊ. ತಾಂಗಲೆ ಸಾಧನಾ, ಭೋದನಾ ಮನಾಂತ ದವರೂನ ಮಠ ಆನೀ ಸಮಾಜ ಮುಕಾರ ವ್ಹರಚೆಒ ವಿಶ್ವಾಸ ಆಸಾ” ಮ್ಹಣು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಶ್ರೀ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂನಿ^o ಸಾಂಗಲಾ^o. ಶುಕ್ರವಾರ ಜುಲೈ ೩೦ಕ ಗೋಂಯಚೆ ಪರ್ತಗಾಳಿ ಶ್ರೀ ಗೋಕರ್ಣ ಮಠಾಂತು^o ಸಂಸ್ಥಾನಾಚೆ ೨೪ವೆ^o ಪೀಠಾಧಿಪತಿ ಜಾವನು ಗುರು ಪೀಠಾರೋಹಣ ಕರತರಿ ಆಶೀರ್ವಚನ ದೀವನು ತಾಂನಿ^o ಅಶೆ^o ಸಾಂಗಲೆ^o.  ಕೋವಿಡ್ ನಿಬಂಧನಾ ಆಶಿಲ್ಯಾನ ಮಠ ಸಮಿತಿ, ಶಾಖಾಮಠಾಚೆ ವ್ಹಾಂಗಡಿ, ಪ್ರತಿನಿಧಿ, ಶಿಷ್ಯವರ್ಗಾಚೆ ಸೀಮಿತ ಲೋಕಾಲೆ ಉಪಸ್ಥಿತಿರಿ ಹೀ ಐತಿಹಾಸಿಕ ಘಡಣಿ ಘಡಲಿ. 

ಪೀಠಾರೋಹಣ: ಶ್ರೀಮಠಾಂತು^o ಮಹಾಪೂಜಾ ಜಾತರಿ ದೋನಪಾರಾ ಶ್ರೀರಾಮ, ವೀರ ವಿಠಲ ದೇವಾಲೆ ದರ್ಶನ, ಗುರು ವೃಂದಾವನ ನಮನ ಕರತರಿ ಗುರುವರ್ಯಾಂಕ ಮಠಾಚೆ ಕೇಂದ್ರ ಸಮಿತಿಚೆ ವ್ಹಾಂಗಡಿ ಪ್ರಮುಖಾನಿ ದೇವಳಾಚೆ ಕಾರ್ಯಕ್ರಮಾಚೆ ಚಾವಡಿಕ  ಸ್ವರ್ಣ ದಂಡ, ಚಾಮರ ಸಹಿತ ಹಗಲು ದೀವಟಿಗಾ ರಾಜ ಮರ್ಯಾದೆನ ಆಪೋವನು ಹಾಡಲೆ. ಗುರುವರ್ಯಾನಿ ದೀಪ ಪ್ರಜ್ವಲನ ಕರನು ವೈದಿಕಾನಿ ಗುರುಪರಂಪರಾ ಸ್ತೋತ್ರ, ಮಂಗಲಾಷ್ಟಕ ಪಠನ ಕೆಲೆ^o. ಉಪರಾಂತ ೩.೧೦ಕ ವೃಶ್ಚಿಕ ಲಗ್ನ ಧನುರ್ ನವಾಂಶ ಸುಮುಹೂರ್ತಾರಿ ಶಿಷ್ಯಪೀಠಾರ ಆಶಿಲೆ ಗುರುವರ್ಯಾಂನ ಪರಂಪರೆಚೆ  ಗುರುಪೀಠಾಕ ವಂದನ ಕರನು ಜಮೀಲೆ ಶಿಷ್ಯವರ್ಗಾಚೆ  ವೇದ, ಜಯಘೋ಼ಆಚೆ ಮಧೆ^o ಪೀಠಾರೋಹಣ ಕೆಲೆಂ. ಮಠಾಚೆ ಕೇಂದ್ರ ಸಮಿತಿಚೆ ಅಧ್ಯಕ್ಷ ಶ್ರೀನಿವಾಸ ಶೆಣೈ ಡೆಂಪೋ, ಉಪಾಧ್ಯಕ್ಷ ರಾಮಚಂದ್ರ ಆರ್. ಕಾಮತ ಹಾಂನಿ^o ಗುರುಪಾದುಕಾ ಪೂಜಾ ಕರನು ಪಟ್ಟ ಕಾಣಿಕಾ, ಅಭಿವಂದನಾ ಪತ್ರ, ಗೌರವ, ಗುರುಂಕ ನವರತ್ನ ಹಾರ  ಅರ್ಪಣ ಕೆಲೆ^o. ಗುರುವರ್ಯಾಲೆ^o ಆಶೀರ್ವಚನಾಚೆ ಉಪರಾಂತ ಶ್ರೀಮಠಾಚೆ ೩೩ ಶಾಖಾಮಠಾಚೆ ವತಿನ ಪಟ್ಟಕಾಣಿಕಾ, ಗೌರವಾರ್ಪಣಾ, ಶ್ರೀ ಕಾಶೀಮಠ ಸಂಸ್ಥಾನ, ಶ್ರೀ ಕೈವಲ್ಯಮಠ ಸಂಸ್ಥಾನ ಹಾಜೆಂ ಪ್ರತಿನಿಧಿನಿ^o ಗುರುವರ್ಯಾಂಕ ಗೌರವಾರ್ಪಣ, ಗೋವಾ ಸಹಿತ ಉತ್ತರ ಕನ್ನಡ, ದಕ್ಷಿಣ ಕನ್ನಡ ಜಿಲ್ಲೆಚೆ ದೇವಳಾಚೆ ಪ್ರಮುಖ, ವೈದಿಕ, ಶಿಷ್ಯವರ್ಗಾಚೆ ಪಟ್ಟಕಾಣಿಕಾ, ಗೌರವ ಸ್ವೀಕಾರ ಕರನು ಗುರುವರ್ಯಾನ ಫಲಮಂತ್ರಾಕ್ಷತ ದಿಲೆ^o. 
ಶಿಷ್ಯವರ್ಗಾಚೆ ತರಪೇನ ಭಟ್ಕಳಚೆ ಹನುಮಂತ ಮಾಳಪ್ಪ (ಪುತ್ತು)ಪೈ, ಪುರೋಹಿತ ಮುಕುಂದ ಭಟ್ ಹಾಂನಿ^o ಗುರುಲೆ^o ಗುಣಗಾನ ಕೆಲೆ^o. ಮಠ ಸಮಿತಿಚೆ ಕಾರ್ಯದರ್ಶಿ ಅನಿಲ್ ಪೈ ಹಾಂನಿ^o ಸೂತ್ರ ಸಂಚಾಲನ ಕೆಲೆ^o. 
ಸಕಾಳಿ^o ಶ್ರೀಮಠಾಂತು^o ನಿರ್ಮಾಲ್ಯ ವಿಸರ್ಜನ ಜಾತರಿ ಗೋಪೂಜಾ, ವೈದಿಕಾನಿ ಪಾರಾಯಣ, ಹವನ ವೈದಿಕಾಂಕ ದಾನ, ದಕ್ಷಿಣಾ ಸಹಿತ ಹೇರ ಧಾರ್ಮಿಕ ಕಾರ್ಯಕ್ರಮ, ದೋನಪಾರಾ ಮಹಾಪೂಜೆಚೆ ಉಪರಾಂತ ಸಂತರ್ಪಣ ಚಲೆ. ಹೇರದಿವಸು ಶನಿವಾರ ಗುರುವರ್ಯಾನ ಪೀಠಾಧಿಪತಿ ಜಾತರಿ ತಾಂಗೆಲೊ ಪಯಲೊ ಆನೀ ಸನ್ಯಾಸಾಶ್ರಮಾಚೊ ಪಾಂಚವೊ ಚಾತುರ್ಮಾಸ್ಯ ವೃತಾಚರಣ ಸ್ವೀಕಾರ ಕೆಲೆ. 

ಗುರು ನಾಮ ಸ್ಮರಣ !
ತಾಂಗೆಲೆ ಸಾಧನಾಚೆ ಬಲಾನ ಗೋಕರ್ಣ ಮಠ ಸಂಸ್ಥಾನಾಕ ಉಜ್ವಾಡ ದಾಕಯಿಲೆ ಆಮಗೆಲೆ ಗುರು ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿ ಹಾಂಗೆಲೆ ನಾಂವಾoಚೆ ಪೂರ್ವಾರ್ಧ ಶಿಷ್ಯ ಜಾವನು ಆಸಚೆ ಆಮಗೆಲೆ ಆಶ್ರಮನಾಮ ವಿಧ್ಯಾಧೀಶ ಜಾವನು ಆಸಾ. ಆಮಗೆಲೆ ನಾಂವಾoತೂಯೀ ಶುರುವೇಕ ಮೊದಲು ಗುರುನಾಮ ಸ್ಮರಣ ಜಾವಚೆ^o ಅಪೂರ್ವ ಭಾಗ್ಯ ಮಠಾಚೆ ಇತಿಹಾಸಾಂತು^o ಆಮಕಾ ಮಾತ್ರ ಮೇಳಾ^o ಮ್ಹಣು ಮಠಾಧೀಶಾನಿ ಸಂತೋಸ ವ್ಯಕ್ತ ಕೆಲೊ. ಆಮೀ ಪಯಲೆ ಪಾವಟಿ ಮಠಾಕ ಆಯಿಲೊ ದೀವಸ ಆನೀ ಆಯಚೊ ದೀವಸ ದೋನಯಿ ೩೦ ಜಾವನು ಆಸಾ. ಆಮಗೆಲಿ ಜನ್ಮ ಆನೀ ಪೀಠಾರೋಹಣಾಚಿ ತಿಥಿ ದೋನಯಿ ಕೃಷ್ಣ ಸಪ್ತಮಿ ಜಾವನು ಆಸಚೆ^o ಯೋಗಾಯೋಗ ಮ್ಹಣು ಗುರುವರ್ಯಾನ ಆಶೀರ್ವಚನಾಂತ ಉಲ್ಲೇಖ ಕೆಲೊ. 

- ಗಣೇಶ ಕಾಮತ, ಮೂಡುಬಿದಿರೆ

ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್
ಡಾ| ವಿ. ಆರ್. ಪ್ರಭು ಜನ್ಮ ಶತಾಬ್ಧಿ
ಮುಂಬಯಿ: ಜಿ. ಎಸ್. ಬಿ. ಎಸ್ ಮೆಡಿಕಲ್ ಟ್ರಸ್ಟ್ ಹಾಂನಿ^o ಮಾಕ್ಷಿಚೆ ದೋನ ಮ್ಹಯನೆ ದಾಕೂನ ರಕ್ಷಕ ಕೇಂದ್ರಾoತು^o ಕ್ಯಾನ್ಸರ್ ತಪಾಸಣಾ ಶಿಬಿರ ಆಯೋಜನ ಕರನು ಆಯಲ್ಯಾಂತಿ. ಚಾರ ಸ್ಥರಾರ ಚಲಚೆ ಹೀ ತಪಾಸಣಾ ಕಠಿಣ ಆಶಿಲ್ಯಾನ ದೀವಸಾಕ ಫಕತ 24 ಲೋಕಾಲೆ^o ತಪಾಸಣಾ ಕರಚಾಕ ಜಾತಾ. ಜುಲೈ 19ಕ ಟ್ರಸ್ಟಾಚೆ ಸ್ಥಾಪಕ ಟ್ರಸ್ಟಿ ಡಾ| ವಿ. ಅರ್. ಪ್ರಭು ಹಾಂಗೆಲಿ ಜಲ್ಮ ಶತಾಬ್ಧಿ ಆಸೂನ ತಾಂಗೆಲೆ ತೇಗ ಚೆರಡುಂವಯೀ ಕುಟುಂಬ ಸಮೇತ ಉಪಸ್ಥಿತ ಆಶಿಲೆ. ತಾಂಗೆಲೊ ಪೂತು ಡಾ| ಸುಹಾಸ ಪ್ರಭು ಆತಂ ಟ್ರಸ್ಟಾಚೊ ಅಧ್ಯಕ್ಷ ಆಸಾ ಆನೀ ತಾಣೆ ಟ್ರಸ್ಟ್ ಚಲೂನ ಆಯಿಲೆ ವಾಟ ಉಡಗಾಸ ಕಾಳೆ. ಆಜೀ ಸಗಟಾಲೆ ಸಹಕಾರಾನ ಟ್ರಸ್ಟಾಚೆ ಕಾರ್ಯಕ್ರಮ ಬರೆ ತರಾನ ಚಲತ ಆಸಾ ಮ್ಹಣು ತಾಣೆ ಸಾಂಗಲೆ^o. ದಾಕಲೊ ಪೂತು ಜಗನ್ನಾಥ ಪ್ರಭು, ದ್ಹುವ ಸುಷ್ಮಾ ಶೆಣೈ ಹಾಂನಿ^o ತಾಂಗೆಲೆ ಆನಾಲೊ ಉಡಗಾಸ ಕಾಳೊ. ‘ಆಪ್ಪು ಮಾಮ’ ಮ್ಹಣು ನಾವಾದೀಕ ಆಶಿಲೆ ತಾಗೆಲೆ ಚಡಾವತ ಪೆಶೆಂಟ್ಸಾoಕ ತೊ ಫುಕಟ ಔಷದಿ ದಿತಲೊ ಮ್ಹಣು ತಾಂನಿ^o ಸಾಂಗಲೆ^o. ಗೀತಾ ಆರ್. ಪೈ ಉಪಸ್ಥಿತ ಆಶಿಲಿ. 

ಸಾಲಿಗ್ರಾಮ ಚೇಂಪಿ ಶ್ರೀ ಲಕ್ಷಿ ವೆಂಕಟರಮಣ ದೇವಸ್ಥಾನ 
ರಾಜ್ಯ ಸ್ಥರಾಚೆ ಸಮೂಹ ಭಜನಾ ಸ್ಪರ್ಧೆಚೊ ಫಲಿತಾಂಶ
ಸಾಲಿಗ್ರಾಮ: ಉಡುಪಿ ಜಿಲ್ಲೆಚೆ ಸಾಲಿಗ್ರಾಮಚೆ ಚೇಂಪಿ ಶ್ರೀಲಕ್ಷಿö್ಮ ವೆಂಕಟರಮಣ ದೇವಸ್ಥಾನಾಚೆ^o ಆಡಳಿತ ಮಂಡಳಿನ ಆಯೋಜನ ಕೆಲೆಲೆ ರಾಜ್ಯ ಸ್ಥರಾಚೆ ಫುಕಟ ಸಮೂಹ ಭಜನಾ ಸ್ಪರ್ಧೊ ಜುಲೈ ಮ್ಹಯನ್ಯಾಂತು ಚಲೊ ಆನೀ ತಾಜೆ ಫಲಿತಾಂಶ ಅಶೆ^o ಆಸಾ ಮ್ಹಣು ಮಂಡಳಿಚೊ ಅಧ್ಯಕ್ಷ ಎಸ್. ದಿನಕರ ಭಗವಂತ ಶೆಣೈ ಹಾಂನಿ^o ಕಳಯಲಾ^o. 
ಹ್ಯಾ ಆಧುನಿಕ ತಂತ್ರಜ್ಞಾನಾಚೆ ಕಾಲಘಟ್ಟಾಂತು^o ಕರ್ನಾಟಕ ಕರಾವಳಿ ಜಿಲ್ಲಾ ಆನೀ ರಾಜ್ಯಾಚೆ ಖೂಬ ಭಾಗಾಂತು^o ಭಜನಾ ಸಂಸ್ಕೃತಿ, ಸಂಸ್ಕಾರ ಮೂಲ್ಯಾಕ ಪಡತಾ ಆಸಚೆ ವೇಳಾರ ನವೀನ ಪೀಳಗಿಕ ಹೀ ಭಜನಾ ಸಂಸ್ಕೃತಿ ಕಳಿತಾಕ ಹಾಡಚೆಂ, ವೈಭವೀಕರಣ ಕರಚೆ^o ಆನೀ ಲಾಕ್‌ಡೌನ್ ವೇಳಾರ  ಗೃಹ ಬಂಧನಾoತ ಆಸಚೆ ಭಜನಾ ಕಲಾ ಸಂಗೀತ ಪ್ರತಿಭೆಚೆಂ ಪ್ರತಿಭಾ ಉಜ್ವಾಡಾಕ ಹಾಡೂನ ಅವಕಾಶ ದಿವಚಿ ಕಲ್ಪನಾ ಹಿ ಮ್ಹಣು  ಸ್ಪರ್ಧೆಚೊ ಆಯೋಜಕ ದಾವಣಗೆರೆಚೊ ಗೌಡ ಸಾರಸ್ವತ ಸಮಾಜಾಚೊ ಅಧ್ಯಕ್ಷ ತೀರ್ಪುಗಾರಾಂ ಪಯಕಿ ಎಕಲೊ ಸಾಲಿಗ್ರಾಮ ಗಣೇಶ ಶೆಣೈ ಹಾಂನಿ^o ಸಾಂಗಲಾ^o. ರಾಜ್ಯ ಸ್ಥರಾಚೆ ಹ್ಯಾ ಸ್ಪರ್ಧೆಕ ನಿರೀಕ್ಷಾ ಕರನಾಶಿ^o ಸೇಝಾರಿ ರಾಜ್ಯ ತಮಿಳುನಾಡು, ಮಹಾರಾಷ್ಟç, ಕೇರಳ ದಾಕೂನ  ಭಜನಾ ಪಂಗಡಾನಿ^o ವಿಡಿಯೋ ದಾಡೂಹನ ದಿಲಾ. ಫಲಿತಾಂಶ: 
5 ದಾಕೂನ 15 ವರಸಾಚೆ ವಿಭಾಗ (ಚೆರಡುವಾಲೆ^o ಸಮೂಹ ವಿಭಾಗ) ಪಯಲೆ^o ಇನಾ^o - ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕಾಚೆ ಬಸ್ರೂರಚೆ ಶ್ರೀ ಕಾಳಿಗರಡಿ ಭಜನಾ ಮಂಡಳಿ, ದುಸ್ರೆ^o ಇನಾ^o - ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕಾಚೆ ತೆಕ್ಕೆಟ್ಟೆಚೆ ಶ್ರೀ ಸುಧೀಂದ್ರ ತೀರ್ಥ ಬಾಲಭಜನಾ ಮಂಡಳಿ, ತಿಸ್ರೆ^o ಇನಾ^o - ಉತ್ತರ ಕನ್ನಡ ಜಿಲ್ಲೆಚೆ ಸಿದ್ಧಾಪುರಚೆ ಶ್ರೀ ಸರಸ್ವತಿ ಬಾಲಭಜನಾ ಮಂಡಳಿ, ಸಮಾಧಾನಕರ ಇನಾ^o -  ಉತ್ತರ ಕನ್ನಡ ಜಿಲ್ಲೆಚೆ ಭಟ್ಕಳಚೆ ಶ್ರೀವೀರ ವಿಠಲ ಬಾಲಭಜನಾ ಮಂಡಳಿ, ಶಿವಮೊಗ್ಗ ಜಿಲ್ಲೆಚೆ ಸಾಗರಚೆ ಗಾನಸುರಭಿ ಕಲಾತಂಡ, ಮಂಗಳೂರಚೆ ಶ್ರೀ ಶ್ರೀನಿವಾಸ ಬಾಲ ಭಜನಾ ಮಂಡಳಿ, ಬೆಳಗಾವಿ ಜಿಲ್ಲೆಚೆ ರಾಮದುರ್ಗ ಪಂಡಿತ ಪುಟ್ಟರಾಜ ಗವಾಯಿ ಸಂಗೀತ ಪಾಠಶಾಲೆ, ಕೇರಳ ರಾಜ್ಯಾಚೆ ಕಾಸರಗೋಡಚೆ ಶ್ರೀ ಮಹಾಲಸ ನಾರಾಯಣಿ ಬಾಲಭಜನಾ ಮಂಡಳಿ, ಉಡುಪಿ ಜಿಲ್ಲೆಚದೆ ಸಾಲಿಗ್ರಾಮಾಚೆ ಶ್ರೀಗುರು ಆಂಜನೇಯ ಬಾಲ ಭಜನಾ ಮಂಡಳಿ, ದಕ್ಷಿಣ ಕನ್ನಡ ಜಿಲ್ಲೆಚೆ ಸುರತ್ಕಲಚೆ  ಶ್ರೀಹಯವದನಾ ಸಂಗೀತ ಕಲಾ ಕೇಂದ್ರ, ಉಡುಪಿ ಜಿಲ್ಲೆಚೆ ಕುಂದಾಪುರಚೆ ಶ್ರೀ ಲಕ್ಷಿö್ಮವೆಂಕಟೇಶ ಬಾಲಭಜನಾ ಮಂಡಳಿoಕ ಫಾವೊ ಜಾಲಾ^o ಮ್ಹಣು ಚೇಂಪಿ ಎಸ್.ಎಲ್.ವಿ. ದೇವಸ್ಥಾನಾಚೊ ಆಡಳಿತ ಮಂಡಳಿಚೊ ಪ್ರಧಾನ ಕಾರ್ಯದರ್ಶಿ ಕೋಟ ಶ್ರೀಕಾಂತ ಶೆಣೈ ಹಾಂನಿ^o ಕಳಯಲಾ^o. 
ವನಿತಾ ವಿಭಾಗಾಂತು^o ಪಯಲೆ^o ಇನಾ^o - ಉತ್ತರ ಕನ್ನಡ ಜಿಲ್ಲೆಚೆ ಕುಮಟಾಚೆ ಶ್ರೀಲಕ್ಷಿö್ಮನರಸಿಂಹ ಕಲಾ ಮಂಡಳಿ, ದುಸ್ರೆ^o ಇನಾ^o - ಉತ್ತರ ಕನ್ನಡ ಜಿಲ್ಲೆಚೆ ಸಿದ್ದಾಪುರಚೆ ಶ್ರೀ ಮಹಾಲಕ್ಷಿö್ಮ ಭಜನಾ ಮಂಡಳಿ, ತಿಸ್ರೆ^o ಇನಾ^o - ದಕ್ಷಿಣ ಕನ್ನಡ ಜಿಲ್ಲೆಚೆ ಪುತ್ತೂರಚೆ ಎಸ್.ಎಲ್.ವಿ. ಭಜನಾ ವೃಂದ ಹಾಂಕಾ^o ಫಾವೊ ಜಾಲಾ^o. ಸಮಾಧಾನಕರ ಬಹುಮಾನ ಶ್ರೀ ಸರಸ್ವತಿ ಮಹಿಳಾ ಭಜನಾ ಮಂಡಳಿ ಭಟ್ಕಳ, ಉತ್ತರ ಕನ್ನಡ ಜಿಲ್ಲಾ. ಮಹಾರಾಷ್ಟçಚೆ ಮುಂಬೈಚೆ ಶ್ರೀ ವಿಠಲ ರುಖುಮಾಯಿ ಮಹಿಳಾ ಭಜನಾ ಮಂಡಳಿ, ಧಾರವಾಡ ಜಿಲ್ಲೆಚೆ ಹುಬ್ಬಳ್ಳಿಚೆ ಶ್ರೀ ಮಹಾಲಕ್ಷಿö್ಮ ಭಜನಾ ಮಂಡಳಿ, ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕಾಚೆ ತೆಕ್ಕೆಟ್ಟೆಚೆ ಶ್ರೀ ಸುಧೀಂದ್ರತೀರ್ಥ ಮಹಿಳಾ ಭಜನಾ ಮಂಡಳಿ, ಶಿವಮೊಗ್ಗ ಜಿಲ್ಲೆಚೆ ಸಾಗರಚೆ ದೈವಜ್ಞ ಜ್ಞಾನೇಶ್ವರಿ ಭಜನಾ ಮಂಡಳಿ, ಉಡುಪಿ ಜಿಲ್ಲೆಚೆ ಕುಂದಾಪುರಚೆ ಶ್ರೀ ಲಕ್ಷಿö್ಮವೆಂಕಟೇಶ ಮಹಿಳಾ ಭಜನಾ ಮಂಡಳಿ, ದಕ್ಷಿಣ ಕನ್ನಡ ಜಿಲ್ಲೆಚೆ ಪುತ್ತೂರಚೆ ಶ್ರೀ ಲಕ್ಷಿö್ಮವೆಂಕಟರಮಣ ಮಹಿಳಾ ಭಜನಾ ಮಂಡಳಿ, ಮಂಗಳೂರಚೆ ಶ್ರೀ ಗಾಯತ್ರಿಮಾತ ಭಜನಾ ಮಂಡಳಿoಕ ಫಾವೊ ಜಾಲಾ ಮ್ಹಣು ಚೇಂಪಿ ಎಸ್.ಎಲ್.ವಿ. ದೇವಸ್ಥಾನಾಚೆ ಆಡಳಿತ ಮಂಡಳಿಚೆ ಖಜಾಂಚಿ ಟಿ. ಗಣಪತಿ ನಾಯಕ ಹಾಂನಿ^o ಕಳಯಲಾ^o. 
ಪುರುಷ ವಿಭಾಗ:  ಪಯಲೆ^o ಇನಾ^o - ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕಾಚೆ ತೆಕ್ಕೆಟ್ಟೆಚೆ ಶ್ರೀ ಸುಧೀಂದ್ರತೀರ್ಥ ಭಜನಾ ಮಂಡಳಿ, ದುಸ್ರೆ^o ಇನಾ^o - ಉತ್ತರ ಕನ್ನಡ ಜಿಲ್ಲೆಚೆ ಸಿದ್ದಾಪುರಚೆ ಶ್ರೀ ಲಕ್ಷಿö್ಮನರಸಿಂಹ ಭಜನಾ ಮಂಡಳಿ, ತಿಸ್ರೆ^o ಇನಾ^o - ಉಡುಪಿ ಜಿಲ್ಲೆಚೆ ಕುಂದಾಪುರ ತಾಲ್ಲೂಕಾಚೆ ಕೋಟತಟ್ಟಿನ ಶ್ರೀ ಭಗವತ್ ಭಜನಾ ಮಂದಿರ ಪಂಗಡಾoಕ ಫಾವೊ ಜಾಲಾ^o. ದಾವಣಗೆರೆಚೆ ಶ್ರೀ ಶಾರದಾ ಸಂಗೀತ ಆನೀ ನೃತ್ಯಶಾಲೆಚೆ ಪ್ರಾಚಾರ್ಯ ಸಂಗೀತ ವಿದ್ವಾನ್ ರಾಜಗೋಪಾಲ ಭಾಗವತ್, ಗಾನಶ್ರೀ ಸ್ವರಾಲಯ ಸಂಗೀತ ಶಾಲೆಚೆ ಪ್ರಾಚಾರ್ಯ ವಿದುಷಿ ಸಂಗೀತ ರಾಘವೇಂದ್ರ, ಪಂಡಿತ ಪುಟ್ಟರಾಜ ಕವಿ, ಗವಾಯಿಗಳ ಸಂಗೀತ ಪಾಠಶಾಲೆಚೆ ಪ್ರಾಚಾರ್ಯ ಹಿಂದೂಸ್ತಾನಿ ಸಂಗೀತ ವಿದುಷಿ ಕೆ. ಪಿ. ಮಂಗಳಗೌರಿ ಹ್ಯಾ ಸ್ಪರ್ಧೆಂಚೆ^o ತೀರ್ಪುಗಾರ ಆಶಿಲೆ. ಇನಾಂ ಜಿಕಿಲೆ ಭಜನಾ ಪಂಗಡಾoಕ ಚೇಂಪಿ ಶ್ರೀಲಕ್ಷಿö್ಮ ವೆಂಕಟರಮಣ ದೇವಸ್ಥಾನಾಚೆ ಸಮಿತಿಚೆ ಪದಾಧಿಕಾರಿ ಆನೀ ಸರ್ವ ಸದಸ್ಯಾನಿ ಅಭಿನಂದನ ಪಾಟಯಲಾ^o. 

ಕೆನರಾ ಇಂಜಿನಿಯರಿoಗ್ ಕಾಲೇಜ ವಿದ್ಯಾರ್ಥಿಯಾಂಕ ಪದವಿ ಪ್ರದಾನ

ಮಂಗಳೂರು: ಆತ್ಮ ನಿರ್ಭರ ಭಾರತಾಂತು^o ಆಯಚೆ ಪರಿಸ್ಥಿತಿತು^o ಖೂಬ ಅವಕಾಶ ಆಮಗೆಲೆ ಜಾತಾ ಆಸಾತಿ. ಜಾಗತೀಕರಣಾಚೆ ನಿಮಿತ ಕೈಗಾರಿಕಾ ವಲಯಾಂತು^o ಚಡತೆ ಅವಕಾಶ ಉಗ್ತೆ^o ಜಾಲ್ಯಾಂತಿ. ಬದ್ಧತಾ ಆನೀ ಕಠಿಣ ಪರಿಶ್ರಮಾನ ಜೀವನಾಂತು^o ಉನ್ನತ ಮೌಲ್ಯಾಂಚೆ ದ್ಯೇಯ ಸಾಧನಾ ಕರಚೆ^o ಚಿಂತನ ಆಮಗೆಲೆ^o ಜಾವಕಾ. ಜೀವನಾಂತು ಕೆದನಾಯಿ ಸಕಾರಾತ್ಮಕ ಚಿಂತನ ದವರನು ಘೆವಕಾ ಮ್ಹಣು ಎಂ.ಆರ್.ಪಿ.ಎಲ್. ಸಂಸ್ಥೆಚೊ ಯೋಜನಾ ಕಾರ್ಯನಿರ್ವಾಹಕ ನಿರ್ದೇಶಕ ಬಿ. ಹೆಚ್. ವಿ. ಪ್ರಸಾದ ಹಾಂನಿ^o ಸಾಂಗಲೆ^o. ಆರತಾ^o ಕೊಡಿಯಾಲಚೆ ಟಿ. ವಿ. ರಮಣ ಪೈ ಕನ್ವೆನ್ಷನ್ ಸೆಂಟರಾoತು^o ಕೆನರಾ ಇಂಜಿನಿಯರಿoಗ್ ಕಾಲೇಜ ವಿದ್ಯಾರ್ಥಿಯಾಂಕ 16ವೆ^o ವರಸಾಚೆ ಪದವಿ ಪ್ರದಾನ ಸಮಾರಂಭಾoತು^o ಮುಖೇಲ ಸೊಯ್ರೆ ಜಾವನು ತಾಂನಿ^o ಅಶೆ^o ಸಾಂಗಲೆ^o. 2020  ಬ್ಯಾಚಾಚೆ 461 ವಿದ್ಯಾರ್ಥಿಯಾಂಕ ಪದವಿ ಪ್ರದಾನ ಜಾಲೆ^o. 
ಕಾಲೇಜ ಆಡಳಿತ ಮಂಡಳಿ ಕೆನರಾ ಹೈಸ್ಕೂಲ್ ಎಸೋಸಿಯೇಶನ್ ಹಾಜೊ ಅಧ್ಯಕ್ಷ ಎಂ. ಅಣ್ಣಪ್ಪ ಪೈ ಕಾರ್ಯಕ್ರಮಾಚೊ ಅಧ್ಯಕ್ಷ ಆಶಿಲೊ. ಉಪಾಧ್ಯಕ್ಷ, ಕಾಲೇಜಾಚೊ ಸಂಚಾಲಕ ಎಂ. ಪದ್ಮನಾಭ ಪೈ ಹಾಂನಿ^o ವಿದ್ಯಾರ್ಥಿಯಾಂಕ ಪ್ರಮಾಣ ವಚನ ಬೋಧನ ಕೆಲೆ^o.
ಆಡಳಿತ ಮಂಡಳಿ ಕಾರ್ಯದರ್ಶಿ ಎಂ. ರಂಗನಾಥ ಭಟ್ ಹಾಂನಿ^o ಶುಭಾಷಯ ಪಾಟಯಲೊ. ಸಂದೀಪ್ ಪ್ರಭು ಸಂಪಾದಕತ್ವಾಚೆ ಕಾಲೇಜಾಚೆ ‘ಇ’ ವಾರ್ಷಿಕ ಸಂಚಿಕಾ ಸಿಇಸಿ ಬುಲೆಟಿನ್ ಹಾಜೆ^o ಮೊಕಳಿಕ ಜಾಲೆ^o. ಪ್ರಾಂಶುಪಾಲ ಡಾ. ಗಣೇಶ ವಿ. ಭಟ್ ಹಾಂನಿ^o ಸ್ವಾಗತಾಚೆ ಉತ್ರ^o ಸಾಂಗಲಿ^o. ಸಹ ಪ್ರಾಧ್ಯಾಪಕ ಸತೀಶ ಎಸ್. ನಾಡಿಗ ಹಾಂನಿ^o ಸೊಯ್ರೆಲೆ^o ವಳಕ ಕರನು ದಿಲೆ^o. ವಿದ್ಯಾರ್ಥಿ ಡಯಾನಾ ಗುಡಿನೊ, ಸಿಂಧು ಭಟ್, ತೇಜಸ್ವಿನಿ ಹೊಳ್ಳ, ಕೌಶಲ್ ಡಿ, ವಿದ್ಯಾ ಬಳಿಗೇರ್ ಹಾಂನಿ^o ತಾಂಗೆಲೊ ಅನುಭವ ವಾಂಟೂನ ಗೆತಲೊ. ಕೊಶಾಧಿಕಾರಿ ಎಂ. ವಾಮನ ಕಾಮತ್, ಸಹ ಕೋಶಾಧಿಕಾರಿ, ಬಸ್ತಿ ಪುರುಷೋತ್ತಮ ಶೆಣೈ, ಸಾಂದೆ ಪಂಚಮಾಲ್ ಗೋಪಾಲಕೃಷ್ಣ ಶೆಣೈ, ಟಿ. ಗೋಪಾಲ ಕೃಷ್ಣ ಶೆಣೈ, ಶ್ರೀಕಾಂತ ಪೈ ಕಸ್ತೂರಿ,  ಡಾ. ಪಿ. ಉಮಾನಂದ ಮಲ್ಯ, ಆಡಳಿತ ಕೌನ್ಸಿಲ್ ಸಾಂದೆ ಎಂ. ವಿನಾಯಕ ಕಾಮತ, ಆನೀ ಹೇರ ಉಪಸ್ಥಿತ ಆಶಿಲೆ. ಸಹ ವಿದ್ಯಾರ್ಥಿ ಕ್ಷೇಮಪಾಲನಾಧಿಕಾರಿ ಡಾ. ಪ್ರಿಯಾ ವಿ. ಫ್ರ‍್ಯಾಂಕ್ ಹಾಂನಿ^o ಆಭಾರ ಮಾನಲೊ. ಪ್ಲೇಸ್ಮೆಂಟ್ ಅಧಿಕಾರಿ ಪ್ರಶಾಂತ್ ಕುಮಾರ್ ಎ. ಹಾಂನಿ^o ಸೂತ್ರ ಸಂಚಾಲನ ಕೆಲೆ^o. 

ಉಡುಪಿ: ಹಾಂಗಾಚೆ ಕಡಿಯಾಳಿಚೆ ಖೂಬ ಮ್ಹಾಲ್ಗಡೆ ನಾಗರಿಕ, ಸಮಾಜ ಸೇವಕ, ರಾಷ್ಟ್ರೀಯ  ಸ್ವಯಂಸೇವಕ ಸಂಘಾಚೆ ಸ್ವಯಂಸೇವಕ ಕಡಿಯಾಳಿ ಶ್ರೀ ಮಹಿಷಮರ್ಧಿನಿ ದೇವಸ್ಥಾನಾಚೆ ಆಡಳಿತ  ಸಮಿತಿಚೆ ಆದಲೆ ಸಾಂದೆ, ಹೋಟೆಲ್ ಶ್ರೀನಿವಾಸ್ ಹಾಜೆ ಮಾಲಕ ಕುಕ್ಕುಂದೂರು ನಾಗೇಶ ಕಿಣಿ (94) ಹಾಂನಿ^o ಆರತಾ^o  ದೇವಾದಿನ ಜಾಲೆ. ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರಾಚೆ ಅಧ್ಯಕ್ಷ ಕೆ ರಾಘವೇಂದ್ರ ಕಿಣಿ ಸಹಿತ 6 ದ್ಹುವೊ ಆನೀ 5 ಪುತಾಂಕ ಸೊಡೂನ ತಾಂನಿ^o  ಘೆಲ್ಯಾಂತಿ.