ಮಂಗಳೂರು: ಎಸ್. ವಿ. ಟಿ. ಮ್ಯಾಟ್ ಫ್ರೇಂಡ್ಸ್ ಹಾಂನಿ° ಆರತಾ° ೧೫ವೆ° ವರಸಾಚೆ° ಸಾರ್ವಜನಿಕ ಶನೈಶ್ಚರ ಫೂಜಾ ಮಾಂಡೊನ ಹಾಡಲಿ. ಬಾಲಂಭಟ್ ಘರಾಣೆಚೆ ಸತ್ಯಕ್ರಷ್ಣ ಭಟ್ ಮುಖೇಲ ಸೊಯ್ರೆ ಆಶಿಲೆ. ಸಚೀತಾ ನಂದಗೋಪಾಲ್ ಮಾನಾಚಿ ಸೊಯ್ರಿಣಿ ಆಶಿಲಿ. ಮ್ಯಾಟ್ ಫ್ರೆಂಡ್ಸ್ ಹಾಜೊ ಅಧ್ಯಕ್ಷ ವೆಂಕಟ್ರಾಯ ಶೆಣೈ, ಆದಲೆ ಅಧ್ಯಕ್ಷ ಅರುಣ್ ಪಡಿಯಾರ್, ಅರುಣ್ ಡಿ. ರಾವ್ ಆನೀ ಗೌರವಾದ್ಯಕ್ಷ ವಾಮನ್ ಪೈ ಉಪಸ್ಥಿತ ಆಶಿಲೆ. ಸಕಾಳಿ ಧಾರ್ಮಿಕ ವಿಧಿ ಸನವಗ್ರಹ ಹವನ ಆನೀ ಪೂಜಾ ಚಲಿ.

ಸಾಂಜವೇಳಾ ಸರ್ವಾಲಂಕ್ರತ ಶ್ರೀ ಶನಿದೇವರ ಪ್ರತಿಮಾ ಚೆಂಡೆ ಆನೀ ಹೇರ ವಾದ್ಯ ಸಹಿತ ಸಂಸ್ಥೆಚೆ ದಫ್ತರಾ ದಾಕೂನ ಮೆರವಣಿಗೆರಿ ರಥಬೀದಿಚೆ ವೆಂಕಟ್ರಮಣ ದೇವಳಾಚೆ ಮುಕಾರ ಆಸಚೆ ಅಶ್ವಥಾ ಕಾಟ್ಟೆರಿ ಪ್ರತಿಷ್ಠಾ ಕರಚೆ° ಜಾಲೆ°. ಸಭಾಕಾರ್ಯಕ್ರಮಾಚೆ ವೇದಿರಿ ವೆಂಕಟೇಶ ರಾವ ಆನೀ ಪಂಗಡ ಹಾಂಗೆಲೆ° ಭಕ್ತಿಗೀತಾ ಕಾರ್ಯಕ್ರಮ ಚಲೊ. ವಿಶೇಷ ದೀಪಾಲಂಕಾರ ಜಮೀಲೆ ಲೋಕಾಂಕ ಆವಡಲೊ. ಕರ್ಯಕ್ರಮಾಚೊ ವಾಂಟೊ ಜಾವನು ಜನಸೇವಾ ಚಲಿ.

ಆರ್ಥಿಕ ಜಾವನು ಮಾಕ್ಷಿ ಪಳೆಲೆ ಕುಟುಂಬಚೆ ೧೫ ಚೆರಡುವಾಂಕ ಸಾಬಾರ ೩.೦೦ ಲಾಖ ರುಪಯೊ ಆನೀ ದೋನ ಮ್ಹಾಲ್ಗಡೆ ನಾಗರಿಕಾಂಕ ಸಾಬಾರ ಒಂಚ್ವೀಸ್ ಕಜಾರ ರುಪಯೆಚೆ° ಶ್ರವಣ ಯಂತ್ರ ದಿವಚೆ° ಜಾಲೆ°. ನಾವಾದೀಕ ಸಿತಾರ್ ವಾದಕ ಕೊಚ್ಚಿಕಾರ್ ದೇವದಾಸ್ ಪೈ ಹಾಂಗಲೆ° ಸಿತಾರ ವಾದನ ಜಾತರಿ ತಾοಕಾ° ಸನ್ಮಾನ ಚಲೊ. ಪ್ರತಿಕ್ಷಾ ಭಟ್ ಹಾಂನಿ° ಸನ್ಮಾನಪತ್ರ ವಾಚಿಲೆ°. ಲೋಕಕಲ್ಯಾಣಾರ್ಥ ಜಿ. ವೈಕುಂಟ ಭಟ್ ಹಾಂನಿ° ಪ್ರಾರ್ಥನಾ ಆನೀ ಶನಿ ಪೂಜಾ ಕೆಲಿ.

ಉಪರಾಂತ ಪ್ರಸಾದ ವಿತರಣ ಆನೀ ಸಾಬಾರ ೬೦೦೦ ಲೋಕಾಂಕ ಅನ್ನಸಂತರ್ಪಣ ಚಲೆಂ. ಪ್ರತಿಕ್ಷಾ ಆನೀ ರಿತೀಕಾ ಹಾಂನಿ ಪ್ರಾರ್ಥನಾ ಸಾಂಗಲಿ. ಧನ್ಯತಾ ಭಟ್ ಹಾಂನಿ ಸ್ವಾಗತಾಚೆ° ಉತ್ರ° ಸಾಂಗಲಿ°. ನರ್ಮದಾ ಶೆಣೈನ ಆಬಾರ ಮಾನಲೊ. ಸಂದ್ಯಾ ರಘುರಾಮ ಕಾಮತ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

ಮಣಿಪಾಲ: ಸಂಗೀತ ಸಭಾ ಉಡುಪಿ ಹಾಂನಿ° ಮಣಿಪಾಲಾಚೆ ಗೋಲ್ಡನ್ ಜ್ಯುಬಿಲಿ ಹಾಲಾಂತು° ಆಯೋಜನ ಕೆಲೆಲೆ ಸಂಗೀತ ಕಾರ್ಯಕ್ರಮಾಂತು° ನಾವಾದಿಕ ತಬಲಾ ಪಟು ಸ್ಟಪನ್ ಚೌದುರಿ ಹಾಂಗೆಲೊ ಸೋಲೊ ಕಾರ್ಯಕ್ರಮ ಚಲೊ.

ಡಾ|| ಟಿ.ಎಂ.ಎ ಪೈ ಫೌಂಡೇಶನ್ ಹಾಜೋ ಅಧ್ಯಕ್ಷ ಟಿ. ಅಶೋಕ ಪೈ ಹಾಂನಿ° ಕಲವಿದಾಕ ಸನ್ಮಾನ ಕೆಲೊ. ಸಂಗೀತ ಸಭಾಚೊ ಅಧ್ಯಕ್ಷ ಟಿ. ರಂಗ ಪೈ, ಜಗದೀಶ ಪೈ ಆನೀ ಹೇರ ಉಪಸ್ಥಿತ ಆಶಿಲೆ.

ಮಂಗಳೂರು: ಜಿ. ಎಸ್. ಬಿ. ಮಹಿಳಾ ವೃಂದ (ರಿ), ಮಂಗಳೂರು ಹಾಂಗೆಲೆ “ಕೊಕಣಿ ದಿವಸು ಆಚರಣಾ” ಸಮಾರಂಭು ಜನವರಿ ೫ ತಾರೀಕ, ಆಯತಾರಾ ಸಾಂಜೆರಿ ೪ ಘಂಟೆಕ ಶ್ರೀ ದ್ವಾರಕನಾಥ ಸಭಾಗೃಹಾಂತು ಬಿ. ಯೋಗೀಶ ಆಚಾರ್ಯ, ಜನರಲ್ ಮೇನೇಜರ್, ಕೆನರಾ ಬ್ಯಾಂಕ್, ಮಂಗಳೂರು, ಹಾಂಗೆಲೆ ಅಧ್ಯಕ್ಷಪಣಾರಿ ಚಲೊ. ಹ್ಯಾ ಸಂದರ್ಬಾರಿ, ಕೊಂಕಣಿ ಸಮಾಜ ಸೇವಕ ಜಾವನು ಯು. ಸತೀಶ ನಾಯಕ, ಬಂಟವಾಳ ಆನೀ ಕೊಂಕಣಿ ಸಾಹಿತ್ಯ ಕ್ಷೇತ್ರಾಂತು ಎಮ್, ಶಾಂತಾರಾಮ ಕುಡ್ವ, ಮೂಡಬಿದ್ರಿ ಹಾಂಕಾ ಸನ್ಮಾನು ಚಲೊ.

ಮಹಿಳಾ ವೃಂದಾಚೆ ಬ್ಹಯಣ್ಯಾನಿ ದಿ. ಬಿ. ವಿ. ಬಾಳಿಗಾ ಮಾಮ್ಮಾನ ಬರಯಿಲೆ° ಗೋಡಿ ಗೋಡಿ ಹೋಡಿ ಭಾಸ ಕೊಂಕಣಿ ಪ್ರಾರ್ಥನಾ ಗೀತ ಸಾಂಗಲೆ°. ವೃಂದಾಚಿ ಅಧ್ಯಕ್ಷಾ ವಿಮಲಾ ಕಾಮತಿನ ಸ್ವಾಗತಾಚೆ ಉತ್ರಂ ಸಾಂಗಲಿ°. ಸ್ಥಾಪಕ ಅಧ್ಯಕ್ಷಾ ಮಾಲತಿ ಯು. ಕಾಮತ ಹಾಂನಿ ಉಪಸ್ಥಿತ ಆಸುನು, ಮರೋಳಿ ಸಬಿತಾ ಕಾಮತಿನ ಸಂಸ್ಥೊ ಚಲನು ಅಯಿಲೆ ಬದಲ ವಿವರಣೆ ದಿಲೆ°. ಬಿ. ಯೋಗೀಶ ಆಚಾರ್ಯ ಹಾಂಕಾ ವೃಂದಾ ತರಪೇನ ಸ್ಮರಣಿಕಾ ದೀವನು ಮಾನ ಚಲೊ. ಕೊಂಕಣಿ ದಿವಸ ಆಚರಣೆಚೆ ಪೂರ್ವಭಾವಿ ಜಾವನು ಚಲೆಲೆ ಕೊಂಕಣಿ ಬಾಳಗೀತ, ಕಾಣಿಯೊ, ಭಾವಗೀತ, ಭಕ್ತಿಗೀತೆ ಸ್ಪರ್ಧ್ಯಾಂತು ಜಿಂಕಿಲ್ಯಾοಕ ಇನಾಮ ವಾಂಟಿಲೆ°. ವೃಂದಾಚಿ ಉಪಾಧ್ಯಕ್ಷಾ ರಾಧಿಕಾ ಕಾಮತಿನ ಆಬಾರ ಮಾನಲೊ.

ಸಾಂಸೃತಿಕ ಕಾರ್ಯಕ್ರಮಾಂತು ಕುಮಾರಿ ಅನಘಾ ಪೈನ ಸ್ವಾಗತ ನೃತ್ಯ, ಕುಮಾರಿ ಅನನ್ಯಾ ಪೈನ ಪದ, ಕುಮಾರಿ ಅಂಕಿತಾ ಪೈ, ಕುಮಾರಿ ದೇವಿಕಾ ಪೈ ಆನೀ ಕುಮಾರಿ ಭೂಮಿಕಾ ಪೈ ಸಾಂಗಾತ ಮೇಳನು ಕಥಕ ನೃತ್ಯ ಪ್ರಸ್ತುತ ಕೆಲೆ°. ಉಪರಾಂತ ಶಾಂತಾರಾಮ ಕುಡ್ವ ಹಾಂನಿ ಬರಯಿಲೆ° “ದೇವಾಲೊ ಖೇಳು” ಮ್ಹಳೆಲೆ° ಕೊಂಕಣಿ ನಾಟಕ ವೃಂದಾಚೆ ಸದಸ್ಯಾನಿ ಪ್ರಸ್ತುತ ಕೆಲೆ°. ಚಂದ್ರಿಕಾ ಮಲ್ಯಾನ ಸೂತ್ರ ಸಂಚಾಲನ ಕೆಲೆ°. ಶಾಂತಿ ಪಾಠಾನ ಕಾರ್ಯಕ್ರಮು ಸಂಪಲೊ.

ಖಬರಿ: ಮೀನಾಕ್ಷಿ ಎನ್. ಪೈ

ಪಣಜಿ: ಗೊಂಯಚೆ ನಾಮನೆಚೆ ಕೊಂಕಣಿ ಸಾಹಿತ್ಯಕಾರ, ಅನುವಾದಕ, ಭೌದ್ಧ, ಕ್ರೆöÊಸ್ತ ಆನಿ ಭಾರತೀಯ ಭಾಷೆಚೆ ಸಾಹಿತ್ಯ ಅಧ್ಯಯನ ಕರನು ಕೊಂಕಣಿ ಭಾಷೆಕ ಅನುವಾದ ಕರನು ನಾಂವ ಘೆತಿಲೊ ಪದ್ಮಶ್ರೀ ಡಾ. ಸುರೇಶ ಗುಂಡು ಅಮೋಣಕರ ಹಾಂನಿ° ಡಿ.೮ಕ ೮೬ವೇ ವಯಾಂತ ಗೊಂಯಚೆ ತಾಂಗೆಲೆ ಘರಾಂತು ನಿಧನ ಪಾವಲಿಂಚಿ. ಎಂ. ಎ. ಪದವೀಧರ ಅಮೋಣಕರ ಜೈನ ಕಥಾ ಸಂಗ್ರಹ, ಜಾತಕ ಕಥಾ, ಭೌದ್ಧ ‘ಧಮ್ಮಪದ’, ‘ಶ್ರೀ ಭಗವಂತಾನ ಗಾಯಿಲೆ ಗೀತ’, ‘ಶ್ರೀಮದ್ ಭಾಗವತ ತಮಿಳು ತಿರುವಳ್ಕುವರ ಕವಿಲೆ ತಿರುಕ್ಕುರಳ ಆನಿ ಮರಾಠಿ ದಾಕುನ° ‘ಜ್ಞಾನೇಶ್ವರಿ’ ಆನಿ ‘ಭಗವದ್ಗೀತೆ’ ಕೊಂಕಣಿ ಭಾಷೆಕ ಭಾಷಾಂತರ ಕೆಲಾ°.

೧೯೯೯ ಇಸವಿಂತು ಹಾಂಗೆಲೆ° “ಧಮ್ಮಪದ” ಕೊಂಕಣಿ ಭಾಷಾಂತರ ಕೃತಿಕ ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕಾರ ಫಾವೊ ಜಾಲಾ. ಆಫ್ರಿಕಾಚೆ ಕಿನ್ಯಾಂತು ಶಿಕ್ಷಕ ಜಾವನ ಆಸುನ ಅಮೋಣಕರ ಗೊಂಯಾ°ತ ಪ್ರಾಧ್ಯಾಪಕ ಶೈಕ್ಷಣಿಕ ವಲಯಾಂತ ಅಪಾರ ಸೇವಾ ದಿಲೆಲೆ ಹಾಂಕಾ ರಾಜ್ಯ ಸರಕಾರಾನ ಸನ್ಮಾನ ಕೆಲಾ. ಭಾರತ ಸರಕಾರ ಥಾವನ ಸುರೇಶ ಅಮೋಣಕರ ಹಾಂಕಾ ವಿದ್ಯಾ ಕ್ಷೇತ್ರಾಕ ದಿಲೆಲೆ ದೇಣೆ° ಮಾನೂನ ಘೆವನು ೨೦೦೯ ಇಸವಿಂತ “ಪದ್ಮಶ್ರೀ” ಪದವಿ ದೀವನ ಸನ್ಮಾನ ಕೆಲಾ.

೨೦೧೫ ಇಸವಿಂತು° ವಿಶ್ವ ಕೊಂಕಣಿ ಕೇಂದ್ರ ಥಾವನ ದಿವಚೆ ಶ್ರೀಮತಿ ವಿಮಲಾ ವಿ. ಪೈ ವಿಶ್ವ ಕೊಂಕಣಿ ಜೀವನ ಸಿದ್ಧಿ ಸಾಹಿತ್ಯ ಪ್ರಶಸ್ತಿ ಹಾಂಕಾ° ಪ್ರದಾನ ಜಾಲ್ಯಾ. ಗೊಂಯ ಸರಕಾರಾನ ೨೦೧೮ ಇಸವಿಂತ ಹಾಂಕಾ° ಗೊಂಯ ಕೊಂಕಣಿ ಅಕಾಡೆಮಿ ಅಧ್ಯಕ್ಷ ಜಾವನ ನೇಮಣೂಕ ಕೆಲಾ°. ಅಮೋಣಕರ ಹಾನ್ನಿ ತಾಂಗೆಲೆ ಶರೀರ ಗೊಂಯ ವೈದ್ಯಕೀಯ ಕಾಲೇಜಾಚೆ ಆಸ್ಪತ್ರೆಕ ದಾನ ದೀವಕಾ ಅಶಿ° ಬರಯಲಾ°.