ಮಂಗಳೂರು: ಹಾಂಗಾಚೆ ಜಿ. ಎಸ್. ಬಿ. ಮಹಿಳಾ ವೃಂದ (ರಿ.) ಹಾಂನಿA ಆರತಾಂ ಗೋಕರ್ಣ ಮಠಾಚೆ ಸಭಾಗೃಹಾಂತು ಸಾಂದ್ಯಾAಕ ಖೇಳಾ ಸ್ಪರ್ಧೊ ಆಯೋಜನ ಕೆಲೆಲೊ. ಸಗಟ ಸಾಂದೆAಕ ದೋನಿ ಖೇಳು ಖೆಳೊನು ವಿಜೇತಾಂಕ ಇನಾಮ ವಾಂಟಿಲೆ. ವಿಜೇತಾಲೆ ವಿವರು: ಮ್ಯಾಜಿಕ್ ಕಾರ್ಪೆಟ್: ಪಯಲೆಂ: ಸಂಧ್ಯಾ ಪೈ, ದುಸರೆಂ: ಶಾಲಿನಿ ರಾವ್, ಆನಿ ತಿಸರೆಂ: ವಿನಯಾ ಪೈ, ತಶೀಂಚಿ ಪಾಸಿಂಗ್ ದಿ ಬಾಲ್: ಪಯಲೆಂ: ರೋಹಿಣಿ ಶೆಣೈ, ದುಸರೆಂ: ವಾಗ್ ಶೋಭಾ ಶೆಣೈ ಆನಿ ತಿಸರೆಂ: ನಯನಾ ರಾವ್ ಹಾಂಕಾ ಫಾವ ಜಾಲೆಂ.

ಅಧ್ಯಕ್ಷಾ ವಿಮಲಾ ಕಾಮತಿನ ಸ್ವಾಗತ ಕೆಲೆಂ. ನಯನಾ ರಾವಾನ ಮಹಿನ್ಯಾಚಿ ವರದಿ ವಾಚಿಲಿ. ಸಬಿತಾ ಕಾಮತಿನ ಅನ್ಯ ಪ್ರಕಟಣೆ ಕೆಲೆಂ. ರಾಧಿಕಾ ಕಾಮತಿನ ಆಭಾರ ಮಾನಲೊ. ವೃಂದಾಚೆ ಕಾರ್ಯಕಾರಿ ಸಮಿತಿಚೆ ಸಗಟ ಸಾಂದೆನ ಸಹಕಾರು ದೀವನು, ಶಾಂತಿ ಪಾಠಾನಿ ಸಭಾ ಸಂಪನ್ನ ಜಾಲಿ.

ಮಂಗಳೂರು: ಹಾಂಗಾಚೆ ಜಿ.ಎಸ್.ಬಿ. ಮಹಿಳಾ ವೃಂದ ಹಾಂಗೆಲೆA ಹ್ಯಾ ವರಸಾಚೆ ಧಾರ್ಮಿಕ ಪ್ರವಾಸು ಜನವರಿ ೨೨ಕ. ಸಕಾಳಿ ೬. ೩೦ ಘಂಟೆಕ ಮಂಗಳೂರು ವೀರ ವೆಂಕಟೇಶ ದೇವಾಲೊ ದರ್ಶನ ಘೇವನು ಹೊ ಪ್ರವಾಸು ಶುರು ಜಾಲೊ. ಸಾಬಾರ ೪೫ ಜನ ಬ್ಹಯಣ್ಯೋ ತಾಂತುA ಚಡಾವತ ೬೫ ವರಸಾಕಯೀ ಚಡ ವಯಾಚೆ ಆಶಿಲಿಂತಿ. ಶುರುವೇಕ ಆನೆಗುಡ್ಡೆ ದೇವಳಾಕ ಭೇಟಿ ದಿಲಿ. ತ್ಹಂಯ ಆಮಗೆಲಿ ಅಧ್ಯಕ್ಷಾ ವಿಮಲಾ ಕಾಮತಿಲೊ ಜಾಂವಯಿ ನಾಗೇಶ ಪೈನ ಫಳಾರಾಚಿ ವ್ಯವಸ್ಥಾ ಕೆಲೆಲಿ. ಉಪರಾಂತ ತ್ಹಂಚೆ ಅಯ್ಯಪ್ಪ ದೇವಳಾಕ ಭೇಟಿ ದಿಲಿ.

ಉಪರಾಂತ ಕೋಟೇಶ್ವರಾಚೆ ಕೋಟಿ ಲಿಂಗೇಶ್ವರ ದೇವಳ ಆನಿ ತ್ಹಂಯಚೆ ವಿಶಾಲ ಜಾವನು ಆಶಿಲೆ ಪುಷ್ಕರಿಣಿ ಪಳೊವನು ಆನಂದ ಪಾವಲಿಂತಿ. ತಶೀಂಚಿ ಪಟ್ಟಾಭಿ ರಾಮಚಂದ್ರ ದೇವಳಾಕ ವಚುನು, ನವೀನ ಜಾವುನು ನಿರ್ಮಾಣ ಜಾಲೆಲೆ, ಚಂಡಿಕಾ ದುರ್ಗಾಪರಮೇಶ್ವರಿ ದೇವಳಾಕ ಭೇಟಿ ದೀವನು, ಭದ್ರಗಿರಿಚೆ ವೀರವಿಠ್ಠಲ ದೇವಳಾಕ ಪಾವಲಿಂತಿ. ಥಂಯ ಭಜನ ಕರನು ದೇವಾಲಿ ಆರತಿ ಜಾತರಿ ಪ್ರಸಾದ ರೂಪಾರಿ ಭೋಜನ ಕರನು ಮಣಿಪಾಲಾಂತು ದಿ. ವಿಜಯನಾಥ ಶೆಣೈ ಹಾಂಗೆಲೆ ಸ್ವನಿರ್ಮಿತ ಹೆರಿಟೇಜ್ ವಿಲೇಜಾಕ ಪಾವಲಿಂತಿ. ಥಂಯ ದೇಡು ಘಂಟೊ ಭರಿ ತಂಚೆ ಪ್ರಾಚೀನ ಕಲಾಕೃತಿ ಸಗಟ ಪಳೊವನು ದೋಳೆ ತಂಪು ಕರನು ತಾಂನಿ ದಿಲೆಲೆ ಥಂಡ ಥಂಡ ಪಾನೀಯ ಪೀವನು ಮಲ್ಪೆ ಸಮುದ್ರ ತೀರಾಕ ಪಾವಲಿಂತಿ. ಥಂಯ ಹೌಸಿ ಹೌಸಿ, ರಸಪ್ರಶ್ನೊ, ಖೇಳನು ಜಿಕೀಲ್ಯಾಂಕ ಇನಾಂ ವಾಂಟಪ ಜಾಲೆಂ. ಸಾಂಜೆಚೊ ಫಳಾರು ಜಾವನು, ರಾತಿ ಸಾಬಾರ ೮.೧೫ ಘಂಟೆಕ ಮಂಗಳೂರ ಪಾವಲಿಂತಿ. ಸಗಳೊ ದಿವಸಾಚೆ ಹ್ಯಾ ಪ್ರವಾಸಾಂತು ಬಸ್ಸಾರಿ ಭಜನ, ಅಂತ್ಯಾಕ್ಷರಿ, ನೃತ್ಯ ತಸಲೆ ಮನೋರಂಜನ ಕರನು ಸಗಟಾಲೆ ಮನ ಉಲ್ಲಸಿತ ಜಾಲೆ. ಹರಿಗುರು ಕೃಪೆನ ಹ್ಯಾ ವರಸಾಚೊ ಪ್ರವಾಸು ಚಂದಯಾರಿ ಸಂಪಲೊ.

ಮಂಗಳೂರು: ಕೊಂಕಣಿ ಸಮಾಜಾಚೆ ವ್ಯಕ್ತಿ ವಿಕಸನ, ಸಮಾಜಸೇವಾ, ಪರಿಸರ ಕಾಳಜಿ ಆನೀ ಸಾಂಸ್ಕöÈತಿಕ ಉನ್ನತಿಕ ಸೇವಾ ದೀವೂನ ಆಸಚೆ ಸಾಧನ ಬಳಗ ಹಾಂನಿA ಕೊಂಚಾಡಿ ಜಿ.ಎಸ್.ಬಿ. ಸಭಾಚೆ ಸಹಯೋಗಾರಿ ಆರತಾಂ ಸ್ನೇಹಮಿಲನ ಕಾರ್ಯಕ್ರಮ ಘಡೊನ ಹಾಡಲೊ. ಸಾಧನ ಬಳಗಾಚೆ ಗೌರವಾಧ್ಯಕ್ಷ ಉದ್ಯಮಿ ಸಿ. ಎ. ನಂದಗೋಪಾಲ್ ಶೆಣೈ ಹಾಂಗೆಲೆ ಅಧ್ಯಕ್ಷಪಣಾರಿ ಚಲೆಲೆ ಹ್ಯಾ ಕಾರ್ಯಕ್ರಮಾತುಂ ಕರ್ನಾಟಕ ಕೊಂಕಣಿ ಅಕಾಡಮಿಚೊ ಸಾಂದೊ ಗೋಪಾಲಕೃಷ್ಣ ಭಟ್, ಸಾಮಾಜಿಕ ಕಾರ್ಯಕರ್ತಾ ವಂದನಾ ಕಾಮತ, ಸುಗುಣಾ ಭಕ್ತಾ ಆನೀ ಶ್ವೇತಾ ಕಾಮತ ಉಪಸ್ಥಿತ ಆಶಿಲೆ. ಚೆರಡುವಂ ವೇದಾಂತ ಕಾಮತ ಆನೀ ಶ್ರದ್ಧಾ ಕಾಮತ ಹಾಂನಿA ದೀವೊ ಲಾವನು ಉಗ್ತಾವಣ ಕೆಲೆಂ. ಪ್ರೀ ಸೇವಾದಳ ಸ್ಪರ್ಧೆಂತುA ದುಸ್ರೆಂ ಸ್ಥಾನ ಪ್ರಾಪ್ತ ಕೆಲೆಲೆ ಮಯಾಂಕ ಕಾಮತ ಆನೀ ದಿವ್ಯಾಂಗ ಸ್ಪರ್ಧೆಂತುA ರಾಜ್ಯಸ್ಥರಾರಿ ಲಾಂಗ್‌ಜAಪ್ ಸ್ಪರ್ಧೆಂತುA ಸ್ವರ್ಣಪದಕ ಜಿಕಿಲೊ ಗಗನ ಪ್ರಭು ಹಾಂಕಾಮ ಸನ್ಮಾನ ಚಲೊ.

ಸಾಧನಾ ಬಳಗ ಆನೀ ಜಿ.ಎಸ್.ಬಿ. ಸಭಾ ಕೊಂಚಾಡಿ ಹಾಂಗಾಚೆ ಬಾಲಕಲಾವಿದಾನಿ ಪದ ಸಾಂಗಚೆA, ಸಮೂಹಗೀತಾ, ನೃತ್ಯ, ಭಕ್ತಿಗೀತಾ, ವಾದ್ಯಸಂಗೀತ, ಪುಷ್ಪಲತಾ ಭಟ್ ನಿರ್ದೇಶನಚೆ ಯುವಕಲಾವಿದಾಂಗೆಲೆA ನಾಟ್ಕುಳೆಂ ‘ಮುಖವಾಡ್ ಕಳ್‌ಚಿತನ’ ಆನೀ ಮಾಲತಿ ಕಾಮತ ಆನೀ ಪಂಗಡಾಚೆ ನಾಟ್ಕುಳೆಂ ಪ್ರದರ್ಶನ ಜಾಲೆಂ. ಕೊಂಚಾಡಿ ಶ್ರೀ ವೆಂಕಟರಮಣ ದೇವಾಲಯದ ಸಭಾಭವನದಲ್ಲಿ ಜರಗಿದ ಈ ಕಾರ್ಯಕ್ರಮ ಕು| ಹರ್ಷಿತಾರಾವ್ ಇವರ ಪ್ರಾರ್ಥನೆಯೊಂದಿಗೆ ಆರಂಭಗೊAಡಿತು. ಮೇಧಾ ಕಾಮತ ಆನೀ ವೃಂದಾ ನಾಯಕ ಹಾಂನಿA ಸೂತ್ರಸಂಚಾಲನ ಕೆಲೆಂ. ಆರ್. ಜಯದೇವ ಶೆಣೈ, ಕೃಷ್ಣ ಕಾಮತ, ವಿಶಾಲ್ ಪೈ ಸಹಕಾರ ದಿಲೊ. ಯು. ಪ್ರಕಾಶ್ ಶೆಣೈನ ಸೊಯೆಲೊ ವಳಕ ಕರನು ದಿಲೊ. ಪ್ರೇಮಾನಂದ ಮಲ್ಯ, ರಾಘವೇಂದ್ರ ಕಿಣಿ, ನರಸಿಂಹ ಭಂಡಾರಕರ್, ಸರ್ವೋತ್ತಮ ಭಂಡಾರಕರ್, ಮುರಳೀಧರ ನಾಯಕ, ವಿಷ್ಣು ಶೇವಗೂರ, ಪೂರ್ಣಿಮಾ ಜೆ. ಭಟ್ ಉಪಸ್ಥಿತ ಆಶಿಲೆ.

ಮಂಗಳೂರು: ವೈಶ್ಯ ಎಜ್ಯುಕೇಶನ್ ಸೊಸೈಟಿ ಹಾಜಿ ೮೪ವೀ ಮಹಾಸಭಾ ಆರತಾಂ ವೈಶ್ಯ ಎಜ್ಯುಕೇಶನ್ ಸೊಸೈಟಿಚೆ ಸಭಾಭವನಾಂತುA ಚಲಿ. ೨೦೧೯-೨೦ ವರಸಾಕ ಅಧ್ಯಕ್ಷ ಜಾವನು ಶ್ರೀನಿವಾಸ ಪುಂಡಲೀಕ ಶೇಟ್ ಆನೀ ಕಾರ್ಯದರ್ಶಿ ಜಾವನು ವಿನಾಯಕ ಕೃಷ್ಣ ಶೇಟ್ ಪರತೂನ ವಿಂಚೂನ ಆಯಲ್ಯಾಂತಿ. ಹೇರ ವಾಂಗಡಿ ಅಶೆಂ ಆಸಾತಿ.

ಖಜಾನದಾರ - ವರದರಾಯ ಸುಬ್ರಾಯ ನಾಗ್ವೇಕರ್, ಸಹ ಕಾರ್ಯದರ್ಶಿ - ಶಿವಶಂಕರ ಉಮೇಶ್ ಪಾಲ್ ಸಾಂದೆ ಜಾವನು ಪ್ರವೀಣ್ ಗೋಪಾಲ ಶೇಟ್, ರಾಜೇಶ್ ವಸಂತ ಪರಮಾನಂದ, ಅಶೋಕ್ ದಯಾನಂದ ರಾವ್, ವಿನೋದ ಸದಾಶಿವ ಶೇಟ್, ರಿತೇಶ್ ರಾಜಾರಾಮ್ ನಾಟೇಕರ್ ವಿಂಚೂನ ಆಯಲ್ಯಾಂತಿ. ವಿನೋದ ಸದಾಶಿವ ಶೇಟ್ ಹಾಂನಿA ಸೂತ್ರ ಸಂಚಾಲನ ಕೆಲೆಂ.

ಕಾರ್ಕಳ: ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ತುಳು, ಕೊಂಕಣಿ, ಕನ್ನಡ ನಾಟಕ, ರಚನಗಾರ, ದಿನೇಶ್ ಪ್ರಭು ಕಲ್ಲೊಟ್ಟೆ ಹಾಂಕಾA ಅರಸ್ ಕಟ್ಟೆ ಪ್ರಭು ಕುಟುಂಬೆಚಾನಿ ಕಾರ್ಕಳಚೆ ಕಾಶಿ ಮಠಾಂತುA ಸನ್ಮಾನ ಕೆಲೊ.

ಕರ್ನಾಟಕ ರಾಜ್ಯ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಅಧ್ಯಕ್ಷ ಡಾ| ಜಗದೀಶ್ ಪೈ ಸಭೆಚೆ ಅಧ್ಯಕ್ಷ ಆಶಿಲೆ. ಉದ್ಯಮಿ ವಿಜಯ ಶೆಟ್ಟಿ, ಸುರೇಂದ್ರ ಭಟ್, ರವೀಂದ್ರ ಪ್ರಭು, ಸುರೇಶ್ ಪ್ರಭು, ಮ್ಹಾಲ್ಗಡೊ ಕಲಾವಿದ ಮೋಹನ್ ದಾಸ್ ಪ್ರಭು, ಕಾರ್ಕಳ ಅಂಚೆ ಇಲಾಖೆಚೊ ಉಪ ಅಧೀಕ್ಷಕ ಧನಂಜಯ್ ಆಚಾರ್ ಮಾನಾಚೆ ಸೊಯ್ರೆ ಆಶಿಲೆ. ಪ್ರಕಾಶ್ ಪ್ರಭು ಹಾಂನಿA ಸ್ವಾಗತಾಚೆಂ ಉತ್ರಂ ಸಾಂಗಲಿA. ಶೋಭಾ ಬಾಸ್ಕರ ಹಾಂನಿA ಸೂತ್ರ ಸಂಚಾಲನ ಕೆಲೆಂ. ನಾಗೇಶ್ ಪ್ರಭು ಹಾಂನಿA ಆಬಾರ ಮಾನಲೊ.