Khaber/News (684)
Children categories
ಕೊಂಕಣಿ ಅಕಾಡೆಮಿ - ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರದಾನ ಕಾರ್ಯಕ್ರಮ
Written by Editor
ಹೊನ್ನಾವರ: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ 2023ಚೆ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರದಾನ ನವೆಂಬರ್ 10ಕ ಹಾಂಗಾಚೆ ಶಾನ್‌ಭಾಗ್ ರೆಸಿಡೆನ್ಸಿ ಹಾಂಗಾ ಚಲೆ. ಮಾರ್ಸೆಲ್ ಎಂ. ಡಿಸೋಜ, ಹ್ಯಾರಿ ಫೆರ್ನಾಂಡಿಸ್, ಅಶೋಕ ಕಾಸರ್‌ಕೋಡ್ ಹಾಂಕಾ° ಗೌರವ ಪ್ರಶಸ್ತಿ ಆನಿ ಮೇರಿ ಸಲೋಮಿ ಡಿಸೋಜ, ಸ್ಟೀಫನ್ ಮಸ್ಕರೇನ್ಹಸ್ (ಹೇಮಾಚಾರ್ಯ) ಆನಿ ಫಾ| ರೊಯ್ಸನ್ ಫೆರ್ನಾಂಡಿಸ್ ಹಾಂಕಾ° ಸನ್ಮಾನ ಚಲೊ.
ವೆಗವೆಗಳೆ ಕಲಾಪಂಗಡಾ ತಾವನ ಸಾಂಸ್ಕೃತಿಕ ಪ್ರದರ್ಶನಾಚೆ ಮೆರವಣಿಗೆಚೆ ಸಾಂಗತ ಪ್ರಶಸ್ತಿ ವಿಜೇತಾಂಕ ಮಾಂಟವಾಕ ಹಾಡಚೆ° ಜಾಲೆ°. ಆಶಾ ದೇವ್‌ರಾಯ್ ಮೇಸ್ತ ಆನಿ ಪಂಗಡಾನ ಮೂರ್ಣ ಕುಂಭ ಸ್ವಾಗತ, ನೆಲ್ಸನ್ ಲೋಪಿಸ್ ಆನಿ ಪಂಗಡಾಚೆ ಗೊಂಬೆ ನೃತ್ಯ, ಕೋಸ್ಟ ಫರ್ನಾಂಡಿಸ್ ಆನಿ ಪಂಗಡಾಚೆ ಶಿಗ್ಮೊ ನೃತ್ಯ, ಅಗ್ನೆಲ್ ಲೋಪಿಸ್ ಆನಿ ಮದರ್ ತೆರೆಜಾ ಬ್ಯಾಂಡ್ ಹಾಂಗೆಲೆ° ಬ್ರಾಸ್ ಬ್ಯಾಂಡ್ ಮೆರವಣಿಗೆಂತು° ಆಶಿಲೆ°. ಮರಿಯಾಣಿ ಎಂ. ಸಿದ್ದಿ ಆನಿ ಪಂಗಡ, ಮುಂಡುಗೋಡು ಹಾಂಗೆಲೆ° ಸಿದ್ದಿ ಜಾನಪದ ನೃತ್ಯ, ಲಕ್ಷ್ಮಣ್ ಖಾರ್ವಿ ಆನಿ ಪಂಗಡಾಚೆ ಖಾರ್ವಿ ಜಾನಪದ ನೃತ್ಯ, ಸುರೇಶ್ ಸಿ. ನಾಯ್ಕ್ ಆನಿ ಪಂಗಡಾಚೆ ಗುಮ್ಟೆಂ ಫಾಂಗ್ ಪ್ರದರ್ಶನ ಚಲೆ°. ಸಭಾ ಕಾರ್ಯಕ್ರಮಾಂತು° ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್, ಮುಖೇಲ ಸೊಯ್ರೆ ಮಿಲಾಗ್ರಿಸ್ ಕೊ.ಆಪರೇಟಿವ್ ಸೊಸೈಟಿಚೊ ಅಧ್ಯಕ್ಷ ಜೋರ್ಜ್ ಫೆರ್ನಾಂಡಿಸ್, ಮಾನಾಚೆ ಸೊಯ್ರೆ ಕಾಸರ್‌ಕೋಡ್ ಪಂಚಾಯತಾಚಿ ಅಧ್ಯಕ್ಷಾ ಮಂಕಾಳಿ ಪ್ರಕಾಶ್ ಹರಿಜನ್, ಅಖಿಲ ಭಾರತ ಕೊಂಕಣಿ ಖಾರ್ವಿ ಮಹಾಜನ್ ಸಭಾಚೊ ಅಧ್ಯಕ್ಷ ಮೋಹನ್ ನಾಗೇಶ್ ಬಾನಾವಳಿಕರ, ತಂಝಿ° ಭಟ್ಕಳ್ ಹಾಜೊ ಉಪಾಧ್ಯಕ್ಷ ಮೊಹಿದಿನ್ ರುಕ್‌ನದ್ದಿನ್, ಮಂಗಳೂರು ಧರ್ಮಪ್ರಾಂತ್ಯಾಚೊ ಸಾರ್ವಜನಿಕ ಸಂಪರ್ಕ ಅಧಿಕಾರಿ, ಅಕಾದೆಮಿಚೊ ಆದಲೊ ಅಧ್ಯಕ್ಷ ರೋಯ್ ಕ್ಯಾಸ್ತೆಲಿನೊ ಆನಿ ಅಕಾಡೆಮಿಚೊ ರಿಜಿಸ್ಟ್ರಾರ್ ರಾಜೇಶ್ ಜಿ. ಉಪಸ್ಥಿತ ಆಶಿಲೆ. ಸನ್ಮಾನಿತಾನಿ ತಾಂಗೆಲೊ ಅನುಭವ ವಾಂಟೂನ ಘೆತಲೊ. ಅಕಾಡೆಮಿಚೆ ಸಾಂದೆ ಜೇಮ್ಸ್ ಲೋಪಿಸ್ (ಸದಸ್ಯ ಸಂಚಾಲಕ) ನವೀನ್ ಲೋಬೊ, ರೊನಾಲ್ಡ್ ಕ್ರಾಸ್ತಾ, ಸಮರ್ಥ್ ಭಟ್, ಫಾ| ಪ್ರಶಾಂತ್ ಮಾಡ್ತಾ, ಅಕ್ಷತಾ ನಾಯಕ್, ಪ್ರಮೋದ್ ಪಿಂಟೊ, ಶ್ರೀನಿವಾಸ್ ಗೌಡ, ದಯಾನಂದ ಮಡ್ಕೇಕರ್, ಜಗದೀಶ್ ಖಾರ್ವಿ, ಮಾಮ್ದು ಇಬ್ರಾಹಿಂ ಉಪಸ್ಥಿತ ಆಶಿಲೆ. ವಿಕ್ಟರ್ ಮಥಾಯಸ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ರಿಜಿಸ್ಟ್ರಾರ್ ರಾಜೇಶ್ ಜಿ. ಹಾಂನಿ° ಆಬಾರ ಮಾನಲೊ. ಉಪರಾಂತ ಮನೋಜ್ ಲೊಪೀಸ್ ಆನಿ ಪಂಗಡಾ ತಾವನ ಸಂಗೀತ ರಸಮಂಜರಿ ಕಾರ್ಯಕ್ರಮ ಚಲೊ.
To Support Kodial Khaber click the following button.
ಡೊಂಬಿವಲಿ ಹಾಸ್ಯ ಪ್ರಧಾನ ಕೊಂಕಣಿ ನಾಟಕ 'ಲಗ್ನಾ ಪಿಶ್ಶೆ' ಪ್ರದರ್ಶನ
Written by Editor
ಮುಂಬಯಿ: ಬೃಹನ್ ಮುಂಬಯಿ, ಉಪನಗರ, ಬೆಂಗಳೂರು, ಮೈಸೂರು, ಕರಾವಳಿ ಕರ್ನಾಟಕಾಂತು° 16 ಪ್ರದರ್ಶನ ಕರನು ಲೋಕಾಮೋಗಾಳ ಜಾಲೆಲೆ 'ಲಗ್ನಾ ಪಿಶ್ಶೆ' ಕೊಂಕಣಿ ನಾಟಕಾಚೆ ಪ್ರದರ್ಶನ ದಹಿಸರ್ ಕಾಶಿ ಮಠಾಚೆ ವಠಾರಾಂತ ನವರಾತ್ರಿ ಸಂದರ್ಭಾರ ಜಾಲೆ°. ಆಮ್ಮೀ ರಂಗಕರ್ಮಿ (ರಿ), ಗುರುಕೃಪಾ ಕಲಾರಂಗ, ದಹಿಸರ್ ಕಾಶಿ ಮಠ ಹಾಂಗೆಲೆ ಸಹಯೋಗಾರ, ಜಿ.ಎಸ್.ಬಿ ಮಂಡಲ ದೊಂಬಿವಿಲಿ ಹಾಂಗೆಲೆ ಪ್ರಾಯೋಜಕತ್ವಾರ ಹೆ° ಜಾಲೆ°.
ನಾಟಕಕಾರ ಬಾಲಕೃಷ್ಣ ಪುರಾಣಿಕ್, ಕಾಸರಕೋಡ್, (ಉತ್ತರ ಕನ್ನಡ) ಹಾಂನಿ° ರಚಯಿಲೆ, ವಿಮಲಾ ಪೈ ವಿಶ್ವ ಕೊಂಕಣಿ ಪುರಸ್ಕೃತ ಎ. ಜಿ. ಕಾಮತ್ ಹಾಂನಿ° ಪುನರ್ಲೇಖನ ಕರನು ಲಿಮ್ಕಾ ಖ್ಯಾತಿ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನ ಕೆಲೆಲೆ ಹ್ಯಾ ನಾಟಕಾಕ ಕೃಷ್ಣ ಚಂದಾವರಕರ್ ಹಾಂನಿ° ಸಂಗೀತ ದಿಲೆಲೆ° ಆಸಾ. ಪಾತ್ರವರ್ಗಾಂತು° ಮುಂಬಯಿಚೆ ನಾವಾದೀಕ ಹಾಸ್ಯ ಕಲಾವಿದ ಕಮಲಾಕ್ಷ ಸರಾಫ್, ಯಕ್ಷಗಾನ ಆನಿ ಕೊಂಕಣಿ ರಂಗಭೂಮಿoತು° ನಾಂವ ಪಾವಿಲೆ ಅಕ್ಷತಾ ಕಾಮತ್, ವಿನೋದಿ ಕಲಾವಿದ ಹರೀಶ್ ಚಂದಾವರ, ಮ್ಹಾಲ್ಗಡೊ ಯಕ್ಷಗಾನ ಆನಿ ನಾಟಕ ಕಲಾಕಾರ ತೋನ್ಸೆ ವೆಂಕಟೇಶ್ ಶೆಣೈ, ಯುವ ಕಲಾಕಾರ ಪ್ರಮೋದ್ ಮಲ್ಯ, ಸುರೇಶ್ ಕಿಣಿ, ದಿವ್ಯಾ ಭಟ್, ಶ್ರೇಯಾ ಭಟ್ ಆನಿ ಹೇರಾನಿ ನಟನ ಕೆಲೆಲೆ° ಆಸಾ. ಆಮ್ಮಿ ರಂಗಕರ್ಮಿ ಸಂಸ್ಥೆಚೊ ವಿಶ್ವಸ್ತ ಸುಧಾಕರ್ ಭಟ್ ಹಾಂನಿ° ರಂಗವಿನ್ಯಾಸ, ದ್ವನಿ ನಿಯಂತ್ರಣ, ದೀಪ ಸಂಯೋಜನಾ ಆನಿ ಪಾರ್ಶ್ವ ಗಾಯನಾಚಿ ಜಬಾಬದಾರಿ ಘೆತಿಲಿ. ಶ್ರೇಯಾ ಭಟ್ ಹಾಂನಿ° ವೇಷ ಭೂಷ ಸಾಂಬಾಳಲೆ°.
To Support Kodial Khaber click the following button.
कोंकणी आमगेली अस्मिताय आनी विश्वास - अवधूत तिंबलो Featured
Written by Dr. Kasturi Mohan Pai
ಉಡುಪಿ: ಶ್ರೀ ಲಕ್ಷ್ಮೀ ವೆಂಕಟೇಶ್ ದೇವಸ್ಥಾನ ತೆಂಕಪೇಟೆ ಉಡುಪಿಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿ ಆನಿ ಜಿ. ಎಸ್. ಬಿ. ಯುವಕ ಮಂಡಳಿಚೆ 54ವೊ° ವಾರ್ಷಿಕೋತ್ಸವ ಆರತಾ° ಚಲೊ. ಹ್ಯಾ ವೇಳಾರ ಕೆ. ಎಮ್. ಸಿ. ಉದ್ಯೋಗ ಕರನು ನಿವೃತ್ತ ಜಾಲೆಲೆ 22 ವರಸ ದಾಕೂನು ಶ್ರೀ ಶಾರದಾ ಮಾತೆಕ ಕಾಪಡ ನೆಸೊಚೆ ನಗ ಘಾಲನು ಶ್ರಂಗಾರ ಕರನು ಸೇವಾ ದಿಲೆಲೆ ನರಹರಿ ಪ್ರಭು ಹಾಂಕಾ° ಸನ್ಮಾನ ಚಲೊ. ಹಾಂನಿ° ಶ್ರೀ ಲಕ್ಷ್ಮೀ ವೆಂಕಟೇಶ ದೇವಾಲೆ ಸನ್ನಿಧಿಂತು° 1008 ಭಜನ (ಮರಾಠಿ, ಕೊಂಕಣಿ, ಕನ್ನಡ) ಸಂಗ್ರಹ ಕರನು ಪುಸ್ತಕ ರೂಪಾರಿ ಮೋಕಳಿಕ ಕೆಲೆಲೆ ಆಸಾ. ದೇವಳಾಚೆ ಮೊಕ್ತೆಸರ ಪಿ. ವಿ. ಶೆಣೈ, ಮುಖೇಲ ಸೊಯ್ರೆ ಕೆ. ಎಮ್. ಸಿ ಆಸ್ಪತ್ರೆಚೆ ಕ್ಯಾನ್ಸರ್ ತಜ್ಞ ಡಾ. ಅನಂತ ಪೈ ಹಾಂನಿ° ಸನ್ಮಾನ ಕೆಲೊ.
To Support Kodial Khaber click the following button.
ಕೊಂಕಣಿ ಅಕಾಡೆಮಿ ಗೌರವ ಪ್ರಶಸ್ತಿ ಆನಿ ಪುಸ್ತಕ ಪುರಸ್ಕಾರ ಪ್ರಕಟ Featured
Written by Editor
ಯಕ್ಷಗಾನ ಕ್ಷೇತ್ರಾಂತ ಖೂಬ ಸಾಧನಾ ಕೆಲೆಲೆ ರತ್ನಾಕರ ಶೆಣೈ ಹಾಂಕಾ° ಸನ್ಮಾನ
Written by Editor
ಉಡುಪಿ: ಹಾಂಗಾಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನಾಚೆ ಶ್ರೀ ಶಾರದಾ ಮಹೋತ್ಸವ ಸಮಿತಿನ ನವರಾತ್ರಿಚೊ ವಾಂಟೊ ಜಾವನು ಶಿವಪ್ರಭಾ ಯಕ್ಷ ವಿಶ್ವ ಬಳಗ ಶಿವಪುರ ಹಾಂಗಾಚೆ ವಿದ್ಯಾರ್ಥಿಯಾಲೆ° ಕೊಂಕಣಿ ಯಕ್ಷಗಾನ - ಶ್ರೀ ಕೃಷ್ಣ ಪುಷ್ಪ ವಿಲಾಸ ಪ್ರರ್ದರ್ಶನ ಆಯೋಜನ ಕೆಲೆಲೆ°. ರತ್ನಾಕರ ಶೆಣೈ ಶಿವಪುರ ಹಾಂಗೆಲೆ ನಿರ್ದೇಶನ ಆನಿ ಭಾಗವತಿಕೆರಿ ಹೆ° ಜಾಲೆ°. ಮದ್ದಲೆರಿ ಆನಂದ್ ಭಟ್, ಚೆಂಡೆರಿ ಪ್ರದೀಪ್ ಭಟ್, ಗಣೇಶ್ ಶೆಣೈ ಆನಿ ಸಂದೇಶ್ ಹಾಂನಿ° ಸಾಥ ದಿಲೆ°. ಹ್ಯಾಚ ವೇಳಾರ ಯಕ್ಷಗಾನ ಕ್ಷೇತ್ರಾಂತು° ವಿಶಿಷ್ಟ ಸಾಧನಾ ಕೆಲೆಲೆ, ಅಂತರರಾಷ್ಟ್ರೀಯ ಆರ್ಯಭಟ ಪ್ರಶಸ್ತಿ ಪುರಸ್ಕೃತ, ಫುಕಟ ಶಂಬರಿಕಯೀ ಚಡ ವಿದ್ಯಾರ್ಥಿಯಾಂಕ ಕನ್ನಡ, ಕೊಂಕಣಿ, ತುಳು ಭಾಷೆಂತು° ತರಬೇತಿ ದೀವನು ಯಕ್ಷಗಾನ ಪ್ರದರ್ಶನ ದಿಲೆಲೆ ಭಾಗವತ ರತ್ನಾಕರ ಶೆಣೈ ಶಿವಪುರ ಹಾಂಕಾ° ಸನಮಾನ ಚಲೊ. ದೇವಳಾಚೆ ಮೊಕ್ತೇಸರ ಪಿ. ವಿ. ಶೆಣೈ, ಜಿ.ಎಸ್.ಬಿ. ಯುವಕ ಮಂಡಳಿಚೊ ಅಧ್ಯಕ್ಷ ನಿತೇಶ್ ಶೆಣೈ ಆನಿ ಹೇರ ವಾಂಗಡಿ ಉಪಸ್ಥಿತ ಆಶಿಲೆ. ಉಪರಾಂತ ಶ್ರೀ ಶಾರದಾ ಮಾತೆಲೊ ವಿಸರ್ಜನಾ ಶೋಭಾ ಯಾತ್ರಾ ಚಲಿ. ಅರ್ಚಕ ವಿನಾಯಕ್ ಭಟ್ ಹಾಂನಿ° ಶ್ರೀ ಶಾರದಾ ದೇವಿಕ ಆರತಿ ದಾಕೋವನು ವಿಸರ್ಜನಾ ಮೆರವಣಿಗೆಕ ಚಾಲನಾ ದಿಲೆ°. ವಿಸರ್ಜನಾ ಶೋಭಾ ಯಾತ್ರಾ ದೇವಳಾ ದಾಕೂನ ಭಾಯರ ಸರನು ಪೊರನೆ ಡಯಾನಾ ಸರ್ಕಲ್, ಕೆ ಎಮ್ ಮಾರ್ಗ, ತ್ರಿವೇಣಿ ಸರ್ಕಲ್, ಚಿತ್ತರಂಜನ್ ಸರ್ಕಲ್ ಜಾವನು ಕೊಳದಪೇಟೆ ವಾಟೆರಿ ದೇವಳಾಕ ಪರತೂನ ಯೆವನು ಪದ್ಮ ಸರೋವರಾಂತು° ಜಲಸ್ತಂಭನ ಕರಚೆಂ ಜಾಲೆ°. ಶೋಭಾ ಯಾತ್ರೆಂತು° ವಾಜಪ, ನಾಸಿಕ್ ಬ್ಯಾಂಡ್, ಸ್ತಬ್ದ್ ಚಿತ್ರ° ಶ್ರೀ ವೆಂಕಟರಮಣ, ಶ್ರೀ ರಾಮಾಲೊ ಪಟ್ಟಾಭೀಷೇಕ, ಕೂರ್ಮಾವತಾರ, ಶಿವಾ ತಾಂಡವ, ಕೊಲ್ಲೂರು ಮುಂಕಾοಬಿಕಾ, ಸ್ಪರಸ್ಪತಿ ಆನಿ ಹೇರ ಟ್ಯಾಬ್ಲೋ ಆಶಿಲೆ. ಶ್ರೀ ರಾಘವೇಂದ್ರ ಭಜನಾ ಮಂಡಳಿ ಉಡುಪಿ ಹಾಂಗೆಲೆ ವಿಶೇಷ ಭಜನಾ ಸೇವಾ ಆಶಿಲೆ.
To Support Kodial Khaber click the following button.
More...
कोची: शांकरा एकात्मक भारत रथयात्रेचे पयलें कोची जनार्दन देवस्थानांत दर्शन घेवपाक पाविल्या हाळदीपूर तथा काशी मठाधीश वामनाश्रम स्वामीक महाजनांनी भक्तीभरीत येवकार दिल्लो. देवस्थानाचे पुरोहित माधवभट हांच्या मुखेलपणार अधिकारी श्रीकुमार जी. शेटी, प्रसाद वी.शेटी, बिजू आर.शेट, आर.एस.अरूण, एस.एस.सुशांत मेळनु वामनाश्रम स्वामीक
पूर्णकुंभ भेटोवन देवस्थानांत येवकारलो. देव दर्शनाचे उपरांत स्वामीजीन सनातनधर्माचे प्रचाराक खातीर आपूण कन्याकुमारी सावन काश्मीर पर्यंत चलोवपी शंकरा एकात्मक भारत रथयात्रेचे विशीं महाजनांक मायती दिल्ली आनी ह्या कार्याक सगटांचो सहकार आसूंक जाय अशी सांगले. ह्या म्हयन्यांत 21 तारिखेक कन्याकुमारी सावन रथयात्रा समारंभ जाता.
उपरांत, पयलें वर्सा आपल्यान कालडी सावन काशी मेरेन चलयली शांकरा एकात्मक पादयात्रेंत आपल्याक अनुगमन केल्लेल्या कांय सेवकांक आदर केल्ले. साहित्य अकादमी पुरस्कृत नामनेचे कोंकणी साहित्यीक आर.एस.भास्कर हांचो सभेंत शाल पांगरून ह्या वेळार आदर जालो. भास्कर हें माय भाशेचे खातीर उत्कृश्ट काम करीत आसा अशें स्वामीजीन सांगले. आर.एस.भास्कर हांणें आपलें उलोवपांत मांडगांवांत 26 आनी 27 तारिखेक जावपी अखिल भारतीय कोंकणी अधिवेशना विशीं आनी डिसेंबर म्हयनांत कोंचींत घडोवपी परिशदेचे मनोमिलन संम्मेळनाचे विशीं मायती दिल्ली आनी दोनय कार्यावळींत सगटांनी वांटो घेवपाक जाय अशी विनंती केल्ली.
ह्या उपरांत वामनाश्रम स्वामीन सगटांक मंत्राक्षत भेटेयलें.
अखिल भारतीय कोंकणी परिशदेचे फुडाऱ्याक कोचींत येवकार
Written by चन्द्रबाबु यु.शेटी
पळ्ळुरुती: अखिल भारतीय कोंकणी परिशदेचे मडगांवांत जावपी 33व्या अधिवेशनाची मायती दिवूंक आनी कोंकणी लोकांक आपोवणें दिवपाक खातीर कोचींत पाविल्या अखिल भारतीय कोंकणी परिशदेचे कार्याध्यक्ष चेतन आचार्य आनी येवकार समितीचे अध्यक्ष प्रशांत नायक हांकां कोंकणी प्रेम्यांचे एकमेळींत ऊष्मळ येवकार दिल्लो. कोची लागसार पळ्ळूर हांगाच्या श्री वेंकटाचलपती देवस्थान विध्यानिकेतन शाळेचाया सभाघरांत केरळ कोंकणी अकादमीचे मुखेलपणार घडयलें कार्यावळींत अकादमीचे अध्यक्ष पी.एन.कृष्णन हाणें यजमानपण चलेयलें. कार्यदर्शी चन्द्रबाबु यु.शेटी हांणें येवकाराचे भाषण केल्ले. सुर्वेक कुमारी अंज्ञली रंजीत हांणे प्रार्थनागीत गायलें आनी सीतालक्ष्मी विजीत हांणी येवकारगीत गायलें.
परिशदेचे कार्याध्यक्ष चेतन आचार्य हांणी ऑक्टोबर 26 आनी 27 तारिखेक मडगावांत जावपी अखिल भारतीय कोंकणी परिशदेचें 33व्या अधिवेशना विशीं भेस बरें मायती दिली. केरळचे कोंकणी प्रेमियांनी खूब अंकड्यानी आपले पूर्वजांची भूंय गोंयांत पावपाक जाय आनी अधिवेशनांत वांटो घेवन कार्यावळ येस करपाक जाय अशी परतून विनंती केल्ली. विद्यार्थ्यां खातीरय प्रत्येक कार्यक्रम आसतलें अशेंय ताणें सांगलें.
केरळचे लोक अजुन गोंयचे कडेन नातें राकून आसा हें स्वागतगीत गायनांत सावन समजले आनी आयकून साबार खोस भोगता अशें येवकार समितीचे अध्यक्ष प्रशांत बाब नायक हांणें आपला उलोवपांत सांगलें.
प्रो.मोहन राव, कोची मनोमिलन संम्मेळनाचे येवकार समिती अध्यक्ष प्रो.के.एन.आर.भट, मुखेल निमंत्रक सुदीष शेणै, परिशद उपकार्याध्यक्ष आर.एस.भास्कर, कुडुंबी समाज प्रतिनिधी सदानंदन मास्टर, कुणबी रामायणाची लेखिका माया सदानंदन, प्रिया प्रवीण शेट हांणीं उलेयलें.
केरळ कोंकणी अकादमीचे वतीन पळ्ळुरुती हांगा घडयले कोंकणी प्रेमी संगमांत चेतन आचार्य उलेयतना.कुशीक चन्द्रबाबु शेटी, पी.एन.कृष्णन, प्रशांत नायक आनी के.एन.आर.भट.
चन्द्रबाबु यु.शेटी
कार्यदर्शी
केरळ कोंकणी अकादमी
9446558935
अखिल भारतीय कोंकणी परिशद केरळांत मनोमिलन संम्मेळन घडयतले
Written by Editor
अखिल भारतीय कोंकणी परिशद केरळांत मनोमिलन संम्मेळन घडयतले - येवकार समिती निवड जाली
कोच्ची: अखिल भारतीय कोंकणी परिशदेचे मनोमिलन संम्मेळन अंदू वर्सा कोच्चींत जातले. कार्यावळ यशस्वीपणान घडेवंन हाडपाक खातीर येवकार समिती वेंचून काडली.कोच्ची सारस्वत एसोसियेषन सभाघरांत केरळ कोंकणी अकादमीचे वतीन घडयलें सभेंत कोंकणी मोगी आनी कोंकणी मातृभासी विंगविंगड समाजाचे प्रतिनिधि मेळनु साबार लोकानी वांटो घेतलो.
केरळ कोंकणी अकादमीचे अध्यक्ष पी.एन.कृष्णन हांगेल्या यजमानपणार चलयले कार्यावळ निवृत्त न्यायाधीश के.के.उत्तरन हांणी दिवली पेटोवन उक्तावण केल्ली.सुरवेक प्रो.के.एन.रमेश भट हांणें प्रार्थनागीत गायलें. अकादमीचे सरकर्दरशी चन्द्रबाबु यू.षेटी हांणे सभेक येवकर दिल्लो आनी अखिल भारतीय कोंकणी परिशदेचे विशीं आनी मनोमिलन कार्यावळीचे विशीं संक्षिप्त मायती दिल्ली.
ए.श्रीधर पै ( गौड सारस्वत ब्राह्मण ग्रामा सभा), बी.रमेश शेट (दैवज्ञ ब्राह्मण सभा), प्रो.जी.मोहन राव (सारस्वत समाज), रमेश अमरावती (केरळ वैश्य समाज), के.प्रकाश (कुडुंबी समाज), अनंत जी.कम्मत, स्यामळा एस.प्रभू, जयानंद के.पै, वी.बलराम शेटी (वैश्य वाणी संस्कृती मंडळ), हांणीं उलेयले.
येवकार समितीचे अध्यक्ष म्होण प्रो.के.रमेश भट हांची निवड जाली. एस. सुदीश शेणै समितीचे मुखेल निमंत्रक आसतलें जाल्यार प्रो.जी.मोहन राव भांडारी म्हणूय नियुक्ती जाली. परिशदेचे उपाध्यक्ष आर.एस.भास्कर हांणी निरीक्षक म्होण वांटो घेतलो.
अकादमीचे कार्यदर्शी के.विजयन हांणें उपकार मागलो.
फोटो:
कोचींत जाल्ले अखिल भारतीय कोंकणी परिशदेचे मनोमिलन कार्यावळीचे निर्णय सभा निवृत्त न्यायाधीश के.के.उत्तरन दिवली पेटेवंन उक्तावण करतना.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
https://www.youtube.com/user/MrBaligavenkatesh
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ‍್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Home
ಶ್ರದ್ಧಾಂಜಲಿ
ಅಂಡಾರು ರಾಮದಾಸ ಕಿಣಿ
Featured Chandrika Mohan Pai KC Prabhu
Anniversaries
Shabdh Vihaar
Homage
Jobs Finders
Well Wishers
Most Read
- ಆಧುನಿಕ ಮಹಾಭಾರತ
- “ದಕ್ಷಿಣದ ಸಾರಸ್ವತರು”
- कन्याकुमारिच्या स्वामी विवेकानंद स्मारकाक ५० वरसां
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- GSB Scholarship League Application
- ರಚನಾ...
- ಜುನಾಗಢ್
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- तुळशी काट्टो
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- 'ಮಹಾ ಸರಕಾರ"
- ಹುಂಬರು (ಉಂಬರು)
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ತಾಕೀತ (ತಾಕೀದ)
- ಗುಜರಾತ - ಪಾಲಿಟಾನಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- स्वावलंबन आनी आत्मविश्वास
- भारताचे अमृत स्वातंत्र महोत्सवाचे पांच अमृत घडियो
- ಮಸೀಂಗ
- ಉದ್ಯೋಗ ಆನೀ ನಿರುದ್ಯೋಗ
- SUKRTINDRA ORIENTAL RESEARCH INSTITUTE
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಶ್ರಾವಣ ಮಾಸು ಆನಿ ಚೂಡಿ ಪೂಜಾ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
Homage
Events
Who is Online?
We have 160 guests and no members online
