Displaying items by tag: Gokarn Math
ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಪೀಠಾರೋಹಣ
ಶ್ರೀ ಗೋಕರ್ಣ ಪರ್ತಗಾಳಿ ಮಠಾಚೆ 24ವೇ ಯತಿವರ್ಯ ಜಾವನು ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಪೀಠಾರೋಹಣ
ಕಾನಕೋಣ (ಗೊಂಯ): ಶ್ರೀ ಗೋಕರ್ಣ ಪರ್ತಗಾಳಿ ಮಠಾಚೆ 23ವೇ ಯತಿವರ್ಯ ಜಾವನು ಆಶಿಲೆ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿ ಹಾಂನಿo ಜುಲೇ 19ಕ ವಿಷ್ಣುಸಾಯುಜ್ಯ ಪ್ರಾಪ್ತ ಕೆಲಿಲ್ಯಾವೆಲ್ಯಾನ ಶ್ರೀ ಮಠಾಚೆ 24ವೇ ಮಠಾಧೀಶ ಜಾವನು ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂನಿo ಜುಲೈ 30ಕ ಗೊಂಯಚೆ ಪರ್ತಗಾಳಿ ಮಠಾಂತು ಪೀಠಾರೋಹಣ ಕೆಲೆo. ಹೋ ಶುಭ ಸಂದರ್ಭ ಪಳೋವಚ್ಯಾಕ ರಾಜ್ಯ ಪರರಾಜ್ಯಾಚೇ ಸಾಬಾರ ಶಿಷ್ಯ ಜನಾನಿ ಪರ್ತಗಾಳೀಕ ಯೆವನು ಭಾಗ ಘೆತ್ಲೊ. ಕೋವಿಡ್ 19 ಕಾರಣಾನ ಇತರ ಜನಾನಿ ಅಂತರ್ಜಾಲಾಚೇರ ತೊ ಕಾರ್ಯಕ್ರಮ ಪಳಯಲೊ. ಶ್ರೀಮದ್ ವಿದ್ಯಾಧೀಶ ತೀರ್ಥ ಸ್ವಾಮ್ಯಾಲೆo ಪೂರ್ವಾಶ್ರಮಾಚೆ ಜನ್ಮ ನಾಂವ ಉದಯ ಲಕ್ಷಿ÷್ಮನಾರಾಯಣ ಭಟ್ಟ ಶರ್ಮಾ. ಉ.ಕ. ಜಿಲ್ಲೆಚೆ ಹೊನ್ನಾವರ ತಾಲೂಕೇಚೆ ಕಾಸರಕೋಡ ಗ್ರಾಮಾಂತ ಅ.1 6, 1995 ದಿವಸ ತಾನ್ನಿ ಜನ್ಮ ಘೆತಲೊ. ತಾಂಗೆಲ ಬಾಪಾಯ್ಲೆo ನಾಂವ ಲಕ್ಷಿö್ಮನಾರಾಯಣ ಅನಂತ ಭಟ್ಟ, ಆನಿ ಆವಯ್ಲೆo ನಾಂವ ಪದ್ಮಾವತಿ ಭಟ್ಟ. ತೇ ಮೂಲತಃ ಉತ್ತರ ಕನ್ನಡ ಜಿಲ್ಹೆಚೆ ಭಟ್ಕಳಾಂತ ಶ್ರೀ ಗೋಪಾಲಕೃಷ್ಣ ದೆವಳಾಚೆ ಅರ್ಚಕ ಜಾವನು ಆಶಿಲೆ. 1996 ಇಸವೀಂತ ಬೆಳಗಾಂವಾoತ ಶ್ರೀ ವಿದ್ಯಾಧಿರಾಜ ಭವನ ಬಾಂದೂನು ಜಾಯನಾಪುಡೆ ಪರ್ತಗಾಳೀ ಮಠಾಧೀಶ ಶ್ರೀ ವಿದ್ಯಾಧಿರಾಜ ಸ್ವಾಮ್ಯಾಲೇ ಆಜ್ಞಾ ಅನುಸಾರ ಶ್ರೀ ಲಕ್ಷಿö್ಮನಾರಾಯಣ ಭಟ್ಟ ಹಾಂನಿo ವೈದಿಕ ಜಾವನು ಬೆಳಗಾಂವಚ್ಯಾ ವಿದ್ಯಾಧಿರಾಜ ಭವನಾಂತ ವಚೂನ ರಾಬಲೆ. ಉದಯ ಶರ್ಮಾಕ ಎ. 17, 2006ಕ ಉಪನಯನ ಸಂಸ್ಕಾರ ಜಾಲೊ. ಉದಯ ಶರ್ಮಾ ಹಾಗೆಲೆo ಪ್ರಾಥಮಿಕ ಶಿಕ್ಷಣ ಬೆಳಗಾಂವಚ್ಯಾ ಮಹಿಳಾ ಮಂಡಲ ವಿದ್ಯಾಲಯಾಂತ ಆನಿ ಪದವಿಪೂರ್ವ ವಿದ್ಯಾಭ್ಯಾಸ ಗೋವಿಂದರಾಮ ಸಕ್ಸಾರಿಯಾ ಪಿ.ಯು. ಕಾಲೇಜಾಂತ ಜಾಲೊ. ನಂತರ ತೋ ಬೆಳಗಾಂವಚ್ಯಾ ಮರಾಠಾಮಂಡಲ ಇಂಜಿನಿಯರಿoಗ್ ಕಾಲೇಜಿಂತ ದ್ವಿತೀಯ ವರ್ಷಾಚೆ ಮೆಕ್ಯಾನಿಕಲ್ ಇಂಜಿನಿಯರಿoಗ್ ಶಿಕ್ಷಣ ಪ್ರಾಪ್ತ ಕರ್ತನಾ ಶ್ರೀ ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿಲೋ ಕೃಪಾಕಟಾಕ್ಷ ತಾಜೇರ ಪಡಲೊ. ಪೂರ್ವಭಾವೀ ಜಾವನು ಘರಾಣೇ, ದೈಹಿಕ ಸ್ವಾಸ್ತö್ಯ, ಮಾನಸಿಕ ಸ್ವಾಸ್ತ, ಬುದ್ದಿಮತ್ತಾ, ಚಾಲ ಚಲಾವಣ, ವ್ಯಾವಹಾರಿಕ ಜ್ಞಾನ ಇತ್ಯಾದಿ ಸರ್ವಗುಣ ಸೂಕ್ಷ÷್ಮ ಜಾವನು ಪಳೋವನು, ನಂತರ ಜಾತಕಾಚಿ ಪರಾಮರ್ಶಾ ಕರನು ತೇo ಘಡೂನ ಯೆನಾಪುಡೆ ಶ್ರೀರಾಮದೇವಾ ಲಾಗ್ಗಿ ಕೌಲಪ್ರಸಾದ ವಿಚಾರಲೊ. ದೇವಾನ ಆಶೀರ್ವಾದ ಪೂರ್ವಕ ಪ್ರಸಾದ ದಿಲೋ. ತೆನ್ನಾ ಮಠಾಚೆ ನಿಯೋಜಿತ ಮಂಡಳಿಚೆ ಭಕ್ತಾನಿ ವಟುಲೇ ಆವಯ ಬಾಪಯ ಆನಿಕ ವಟೂಲಿ ಸಹಮತಿ ಘೇವನು ಜಯ ಸಂವತ್ಸರಾಚೆ ಜ್ಯೇಷ್ಠಶುಕ್ಲ ದ್ವಿತೀಯಾ ಮ್ಹಳ್ಯಾರ ಮೆ. 30, 2014ಕ ವಟೂಕ ಪರ್ತಗಾಳಿಕ ಆಪೋವನು ಹಾಡಲೆo. ತ್ಯಾ ದಿವಸ ಮಠ ಪರಂಪರೇಚೆ 18ವೇ ಯತಿವರ್ಯ ಶ್ರೀಮದ್ ಪೂರ್ಣಪ್ರಜ್ಞ ತೀರ್ಥ ಸ್ವಾಮ್ಯಾಂಲೋ ಆರಾಧನೆಚೊ ದಿವಸ ಆಶಿಲೊ ಏಕ ಯೋಗಾಯೋಗ ಮ್ಹಣಯೇತ.
ಶ್ರೀ ಉದಯ ಶರ್ಮಾ ಹಾಕಾ ಮಾತೃಭಾಷೆ ಕೊಂಕಣಿಚೆ ಬರೋಬರ ಕನ್ನಡ, ಮರಾಠಿ, ಹಿಂದಿ, ಇಂಗ್ಲಿಷ ಭಾಷಾಜ್ಞಾನ ಆಸಾ. ಲ್ಹಾನಪಣಾ ಧರನು ಬಾಪಾಯ್ಕ ವೈದಿಕ ವೃತ್ತಿಂತು ಸಹಾಯ ಕರ್ತಾ ಆಶಿಲ್ಯಾನ ದೇವಪೂಜಾ, ಧಾರ್ಮಿಕ ಅನುಷ್ಠಾನ ಆನಿ ಸನಾತನ ಸಂಸ್ಕಾರಾoತು ತಾಕಾ ಅನುಭವ ಆಶಿಲೊ. ದೇವಾಕ ವಿವಿಧ ಫುಲ್ಲಾನ್ನೀ ಅಲಂಕಾರ ಕರಚಾಂತುo ತಾಕಾ ಭಾರಿ ಸಂತೋಷ ಜಾತಾ. ಹೋ ಸ್ವಭಾವತಃ ಮೃದುಭಾಷಿ, ಮಿತಭಾಷಿ, ಸರಳಜೀವಿ. ದೇವ ಗುರೂಂಕ ಗೌರವ, ಸದ್ಗುಣ ಆನಿ ಧಾರ್ಮಿಕ ಪ್ರವೃತ್ತಿ ಲ್ಹಾನಪಣಾ ಧರನು ಆಯಿಲಿ. ಪರ್ತಗಾಳಿಂತು ಶ್ರೀ ವಿದ್ಯಾಧಿರಾಜ ತೀರ್ಥ ಸ್ವಾಮ್ಯಾನಿ ಜ್ಯೇಷ್ಠ ಶುಕ್ಲ ಪಂಚಮಿಚೇ ಪುಷ್ಯ ನಕ್ಷತ್ರಾಚೆ ವೃದ್ಧಿ ಯೋಗಾಂತು ಮಠ ಪರಂಪರೇಚೆ ಸರ್ವ ಗುರುವರ್ಯಾಂಲೆ ವೃಂದಾವನಾo ಆಶಿಲೆ ವಠಾರಾಂತು ವಿದ್ಯಾಭ್ಯಾಸಾಚೀ ಶುರುವಾತ ಕೆಲೆಲೆಂ ಏಕ ಸುಯೋಗ ಅಶಿo ಮ್ಹಣಯೇತ. ದೋಗ ಜಣ ಪಂಡಿತೋತ್ತಮಾಲೆ ಕಡೇಚ್ಯಾನ ಸಂಸ್ಕೃತ, ವ್ಯಾಕರಣ, ಕಾವ್ಯ, ಸಾಹಿತ್ಯ ವೇದ-ವೇದಾಂಗ ಹ್ಯಾ ಸಗ್ಳೆ ವಿಷಯಾಂತ ವಿದ್ಯಾಭ್ಯಾಸ ಚಲೊ. ವಟೂಂಕ ವಿದ್ಯಾಭ್ಯಾಸಾಂತು ವಿಶೇಷ ಆಸಕ್ತಿ ಆಶಿಲಿ ಪಳೊವನು ಶಿಕ್ಷಕಭೀ ಖುಷಿ ಜಾಲೆ. ತಾಂನಿo ಬ್ರಾಹ್ಮೀ ಮುಹೂರ್ತಾಂತ ವಿದ್ಯಾಭ್ಯಾಸ ಕೆಲ್ಯಾರಿ ಉತ್ತಮ ಫಲಿತಾಂಶ ಮೆಳತಾ ಮ್ಹಣು ಸ್ವಯಂ ಪ್ರೇರಣೇನ ಗುರು ಶ್ರೀ ವಿದ್ಯಾಧಿರಾಜ ತೀರ್ಥಾಂ ಕಡೇನ ಅನುಮತಿ ಘೇವನು ಸಕಾಳಿo 4-30 ಘಂಟ್ಯಾಕ ಉಟೂನು ಶಿಕ್ಷಣ ಘೆತ್ತಾಶಿಲೆ. ದಿವಸಾಕ ಪಾಂಚ ಪಂತಾಕ ಪಾಠ ಚಲ್ತಾಲೆ. ಸ್ವತಃ ಗುರುಮಹಾರಾಜ ಪಾಠ ಪ್ರವಚನಾಂತು ಉಪಸ್ಥಿತ ಊರ್ನು ದೇಖರೇಖ ಕರತಾಲೆ. ಪಾಠ ಪಠನ ಜಾಲೆ ನಂತರ ತ್ಯಾ ತ್ಯಾ ದಿವಸಾಚೇ ಪಠ್ಯ ವಿಷಯಾ ಬದ್ದಲ ಚರ್ಚಾ ಕರಚಿ, ಆಪಣ್ಯಾಕ ಕಳ್ನಾಶಿಲ್ಲೆ ವಿಷಯ ಶ್ರೀಗುರು ಮಹಾರಾಜಾಂ ಕಡೇನ ವಾ ಶಿಕ್ಷಕಾಂ ಕಡೇನ ವಿಚಾರನು ಧೃಡ ಕರನು ಘೆತಾಲೆ. ತಾಂಗೆಲೀ ಉಮೇದಿ ಪಳೊವನು ಶ್ರೀ ಮಠಾಚೆ ಆರಾಧದೈವ ಶ್ರೀ ರಾಮಾಲೆ ಅನುಗ್ರಹಾನ ಮಠಾಕ ಯೋಗ್ಯ ವಟೂ ಲಭ್ಯ ಜಾಲೊ ಮ್ಹಣು ಗುರುವರ್ಯಾಂಕ ಆನಿ ಮಠಾನುಯಾಯಿ ಜನಾಂಕ ಸಂತ್ರಪ್ತಿ ಜಾಲಿ.
ಶಿಷ್ಯ ಸ್ವೀಕಾರ ಸಮಾರಂಭು ಗೋಮಾಂತಕಾಚೆ ಪರ್ತಗಾಳಿ ಮಠಾಂತು ಮಾಘ ಶುಕ್ಲ ದ್ವಾದಶೀ ಬುಧವಾರ ಫೆ. 8, 2017ಕ ಪ್ರಾರಂಭ ಜಾವನು ದುಸರೇ ದಿವಸು ಸಕಾಳಿಂ 9.22 ಘoಟ್ಯಾಕo ಪ್ರಣವ ಮಂತ್ರೋಪದೇಶ ದಿಲೊ. ಹ್ಯಾ ಶುಭ ಮುಹೂರ್ತಾಂತು ಉದಯ ಭಟ್ಟ ಹಾಕಾ ‘ಶ್ರೀ ವಿದ್ಯಾಧೀಶ ಶ್ರೀಪಾದ ವಡೇರ ಸ್ವಾಮೀಜಿ’ ಮ್ಹಣೂ ಪುನರ್ನಾಮಕರಣ ಕೆಲೆo. ಹೋ ಶುಭ ಸಂದರ್ಭ ಪಳೋವಚಾಕ ರಾಜ್ಯ ಪರರಾಜ್ಯಾಚೇ ಅಪಾರ ಶಿಷ್ಯವರ್ಗ ಪರ್ತಗಾಳೀಕ ಆಯಿಲೆ. ತ್ಯಾ ನಂತರ ಗೆಲ್ಲಿಲ್ಯಾ 4 ವರ್ಷ ಪರ್ಯಂತ ನಿರಂತರ ಜಾವನು ಶ್ರೀ ವಿದ್ಯಾಧಿರಾಜ ಸ್ವಾಮ್ಯಾಲೇ ನಿಕಟ ಸಂಪರ್ಕಾoತು ಆಸೂನು ಶ್ರೀ ಮಠಾಚೀ ಪರಂಪರಾ, ಅನುಸರಣ ಕರಚೆ ನೀತಿ-ನಿಯಮ, ಸಂಪ್ರದಾಯ ಹ್ಯಾ ಸಗಳೆ ವಿಷಯ ತಾಂನಿo ಸಮಝೂನು ಘೆತಲೆ. 2017 ಇಸವೀಂತು ಪರ್ತಗಾಳಿಂತು, 2018 ಇಸ್ವೀಂತು ಹುಬ್ಬಳ್ಳಿಂತು, 2019 ಇಸ್ವೀಂತು ಬದರೀನಾಥ ಕ್ಷೇತ್ರಾಂತು ಘಡಿಲ್ಯಾ ಗುರುಮಹಾರಾಜಾಂಲೋ ಸುವರ್ಣ ಚಾತುರ್ಮಾಸ, 2020 ಇಸ್ವೀಂತು ಪುನಃ ಪರ್ತಗಾಳಿಂತು ಜಾಲಿಲೊ ಚಾತುರ್ಮಾಸ ಆಶಿo ಸಗಲೆ ಕಡೇನ ಗುರುವರ್ಯಾo ಬರ್ಶಿ ಉಪಸ್ಥಿತ ಊರ್ನು ಚಾತುರ್ಮಾಸ ವ್ರತಾಚೀ ವೃತಾಚರಣಾ ಪಳೊವನು ಶ್ರೀ ವಿದ್ಯಾಧೀಶಾನೀ ಅನುಭವ ಘೆತ್ಲಾ. ಹ್ಯಾ ವರ್ಷ ಪರ್ತಗಾಳಿ ಮೂಲ ಮಠಾಂತು ಜು. 31, 2021 ದಾಕೂನ ತಾಂನಿo ಚಾತುರ್ಮಾಸ ವೃತದೀಕ್ಷಾ ಘೇವನು ಆಚರಣ ಕರ್ತಾಚಿ.
ಲೇಖಕ : ವಾಸುದೇವ ಶಾನಭಾಗ, ಶಿರಸಿ.
ಗುರು ಸಾಧನಾ, ಬೋಧನಾ ಹಾಜೆ ಉಜ್ವಾಡಾನ ಸಮಾಜಾಚಿ ಉನ್ನತಿ ಸಾಧ್ಯ - ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ್
ಗುರು ಸಾಧನಾ, ಬೋಧನಾ ಹಾಜೆ ಉಜ್ವಾಡಾನ ಸಮಾಜಾಚಿ ಉನ್ನತಿ ಸಾಧ್ಯ - ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ್
ಮಂಗಳೂರು: “ಯತಿಧರ್ಮ ಪಾಲನಾ, ಬೋಧನಾಚೆ ಸಾಂಗತ ಧೃಢ ನಿರ್ಧಾರ, ಶೃದ್ಧಾ, ನಿಷ್ಠಾ ಆನೀ ಭಕ್ತೀನ ಶಿಷ್ಯವರ್ಗಾಕ ಖಂಚೆಯ ಕಾರ್ಯಾಂತುo ಯಶ ಸಾಧ್ಯ ಮ್ಹಣು ಆಮಗೆಲೆ ಗುರು ವಿದ್ಯಾಧಿರಾಜ ತೀರ್ಥ ಹಾಂನಿo ಸಾಧನಾ ಕರನು ದಾಕಯಲಾಂ. ತಾಂಗೆಲೆo ಸಾಂಗತ್ಯಾಚೆ ಹರ ಏಕ ಪಾವಲo ಶಿಕ್ಷಣಾಚೊ ಅನುಭವ ಆಸಾ. ತಾಂನಿo ವೃಂದಾವನಸ್ಥ ಜಾಲ್ಯಾರ ಸುತಾ ತಾಂಗೆಲೊ ಉಜ್ವಾಡು ಶಿಷ್ಯವರ್ಗಾಕ ನಿರಂತರ ಮೆಳತಲೊ. ತಾಂಗಲೆ ಸಾಧನಾ, ಭೋದನಾ ಮನಾಂತ ದವರೂನ ಮಠ ಆನೀ ಸಮಾಜ ಮುಕಾರ ವ್ಹರಚೆಒ ವಿಶ್ವಾಸ ಆಸಾ” ಮ್ಹಣು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ ಶ್ರೀ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂನಿo ಸಾಂಗಲಾo. ಶುಕ್ರವಾರ ಜುಲೈ ೩೦ಕ ಗೋಂಯಚೆ ಪರ್ತಗಾಳಿ ಶ್ರೀ ಗೋಕರ್ಣ ಮಠಾಂತುo ಸಂಸ್ಥಾನಾಚೆ ೨೪ವೆo ಪೀಠಾಧಿಪತಿ ಜಾವನು ಗುರು ಪೀಠಾರೋಹಣ ಕರತರಿ ಆಶೀರ್ವಚನ ದೀವನು ತಾಂನಿo ಅಶೆo ಸಾಂಗಲೆo. ಕೋವಿಡ್ ನಿಬಂಧನಾ ಆಶಿಲ್ಯಾನ ಮಠ ಸಮಿತಿ, ಶಾಖಾಮಠಾಚೆ ವ್ಹಾಂಗಡಿ, ಪ್ರತಿನಿಧಿ, ಶಿಷ್ಯವರ್ಗಾಚೆ ಸೀಮಿತ ಲೋಕಾಲೆ ಉಪಸ್ಥಿತಿರಿ ಹೀ ಐತಿಹಾಸಿಕ ಘಡಣಿ ಘಡಲಿ.
ಪೀಠಾರೋಹಣ: ಶ್ರೀಮಠಾಂತುo ಮಹಾಪೂಜಾ ಜಾತರಿ ದೋನಪಾರಾ ಶ್ರೀರಾಮ, ವೀರ ವಿಠಲ ದೇವಾಲೆ ದರ್ಶನ, ಗುರು ವೃಂದಾವನ ನಮನ ಕರತರಿ ಗುರುವರ್ಯಾಂಕ ಮಠಾಚೆ ಕೇಂದ್ರ ಸಮಿತಿಚೆ ವ್ಹಾಂಗಡಿ ಪ್ರಮುಖಾನಿ ದೇವಳಾಚೆ ಕಾರ್ಯಕ್ರಮಾಚೆ ಚಾವಡಿಕ ಸ್ವರ್ಣ ದಂಡ, ಚಾಮರ ಸಹಿತ ಹಗಲು ದೀವಟಿಗಾ ರಾಜ ಮರ್ಯಾದೆನ ಆಪೋವನು ಹಾಡಲೆ. ಗುರುವರ್ಯಾನಿ ದೀಪ ಪ್ರಜ್ವಲನ ಕರನು ವೈದಿಕಾನಿ ಗುರುಪರಂಪರಾ ಸ್ತೋತ್ರ, ಮಂಗಲಾಷ್ಟಕ ಪಠನ ಕೆಲೆo. ಉಪರಾಂತ ೩.೧೦ಕ ವೃಶ್ಚಿಕ ಲಗ್ನ ಧನುರ್ ನವಾಂಶ ಸುಮುಹೂರ್ತಾರಿ ಶಿಷ್ಯಪೀಠಾರ ಆಶಿಲೆ ಗುರುವರ್ಯಾಂನ ಪರಂಪರೆಚೆ ಗುರುಪೀಠಾಕ ವಂದನ ಕರನು ಜಮೀಲೆ ಶಿಷ್ಯವರ್ಗಾಚೆ ವೇದ, ಜಯಘೋ಼ಆಚೆ ಮಧೆo ಪೀಠಾರೋಹಣ ಕೆಲೆಂ. ಮಠಾಚೆ ಕೇಂದ್ರ ಸಮಿತಿಚೆ ಅಧ್ಯಕ್ಷ ಶ್ರೀನಿವಾಸ ಶೆಣೈ ಡೆಂಪೋ, ಉಪಾಧ್ಯಕ್ಷ ರಾಮಚಂದ್ರ ಆರ್. ಕಾಮತ ಹಾಂನಿo ಗುರುಪಾದುಕಾ ಪೂಜಾ ಕರನು ಪಟ್ಟ ಕಾಣಿಕಾ, ಅಭಿವಂದನಾ ಪತ್ರ, ಗೌರವ, ಗುರುಂಕ ನವರತ್ನ ಹಾರ ಅರ್ಪಣ ಕೆಲೆo. ಗುರುವರ್ಯಾಲೆo ಆಶೀರ್ವಚನಾಚೆ ಉಪರಾಂತ ಶ್ರೀಮಠಾಚೆ ೩೩ ಶಾಖಾಮಠಾಚೆ ವತಿನ ಪಟ್ಟಕಾಣಿಕಾ, ಗೌರವಾರ್ಪಣಾ, ಶ್ರೀ ಕಾಶೀಮಠ ಸಂಸ್ಥಾನ, ಶ್ರೀ ಕೈವಲ್ಯಮಠ ಸಂಸ್ಥಾನ ಹಾಜೆಂ ಪ್ರತಿನಿಧಿನಿo ಗುರುವರ್ಯಾಂಕ ಗೌರವಾರ್ಪಣ, ಗೋವಾ ಸಹಿತ ಉತ್ತರ ಕನ್ನಡ, ದಕ್ಷಿಣ ಕನ್ನಡ ಜಿಲ್ಲೆಚೆ ದೇವಳಾಚೆ ಪ್ರಮುಖ, ವೈದಿಕ, ಶಿಷ್ಯವರ್ಗಾಚೆ ಪಟ್ಟಕಾಣಿಕಾ, ಗೌರವ ಸ್ವೀಕಾರ ಕರನು ಗುರುವರ್ಯಾನ ಫಲಮಂತ್ರಾಕ್ಷತ ದಿಲೆo.
ಶಿಷ್ಯವರ್ಗಾಚೆ ತರಪೇನ ಭಟ್ಕಳಚೆ ಹನುಮಂತ ಮಾಳಪ್ಪ (ಪುತ್ತು)ಪೈ, ಪುರೋಹಿತ ಮುಕುಂದ ಭಟ್ ಹಾಂನಿo ಗುರುಲೆo ಗುಣಗಾನ ಕೆಲೆo. ಮಠ ಸಮಿತಿಚೆ ಕಾರ್ಯದರ್ಶಿ ಅನಿಲ್ ಪೈ ಹಾಂನಿo ಸೂತ್ರ ಸಂಚಾಲನ ಕೆಲೆo.
ಸಕಾಳಿo ಶ್ರೀಮಠಾಂತುo ನಿರ್ಮಾಲ್ಯ ವಿಸರ್ಜನ ಜಾತರಿ ಗೋಪೂಜಾ, ವೈದಿಕಾನಿ ಪಾರಾಯಣ, ಹವನ ವೈದಿಕಾಂಕ ದಾನ, ದಕ್ಷಿಣಾ ಸಹಿತ ಹೇರ ಧಾರ್ಮಿಕ ಕಾರ್ಯಕ್ರಮ, ದೋನಪಾರಾ ಮಹಾಪೂಜೆಚೆ ಉಪರಾಂತ ಸಂತರ್ಪಣ ಚಲೆ. ಹೇರದಿವಸು ಶನಿವಾರ ಗುರುವರ್ಯಾನ ಪೀಠಾಧಿಪತಿ ಜಾತರಿ ತಾಂಗೆಲೊ ಪಯಲೊ ಆನೀ ಸನ್ಯಾಸಾಶ್ರಮಾಚೊ ಪಾಂಚವೊ ಚಾತುರ್ಮಾಸ್ಯ ವೃತಾಚರಣ ಸ್ವೀಕಾರ ಕೆಲೆ.
ಗುರು ನಾಮ ಸ್ಮರಣ !
ತಾಂಗೆಲೆ ಸಾಧನಾಚೆ ಬಲಾನ ಗೋಕರ್ಣ ಮಠ ಸಂಸ್ಥಾನಾಕ ಉಜ್ವಾಡ ದಾಕಯಿಲೆ ಆಮಗೆಲೆ ಗುರು ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿ ಹಾಂಗೆಲೆ ನಾಂವಾoಚೆ ಪೂರ್ವಾರ್ಧ ಶಿಷ್ಯ ಜಾವನು ಆಸಚೆ ಆಮಗೆಲೆ ಆಶ್ರಮನಾಮ ವಿಧ್ಯಾಧೀಶ ಜಾವನು ಆಸಾ. ಆಮಗೆಲೆ ನಾಂವಾoತೂಯೀ ಶುರುವೇಕ ಮೊದಲು ಗುರುನಾಮ ಸ್ಮರಣ ಜಾವಚೆo ಅಪೂರ್ವ ಭಾಗ್ಯ ಮಠಾಚೆ ಇತಿಹಾಸಾಂತುo ಆಮಕಾ ಮಾತ್ರ ಮೇಳಾo ಮ್ಹಣು ಮಠಾಧೀಶಾನಿ ಸಂತೋಸ ವ್ಯಕ್ತ ಕೆಲೊ. ಆಮೀ ಪಯಲೆ ಪಾವಟಿ ಮಠಾಕ ಆಯಿಲೊ ದೀವಸ ಆನೀ ಆಯಚೊ ದೀವಸ ದೋನಯಿ ೩೦ ಜಾವನು ಆಸಾ. ಆಮಗೆಲಿ ಜನ್ಮ ಆನೀ ಪೀಠಾರೋಹಣಾಚಿ ತಿಥಿ ದೋನಯಿ ಕೃಷ್ಣ ಸಪ್ತಮಿ ಜಾವನು ಆಸಚೆo ಯೋಗಾಯೋಗ ಮ್ಹಣು ಗುರುವರ್ಯಾನ ಆಶೀರ್ವಚನಾಂತ ಉಲ್ಲೇಖ ಕೆಲೊ.
- ಗಣೇಶ ಕಾಮತ, ಮೂಡುಬಿದಿರೆ
ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳೀ ಜೀವೋತ್ತಮ ಮಠಾಧೀಶ ಶ್ರೀ ವಿದ್ಯಾಧಿರಾಜತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಅಂತರ್ಲೆ.
ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳೀ ಜೀವೋತ್ತಮ ಮಠಾಧೀಶ ಶ್ರೀ ವಿದ್ಯಾಧಿರಾಜತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಅಂತರ್ಲೆ.
ಶಿರಸಿ: ಜಿ. ಎಸ್. ಬಿ. ಸಮಾಜಾಚೆ ಪರ್ತಗಾಳಿ ಮಠಾಧೀಶ ಶ್ರೀ ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿ (76 ವರಸo) ಸೋಮವಾರ ಜುಲೈ 19ಕ ಸಕಾಳಿ 11-30 ಗಂಟೆ ಸುಮಾರಾಕ ಗೋವಾ ಪರ್ತಗಾಳಿಚೆ ಸ್ವಮಠಾಂತು ಹರಿಪಾದಾಕ ಮೇಳೆ. 1945 ಅಗಸ್ಟ್ 22ಕ ಕುಂದಾಪುರ ತಾಲೂಕು ಗಂಗೊಳ್ಳಿಚೆ ಸೇನಾಪುರ ಲಕ್ಷಿನಾರಾಯಣ ಆಚಾರ್ಯ ಆನಿ ಶ್ರೀಮತಿ ಆಚಾರ್ಯ ದಂಪತಿಲೆ ದುಸರೇ ಪೂತು ಜಾವನು ನಾಯ್ಕನಕಟ್ಟೆಂತು ಜನ್ಮಾಕ ಆಯಿಲೆ ಶ್ರೀಪಾದ ಪೂರ್ವಾಶ್ರಮಾಂತು ರಾಘವೇಂದ್ರ ಆಚಾರ್ಯ ಮ್ಹಳ್ಳೇ ನಾಂವಾನ ಗಂಗೊಳ್ಳಿಚೇ ಸರಸ್ವತಿ ವಿದ್ಯಾಲಯಾಂತು ಪ್ರೌಢ ಶಿಕ್ಷಣ ಫಾವೊ ಕರನು ಕುಂದಾಪುರಚೆ ಭಂಡಾಕರ್ಸ ಕಾಲೇಜಾಂತು ಪದವಿ ಶಿಕ್ಷಣ ಘೆತಾ ಆಸತನಾ ತ್ಯಾ ವೇಳಾಕ ಶ್ರೀ ಸಂಸ್ಥಾನ ಪರ್ತಗಾಳೀ ಮಠಾಚೆ ಯತಿವರ್ಯ ಜಾವನು ಆಶಿಲೆ ಶ್ರೀಮದ್ ದ್ವಾರಕಾನಾಥ ತೀರ್ಥ ಸ್ವಾಮೀಜಿ ಹಾಂಗೆಲೆ ಅನುಗ್ರಹ ಘೇವನು 1967 ಫೆ. 26ಕ ಮುಂಬಯಿ ವಡಾಲಾಚೆ ಮಠಾಂತು ಜಾಲಿಲ್ಯಾ ಶಿಷ್ಯ ಸ್ವೀಕಾರ ಸಮಾರಂಭಾoತು ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಚೆ 23ವೆo ಯತಿವರ್ಯ ಜಾವನು ನಿಯೋಜನ ಜಾಲೆ. ನಂತರ 1973 ಮಾರ್ಚ 24 ದಿವಸು ಗುರುವರ್ಯ ಶ್ರೀಮದ್ ದ್ವಾರಕಾನಾಥ ತೀರ್ಥಸ್ವಾಮಿ ಅಂತರಿಲ್ಲೆ ನಂತರ 1973 ಎ.5ಕ ಪರ್ತಗಾಳೀ ಮಠಾಂತು ಚಲೆಲ ಪೀಠಾರೋಹಣ ಸಮಾರಂಭಾoತು ಶ್ರೀಮಠಾಚೆ 23ವೆo ಪೀಠಾಧೀಶ ಜಾವನು ನಿಯುಕ್ತ ಜಾಲೆ. ತೇದನಾ ದಾಕೂನ ಆಜ ಪರ್ಯಂತ ಸಾಬಾರ 54 ವರಸ ಕಾಳ ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳೀ ಮಠಾಧೀಶ ಜಾವನು ಜಿ.ಎಸ್.ಬಿ ಸಮಾಜಾಕ ಮಾರ್ಗದರ್ಶನ ಕರೀತ ಆಶಿಲೆ.
ಹಾಂಗೆಲೆ ಕಾಲಕೀರ್ದಿಂತು ಶ್ರೀಮಠಾಚೆ ಅಭಿವೃದ್ಧಿಂತು ಅನೇಕ ಕಾರ್ಯ ಘಡಲ್ಯಾತ. ಪರ್ತಗಾಳಿಂತುಲೇ ಮೂಲಮಠ ವಾಸ್ತೂಚೆ ಸಂಪೂರ್ಣ ನವೀಕರಣ ಜಾಲೆ. ತ್ಯಾ ಬರೋಬರ 1977 ಇಸ್ವೀಂತು ಮಠಾಚೊ ಪಂಚ ಶತಾಬ್ದಿ ಮಹೋತ್ಸವ ಮಾಂಡುನು ಘೇವ್ನು 3 ದಿವಸ ಅಭೂತಪೂರ್ವ ಜಾವನು ಆಚರಣ ಕೆಲೊ. ತ್ಯಾ ವೇಳಾರ ಜಿ.ಎಸ್.ಬಿ. ಸಮಾಜಾಚೆ ಇತರ ತೀನೀ ಮಠಾಚೆ ಪೀಠಾಧೀಶಾನಿ ಸಾನ್ನಿಧ್ಯ ದಿಲಿಲೆo ಏಕ ವಿಶೇಷ ಜಾವನು ಆಸಾ. ಶಾಖಾಮಠ ಜಾವನು ಆಶಿಲೆ ಕಾಶಿಂತುಲೊ ಪಂಚಗoಗಾ ಘಾಟಾಚೊ ಮಠ, ರೇವಣ ಮಠ, ಯಲ್ಲಾಪುರಚೆ ಮಠ, ವಡಾಲಾ ಮಠ, ಅಂಕೋಲಾ ಮಠ, ಭಟ್ಕಳಚೋ ವಡೇರ್ ಮಠ, ಮಂಕಿ ಗಾವಾಂತು ಆಶಿಲೊ ಮಠ ಹ್ಯಾ ಸಗಳೆ ಶಾಖಾ ಮಠಾಂಚೋ ಜೀರ್ಣೋದ್ಧಾರ ಕೆಲೊ. ಹುಬ್ಬಳ್ಳಿ ನವನಗರಾಂತು ನವೀನ ಮಠವಾಸ್ತು ನಿರ್ಮಾಣ ಜಾಲೊ. ದೇಶಭರಿ ಸಮಾಜಾಚೆ ಆಡಳಿತ ಆಶಿಲೆ ಸಾಬಾರ 43 ದೇವಳಾಂಚ್ಯಾ ಜೀರ್ಣೋದ್ಧಾರಾಕ ಹಾಂನಿ ಕಾರಣ ಜಾವನು ಸಮಾಜಾಂತು ಧಾರ್ಮಿಕ ಜಾಗೃತಿ ಹಾಡಲ್ಯಾ.
ತೀರ್ಥಯಾತ್ರಾ ಕರಚಾಂತುo ವಿದ್ಯಾಧಿರಾಜ ಶ್ರೀಪಾದಾಂಕ ಅಪಾರ ಉಮೇದಿ. ಆಸೇತು ಹಿಮಾಚಲ ಪರ್ಯಂತ ವಿವಿಧ ತೀರ್ಥಕ್ಷೇತ್ರಾಕ ಹಾಂನಿ ಭೇಟ ದಿಲ್ಯಾ. ಸಾಮಾನ್ಯ ಜನಾಂಕ ದುರ್ಲಭ ಜಾವನು ಆಶಿಲ್ಯಾ ಹಿಮಾಲಯಾಂತುಲೇ ದಾಮೋದರ ಕುಂಡ ಯಾತ್ರಾ, ಗಂಗೋತ್ರಿಚ್ಯಾನ ಗಂಗಾಸಾಗರ ಸಂಗಮ ಪರ್ಯಂತ ಯಾತ್ರಾ ಆನಿಕ ಅತ್ಯಂತ ದುರ್ಗಮ ಜಾಲಿಲಿ ಗಂಡಕೀ ಯಾತ್ರಾ ಹಾಂನಿ ಸಂಪಯಲ್ಯಾ. ಪಾದಯಾತ್ರಾ ಕರನು ಅಷ್ಟೋತ್ಕೃಷ್ಟ ವೈಷ್ಣವ ಕ್ಷೇತ್ರ ಸಂದರ್ಶನ ಕೆಲೆಲಿ ಖ್ಯಾತಿ ಹಾಂಗೇಲಿ. ಹಾಂಗೆಲೆ ಮಾರ್ಗದರ್ಶನಾಂತು ಶತಕೋಟಿ ರಾಮನಾಮ ಜಪಯಜ್ಞ, ಮಹಾವಿಷ್ಣು ಯಾಗ ಅಸ್ಸಲೇ ಮಹತ್ಕಾರ್ಯ ಘಡಲ್ಯಾತ. ಅಯೋಧ್ಯಾ, ಮಥುರಾ, ಕಂಚಿ ಅಸಲ್ಯಾ ಸಪ್ತ ಮೋಕ್ಷದಾಯಕ ಕ್ಷೇತ್ರಾಂಕ ತಾಂಗೆಲೇ ಶಿಷ್ಯಜನಾಲೆ ಸಾಂಗತ ಸಂದರ್ಶನ ಕರನು ಭಕ್ತಾಂಕ ಪುಣ್ಯ ಸಂಚಯನ ಕೆಲ್ಯಾಂ. ಬದರಿಕಾಶ್ರಮ, ಪಂಡರಪುರ ಅಸಲ್ಯಾ ಪುಣ್ಯ ಕ್ಷೇತ್ರಾಂತು ಚಾತುರ್ಮಾಸ ಕರನು ಶಿಷ್ಯಲೊಕಾನಿ ತ್ಯಾ ಕ್ಷೇತ್ರಾಂಚೆ ದರ್ಶನ ಘೆವಚ್ಯಾಕ ಅನುಗ್ರಹ ಕೆಲಾ. ಸದಾ ಪ್ರವಾಸಾಂತು ತತ್ಪರ ಜಾವನು ಆಶಿಲೆ ಸ್ವಾಮೆ ನೇಪಾಳ ಧರನು ಪೂರ್ತಿ ಹಿಮಾಲಯ ಪರ್ವತ ಆನಿ ಅಖಂಡ ಭಾರತಾಚೋ ಪ್ರವಾಸ ತಾಂನಿ ಕೆಲಾ.
ಕರ್ನಾಟಕ ರಾಜ್ಯಾಚೆ ಹರೇಕ ಜಿಲ್ಲೆಂತು ಆಶಿಲ್ಯಾ ಶಿಷ್ಯಾo ಕಡೇನ ಆತ್ಮೀಯ ಸಂಬoಧ ದವರ್ನು ಘೆವ್ನು ಪ್ರತಿವರ್ಷ ಸಗಳೆ ಗಾಂವಾoತು ಆಶಿಲೆ ಮಠಾಂಕ ಭೇಟಿ ದೀವನು ಸಮಾಜಾಚೆ ಜನಾಂಕ ಮಾರ್ಗದರ್ಶನ ಕೆಲಾ. ಜ್ಯೋತಿಷ್ಯ ಶಾಸ್ತಾçಂತು ಅಪಾರ ಪಾಂಡಿತ್ಯ ಆಶಿಲೆ ಶ್ರೀಪಾದಾಂಕ ಸಂಸ್ಕೃತ ಭಾಷೆಂತು ಭೀ ಪ್ರೌಡಿಮಾ ಆಶಿಲಿ. ಪರ್ತಗಾಳಿ ಮಠಾಂತು ಸಂಸ್ಕೃತ ಪಾಠಶಾಲಾ ಉಘಡ್ನು ಸಮಾಜಾಚೆ ಯುವಕಾಂಕ 2014 ಇಸವಿ ಪರ್ಯಂತ ವೈದಿಕ ಶಿಕ್ಷಣ ದಿಲ್ಯಾo. ಆಪಣ್ಯಾಲೇ ಭಕ್ತ ವರ್ಗಾಂಕ ಆನಿ ಶಿಷ್ಯ ವರ್ಗಾಂಕ ಅತ್ಯಂತ ಪ್ರೀತ್ಯಾದರ ಪೂರ್ವಕ ಪಳಯತಲೆ. ಧರ್ಮಶಾಸ್ತç ಆನಿ ಆಗಮ ಶಾಸ್ತç ಹಾಂತು ತಾಂಕಾ ಅಪೂರ್ವ ಪಾಂಡಿತ್ಯ ಆಶಿಲೆo. ಇತರ ಮಾಧ್ವ ಮಠಾಧೀಶಾಂಲೆ ಬರೋಬರ ಸೌಹಾರ್ದ ಸಂಬoಧ ದವರನು ಘೇವ್ನು ಪರ್ತಗಾಳೀ ಮಠಾಚೆ ಆದಲೆ ಸ್ವಾಮ್ಯಾಂಗೆಲೆ ಬದ್ದಲ ಗ್ರಂಥ ಬರೋವ್ಸೂನು ತಾಜೀ ಪ್ರಕಟಣ ಕೆಲ್ಯಾ. ಸದಾ ಅಧ್ಯಯನಶೀಲ ಆಶಿಲೇ ಸ್ವಾಮ್ಯಾಂನಿ ಮಠಾಂತು ಉತ್ತಮ ವಾಚನಾಲಯ ದವರಿಲೆo. ಥಂಯಿ ನೇಮಿತ ಬಸೂನು ವೇದಾಧ್ಯಯನ ಕರತಲೆ. ಶ್ರೀಮಠಾಚೆ ಜೂನೆ ದಾಖಲೆ ಆನಿ ವಸ್ತು ಸಗಳೆ ಏಕತ್ರ ಕರನು ಉತ್ತಮ ಸಂಗ್ರಹಾಲಯ ನಿರ್ಮಾಣ ಕೆಲೆo.
ಅಗಾಧ ಯಾದೇಚಿo ಶಕ್ತಿ ಆಶಿಲ್ಲಾ ಶ್ರೀಪಾದಾಂಕ ಏಕ ಪಂತಾಕ ಪಳಯಿಲ್ಯಾ ಭಕ್ತಾಕ ಕಿತಲೆಕೀ ವರಸ ನಂತರಭೀ ನಾಂವ ಘೇವ್ನು ಆಪಯ್ತಾಲೆ. ಶಿಸ್ತು ಆನಿ ಸಮಯ ಪಾಲನೆಂತು ಅಗ್ದೀ ಕರಾರುವಾಕ್ ಜಾವನು ಆಶಿಲೆ ಸ್ವಾಮೆ ಆಪಣ್ಯಾಲೆ ಶಿಷ್ಯಾಂಕಭೀ ವ್ಯರ್ಥ ವೇಳ ವಾಯಟ ಕರನಾಶಿo ವೇಳೆಚೋ ಸದ್ವಿನಿಯೋಗ ಕರಚಾಕ ತಾಂಗೆಲೆ ಆಶೀರ್ವಚನಾಂತು ಸಾಂಗತಾ ಆಶಿಲೆ. ಸಮಾಜಾಂತು ವಿಶೇಷ ಸಾಧನಾ ಕೆಲಿಲೆo ಸಾಧಕಾಂಕ ಪ್ರೋತ್ಸಾಹ ದಿವಚ್ಯಾಕ ಪ್ರತಿವರ್ಷ ‘ವಿದ್ಯಾಧಿರಾಜ ಪುರಸ್ಕಾರ’ ಆನಿ ‘ಜೀವೋತ್ತಮ ಪ್ರಶಸ್ತಿ’ ದೀವನು ಗೌರವ ದಿವಚೊ ಪರಿಪಾಠ ತಾಂನಿ ಆಪಣಾಯಿಲೊ. ಕುಮಟೆಂತು ವಿದ್ಯಾಧಿರಾಜ ಪೊಲಿಟಕ್ನಿಕ್ ಕಾಲೇಜ, ಆನಿಕ ಹುಬ್ಬಳ್ಳಿಚೆ ನವನಗರಾಂತು ಆಶಿಲ್ಲೇ ಶಾಖಾ ಮಠಾಂತು ವಿದ್ಯಾರ್ಥಿನಿಲಯ ಕರನು ವಿದ್ಯಾದಾನಾಕ ಪ್ರೋತ್ಸಾಹ ದಿಲಾ.
2017 ಇಸ್ವೀಂತು ಬೆಳಗಾಂವಚೇ ಸತ್ಕುಲೀನ ಉದಯ ಭಟ್ಟ ಶರ್ಮಾ ಮ್ಹಳಿಲ್ಯಾ ವಟುಕ ಸನ್ಯಾಸದೀಕ್ಷೆ ದೀವನು ಶ್ರೀ ವಿದ್ಯಾಧೀಶ ತೀರ್ಥ ಮ್ಹಳಿಲೆ ಆಶ್ರಮನಾಮ ದವರನು ಪರ್ತಗಾಳಿ ಮಠಾಚೆ ಭಕ್ತಜನಾಲೇ ಸಮ್ಮುಖಾಂತು ಶಿಷ್ಯ ಸ್ವೀಕಾರ ಸಮಾರಂಭ ಕರನು ಪರ್ತಗಾಳೀ ಮಠಾಚೆ ಉತ್ತರಾಧಿಕಾರಿ ಜಾವನು ನೇಮಣೂಕ ಕೇಲಿ. ತಾಂಗೆಲೇ ನೇತೃತ್ವಾಂತು ಜು. 19 ದೀಸು ಪರ್ತಗಾಳಿಚೆ ಸ್ವಮಠಾಚೆ ಆವಾರಾಂತು ಶ್ರೀಮದ್ ವಿದ್ಯಾಧಿರಾಜತೀರ್ಥ ಸ್ವಾಮ್ಯಾಲೇ ಬೃಂದಾವನ ಪ್ರವೇಶಾಚೆ ವಿಧಿವಿಧಾನ ಸಂಪನ್ನ ಜಾಲ್ಯಾತ. ಆತ್ತಾಂ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದಚಿ ಮುಕಾವೆಲೆ ಪೀಠಾಧೀಶ ಜಾತಲೇ.
ಲೇಖನ : ವಾಸುದೇವ ಶಾನಭಾಗ ಶಿರಸಿ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 108 guests and no members online