Displaying items by tag: Udupi
ಉಡುಪಿ - ರಕ್ತದಾನ ಶಿಬಿರ
ಭಾರತೀಯ ಲೆಕ್ಕಪರಿಶೋಧಕರ ಸಂಸ್ಥೆ ಉಡುಪಿ ಶಾಖೆ ಆನೀ ಸಿಎ ವಿದ್ಯಾರ್ಥಿಗಳ ಸಂಘ (ಸಿಕಾಸ) ಹಾಂನಿ° ಡಿ. 25ಕ ಉಡುಪಿಚೆ ಜಿಲ್ಲಾಸ್ಪತ್ರೆ ರಕ್ತನಿಧಿ, ಅಜ್ಜರಕಾಡು, ಉಡುಪಿ ಹಾಂಗಾ ರಕ್ತದಾನ ಶಿಬಿರ ಆಯೋಜನ ಕೆಲೆ°. ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ನಾಗಭೂಷಣ್ ಉಡುಪ ಹಾಂನಿ ದೀವೊ ಲಾವನು ಶಿಬಿರಾಚೆ ಉಗ್ತಾವಣ ಕೆಲೆ°. “ಉಡುಪಿ ಜಿಲ್ಲಾ ರಕ್ತ ನಿಧಿ ಕೇಂದ್ರ ದಾನಿ ಲೋಕಾಲೆ ಸಹಕಾರಾನ ರಾಜ್ಯಾಂತೂಚಿ ಪಯಲೆ° ಸ್ಥಾನಾರ ಆಸಾ.” ಮ್ಹಣು ತಾಂನಿ° ಸಾಂಗಲೆ°. ಸಿಎ ವಿದ್ಯಾರ್ಥಿಯಾನಿ ಜಾಯದೀಸ ಆನೀ ವಿಶೇಷ ದಿಸಾಂತು° ಅಸಲೆ ಕಾರ್ಯಕ್ರಮ ಆಯೋಜನ ಕರಚೆ° ಬರೊ ವಿಷಯ ಮ್ಹಣು ತಾಂನಿ° ಸಾಂಗಲೆ°. ಉಡುಪಿ ಜಿಲ್ಲಾ ರಕ್ತ ನಿಧಿ ಕೇಂದ್ರಾಚೆ ಡಾ| ವೀಣಾ ಹಾಂನಿ° ಉಲಯತಾ ವಿದ್ಯಾರ್ಥಿಯಾನಿ ತಾತಾವಳಿ ರಗತ ದಿವಚೆ ನಿಮಿತ ಹೃದಯಾಘಾತ ಜಾವಚೆ ಊಣೆ ಜಾತಾ, ರಗತಾಂತು° ಕೊಲೆಸ್ಟ್ರಾಲ್ ಅಂಶ ಊಣೆ ಜಾತಾ, ಆಂಗಾಂತು° ನವೀನ ರಗತ ಉತ್ಪಾದನ ಜಾವನು ಆರೋಗ್ಯ ಬರೆ° ಜಾವಚಾಕ ಸಾಧ್ಯ ಜಾತಾ ಆನೀ ಹೇರ ಜೀವ ವಾಂಚೋಚಾಕ ಜಾತಾ ಮ್ಹಣು ಸಾಂಗಲೆ°. ಕೊರೋನಾ ಕಾಳಾಂತು° ವಿಶೇಷ ಸೇವಾ ದಿಲೆಲೆ ವೈದ್ಯಾಂಕ ಸಂಸ್ಥೆ ತರಪೇನ ಗೌರವಾರ್ಪಣ ಜಾಲೆ°. ಚಾಳಿಸಾಕಯಿ ಚಡ ವಿದ್ಯಾರ್ಥಿ ಆನೀ ಪನ್ನಾಸಾಕಯಿ ಚಡ ಲೆಕ್ಕಪರಿಶೋಧಕಾನಿ ರಕ್ತದಾನ ಕೆಲೆ°. ಲೆಕ್ಕಪರಿಶೋಧಕರ ಸಂಸ್ಥೆ ಉಡುಪಿ ಶಾಖೆಚಿ ಅಧ್ಯಕ್ಷಾ ಸಿ.ಎ. ಕವಿತಾ ಪೈ, ಕಾರ್ಯದಶಿ ಸಿ.ಎ. ಪ್ರದೀಪ್ ಜೋಗಿ, ಉಪಾಧ್ಯಕ್ಷ ಸಿ.ಎ. ಲೋಕೇಶ್ ಶೆಟ್ಟಿ ಉಪಸ್ಥಿತ ಆಶಿಲೆ. ಸಿಕಾಸಾ ಅಧ್ಯಕ್ಷ ಸಿಎ. ನರಸಿಂಹ ನಾಯಕ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಅಮಾಲಿನ್ ಜೋಸೆಫ್ ಆನೀ ಶ್ರೇಯಾ ಸಾಲಿಯಾನ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ರೆಸಾ ತಸಲೀಂ ಹಾಂನಿ° ಆಭಾರ ಮಾನಲೊ
ಉಡುಪಿ ಶ್ರೀಕೃಷ್ಣಮಠಾಕ - ಶ್ರೀ ಕಾಶಿಮಠಾಧೀಶಾಂಗೆಲಿ ಭೇಟಿ.
ಉಡುಪಿ: ಉಡುಪಿ ಶ್ರೀಕೃಷ್ಣಮಠಾಕ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮಿ0ದ್ರತೀರ್ಥ ಸ್ವಾಮೀಜಿ ಹಾಂನಿ° ಕಾಲಿ(ಡಿ.18)ಕ ಭೇಟಿ ದಿಲೆಲೆ ವೇಳಾರ ಗುರುವರ್ಯಾಂಕ ಸಂಸ್ಕೃತ ಕಾಲೇಜಾ ಲಾಗಿ ದಾಕೂನ ಬಿರುದಾವಳಿ, ವಾದ್ಯಘೋಷ, ವೇದಘೋಷ ಸಹಿತ ಪರ್ಯಾಯ ಪೀಠಾಧೀಶ ಶ್ರೀ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದ ಸ್ವಾಮೀಜಿನ ಸ್ವಾಗತ ಕರನು ಶ್ರೀ ಕೃಷ್ಣಾಲೆ° ದರ್ಶನ ಕರಯಲೆ°. ಪರ್ಯಾಯ ಮಠಾಚೆ ವ್ಯವಸ್ಥಾಪಕ ಗೋವಿಂದರಾಜ ದಂಪತಿನ ಮಾಲಿಕಾ ಮಂಗಳಾರತಿ ಕೆಲಿ.
ಉಪರಾಂತ ಶ್ರೀ ಕೃಷ್ಣ ಮಠಾಂತ ಘಡಲೆಲೆ ಪರ್ಯಾಯ ಶ್ರೀ ಅದಮಾರು ಮಠಾಚೆ ಪರ್ಯಾಯ ಮಂಗಲೋತ್ಸವ ‘ವಿಶ್ವಾರ್ಪಣಮ್' ಸಮಾರಂಭಾ0ತು°, ಪರ್ಯಾಯ ಪೀಠಾಧೀಶ ಶ್ರೀ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದ ಸ್ವಾಮೀಜಿ ಹಾಂನಿ°, ವಿದ್ವತ್ ಕ್ಷೇತ್ರಾಂತು° ಸಾಧನ ಕೆಲೆಲೆ ಜ್ಯೋತಿಷ್ಯ ಶಾಸ್ತ್ರಜ್ಞ ವಿದ್ವಾನ ಪಂಜ ಭಾಸ್ಕರ ಭಟ್, ಜ್ಯೋತಿಷ್ಯ ಶಾಸ್ತ್ರಜ್ಞ ವಿದ್ವಾನ ಪ್ರವೀಣ ತಂತ್ರಿ, ಸಾಹಿತ್ಯ ಕ್ಷೇತ್ರಾಂತು° ಸಾಧನಾ ಕೆಲೆಲೆ ಪಂಚ್ಕಾದಾಯಿ ಕೊಂಕಣಿ ಮಾಸಿಕ ಪತ್ರಿಕೆಚೊ ಆದಲೊ ಸಂಪಾದಕ ಬಂಟ್ವಾಳ ಶಾಂತಾರಾಮ ಬಾಳಿಗಾ, ಶ್ರೀಮಠಾಂತು° ಪ್ರಾಮಾಣಿಕ ಸೇವಾ ದೀವನು ಆಸಚೆ ಸುರೇಶ ಲಕ್ಷ್ಮಣ ಬೆಳ್ಳೇರಿ ಹಾಂಕಾ° ಸನ್ಮಾನ ಕೆಲೊ. “ಆಮಗೆಲೆ ನೆಲ, ಜನ, ಆಮಗೆಲೊ ಧರ್ಮ, ಆಮಗೆಲೆ ಚಿಂತನ ಹಾಂತು° ಆಸಚೆ ವೈವಿಧ್ಯ ಮೆಳೋನು ಏಕ ಚಿಂತನೆನ ಜೀವನ ಕರಕಾ” ಮ್ಹಣು ತಾಂನಿ° ಅನುಗ್ರಹ ಕೆಲೊ.
ಅಭ್ಯಾಗತ ಜಾವನು ಆಯಿಲೆ ಶ್ರೀ ಕಾಶೀಮಠ ಸಂಸ್ಥಾನಾಚೆ ಶ್ರೀಮದ್ ಸಂಯಮಿ0ದ್ರತೀರ್ಥ ಸ್ವಾಮೀಜಿ ಹಾಂನಿ° ತಾಂಗೆಲೆ ಆಶೀರ್ವಚನಾಂತು° “ಕಾಶ್ಮೀರ ಭಾರತಾಚೆ ಶಿಖರ ಭೂಮಿ, ಆಮಗೆಲೆ ಪೂರ್ವಜಾನಿ ನಿವಾಸ ಕೆಲೆಲಿ ಭೂಮಿ, ವಿದ್ವಾಂಸಾನಿ ಆಶಿಲೊ ಜಾಗೊ, ಹ್ಯಾ ವಿಷಯಾರಿ ಆಮೀ ಕೇದನಾಯಿ ಭರಮ ಪಾವಕಾ, ತಾಜೆ ಪಕ್ಷ ಘೆವಕಾ” ಮ್ಹಣು ಸಾಂಗಲೆ°. ಸಂಸ್ಕೃತಿ ಚಿಂತಕಿ ಬೆಂಗಳೂರಚಿ ಸಹನಾ ವಿಜಯಕುಮಾರ್ ಹಾಂನಿ° "ಕಶೀರ"- ಕಾಶ್ಮೀರದ ಸ್ಥಿತಿಗತಿಗಳು' ಮ್ಹಳೆಲೆ ವಿಷಯಾರಿ ಉಪನ್ಯಾಸ ದಿಲೆ°.
ಮಠಾಚೆ ಆಸ್ಥಾನ ವಿದ್ವಾಂಸ ಕೃಷ್ಣರಾಜ ಭಟ್ ಕುತ್ಪಾಡಿ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಶಾಸಕ ರಘುಪತಿ ಭಟ್, ವೇದವ್ಯಾಸ ಕಾಮತ ಮಂಗಳೂರು, ಜಿ.ಎಸ್.ಬಿ ಸಮಾಜಾಚೆ ಗಣ್ಯ ಲೋಕ, ಉಡುಪಿ ನಗರ ಸಭೆ ಅಧ್ಯಕ್ಷಾ ಸುಮಿತ್ರಾ ನಾಯಕ, ರಾಘವೇಂದ್ರ ಕಿಣಿ, ಜಿ.ಎಸ್.ಬಿ ದೇವಳದ ಒಕ್ಕೂಟ ಹಾಜೊ ಅಧ್ಯಕ್ಷ ಜಗನ್ನಾಥ ಕಾಮತ, ಸುಧಾಕರ್ ಭಟ್, ಶ್ರೀಕಾಂತ್ ಭಟ್ ಛೆಂಪಿ ಆನೀ ಭಕ್ತವೃಂದ ಉಪಸ್ಥಿತ ಆಶಿಲೆ.
ಬಿ. ಶಾಂತರಾಮ ಬಾಳಿಗಾ – ‘ಸಾಹಿತ್ಯ ಶೇಖರಾ’ ಪ್ರಶಸ್ತಿ
ಉಡುಪಿ: ‘ಪಂಚ್ಕದಾಯಿ’ ಕೊಂಕಣಿ ಮಾಸಿಕ ಪತ್ರಿಕೆಚೊ ಆದಲೊ ಸಂಪಾದಕ ಬಂಟ್ವಾಳ ಶಾಂತರಾಮ ಬಾಳಿಗಾ ಹಾಂಕಾ° ಆಜಿ(ಡಿ. 18) ಉಡುಪಾಚೆ ಅದಮಾರು ಮಠಾಚೆ ಶ್ರೀ ಶ್ರೀ ಈಶಪ್ರೀಯ ತೀರ್ಥ ಶ್ರೀಪಾದ ಸ್ವಾಮೀಜಿ ಹಾಂನಿ° ತಾಂಗೆಲೆ ಪ್ರಥಮ ಪರ್ಯಾಯಾಚೆ ದೀಕ್ಷಾ ವಿಶ್ವಾರ್ಪಣ ಕಾರ್ಯಕ್ರಮಾಂತು° ‘ಸಾಹಿತ್ಯ ಶೇಖರಾ’ ಪ್ರಶಸ್ತಿ ದೀವನು ಸಮ್ಮಾನ ಕೆಲೊ. ಉಡುಪಿ ಮಠಾಚೆ ರಾಜಾಂಗಣಾoತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಉಪಸ್ಥಿತ ಆಶಿಲೆ.
ಕಲ್ಯಾಣಪುರಚೆ ದೇವಾದಿನ ಕೃಷ್ಣ ಬಾಳಿಗಾ ಆನೀ ದೇವಾದಿನ ರಮಾ ಬಾಳಿಗಾ ಹಾಂಗೆಲೊ ಪೂತು ಜಾವನು ಆಸಚೆ ಬಿ. ಶಾಂತರಾಮ ಬಾಳಿಗಾ ಹಾಂಗೆಲೆ° ಮೂಳಾವೆ ಶಿಕ್ಷಣ ಬಂಟ್ವಾಳಚೆ ಎಸ್. ವಿ. ಎಸ್ ಪ್ರೌಡ ಶಾಳೆಂತು° ಜಾಲೆಲೆ°. ಉಪರಾಂತ ಚಾಳಿಸ ವರಸ° ಹಾಂನಿ° ಅಂಚೆ-ತoತಿ ಇಲಾಖೆಂತು° ಸೇವಾ ದಿವನು ನಿವೃತ್ತ ಜಾತರಿ ‘ಪಂಚ್ಕದಾಯಿ’ ಕೊಂಕಣಿ ಮಾಸಿಕ ಪತ್ರಿಕೆಚೆ ಸಂಪಾದಕ ಜಾಲೆ. ಕನ್ನಡ – ಕೊಂಕಣಿ, ಕನ್ನಡ – ಇಂಗ್ಲಿಷ್, ಇಂಗ್ಲಿಷ್ – ಕೊಂಕಣಿ ಅಣಕಾರಾಂತು° ಪಂಡಿತ ಆಶಿಲೆ ಹಾಂನಿ° ಖೂಬ ಲೇಖನ° ಆನೀ ಪುಸ್ತಕ° ಅಣಕಾರ ಕರನು ಪ್ರಕಟ ಕೆಲೆಲೆ° ಆಸಾ. ಸ್ವತ: ಗೀತ ರಚನ ಕರನು ಸಂಗೀತ ಸಂಯೋಜನ ಕರತಲೆ ಹಾಂನಿ° ಸಾಬಾರ ಕ್ಯಾಸೆಟ° ಫಾಯಸ ಕೆಲ್ಯಾಂತಿ. ಉಡುಪಾಂತು° ಘಡಲೆಲೆ ಪುರಂದರದಾಸ ನಿರ್ವಾಣ ಚತುಶತಮಾನ ಸಂಭ್ರಮಾಚೆ ವೇಳಾರಿ ‘ಪುರಂದರದಾಸರು’ ಮ್ಹಳೆಲೆ ಗೀತ ನಾಟಕ ರಚನ ಕರನು ಸ್ವತ: ಪುರಂದರದಾಸಲೆ ಪಾತ್ರ ಹಾಂನಿ° ನಿರ್ವಹಣ ಕೆಲೆಲೆ° ಆಸಾ. ‘ಸಚತುಶಾಖಾ ಸುಭಾಷಿತ ಗಂಗಾ’ ಆನೀ ‘ದ್ವಾದಶ ಪಂಜರಿಕಾ’ ತಸಲೆ ಕೃತಿ ಸುತಾ ರಚನ ಕೆಲೆಲೆ ಹಾಂಗೆಲೆ° ವಿದ್ವತ್ ಮನೂನ ಘೆವನು ಉಡುಪಿ ಪರ್ಯಾಯ ಸ್ವಾಮಿಜಿನ ಹಾಂಕಾ° ‘ಸಾಹಿತ್ಯ ಶೇಖರಾ’ ಪ್ರಶಸ್ತಿ ದೀವನು ಸಮ್ಮಾನ ಕೆಲಾ. ಹ್ಯಾ ಸಂದರ್ಭಾರಿ ಮಂಗಳೂರು ದಕ್ಷಿಣ ಶಾಸಕ ವೇದವ್ಯಾಸ ಕಾಮತ ಆನೀ ಉಡುಪಿ ಶಾಸಕ ರಘುಪತಿ ಭಟ್ ಉಪಸ್ಥಿತ ಆಶಿಲೆ.
ಕಾಶೀ ನಗರಿಚೆ ಪುನರುತ್ಥಾನ ಸನಾತನ ಹಿಂದೂ ಪರಂಪರೆಚೆ ಪುನಶ್ಚೇತನಾಕ ನಾಂದಿ ಜಾತಾ: ಶಿವಾನಂದ ಸರಸ್ವತಿ ಸ್ವಾಮೀಜಿ
ಉಡುಪಿ: ಭರತ ಖಂಡ ಪುಣ್ಯ ಕ್ಷೇತ್ರಾಂಚೆ ಕ್ಷೇತ್ರ. ಪ್ರಾಚೀನ ದೇವಳಾಂಚೆ ಅಭಿವೃದ್ಧಿ ಕರಚೆಂ ನಿಮಿತ ದೇಶಾಚಿ ಭವ್ಯ ಸಂಸ್ಕೃತಿ, ಶ್ರೀಮಂತ ಪರಂಪರಾ, ಗತ ವೈಭವು ಪರತೂನ ಯೆವಚಾಕ ಸಾಧ್ಯ ಆಸಾ. ಪ್ರಧಾನಿ ನರೇಂದ್ರ ಮೋದಿ ಹಾಂಗೆಲೆ ನಿರ್ಧಾರಾನ ಲೋಕಾರ್ಪಣ ಜಾಲೆಲೆ ಪ್ರಾಚೀನ ಕಾಶೀ ನಗರಾಚೆ ಪುನರುತ್ಥಾನ ಸನಾತನ ಹಿಂದೂ ಪರಂಪರೆಚೆ ಪುನಶ್ಚೇತನಾಕ ನಾಂದಿ ಜಾತಾ ಮ್ಹಣು ಕೈವಲ್ಯ ಮಠಾದೀಶ ಶ್ರೀ ಶ್ರೀ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂನಿ° ಸಾಂಗಲಾ°. ಡಿ.13ಕ “ಭವ್ಯ ಕಾಶೀ ದಿವ್ಯ ಕಾಶೀ” ಕಾರ್ಯಕ್ರಮಾಚೊ ವಾಂಟೊ ಜಾವನು ಬಿಜೆಪಿ ಕಾಪು ಮಂಡಲ ಹಾಂನಿ° ನವೀನ ಜಾವನು ಉಗ್ತಾವಣ ಜಾಲೆಲೆ ಆತ್ರಾಡಿ ಶಾಖಾ ಮಠಾಂತು° ಶ್ರೀ ಸಂಸ್ಥಾನ ಗೌಡ ಪಾದಾಚಾರ್ಯ ಹಾಂಗೆಲೆ ದಿವ್ಯ ಸನ್ನಿದಿಂತು° ಕಾಶೀ ಕಾರಿಡಾರ್ ಉದ್ಘಾಟನೆಚೆ ನೇರ ಪ್ರಸಾರ ದಿವೋ ಲಾವನು ಉಗ್ತಾವಣ ಕರನು ಉಲಯಲೆ. ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ ನಾಯಕ ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ.
ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ಪೆರ್ಣಂಕಿಲ ಶ್ರೀಶ ನಾಯಕ, ಕಾಪು ಮಂಡಲ ಪ್ರಧಾನ ಕಾರ್ಯದರ್ಶಿ ಅನಿಲ್ ಶೆಟ್ಟಿ ಮಾಂಬೆಟ್ಟು, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ, ಹಿರ್ಗಾನ ಆದಿಶಕ್ತಿ ಮಹಾಲಕ್ಷ್ಮೀ ದೇವಳಾಚೊ ಆಡಳಿತ ಮೊಕ್ತೇಸರ ಅಶೋಕ ನಾಯಕ, ಬಂಟಕಲ್ಲು ದುರ್ಗಾ ಪರಮೇಶ್ವರಿ ದೇವಳಾಚೊ ಅಧ್ಯಕ್ಷ ಜಯರಾಮ ಪ್ರಭು, ನರಸಿಂಗೆ ನರಸಿಂಹ ದೇವಳಾಚೊ ಆಡಳಿತ ಮೊಕ್ತೇಸರ ರಮೇಶ ಸಾಲ್ವಂಕರ, ದುರ್ಗಾ ಪರಮೇಶ್ವರಿ ಕ್ರೆಡಿಟ್ ಕೋಪರೇಟಿವ್ ಸೊಸೈಟಿಚೊ ಮುಖ್ಯ ಕಾರ್ಯದರ್ಶಿ ನಿತ್ಯಾನಂದ ನಾಯಕ ನರಸಿಂಗೆ, ಬಿಜೆಪಿ ಕಾಪು ಮಂಡಲ ಉಪಾಧ್ಯಕ್ಷ ಸುಭಾಸ ನಾಯ್ಕ್, ಜಿಲ್ಲಾ ಯುವ ಮೋರ್ಚಾ ಉಪಾಧ್ಯಕ್ಷ ವಿಜೇತ ಕುಮಾರ ಬೆಳ್ಳರ್ಪಾಡಿ, ಜಿಲ್ಲಾ ಕಾರ್ಯಕಾರಿಣಿ ಸದಸ್ಯ ಸುರೇಶ ಸೆರ್ವೆಗಾರ ಆನಿ ಪಕ್ಷಾಚೆ ಕಾರ್ಯಕರ್ತ ಆನೀ ಗ್ರಾಮಸ್ಥ ಉಪಸ್ಥಿತ ಆಶಿಲೆ.
ದೇವತಾರಾಧನೆಚೆ ಸಾಂಗತ ದೇಶ, ಸಂಸ್ಕೃತಿ ರಾಖಚೆ° ಜಾವಕಾ - ಕೈವಲ್ಯ ಶ್ರೀ
ಉಡುಪಿ ಆತ್ರಾಡಿ ಹಾಂಗಾ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ 16ವೊ ಶಾಖಾ ಮಠಾಚೆ ಲೋಕಾರ್ಪಣ.
ಶಿರ್ವ:- “ದೇವ ಭೂಮಿ - ತ್ಯಾಗ ಭೂಮಿ ಜಾವನು ಆಸಚೆ ಭಾರತಾಚೆ ವಯರಿ ವಿದೇಶಿ ಲೋಕಾಂಚೆ ವಾಯಟ ದೃಷ್ಟಿ ಪಡಲ್ಯಾ, ಆಮಗೆಲೆ ಸಂಸ್ಕೃತಿ ವಯರಿ ಆಕ್ರಮಣ ಜಾತಾ ಆಸಾತಿ, ಸಾಂಕ್ರಾಮಿಕ ರೋಗ ಪಸರತಾ ಆಸಾತಿ. ದೇಶಾ ಖಾತಿರ ಆಮಗೆಲೆ ಮ್ಹಾಲ್ಗಡೆನಿ ಕೆಲೆಲೆ ತ್ಯಾಗ ಉಡಗಾಸ ಕರನು ದೇವತಾರಾಧನೆಚೆ ಸಾಂಗತ ದೇಶ, ಸಂಸ್ಕೃತಿ ರಾಖಚೆ° ಕರಕಾ” ಮ್ಹಣು ಗೋಂಯಚೆ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕೈವಲ್ಯ ಮಠಾಚೆ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀ ಮಹಾರಾಜ್ ಹಾಂನಿ° ಉಲೊ ದಿಲಾ. ಉಡುಪಿ ಆತ್ರಾಡಿಂತು° ಶ್ರೀ ಸಂಸ್ಥಾನಾಚೆ 16ವೊ ಶಾಖಾ ಮಠ ಸಮಾಜಾಕ ಅರ್ಪಣ ಕರನು ದಿವೊ ಲಾವನು ಆಶೀರ್ವಚನಾಂತು° ಗುರುವರ್ಯಾನಿ ಅಶಿ° ಸಾಂಗಲೆ°.
ಧರ್ಮ ವಿಸರಲ್ಯಾರಿ ಆಮಕಾಚೀ ವಿಸರಲ್ಯಾ ಮ್ಹಣಕೆ ಜಾತಾ, ಮನುಷ್ಯ ಜನ್ಮಾಚೆ ಉದ್ಧಾರಾಕ ಫಕತ ಧರ್ಮಾಚರಣ ಆನಿ ಕುಲದೇವಾಲೆ ಉಪಾಸನಾ ವಾಟ ಜಾವನು ಆಸಾ. ಖಂಚೆಯ ನಮೂನ್ಯಾಚೆ ಆಕ್ರಮಣ ಜಾಲೆಲೆ ಪರಿಸ್ಥಿತಿರಿ ಸಾರಸ್ವತ ಲೋಕಾನ ಆತ್ಮವಿಶ್ವಾಸಾನ ಕುಲದೇವಾಂಚೆ° ರಕ್ಷಣ ಕೆಲಾ°. ಹಾಜೆನ ಸಮಾಜಾಚೆ ಪುನಶ್ಚೇತನ ಸಾಧ್ಯ ಜಾಲೆ°. ಸಾರಸ್ವತ ಲೋಕಾಂಕ ಕುಲದೇವಾಲೆ° ದರ್ಶನ ಸಾಧ್ಯ ಜಾವಚೆಂ ಖಾತೀರ ಹಾಂಗಾಚೀ ಕುಲದೇವಾಂಚೆ° ಪ್ರತಿಷ್ಠಾ ಕರಚೆ ಯೋಜನ ಆಸಾ ಮ್ಹಣು ತಾಂನಿ° ಸಾಂಗಲೆ°. ಆತ್ರಾಡಿ ಶಾಖಾ ಮಠಾಂತು° ಶೈಕ್ಷಣಿಕ ಕೇಂದ್ರ°, ವೇದಪಾಠಶಾಳಾ, ಗೋಶಾಲಾ ಆರಂಭ ಕರಚೊ ಉದ್ದೇಶ ಆಸಾ ಮ್ಹಣು ಗುರುವರ್ಯಾನಿ ಕಳಯಲೆ°.
ಕಾರ್ಯಕ್ರಮಾಂತು° ಕರ್ನಾಟಕ ರಾಜ್ಯಾಚೆ ಇಂಧನ ಆನೀ ಕನ್ನಡ -ಸಂಸ್ಕöÈತಿ ಇಲಾಖೆಚೊ ಮಂತ್ರಿ ವಿ. ಸುನಿಲ್ ಕುಮಾರ್ ಮುಖೇಲ ಸೊಯ್ರೆ ಆಶಿಲೆ. ಉಡುಪಿ ಶಾಸಕ ರಘುಪತಿ ಭಟ್, ಕಾಪು ಶಾಸಕ ಲಾಲಾಜಿ ಮೆಂಡನ್, ಆದಲೆ ಮಂತ್ರಿ ವಿನಯಕುಮಾರ್ ಸೊರಕೆ, ಪ್ರಮೋದ್ ಮಧ್ವರಾಜ್, ನಗರಸಭಾ ಅಧ್ಯಕ್ಷಾ ಸುಮಿತ್ರಾ ಆರ್. ನಾಯಕ್, ಬೆಂಗಳೂರಚೆ ಟೆಕ್ಸಾಸ್ ಸಿಇಓ ರಮಾನಂದ ನಾಯಕ್, ಕೈವಲ್ಯ ಮಠಾಚೆ ಟ್ರಸ್ಟಿ ನಿಲೇಶ್ ಬೊರ್ಕಾರ್, ಉದ್ಯಮಿ ಪುರುಷೋತ್ತಮ ಶೆಟ್ಟಿ, ಮಹೇಶ್ ಠಾಕೂರ್, ಆತ್ರಾಡಿ ಗ್ರಾ.ಪಂ. ಅಧ್ಯಕ್ಷಾ ರೂಪಾ ಶೆಟ್ಟಿ , ಮೋಂತಿಮಾರು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಟ್ರಸ್ಟಿ ಶೇಣಿ ಮುಕುಂದ ನಾಯಕ, ಹಿರ್ಗಾನ ಲಕ್ಷ್ಮಿಪುರ ಶ್ರೀ ಆದಿಶಕ್ತಿ ಮಹಾಲಕ್ಷ್ಮಿ ದೇವಳಾಚೊ ಆಡಳಿತ ಮೊಕ್ತೇಸರ ಅಶೋಕ ನಾಯಕ, ಬಂಟಕಲ್ಲು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಆಡಳಿತ ಮೊಕ್ತೇಸರ ಶಶಿಧರ ವಾಗ್ಳೆ, ನರಸಿಂಗೆ ನರಸಿಂಹ ದೇವಳಾಚೊ ಆಡಳಿತ ಮೊಕ್ತೇಸರ ರಮೇಶ ಸಾಲ್ವಂಕಾರ್, ಅಡಪಾಡಿ ಶ್ರೀ ಉಮಾಮಹೇಶ್ವರ ದುರ್ಗಾಪರಮೇಶ್ವರಿ ದೇವಾಳಾಚೊ ಧರ್ಮದರ್ಶಿ ಪುಂಡಲೀಕ ನಾಯಕ, ಮೊಗೇರು ಶ್ರೀ ದುರ್ಗಾಪರಮೇಶ್ವರಿ ದೇವಳಾಚೊ ಆಡಳಿತ ಮೊಕ್ತೇಸರ ಅಲ್ಚಾರು ರಾಮಚಂದ್ರ ನಾಯಕ, ಬೈರಂಜೆ ಶ್ರೀ ಭವಾನಿಶಂಕರ ದೇವಳಾಚೊ ಅಡಳಿತ ಮೊಕ್ತೇಸರ ದೇವೇಂದ್ರ ವಾಗ್ಳೆ ವೇದಿಕೆರಿ ಉಪಸ್ಥಿತ ಆಶಿಲೆ.
ನೂತನ ಶಾಖಾಮಠಾಚೊ ಅಧ್ಯಕ್ಷ ಸಂತೋಷ್ ವಾಗ್ಳೆ ಸಭೆಚೆ ಅಧ್ಯಕ್ಷ ಆಶಿಲೆ. ರಾಜಾಪುರ ಸಾರಸ್ವತ ಬ್ರಾಹ್ಮಣ ಸಂಘ(ರಿ) ಬಂಟಕಲ್ಲು ಹಾಜೊ ಅಧ್ಯಕ್ಷ ಗೋಕುಲದಾಸ ನಾಯಕ ಹಾಂನಿ° ಪ್ರಾಸ್ತಾವಿಕ ಆನೀ ಸ್ವಾಗತಾಚೆ° ಉತ್ರ° ಸಾಂಗಲಿ°. ಪರ್ಕಳ ದುರ್ಗಾಪರಮೇಶ್ವರಿ ಸೊಸೈಟಿಚೊ ಸಿಇಓ ನಿತ್ಯಾನಂದ ನಾಯಕ ನರಸಿಂಗೆ ಆನೀ ಪ್ರದೀಪ್ ಹಾಂನಿ° ಸೂತ್ರ ಸಂಚಾಲಕ ಆಶಿಲೆ. ಶ್ರೀಮಠಾಚೆ ವೈದಿಕ ಮಹೇಶ್ ಭಟ್, ರೋಹಿತ್ ಭಟ್, ರಂಗನಾಥ್ ಭಟ್ ಹಾಂನಿ° ವೇದಘೋಷ ಕೆಲೊ. ಸಂಘಾಚೊ ನಿಕಟಪೂರ್ವ ಅಧ್ಯಕ್ಷ ಶ್ರೀಶಾ ನಾಯಕ ಪೆರ್ಣಂಕಿಲ ಹಾಂನಿ° ಆಭಾರ ಮಾನಲೊ.
ಕಲ್ಯಾಣಪುರಚೆ ಶ್ರೀ ವೆಂಕಟರಮಣ ದೇವಳಾಂತು° ವರಸಾವಧಿ ಚಲಚೆ ಭಜನಾ ಸಪ್ತಾಹ
ಕಲ್ಯಾಣಪುರಚೆ ಶ್ರೀ ವೆಂಕಟರಮಣ ದೇವಳಾಂತು° ವರಸಾವಧಿ ಚಲಚೆ ಭಜನಾ ಸಪ್ತಾಹ (93ವೊ) ಡಿ.8ಕ ಪ್ರಧಾನ ಅರ್ಚಕ ಜಯದೇವ ಭಟ್, ರಾಮಚಂದ್ರ ಭಟ್, ಲಕ್ಷö್ಮಣ ಭಟ್ ಹಾಂನಿ° ದೇವಾಲೆ ಮುಕಾರಿ ಪ್ರಾರ್ಥನಾ ಕರನು ಮಹಾ ಮಂಗಳಾರತಿ ದಾಕೊವನು ಚಾಲನ ದಿಲೆ°. ಹರಿನಾಮ ಸಂಕೀರ್ತನಾ ಪಠಣ, ಪಲ್ಲಕಿ ಉತ್ಸವ, ಭಜನಾ ಸಾಳಿಚೆ ಮಾಂಟಪಾoತು° ಆರಾಧ್ಯ ದೇವ ವಿಠೋಬಾ ರುಖುಮಾಯಿ ಹಾಂಕಾ° ಮಹಾ ಪೂಜಾ ಜಾತರಿ ದೀಪ ಸ್ತಂಭಾಕ ಆರತಿ ದಾಕೊವಚೆ° ಜಾಲೆ°. ಆಡಳಿತ ಮೊಕ್ತೆಸರ ಅನಂತ ಪದ್ಮನಾಭ ಕಿಣಿ, ಭಜನಾ ಮಹೋತ್ಸವ ಸಮಿತಿಚೊ ಅಧ್ಯಕ್ಷ ಕೆ. ತುಳಸೀದಾಸ್ ಕಿಣಿ, ಸೀತಾರಾಮ್ ಭಟ್, ಶ್ರೀನಿವಾಸ ಮಲ್ಯ, ದತ್ತಾತ್ರೇಯ ಕಿಣಿ, ಅರವಿಂದ ಬಾಳಿಗಾ, ರಾಜಾರಾಂ ನಾಯಕ, ಶಿವಾನಂದ ಕಿಣಿ, ಡಾ. ವಿನಾಯಕ ಶೆಣೈ, ಅಚ್ಚುತ ಶೆಣೈ, ರಾಮಾನಂದ ಶಾನುಭಾಗ, ಮಂಜುನಾಥ ನಾಯಕ, ಪ್ರಭಾಕರ ಭಟ್, ಲಕ್ಷ್ಮೀಶ ಭಟ್ ಆನೀ ಜಿ.ಎಸ್.ಬಿ ಸಭಾಚೆ ಸಾಂದೆ, ಜಿ.ಎಸ್.ಬಿ ಮಹಿಳಾ ಮಂಡಳಿಚೆ ಸಾಂದೆ ಆನೀ ಸಮಾಜ ಭಾಂದವ ಉಪಸ್ಥಿತ ಆಸೂನ ಹರಿನಾಮ ಸಂಕೀರ್ತನೆoತು° ಗಾಂವ ಪರಗಾಂವಚೆ ಭಜನಾ ಮಂಡಳಿಚಾಲೆ ಸಹಕಾರಾನ ಅಹೋ ರಾತ್ರಿ ಭಜನಾ ಕಾರ್ಯಕ್ರಮ ಚಲೆ.
ಉಡುಪಿ ಜಿಲ್ಲೆಚೆ ಆತ್ರಾಡಿ ಹಾಂಗಾ ಕೈವಲ್ಯ ಮಠಾಚೆ ನೂತನ ಶಾಖಾ ಮಠ
ಸಾರಸ್ವತ ಸಮಾಜಾಚೆ ಆದ್ಯಪೀಠ ಗೋಂಯಚೆ ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಮಠ, ಕೈವಲ್ಯಪುರ, ಪೋಂಡಾ, ಹಾಂಚೆ 17ವೆ° ಶಾಖಾಮಠ ಹಾಜೆ° ಉಗ್ತಾವಣ ಡಿ.11ಕ ಸಾಂಜವೇಳಾ 6.30 ಗಂಟೆಕ ಉಡುಪಿ ಜಿಲ್ಲೆಚೆ ಆತ್ರಾಡಿ ಪರಿಕ ರಸ್ತೆ ಬಗಲೆನ ಶ್ರೀ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀ ಮಹಾರಾಜ್ ಹಾಂನಿ° ಆರಾಧ್ಯ ಮೂರ್ತಿ ಶ್ರೀ ಭವಾನೀ ಶಂಕರ ದೇವಾಲೆ ಉಪಸ್ಥಿತಿರಿ ಸಾರಸ್ವತ ಸಮಾಜಾಕ ಅರ್ಪಣ ಕರತಾತಿ. ಹ್ಯಾ ಶುಭ ಸಮಾರಂಭಾoತು° ಕರ್ನಾಟಕ ರಾಜ್ಯಾಚೆ ಇಂಧನ, ಕನ್ನಡ ಆನಿ ಸಂಸ್ಕೃತಿ ಇಲಾಖೆಚೊ ಮಂತ್ರಿ ವಿ. ಸುನಿಲ್ ಕುಮಾರ್, ಉಡುಪಿಚೊ ಶಾಸಕ ಕೆ. ರಘುಪತಿ ಭಟ್ ಆನಿ ಕಾಪು ಶಾಸಕ ಲಾಲಾಜಿ ಮೆಂಡನ್ ಆನೀ ಹೇರ ಲೋಕ ಉಪಸ್ಥಿತ ಆಸತಲೆ. ತ್ಯಾ ದೀವಸು ಸಾಂಜವೇಳಾ 4.30ಕ ಪುರ ಪ್ರವೇಶ ಕರಚೆ ಗುರುವರ್ಯಾಂಕ ಪರ್ಕಳ ಹೈಸ್ಕೂಲಾಚೆ ಲಾಗಿ ದಾಕೂನ ಶೋಭಾಯಾತ್ರೆರಿ ಶ್ರೀಮಠಾಕ ಸ್ವಾಗತ ಕರತಾತಿ ಮ್ಹಣು ಕೈವಲ್ಯ ಶಾಖಾ ಮಠ, ಆತ್ರಾಡಿ ಹಾಜೊ ಅಧ್ಯಕ್ಷ ಸಂತೋಷ್ ವಾಗ್ಳೆ ಹಾಂನಿ° ಆಜೀ ಘಡಲೆಲೆ ಪತ್ರಿಕಾ ಗೋಷ್ಠಿಂತು° ಕಳಯಲಾ°.
ಗುರುವರ್ಯ ಡಿ.17 ಥಾಂಯ ನೂತನ ಶಾಖಾ ಮಠಾಂತು° ಮೊಕ್ಕಾಂ ಆಸೂನ ಶ್ರೀ ಭವಾನೀ ಶಂಕರ ದೇವಾಲಿ ಪೂಜಾ ಕರತಾತಿ, ತ್ಯಾ ವೇಳಾರ , ಗುರುವರ್ಯಾಂಕ ಭಿಕ್ಷಾ ಪ್ರದಾನ, ಪಾದ್ಯಪೂಜಾ ಇತ್ಯಾದಿ ಚಲಚೆ ಆಸಾ ಮ್ಹಣು ತಾಂನಿ° ಸಾಂಗಲೆ°. ಸಮಾಜ ಭಾಂದವಾನಿ ಉಪಸ್ಥಿತ ಆಸೂನ ಹರಿಗುರುಲೆ ಅನುಗ್ರಹ ಪ್ರಾಪ್ತ ಕರಕಾ ಮ್ಹಣು ತಾಂನಿ° ಸಾಂಗಲೆ°. ಪತ್ರಿಕಾಗೋಷ್ಠಿಂತು° ಶ್ರೀಶಾ ನಾಯಕ್ ಪೆರ್ಣಂಕಿಲ (ನಿಕಟಪೂರ್ವ ಅಧ್ಯಕ್ಷ, ರಾಜಾಪುರ ಸಾರಸ್ವತ ಬ್ರಾಹ್ಮಣ ಸಂಘ, ಮಣಿಪಾಲ), ರಮೇಶ್ ಸಾಲ್ವಂಕಾರ್ (ಆಡಳಿತ ಮೊಕ್ತೇಸರ, ನರಸಿಂಗೆ ನರಸಿಂಹ ದೇವಸ್ಥಾನ), ಶಶಿಧರ ವಾಗ್ಳೆ (ಆಡಳಿತ ಮೊಕ್ತೇಸರ, ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ, ಬಂಟಕಲ್ಲು), ನಿತ್ಯಾನಂದ ನಾಯಕ್ (ಸಿಇಓ, ದುರ್ಗಾಪರಮೇಶ್ವರಿ ಸೊಸೈಟಿ ಪರ್ಕಳ), ಉಪೇಂದ್ರ ನಾಯಕ್ (ಜಿಪಂ ಮಾಜಿ ಅಧ್ಯಕ್ಷ) ಉಪಸ್ಥಿತ ಆಶಿಲೆ.
ಉಡುಪಿ ವಿಶ್ವ ಭಾರತೀ ಸೌಹಾರ್ದ ಕ್ರೆಡಿಟ್ ಸಹಕಾರಿ ಸಂಸ್ಥೆಚೆ 6ವಿ ಮಹಾ ಸಭಾ
ಉಡುಪಿ ವಿಶ್ವ ಭಾರತೀ ಸೌಹಾರ್ದ ಕ್ರೆಡಿಟ್ ಸಹಕಾರಿ ಸಂಸ್ಥೆಚೆ 6ವಿ ಮಹಾ ಸಭಾ ಆರತಾಂ ಒಳಕಾಡು ಪದ್ಮಾವತಿ ಸಭಾಸದನಾಂತು° ಘಡಲಿ. ಅಧ್ಯಕ್ಷ ಎಚ್. ಮಹೇಶ್ ಶೆಣೈ ಹಾಂಗೆಲೆ ಮಾರ್ಗದರ್ಶನಾರಿ ಮಹಾ ಸಭೆಂತುA ಹ್ಯಾ ವರಸ 52.44 ಲಾಖ ರುಪಯೆಚೊ ವಹಿವಾಟ ಜಾಲಾ ಆನೀ 2.12 ಲಾಖ ಮುನಾಫೊ ಜಾಲಾ ಮ್ಹಣು ಕಳಯಲಾ°. ಸಾಬಾರ 6 ಕೋಟಿ ರುಪಯೆಚೊ ವ್ಯವಹಾರ ಕೆಲೆಲೆ ಆಮಗೆಲೆ ಶಾಖೆಂತು° ಪಾನ್ ಕಾರ್ಡ್ , ಪಹಣಿ ಪತ್ರ ಇತ್ಯಾದಿ ಸೌಲಭ್ಯ ಮೆಳತಾ ಮ್ಹಣು ನಿರ್ದೇಶಕ ರವಿನಾಥ ಪೈ ಹಾಂನಿ° ಕಳಯಲೆ° ಆನೀ 8 ಠಕೊ ಡಿವಿಡೆಂಟ್ ಘೋಷಣ ಕೆಲೆ°. ಮುಖ್ಯ ಕಾರ್ಯ ನಿರ್ವಣಾಧಿಕಾರಿ ಶಶಿಕಿರಣ ಉಳಿತ್ತಾಯ ಹಾಂನಿ° ವರದಿ ವಾಚಲಿ. ಸಂಸ್ಥೆಚೊ ಉಪಾಧ್ಯಕ್ಷ ಸದಾಶಿವ್ ರಾವ್, ನಿರ್ದೇಶಕ ಶಾಮ್ ಪ್ರಸಾದ್ ಕುಡ್ವಾ, ಗಣೇಶ್ ಪೈ, ಜಯರಾಮ ಕಾಮತ್, ಗಜಾನನ ಹೆಗಡೆ, ಕೃಷ್ಣಪ್ರಸಾದ, ಅನಂತಕೃಷ್ಣ ಪ್ರಭು, ಮಾರುತಿ ಪ್ರಭು, ಸುರೇಶ ಶೆಣೈ, ಉಮೇಶ್ ಜೋಗಿ, ಸೀಮಾ ಶೆಣೈ, ಸುಮತಿ ಪಿ, ರಾಘು, ರೊನಾಲ್ಡ್ ಬನಾರ್ಡ್, ಆನಂದ ಪೂಜಾರಿ ಆನಿ ಹೇರವ ಉಪಸ್ಥಿತ ಆಶಿಲೆ.
IMA ಉಡುಪಿ ಕರಾವಳಿ ಅಧ್ಯಕ್ಷ ಜಾವನು ಡಾಕ್ಟರ್ ವಿನಾಯಕ್ ಶೆಣೈ
ಇಂಡಿಯನ್ ಮೆಡಿಕಲ್ ಅಸೋಸಿಯೇಷನ್ ಉಡುಪಿ ಕರಾವಳಿ ಘಟಕಾಚೊ ನವೀನ ಅಧ್ಯಕ್ಷ ಜಾವನು ಡಾಕ್ಟರ್ ವಿನಾಯಕ್ ಶೆಣೈ ನೆಮಣೂಕ. ಉಪಾಧ್ಯಕ್ಷ ಜಾವನು ಪಿ. ವಿ. ಭಂಡಾರಿ, ಖಜಾಂಜಿ ಜಾವನು ರಂಜಿತಾ ನಾಯಕ್, ಕಾರ್ಯದರ್ಶಿ ಜಾವನು ಡಾ. ಗಣಪತಿ ಹೆಗ್ಡೆ ಹಾಂಗೆಲೆ ನೆಮಣೂಕ ಜಾಲಾ°. ಡಾ. ಉಮೇಶ್ ಪ್ರಭು ಹಾಂನಿ° ಸ್ವಾಗತಚೆ ಉತ್ರ° ಸಾಂಗಲಿ°. ಮಣಿಪಾಲಚೆ ಹೋಟೆಲ್ ಮಧುವನ್ ಸೆರಾಯ್ ಸಭಾಂಗಣಾoತು° ಚಲೆಲೆ ಕಾರ್ಯಕ್ರಮಾಂತು° ಮುಖೇಲ ಸೊಯ್ರೊ ಕಸ್ತೂರ್ಬಾ ಮೆಡಿಕಲ್ ಕಾಲೇಜು ಸರ್ಜರಿ ವಿಭಾಗಾಚೊ ಮುಖ್ಯಸ್ಥ ಡಾಕ್ಟರ್ ಕೆ. ಜಯರಾಮ ಶೆಣೈ ಹಾಂನಿ° ಪ್ರತಿಜ್ಞಾ ಭೋದನ ಕೆಲೆ°. ಕೊರೋನಾ ಕಾಳಾಂತು° ವಿಶೇಷ ಸೇವ ದಿಲೆಲೆ ಆದಲೊ ಅಧ್ಯಕ್ಷ ಉಮೇಶ್ ಪ್ರಭು ಆನೀ ಕಾರ್ಯದರ್ಶಿ ಪ್ರಕಾಶ್ ಭಟ್ ಹಾಂಕಾ° ಸನ್ಮಾನ ಚಲೊ. ಡಾ. ಶರತಚಂದ್ರ ರಾವ್ ಹಾಂನಿ° ಆಭಾರ ಮಾನಲೊ. ಡಾ. ಅರುಣ್ ವರ್ಣೇಕರ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಸಂಘಾಚೆ ಸಾಂದ್ಯನಿ ಮನೋರಂಜನಾ ಕಾರ್ಯಕ್ರಮ ಪ್ರಸ್ತುತ ಕೆಲೊ.
ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ವಿಶ್ವ ರೂಪ ದರ್ಶನ
ಉಡುಪಿ: ಹಾಂಗಾಚೆ ತೆಂಕಪೇಟೆಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು° ಕಾರ್ತಿಕ ಮಾಸಾಚೊ ವಾಂಟೋ ಜಾವನು ಆರತಾ° ಆಯತಾರಾ ಸಕಾಳಿ 5ಕ ಪಶ್ಚಿಮ ಜಾಗರ ಪೂಜಾ, ಸುಪ್ರಭಾತ ಪೂಜ, ಕಾಕಡ ಆರತಿ, ಶ್ರೀ ದೇವಲೆ ಸನ್ನಿದಿಂತು° ಹಜಾರಾನಿ ಪಣತಿ ಲಾವನು ಅಲಂಕಾರ ಕರನು ವಿಶ್ವ ರೂಪ ದರ್ಶನ ಜಾಲೆ°. ಹ್ಯಾ ವರಸ ವಿಶೇಷ ಆಕರ್ಷಣ ಜಾವನು ಶ್ರೀ ರಾಮ ಮಂದಿರ, ತಿರುಪತಿ ಶ್ರೀನಿವಾಸ ದರ್ಶನ, ಗಣಪತಿ ಈಶ್ವರ, ಕಡಗೋಲು ಕೃಷ್ಣ, ಪಾಂಡುರಂಗ ವಿಠ್ಠಲ, ರಂಗೋಲಿಯೊ, ಫುಲಾಚಿ ರಂಗೋಲಿ, ಪಣತಿ ಲಾವನು ಓಂ, ಸ್ವಸ್ತಿಕ್, ಶಂಖ ಚಕ್ರ ರಚನ ಕೆಲೆಲೆ° ಪಳೊವಚಾಕ ಮೆಳೆ°. ಮಹಾ ಪೂಜೆಚೆ ಉಪರಾಂತ ಪ್ರಸಾದ ವಿತರಣ ಜಾಲೆ°. ಅರ್ಚಕ ದಯಾಘನ್ ಭಟ್, ವಿನಾಯಕ ಭಟ್, ಆಡಳಿತ ಮೊಕ್ತೇಸರ ಪಿ.ವಿ.ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ಗಣೇಶ್ ಕಿಣಿ, ರೋಹಿತಾಕ್ಷ ಪಡಿಯಾರ್, ವಸಂತ್ ಕಿಣಿ, ವಿಶ್ವನಾಥ್ ಭಟ್, ಜಿ. ಎಸ್. ಬಿ ಯುವಕ ಮಂಡಳಿಚೊ ಅದ್ಯಕ್ಷ ನಿತೇಶ್ ಶೆಣೈ, ವಿಶಾಲ್ ಶೆಣೈ, ಭಾಸ್ಕರ್ ಶೆಣೈ, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿ ಸಾಂದೆ ಆನೀ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಖೂಶಿ
ಹಾಂವೆ ಸಾಂಗಿಲೆ ಕಾಮ ತೂಕಾ ಖೂಶಿ ಆಸಲ್ಯಾರ ಕರಿ. ತಾಕಾ ಆಂಬೊ ಖಾವಚ್ಯಾಕ ಖೂಶಿ ನಾ. ಜೀವನಾಂತು ಕೆದನಾಯಿ ಖೂಶಿನ ಆಸೂಕಾ.
ಹೇ ವಯಲೆ ವಾಕ್ಯಾಂತ ಉದ್ಗೃತ ಖೂಶಿ ಮ್ಹಣಚೊ ಜೋ ಶಬ್ದ ವಾಪರಲಾ ತೇ ಶಬ್ದ ವಿಶೀ ಸಮಜೂವ್ಯಾಂ. ಖೂಶೀ, ಖೂಶಿ ಮ್ಹಣಚೋ ಜೋ ಶಬ್ದ ಸಂಸ್ಕೃತ ಭಾಶಾ ಶಬ್ದಾಚೆ ತದ್ಬವ ರೂಪ ಜಾವೊ ಪ್ರಾಕೃತ ಭಾಶಾಚೊ ಶಬ್ದು ನ್ಹಹಿಂ. ಹೋ ಶಬ್ದು ಅನ್ಯ ಭಾಶಾ ಸ್ವೀಕರಣ ಮ್ಹಣಚೆ ನೇಮಾ ಪ್ರಮಾಣೆ ಕೊಂಕಣೀ ಭಾಶೆಂತು ಸ್ವೀಕಾರ ಕೆಲೆಲೊ ಅರಬ್ಬೀ ಭಾಶಾಚೊ ಖುಶ ಮ್ಹಣಚೊ ಜಾವನ ಆಸಾ. ಆನೀಕ ಹೆ ಶಬ್ದಾಚೊ ಅರ್ಥ ಇಷ್ಟ, ಇಚ್ಚಾ, ಪ್ರಸನ್ನತಾ, ಆನಂದಿತ ಮ್ಹಣು ಜಾವನ ಆಸಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- GSB Scholarship League Application
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 259 guests and no members online