ಕೊಚ್ಚಿಚೆ ಸುಕೃತೀಂದ್ರ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆ ಸ್ವರ್ಣ ಮಹೋತ್ಸವಾಚೊ ವಾಂಟೊ ಜಾವನು ಮೆ. 26, 2022ಕ ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° “ಶ್ರೀಮದ್ ಸುಧೀಂದ್ರ ತೀರ್ಥ ಸಾರಸ್ವತ ವಾಚನಾಲಯ” ಉಗ್ತಾವಣ ಕೆಲೆಲೆ° ಆಸಾ. ಹಾಂಗಾ ಅತೀ ಪುರಾತನ ಗ್ರಂಥ°, ಪುಸ್ತಕ°, ತಾಳೆಗರಿ ಆನೀ ಹೇರ ವಿಷಯಾಂಚೆ° ಸಂಗ್ರಹ ಕೆಲೆಲೆ° ಆಸಾ. ಹಾಕಾ ಪಾಂಟಿಂಬೊ ಆಶೇನು ಇನ್ಸ್ಟಿಟ್ಯೂಟಾನ ಎಕ ಮಾಘಣಿ ಫಾಯಸ ಕೆಲೆಲಿ ಆಸಾ. ಚಡತೆ ಮಾಹಿತಿ ಖಾತಿರಿ ಲಿಂಕ್ ಕ್ಲಿಕ್ ಕರಾ.

https://www.kodialkhaber.com/index.php/more/education/355-sukrtindra-oriental-research-institute

ಕೊಚ್ಚಿನ್: ಹಾಂಗಾಚೆ ಸುಕೃತೀಂದ್ರ ಓರಿಯೇಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆ ಸ್ವರ್ಣ ಮಹೋತ್ಸವಾಚೆ ವಾಂಟೊ ಜಾವನು ಇನ್ಸ್ಟಿಟ್ಯೂಟಾಚೆ ಪ್ರಧಾನ ಪಾಲಕ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಡಾ. ವಿ. ನಿತ್ಯಾನಂದ ಭಟ್ ಹಾಂಗೆಲೆ° ಸಂಗ್ರಹ ಕೃತಿ “ಗೋಲ್ದನ್ ಸೇಯಿಂಗ್ಸ್ ಆಫ್ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ’ ಪುಸ್ತಕಾಚೆ° ಉಗ್ತಾವಣ ಕೆಲೆ°. ಸ್ವರ್ಣ ಮಹೋತ್ಸವ ವರಸಾಚೆ° 8ವೆ° ಆನೀ ಇನ್ಸ್ಟೀಟ್ಯೂಟಾಚೆ 87ವೆ° ಪ್ರಕಾಶಿತ ಪುಸ್ತಕ ಹೆ° ಜಾವನು ಆಸಾ.ಹ್ಯಾ ಪುಸ್ತಕಾಚೆ ಮ್ಹೋಲ ರೂ. 100 ಜಾವನು ಆಸಾ ಆನಿ ಉಮೇದಿ ಆಶಿಲ್ಯಾನಿ This email address is being protected from spambots. You need JavaScript enabled to view it. ಹಾಕಾ ಸಂಪರ್ಕ ಕರಯೇತ ಮ್ಹಣು ಕಳವಣಿ ಸಾಂಗತಾ. ಹ್ಯಾಚ ಸಂದರ್ಭಾರಿ ಗುರುವರ್ಯಾನಿ ನಿತ್ಯಾನಂದ ಭಟ್ ಹಾಂಕಾ° ಸನ್ಮಾನ ಕೆಲೊ.

ಊಡುಪಿ: ಶ್ರೀ ಸೀತಾರಾಮಂಜನೆಯ ದೇವಸ್ಥಾನ ಆಗುಂಬೆ, ಹಾಜೆ ಪುನರ್ ಪ್ರತಿಷ್ಠಾಪನಾ ಕಾರ್ಯಕ್ರಮಾಚೆ ಬದಲ್ ಫೆ. 17ಕ ಸಕಾಳಿ 8 ಗಂಟ್ಯಾಕ ಶ್ರೀ ಸಂಸ್ಥಾನ ಕಾಶೀಮಠಾಧೀಶ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂನಿ° ಭೇಟಿ ದಿಲೆಲೆ ವೇಳಾರ ಗುರುವರ್ಯಾಂಕ ಪೂರ್ಣಕುಂಭ ಸ್ವಾಗತ ದಿವನು ದೇವಳಾಚೆ ಅಭಿವೃದ್ಧಿ ಬದಲ್ ಮಾಹಿತಿ ದಿವಚೆ° ಜಾಲೆ°. ಉಪರಾಂತ ಶ್ರೀಮದ್ ಸಂಯಮಿοದ್ರ ತೀರ್ಥ ಸ್ವಾಮೀಜಿ ಹಾಂನಿ° ನವೀನ ಇಮಾರತಾಕ ಶಿಲಾನ್ಯಾಸ ಕರನು ಅನುಗ್ರಹ ಕೆಲೆ°. ದೇವಳಾಚೆ ಆಡಳಿತ ಮೊಕ್ತೇಸರ ಶ್ರೀನಿವಾಸ ಮೂರ್ತಿ ಆನೀ ಪೆಂಟೆಚೆ ದ್ಹಾ ಲೋಕಾನ ಮೇಳನು ಸ್ವಾಮೀಜಿಲೆ ಪಾದ ಪೂಜಾ ಕರನು ಗುರು ಕಾಣಿಕಾ ಅರ್ಪಣ ಕೆಲೆ°. ತೀರ್ಥಹಳ್ಳಿ ತಾಲ್ಲೂಕ ಬಿಜೆಪಿ ಅಧ್ಯಕ್ಷ ಆನಿ ತೀರ್ಥಹಳ್ಳಿ ಲಕ್ಷೀ ವೇಂಕಟರಮಣ ದೇವಸ್ಥಾನಾಚೆ ಆಡಳಿತ ಮೊಕ್ತೇಸರ ಬಾಳೆಬೈಲು ರಾಘವೇಂದ್ರ ನಾಯಕ, ಕಾರ್ಯದರ್ಶಿ ನಂದಕಿಶೋರ ಕಾಮತ,
ಖಚಾಂಜಿ ಎಸ್. ನಾಗರಾಜ ಪ್ರಭು, ಆಡಳಿತ ಮಂಡಳಿ ಸದಸ್ಯ ಲಕ್ಷೀನಾರಾಯಣ ಹೆಗಡೆ, ಕೃಷ್ಣ  ವಾಮನ ಪ್ರಭು, ತೀರ್ಥಹಳ್ಳಿ ಜಿಎಸ್ ಬಿ ಸಭಾಚೆ ಉಪಾಧ್ಯಕ್ಷ ಮಂಜುನಾಥ ಮಲ್ಯ, ಆಗುಂಬೆ ಗ್ರಾಮ ದೇವತಾ ಶ್ರೀ ಗೋಪಾಲಕೃಷ್ಣ   ದೇವಸ್ಥಾನಾಚೆ ಪ್ರಧಾನ ಅರ್ಚಕ ವಿಷ್ಣುಮೂರ್ತಿ ಭಟ್, ಉಡುಪಿಚೆ ವಿಶ್ವನಾಥ ಶೆಣೈ ದಂಪತಿ, ಸೋಮೇಶ್ವರ ವೆಂಕಟರಮಣ ದೇವಸ್ಥಾನಾಚೆ ಮೊಕ್ತೇಸರ ಯೋಗಿಶ್ ಭಟ್ ಆನಿ ಕಾರ್ಯದರ್ಶಿ ರಾಘು ಭಕ್ತ ಆನಿ ಹೇರ ಉಪಸ್ಥಿತ ಆಶಿಲೆ.

ಮೂಡುಬಿದಿರೆ: “ಶ್ರೀ ಕಾಶೀ ಮಠ ಸಂಸ್ಥಾನಾಚೆ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಗೌಡ ಸಾರಸ್ವತ ಸಮಾಜಾಚೆ ಉನ್ನತಿ ಆನಿ ಸಾಧನೆಕ ಕಾರಣಕರ್ತ ಆಸಾತಿ. ಘನ ಪಾಂಡಿತ್ಯ ಆಸೂನುಯಿ ಚೆರಡುವಾಲೆ° ಸರಳತಾ ಆಸೂನ ಶಿಷ್ಯವರ್ಗಾಚೆ ಅಭಿವೃದ್ಧಿ ಖಾತಿರ ಕಾಳಜಿ ದವರೂನ ಆಶಿಲೆ. ಜಿ.ಎಸ್.ಬಿ. ಸಮಾಜ ಬಾಂಧವಾನಿ ನಿತ್ಯಾನುಷ್ಠಾನ, ಧರ್ಮ ಶ್ರದ್ಧಾ ದವರೂನ ಸಂಸ್ಕಾರಭರಿತ ಸಮೃದ್ಧಿ ಆಸಚೆ ಸಮಾಜಾಚೆ ಗುರುವರ್ಯಾಲೆ° ಚಿಂತನ ಸಾಕಾರ ಕರಕಾ” ಮ್ಹಣು ಉಡುಪಿಚೆ ವೇ. ಮೂ. ಎಂ. ಹರಿಪ್ರಸಾದ್ ಶರ್ಮ ಹಾಂನಿ° ಸಾಂಗಲೆ°. ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಂತು° ಸೋಮವಾರ (ಜ.10)ಕ ಘಡಲೆಲೆ ಶ್ರೀ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಸ್ಹವೆ° ಆರಾಧನಾ ಮಹೋತ್ಸವಾಂತು° ಗುರುವರ್ಯಾಲೆ° ಗುಣಗಾನ ಕರನು ತಾಂನಿ° ಅಶಿ°ಸಾಂಗಲೆ°. ಚಮಕುಚೊ ದೇವು ಜಾವನು ಆಶಿಲೆ ಗುರು ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಕೇದನಾಯಿ ಶಿಷ್ಯ ವೃಂದಾಚೆ ಸಂಕಷ್ಟಾοಕ ಸ್ಪಂದನ ದಿಲೆಲೆ° ಆಸಾ. ತಾಂಗೆಲೆ ಅನುಗ್ರಹಾನ ಆಜಿ ಸಮಾಜ ಸ್ವಾವಲಂಬಿ ಜಾವನು ವಾಡಲಾ ಮ್ಹಣು ಕೆನರಾ ಎಂಜಿನಿಯರಿοಗ್ ಕಾಲೇಜಾಚೊ ಆಡಳಿತಾಧಿಕಾರಿ ಎಂ. ಗಣೇಶ ಕಾಮತ ಹಾಂನಿ° ಸಾಂಗಲೆ°. ಶ್ರೀ ವೆಂಕಟರಮಣ ಭಜನಾ ಮಂಡಳಿಚೆ ವಜ್ರ ಮಹೋತ್ಸವಾಚೊ ವಾಂಟೊ ಜಾವನು ಸಂಕೀರ್ತನಕಾರ ದಿ. ಎಂ. ಉಮೇಶ ಕಾಮತ ಹಾಂಗೆಲೆ ಜನ್ಮ ಅಮೃತ ವರ್ಷಾಚಾರಣೆಚೆ ಸಂಸ್ಮರಣಾರ್ಥ ಕಾರ್ಕಳಚೆ ಹರಿದಾಸ ವೈ. ಅನಂತ ಪದ್ಮನಾಭ ಭಟ್ ಹಾಂನಿ° ಶ್ರೀ ವಿಷ್ಣು ಸಹಸ್ರನಾಮ ಪಾರಮ್ಯ- ಸ್ವರ್ಗಾರೋಹಣ ಹರಿಕಥಾ ಸಾದರ ಕೆಲಿ. ದೇವಳಾಚೊ ಆದಲೊ ಮೊಕ್ತೇಸರ ಕೆ. ವಿಶ್ವನಾಥ ಪ್ರಭು ಹಾಂನಿ° ದೀವೊ ಲಾಯಲೊ. ಗುರುವರ್ಯಾಲೆ ಭಾವಚಿತ್ರ ದವರೂನ ದೇವಳಾಚೆ ಆಂಗಣಾοತು° ಪಲ್ಲಕ್ಕಿ ಉತ್ಸವ ಚಲೊ. ಮೂಡು ವೇಣುಪುರಾಧೀಶ ಮಾಲಿಕೆಂತು° ಎಂ. ಉಮೇಶ ಕಾಮತ ಹಾಂಗೆಲೆ ಭಜನೆಚೆ ಆಲ್ಬಾಂತು° ಗಾಯಲೆಲೆ ಮಂಡಳಿಚೆ ಗಾಯಕ, ಹಿನ್ನೆಲೆ ಸಹಕಾರ ದಿಲೆಲೆ ಲೋಕಾಂಕ ಎಂ. ಶಾಂತಾ ಉಮೇಶ ಕಾಮತ ಹಾಂನಿ ಸನ್ಮಾನ ಕೆಲೊ. ಸಹನಾ, ಹರೀಶ ಕಾಮತ ಹಾಂನಿ° ಹರಿಕಥಾ ಪಂಗಡಾಕ ಗೌರವಾರ್ಪಣ ಕೆಲೆ°. ಮ್ಹಾಲ್ಗಡೊ ಸಮಾಜ ಸೇವಕ ಡಿ. ಶ್ರೀನಿವಾಸ ಕಿಣಿ ಹಾಂಕಾಯಿ ಸನ್ಮಾನ ಚಲೊ. ದೇವಳಾಚೆ ಮೊಕ್ತೇಸರ ಟಿ. ರಘುವೀರ ಶೆಣೈ, ಮನೋಜ್ ಶೆಣೈ, ಬಿ. ರಾಘವೇಂದ್ರ ಕಾಮತ, ಭಜನಾ ಮಂಡಳಿಚೆ ಅಧ್ಯಕ್ಷ ವಿಘ್ನೇಶ್ ಪ್ರಭು, ಪ್ರಾರ್ಥನಾ ಗಣೇಶ ಕಾಮತ, ಕೆ. ರೂಪಾ ರಮಾನಂದ ಪೈ ಆನಿ ಹೇರ ಉಪಸ್ಥಿತ ಆಶಿಲೆ. ಎಂ. ನಾಗೇಂದ್ರ ಭಟ ಹಾಂನಿ° ಸೂತ್ರ ಸಂಚಾಲನ ಕೆಲೆ°.

“ಆಮಗೆಲಿ ಸಂಸ್ಕೃತಿಚೆರಿ ನಂಬಿಕಾ ದವೊರಚೆ°, ಆಮಗೆಲೆ ಮೂಳ ವಿಸರನಾಶಿ° ಆಸಚೆ° ಆನೀ ಕಷ್ಟಾರ ಆಸತನ ಮದದ ಕೆಲೆಲೆಲ್ಯಾಂಕ ವಿಸರನಾಶಿ° ಆಸಚೆ° ಮುಖ್ಯ ಆಸಾ” ಮ್ಹಣು ಲಿಂಗೊ ಇಂಡಿಯಾ ಪ್ರೈವೇಟ್ ಲಿ., ಮುಂಬಯಿ ಹಾಜೊ ಸ್ಥಾಪಕ ಮನೋಹರ ನಾಯಕ ಹಾಂನಿ° ಸಾಂಗಲಾ°. ಶ್ರೀಮದ್ ಕೇಶವೇಂದ್ರ ತೀರ್ಥ ಸ್ವಾಮಿ ಚ್ಯಾರಿಟೆಬಲ್ ಟ್ರಸ್ಟ್ ಹಾಜೆ° ವಾರ್ಷಿಕ ಕಾರ್ಯಕ್ರಮ ಉಗ್ತಾವಣ ಕರನು ತಾಂನಿ° ಅಶಿ° ಸಾಂಗಲೆ°. ಕಠಿಣ ಶ್ರಮ ಆನೀ ಪ್ರಾಮಾಣಿಕತಾ ಆಸಲ್ಯಾರಿ ಜೀವನಾಂತು° ಯಶ ಪಾವಚಾಕ ಸಾಧ್ಯ ಜಾತಾ. ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲಿ ಕೃಪಾ ತಾಂಗೆಲೆ ಕುಟುಂಬೆರಿ ಆಶಿಲೆ ನಿಮಿತ ತಾಂಕಾ ಯಶ ಮೆಳಾ ಮ್ಹಣುಯೀ ತಾಂನಿ° ಸಾಂಗಲೆ°. ಡಿ. 25ಕ ಉಡುಪಿಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು ಘಡಲೆಲೆ ಶ್ರೀಮದ್ ಕೇಶವೇಂದ್ರ ತೀರ್ಥ ಸ್ವಾಮಿ ಚ್ಯಾರಿಟೆಬಲ್ ಟ್ರಸ್ಟಾಚೆ ವಿದ್ಯಾರ್ಥಿ ವೇತನ ನಿಧಿ ಆನಿ ‘ಸ್ಪಾನ್ಸರ್ ಎ ಸ್ಟುಡೆಂಟ್’ ಕಾರ್ಯಕ್ರಮಾಚೆ ತಾಂನಿ° ಮುಖೇಲ ಸೊಯ್ರೆ ಆಶಿಲೆ. 

‘ಸ್ಪಾನ್ಸರ್ ಎ ಸ್ಟುಡೆಂಟ್’ ಕಾರ್ಯಕ್ರಮಾಚೆ ಸಕಳ 84 ಪಿ.ಯು.ಸಿ, ಡಿಗ್ರಿ, ಪ್ರೊಫೆಶನಲ್ ಕೋರ್ಸ, ಮಾಸ್ಟರ್ಸ ಡಿಗ್ರಿ ಶಿಖಚೆ ಪ್ರತಿಭಾವಂತ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ಮೆಳಾ°. ಹ್ಯಾ ಯೋಜನೆಂತ ವಿದ್ಯಾರ್ಥಿಯಾಂಕ ತಾಂಗೆಲೆ ಅರ್ಹತಾ ಆನೀ ಕುಟುಂಬೆಚೆ ಆರ್ಥಿಕ ಪರಿಸ್ಥಿತಿ ಪಳೊವನು ಅಗತ್ಯಾಕ ತಕೀತ ವಿದ್ಯಾರ್ಥಿ ವೇತನ ದಿತಾತಿ. ಹೆ° ನತಾ° ಸಾಮಾನ್ಯ ಯೋಜನೆ ಸಕಳ 160 ಎಸ್.ಎಸ್.ಎಲ್.ಸಿ, ಪಿ.ಯು.ಸಿ, ಡಿಗ್ರಿ, ಪ್ರೊಫೆಶನಲ್ ಆನೀ ಮಾಸ್ರ‍್ಸ ಶಿಖಚೆ ವಿದ್ಯಾರ್ಥಿಯಾಂಕ ಸುತಾ ಹ್ಯಾ ವಿದ್ಯಾರ್ಥಿ ವೇತನ ನಿಧಿಚೆ ಉಪೇಗ ಜಾಲಾ. 

ಶಿಕ್ಷಕ ಆನೀ ರಾಷ್ಟ್ರೀಯ ಸ್ಥರಾಚೊ ತರಬೇತುದಾರ ಕೆ. ರಾಜೇಂದ್ರ ಭಟ್ ಆನೀ ವಿಶೇಷ ಸೊಯ್ರೊ ಐ.ಐ.ಟಿ ಮದ್ರಾಸ ಹಾಜೊ ಆಲ್ಯುಮನಿ ಅಭಯ ನಾಯಕ ಹಾಂನಿ° ವಿದ್ಯಾರ್ಥಿಯಾಂಕ ಮಾರ್ಗದರ್ಶನ ದಿಲೆ°. ಟ್ರಸ್ಟಾಚೊ ಅಧ್ಯಕ್ಷ ಸಿ.ಎ. ನಂದಗೋಪಾಲ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಚೆ ಆಡಳಿತ ಮೋಕ್ತೆಸರ ಸಿ.ಎ. ಪಿ.ವಿ. ಶೆಣೈ ಸಮಾರಂಭಾಚೆ ಅಧ್ಯಕ್ಷ ಆಶಿಲೆ. ಟ್ರಸ್ಟಾಚೆ ಕಾರ್ಯದರ್ಶಿ ಡಾ| ಗೀರಿಷ್ ಪೈ ಕುಲ್ಯಾಡಿ ಆನೀ ಖಜಾನದಾರ ದಿನೇಶ ಶೆಣೈ ಹಾವಂಜೆ ಹಾಂನಿ° ಟ್ರಸ್ಟಾಚೆ ಕಾರ್ಯಕ್ರಮಾ ಬದಲ ಮಾಹಿತಿ ದಿಲಿ. ಶ್ರೀನಿವಾಸ ಪ್ರಭು ಯು ಆನೀ ವಿಶಾಲ ಶೆಣೈ ಹಾಂನಿ° ಸೊಯ್ರೆಲೊ ವಳಕ ಕರನು ದಿಲೊ. ಶ್ರೀನಿವಾಸ ಪ್ರಭು ಹಾಂನಿ° ಆಭಾರ ಮಾನಲೊ. ಪಲ್ಲವಿ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಎ. ಪುಂಡಲಿಕ ಕಾಮತ, ರಾಧಾಕೃಷ್ಣ ಶೆಣೈ, ಎಂ. ವಿಶ್ವನಾಥ ಭಟ್, ಬಾಲಕೃಷ್ಣ ಪ್ರಭು ಆನೀ ಶಾಂತರಾಮ ಪೈ ಉಪಸ್ಥಿತ ಆಶಿಲೆ. 

ಉಡುಪಿ: ‘ಪಂಚ್ಕದಾಯಿ’ ಕೊಂಕಣಿ ಮಾಸಿಕ ಪತ್ರಿಕೆಚೊ ಆದಲೊ ಸಂಪಾದಕ ಬಂಟ್ವಾಳ ಶಾಂತರಾಮ ಬಾಳಿಗಾ ಹಾಂಕಾ° ಆಜಿ(ಡಿ. 18) ಉಡುಪಾಚೆ ಅದಮಾರು ಮಠಾಚೆ ಶ್ರೀ ಶ್ರೀ ಈಶಪ್ರೀಯ ತೀರ್ಥ ಶ್ರೀಪಾದ ಸ್ವಾಮೀಜಿ ಹಾಂನಿ° ತಾಂಗೆಲೆ ಪ್ರಥಮ ಪರ್ಯಾಯಾಚೆ ದೀಕ್ಷಾ ವಿಶ್ವಾರ್ಪಣ ಕಾರ್ಯಕ್ರಮಾಂತು° ‘ಸಾಹಿತ್ಯ ಶೇಖರಾ’ ಪ್ರಶಸ್ತಿ ದೀವನು ಸಮ್ಮಾನ ಕೆಲೊ. ಉಡುಪಿ ಮಠಾಚೆ ರಾಜಾಂಗಣಾoತು° ಘಡಲೆಲೆ ಹ್ಯಾ ಕಾರ್ಯಕ್ರಮಾಂತು° ಶ್ರೀ ಕಾಶೀ ಮಠಾಧೀಶ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಉಪಸ್ಥಿತ ಆಶಿಲೆ. 
ಕಲ್ಯಾಣಪುರಚೆ ದೇವಾದಿನ ಕೃಷ್ಣ ಬಾಳಿಗಾ ಆನೀ ದೇವಾದಿನ ರಮಾ ಬಾಳಿಗಾ ಹಾಂಗೆಲೊ ಪೂತು ಜಾವನು ಆಸಚೆ ಬಿ. ಶಾಂತರಾಮ ಬಾಳಿಗಾ ಹಾಂಗೆಲೆ° ಮೂಳಾವೆ ಶಿಕ್ಷಣ ಬಂಟ್ವಾಳಚೆ ಎಸ್. ವಿ. ಎಸ್ ಪ್ರೌಡ ಶಾಳೆಂತು° ಜಾಲೆಲೆ°. ಉಪರಾಂತ ಚಾಳಿಸ ವರಸ° ಹಾಂನಿ° ಅಂಚೆ-ತoತಿ ಇಲಾಖೆಂತು° ಸೇವಾ ದಿವನು ನಿವೃತ್ತ ಜಾತರಿ ‘ಪಂಚ್ಕದಾಯಿ’ ಕೊಂಕಣಿ ಮಾಸಿಕ ಪತ್ರಿಕೆಚೆ ಸಂಪಾದಕ ಜಾಲೆ. ಕನ್ನಡ – ಕೊಂಕಣಿ, ಕನ್ನಡ – ಇಂಗ್ಲಿಷ್, ಇಂಗ್ಲಿಷ್ – ಕೊಂಕಣಿ ಅಣಕಾರಾಂತು° ಪಂಡಿತ ಆಶಿಲೆ ಹಾಂನಿ° ಖೂಬ ಲೇಖನ° ಆನೀ ಪುಸ್ತಕ° ಅಣಕಾರ ಕರನು ಪ್ರಕಟ ಕೆಲೆಲೆ° ಆಸಾ. ಸ್ವತ: ಗೀತ ರಚನ ಕರನು ಸಂಗೀತ ಸಂಯೋಜನ ಕರತಲೆ ಹಾಂನಿ° ಸಾಬಾರ ಕ್ಯಾಸೆಟ° ಫಾಯಸ ಕೆಲ್ಯಾಂತಿ. ಉಡುಪಾಂತು° ಘಡಲೆಲೆ ಪುರಂದರದಾಸ ನಿರ್ವಾಣ ಚತುಶತಮಾನ ಸಂಭ್ರಮಾಚೆ ವೇಳಾರಿ ‘ಪುರಂದರದಾಸರು’ ಮ್ಹಳೆಲೆ ಗೀತ ನಾಟಕ ರಚನ ಕರನು ಸ್ವತ: ಪುರಂದರದಾಸಲೆ ಪಾತ್ರ ಹಾಂನಿ° ನಿರ್ವಹಣ ಕೆಲೆಲೆ° ಆಸಾ. ‘ಸಚತುಶಾಖಾ ಸುಭಾಷಿತ ಗಂಗಾ’ ಆನೀ ‘ದ್ವಾದಶ ಪಂಜರಿಕಾ’ ತಸಲೆ ಕೃತಿ ಸುತಾ ರಚನ ಕೆಲೆಲೆ ಹಾಂಗೆಲೆ° ವಿದ್ವತ್ ಮನೂನ ಘೆವನು ಉಡುಪಿ ಪರ್ಯಾಯ ಸ್ವಾಮಿಜಿನ ಹಾಂಕಾ° ‘ಸಾಹಿತ್ಯ ಶೇಖರಾ’ ಪ್ರಶಸ್ತಿ ದೀವನು ಸಮ್ಮಾನ ಕೆಲಾ. ಹ್ಯಾ ಸಂದರ್ಭಾರಿ ಮಂಗಳೂರು ದಕ್ಷಿಣ ಶಾಸಕ ವೇದವ್ಯಾಸ ಕಾಮತ ಆನೀ ಉಡುಪಿ ಶಾಸಕ ರಘುಪತಿ ಭಟ್ ಉಪಸ್ಥಿತ ಆಶಿಲೆ. 

ಕೊಚ್ಚಿ: 1971 ಇಸವಿಂತು° ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಮಾರ್ಗದರ್ಶನಾರಿ ಶುರುವಾತ ಜಾಲೆಲೆ ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್  ಹಾಜೆ° ಸ್ವರ್ಣ ಮಹೋತ್ಸವಾಚೊ ವಾಂಟೊ ಜಾವನು “ಶ್ರೀಮದ್ ಸುಧೀಂದ್ರ ತೀರ್ಥ ಸಾರಸ್ವತ ಗ್ತಂಥಾಲಯ” ಸ್ಥಾಪನ ಕರಚೆ ಯೋಜನೆಕ ಚಾಲನ ಮೆಳಾ°. ಹ್ಯಾ ಗ್ರಂಥಾಲಯಾoತು° ವಿಶೇಷ ಜಾವನು ಭಗವಾನ ವೇದವ್ಯಾಸ, ಶ್ರೀ ಮದ್ವಾಚಾರ್ಯ,  ದ್ವೈತ ವೇದಾಂತ, ಜಿ.ಎಸ್.ಬಿ ಸಮುದಾಯ, ಶ್ರೀ ಕಾಶೀಮಠ ಆನೀ ಗುರುಪರಂಪರಾ, ಕೊಂಕಣಿ ಭಾಸ ಆನೀ ಸಾಹಿತ್ಯಾಚೆ ಬದಲ ಪುಸ್ತಕ°, ಜರ‍್ನಲ್ಸ್, ಸ್ಮರಣ ಸಂಚಿಕಾ, ತಾಳೆಗರಿ ಆನೀ ಹೇರ ಸಾಹಿತಿಕ ವಿಷಯ ಸಂಗ್ರಹ ಕರಚೊ ಉದ್ಧೇಶ ಆಸಾ. 
ಆಸಕ್ತ ಲೋಕಾನ ಧನ ನಂತಾ° ಪುಸ್ತಕ° ಆನೀ ಹೇರ ಮುದ್ರಿತ ವಸ್ತು ಆನೀ ವಯರ ಸಾಂಗಿಲೆ ವಿಷಯ ಭೇಂಟ ದಿವಚಾಕ ಅವಕಾಶ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°. ಚಡತೆ ಮಾಹಿತಿಕ ತುಮೀ ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್  ಹಾಜೊ ಗೌರವ ನಿರ್ದೇಶಕ ಡಾ| ವಿ. ನಿತ್ಯಾನಂದ ಭಟ್ ಹಾಕಾ° ಮೊಬೈಲ 9895181570 ರಿ ಸಂಪರ್ಕ ಕರಯೆತ. 

ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್:  
ಹ್ಯಾ ಅಧ್ಯಯನ ಕೇಂದ್ರಾಚೆ ಸ್ಥಾಪನಾ ಶ್ರೀ ಕಾಶಿ ಮಠ ಸಂಸ್ಥಾನ ವಾರಣಾಸಿ ಹಾಜೆ 20ವೆ° ಯತಿವರ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° 1971 ಇಸವಿಂತು° ಕೆಲೆಲೆ°. ಹಾಂನಿ° ಜನವರಿ 16, 2016ಕ ಭ್ರಮೈಕ್  ಜಾತರಿ 21ವೆ° ಯತಿವರ್ಯ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂನಿ° ಇನ್ಸ್ಟಿಟ್ಯೂಟ್ ಸಾಂಬಾಳನು ಹಾಡತಾ ಆಸಾತಿ. 
ಫಾಟಭೂಂಯ್: ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಸನ್ಯಾಸ ಸ್ವೀಕಾರ ಕರನು 25 ವರಸ° ಜಾಲೆಲೆ ವೇಳಾರಿ ಸಂಸ್ಕೃತ ಆನೀ ಶಾಸ್ತ್ರ° ಅಧ್ಯಯನ ಕರಚೆ ಖಾತಿರ ಏಕ ಅಧ್ಯಯನ ಕೇಂದ್ರ ಸ್ಥಾಪನ ಕರಚಿ ಇಚ್ಛಾ ವ್ಯಕ್ತ ಕೆಲಿ. “ಆಮಗೆಲೆ ಶಾಸ್ತ್ರ ಜ್ಞಾನಾಂಚೆ ಅಪಾರ ಗಣಿ ಆಸಾತಿ. ಮನಶಾಲೆ ಜೀವನಾಚೆ ಹರ ಎಕ ಸ್ಥರಾಚೆ ಚಟುವಟಿಕಾ ದರ್ಶಾಯತಾತಿ. ತಾಂತೂಲೆ ಸಾಬಾರ ಸತ್ಯ ಆಜಿಕಯೀ ವಿಜ್ಞಾನಾನ ಸಾಬಿತ ಕರಚಾಕ ಜಾಯನಿ. ಹೆ° ರಾಕೂನ ಹಾಡಲ್ಯಾರಿ ಮುಕಾವಯಲೆ ಪಿಳಗಿಕ ಮುನಾಫೊ ಆಸಾ” ಮ್ಹಣು ತಾಂನಿ° ಚಿಂತನ ಕರತಲೆ. 
ತಾಂಗೆಲೆ ಗುರುವರ್ಯ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮೀಜಿ ಹಾಂಕಾ° ಅರ್ಪಣ ಕೆಲೆಲೆ° ಹೆ° ಕೇಂದ್ರ ಗುರುವರ್ಯಾನಿ ಕೇರಳಚೆ ಲೋಕಾನ ಜಿ.ಎಸ್.ಬಿ ಸಮುದಾಯಾಕ ದಿಲೆಲೆ ಆಶ್ರಯಾಚೆ ಬದಲ ಭೆಂಟ್ ದಿಲೆಲೆ° ಆಸಾ.
ಸಂಸ್ಕೃತ ಆನೀ ತಸಲೆ ಹೇರ ವಿಷಯಾಂಚೆ ಅಧ್ಯಯನ ಕರೂಂಕ ಇಚ್ಛಾ ಆಶಿಲೆ ಕೊಣಾಕಯೀ ಜಾತಿ ಮತ ಭೇದ ನಾತಿಲೆ° ಹ್ಯಾ ಕೇಂದ್ರಾoತು° ಅಧ್ಯಯನ ಕರಚಾಕ ಅವಕಾಶ ದಿವಕಾ ಮ್ಹಣು ಗುರುವರ್ಯಾಲಿ ಇಚ್ಛಾ ಆಸಾ. 
ಉದ್ಧೇಶ ಆನೀ ಎದೋಳು ಜಾಲೆಲೆ ಕಾರ್ಯ°: ಹ್ಯಾ ಕೇಂದ್ರಾoತು ಮುಖ್ಯ ಜಾವನು ಸಂಸ್ಕೃತ, ವೇದ, ವೇದಾಂತ, ಉಪನಿಷದ, ಪುರಾಣ, ಭಾರತೀಯ ಸಂಸ್ಕೃತಿ ಆನೀ ತಸಲೆ ವಿಷಯಾಂಚೆ ಅಧ್ಯಯನ ಜಾತಾ. ಸಂಶೋಧನ ಕರತಲ್ಯಾಂಕ ಮಾರ್ಗದರ್ಶನ ದಿವಚೆ° ಹ್ಯಾ ಕೇಂದ್ರಾಚೆ ಪ್ರಮುಖ ಕಾಮ ಆಸಾ. ಮಹಾತ್ಮಾ ಗಾಂಧಿ ವಿಶ್ವ ವಿದ್ಯಾಲಯ ಆನೀ ಕೇರಳ ವಿಶ್ವ ವಿದ್ಯಾಲಯಾನ ಹ್ಯಾ ಕೇಂದ್ರಾಕ ಸಂಸ್ಕೃತ ಅಧ್ಯಯನ ಕೇಂದ್ರ ಮ್ಹಣು ಮಾನ್ಯತಾ ದಿಲೆಲೆ ಆಸಾ. ಎದೋಳು ತಾಂಯ ಕೇಂದ್ರಾಚೆ 12 ವಿದ್ಯಾರ್ಥಿಯಾಂಕ ಸಂಸ್ಕೃತ ಪಿ.ಎಚ್.ಡಿ ಪ್ರಾಪ್ತ ಜಾಲ್ಯಾ. ಸಂಸ್ಕೃತ, ವಾಸ್ತುವಿದ್ಯಾ ಆನೀ ಜ್ಯೋತಿಷ್ಯ ಶಾಸ್ಟ್ರಾತು ಅಲ್ಪಕಾಳಾವಧೀಚೆ ಕೋರ್ಸ ಕರಚಾಕ ಹಾಂಗಾ ಅವಕಾಶ ಆಸಾ. ಹಾಂಗಾಚೆ ಗ್ರಂಥಾಲಯಾoತು° ವೇದ, ಧರ್ಮ ಶಾಸ್ತ್ರ, ಜ್ಯೋತಿಷ್ಯ, ತಂತ್ರ, ವ್ಯಾಕರಣ ಆನೀ ಹೇರ ವಿಷಯಾಂಚೆ ಸಾಬಾರ 17,000 ಪುಸ್ತಕ° ಆನೀ ಥೊಡೆ ತಾಳೆಗರಿ ಆಸಾತಿ. ಹಾಂಗಾ ಸಾಬಾರ 1,200 ಕೊಂಕಣೀ ಪುಸ್ತಕ° ಸುತಾ ಆಸಾತಿ. 
ಹಾಂಗಾಚೆ ಶ್ರೀ ಸುಕೃತೀಂದ್ರ ಸಭಾ ಗೃಹಾಂತು° ರಾಷ್ಟ್ರಿಯ್ ಸ್ಥರಾಚೆ° ಸಾಬಾರ ಪರಿಸಂವಾದ ಆನೀ ಸಮ್ಮೇಳನ ಘಡಲ್ಯಾಂತಿ. ಸಭಾಗೃಹಾಚೆ ವಣತೆರಿ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮಿ ಆನೀ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮಿಜಿ ಹಾಂಗೆಲೆ° ತಸ್ವೀರ° ಪ್ರದರ್ಶನ ಕೆಲ್ಯಾಂತಿ. 
ಕೇಂದ್ರಾನ ಮಾಕ್ಷಿಚೆ ದೋನ ದಶಕ ದಾಕೂನ ವರಸಾಕ ದೋನ ಪಾವಟಿ ಪ್ರಕಟ ಕರಚೆ° ದ್ವಿಭಾಷಾ ಜರ್ನಲ್ (ಸಂಸ್ಕೃತ ಆನೀ ಇಂಗ್ಲಿಷ್) ಅಧ್ಯಯನಶೀಲ ವಿದ್ಯಾರ್ಥಿ ಆನೀ ಹೇರಾ° ಮಧೆ° ನಾವಾದೀಕ ಆಸಾ. 
ಪುಸ್ತಕಂ ಪ್ರಕಟ ಕರಚೆ° ಕೇಂದ್ರಾಚೆ ಉದ್ಧೇಶಾ° ಪಯಕಿ ಎಕ ಜಾವನು ಆಸೂನ ಎದೋಳು ಕೇಂದ್ರಾನ ವೆಗವೆಗಳೆ ಭಾಶೆಂತು° ಸಾಬಾರ 80 ಪುಸ್ತಕ° ಪ್ರಕಟ ಕೆಲ್ಯಾಂತಿ. ಹಾಂತು° ಸಂಸ್ಕೃತ, ಇಂಗ್ಲಿಷ್, ಮಲಯಾಳಂ ಆನೀ ಕೊಂಕಣಿ ಪುಸ್ತಕ° ಆಸಾತಿ. ‘ಹಿಸ್ಟರಿ ಎಂಡ್ ಹೆರಿಟೆಜ್ ಆಫ್ ಮ್ಯಾಥಾಮೆಟಿಕಲ್ ಸಾಯನ್ಸಸ್’, ‘ಭಾರತೀಯ ದರ್ಶಂಗಳ’, ‘ಸ್ಟಡಿಸ್ ಇನ್ ಇಂಡಿಯನ್ ಲಾಜಿಕ್’, ‘ಶ್ರೀ ಕಾಶಿಮಠ ಎಂಡ್ ಗುರು ಪರಂಪರಾ’, ‘ಗುರು ವಚನಾಮೃತ(ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಪ್ರವಚನ°)’, ‘ಸ್ಟೋರಿಸ್ ಆಫ್ ಯೋಗಾವಸಿಸ್ಠಮ್’, ‘ವೇದಾಂತ ಎಂಡ್ ದಿ ಮೊಡರ್ನ ವರ್ಲ್ಡ ಎಂಡ್ ಅದರ್ ಇಂಡೊಲಾಜಿಕಲ್ ಎಸ್ಸೆಸ್’, ‘ದಿ ಕೊಂಕಣಿ ಲೆಂಗ್ಯೂಯೆಜ್’, ‘ಗ್ಲಿಂಪ್ಸಸ್ ಆಫ್ ಇಂಡಿಯನ್ ಹೆರಿಟೆಜ್’ ಆನೀ ಹೇರ ಪುಸ್ತಕಾ° ಪ್ರಮುಖ ಆಸಾತಿ ಮ್ಹಣು ಕಳವಣಿಂತು° ಸಾಂಗಲಾ°. 
  

ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂಗೆಲಿ ಫುಲ್ಲಟ ಸಾಹಿತ್ಯ ಕೃತಿ “ಇಸವಸಯ ಕೇನೋಪನಿಷತ್ತುಕುಳಡೆ ಮಾಧ್ವಭಾಷ್ಯಂ – ಮಲಯಾಳಂ ವ್ಯಾಖ್ಯಾನ  ಸಹಿತಂ” ಹಾಜೆ° ಮೋಕಳಿಕ ಗುರುವರ್ಯಾನ ಕೊಚ್ಚಿನ್ ತಿರುಮಲ ದೇವಸ್ವಂ ದೇವಳಾಂತು° ನ.14ಕ ಕೆಲೆ°. ಸುಕೃತೀಂದ್ರ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್  ಹಾಂಗೆಲೆ ಸ್ವರ್ಣ ಮಹೋತ್ಸವಾಚೆ ಸಂದರ್ಭಾರ ಹಿ ಕೃತಿ ಮೋಕಳಿಕ ಜಾಲ್ಯಾ. ಇನ್ಸ್ಟಿಟ್ಯೂಟಚೆ ಗೌರವ ನಿರ್ದೇಶಕ ಡಾ| ವಿ. ನಿತ್ಯಾನಂದ ಭಟ್ ಹಾಂನಿ° ಗುರುವರ್ಯಾ ಲಾಗಿ ಪುಸ್ತಕಾಚಿ ಪ್ರತಿ  ಸ್ವಿಕಾರ ಕೆಲಿ. 

ಶ್ರೀಮದ್ ಸಂಯಮೀoದ್ರ ಸ್ವಾಮೆಲಿ ಕಾರ್ಕಾಳ ಭೇಟಿ
ಉಡುಪಿ ಜಲ್ಲೆಚೆ ಶಹರ ಕಾರ್ಕಳ ಇತಿಹಾಸಿಕ ಆನಿ ಸಾಂಸ್ಕೃತಿಕ ಕೇಂದ್ರ ಜಾವನು ಆಸ್ಸ. ಹಾಂಗಾಚೆ ಶ್ರೀ ವೆಂಕರಮಣ ದೇವಸ್ಥಾನ ಮಸ್ತ ಇತಿಹಾಸು ಆಸ್ಸ ಆನಿ ಹೆ^o ಎಕ ಪ್ರಾಚೀನ ದೇವಸ್ಥಾನ. ಹೇ ದೇವಳಾಕ ಚಡ ಊಣೆ 600 ವರಸಾಚೆ ಇತಿಹಾಸು ಆಸ್ಸ.
ಸುಮಾರ ವರಸ ಗೋವಾಂತು ಆಸ್ಸಲೆ ಗೌಡ ಸಾರಸ್ವತ ಬ್ರಾಹ್ಮಣ ವಿಂಗಡ ವಿಂಗಡ ಕಾರಣಾಂಕ ತಾಂಗೆಲೆ ಮೂಲ ನಿವಾಸ ಸೋಣು ಕಾರ್ಕಳಾಂತು ಯೆವನು ರಾಬಿಲೆ. ತಾಂಗೆಲೆ ಧಾರ್ಮಿಕ ಸಾಂಸ್ಕೃತಿಕ ಆನಿ ಸಾಮಾಜಿಕ ಉನ್ನತಿ ಸಾಧನೆಂಕ ಹಾಂಗಾ ಸಾನಾಚಿ ಏಕ ಗುಡಿ ಬಾಂದೂನು, ತಾಂತೂಚಿ ಶ್ರೀ ವೆಂಕಟರಮಣ ದೇವಾ ಪ್ರತಿಷ್ಟಾಪನ ಕರನು ಆರಾಧನಾ ಕರತಾ ಆಶಿಲೆ. ಆಜೀ ದೇವಳ ಅಭಿವೃದ್ದಿ ಜಾವನು ಪಡು ತಿರುಪತಿ ಕ್ಷೇತ್ರ ಮ್ಹಣು ಪ್ರಖ್ಯಾತಿ ಗೆತಲಾ ಆನಿ ಮಸ್ತ ಭಜಕ ವೃಂಧಾoಕ ಆನಿ ಸುತ್ತ ಘರವೃಂದ ಯೆವನು ನಂವೋಚ ಏಕ ಗಾಂವೂಚಿ ಸೃಷ್ಟಿ ಜಾಲಾ.
ಫುಡೆ ಪಾಂಡ್ಯ ನಗರಿ ಮ್ಹಣು ಆಪಯತಾ ಆಶಿಲೆ ಹಿರಿಯಂಗಡಿ ಪೆಂಟಾ ದಾಕುನು  ಕಾರ್ಕಳ - ಕಳಸ ರಾಯು ಆಳ್ವಿಕೆ  ಕರತಾಲೊ. ವಿಜಯ ನಗರಾಚೆ ಮಹಾ ಮಂಡಲೆಶ್ವರು ಜಾವನು ಆಶಿಲೊ ಬೈರರಸಾನ ಆಮಗೆಲೆ ವಯರಿ ಅನುಕಂಪ ದವರನು ಹೇ ದೇವಸ್ಥಾನ ಬಾಂದೂಕ ಆಮಕಾ ಅನುಕೂಲ ಕರನು ದಿಲೆ. ತೋ ಜೈನ ಮತಾವಲಂಬಿ ಜಾಲ್ಯಾರಿ, ಗೋವಾಂತು ಪೋರ್ಚುಗೀಸಾಲೆ ಅತ್ಯಾಚಾರು, ಬಲವಂತಾಚೆ ಮತಾಂತರಾ ದಾಕೂನು ಚೂಕುನು ತ್ಹಂಯ ದಾಕೂನ ದ್ಹಾವನು ಆಯಿಲೆ  ಸಾರಸ್ವತ ಬ್ರಾಹ್ಮಣಾಂಕ ಕಾರ್ಕಳ - ವರಂಗ - ಬಾರ್ಕೂರು ಮಾರ್ಗಾಂತು ಏಕು ಗುಡ್ಡ ಪ್ರದೇಶು ದೀವನು ಹೆ^o ದೇವಳ  ಕರುಂಕ ಸಹಾಯ ಕೆಲ್ಲೊ.
     ಸೋಮ ಶರ್ಮ ಮ್ಹಳೆಲೆ ಪ್ರಸಿದ್ದ ವಿದ್ವಾಂಸು ತಿರುಪತಿ ಯಾತ್ರೆ ವಚ್ಚೂನು ವಾಪಾಸ ತ್ಹಂಯ ದಾಕ್ಕುನು ಅನುಗ್ರಹ ಜಾಲ್ಲೆಲೆ ಶ್ರೀ ದೇವಿ ಭೂದೇವಿ ಯುಕ್ತ ವೆಂಟರಮಣ  ವಿಗ್ರಹ ಗೆವನು ಕಾರ್ಕಳಾಕ ಆಯಿಲೊ. ಹಾಂಗಾ ಸೊಹಿರೆ ಪ್ರಭುಲೆ ಘರಕಡೆ ತೊ ರಾಬಲೊ. ಉಪರಾಂತ ತಾನ್ನಿ ದೊಗ್ಗಾನಯಿ ಹಾಂಗಾ ತೀ ಮೂರ್ತಿ ಪ್ರತಿಷ್ಠಾಪನ ಕೆಲ್ಲಿ ಮ್ಹಣು ದಾಖಲೊ ಆಸಾ. ಗುಡಿ ಬಾಂದೂಚೆ ಫುಡೆ ಥೊಡೆ ಕಾಳ ದೇವು ಏಕ ಸಾನ ಚಪ್ಪರಾಂತು ಸ್ತಾಪನಾ ಜಾವನು ಪೂಜಾ ಘೆತಾ ಶಿಲೆ ನಿಮಿತ ಸಪ್ಪರ ಶ್ರೀನಿವಾಸ ಮ್ಹಣುಯೀ ವಳಕತಾ. ಹಾಂಗಾ ಮಾಧ್ವ ಸಂಪ್ರದಾಯಾಚೆ ದೇವಸ್ಥಾನಚಿ ನಾಂತಿಲೆ ಸಂದoರ್ಭಾರಿ ಹೇ ದೇವಸ್ಥಾನ ಸ್ಥಾಪನಾ ಜಾವನು 25/4/1537 ಕ ಹೇ ದೇವಳಾಚೆ ಮೂಲ ಪ್ರತಿಷ್ಟಾ ಜಾಲ್ಲೆ. (ಶಾಲಿವಾಹನ ಶಕ 145ಂ ಹೇವಿಳಂಬಿ ಸಂವತ್ಸರಾಚೆ ವೈಶಾಖ ಶುದ್ಧ 15 ಪೌರ್ಣಮಿ ಬುಧವಾರ) ತೋ ಸ್ವತಃ ಜೈನ ಮಠಾಚೊ ಜಾಲ್ಲೆರಿ, ಬೈರರಸಾನ ದೇವಳ ನಿರ್ಮಾಣಾಂಕ  ಸಹಾಯ ಕೆಲ್ಲೆ ಮ್ಹಣು ಹಾಂಗಾಚೆ ಇತಿಹಾಸ ಸಾಂಗತಾ. ಪೆಂಟೆಚೆ ಸಮಸ್ತ ಜನಾಲೊ ದೇವು ಜಾವನು ಆಶಿಲೆ ವೆಂಕಟರಮಣ ದೇವಸ್ಥಾನ ಆಜೀ ಹಾಂಗಾಚೆ ಏಕ ಪ್ರಸಿದ್ಧ ದೇವಸ್ಥಾನ ಜಾವನು ಅಭೀವೃದ್ದಿ ಜಾಲಾ. ಹಾಂಗಾಚೆ ಪೆಂಟೆಚೆ ಭಕ್ತಾಲೆ ಶ್ರಧ್ದಾ ಭಕ್ತಿನ 2016ತು^o ಹೇ ದೇವಸ್ಥಾನ ಪುನರ್ ಪ್ರತಿಷ್ಟಾ ಜಾಲೆ. ತೆದನಾ ಶ್ರೀಮದ್ ಕಾಶಿ ಮಠಾಚೆ ಪರಮ ಪೂಜ್ಯ ಗುರುವರ್ಯ ಶ್ರೀ ಸಂಯಮೀoದ್ರ ಸ್ವಾಮೇಲೆ ದಿವ್ಯ ಉಪಸ್ಥಿತಿ ಹಾಂಗಾ ಆಶಿಲಿ. 
ಕಾರ್ಕಳಾಂತು ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಮುಕಾರ  ಪ್ರಸಿದ್ಧ ಶ್ರೀ ಹನುಮಂತ ದೇವಸ್ಥಾನಯಿ ಆಸ. ಹಾಕಾ ಲಾಗೂನು ಶ್ರೀ ಕಾಶಿ ಮಠಾಚೆ ಏಕ ಶಾಖೋಯಿ ಹಾಂಗಾ ದೇವಸ್ಥಾನಾ ದಾಕೂನು ತಳಯಿಕ ವಚೆ ವಾಟೇರಿ ಆಸ. ಕಾರ್ಕಳಾಚೆ ಶ್ರೀ ಕಾಶಿಮಠಾಕ ಸುಮಾರ ಶಂಬರಿ ವರಸಾಚೆ ಇತಿಹಾಸ ಆಸ. ವೆಂಕಟರಮಣ ದೇವಸ್ಥಾನಾಚೆ ಜೀರ್ಣೋದ್ಧಾರ ಕಾಮ 2015ತು^o ಜಾತಾ ಆಸತಾನಾ ಭಜಕಾಂಕ ಹೋ ಕಾಶೀ ಮಾಠಾಚೊಯೀ ಜೀರ್ಣೋದ್ಧಾರ ಕರಕಾ ಮ್ಹಣು ಮನಾಕ ದಿಸಲೆ^o. ಪರಮ ಪೂಜ್ಯಾ ಗುರುವರ್ಯ ಶ್ರೀ ಸುಧೀಂದ್ರ ತೀರ್ಥ ಸ್ವಾಮ್ಯಾಲೆ ಅನುಮತಿ ಘೆವ್ನ ಹೇ ಮಠಾಚೆ ಜೀರ್ಣೋದ್ಧಾರ ಕಾಮ ಸ್ವಾಮ್ಯಾಲೆ ಪಟ್ಟ ಶಿಷ್ಯ ಶ್ರೀಮತ್ ಸಂಯಮೀoದ್ರ ಸ್ವಾಮ್ಯಾಲೆ ಉಪಸ್ಥಿತಿಂತು 2 ಆಗಸ್ಟ್ 2015ಕ ಸಂಪನ್ನ ಜಾವನು. ಮಾರ್ಚ್ 28, 2016ತುಂ ದೇವಸ್ಥಾನಾಚೆ ಕುಂಬಾಭಿಷೇಕಾಚೆ ಫುಡೆ ಮಠಾಚೆ ಕಾಮ ಪೂರ್ಣ ಜಾವನು ಪೂಜ್ಯ ಗುರುವರ್ಯಾಲೆ^o ವಾಸ್ತವ್ಯ ಸದಾನ ಹೇ ಮಠಾಂತೂಚೀ ಜಾಲ್ಲೆಲೆ ಆಸ್ಸ. ತಾಜೆ ನಂತರ 2017ತು^o ಪೂಜ್ಯ ಗುರುವರ್ಯ ಹಾಂಗ ಆಯಿಲೆ, ಜಾಲ್ಯಾರಿ ಸುಮಾರ 4 ವರ್ಷ ದಾಕೂನು ಪೂಜ್ಯ ಗುರುವರ್ಯ ಶ್ರೀಮತ್ ಸಂಯಮೀoದ್ರ ತೀರ್ಥ ಸ್ವಾಮೆ ಕಾರ್ಕಾಳಾಕ ಮಸ್ತ ದಿಸಾಚೆ ವಾಸ್ತವ್ಯಕ ಯೇನಿ ಆಶಿಲೆ.
ಭಜಕಾಲೆ ಆನಿ ಶ್ರೀ ದೇವಳಾಚೆ ಆಮಂತ್ರಣ ಪ್ರಕಾರ ಪಯರಿ 22.6.2021ಕ ಸಾಂಜವೇಳಾ 6 ಗಂಟೆಕ ಸೋಮೆಶ್ವರ ಮೊಕ್ಕಾo ದಾಕೂನು ಪೂಜ್ಯ ಗುರುವರ್ಯ 7 ದಿಚಸಾಚೆ ವಾಸ್ತವ್ಯಕ ಕಾರ್ಕಳಾಕ ಯೇವನು ಪಾವಲಿಂತಿ.  ಪ್ರಥಮ ಜಾವನು ಗುರುವರ್ಯ ಶ್ರೀ ವೆಂಕಟರಮಣ ದೇವಸ್ಥಾನಾಂಕ ಭೇಟಿ ದಿಲ್ಲೆ. ತ್ಹಂಯಿ ದೇವಳಾಚೆ ಒಂದನೇ ಮೊಕ್ತೇಸ್ವರ ಜಾವನು ಆಶಿಲೆ ಜಯರಾಮ ಪ್ರಭು ಮಾಮಾನ ಸ್ವಾಗತ ಕರನು ದೇವಸ್ಥಾನಾಂತೂ ಸ್ವಾಮ್ಯಾಲೆ ಪಾದಪೂಜಾ ಕೆಲಿ.  ನಂತರ ಶ್ರೀ ಗುರುವರ್ಯ ವಾಸ್ತವ್ಯಾಕ ಶ್ರೀ ಕಾಶೀಮಠಾಕ ಆಯಲಿಂತಿ. ಪ್ರತಿ ನಿತ್ಯ ಸಕಾಳಿ ಆನಿ ಸಾಂಜವೇಳಾ ವಿವಿಧ ಮಂಡಳಿಚೆ ಸಂದರ ಭಜನಾ ಕಾರ್ಯಕ್ರಮ ಸಂಪನ್ನ ಜಾಲೆ. ನಂತರ ಪೂಜ್ಯ ಗುರುವರ್ಯಾನ ತಾಂಗೆಲೊ ದೇವು ವೇದವ್ಯಾಸಾಕ ತ್ರಿಕಾಲ ಪೂಜಾ, ಭಿಕ್ಷೆ ಆನಿ ಭಕಾಂಕ ಕೋವಿಡ್ ನಿಯಮಾಚೆ ಪಾಲನ ಕರನು ಪಾದಪೂಜಾ ಕೆಲ್ಲೆಲಾಂಕ ಫಲಮಂತ್ರಾಕ್ಷ ಪ್ರಧಾನ ಕೆಲ್ಲೆ.
ಸ್ವಾಮೆಲೆ ಉಪಸ್ಥಿತಿಂತೂ ಪ್ರತಿನಿತ್ಯ ಸಮಾಜಾಚೆ ಆನಿ ಲೋಕ ಕಲ್ಯಾಣಾರ್ಥ ಲಘು ವಿಷ್ಣು ಅಭಿಷೇಕ, ಶ್ರೀ ಸುಧರ್ಶನ ಹೋಮ, ಧನ್ವಂತರಿ ಹೋಮ, ಲಕ್ಷಿö್ಮ ನಾರಾಯಣ ಹೃದಯ ಹವನ, ಅಭಿಷೇಕು ಇತ್ಯಾದಿ ಧಾರ್ಮಿಕ ಕಾರ್ಯಕ್ರಮ ಆಯೋಜನ ಜಾಲೆಂ. 28/6/2021ಕ ಪೂಜ್ಯ ಗುರುವರ್ಯಾಲೆ ಅನುಗ್ರಹ ಪ್ರವಚನಯೀ ಭಕ್ತಾಂಕ ಜಾಲ್ಲೆ. ಆಮಗೆಲಿ ಸಂಸ್ಕೃತಿ ವರೋಚಾಕ ತಾನ್ನಿ ಸರ್ವಾಂಕ ಮಾರ್ಗದರ್ಶನ ಕೆಲೆಂ. ಸೋಮವಾರ 29/06/2021 ಸಾಂಜೆರಿ ಹಾಂಗಾ ದಾಕೂನ ಪೂಜ್ಯ ಗುರುವರ್ಯ ಕೋಟೇಶ್ವರ ಮೊಕ್ಕಾಂಕ ಚಮಕಲಿಂತಿ. ಆಶಿಂ 7 ದಿವಸು  ಬಾರೀ ವಿಜೃಂಭಣೇರಿ ಆನಿ ವೈಭವಾರಿ ಹಾಂಗಾಚೆ ವಿವಿಧ ಕಾರ್ಯಕ್ರಮ ಸಂಪನ್ನ ಜಾಲ್ಲೊ. ಭಜಕಾಲೆ ಮಸ್ತ ದಿಸಾಚೆ ಅಪೇಕ್ಷೆ ಪ್ರಕಾರ ಪೂಜ್ಯ ಗುರುವರ್ಯಾನ ಹಾಂಗಾ 7 ದೀವಸು ಮೊಕ್ಕಾಂ ಕರನು ಸಕ್ಕಡ ಭಕ್ತವೃಂದ ಪರಿಪೂರ್ಣ ಅನುಗ್ರಹ ಕರನು ಚಮಕಲೆ ಮ್ಹಳೆಲೊ ಹೋ ಅಭೂತ ಪೂರ್ವ ಅನುಭವ ಆಮಕಾ ಮೆಳೊ.
ಪೂಜ್ಯ ಕಾಶೀ ಮಠಾದೀಶ 2/8/2016 ಕ ಶ್ರೀ ಕಾಶೀ ಮಾಚೆ 21 ನೇ ಯತಿವರ್ಯ ಜಾವನು ಪೀಠಾರೋಹಣ ಕೆಲ್ಲೆಲೆ ಆಮಗೆಲೆ ಗೌರವಾದಾರಾಕ ಪಾತ್ರ ಜಾಲ್ಲೆಲೆ ಪೂಜ್ಯ ಗುರುವರ್ಯ ಸಾತ ದಿಸಾಚಿ ಹಾಂಗೆಲಿ ಉಪಸ್ಥಿತಿ ಸಗಳೆ ಪೆಂಟೆoತು ಏಕ ನವೀನ ವಿದ್ಯುತ ಸಂಚಾರ ಮ್ಹಣಕೆೆ ಜಾಲೆ^o. ಭಜಕಾಂಕ ತಾಂಗೆಲೆ ಜೀವನಾಂತು^o ಸ್ವಾಮೇಂಕ ಮೆಳನು ಧನ್ಯ ಜಾಲೆ ಮ್ಹಳೆಲೆ ಪವಿತ್ರ ಭಾವನ ಯೆವಚೆ ತಶಿಂ ಜಾಲಾ^o ಮ್ಹಳೇರಿ ತಾಂತೂ ಕಾಂಯೀ ಅತಿಶಯೋಕ್ತಿ ನಾ ಮ್ಹಣು ದೈರ್ಯಾನ ಆಮಿ ಸಾಂಗಯೆತ. 
-    ವೆಂಕಟೇಶ ಹೆಗ್ಡೆ, ಕಾರ್ಕಳ