Displaying items by tag: Mangalore
ಛದ್ಮ ವೇಶ ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೋ
ಮಂಗಳೂರು: 1981 ಇಸವಿ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತೀಚಿ ಸೇವಾ ಕರೂನ ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಂನಿ° ಆರತಾಂ ಕೃಷ್ಣಾಷ್ಟಮೀಕ ಲಾಗೂನ ಛದ್ಮ ವೇಸ ಸ್ಪರ್ಧೊ ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೊ ಆಯೋಜನ ಕೆಲೊ. ಡೊಂಗರಕೇರಿಚೆ ಕೆನರಾ ಶಾಳೆಚೆ ಸುಧೀಂದ್ರ ಸಭಾ ಭವನಾಂತ ಚಾರ ವಿಭಾಗಾಂತ ಚಲೆಲೆ ಹ್ಯಾ ಸ್ಫರ್ಧೆಂತ ಸಾಬಾರ ತೀಸ ಚೆರಡುವಾನಿ ವಾಂಟೊ ಘೆತಲೊ. ಕಾರ್ಯಾಕ್ರಮಾಚೆ ಶುರುವಾತ ಸಂಘಾಚಿ ಉಪಾಧ್ಯಕ್ಷಾ ಚಂದ್ರಿಕಾ ಬಾಳಿಗಾ ಹಾಂನಿ° ದಿವೊ ಲಾವನು ಕೆಲೊ. ತಾಂನಿ° ಸಂಘಾಕ ಉಡಗಿರೆ ದಿಲೆಲೆ ದಿವ್ಯಾಚೆ ಉದ್ಘಾಟನಾಯಿ ಹ್ಯಾಚ ವೇಳಾರ ಜಾಲೆ°.
ಅಧ್ಯಕ್ಷ ಮಣೇಲ ಗಜಾನನ ಶೆಣೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಕಾರ್ಯದರ್ಶಿ ಕೃಷ್ಣ ಕಾಮತ, ಖಜಾಂಚಿ ರತ್ನಾಕರ ಕುಡ್ವ, ವರೇಣ್ಯಾರ ಮುರಳಿಧರ ಕಾಮತ ಆನಿ ಪುಷ್ಪಲತಾ ಭಟ್ ವೇದಿಕೆರಿ ಉಪಸ್ಥಿತ ಆಶಿಲಿಂತಿ. ಸಮಾರೋಪ ಕಾರ್ಯಕ್ರಮಾಂತು° ಕೊಂಕಣಿ ಮೋಗಿ ಸಿ. ಡಿ. ಕಾಮತ ಹಾಂನಿ° ಇನಾಂ ವಾಂಟಿಲೆ°.
ಸ್ಪರ್ಧೇಚೆ ಫಲಿತಾಂಶ ಆಶೆ° ಆಸಾ.
ಛದ್ಮವೇಶ ಸ್ಪರ್ಧೊ
ಎಕ ದಾಕೂನ ತೀನ ವರಸ ತಾಂಯ
ಆಕಾοಷ್ಕಾ ಪ್ರಭು - ಪಯಲೆ°,
ವಿಕಲ್ಪ ಭಟ್ - ದುಸ್ರೆ°
ಶ್ರೇಯಸ್ ಪ್ರಭು - ತಿಸ್ರೆ°
ಎಲ್. ಕೆ. ಜಿ, ಯು. ಕೆ. ಜಿ ಆನಿ ಪಯಲೆಂ ಕಕ್ಷಾ
ಆರ್ಯಾ ಪೈ - ಪಯಲೆ°
ದೃಷಾ ನಾಯಕ - ದುಸ್ರೆ°
ಶ್ರೀಮಾ ಪ್ರಭು - ತಿಸ್ರೆ°
ದುಸ್ರೆ, ತಿಸ್ರೆ ಆನಿ ಚೌತೆ° ಕಕ್ಷಾ
ವೈಷ್ಣವಿ ಪಡಿಯಾರ್ - ಪಯಲೆ°
ಆಷ್ಲೇಶ ಪ್ರಭು - ದುಸ್ರೆ°
ಶೃದ್ಧಾ ಮಲ್ಯ - ತಿಸ್ರೆ°
ಪಾοಚವೆ°, ಸ್ಹವೆ° ಆನಿ ಸಾತಾವೆ° ಕಕ್ಷಾ
ಯಶಸ್ವಿ ಕಾಮತ - ಪಯಲೆ°
ಮಧುಸೂಧನ ಶೇಟ್ - ದುಸ್ರೆ°
ಐಶ್ವರ್ಯಾ ಪೈ - ತಿಸ್ರೆ°
ಕೊಂಕಣಿ ಕಾಣಿ ಸಾಂಗಚೊ ಸ್ಪರ್ಧೊ
ಆದ್ಯಾ ಪೈ - ಪಯಲೆ°
ವೈಷ್ಣವಿ ಪಡಿಯಾರ - ದುಸ್ರೆ°
ದೀಕ್ಷಾ ಪ್ರಭು - ತಿಸ್ರೆ°
ಪಾοಚವೆ°, ಸ್ಹವೆ° ಆನಿ ಸಾತಾವೆ° ಕಕ್ಷಾ
ಯಶಸ್ವಿ ಕಾಮತ - ಪಯಲೆ°
ಐಶ್ವರ್ಯಾ ಪೈ - ದುಸ್ರೆ°
ಮಧುಸೂಧನ ಶೇಟ್ - ತಿಸ್ರೆ°
ಆಟ್ವೆ°, ಣವೆ° ಆನಿ ದ್ಹಾವೆ° ಕಕ್ಷಾ
ಸ್ವಾತಿ ಭಟ್ - ಪಯಲೆ°
ಮೇಘನಾ - ದುಸ್ರೆ°
परिणिता नृत्य पंगडाचें शोभित नृत्य प्रदर्शन
कोडियाळ: ल्हान प्रायेर सावुन भारतीय संगीत, नृत्य कलेंचो मोग आनी अभिरुची आशिल्या घरकार्णीयानी कोडियालांत रचयिलें एक कला पंगड ‘परिणिता’. संगीत आनी नृत्यांत तरबेत मेळ्ळेली श्रीमती टीना कामताले मार्गदर्शनाचेर १५-१६ ह्या घरकार्णीयान तांगेले घरांचे सगळेय कार्यांचे उप्रांत नृत्यांत तरबेत घेवुन ‘भारतीय परबां’ म्हळ्ळे नांवाचे शोभित समूह नृत्य कोडियाळचे डा. बि.आर. अंबेडकर सभागृहांत जैत जावुन प्रदर्शन केल्लें. यमन रागाचेर गणपतिले स्तुतींत सुरुवात करून, श्री कृष्ण जन्माष्ठमी, ऒणं, दसरा, भागेश्री रागांत दुर्गा पूजा, दीपावळी, देस रागांत पंजाबाचे भाग्रां, असामचे भीहु आनी आखैरेक बसंत रागांत रंग रंगाचे होळी नृत्य केल्लीं. “भरताले नाट्य शास्त्रांत सांगिले प्रमाण मनुश्य आपण्याले काळजांत आसचो नटराज शिवाले सानिध्याक नृत्यां मुखेन पावता आनी त्या खातिर आमी गृहिणियान नृत्य मुखेन ही साधना केल्या. आम्गेले देशाचे महान सांस्कृतिक परंपरेक आमगेली ही ल्हान देणे म्हणु आमका खूब संतोश आसा” अशें म्हणु नृत्य गुरु टीना कामत हीणे आनी नृत्यांगनानी सांगलें. ल्हान प्रा्य सावुन मध्य प्रायेचे मेरेन आशिल्या ह्या ‘परिणिता’ पंगडान खूब श्रम पविलें कलेंत दिसून आयलें.
ರಾಷ್ಟ್ರೀಯ ವೈಜ್ಞಾನಿಕ ಮನೋಭಾವ ದೀವಸ ಆಚರಣ ಜಾಲೊ
ಮಂಗಳೂರು: ಆಗಸ್ಟ್ 20, 2013 ದೀವಸ ಹತ್ಯಾ ಜಾಲೆಲೊ ವಿಚಾರವಾದಿ ಆನಿ ಸಾಮಾಜಿಕ ಕಾರ್ಯಕರ್ತ ಡಾ. ನರೇಂದ್ರ ದಾಭೋಲ್ಕರ್ ಹಾಂಗೆಲೆ ಸ್ಮರಣಾರ್ಥ ಗಾಂವಚೆ ಬಿಜೈಚೆ ಕೆಬಿಇಎ ಸಭಾಂಗಣಾοತು° ದಕ್ಷಿಣ ಕನ್ನಡ ವಿಚಾರವಾದಿಗಳ ಸಂಘ ಹಾಂನಿ° ಆಯತಾರಾ, ಆಗಸ್ಟ್ 20, 2023 ದೀವಸ ರಾಷ್ಟ್ರೀಯ ವೈಜ್ಞಾನಿಕ ಮನೋಭಾವ ದಿವಸ ಜಾವನು ಆಚರಣ ಕೆಲೊ. ನಾವಾದೀಕ ವೈದ್ಯ ಡಾ. ಬಿ. ಶ್ರೀನಿವಾಸ್ ಕಕ್ಕಿಲಾಯ ಆನಿ ಭಾರತೀಯ ವಿಚಾರವಾದಿ ಸಂಘಾοಚೆ ಒಕ್ಕೂಟಾಚೊ (ಎಫ್ಐಆರ್ಎ) ಅಧ್ಯಕ್ಷ ಪ್ರೊ. ನರೇಂದ್ರ ನಾಯಕ್ ಹಾಂನಿ° ವಿಚಾರ ಮಂಡನ ಕೆಲೆ°. ಡಾ. ಕೆ. ಎಸ್. ಮಾಧವ ರಾವ್ ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ.
"ಆರೋಗ್ಯ ರಕ್ಷಣೆಂತು° ವೈಜ್ಞಾನಿಕ ಮನೋಭಾವ" ಹ್ಯಾ ವಿಷಯಾರ ಡಾ. ಬಿ. ಶ್ರೀನಿವಾಸ್ ಕಕ್ಕಿಲಾಯ ಉಲಯಲೆ. "ಆಧುನಿಕ ವಿಜ್ಞಾನಾನ ಅನೇಕ ಅಪಾಯಕಾರಿ ರೋಗ ಆನಿ ಸಾಂಕ್ರಾಮಿಕ ರೋಗಾಂಕ, ಕೊಟಲೆ ಆನಿ ಕ್ಷಯರೋಗಾಂಕ ಪರಿಹಾರ ಸೋದಿಲಾ. ಭಾರತಾಕ ಸ್ವಾತಂತ್ರ್ಯ ಮೇಳೆಲೆ ವೇಳಾರ ಶಿಶು ಮರಣ ಹರ ಹಜಾರ ಜನನಾಕ 200 ಮರಣ ಆಶಿಲಿಂತಿ. ಆಜಿ, ವೈಜ್ಞಾನಿಕ ವಿಧಾನಾಂಕ ಲಾಗೂನು, ರಾಷ್ಟ್ರೀಯ ಶಿಶು ಮರಣ ಪ್ರಮಾಣ 28 ಕ ದೇವಂಲಾ°. ಕರ್ನಾಟಕಾಂತು° ಹೆ° ಸಾಬಾರ 20 ಆಸಾ. ದಕ್ಷಿಣ ಕನ್ನಡ ಜಿಲ್ಲೆಂತು° ಹೆ° 11 ಆಸಾ. ಹೆ° ಶ್ಲಾಘನೀಯ ಪ್ರಗತಿ ಮ್ಹಣಯೆತ, ಜಾಲ್ಯಾರ ಹ್ಯಾಚ ವೇಳಾರ, ಕೇರಳಚೆ ಎರ್ನಾಕುಲಂ ಜಿಲ್ಲೆಂತು° ಶಿಶು ಮರಣ ಫಕತ 3 ಆಸಾ ಮ್ಹಳೆಲೆ° ಆಮಿ ಸಮಜೂನ ಘೆವಕಾ. ಹೆ° ಯುಎಸ್ಎ ತಸಲೆ ಅಭಿವೃದ್ಧಿ ಪಾವಿಲೆ ದೇಶಾಂಕ ಸಮ ಜಾವನು ಆಸಾ. ಆಮಗೆಲೆ ಜಿಲ್ಲೆಚೆ ಲೋಕಾನ ವೈಜ್ಞಾನಿಕ ಜೀವನಾಕ ಪಶಿ ಚಡ ಸಾಂಪ್ರದಾಯಿಕತಾಕ ಚಡ ಮಹತ್ವ ದಿತಾ ಆಸಚೆ° ಕಾರಣ ವೇ ಮ್ಹಣು ಆಮಿಕ ಚಿಂತೂಕಾ" ಮ್ಹಣು ತಾಣೆ ವಿಚಾರಲೆ°.
ಆಜಿ ಆಧುನಿಕ ವೈದ್ಯ ಪದ್ಧತಿ ಮೂಢನಂಬಿಕಾಚೆ ನಿಮಿತ ಸಮಾಜ ಮಾಕ್ಷಿ ಪಡೂನ ಆನಿ ಪರ್ಯಾಯ ಚಿಕಿತ್ಸಾ ಆನಿ ಸಾಂಪ್ರದಾಯಿಕ ವೈದ್ಯ ಪದ್ಧತಿಂಕ ಸರಕಾರಾಚೆ ಮದದ ಘೆವನು ನ್ಯಾಯಸಮ್ಮತ ಕರಚೆ° ಆಶೆ° ಸಾಬಾರ ವಲಯಾ ದಾಕೂನ ಸರ್ವತೋಮುಖ ಆಕ್ರಮಣ ಜಾತಾ ಆಸಾ ಮ್ಹಣು ಡಾ. ಕಕ್ಕಿಲಾಯ ಹಾಂನಿ° ಶಿಟಕಾವಣಿ ದಿಲಿ.
ಆಧುನಿಕ ವೈದ್ಯಪದ್ಧತಿಚೆ° ವಾಣಿಜ್ಯೀಕರಣ ಜಾಲಾ° ಮ್ಹಣಚಾಂತು° ಸತ್ಯ ಆಸೂಂಕ ಶಕ್ಯ ಆಸಾ, ಜಾಲ್ಯಾರ ಪರ್ಯಾಯ ಚಿಕಿತ್ಸಾ ಕ್ರಮ ವಾಪೂರಚೆ° ಹಾಕಾ ಪರಿಹಾರ ನ್ಹಹಿ°, ವೈಜ್ಞಾನಿಕ ಮನೋಭಾವನಾ ಹೋಡಗಾನ ಘೆನಾಶಿಂ ಲೋಪದೋಷ ಸೋದೂನು ಸಮ ಕರಚೆಂ ಜಾವಕಾ ಮ್ಹಣು ತಾಂನಿ° ಸಾಂಗಲೆ°. "ವೈಜ್ಞಾನಿಕ ಮನೋಭಾವ ಮ್ಹಳ್ಯಾರಿ ಸಗಟಾಂಕ ಪ್ರಶ್ನೊ ಘಾಲಚೆ°, ತುಮಗೆಲೆ ವೈದ್ಯಾಕ ಸಹಿತ" ಮ್ಹಣು ತಾಂನಿ° ಸಾಂಗಲೆ°.
ಸಾರ್ವಜನಿಕ ಆರೋಗ್ಯ ಕ್ಷೇತ್ರಾಂತ ಚಲಚೆ ಆರತಾಂಚೆ ಪ್ರವೃತ್ತಿ ಬದಲ ತಾಂನಿ° ಉಲಯಲೆ. ಮಾಕ್ಷಿಚೆ ದೋನ ದಶಕಾಂತ ಸ್ಥೂಲತಾಯ, ಉಚ್ಛ ರಕ್ತದಾಬ, ಡಾಯಾಬೇಟಿಸ್, ಚರ್ಬಿಯುಕ್ತ ಯಕೃತ್ತ ಆನಿ ಹೃದಯವಿಕಾರ ಅಶೆ° ಆಧುನಿಕ ರೋಗ ಫಾಟಲೆ ದೋನ ದಶಕಾಂತ ಚಡ ಜಾಲ್ಯಾಂತ. "ಮಾಕ್ಷಿ ದೀಸಾಂತ ದುರಬಳಪಣ ಚಡ ಆಶಿಲೆ°, ಡಾಯಾಬೇಟಿಸ್ ಶ್ರೀಮಂತಾοಚೊ ರೋಗ ಮ್ಹಣೋನ ಘೆತಲೊ, ಜಾಲ್ಯಾರ ಆಜಿ ಜೋಡಿ ಚಡ ಜಾತಾ ಅಸೂನ "ಶ್ರೀಮಂತ" ರೋಗ ಆದಾಯ ಚಡ ಆಶಿಲೆ ಲೋಕಾ ಮಧೆ° ವ್ಯಾಪಕ ಜಾವನು ವಾಡತ ಆಸಾ. ಮುಖ್ಯ ಜಾವನು ಅವೈಜ್ಞಾನಿಕ ಆಹಾರ ಪದ್ಧತಿ ಆನಿ ಗೊಡ್ಶೆ° ಆನಿ ಸಂಸ್ಕರಣ ಕೆಲೆಲೆ ಸಾಕರ ವಿಪರೀತ ಜಾವನು ಖಾವಚೆ ನಿಮಿತ ಹ್ಯಾ ಅಧುನಿಕ ರೋಗ ಯೆತಾತಿ. ಹ್ಯಾ ರೋಗಾ ದಾಕೂನ ದೂರ ಆಸೂಕಾ ಜಾಲ್ಯಾರ ಸಾಕರ, ಜಂಕ್ ಫುಡ್ ಆನಿ ಗೊಡ್ಶೆ° ಖಾಣ ಖಾವಚೆ° ಸೊಡಚೆ° ಆನಿ ಮಾಸ, ಜಳಕೆ°, ತಾಂತಿ ಆನಿ ರಾಂದೆಕಾಯಿ ಖಾವಚೆ° ಕರನು ದೀವಸಾಕ ಕನಿಷ್ಠ 30 ಮಿನೀಟ ಬ್ರಿಸ್ಕ್ ವಾಕ್ ಕರಕಾ ಮ್ಹಣು ತಾಣೆ ಸಲ್ಲಾ ದಿಲಿ.
ಉಪರಾಂತ ಉಲಯಿಲೆ ಪ್ರೊ. ನರೇಂದ್ರ ನಾಯಕ್ ಹಾಂನಿ° ವೈಜ್ಞಾನೀಕ ಮನೋಭಾವ ವಾಡೊಚಾಕ ಉಲೊ ದಿಲೊ. ವೈಜ್ಞಾನಿಕ ಮನೋಭಾವನೆಚೆ ಪ್ರಚಾರಾ ಖಾತೀರ ಪ್ರಾಣ ದಿಲೆಲೆ ಡಾ. ನರೇಂದ್ರ ದಾಭೋಲ್ಕರ್ ಹಾಂಕಾ° ತಾಂನಿಮ ಶ್ರದ್ಧಾಂಜಲಿ ಅರ್ಪಣ ಕೆಲಿ. "ಮಹಾರಾಷ್ಟ್ರಾಂತು° ಮೂಢನಂಬಿಕಾ ಆನಿ ಬ್ಲ್ಯಾಕ್ ಮ್ಯಾಜಿಕ್ ವಿರೋಧಿ ಕಾಯ್ದೊ ಹಾಡಚಾಕ ಡಾ. ನರೇಂದ್ರ ದಾಭೋಲ್ಕರ್ ಕಾರಣ ಆಶಿಲೆ ಆನಿ ಕರ್ನಾಟಕಾಂತು° ಹ್ಯಾಚ ನಮೂನ್ಯಾಚೆ ಕಾನೂನು ಯೆವಚಾಕ ಹೆ° ಮಾದರಿ ಆಸಾ. ತಾಕಾ ಜೀವಾಕ ಭಂಯ ಆಸಾ ಮ್ಹಣು ಕಳತಾನ ತಾಂನಿ° ಧೈರ್ಯಶಾಲಿ ಆಶಿಲೆ ಆನಿ ಪೋಲೀಸ್ ರಕ್ಷಣೆಚೆ ನಿರಾಕರಣ ಕೆಲೆ°. ತಾಂಗೆಲೆ ಹತ್ಯಾ ಜಾತರಿ ಆನೀ ತೀನ ವಿಚಾರವಾದಿ ಲೋಕಾಂಚೆ ಹತ್ಯಾ ಜಾಲಿ."
ವೈಜ್ಞಾನಿಕ ಮನೋಭಾವ ವಾಡೋಚಾಕ ವಿಮರ್ಶಾತ್ಮಕ ಚಿಂತನಾ ಬಹುಮುಖ್ಯ ಮ್ಹಣು ಪ್ರೊ. ನರೇಂದ್ರ ನಾಯಕ್ ಹಾಂನಿ° ಸಾಂಗಲೆ°. "ಆರತಾ°, ಕೋವಿಡ್ ಸಾಂಕ್ರಾಮಿಕಾನ ಸಾರ್ವಜನಿಕಾ ಮಧೆ° ಅವೈಜ್ಞಾನಿಕ ಮನಸ್ಥಿತಿ ವ್ಯಾಪಕ ಜಾವನು ವಾಡಯಲಿ ಆನಿ ಬಹಿರಂಗ ಜಾಲೆ."
"ಪವಾಡ ಪುರುಷಾಂಚೆ ದೀಸ ಜಾಲೆ. ಆಜಿ ಸಾರ್ವಜನಿಕಾಂಕ ಮೂರ್ಖ ಕರಪಾಕ ವೈಜ್ಞಾನಿಕ ಪರಿಭಾಷಾ ವಾಪೂರಚೆ ಅತ್ಯಾಧುನಿಕ ದೇವಮಾನವಾಂಚಿ ನವೀನ ಪೀಳಿಗಾ ಆಯಲ್ಯಾ. ತಾಂನಿ° ಪ್ರತಿಭಾವಂತ ಐಐಟಿ ಪ್ರಾಧ್ಯಾಪಕ ಆನಿ ವಿದ್ಯಾರ್ಥಿಯಾಂಕ ಸುತಾ ಮೂರ್ಖ ಕರಚಾಕ ಸಫಲ ಜಾಲ್ಯಾಂತಿ°." ಮ್ಹಣು ತಾಂನಿ° ವಿಡಿಯೋ ಪ್ರದರ್ಶನ ಕರನು ಸಾಂಗಲೆ°.
ಡಾ. ಕೆ. ಎಸ್. ಮಾಧವ್ ರಾವ್ ಹಾಂನಿ° ಅಧ್ಯಕ್ಷೀಯ ಭಾಷಣ ಕೆಲೆ°. ವಯಸ್ಕ ಲೋಕ ತಾಂಗೆಲೆ ಆಲೋಚನೆ ಬದಲ ಸ್ಥಿರ ಆಸತಾತಿ. ಬದಲಾವ ಕರಚಾಕ ಆಯಕನಾತಿ ಮ್ಹಣು ತಾಂನಿ° ಸಾಂಗಲೆ°. "ಆಮಗೆಲೆ ಭವಿಷ್ಯಾಚೊ ಭರವಸೊ ಫಕತ ಚೆರಡುವಾಂತ ಆಸಾ. ತಾಂನಿ° ಸ್ಪಂಜ ಶೆಂ ನವೀನ ಮಾಹಿತಿ ಸ್ವೀಕಾರ ಕರತಾತಿ, ಮುಕಾವಯಲೆ ಪಿಳಗಿಕ ಆಮಿ ವೈಜ್ಞಾನಿಕ ಮನೋಭಾವ ವಾಡೋಚಾಕ ಪ್ರೇರಣಾ ದಿವಕಾ, ಎಕಲೆನ ಎಕಲೆಕ ಶಿಖೊವಚೆ° ಕರಕಾ" ಮ್ಹಣು ಉಲೋ ದಿಲೊ. ವಾಸುದೇವ್ ಉಚ್ಚಿಲ್ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಕೃಷ್ಣಪ್ಪ ಕೊಂಚಾಡಿ ಹಾಂನಿ° ಆಬಾರ ಮಾನಲೊ.
ಛದ್ಮ ವೇಸ ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೋ
ಮಂಗಳೂರು: ಕೊಂಕಣಿ ಸಾಂಸ್ಕೃತೀಕ ಸಂಘ ಮಂಗಳೂರು ಹಾಂನಿ° ಶ್ರೀ ಕೃಷ್ಣ ಜನ್ಮಾಷ್ಟಮಿಚೆ ಪ್ರಯುಕ್ತ ಅ. 26ಕ ದೋನಪಾರಾ ತೀನ ಗಂಟ್ಯಾಕ ಮಂಗಳೂರು ಡೊಂಗರಕೇರಿಚೆ ಕೆನರಾ ಹೈಸ್ಕೂಲಾಚೆ ಶ್ರೀ ಸುಧೀಂದ್ರ ಸಭಾಗೃಹಾಂತ ಛದ್ಮ ವೇಸ ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೋ ಆಯೋಜನ ಕೆಲಾ. ಚಲಚೆ ಹ್ಯಾ ಛದ್ಮ ವೇಸ ಸ್ಪರ್ಧೊ ಚಾರ ವಿಭಾಗಾಂತು° ಆನಿ ಕೊಂಕಣಿ ಕಾಣಿಯೊ ಸಾಂಗಚೊ ಸ್ಪರ್ಧೊ ತೀನ ವಿಭಾಗಾಂತು° ಚಲಚೊ ಆಸಾ. ಆಕರ್ಷಕ ಇನಾಂ ನಂತಾ° ಸ್ಪರ್ಧೇಂತು° ವಾಂಟೋ ಘೆತಿಲೆ ಸಗಟ ಚೆರಡುವಾಂಕ ವಿಶೇಷ ಭೇಂಟ ದಿತಾತಿ ಮ್ಹಣು ಕಳನು ಆಯಲಾ°. ಚಡತೆ ಮಾಹಿತಿಕ ಮಣೇಲ್ ಗಜಾನನ ಶೆಣೈ 8762494323 ಹಾಂಕಾ° ಯಾ ಕಾರ್ಯಕ್ರಮಾಚಿ ಸಂಚಾಲಕಿ ಮಾಲತಿ ಹೆಗ್ಡೆ 9916263560 ಹಾಂಕಾ° ಸಂಪರ್ಕ ಕರಯೆತ ಮ್ಹಣು ಕಳವಣಿಂತು° ಸಾಂಗಲಾ°.
ಸಾಂ.ಲೂವಿಸ್ (ಸ್ವಾಯತ್ತ್) ಕಾಲೇಜಾοತ ಕೊಂಕಣಿ ಮಾನ್ಯತಾ ದಿನಾಚರಣ
ಮಂಗಳೂರು: ಸಾಂ.ಲೂವಿಸ್ (ಸ್ವಾಯತ್ತ್) ಕಾಲೇಜಾಚೆ ಕೊಂಕಣಿ ಸಂಘ ಆನಿ ಕೊಂಕಣಿ ಭಾಷಾ ಮಂಡಳಾಚೆ ಜೋಡ ಆಶ್ರಯಾರ ಕೊಂಕಣಿ ಮಾನ್ಯತಾ ದಿನಾಚರಣ ಜಾಲೆ°. ಕಾಲೇಜಾಚೆ ಸಭಾಂಗಣಾοತ ಘಡಲೆಲೆ ಹ್ಯಾ ಕಾರ್ಯಾಕ್ರಮಾಕ ಮುಖೇಲ ಸೊಯರೆ ಜಾವನು ದಯಬಾಯಿಚೆ ಉದ್ಯಮಿ ಜೇಮ್ಸ್ ಮೆಂಡೊನ್ಸ ಆಯಿಲೆ. ಸರ್ವ್ ಅನಿವಾಸಿ ಭಾರತಿ ಲೋಕಾಂಚೆ ತರಪೆನ ಶುಭಾಷಯ ಪಾಟಯಲೊ. ಹ್ಯಾ ಸಂದರ್ಭಾರ ಪ್ರೊ. ಸ್ಟೀವನ್ ಕ್ವಾಡ್ರಸ್ ಹಾಂಗೆಲಿ ಕೃತಿ "ಜಮ್ಯಾಂತ್ಲ್ಯಾನ್" ಮ್ಹಳೆಲೆ ಲೇಖನ ಸಂಗ್ರಹ ಲೋಕರ್ಪಾಣ ಜಾಲೆ°. ಕಾಲೇಜಾಚೆ ಕುಲಸಚಿವ ಡಾ. ಆಲ್ವಿನ್ ಡೆಸಾನ್ ಹಾಂನಿ° ಪುಸ್ತಕಾಚೆ° ವಳಕ ಕರನು ದಿಲೆ°. ಸುವಾಳ್ಯಾಚೊ ಅಧ್ಯಕ್ಷ ಪ್ರಭಾರ ಪ್ರಾಶುಂಪಾಲ ಡಾ. ಡೆನ್ನಿಸ್ ಫೆರ್ನಾಂಡಿಸಾನ್ ಹಾಂನಿ° ಕೊಂಕಣಿ ಮಾನ್ಯತಾ ದಿಸಾಚೆ ಮಹತ್ವ ಚಾರಿತ್ರಿಕ ಜಾವನು ವಿಶ್ಲೇಷಣ ಕೆಲೆ°. ಕೊಂಕಣಿ ಸಂಘಾಚೆ ಹುದ್ದೊ ಹಸ್ತಾಂತರಚಿ ಪ್ರಕ್ರಿಯಾ ಸಾಂಪ್ರಾದಾಯಿಕ ರೀತಿರಿ ಫ್ಲೋರ ಕಾಸ್ತೆಲಿನೊನ್ ಹಾಂನಿ° ಚಲಯ್ಲೆ°. ವೇದಿಕೆರಿ ಸಂಘಾಚೆ ಹೇರ ವ್ಹಾಂಗಡಿ ಉಪಸ್ಥಿತ ಆಶಿಲೆ. ವಿದ್ಯಾರ್ಥಿಯಾನಿ ಮಾನ್ಯತಾ ಗೀತಾ° ಪ್ರಸ್ತುತ ಕೆಲಿ°. ಕಾರ್ಯದರ್ಶಿ ಜೊಯಲ್ ಕ್ರಾಸ್ತನ ಸ್ವಾಗತಾಚೆ ಉತ್ರ° ಸಾಂಗೂನು ಮೆಲ್ಕನಾನ ಆಬಾರ ಮಾನಲೊ. ಜೋಶ್ವ ಸಿಕ್ವೇರಾನ ಸೂತ್ರ ಸಂಚಾಲನ ಕೆಲೆ°.
ಕೊಂಕಣಿ ಎಕಿ ಸಮೃದ್ದ ಭಾಸ್ - ಸತೀಷ ಪ್ರಭು
ಮಂಗಳೂರು: "ಕೊಂಕಣಿ ಭಾಸ ಸಮೃದ್ಧ ಆಸಾ. ದೇಶಾಚೆ ಸರ್ವ ಭಾಶೆ° ಪಯಕಿ ಆಮಗೆಲಿ ಮಾತೃ ಭಾಸ ಕೊಂಕಣಿಕ ವಿಶೇಷ ಸ್ಥಾನಮಾನ ಆಸಾ. ಕೊಂಕಣಿ ಭಾಷಿಕ ಲೋಕಾನಿ ರಾಜಕೀಯ, ವಿಜ್ಞಾನ, ಉದ್ಯಮ, ಶಿಕ್ಷಣ ಆನಿ ಸಾಹಿತಿಕ ಕ್ಷೇತ್ರಾಂತು° ಶ್ರೇಷ್ಠ ಸಾಧನಾ ಕೆಲೆಲೆ ಆಸಾ. ದೇಶಾಚೆ ಸಂವಿಧಾನಾಚೆ ಆಟ್ವೇ ವಳೇರಿಂತು° ಕೊಂಕಣಿ ಭಾಶೆಕ ಸ್ಥಾನ ಮೇಳನು ತೀನ ದಶಕ° ಜಾಲೆಂತಿ. ಆಮಗೆಲೆ ಮಾತೃ ಭಾಶೆ ಬದಲ ಭರಮ ದವರೂನ ಆಮಿ ಮುಕಾರ ಸರಕಾ" ಮ್ಹಣು ಕೊಡಿಯಾಲ ಶ್ರೀ ವೆಂಕಟರಮಣ ದೇವಳಾಚೆ ಆಡಳಿತ ಮೋಕ್ತೆಸರ್ ಸತೀಷ ಪ್ರಭು ಹಾಂನಿ° ಸಾಂಗಲಾ°. ನಲಂದಾ ಸ್ಕೂಲ್ ಆನಿ ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಂನಿ° ಮೇಳನು ಆಚರಣ ಕೆಲೆಲೆ "ಕೊಂಕಣಿ ಮಾನ್ಯತಾ ದೀವಸ" ಸುವಾಳ್ಯಾಂತು° ಮುಖೇಲ ಸೊಯ್ರೆ ಆಸೂನ ತಾಂನಿ° ಆಶೆ° ಸಾಂಗಲೆ°.
ನಲಂದಾ ಶಾಳೆಚೆ ಪ್ರಮುಖ ಡಾ| ಕೆ. ಮೋಹನ ಪೈ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. "ಬರಪಿ ಆನಿ ಉಲೋವಪಿ ಕೊಂಕಣಿ ಭಾಶೆಂತು° ಖೂಬ ಫರಕ ಆಸತಾ. ತೆ° ಸಮಜೂನ ಘೆವನು ಸ್ಪಷ್ಟ ಕೊಂಕಣಿ ಭಾಸ ವಾಪೂರಚೆ° ಗರಜೆಚೆ° ಆಸಾ. ಹ್ಯಾ ನದರೇನ ಶಾಳೆಂತು° ಕೊಂಕಣಿ ಶಿಕ್ಷಣಾಕ ಸಗಟಾನ ಚಡ ಉಮೇದಿ ಘೆವಕಾ ಮ್ಹಣು ತಾಂನಿ° ಉಲೋ ದಿಲೊ. ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಅಧ್ಯಕ್ಷ ವಸಂತ ರಾವ್ ಹಾಂನಿ° ಶುಭಾಷಯ ಪಾಟಯಲೊ. ವಿದ್ಯಾರ್ಥಿ ಗಗನ್ ಭಟ್ ಆನಿ ವಿಧಿ ಪುರೋಹಿತ್ ಹಾಂನಿ° ಕೊಂಕಣಿ ಕಾಣಿಯೆಂಚೆ ವಾಚನ ಕೆಲೆ°.
ಭಾಶಾ ಮಂಡಳಾಚೆ ಕಾರ್ಯದರ್ಶಿ ರೇಮಂಡ್ ಡಿಕುನ್ಹಾ, ಖಜಾನದಾರ ಸುರೇಶ ಶೆಣೈ, ಆದಲೊ ಅಧ್ಯಕ್ಷ ವೆಂಕಟೇಶ ಎನ್ ಬಾಳಿಗಾ ಆನಿ ಸಾಂದೊ ಡಾ| ಅರವಿಂದ ಶ್ಯಾನುಭಾಗ ಉಪಸ್ಥಿತ ಆಶಿಲಿಂತಿ. ಕೊಂಕಣಿ ಶಿಕ್ಷಕಿ ಐಶ್ವರ್ಯಾ ಭಟ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ವಿದ್ಯಾರ್ಥಿಯಾಂಕ ಸ್ಕೂಲ್ ಬ್ಯಾಗ್ ಆನಿ ಮಿಠಾಯಿ ಉಂಡೊ ವಾಂಟೂಚೆ° ಜಾಲೆ°.
ಮಹಾಭಾರತಾಚಿ ಚಿಂತನಾ - ಕೊಂಕಣಿ ಪ್ರವಚನ
ಮಂಗಳೂರು: ಹಾಂಗಾಚೆ ವಿ ಟಿ ರಸ್ತೆಚೆ ಶ್ರೀ ಕೃಷ್ಣ ಮಂದಿರಾοತು° ಅಧಿಕ ಮಾಸ ಪ್ರಯುಕ್ತ ಜುಲೈ 23 ದಾಕೂನ 27 ತಾಂಯ ಸಾಂಜವೇಳಾ 6.30 ದಾಕೂನ 8.00 ತಾಂಯ ಬೆಂಗಳೂರಚೆ ಪಂಡಿತ್ ರಾಮಕೃಷ್ಣ ಭಟ್ ಹಾಂನಿ "ಮಹಾಭಾರತಾಚೆ ಚಿಂತನಾ" ಹಾಜೆ ಬದಲ ಕೊಂಕಣಿ ಭಾಶೆನ ಪ್ರವಚನ ದಿತಾತಿ. ಹ್ಯಾ ನಂತಾ° ಆಗಸ್ಟ್ 8 ಸಕಾಳಿ 8 ದಾಕೂನ ರಾತಿ 8 ತಾಂಯ° ಚತುರ್ ಪ್ರಹರ್ ಭಜನಾ ಸಂಕೀರ್ತನಾ, ಆಗಸ್ಟ್ 12ಕ ಸಕಾಳಿ 6.30 ದಾಕೂನ ಆಗಸ್ಟ್ 13 ತಾಂಯ° ಸಕಾಳಿ 6.30 ತಾಂಯ° ಅಹೋರಾತ್ರಿ ಸಾಮೂಹಿಕ ಶ್ರೀ ವಿಷ್ಣು ಸಹಸ್ರನಾಮ ಪಠಣ, ತ್ಯಾಚ ರಾತಿ 10.30 ದಾಕೂನ ಲಕ್ಷ ತುಳಸಿ ಅರ್ಚನಾ ಆನಿ ಪುಷ್ಪಾರ್ಚನಾ, ಸಾಂಜವೇಳಾ 6.30 ದಾಕೂನ 8 ತಾಂಯ° ಕಾರ್ತಿಕ್ ಭಟ್ ಆನಿ ಪಂಗಡಾಚೆ° ಬಾನ್ಸುರಿ ವಾದನ, ಶ್ರೀ ದೇವಾಕ ಪುಷ್ಪಾಲಂಕಾರ ಪೂಜಾ ಚಲಚೆ ಆಸಾ ಮ್ಹಣು ಆಡಳಿತ ಮಂಡಳಿನ ಕಳವಣಿಂತು° ಸಾಂಗಲಾ°.
"ಶ್ರೀ ಪುರುಷೋತ್ತಮ ಮಹಾತ್ಮೆ" ಪ್ರವಚನ
ಮಂಗಳೂರು: ಶೋಭಕೃತ ನಾಮ ಸಂವತ್ಸರಾಚೆ ಅಧಿಕ ಮಾಸಾಚೆ ಪ್ರಯುಕ್ತ ಮಂಗಳೂರು ರಥಬೀದಿಚೆ ಶ್ರೀ ವೆಂಕಟರಮಣ ದೇವಳಾಂತು° ಜುಲೈ 18 ದಾಕೂನ ಅಗಸ್ಟ 18 ತಾಂಯ ಹರ ದೀವಸು ಸಾಂಜವೇಳಾ 6.15 ದಾಕೂನ 7.15 ತಾಂಯ ಪಂಡಿತ ಎಮ್. ಕಾಶಿನಾಥ ಭಟ್ ಹಾಂನಿ° "ಶ್ರೀ ಪುರುಷೋತ್ತಮ ಮಹಾತ್ಮೆ" ಪ್ರವಚನ ಪ್ರಸ್ತುತ ಕರತಾತಿ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°.
ಹ್ಯಾ ಅಧಿಕ ಮಾಸಾಂತು° ಕೆಲೆಲಿ ದೇವಾಲಿ ಸೇವಾ, ವೃತ, ದಾನ ಆನಿ ಪುಣ್ಯ ಕಾರ್ಯಾಂಕ "ಅಧಿಕಸ್ಯಾಧಿಕಂ ಫಲಂ" ಮ್ಹಳ್ಯಾರಿ ವಿಶೇಷ ಪುಣ್ಯ ಮೇಳತಾ ಮ್ಹಣು ಪುರಾಣ ಶಾಸ್ತ್ರಾಂತು° ಸಾಂಗಲಾ°. ಹ್ಯಾ ಅವಧಿಂತು° ಎಕ ದಿವಸಾಚೆ ಸೇವಾ ಜಾವನು ಆಸಚೆ ಬ್ರಾಕ್ಮಣ ಸಂತರ್ಪಣಾ, ಗಂಗಾಭಿಷೇಕ, ಸಹಸ್ರನಾಮಾರ್ಚನಾ, ಪುಳಕಾಭಿಷೇಕ, ಮಧ್ಯಾಹ್ನ ಪುಜಾ, ಗೋಪುಜಾ, ರಾತಿ ಅಲಂಕರಾ ಪುಜಾ, ಪರಿವಾರ ದೇವಾಂಕ ಸೇವಾ ಕರಚಾಕ ಇಚ್ಛಾ ಆಶಿಲ್ಯಾನಿ ದೇವಳಾಚೆ ದಫ್ತರಾಂತು° ರೂ. 3,500/- ಪಾವತಿ ಕರಕಾ ಮ್ಹಣೂಯಿ ಕಳಯಲಾ°. ದೂರವಾಣಿ: 0824 2423455, 2423453, 24227937
ರಗತ ಹೀನತಾ ಬದಲ ವೈದ್ಯಕೀಯ ಶಿಬಿರ
ಮಂಗಳೂರು: ಹಾಂಗಾಚೆ ಕರ್ನಾಟಕ ಆಯುರ್ವೇದ ವೈದ್ಯಕೀಯ ಕಾಲೇಜು ಆನಿ ಆಸ್ಪತ್ರೆ ಹಾಂಗಾ ಆರತಾ° ರಗತ ಹೀನತಾ ಬದಲ ಫುಕಟ ವೈದ್ಯಕೀಯ ಶಿಬಿರ ಘಡಲೆ°. ಕೆಎಎಂಸಿ ಪ್ರಾಂಶುಪಾಲ ಡಾ. ರವಿ ರಾವ್ ಹಾಂನಿ° ದೀವೊ ಲಾವನು ಶಿಬಿರಾಚೆ ಉಗ್ತಾವಣ ಕೆಲೆ°. ವೈದ್ಯಕೀಯ ಅಧೀಕ್ಷಕ ಡಾ. ಉದಯ್ ಡಿ.ಕೆ, ವೈದ್ಯಕೀಯ ನಿರ್ದೇಶಕ ಡಾ. ಅಜಿತ್ ಕಾಮತ್, ಉಪ ವೈದ್ಯಕೀಯ ಅಧೀಕ್ಷಕ ಡಾ. ರವೀಂದ್ರ ಕೆ ಭಟ್, ಕಾಯ ಚಿಕಿತ್ಸಾ ವಿಭಾಗಾಚಿ ಪ್ರಾಧ್ಯಾಪಕಿ ಡಾ. ವಹೀದಾ ಬಾನು ಉಪಸ್ಥಿತ ಆಶಿಲೆ. ರಗತ ಹೀನತಾ ಬದಲ ಡಾ. ಕೆ ರವೀಂದ್ರ ಭಟ್ ಹಾಂನಿ° ಮಾಹಿತಿ ದಿಲಿ. ಡಾ. ಸಹನ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಡಾ. ಅರ್ಚನ ಹಾಂನಿ° ಆಬಾರ ಪ್ರಕಟ ಕೆಲೊ. ಡಾ. ಪೂಜಾ ಕೃಷ್ಣನ್ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಪಿ.ಜಿ ಸ್ಕಾಲರ್ ಡಾ. ಪಿ ಕೃಷ್ಣಪ್ರಸಾದ್ ಭಟ್ ಹಾಂನಿ° ಶಿಬಿರಾಕ ಫುಕಟ ಔಷಧಾಚಿ ವ್ಯವಸ್ಥಾ ಕಾಲೇಜಾಚೆ ತಾಂಗೆಲೆ ಸಂಶೋಧನಾ ಕಾರ್ಯಾಚೆ ವಾಂಟೊ ಜಾವನು ತಯಾರ ಕರನು ದಿಲೆ°. ಹ್ಯಾ ವೇಳಾರಿ ಪಿಜಿ ವಿದ್ವಾಂಸ, ಗೃಹ ವೈದ್ಯ ಉಪಸ್ಥಿತ ಆಶಿಲೆ. ಖೂಬ ಲೋಕಾನ ಶಿಬಿರಾಚೆ ಉಪೇಗ ಘೆತಲೆ°.
ಶೋಭನಾ ಸಂವತ್ಸರ್ ಗುರುವರ್ಯಾಂಲೊ ಚಾತುರ್ಮಾಸ್
ಶ್ರೀ ಚಿತ್ರಾಪುರ ಮಠ
ಶ್ರೀ ಚಿತ್ರಾಪುರ ಮಠಾಧೀಶ ಶ್ರೀಮದ್ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 3, 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಶಿರಾಲಿಚೆ ಮೂಲಮಠಾಂತು° ಚಲಚೊ ಆಸಾ.
ದೂರವಾಣಿ: 08385 - 258368/258756
ಕೈವಲ್ಯ ಮಠ:
ಶ್ರೀ ಗೌಡಪಾದಾಚಾರ್ಯ ಕೈವಲ್ಯ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜೂನ್ 26, 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಶ್ರೀ ಮಹಾಲಕ್ಷ್ಮೀ ಸಂಸ್ಥಾನ ಬಾಂಡವಾಡೆ, ಪೋಂಡಾ, ಗೋವಾ ಹಾಂಗಾ ಚಲಚೊ ಆಸಾ.
ದೂರವಾಣಿ: 0832-2335355, 2335434. ಮೋಬೈಲ್ 90838377272
ಶ್ರೀ ಕಾಶಿ ಮಠ:
ಶ್ರೀ ಕಾಶಿಮಠ ಸಂಸ್ಥಾನಾಚೆ ಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಬೆಂಗಳೂರಚೆ ಶ್ರೀ ಕಾಶಿಮಠಾಂತು° ಜುಲೈ 7, 2023 ದಾಕೂನ ನವೆಂಬರ್ 26, 2023 ತಾಂಯ ಚಲಚೊ ಆಸಾ.
ದೂರವಾಣಿ: 080 - 23340355/23462427, 9483094828, 8277660355
ಶ್ರೀ ಗೋಕರ್ಣ ಮಠ:
ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಲಿ ಮಠಾಧೀಶ ಶ್ರೀಮದ್ ವಿದ್ಯಾಧೀಶ ತೀರ್ಥ ಶ್ರೀಪಾದ ವಡೇರ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 9, 2023 ದಾಕೂನ ಸೆಪ್ಟೆಂಬರ್ 20, 2023 ತಾಂಯ ಶಾಂತಿಕುοಜ್ ಸೇವಾಶ್ರಮ ಕಾಂಪ್ಲೆಕ್ಸ್, ಹರಿಗ್ರಾಮ್, ನ್ಯೂಪನವೆಲ್ - ಮೊರ್ಬಾ ರೋಡ್ ಹಾಂಗಾ ಚಲಚೊ ಆಸಾ.
ದೂರವಾಣಿ: 9867782425, 9820238867
ದೈವಜ್ಞ:
ಜ್ಞಾನೇಶ್ವರಿ ಪೀಠ, ದೈವಜ್ಞ ಬ್ರಾಹ್ಮಣ ಮಠ, ಶ್ರೀ ಕ್ಷೇತ್ರ ಕರ್ಕಿ ಮಠಾಧೀಶ ಶ್ರೀಮದ್ ಸಚ್ಚಿದಾನಂದ ಜ್ಞಾನೇಶ್ವರ ಭಾರತಿ ಮಹಾಸ್ವಾಮಿ ಹಾಂಗೆಲೊ ಚಾತುರ್ಮಾಸ ಶ್ರೀ ಕ್ಷೇತ್ರ ಕರ್ಕಿ, ಹೊನ್ನಾವರ (ಉ.ಕ.) ಹಾಂಗಾ ಚಲಚೊ ಆಸಾ.
ವೈಶ್ಯ ಸಮಾಜ:
ಶ್ರೀ ಸಂಸ್ಥಾನ ಶಾಂತಾಶ್ರಮ ಕಾಶಿ ತಥಾ ಹಳದಿಪುರ ಮಠಾಧೀಪತಿ ಶ್ರೀಮದ್ ವಾಮನಾಶ್ರಮ ಸ್ವಾಮೀಜಿ ಹಾಂಗೆಲೊ ಚಾತುರ್ಮಾಸ ಜುಲೈ 2. 2023 ದಾಕೂನ ಸೆಪ್ಟೆಂಬರ್ 29, 2023 ತಾಂಯ ಮಂಗಳೂರಚೆ ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಂತು° ಚಲಚೊ ಆಸಾ.
ದೂರವಾಣಿ: 9980092209, 9900118033
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಕೋತಂಬರಿ. ಕೊತ್ತಂಬರಿ, ದ್ಹನಿಯಾ
ಸುಕ್ಯಾಕ ಉಡಿದು ಕೋತಂಬರಿ ಬಾಜೂನು ಘಾಲತಾತಿ. ಕಾಫೀ ಬದಲಾಕ ಥೂಡೊ ಲೋಕು ಕೊತಂಬರೀ ಕಷಾಯ ಕರನು ಪೀತಾತಿ. ಹೇ ಉದ್ಘೃತ ವಾಕ್ಯಾಂತು ಕೋತಂಬರಿ ಮ್ಹಣಚೊ ಜೋ ಏಕು ಶಬ್ದು ವಾಪರಲಲೊ ಆಸಾ ತೇ ಶಬ್ದಾಚೆ ವ್ಯುತ್ಪತ್ತಿ ಸಮಜೂವ್ಯಾಂ.
ಕೋತಂಬರಿ ಹೋ ಏಕ ಸಾಂಬಾರ ವಸ್ತು ಜಾವನು ಆಸಾ. ಅನೀಕ ತೇ ವಾಪಾರಲೇಲಿ ರಂದಾಯೇಚಿ ರೂಚಿಯಿ ಆಮಕಾ ಜಾಣ ಆಸಾ. ಹೋ ಶಬ್ದು ಸಂಸ್ಕೃತ ಭಾಶೆಚೊ ಕುಸ್ತುಂಬರಿ ಮ್ಹಣಚೆ ಶಬ್ದಾಚಿ ತದ್ಬವ ರೂಪ ಜಾವನು ಆಸಾ. ಕುಸ್ತುಂಬರೀ ಮ್ಹಣಚೊ ಹೋ ಶಬ್ದು ತದ್ಭವ ಜಾತನಾ ಶಬ್ದಾಚೆ ಪಯಲೆ ಅಕ್ಷರ ಕು ಮ್ಹಣಚೊ ಕೊ ಜಾತ್ತಾ ಅನಿಕ ದೊನಿಂಚೆ ವಿಜಾತೀಯ ಸಂಯುಕ್ತಾಕ್ಷರ ಸಜಾತೀಯ ಸಂಯುಕ್ತಾಕ್ಷರ ಜಾತಾ. ಮ್ಹಳ್ಯಾರ ಸ್ತು ಅಶಿಲೆ ತ್ತು ಜಾತಾ. ಅಶೆಂ ಕುಸ್ತುಂಬರಿ ಆಶಿಲೊ ಶಬ್ದು ಕುತ್ತುಂಬರೀ ಜಾತಾ. ಕೊಂಕಣಿ ಭಾಶೆಂತು ಶಬ್ದಾಚೆ ಪಯಲೆ ಅಕ್ಷರ ಓಕಾರ ಸಹಿತ ಉಚ್ಛಾರ ಕರಚೇ ನಿಮಿತ್ತ ಕುತ್ತುಂಬರಿ ಆಶಿಲೆ ಕೊತ್ತಂಬರಿ ಮ್ಹಣು ಜಾಲ್ಲಾ. ಶಬ್ದಾಂತೂಲೇ ಪಯಲೇ ಅಕ್ಷರ ದೀರ್ಘ ಅಸಲ್ಯಾರ ತಾಜೆ ಮುಖಾವಯಿಲೇ ಅಕ್ಷರ ಸಂಯುಕ್ತಾಕ್ಷರ ಆಶಿಲೆ ಏಕಾಕ್ಷರ ಜಾತಾ ಕೊತ್ತಂಬರಿ -> ಕೋತಂಬರೀ
ಕೋತಂಬರಿಕ ಧನಿಯಾ ಮ್ಹಣೂಯಿ ಸಾಂಗತಾತಿ. ಧನಿಯಾ ಮ್ಹಣಚೊ ಶಬ್ದು ಸಂಸ್ಕೃತ ಭಾಶೆಚೊ ಧನ್ಯಾಕ, ಧನಿಕಾ ಮ್ಹಣಚೆ ಶಬ್ದಾಚೆ ತದ್ಭವ ರೂಪ ಜಾವನು ಆಸಾ. ಧನ್ಯಾಕ ಮ್ಹಣಚೊ ಶಬ್ದು ತದ್ಬವ ರೂಪ ಜಾತಾನಾ ಶಬ್ದಾಂತೂಲೇ ವಿಜಾತೀಯ ಸಂಯುಕ್ತಾಕ್ಷರಾಂತೂಲೆ ಯ ಕಾರ ಲೋಪ ಜಾತ್ತಾ. ಧನಾಕ ಮ್ಹಣು ಜಾವನು ಧನಿಯಾ ಮ್ಹಣು ಜಾಲಾ. ಆನಿ ಧನಿಕಚೆ ತದ್ಭವ ರೂಪ ಮ್ಹಣು ಜಾಲ್ಯಾರ ಶಬ್ದಾಚೇ ಅಂತಿಮ ಅಕ್ಷರ ಕಾ ಮ್ಹಣಚೆ ಪಯಲೆೆ ಕ ವ್ಯಂಜನ ಲೋಪ ಜಾವನು ಆ ಮ್ಹಣು ಉರತಾ. ಆನೀ ತೇ ಆ ಯಾ ಜಾವನು ಧನಿ ಕಾ ಧನಿ ಆ ಧನಿಯಾ ಜಾತಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 503 guests and no members online