Displaying items by tag: Moodubidire
ಕಾರ್ತಿಕ ಏಕಾದಶಿ, ಉತ್ಥಾನ ದ್ವಾದಶಿ, ಭಜನಾ ಏಕಾಹ ಆನಿ ವಿಶ್ವ ರೂಪ ದರ್ಶನ
ಮೂಡುಬಿದಿರೆ: ಉತ್ಥಾನ ದ್ವಾದಶಿ ಪ್ರಯುಕ್ತ ಮೂಡುಬಿದಿರೆಚೆ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಂತು° ತುಳಸಿ ಪೂಜಾ ಚಲಿ.
ಮಲ್ಪೆ: ಹಾಂಗಾಚೆ ಶ್ರೀ ರಾಮ ಮಂದಿರ, ಜಿ. ಎಸ್. ಬಿ. ಸಮಾಜ ಯುವಕ, ಮಹಿಳಾ ಮಂಡಳಿಚೆ ಜೋಡಾಶ್ರಯಾರಿ ಕಾರ್ತಿಕ ಮಾಸಾಚೆ ಏಕಾದಶಿ ದೀವಸು ಭಜನಾ ಕಾರ್ಯಕ್ರಮ ಆನಿ ರಾತಿ ಶ್ರೀ ದೇವಾಲೆ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ದರ್ಶನ ಜಾಲೆ°. ವಿಶೇಷ ಆಕರ್ಷಣ ಜಾವನು ಶ್ರೀ ರಾಮ ದರ್ಶನ, ವೀರ ವಿಠಲ, ರಂಗೋಲಿ, ಫುಲ್ಲಾ ರಂಗೋಲಿ, ದಿವಯಾನ ರಚನ ಕೆಲೆಲೆ ಓಂ, ಸ್ವಸ್ತಿಕ್, ಶಂಖ ಚಕ್ರ ಪಳೊವಚಾಕ ಮೆಳೆ°.
ಉಡುಪಿ: ಹಾಂಗಾಚೆ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ ತೆಂಕಪೇಟೆ ಉಡುಪಿ ಹಾಂಗಾ ಕಾರ್ತಿಕ ಮಾಸಾಂತು° ಸಕಾಳಿ ಪಾಂಚ ಗಂಟ್ಯಾಕ ಪಶ್ಚಿಮ ಜಾಗರ ಪೂಜಾ, ಸುಪ್ರಭಾತ, ಕಾಕಡ ಆರತಿ, ಶ್ರೀ ದೇವರ ಸನ್ನಿಧಿಂತು° ಹಜಾರಾನಿ ಸಂಖ್ಯಾನಿ ಪಣತಿ ಲಾವನು ವಿಶ್ವ ರೂಪ ದರ್ಶನ ಚಲೆ°. ಹ್ಯಾ ವರಸ ವಿಶೇಷ ಜಾವನು ಶ್ರೀ ರಾಮ ದರ್ಶನ , ಶ್ರೀ ಮಹಾಲಕ್ಷ್ಮೀ, ಶಿವ ಲಿಂಗ ದರ್ಶನ, ಹರೇ ಶ್ರೀನಿವಾಸ, ರಂಗೋಲಿ ಪಳೊವಚಾಖ ಮೆಳೆ°. ಪ್ರಧಾನ ಅರ್ಚಕ ವಿನಾಯಕ ಭಟ್ ಹಾಂನಿ° ಪೂಜಾ ಕೆಲಿ. ಆಡಳಿತ ಮೊಕ್ತೇಸರ ಪಿ. ವಿ. ಶೆಣೈ, ಆಡಳಿತ ಮಂಡಳಿಚೆ ಸಾಂದೆ ಗಣೇಶ್ ಕಿಣಿ, ರೋಹಿತಾಕ್ಷ ಪಡಿಯಾರ್, ವಸಂತ್ ಕಿಣಿ, ವಿಶ್ವನಾಥ್ ಭಟ್, ನಾರಾಯಣ ಪ್ರಭು ಆನಿ ನರಹರಿ ಶೆಣೈ ವಿಶಾಲ್ ಶೆಣೈ, ನಾಗೇಶ್ ಪೈ, ಭಾಸ್ಕರ್ ಶೆಣೈ, ಪ್ರದೀಪ್ ರಾವ್, ಮಟ್ಟಾರ್ ಸತೀಶ್ ಕಿಣಿ, ಸುರೇಶ ಭಟ್, ದಯಾಘಾನ್ ಭಟ್, ರವೀಂದ್ರ ಭಟ್, ದೀಪಕ್ ಭಟ್, ಜಿ.ಸ್.ಬಿ. ಯುವಕ ಮಂಡಳಿ, ಮಹಿಳಾ ಮಂಡಳಿ ಸಾಂದೆ ಆನಿ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
ಭದ್ರಗಿರಿ: ಹಾಂಗಾಚೆ ಶ್ರೀ ವೀರವಿಠ್ಠಲ ದೇವಸ್ಥಾನಾಂತು° ಕಾರ್ತಿಕ ಏಕಾದಶಿ ಪ್ರಯುಕ್ತ ಅಖಂಡ ಭಜನಾ ಏಕಾಹ ಮಹೋತ್ಸವವು ಚಲೊ. ಶ್ರೀ ದೇವತಾ ಪ್ರಾರ್ಥನಾ ಆನಿ ದೀಪ ಪ್ರಜ್ವಾಲನ ಕರನು ಸಕಾಳಿ ಭಜನಾ ಕಾರ್ಯಕ್ರಮ ಶುರು ಜಾಲೊ. ಆಡಳಿತ ಮೊಕ್ತೇಸರ ಭದ್ರಗಿರಿ ಪಾಂಡುರοಗ ಆಚಾರ್ಯ, ಗೌರಾವಾಧ್ಯಕ್ಷ ನಾಗರಮಠ ಮಂಜುನಾಥ ನಾಯಕ್, ಆಡಳಿತ ಆನಿ ವಿಶ್ವಸ್ಥ ಮಂಡಳಿಚೆ ಸಾಂದೆ ಸತೀಶ ಕಿಣಿ ಬೆಳ್ವೆ, ಪ್ರಭಾಕರ ಭಟ್, ಗಣೇಶ ಪೈ ಪರ್ಕಳ, ಉದಯ ಪಡಿಯಾರ್, ಮಹೇಶ ಆಚಾರ್ಯ, ಗಿರಿಧರ ರಾವ್, ಭದ್ರಗಿರಿ ವೀರವಿಠ್ಠಲ ಭಜನಾ ಮಂಡಳಿಚೆ ಸಾಂದೆ ಕೆ ಸಿ ಪ್ರಭು, ಸಿ. ಕೃಷ್ಣ ಪೈ, ಕೆ.ಪಿ.ಕಿಣಿ ,ಪುಷ್ಕರ್ ಭಟ್, ಪುರೋಹಿತ ವೇದಮೂರ್ತಿ ಕಲ್ಯಾಣಪುರ ಕಾಶೀನಾಥ ಭಟ್ ಆನಿ ಅರ್ಚಕ ಸದಾನಂದ ಆಚಾರ್ಯ ಆನಿ ಭಜಕ ಲೋಕ ಉಪಸ್ಥಿತ ಆಶಿಲೆ. ಅಖಂಡ ಭಜನಾ ಮಹೋತ್ಸವಾಂತು° ಗಾಂವ ಪರಗಾಂವಚೆ 14 ಭಜನಾ ಮಂಡಳಿನಿ ವಾಂಟೊ ಗೆತಲೊ. ಸಾಂಜವೇಳಾ ದೀಪೋತ್ಸವ ಆನಿ ರಾತಿ ಪ್ರಸನ್ನಪೂಜಾ ಜಾವನು ಭಜನಾ ಮಂಗಲೋತ್ಸವ ಸಂಪನ್ನ ಜಾಲೊ.
ಮೂಡುಬಿದಿರೆಂತು° ಮಂಜೇಶ್ವರ ಸ್ವರ್ಣ ಪಲ್ಲಂಕಿಕ ಸ್ವಾಗತ
ಮೂಡುಬಿದಿರೆ: ಆಟ್ರ ಪೆಂಟೆοಚೆ ದೇವಳ ಮ್ಹಣು ನಾವಾದೀಕ ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಸ್ಥಾನಾಚೆ ನೂತನ ಸ್ವರ್ಣ ಪಲ್ಲಂಕಿ ಆಟ್ರ ಪೆಂಟ ಜಾವನು ವಚೆ ವಾಟೆರಿ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಚೆ ಭಕ್ತವೃಂದಾನ ಮೂಡುಬಿದಿರೆಂತು° ಗೌರವಾದರಾನ ಸ್ವಾಗತ ಕೆಲೆ°.
ಉಡುಪಿಚೆ ಆಭರಣ ಜ್ಯುವೆಲ್ರ್ಸ ಹಾಂಗಾ ತಯಾರ ಜಾಲೆಲೆ ನೂತನ ಪಲ್ಲಂಕಿಕ ಅಲಂಕೃತ ವಾಹನಾರಿ ದವರೂನ ಆಟ್ರ ಪೆಂಟೆοಚಿ ಭೇಟಿ ಶುರು ಜಾಲೆಲಿ. ಕಾರ್ಕಳ ದಾಕೂನ ಮೂಡುಬಿದಿರೆಕ ಆಯಿಲಿ ಪಲ್ಲಂಕಿಕ ಮೂಡುಬಿದಿರೆ ಶ್ರೀ ಹನುಮಂತ ದೇವಳಾ ಲಾಗಿ ಆಡಳಿತ ಮಂಡಳಿ ಆನಿ ಸಮಾಜ ಭಾಂಧವಾನಿ ಸ್ವಾಗತ ಕೆಲೆ°. ಮಂಗಲ ವಾದ್ಯ ಗೌರವ ದಿವನು ಶ್ರೀ ವೆಂಕಟರಮಣ ದೇವಳಾಕ ಪಲ್ಲಂಕಿ ವ್ಹರಚೆ ಜಾಲೆ°. ಆಡಳಿತ ಮೊಕ್ತೇಸರ ಜಿ. ಉಮೇಶ ಪೈ ಆನಿ ಹೇರ ಮೊಕ್ತೇಸರಾನಿ ಸ್ವರ್ಣ ಪಲ್ಲಂಕಿಕ ಹಾರಾರ್ಪಣ ಕರನು ಸ್ವಾಗತ ಕೆಲೆ°. ಅರ್ಚಕ ವೇ. ಮೂ. ಕೆ. ಪದ್ಮನಾಭ ಭಟ್ ಹಾಂನಿ° ಆರತಿ ದಾಕೊವನು ಪಾರ್ಥನಾ ಸಾಂಗಲಿ. ಮಂಜೇಶ್ವರ ಶ್ರೀಮದ್ ಅನಂತೇಶ್ವರ ದೇವಸ್ಥಾನಾಚೆ ತರಪೇನ ಎಂ. ಪುರುಷೋತ್ತಮ ಆಚಾರ್ಯ ಹಾಂನಿ° ಪ್ರಸಾದ ವಾಂಟಿಲೊ. ಮಂಜೇಶ್ವರ ದೇವಳಾಚೊ ಆಡಳಿತ ಮಂಡಳಿ ಅಧ್ಯಕ್ಷ ಕೋಟೇಶ್ವರ ದಿನೇಶ್ ಜಿ. ಕಾಮತ್ ಆನಿ ಹೇರ ಟ್ರಸ್ಟಿ ಉಪಸ್ಥಿತ ಆಶಿಲೆ. ಉಪರಾಂತ ಪಲ್ಲಂಕಿಕೆಚೆ ವಾಹವ ಗುರುಪುರ ದೇವಳಾ ತರಪೇನ ಗೆಲೆ.
ಬಾಲಕಾಂಚೆ° ಫುಟ್ಬಾಲ್ ಪಂಗಡ ಮೈಸೂರು ವಿಭಾಗೀಯ ಸ್ಥರಾಕ ವಿಂಚವಣ
ದ.ಕ ಜಿಲ್ಲಾ ಪಂಚಾಯತ್, ಶಾಲಾ ಶಿಕ್ಷಣ ಆನಿ ಸಾಕ್ಷರತಾ ಇಲಾಖೊ, ಉಪ ನಿರ್ದೇಶಕಾಂಚೆ ದಫ್ತರ ಮಂಗಳೂರು, ಕ್ಷೇತ್ರ ಶಿಕ್ಷಣಾಧಿಕಾರಿಲೆ ದಫ್ತರ್ ಮೂಡಬಿದ್ರೆ ಹಾಂಗೆಲೆ ಜೋಡ ಆಶ್ರಯಾರಿ ಮುಕ್ತಿ ಪ್ರಕಾಶ ಪ್ರೌಢಶಾಲಾ ನೀರುಡೆ ಹಾಂಗಾ ಚಲೆಲೆ ಜಿಲ್ಲಾ ಸ್ಥರಾಚೆ ಪುಟ್ಬಾಲ್ ಖೇಳಾಂತು° ಎಕ್ಸಲೆಂಟ್ ಆಂಗ್ಲ ಮಾಧ್ಯಮ ಪ್ರೌಡಶಾಲಾಚೆ ಬಾಲಕಾನಿ ಪ್ರಥಮ ಸ್ಥಾನ ಫಾವೊ ಕರನು ವಿಭಾಗೀಯ ಸ್ಥರಾಕ ವಿಂಚೂನ ಯೆವಚೆ° ಜಾಲಾ°. ಫೈನಲ್ ಖೇಳಾಂತು° ಎಕ್ಸಲೆಂಟ್ ಪಂಗಡಾನ ಮಂಗಳೂರು ದಕ್ಷಿಣ ವಿಭಾಗಾಚೆ ಹಜ್ರತ್ ಸೈಯಿದ್ ಮದನಿ ಆಂಗ್ಲ ಮಾಧ್ಯಮ ಶಾಳೆಕ ಹಾರವಾನು ಪ್ರಶಸ್ತಿ ಫಾವೊ ಕೆಲಿ. ಸಂಸ್ಥೆಚೊ ವಿದ್ಯಾರ್ಥಿ ಸುದರ್ಶನ್ ಆನಿ ಅಶ್ವಿನ್ ಪಂದ್ಯಶ್ರೇಷ್ಠ ಆನಿ ಅತ್ಯುತ್ತಮ ಗೋಲ್ಕೀಪರ್ ಪ್ರಶಸ್ತಿ ಪ್ರಾಪ್ತ ಕೆಲಿ. ಜಿಲ್ಲಾ ಸ್ಥರಾರಿ ಅದ್ವಿತೀಯ ಸಾಧನಾ ಕರನು ವಿಭಾಗೀಯ ಸ್ಥರಾಕ ಪಾವಿಲೆ ವಿದ್ಯಾರ್ಥಿಯಾಂಕ ಆನಿ ತರಬೇತಿ ದಿಲೆಲೆ ದೈಹಿಕ ಶಿಕ್ಷಕಾಂಕ ಸಂಸ್ಥೆಚೊ ಅಧ್ಯಕ್ಷ ಯುವರಾಜ್ ಜೈನ್ ಆನಿ ಕಾರ್ಯದರ್ಶಿ ರಶ್ಮಿತಾ ಜೈನ್ ಹಾಂನಿ° ಅಭಿನಂದನ ಪಾಟಯಲೆ°.
ಮೂಡುಬಿದಿರೆ 59ವೊ° ಸಾರ್ವಜನಿಕ ಗಣೇಶೋತ್ಸವ
ಮೂಡುಬಿದಿರೆ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಟ್ರಸ್ಟ್ ಮೂಡುಬಿದಿರೆ(ರಿ) ಹಾಂನಿ° ಹಾಂಗಾಚೆ ಸಮಾಜ ಮಂದಿರಾಂತು° ಆಯೋಜನ ಕೆಲೆಲೆ 59ವೊ° ಗಣೇಶೋತ್ಸವಾಚೆ ಉಗ್ತಾವಣ ಮಂಗಳೂರು ಪೆÇಲೀಸ್ ಆಯುಕ್ತ ಶಶಿಕುಮಾರ್ ಎನ್. ಹಾಂನಿಂ ಕೆಲೆ°. “ಸ್ವಾತಂತ್ರ್ಯ ಝುಜಾ ವೇಳಾರಿ ಸಾರ್ವಜನಿಕ ಗಣೇಶೋತ್ಸವ ಲೋಕಾಂಕ ಮೆಳೊಚಾಕ ಕಾರಣ ಜಾಲೆ°. ತೆದನಾ ದಾಕೂನ ಹಳ್ಳಿ ದಾಕೂನ ಪಟ್ಟಣಾ ಥಾಂಯ ತಂತಂಯ ಶ್ರದ್ಧಾಪೂರ್ವಕ ಜಾಔನು ಗಣೇಶೊತ್ಸವ ಆಚರಣ ಜಾತಾ ಆಸಾ” ಮ್ಹಣು ಶುಭಾಷಯ ಪಾಟಯಲೊ. ಆದಲೊ ಮಂತ್ರಿ ಕೆ. ಅಭಯಚಂದ್ರ ಜೈನ್ ಆನಿ ಬಿಜೆಪಿ ಜಿಲ್ಲಾಧ್ಯಕ್ಷ ಸುದರ್ಶನ ಎಂ. ಉಪಸ್ಥಿತ ಆಶಿಲೆ. ಗಣೇಶೋತ್ಸವ ಟ್ರಸ್ಟ್ ಹಾಜೊ ಅಧ್ಯಕ್ಷ ಕೆ. ಶ್ರೀಪತಿ ಭಟ್ ಸಭಾ ಕಾರ್ಯಕ್ರಮಾಚೆ ಅಧ್ಯಕ್ಷ ಆಶಿಲೆ. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನ ಹಾಜೊ ಅಧ್ಯಕ್ಷ ಡಾ| ಎಂ. ಮೋಹನ್ ಆಳ್ವ, ಚೌಟರ ಅರಮನೆಚೊ ಕುಲದೀಪ ಎಂ, ಕೆಪಿಸಿಸಿ ಉಪಾಧ್ಯಕ್ಷ ಮಿಥುನ್ ರೈ, ಪುರಸಭಾಧ್ಯಕ್ಷ ಪ್ರಸಾದ್ಕುಮಾರ್, ಜಯಶ್ರೀ ಅಮರನಾಥ ಶೆಟ್ಟಿ, ಮೀನಾಕ್ಷಿ ನಾರಾಯಣ್, ಸಂಚಾಲಕ ರಾಜಾರಾಮ್ ನಾಗರಕಟ್ಟೆ ಆನಿ ಹೇರ ಉಪಸ್ಥಿತ ಆಶಿಲೆ. ಚೇತನ್ಕುಮಾರ್ ಶೆಟ್ಟಿ ಹಾಂನಿಂ ಭಗವಾಧ್ವಜಾಚೆ ಅನಾವರಣ ಕೆಲೆಂ. ರಾಜೇಶ್ ಹಾಂನಿಂ ವಂದೇ ಮಾತರ° ಗಾಯಲೆ°. ಪ್ರಧಾನ ಕಾರ್ಯದರ್ಶಿ ನಾರಾಯಣ ಪಿ.ಎಂ ಹಾಂನಿ° ಸೂತ್ರ ಸಂಚಾಲಕ ಆಶಿಲೆ.
ಹೊಸ್ಮಾರು ಏಕಾಹ ಭಜನಾ ಸ್ವರ್ಣ ಮಹೋತ್ಸವ
ಮೂಡುಬಿದಿರೆ: ಹೊಸ್ಮಾರು ಶ್ರೀ ಲಕ್ಷ್ಮೀ ವೆಂಕಟೇಶ ಭಜನಾ ಮಂದಿರಾಚೆ ವಾರ್ಷಿಕ ಏಕಾಹ ಭಜನೆಚೆ ಸುವರ್ಣ ಮಹೋತ್ಸವಾಚೊ ವಾಂಟೊ ಜಾವನು ಶ್ರೀ ಲಕ್ಷ್ಮೀ ವೆಂಕಟೇಶ, ಸಪರಿವಾರ ಶ್ರೀ ರಾಮಚಂದ್ರ ದೇವಾಲೆ ಸ್ವರ್ಣ ಲೇಪಿತ ನೂತನ ಬಿಂಬಾοಚೆ° ಪುನರ್ ಪ್ರತಿಷ್ಠಾ ಆರತಾ° ಚಲೆ. ಉಮೇಶ ಶೆಣೈ ಹಾಂನಿ°ಸೇವಾದಾರ ಆಶಿಲೆ. ಶುರವೆಕ ನಗರ ಭಜನಾ ಸೇವೆರಿ ನವೀನ ಬಿಂಬಾοಚೆ° ಗ್ರಾಮೋತ್ಸವ ಚಲೊ. ಸುವರ್ಣ ಮಹೋತ್ಸವಾಕ ಲಾಗೂನ ಶ್ರೀ ದೇವಾಲೆ ಗರ್ಭಗುಡಿಕ ನವೀನ ಪಿತಲೆ ದ್ವಾರ, ನೂತನ ಉತ್ಸವ ಮಂಟಪಾοಚೆ° ಸಮರ್ಪಣ ಜಾಲೆಂ°. ಮಾಳಾಚೊ ಲೋಹಶಿಲ್ಪಿ ಸುದರ್ಶನ್ ಚಿಪ್ಳೂಣ್ಕರ್ ಹಾಂಕಾ° ಭಜನಾ ಮಂದಿರಾಚೆ ತರಪೇನ ಅಧ್ಯಕ್ಷ ಗಣಪತಿ ಪೈ ಹಾಂನಿ° ಗೌರವಾರ್ಪಣ ಕೆಲೆ°. ಭಜನಾ ಮಂಡಳಿಚೊ ಉಪಾಧ್ಯಕ್ಷ ರತ್ನಾಕರ ಪ್ರಭು, ಕಾರ್ಯದರ್ಶಿ ಸಂತೋಷ ಪೈ ಆನೀ ಸೇವಾದಾರ ಉಮೇಶ್ ಪೈ, ಕೇಶವ ಶೆಣೈ, ಸುರೇಂದ್ರ ಶೆಣೈ ಆನಿ ಹೇರ ಉಪಸ್ಥಿತ ಆಶಿಲೆ. ಫೆ.23 ದಾಕೂನ 26 ತಾಂಯ ವೆಗವೆಗಳೆ ಧಾರ್ಮಿಕ ಆನಿ ಸಾಂಸ್ಕೃತಿಕ ಕಾರ್ಯಕ್ರಮ ಚಲಚೊ ಆಸಾ. ಫೆ.27 ದೀವಸು ಅಹೋರಾತ್ರಿ ಏಕಾಹ ಭಜನೋತ್ಸವು ಸಂಪನ್ನ ಜಾವಚೊ ಆಸಾ. ಮ್ಹಣು ಕಳವಣಿಂತು° ಸಾಂಗಲಾ°.
ವಾಯ್ಸ್ ಆಫ್ ಜಿ. ಎಸ್. ಬಿ. ಮೂಡುಬಿದಿರೆಚಿ ಸ್ತುತಿ ಪ್ರಭು ರನ್ನರ್ ಅಪ್
ಮೂಡುಬಿದಿರೆ: ಯುತ್ ಆಫ್ ಜಿ.ಎಸ್.ಬಿ. ತರಪೇನ ಮಂಗಳೂರಚೆ ರಥಬೀದಿ ಶ್ರೀ ವೆಂಕಟರಮಣ ದೇವಳಾಚೆ ರಾಜಾಂಗಣಾοತು° ಘಡಲೆಲೆ ಸೆಂಚುರಿ ವಾಯ್ಸ್ ಆಫ್ ಜಿ.ಎಸ್.ಬಿ. ಸೀಸನ್ 3 ಸಂಗೀತ ಸ್ಪರ್ಧೇಂತು° ಮೂಡುಬಿದಿರೆಚಿ ಸ್ತುತಿ ಎಸ್. ಪ್ರಭು ಹಿಕಾ ರನ್ನರ್ ಅಪ್ ಪ್ರಶಸ್ತಿ ಫಾವೊ ಜಾಲಾ. ಶ್ರೀ ಕಾಶೀಮಠಾಧೀಶ ಶ್ರೀಮದ್ ಸಂಯಮೀοದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಉಪಸ್ಥಿತಿರಿ ಚಲೆಲೆ ಫೈನಲ್ ಸ್ಪರ್ಧೇಂತು° ವಾಂಟೊ ಘೆತಿಲೆ 8 ತರನಾಟೆ ಯುವ ಕಲಾವಿದಾಂ ಪಯಕಿ ಕೊಚ್ಚಿಚೆ ಅನುಶ್ರೀ ಆರ್. ಭಟ್ ಹಿಕಾ ಪ್ರಥಮ ಸ್ಥಾನ ಪ್ರಾಪ್ತ ಜಾಲಾ°. ಪುತ್ತೂರು ನರಸಿಂಹ ನಾಯಕ, ಪಂಡಿತ್ ಉಪೇಂದ್ರ ಭಟ್ ಹಾಂನಿ° ನಿರ್ಣಯಾಕ ಆಶಿಲೆ. ವಾಂಟೊ ಘೆತಿಲೆ ಸ್ಪರ್ಧೀಕಾನಿ ಜೋಡಿಲೆ ಜನಮತಾಕ ಲಾಗೂನ ವಿಜೇತಾಂಕ ಗೌರವಾರ್ಪಣ ಜಾಲೆ°. 2021 ಸೆಪ್ಟೆಂಬರ ದಾಕೂನ ಚಲೆಲೆ ಸೀಸನ್ 3 ಸ್ಪರ್ಧೆಚೆ ಅಂತಿಮ ಚರಣಾಂತು° ಕನಕ ಕೀರ್ತನಾ ವಿಭಾಗಾಂತು° ‘ನೀ ಮಾಯೆಯೊಳಗೋ', ಆನಿ ಹಿಂದಿ ಕೀರ್ತನ ವಿಭಾಗಾಂತು° ‘ಶ್ರೀ ರಾಮಚಂದ್ರ ಕೃಪಾಳು ಭಜಮನ' ಪದ ಗಾವನು ಸ್ತುತಿ ಲೋಕಾಮೋಗಾಳ ಜಾಲಿ. ಬಿ.ಕಾಂ ಪದವೀಧರಾ ಜಾವನು ಆಸಚಿ ಸ್ತುತಿ ಎಸ್. ಪ್ರಭು ಹಿಂದುಸ್ತಾನಿ ಶಾಸ್ತ್ರೀಯ ಸಂಗೀತ ಶಿಖತಾ ಆಸಾ. ಮಂಗಳೂರಚೆ ಕಾಮತ್ ಆಂಡ್ ರಾವ್ ಸಂಸ್ಥೆοತು° ಸಿ.ಎ. ಆರ್ಟಿಕಲಶಿಪ್ ಕರತ ಆಸಚಿ ಹಿ ಮೂಡುಬಿದಿರೆಚೆ ಶ್ರೀ ವೆಂಕಟರಮಣ ಆನಿ ಶ್ರೀ ಹನುಮಂತ ದೇವಳಾಚೆ ಆಡಳಿತ ಮಂಡಳಿಚೆ ಕೋಶಾಧಿಕಾರಿ ಶಿವಾನಂದ ಪ್ರಭು, ಪುರಸಭಾ ಸದಸ್ಯಾ ಸ್ವಾತಿ ಎಸ್. ಪ್ರಭು ಹಾಂಗೆಲಿ ದ್ಹುವ ಜಾವನು ಆಸಾ.
ಮೂಡುಬಿದಿರೆ : ರಾಗ ವೈಭವ
ಮೂಡುಬಿದಿರೆ: ಶಾಸ್ತ್ರೀಯ ಸಂಗೀತಾಚೆ ಬದಲ ಉಮೇದಿ ಯೆವಕಾ ಜಾಲ್ಯಾರ ಶುರುವೆಕ ಬಯಸೂನು ಆಯಕೂಕಾ. ಶರಣಾಲೆ°, ದಾಸ, ಶರೀಫ ಸಾಹಿತ್ಯ ಆಯಕತಾ ಶಾಸ್ತ್ರೀಯ ಸಂಗೀತಾ ಲಾಗಿ ಪಾವಚಾಕ ಸಾಧ್ಯ ಆಸಾ. ಸ್ವರಭಾವ ಆಶಿಲೆ ಕಡೆನ ಪ್ರಭಾವ ಆಸತಾ. ಭಕ್ತಿ, ಭಾವ, ಶ್ರದ್ಧಾ ಆಸತಾನಾ ಸಂಗೀತಾಚೆ ಪ್ರಭಾವಾಚೆ ಸಾಂಗತ ಅಭ್ಯಾಸ, ಗುರುಕೃಪಾ ಆನಿ ಅದೃಷ್ಟ ಆಸಲ್ಯಾರ ಗಾಯಕ ಸಾಧಕ ಜಾವಚಾಕ ಸಾಧ್ಯ ಮ್ಹಣು ನಾವಾದೀಕ ಹಿಂದೂಸ್ತಾನಿ ಗಾಯಕ ಪಂಡಿತ್ ವೆಂಕಟೇಶ್ ಕುಮಾರ್ ಹಾಂನಿ° ಸಾಂಗಲೆ°. ಹಾಂಗಾಚೆ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನಾಚೆ ತರಪೇನ ಕನ್ನಡ ಭವನಾಚೆ ಕೆ. ಅಮರನಾಥ ಶೆಟ್ಟಿ ಸಭಾಂಗಣಾಂತ ಘಡಲೆಲೆ ‘ಸಂಧ್ಯಾರಾಗ' ಕಾರ್ಯಕ್ರಮಾಂತು° ಜಮೀಲೆ ಸಂಗೀತಾಸಕ್ತ ಲೋಕಾ ಮುಕಾರ ತಾಂನಿ° ಅಶೆ° ಸಾಂಗಲೆ°.
ಸಂಗೀತಾಚೆ ವಿದ್ಯಾರ್ಥಿಯಾಂಕ ಯೋಗ್ಯ ಗುರು, ಅಭ್ಯಾಸಾಂತ ಶ್ರದ್ಧಾಚೆ ಸಾಂಗತ ಅದೃಷ್ಟ ಮುಖ್ಯ ಜಾತಾ ಮ್ಹಣು ತಾಂನಿ° ಸಾಂಗಲೆ°.
ರಾಗ ವೈಭವ: ಮುಲ್ತಾನಿ ರಾಗಾನ ತಾಗೆಲೆ ಸಂಗೀತ ಕಾರ್ಯಕ್ರಮ ಶುರು ಕೆಲೆಲೆ ಪಂಡಿತ್ ಎಂ. ವೆಂಕಟೇಶ್ ಕುಮಾರ್ ಹಾಂನಿ ಉಪರಾಂತ ಶಂಕರ ರಾಗ ಗಾಯಲೊ. ಭಕ್ತಿ ಗೀತೆಂತು° ಕಲಿಯುಗದೊಳು ಹರಿನಾಮವ ನೆನೆದರೆ, ವಾರ ಒಂದರಿಯೆ, ಹಾಡಿ ಕಮಲೇ ಕಮಲಾಲಯೇ, ಮಾತಾ ಭವಾನಿ, ಭಾಗ್ಯದಾ ಲಕ್ಷ್ಮೀ ಬಾರಮ್ಮಾ, ಅಕ್ಕ ಕೇಳವ್ವ ನಾನೊಂದ ಕನಸ ಕಂಡೆ ಗಾವನು ಒಂದು ಬಾರಿ ಸ್ಮರಣೆ ಸಾಲದೇ ಭಜನೆಚೆ ಸಾಂಗತ ದೋನ ಗಂಟ್ಯಾಚಿ ಕಛೇರಿ ಸಂಪನ್ನ ಕೆಲಿ. ಹಾಕಾ ಹಾರ್ಮೊನಿಯಾಂರಿ ಪ್ರೊ. ನರೇಂದ್ರ ಎಲ್. ನಾಯಕ್ ಮಂಗಳೂರು, ತಬ್ಲಾರಿ ಕೇಶವ ಜೋಷಿ ಬಾಗಲಕೋಟೆ ಆನೀ ಅಭಿಜಿತ್ ಶೆಣೈ ಕಡಂದಲೆ, ತಾನ್ಪುರಾರಿ ಕುಂದಾಪುರ ಚಿಂತನ ಧನ್ಯ, ಚಿನ್ಮಯ ಧನ್ಯ , ಮಂಜಿರಾ ಆನೀ ಪಾರ್ಶ್ವ ತಾಳೊ ಜಾವನು ಉಡುಪಿಚೆ ನಾಗರಾಜ್ ಶೇಟ್ ಹಾಂನಿ° ಸಹಕಾರ ದಿಲೊ. ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನಾಚೊ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ ಹಾಂನಿ° ಕಲಾವಿದಾಂಕ ಸಮ್ಮಾನ ಕೆಲೊ. ಜೈನ ಮಠಾಚೆ ಭಟ್ಟಾರಕ ಶ್ರೀ ಸಹಿತ ಗಣ್ಯ, ಕಾರ್ಯಕ್ರಮಾತು° ಉಪಸ್ಥಿತ ಆಶಿಲೆ. ರಾಂ ಪ್ರಸಾದ್ ಕಾಂಚೋಡು ಹಾಣೆ ಸೂತ್ರ ಸಂಚಾಲನ ಕೆಲೆ°.
ಮೂಡುವೇಣುಪುರಾಂತುo ಗೋಕರ್ಣ ಮಠಾಧೀಶಾಲೆo ಗುಣಗಾನ
ಮೂಡುವೇಣುಪುರಾಂತುo ಗೋಕರ್ಣ ಮಠಾಧೀಶಾಲೆo ಗುಣಗಾನ
ಮೂಡುಬಿದಿರೆ: ತಾಂಗೆಲೆ ಆಶ್ರಮನಾಮಾಕ ತಕೀತ ವಿದ್ಯೆಕ ರಾಯ ಜಾವನು ವೇದಾಂತ ಸಾಮ್ರಾಜ್ಯ ಆಳ್ವಿಕಾ ಕೆಲೆಲೆ ಶ್ರೀ ಗೋಕರ್ಣ ಮಠಾಧೀಶ ಶ್ರೀಮದ್ ವಿದ್ಯಾಧಿರಾಜ ತೀರ್ಥ ಹಾಂನಿo ಸಾಹಿತ್ಯ ಸಂಸ್ಕೃತಿಕ ಸಂಬAಧ ಆಸೂನ ಮಹತ್ಸಾಧನಾ ಕರನು ವಿದ್ವತ್ಪೂರ್ಣ ಗುರು ಮ್ಹಣೋನ ಘೆತಲಾo. ತೀರ್ಥ ಕ್ಷೇತ್ರ ದರ್ಶನಾಂತುo ಹಾಂಗೆಲಿ ಸಾಧನಾ, ಅನುಷ್ಠಾನ ಅಪರುಬಾಯೆಚೆo. ಗೋಕರ್ಣ ಮಠಾಚೆ ಪರಂಪರೆ ಬದಲ, ಹಸ್ತಪ್ರತ್ರಿ ಗ್ರಂಥೀಕರಣ ಕೆಲೆಲೆ ತಾಂನಿo ಸಮಾಜಾಚೆ ಅಭಿವೃದ್ಧಿ ಖಾತೀರ ದಿಲೆಲೆ ದೇಣೆ ಮಹತ್ವಾಚೆo ಮ್ಹಣು ಉಡುಪಿಚೆ ವೇ. ಮೂ. ಹರಿಪ್ರಸಾದ್ ಶರ್ಮ ಹಾಂನಿo ಸಾಂಗಲೆo. ಶ್ರೀ ಗೋಕರ್ಣ ಮಠಾಧೀಶ ಶ್ರೀಮತ್ ವಿದ್ಯಾಧಿರಾಜ ತೀರ್ಥ ಸ್ವಾಮೀಜಿ ಹಾಂನಿo ಹರಿಪಾದಾಕ ಮೇಳೆಲೆ ಫಾಟಭೂಂಯಚೆರಿ ಮೂಡುವೇಣುಪುರ ಶ್ರೀ ವೆಂಕಟರಮಣ ದೇವಳಾಂತುo ಚಲೆಲೆ ಗುರುಗುಣಗಾನ ಕಾರ್ಯಕ್ರಮಾಂತುಣ ಅಶೆo ಸಾಂಗಲೆo. ಗುರುವಯಾಂನಿ 2013 ವರಸಾಂತ ದೇವಳಾಂತುo ಪಯಲೆo ಪಾವಟಿ ಮೊಕ್ಕಾಂ ಕೆಲೆಲೆ ಸಂದರ್ಭಾಚೆ ಉಡಗಾಸ ಎಂ. ಗಣೇಶ ಕಾಮತ ಹಾಂನಿo ಪ್ರಾಸ್ತಾವಿಕ ಉತ್ರಾಂತುo ಸಾಂಗಲೆo. ಆಡಳಿತ ಮೊಕ್ತೇಸರ ಜಿ. ಉಮೇಶ ಪೈ ಸಹಿತ ಮೊಕ್ತೇಸರo, ಸಮಾಜ ಬಾಂಧವ ಉಪಸ್ಥಿತ ಆಶಿಲೆ. ದೋನಪಾರಾ ಶ್ರೀ ದೇವಾಲೆ ಚಾತುರ್ಮಾಸ ಆರಂಭ ನಿಮಿತ್ತ ಶತಕಲಶಾಭಿಷೇಕ ಸೇವಾ ಚಲನು ರಾತಿ ಸಂಕೀರ್ತನಾ ಜಾತರಿ ವಿಶೇಷ ಪೂಜಾ ಚಲಿ.
ಮೂಡುಬಿದಿರೆ ಜವುಳಿ ವರ್ತಕ ಸಂಘಾಚೊ ಅಧ್ಯಕ್ಷ ‘ಸಿದ್ಧ' ಆರ್. ರವೀಂದ್ರ ಪೈ ದೇವಾದಿನ
ಮೂಡುಬಿದಿರೆ ಜವುಳಿ ವರ್ತಕ ಸಂಘಾಚೊ ಅಧ್ಯಕ್ಷ ‘ಸಿದ್ಧ' ಆರ್. ರವೀಂದ್ರ ಪೈ ದೇವಾದಿನ
ಮೂಡುಬಿದಿರೆ: ಹಾಂಗಾಚೆ ಜವುಳಿ ವರ್ತಕ ಸಂಘಾಚೊ ಅಧ್ಯಕ್ಷ ರೇಡಿಮೆಡ್ ಗಾರ್ಮೆಂಟ್ಸ ದುಕಾನಾಚೊ ಮಾಲಕ ಆರ್. ರವೀಂದ್ರ ಪೈ (59ವ) ಜೂನ್ 27ಕ ಹೃದಯಾಘಾತಾನ ದೇವಾದಿನ ಜಾಲೊ. ಸಿದ್ಧ ಗಾರ್ಮೆಂಟ್ಸ ಮೂಲಕ ಮಾರ್ಕ, ವೀಕೆಂಡ್ ಶರ್ಟ್, ಬೇಬಿಕೇರ್ ಬಾಬಾ ಸೂಟ್ ತಯಾರ ಕರನು ಮೂಡುಬಿದಿರೆ ಪರಿಸರಾಚೆ ಖೂಬ ಲೋಕಾಂಕ ಉದ್ಯೋಗಾವಕಾಶ ದಿಲೆಲೆ ಹಾಂನಿ° ಉಪರಾಂತ ರೇಡಿಲೆಡ್ ಗಾರ್ಮೆಂಟ್ಸ್ ಹಾಝೆ ದುಕಾನ ಸುತಾ ಸ್ಥಾಪನಾ ಕೆಲೆ°. ಜವುಳಿ ಮಾಲಕ ಸಂಘಾಚೆ ತರಪೇನ ಕೊರೋನಾ ಆಕಾಂತಾ ಮಧೇಂತುಚಿ ರಕ್ತದಾನ ಶಿಬಿರ, ಅಶಕ್ತ ಲೋಕಾಂಕ ಅಗತ್ಯವಸ್ತುಚೆ° ಕಿಟ್, ಸಾಬಾರ ಸಂಘ ಸಂಸ್ಥೆoಕ ಸ್ಯಾನಿಟೈಸರ್ ಸ್ಟ್ಯಾಂಡ್ ಭೇಂಟ್ ದೀವನು ಸೇವಾ ದಿಲೆಲಿ ಆಸಾ. ಮಾಕ್ಷಿ ವರಸ ಲಾಕ್ ಡೌನ್ ಅವಧಿಂತು° ಜುಲೈ ಮ್ಹಯನ್ಯಾಂತು° 15 ದಿವಸ ಜವುಳಿ ವರ್ತಕಾನಿ ಮೂಡುಬಿದಿರೆಂತು° ಸ್ವಯಂಪ್ರೇರಿತ ಅರ್ಧ ದಿವಸ ಮಾತ್ರ ವ್ಯಾರು ಕರನು ದ.ಕ ಜಿಲ್ಲೆಕ ಮಾದರಿ ಪ್ರದರ್ಶನ ದಿವಚೆ° ಕೆಲಾ°. ಕೊರೋನಾ ಮುಂಜಾಗ್ರತಾ ಕ್ರಮ ಜವುಳಿ ಬ್ಯಾಗ್ ರೂಪಾರಿ ವಾಂಟಿಲೆ° ವಿಶೇಷ ಮ್ಹಣಯೆತ. ಹ್ಯಾ ಪಾವಟಿ ವ್ಹಾರ್ಡಿಕೆ ಸೀಸನಾ ವೇಳಾರ ಲಾಕಡೌನ್ ಆಯಿಲ್ಯಾನ ಜವುಳಿ ವರ್ತಕಾಂಕ ವ್ಯಾರಾಕ ಅವಕಾಶ ಘೆವಚೆ ನದರೇನ ಹಾಂನಿ° ಜನಪ್ರತಿನಿಧಿ ಹಾಂಗೆಲೆ ಮುಖಾಂತರ ಸರಕಾರಾಕ ಸಂಪರ್ಕ ಕರನು ಯಶ ಪಾವಲ್ಯಾಂತಿ. ಸ್ನೇಹಜೀವಿ ಜಾವನು ಆಶಿಲೆ ಹಾಂನಿ° ವಿವಿಧ ಪತ್ರಿಕೆಂತು° ಸಿನಿ ಲೇಖನ, ಸಾನ ಕಾಣಿಯೊ ಬರೊವಚೆ°, ಆಕಾಶವಾಣಿಂತು° ಕಾಣಿ ವಾಚಚೆ°, ಲೇಖನಜ ವಾಚಚೆ° ಕರತಲೆ. ರಸಪ್ರಶ್ನೆ, ರಂಗನಟನೆoತೂಯಿ ಸಕ್ರಿಯ ಆಶಿಲೆ ಹಾಂನಿ° ಸೋಶಿಯಲ್ ಮೀಡಿಯಾ ಮೂಲಕ ಲಾಕಡೌನ್ ಅವಧಿಂತು° ಸಾಂಜವೇಳಾ ಭಜನ, ಗಾಯನ ಕರನು ಲೋಕಾಮೋಗಾಳ ಜಾಲೆಲೆ.
ಸ್ಥಳೀಯ ಶಾಸಕ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವ ಕೆ. ಅಭಯಚಂದ್ರ ಜೈನ್, ಬಿಜೆಪಿ ಜಿಲ್ಲಾಧ್ಯಕ್ಷ ಸುದರ್ಶನ್ ಎಂ, ಆಳ್ವಾಸ್ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ, ಶ್ರೀ ವೆಂಕಟರಮಣ ಆನೀ ಶ್ರೀ ಹನುಮಂತ ದೇವಳಾಚೊ ಆಡಳಿತ ಮೊಕ್ತೇಸರ ಜಿ. ಉಮೇಶ ಪೈ, ಚೌಟರ ಅರಮನೆಚೊ ಕುಲದೀಪ್ ಎಂ., ಪುರಸಭಾಧ್ಯಕ್ಷ ಪ್ರಸಾದ್, ಪುರಸಭಾ ಸದಸ್ಯ ಹೆಚ್. ಸುರೇಶ್ ಪ್ರಭು, ಜವುಳಿ ವರ್ತಕ ಸಂಘಾಚೊ ಗೌರವಾಧ್ಯಕ್ಷ ಪ್ರಭಾತ್ಚಂದ್ರ ಜೈನ್, ಕಾರ್ಯದರ್ಶಿ ಸದಾಶಿವ ನೆಲ್ಲಿಮಾರ್, ಎಂ. ಸಿ. ಎಸ್. ಬ್ಯಾಂಕ್ ಅಧ್ಯಕ್ಷ ಎಂ. ಬಾಹುಬಲಿ ಪ್ರಸಾದ್, ಜಿ. ವಿ. ಪೈ ಟ್ರಸ್ಟ್ ಕಾರ್ಯದರ್ಶಿ ಡಾ. ಹರೀಶ್ ನಾಯಕ್, ಉದ್ಯಮಿ ಕೆ. ಶ್ರೀಪತಿ ಭಟ್, ಅಬುಲ್ ಅಲಾ, ಸಿ. ಹೆಚ್. ಗಫೂರ್ ಆನೀ ಹೇರಾನಿ ರೇಂಜ್ ಫಾರೆಸ್ಟ್ ಕಛೇರಿ ಲಾಗಿ ಆಸಚೆ ತಾಂಗೆಲೆ ಘರ ‘ಆರುಷಿ’ ನಿವಾಸಾಕ ಭೇಟ್ ದೀವನು ಅಂತಿಮ ನಮನ ಸಾಂಗಲೆ°. ರವೀಂದ್ರ ಪೈ ಹಾಂನಿ° ಬಾಯಲ ಆನೀ ದೋಗ ದ್ಹುವಾಂಕ ಸೋಡೂನ ಗೆಲ್ಯಾಂತಿ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಹುಂಬರು (ಉಂಬರು)
ಘರಾ ಉಂಬರಾಕ ಚೋಕ ಘಾಲತಾತಿ. ಉಂಬರು ಬಾಲಾಂಟೂಚೆಂ ಮ್ಹಳ್ಯಾರ ಘರ ಸೋಡೂನು ವಚ್ಚೆ ಮ್ಹಣ ಅರ್ಥ ಕರಚೆಂಯಿ ಆಸಾ.
ಹೇ ವಯಲೇ ವಾಕ್ಯಾಂತುಂ ಉಂಬರು ಮ್ಹಣಚೋ ಜೋ ಶಬ್ದ ವಾಪರಲಾ ತಾಚೀ ವ್ಯುತ್ಪತ್ತಿ ಸಮಜೂವ್ಯಾಂ. ಉಂಬರು ಮ್ಹಳ್ಯಾರ ದಾರವಂದಾಚಿ ಸಕಯಲಚೀ ಪಟ್ಟಿ. ಅಶಿಂ ಅಥರ್ು ಆಸೂಚೆ ಸಂಸ್ಕೃತ ಶಬ್ದು ಉದುಂಬರ ಮ್ಹಣಚೋ ಜೊ ಆಸಾ ಹಾಜೇ ತದ್ಭವ ರೂಪ ಉಂಬರು ಮ್ಹಣ. ಉದುಂಬರ ಮ್ಹಣಚೆ ಶಬ್ದಾಂತೂಲೆ ದು ಮ್ಹಣಚೆ ಅಕ್ಷರಾಂತೂಲೆ ದ ಮ್ಹಣಚೇ ವ್ಯಂಜನ ಲೋಪ ಜಾವನು ಉಉಂಬರು ಮ್ಹಣು ಜಾತಾ. ದೋನ ಪಾವಟಿ ಉಉ ಮ್ಹಣು ಆಶಿಲ್ಯಾನ ತಾಂತೂಲೇ ಏಕ ಉಕಾರ ಲೋಪ ಜಾತಾನಾ ಉಂಬರು ಮ್ಹಣು ವರತಾ. ಕೊಂಕಣಿ ಭಾಶೆಂತು ಶಬ್ದಾಚೇ ಪಯಲೆ ಅಕ್ಷರ ಹ ಕಾರ ಸುತಾ ಉಚ್ಛಾರ ಕರಚೇ ಆಸಾ. ತೇ ಕಾರಣಾನ ಉಂಬರು ಹುಂಬರು ಜಾಲ್ಲಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- तुळशी काट्टो
- कोरोनान शिकयिलो पाठ
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ಜುನಾಗಢ್
- GSB Scholarship League Application
- ಘರ ಏಕ್ ದೇವುಳ
- ವಿಧಿ ಲಿಖಿತ
- ಘರ ಏಕ್ ದೇವುಳ -2
- ಮಸೀಂಗ
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- ಉದ್ಯೋಗ ಆನೀ ನಿರುದ್ಯೋಗ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 84 guests and no members online