ಆಠರಾ

ಮಂಜೇಶ್ವರಚೇ ದೇವಳ ಆಠರಾ ಪೇಂಟೆಂಚಾಲೆ ದೇವಳ. ಮಹಾಭಾರತ ಆಠರಾ ದೀಸ ಚಲ್ಲೇ. ಹಾಂಗಾಚೆ ಹೇ ವಾಕ್ಯಾಂತ ಆಠರಾ ಮ್ಹಣಚೋ ಜೋ ಶಬ್ದ ವಾಪರಲಾ ತೋ ಏಕ ಸಂಖ್ಯಾವಾಚಕ ಶಬ್ದು ಜಾವನು ಆಸಾ ಹೋ ಆಠರಾ ಮ್ಹಣಚೊ ಶಬ್ದಾಚೀ ವ್ಯುತ್ಪತ್ತಿ ಸಮಜೂವ್ಯಾ.

ಆಠರಾ ಮ್ಹಣಚೇ ಹೋ ಶಬ್ದ ಪ್ರಾಕೃತ ಭಾಶೆಚೇ ಅಟ್ಟಾ, ಅಟ್ಟಾರಸ ಮ್ಹಣಚೇ ರೂಪ ಜಾವನು ಆಸಾ ಅಟ್ಟಾ, ಅಟ್ಟಾರಸ ಮ್ಹಣುಚೋ ಹೋ ಶಬ್ದು ಸಂಸ್ಕೃತ ಭಾಶೇಚೊ ಅಷ್ಟಾದಶ ಮ್ಹಣಚೇ ಶಬ್ದಾಚೇ ಪ್ರಾಕೃತ ಭಾಶಾರೂಪ ಜಾವನೂ ಆಸಾ. ಪ್ರಾಕೃತ ಭಾಶಚೋ ಹೋ ಅಟ್ಟಾರಸ ಮ್ಹಣಚೊ ಶಬ್ದುಚೀ ಕೊಂಕಣಿ ಭಾಶೆಂತು ಆಠರಾ ಮ್ಹಣು ಜಾಲ್ಲಾ. ಸಂಸ್ಕೃತ ಅಷ್ಟ ಶಬ್ದು ಪ್ರಾಕೃತಾಂತು ಅಟ್ಟ ಮ್ಹಣು ಜಾತಾ. ದಶ ಮ್ಹಣುಚೊ ಶಬ್ದು ನಿಕೃತಾಂತು ರಸ ದಸ ಮ್ಹಣು ಜಾತಾ. ಅಷ್ಟಾದಶ ಮ್ಹಣಚೊ ಅಟ್ಟಾರಸ ಜಾಲ್ಲಾ. ಶಬ್ದಾಚೇ ಪಯಲೇ ಅಕ್ಷರ ದೀರ್ಘ ಜಾವನು ಉಚ್ಚಾರ ಕೆಲ್ಯಾರ ದೂಸರೇ ದೊಟ್ಟಿ ಅಕ್ಷರ ಏಕಾಕ್ಷರ ಜಾತಾ ತೇ ನೇಮಾ ಪ್ರಮಾಣೇ ಅಷ್ಟ > ಅಟ್ಟ > ಆಟ ಜಾತಾ ಅಟ್ಟಾ ಮ್ಹಣಚ್ಯಾಂತು ಸಜಾತೀಯ ಸಂಯುಕ್ತಾಕ್ಷರ ಆಶಿಲೇ ನಿಮಿತ್ತ ತೇ ಟ್ಟ. ಏಕಾಕ್ಷರ ಜಾತನಾ ಮಹಾಪ್ರಾಣಾಕ್ಷರ ಜಾತಾ. ಅಶ್ಶಿ ಜಾವನು ಆಠರಾ ಮ್ಹಣು ಶಬ್ದು ಕೊಂಕಣೀಂತು ರೂಡೀಕ ಆಯಿಲಾ. ಅಷ್ಟಾದಶ > ಅಟ್ಟಾರಸ > ಆಠರಾ ಮ್ಹಣು ಜಾಲ್ಲಾ ಆನೀ ಹಾಜೋ ಅಥರ್ು ಧಾ ಆನಿ ಆಠ ಮ್ಹಣು ಜಾವನು ಆಸಾ.