Displaying items by tag: Kochi

Thursday, 16 November 2023 18:40

अश्वीन शेटीक विश्व बोडी बिलडींग सर्तींत भांगरा पदक

कोची: दक्षिण कोरिया हांगा जालें विश्व बोडी बिलडींग सर्तींत ८० किलो विभागांत वांटो घेतिल्या भारताचे प्रतिनिधी अश्वीन शेटी हांणे भांगरा पदक जोडलें. फाटलें वर्सा माली द्वीप हांगा जालें बोडी बिलडींग सर्तींत अश्वीन शेटीक रुप्या पदक फावो जाल्ला. भारतीय रेल्वेंत सीनीयर कर्मचारी पदवींत वावुरपी अश्वीन शेटीक हाज्या आदीं मी.एशिया, मी.इंडिया, मी.महात्मा गांधी युनिवर्सिटी, मी.केरळा, मी.इंडियन रेल्वे, मी.सौथ इंडिया अश्यो साबार पदवी फावो जाल्याय. फोर्टकोची अमरावती कोंकणी वैश्य वाणी वाटारांतल्या अनिल रामचंद्र शेटी आनी आशा हांगेलो पूत आसा अश्वीन शेटी. भयण अश्वती विश्व कुराष सर्तींत कश्या पदक जोडपी आसा.

To Support Kodial Khaber click the following button.

Published in Kerala

Tagged under

Monday, 24 July 2023 13:08

कोच्चींत ५५वें प्रतिमास कोंकणी कवि संगम - 'शोभकृत पुरुषोत्तम'

कवी सुधीष एस. शेणै कविता प्रस्तुत करताना.

कोकणी केन्द्र - गोश्रीपुर आयोजित ५५वें प्रतिमास कोंकणी कवि संगम - 'शोभकृत पुरुषोत्तम' २३, जूलाय २०२३ आयतारा सांजे ३.३० वराचेर श्री. एन. सदानंद कम्मत हांचे घराकडेन (कोच्ची तिरुमल देवस्थानाचे उत्तर द्वाराचे लागी) घडयलें. प्रार्थनेचे उपरांत कोंकणी केंद्र - गोश्रीपुर संस्थे वतीन श्री. एस. चित्तरंजन नायक हाणी सगळे कवी गणांक येवकार दिलो.

त्या उपरांत घडयलेली कवी गोष्टींत सर्वश्री/श्रीमती जी. मोहन रावु, सुरेश बाबु पै, एन.माधव रावु, आर.एस.भास्कर, गोश्रीपुरं हरिकुमार, जया बालकृष्ण कम्मत, के.एन.आर भट, एन सदानन्द कम्मत, सुधीष एस. शेणै, सुरेश वी. शेणै, एन. बालकृष्ण मल्या, गोविन्द एस. नायक, संध्या वी. प्रभु, धन्या जी. मल्या ह्ये कवीनीं आपआपली कविता सादर केली.

मागीर, वाचिल्या कवितेंचेर चर्चा घडली. प्रार्थनेचे उपरांत बसका सोंपली.

चित्र :

फोटो: कवी सुधीष एस. शेणै कविता प्रस्तुत करताना.

Published in Kerala

Tagged under

Monday, 29 May 2023 12:00

कोच्चींत 53वें प्रतिमास कोंकणी कवि संगम - 'शोभकृत ज्येष्ठ' घडयलें

कवी श्री. पंकज आशर कविता प्रस्तुत करताना.

कोकणी केन्द्र - गोश्रीपुर आनी कोंकणी भाषा प्रचार सभा एकमेळनु ५३वें प्रतिमास कोंकणी कवि संगम - 'शोभकृत ज्येष्ठ' २८, मे २०२३ आयतारा सांजे ३.३० वराचेर कोंकणी भाषा भवन, कोच्ची हांगा घडयलें.प्रार्थनेचे उपरांत कोंकणी केंद्र - गोश्रीपुर संस्थे वतीन श्री. एस. चित्तरंजन नायक हाणी सगळे कवी गणांक येवकार दिलो. त्या उपरांत घडयलेली कवी गोष्टींत सर्वश्री/श्रीमती एन.माधव रावु (कृष्णाली बाललील), गोश्रीपुरं हरिकुमार (सोकणी), एन सदानन्द कम्मत (भूमातेचेरि मनुष्यांले दुष्कर्म), के. रंजित कुमार भट (ओणम), के.एन.आर भट (कर्मफल), विजयकुमार एन. पै (कविता म्हजी), आर. रामानन्द प्रभु (तिम्मून पावलीं, लव मारेज), वसन्तकुमारी पी.एस (कृष्णु, वर्षकालु), आर.एस. भास्कर (जिम्मी जिम्मी पावसा), एन. बालकृष्ण मल्ल्या (जीव रूकाची फुलां, मिटाचें बावलें), टी. उमेश भट (आत्माक परिहासु कोरनक्काय), धन्या जी मल्या (हांव तेर्यापन्नावेलो उदका थेंबो), पंकज आशर (कविता) ह्ये कवीनीं आपआपली कविता सादर केली. मागीर, वाचिल्या कवितेंचेर चर्चा घडली. प्रार्थनेचे उपरांत बसका सोंपली. योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आशर उपस्थित आशिल्ली.

Published in Kerala

Tagged under

Thursday, 04 May 2023 13:43

‘कोचीन कन्नड सांस्कृतीक महोत्सव’

कोची शारांत दीसभर चलपी ‘कोचीन कन्नड सांस्कृतीक महोत्सव’ हाचो एक भाग म्हूण एप्रिल ३०, आयतारा एर्नाकुळम टावन हाळ हांगा एक “बहूभाशा कवी संमेळन” घडोवन हाडलें. हातूंत ‘ब्यारी, इंग्लीश, हव्यका, हिंदी, कन्नड, कोंकणी, मलयाळम, संस्कृत, तामिळ , तेलुगू, तुळू आनी उर्दू’ अशी एक डझन भाशांचें प्रतिनिधित्व तितलेच कवींनी केलें. साहित्य अकादेमी पुरस्कार जैतीवंत कवी बाब शरतचंद्र शेणै हांणी कोंकणीचें प्रतिनिधित्व केलें, आनी आपली ‘अस्वस्थ’ शीर्षक कविता सादर केली. कवी सम्मेळनाचें अध्यक्षपद प्रो. वाणी यू. एस. हांणी सांबाळ्ळें तर सुत्रसंचालन श्रीमती परिणिता रवी हिणें केलें. ती स्वता इंग्लीश कवितेची प्रतिनिधीय आशिल्ली.

Published in Kerala

Tagged under

Thursday, 30 March 2023 20:52

५१ वें शोभकृत चैत्र कोंकणी कवि संगम

केरळचें कोंकणी लोकांक सगळें सोडून येवचें पडलें पूण ताणीं कोंकणी सोडलिना - अभय कुमार वेलींगकार

कोच्ची : केरळचें कोंकणी लोकांक गोंय सोडून येतना सगळें सोडून येवचें पडलें पूण ताणीं कोंकणी सोडलिना अशी प्रमुख लेखक आनी प्रकाशक अभय कुमार वेलींगकार हांणी सांगलें. ५१ वें शोभकृत चैत्र कोंकणी कवि संगम आनी चार कोंकणी पुस्तकांचे प्रकाशनां निमितान कोंकणी केंद्र गोश्रीपुर आनी कोंकणी भाषा प्रचार सभा ह्या संस्थेंचे संयुक्तपणान कोच्ची चेरळाय हांगाच्या कोंकणी भाशा भवनांत जाल्ले कार्यावळींत मुखेल सोयरें ह्या नात्यान ते उलेयताले. दोनय संस्थेंचे अध्यक्ष डॉ.के.अनंत भट हांणी कार्यावळीचें यजमानपण चलेयलें. कोंकणी जनांनी मलयाळम आपणायलें वांगडाच कोंकणीची सभावीक लिपी नागरीक स्थान दिलें. कोंकणी केंद्र गोश्रीपूर दर म्हयन्याक कविता संगम कार्यावळ करता. आज तांची 51वी कार्यावळ. हे कार्यावळीचें फलीत म्हणल्यार 'काव्यधनुष' हो ९५ कवींचो कवितां आसपाविलो कविता संग्रह जें आज उगतें जाता. हें उजवाडावपाचें भाग्य आमकां लाभलें. आर.एस.भास्कर, चित्तरंजन नायक आमी एन. बालकृष्णा मल्ल्या हाणीं त्रास घेतिल्ल्यान हें पुस्तक जावंक पावलें. केरळ कोंकणीचे शैलीचेर अभ्यास करचो जालो तर काव्यधनुष भोव उपकारा येतलें हातूंत दुबाव ना अशींय बाब अभयकुमार हांणी परतून सांगलें.

सुरवेक कु.अमृता एस.प्रभून हांणे प्रार्थना गीत गायलें. कोंकणी केंद्र गोश्रीपुर संस्थेचें सचिव एम.लक्ष्मण किळीकार हांणी येवकार दिलो. सेवा निवृत्त जिला न्यायाधीश आनी कोंकणी केंद्र गोश्रीपुर संस्थेचे रक्षाधिकारी श्री.एस. मनोहर किणी हांणी दिवो जळोवन कार्यावळीचें उक्तावण केलें. कोंकणी केंद्र गोश्रीपूर संस्थेन छापिल्लो १२ कोंकणी कथाकारांचो कथासंग्रह "काणीयां पेट्टारो", गोंयचे शेणै प्रकाशनान छापिल्लो केरळांतल्या ९५ कवींचो कविता संग्रह "काव्य धनुष" हीं पुस्तकां श्री.मनोहर किणी हांणी उज्वाडायलीं. मुंबय आशावादी प्रकाशन तयार केल्ले सरतचन्द्र शेणै हांगेलो "कवि आनी कविता" आनी एन.बालकृष्ण मल्या हांगेलो "मौन शब्द" हीं दोन डिजिटल पुस्तकां नामनेचे कोंकणी नाटक कलाकार, कवी आनी कोच्ची तिरुमल देवस्थानाचे मुख्य अर्चक एल.कृष्ण भट हाणी ह्या वेळार प्रकाशन केले.

नामनेचे कोंकणी लेखक आर.एस.भास्कर आनी नामनेचे साहित्यीक बाब वल्ली क्वाड्रोस (मुंबय) हे मुखेल सोयरे आशिल्ले. गोंयचे साहित्यीक बाब एंटनी वाज उपस्थित आशिल्ले. केरळचे कोंकणी लोकांत आपण ल्हान अशें चिंता आसा. हें सम न्हय. ते कर्तुबांत म्हान आसाय. भारतांत पयलें कोंकणी भवन तांच्या कोचींत जाल्ले. आतां ९५ कवींचे कवितां आसपावूंन मोटो कविता संग्रह उजवाडाक हाडला. तांचीं काम महत्त्वाचेच अशीं बाब वल्ली क्वाड्रोस हांणी आपणाल्या भाषणांत सांगलें. केरळांत पाविल्ले कोंकणी जनपदानी पयलें देवळां बांदलीं. देवळां मोंवतणींत केरी बांदल्यो. केरींत घरां बांदून केन्द्रीकृत पद्दतींत वसणूक आरांभिल्ले. ह्या सप्रदायाक लागून आपलें आचार विचार अनुष्ठान संस्कृती आनी मायभास कोंकणी संबाळून दवरपाक साध्य जाल्ले अशें आर.एस.भास्कर हांणे आपल्या उलोवपांत सांगलें. उपरांत जाल्ले ५१ वें कोंकणी कवि संगमांत ५२ कवींनी आपणाल्यो कविता सादर केल्यो.

नामनेचे लेखक अभय कुमार वेलींगकार, वल्ली क्वाड्रोस आनी एंटनी वाज हांकां आर.एस.भास्कर हांणी शाल पागरून भोवमान केल्ले. कोंकणी भाषा प्रचार सभेचो उपाध्यक्ष सुरेश पी.पै हाणी उपकार मानलो. टी.डी.एल.पी.शाळेतुली कोंकणी अध्यापिका श्रीमती. सरस्वती एस.प्रभु आनी एस.एच.सी.एम.आई. पब्लिक स्कूळांतुली हिन्दी अध्यापिका श्रीमती. अनिता डी.किणी हांणीं कार्यावळीचे सूत्रसंचालन केलें.

Published in Kerala

Tagged under

Monday, 14 November 2022 13:56

कोच्चींत "शुभकृत - कार्तिक कोंकणी कवी संमेलन"

कोंकणी केंद्र - गोश्रीपुर संघटनेच्या आभिमुख्यार १३ नवम्बर २०२२ तारिखेक आयतारा सांजे ४ वरांचेर कोच्ची तिरुमल देवस्थानाचे उत्तर द्वाराचे लागी कवी श्री. एन. सदानंद कम्मत हांचे घराकडेन "शुभकृत कार्तिक कोंकणी कवि संमेलन" घडेयलें. ह्या पावटी कार्तिक म्हयन्याचें कवि समेलन आसलें. कोंकणी केंद्र - गोश्रीपुर संघटनेचो सदस्य आनी कोंकणी कवी श्री. एन. सदानंद कम्मत हाणीं उपस्थित सगळे कवी गणांक येवकार दिल्लो. प्रार्थनेचे उपरांत सर्वश्री/श्रीमती जितेष आर. कम्मत (पिंजऱ्यांतुली पक्षी), एन. सदानन्द कम्मत (जंबुळ अनि मंकड), के.एन.रमेश भट (ना मू विंगड वाट), एन. माधव रावु (भज्जि), एन. बालकृष्ण मल्ल्या (संतेंतुलें सूणें, भांगराचें चित्तळ), गोश्रीपुरं हरिकुमार (तुलावर्ष बहु चांग), विजय कुमार एन. पै (काणी जीविताची, हांव कोण ?), सुरेश वी. शेणै (माया प्रपञ्च), आर.एस.भास्कर (मळबाकडेन थेंब उदक ना, पंखा), संजय राजगोपाल (हांव एक द्वार), धन्या जी. मल्या (देवु) ह्ये कवीनीं तंतांची कविता सादर केल्यो. मागीर, वाचिल्या कवितेंचेर चर्चा घडली. योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आशर उपस्थित आशिल्ली.

Published in Kerala

Tagged under