Displaying items by tag: Konkani Kavi Sammelan

Monday, 06 March 2023 11:25

ಜಾಗತಿಕ್ ಡಿಜಿಟಲ್ ಕೊಂಕಣಿ ಕವಿಗೋಶ್ಟಿ जागतीक डिजिटल कोंकणी कविगोश्टी

ಆಶಾವಾದಿ ಪ್ರಕಾಶನಾನ್ ಮಾಂಡುನ್ ಹಾಡ್‌ಲ್ಲಿ ಜಾಗತಿಕ್ ಡಿಜಿಟಲ್ ಕೊಂಕಣಿ ಕವಿಗೋಶ್ಟಿ, ಮಾರ್ಚ್ 5 ತಾರಿಕೆಚ್ಯಾ ಆಯ್ತಾರಾ ಸಾಂಜೆರ್ 4:30 ಥಾವ್ನ್ 6:00 ಪರಯಾಂತ್ ಚಲ್ಲಿ. ಯುರೋಪ್, ಗಲ್ಫ್ ತಶೆಂಚ್ ಭರತಾಂತ್ಲ್ಯಾ ಮುಂಬಯ್, ಬೆಂಗ್ಳುರ್, ಮಂಗ್ಳುರ್, ಕೂರ್ಗ್, ಗೊಂಯ್ ಅಶೆಂ ವೆಗ್-ವೆಗಳ್ಯಾ ಪ್ರಾಂತ್ಯಾಂತ್ಲ್ಯಾ ಕವಿಂನಿ ಹ್ಯಾ ಕವಿಗೋಶ್ಟಿಂತ್ ಆಪ್ಲಿಂ ಕವಿತಾ ಸಾದರ್ ಕೆಲಿಂ.

ಯೆವ್ಕಾರ್ ಉಲವ್ಪ್ ಉಲಯಿಲ್ಲೊ ವಿಶ್ವ್-ಕೊಂಕಣಿ ಕೇಂದ್ರಚೊ ವಿಮಲಾ ವಿ. ಪೈ. ಪುರಸ್ಕಾರ್ ಜಿಕ್ಪಿ ನಾಮ್ನೆಚೊ ಕೊಂಕಣಿ ಕವಿ ಬಾಬ್ ಶಯ್ಲೇಂದ್ರ ಮೆಹ್ತಾನ್ "ಕಶೆಂ ಆಜ್ ಡಿಜಿಟಲ್ ಮಾಧ್ಯಮಾನ್ ವೆಗ್-ವೆಗಳ್ಯಾ ಭಂವಾರಾಂತ್ ಜಿಯೆತೆಲ್ಯಾಂಕ್ ಎಕಾ ಶೆವೊಟಾನ್, ಎಕಾ ಮನಾನ್ ಕಾಮ್ ಕರ್ಚಿ ವಾಟ್ ನಿರ್ಮಾಣ್ ಕರುನ್ ದಿಲ್ಯಾ ಆನಿ ಹ್ಯಾ ಸಕ್ತೆಚೊ ಬರೊ ಉಪೇಗ್ ಕರುನ್ ಆಮಿ, ಕವಿಂನಿ ಕೊಂಕಣಿ ಭಾಸ್ ಸಗಳ್ಯಾ ಲ್ಹಾನ್-ಲ್ಹಾನ್ ಭಂವಾರಾಂಕ್ ಉತ್ರುನ್ ಮುಕಾರ್ ಯೆವ್ಪಾಕ್ ಏಕ್ ವಾಟ್ ಕರುನ್ ದಿತಾ. ಆಜ್ ಕೊಂಕಣಿಂತ್ ಆಮಿ ಎಕ್ಲೆ ಎಕ್ಲೆ ಜಾವ್ನ್ ಬೌದ್ದಿಕ್ ಚಿಂತ್ಪಾನ್ ಕಾಂಯ್ ಥೊಡಿಂ ಪಾವ್ಲಾಂ ಮುಕಾರ್ ಆಯ್ಲ್ಯಾಂವ್ ಆಸುಯೆತಾ ಪುಣ್ ಸಾಮೂಹಿಕ್ ಥರಾನ್ ಆಮ್ಚಿ ಸಮಾಜ್ ವಾ ಆಮ್ಚೆ ಕವಿ ಕಿತ್ತುನ್ ಪಾವ್ಲ್ಯಾತ್ ಮ್ಹಳ್ಳೆಂ ವ್ಹಡ್ಲೆಂ ಪ್ರಶ್ನ್. ಬರಯ್ತೆಲೆ ಆಸಾತ್ ಪುಣ್ ವಾಚ್ತೆಲೆ ಕಿತ್ಲೆ ಆಸಾತ್? ವಾಚ್ತೆಲೆ ಆಸ್ತಿತ್ ಪುಣ್ ಸಮ್ಜತೆಲೆ ಕಿತ್ಲೆ ಆಸಾತ್? ಆನಿ ಹ್ಯಾ ಪರಿಗತೆಂತ್ ಬರಯಿಲ್ಲ್ಯೊ ಕವಿತಾ ಸಮಾಜಿಕ್ ಸ್ಥರಾಚೆರ್ ಕಿತ್ಲ್ಯೊ ಪ್ರಸಂಗಿಕತಾಯೆಚ್ಯೊ? ಜೆದ್ನಾ ಪಾಸೊನ್ ಏಕ್ ಕವಿ ಎಕಾ ಸಮಾಜೆಚೊ ಅನ್ಭೋಗ್ ಜೊಡುನ್ ಕವಿತಾ ಬರಯ್ನಾ ತೆದೊಳ್ ಪಾಸೊನ್ ತ್ಯಾ ಕವಿತೆಕ್ ಕಾಂಯ್ ಮೋಲ್ ನಾ" ಮ್ಹಣಾಲೊ ತಶೆಂಚ್ ವಿಶ್ವ್-ಕೊಂಕಣಿ ಕೇಂದ್ರಚೊ ವಿಮಲಾ ವಿ. ಪೈ. ಪುರಸ್ಕಾರ್ ಜಿಕ್ಪಿ ಕವಿ ಬಾಬ್ ಉದಯ್ ಮ್ಹಾಂಬ್ರೊಚಿ ಮಟ್ವಿ ವಳೊಕ್ ಕರುನ್ ಕವಿಗೋಶ್ಟಿ ಚಲವ್ನ್ ವ್ಹರುಂಕ್ ಮಾಗ್ಲೆಂ.

’ರಾತ್ ನಶೇಚಿ’ ಕವಿತೆಂತ್ ಕವಿಗೋಶ್ಟಿಚಿ ಸುರವಾತ್ ಕೆಲ್ಲ್ಯಾ ಬಾಬ್ ಉದಯ್ ಮ್ಹಾಂಬ್ರೊನ್ "ಆಮಿ ಕೊಂಕಣಿ ಭಾಶೆಚಿ ಗ್ರೇಸ್ತ್‌ಕಾಯ್ ಸಮ್ಜುಂಚೆಂ ವ್ಹಡ್ ಮನ್ ದಾಕಯ್ಲೆಂ ತರ್, ಆಮ್ಕಾಂ ಕೊಂಕಣಿ ಭಾಶಿಕ್, ಜಾಂವ್ ತೊ ಖಂಚ್ಯಾಯ್ ವಠಾರಾಂತ್ ಆಸುಂ, ಪುಣ್ ಆಮ್ಚೊಚ್ ಭಾವ್-ಭಯ್ಣ್ ಅಶೆಂ ಭಗ್ತಾ. ದೆಕುನ್ ಗೊಂಯಾಂತ್ ಆಸುಂ, ಕರ್ನಾಟಕಾಂತ್ ಆಸುಂ, ಕೇರಳಾಂತ್ ಆಸುಂ ವಾ ಮುಂಬಯಾಂತ್ ಆಸುಂ, ಕೊಂಕಣಿ ಭಾಶಿಕ್ ಆಮ್ಚೆಚ್ ಆನಿ ಹೆಂ ಚಿಂತಪ್ ಮಾತ್ರ್ ಆಮ್ಕಾಂ ಮುಕಾರ್ ವರುಂಕ್ ಸಕ್ತಾ" ಮ್ಹಣಾಲೊ. ತಶೆಂಚ್ ಹ್ಯಾ ಕವಿಗೋಶ್ಟಿಂತ್ ಭಾಗ್ ಘೆತ್ಲೆಲ್ಯಾ ಕವಿಂಚಿ ಒಳೊಕ್ ಕರುನ್ ಜಾತಚ್ ಸಮೇಸ್ತ್ ಕವಿಂನಿ; ಬಾಬ್ ಪ್ರಸನ್ನ್ ನಿಡ್ಡೊಡಿ ಮುಂಬಯ್ (ನಾರಿಚೊ ಆವಾಜ್), ಬಾಯ್ ಫಿಲೋಮೆನಾ ಸಾಂಫ್ರಾನ್ಸಿಸ್ಕೊ ಗೊಂಯ್ (ದೋತ್), ಬಾಬ್ ಜೋನ್ ಸುಂಟಿಕೊಪ್ಪ ಕೂರ್ಗ್ (ದಾರ್), ಬಾಯ್ ವೈಷ್ಣವಿ ರಾಯ್ಕರ್ ಗೊಂಯ್ (ಜಿಣ್ಯೆ ರಂಗ್), ಬಾಬ್ ಲಾರೆನ್ಸ್ ವಿನೋದ್ ಬಾರ್ಬೋಜ್ ಮ್ಯಾಂಚೆಸ್ಟರ್ ಯುಕೆ (ಬರಂವ್ಕ್ ಚಿಂತ್ಲಾಂ.. ವಾಚ್ತಾಯ್?), ಬಾಯ್ ವಸುಧಾ ಪ್ರಭು ಬೆಂಗ್ಳುರ್ (ಮ್ಹಜಿ ಮಾಂಯ್‌ಕಿ ವ ಮ್ಹಜಿ ದುಶ್ಮನ್?), ಬಾಬ್ ಉದಯ್ ಮ್ಹಾಂಭ್ರೊ ಗೊಂಯ್ (ಆಯೀ), ಬಾಯ್ ಮೊನಿಕಾ ಡೆ’ಸಾ ಮಥಾಯಸ್ ಡಬ್ಲಿನ್ (ಮಾಂಯ್‌ಗಾಂವ್ ಆನಿ ಪರ್ಗಾಂವ್), ಬಾಬ್ ಜಿಯೊ ಆಗ್ರಾರ್ (ಮ್ಹಾಕಾಯ್ ದಾನ್ ದೀಂವ್ಕ್ ಶಿಕಯ್), ಬಾಯ್ ಉರ್ಜಿತಾ ಭೊಬೆ ಗೊಂಯ್ (ವೋಕ್ಲ್) ಮ್ಹಳ್ಳಿಂ ಅಪುರ್ಭಾಯೆಚಿಂ ಕವಿತಾ ಸಾದರ್ ಕೆಲಿಂ.

ಕವಿ ವಲ್ಲಿ ಕ್ವಾಡ್ರಸಾನ್ ಧಿನ್ವಾಸ್ ಪಾಟಯ್ಲೆ.

जागतीक डिजिटल कोंकणी कविगोश्टी

आशावादी प्रकाशनान मांडून हाड‌ल्ली जागतीक डिजिटल कोंकणी कविगोश्टी, मार्च ५ तारिकेच्या आयतारा सांजेर ४:३० थावन ६:०० परयांत चल्ली. युरोप, गलफ तशेंच भरतांतल्या मुंबय, बेंगळूर, मंगळूर, कूर्ग, गोंय अशें वेग-वेगळ्या प्रांत्यांतल्या कविंनी ह्या कविगोश्टिंत आपलीं कविता सादर केलीं.

येवकार उलवप उलयिल्लो विश्व-कोंकणी केंद्रचो विमला वी. पै. पुरसकार जिकपी नाम्नेचो कोंकणी कवी बाब शयलेंद्र मेहतान "कशें आज डिजिटल माध्यमान वेग-वेगळ्या भंवारांत जियेतेल्यांक एका शेवोटान, एका मनान काम कर्ची वाट निर्माण करून दिल्या आनी ह्या सक्तेचो बरो उपेग करून आमी, कविंनी कोंकणी भास सगळ्या ल्हान-ल्हान भंवारांक उत्रून मुकार येवपाक एक वाट करून दिता. आज कोंकणिंत आमी एकले एकले जावन बौद्दीक चिंत्पान कांय थोडीं पावलां मुकार आयल्यांव आसुयेता पूण सामूहीक थरान आमची समाज वा आमचे कवी कित्तून पावल्यात म्हळ्ळें व्हडलें प्रश्न. बरयतेले आसात पूण वाचतेले कितले आसात? वाचतेले आसतीत पूण समजतेले कितले आसात? आनी ह्या परिगतेंत बरयिल्ल्यो कविता समाजीक स्थराचेर कितल्यो प्रसंगिकतायेच्यो? जेदना पासोन एक कवी एका समाजेचो अनभोग जोडून कविता बरयना तेदोळ पासोन त्या कवितेक कांय मोल ना" म्हणालो तशेंच विश्व-कोंकणी केंद्रचो विमला वी. पै. पुरसकार जिकपी कवी बाब उदय म्हांबरोची मटवी वळोक करून कविगोश्टी चलवन व्हरुंक मागलें.

’रात नशेची’ कवितेंत कविगोश्टिची सुरवात केल्ल्या बाब उदय म्हांबरोन "आमी कोंकणी भाशेची ग्रेसत‌काय समजुंचें व्हड मन दाकयलें तर, आमकां कोंकणी भाशीक, जांव तो खंच्याय वठारांत आसूं, पूण आमचोच भाव-भयण अशें भग्ता. देकून गोंयांत आसूं, कर्नाटकांत आसूं, केरळांत आसूं वा मुंबयांत आसूं, कोंकणी भाशीक आमचेच आनी हें चिंतप मात्र आमकां मुकार वरुंक सक्ता" म्हणालो. तशेंच ह्या कविगोश्टिंत भाग घेतलेल्या कविंची ओळोक करून जातच समेसत कविंनी; बाब प्रसन्न निड्डोडी मुंबय (नारिचो आवाज), बाय फिलोमेना सांफ्रान्सिसको गोंय (दोत), बाब जोन सुंटिकोप्प कूर्ग (दार), बाय वैषणवी रायकर गोंय (जिण्ये रंग), बाब लारेन्स विनोद बारबोज म्यांचेसटर युके (बरवंक चिंतलां.. वाचताय?), बाय वसुधा प्रभू बेंगळूर (म्हजी मांय‌की व म्हजी दुश्मन?), बाब उदय म्हांभ्रो गोंय (आयी), बाय मोनिका डे’सा मथायस डबलीन (मांय‌गांव आनी पर्गांव), बाब जियो आग्रार (म्हाकाय दान दीवंक शिकय), बाय उर्जिता भोबे गोंय (वोकल) म्हळ्ळीं अपुर्भायेचीं कविता सादर केलीं.

कवी वल्ली क्वाड्रसान धिन्वास पाटयले.