Displaying items by tag: Konkani
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ 2021 ವರಸಾಚಿ ಗೌರವ ಪ್ರಶಸ್ತಿ / ಪುಸ್ತಕ ಪುರಸ್ಕಾರ ಘೋಷಣಾ
ಮಂಗಳೂರು: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚಿ 2021 ವರಸಾಚಿ ಗೌರವ ಪ್ರಶಸ್ತಿ / ಪುಸ್ತಕ ಪುರಸ್ಕಾರ ಘೋಷಣಾ ಆರತಾ° (ಮಾ. 8) ಘಡಲೆಲೆ ಪತ್ರಿಕಾ ಗೋಷ್ಠಿಂತು° ಅಧ್ಯಕ್ಷ ಡಾ| ಜಗದೀಶ ಪೈ ಹಾಂನಿ° ಕೆಲೆ°. 2021 ವರಸಾಚೆ ಪ್ರಶಸ್ತಿ ಆನಿ ಪುಸ್ತಕ ಬಹುಮಾನ ಪ್ರಧಾನ ಸುವಾಳೊ ಮಾರ್ಚಿ 27ಕ ಕುಮಟಾಚೆ ಮಹಾಲಸಾ ನಾರಾಯಣಿ ದೇವಸ್ಥಾನಾಚೆ ಸಭಾಂಗಣಾοತು° ಚಲತಾ. ಇಂಧನ, ಕನ್ನಡ ಆನಿ ಸಂಸ್ಕತಿ ಇಲಾಖೆಚೊ ಮಂತ್ರಿ ವಿ. ಸುನಿಲ್ ಕುಮಾರ್ ಪ್ರಶಸ್ತಿ ಪ್ರಧಾನ ಕರತಾತಿ. ಉತ್ತರ ಕನ್ನಡ ಜಿಲ್ಲಾ ಉಸ್ತುವಾರಿ ಮಂತ್ರಿ ಕೋಟ ಶ್ರೀನಿವಾಸ ಪೂಜಾರಿ ಆನಿ ಕುಮಟಾ ಹೊನ್ನಾವರ ವಿಧಾನಸಭಾ ಕ್ಷೇತ್ರಾಚೆ ಶಾಸಕ ದಿನಕರ ಶೆಟ್ಟಿ ಮುಖೇಲ ಸೊಯ್ರೆ ಆಸತಲೆ ಮ್ಹಣು ತಾಂನಿ° ಕಳಯಲೆ°.
ಪ್ರಶಸ್ತಿ ವಿಜೇತ ಆಶೆ° ಆಸಾತಿ.
ಕೊಂಕಣಿ ಸಾಹಿತ್ಯ - ನಾಗೇಶ್ ಅಣ್ವೇಕರ್
ಕೊಂಕಣಿ ದೈವಜ್ಞ ಬ್ರಾಹ್ಮಣ ಸಮಾಜಾಚೆ ಜಾವನು ಆಸಚೆ ಹಾಂನಿ° ವೃತ್ತಿನ ಸ್ವರ್ಣಾಭರಣ ತಯಾರಿ ಕರತಾತಿ. ಕೊಂಕಣಿ ಭಾಷೆಂತು° ಸಾಹಿತ್ಯ ರಚನಾ, ಜನಪದ ಸಾಹಿತ್ಯ ಸಂಗ್ರಹ ಆನಿ ಛಂದೋಬದ್ದ ಸಾಹಿತ್ಯ ರಚನ ಕರಚೆ ಹಾಂನಿ° ಯಕ್ಷಗಾನಾಚೆ ಸಾಬಾರ ಪ್ರಸಂಗ° ಕೊಂಕಣಿ ಭಾಷೆಕ ಅಣಕಾರ ಕರನು ತಾಳಮದ್ದಳೆ ಪ್ರಸ್ತುತ ಕೆಲಾ. ಗಮಕ ಕಲೆಂತುοಯಿ ಕೊಂಕಣಿ ಭಾಷಾ ಸಾಹಿತ್ಯ ರಚನ ಹಾಂನಿ° ಕೆಲೆಲೆ° ಆಸಾ. ಆಕಾಶವಾಣಿಂತು° ಹಾಂಗೆಲೊ ಖೂಬ ಕೊಂಕಣಿ ಸಾಹಿತ್ಯಾತ್ಮಕ ಕಾರ್ಯಕ್ರಮ ಪ್ರಸಾರ ಜಾಲಾ. ಕೊಂಕಣಿ ಕಾವ್ಯ ಮಂಜರಿ, ಕೊಂಕಣಿ ಕಾವ್ಯ ಪ್ರಭಾ, ಕೊಂಕಣಿ ಶ್ರೀ ದೈವಜ್ಞ ಪೀಠ, ಪುಲಾ ಕಳೊ, ಸುಭಾಷಿತಾಚೆ ತತ್ವಾದರ್ಶ ಹಾಂಗೆಲೆ ಪ್ರಕಟ ಜಾಲೆಲೆ ಕೃತಿ ಜಾವನು ಆಸಾತಿ. ಕೊಂಕಣಿ ಸಾಹಿತ್ಯ ಕ್ಷೇತ್ರಾಂತು° ನಿರಂತರ ಸೇವಾ ದಿಲೆಲೆ ಹಾಂಕಾ° 2021 ವರಸಾಚೆ ಸಾಹಿತ್ಯ ವಿಭಾಗಚೆ ಗೌರವ ಪ್ರಶಸ್ತಿ ಫಾವೊ ಜಾಲ್ಯಾ.
ಕೊಂಕಣಿ ಕಲಾ – ದಿನೇಶ್ ಪ್ರಭು ಕಲ್ಲೊಟ್ಟೆ
ಹಾಂನಿ° ವೃತ್ತಿನ ಹಿರಿಯಂಗಡಿ ಅಂಚೆ ಇಲಾಖೆಂತು° ಪೋಸ್ಟ್ ಮಾಸ್ಟರ್ ಜಾವನು ಆಸಾತಿ. ಸಾಬಾರ 30 ವರಸ ದಾಕೂನ ಕೊಂಕಣಿ ನಾಟಕ ಕ್ಷೇತ್ರಾಂತು° ಸಕ್ರೀಯ ಆಸಚೆ ಹಾಂನಿ° ವಕ್ಕಲ್, ಅಮ್ಮಿ ಸೋಣಾತಿ, ಮಕ್ಕ್ ಗೊತ್ತಸ್ಸ್, ಅಶಿ° ಜಾಲ್ಯಾರಿ ಕಶಿಂ, ಪೂರ ತುಮ್ಗೆಲೆ ಕತೀರ್, ಗಿರ್ಮಿಟ್ ಗಿರಿಧರು, ಮಂಕಡ್ ಕೊರ್ನುಕಾತಿ, ಗಂಗ್ ಮಾಯ್ಯೆಲೆ ಗಮ್ಮತ್, ವ್ಹರಣ್ ತಸಲೆ ನಾಟಕ° ರಚನ ಕೆಲ್ಯಾಂತಿ. "ಪಲ್ಲವಿ ಆರ್ಟ್ಸ್" ಸಂಸ್ಥೊ ಬಾಂದೂನ 15 ವರಸ ದಾಕೂನ ಖೂಬ ಸಂಘ ಸಂಸ್ಥೆοಚೆ° ನಾಟಕ ಕಲಾವಿದಾಂಕ, ಶಾಳಾ ವಿದ್ಯಾರ್ಥಿಯಾಂಕ ಪ್ರಸಾಧನ ಕರನು ರಂಗ ತರಬೇತಿ ಶಿಬಿರ ಆಯೋಜನ ಕರನು ನಟನಾ, ಪ್ರಸಾಧನ ಕಲಾಚೆ ತರಬೇತಿ ದಿಲೆಲಿ ಆಸಾ. ಹಾಂಗೆಲೆ ಸಾಧನಾ ಮಾನೂನ ಘೆವನು ಹಾಂಕಾ° ಡಾ| ಬಿ. ಆರ್. ಅಂಬೇಡ್ಕರ್ ಸಮಾಜ ಸೇವಾ ಸಂಘಾನ "ಕಲಾಬ್ರಹ್ಮ" ಬಿರುದು, 2019 ತು° ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, 2020 ತು° ಭಾರತ ರತ್ನ ಸರ್. ಎಂ ವಿಶ್ವೇಶ್ವರಯ್ಯ ಇಂಜಿನಿಯರಿοಗ್ ಪ್ರತಿಷ್ಠಾನ ಟ್ರಸ್ಟ್(ರಿ) ಹಾಂನಿ° "ವಿಶ್ವೇಶ್ವರಯ್ಯ ರಾಜ್ಯ ಪ್ರಶಸ್ತಿ" ಅಶೆ° ಸಾಬಾರ 200ಕಯೀ ಚಡ ಸಂಘ ಸಂಸ್ಥೆನಿ ಸನ್ಮಾನ ಕೆಲೆಲೊ ಆಸಾ. ಕೊಂಕಣಿ ಕಲಾ ಕ್ಷೇತ್ರಾಂತು° ನಿರಂತರ ಸೇವಾ ದಿತಾ ಆಸಚೆ ಹಾಂಕಾ° 2021 ವರಸಾಚೆ ಕಲಾ ಗೌರವ ಪ್ರಶಸ್ತಿ ಫಾವೊ ಜಾಲ್ಯಾ.
ಕೊಂಕಣಿ ಜಾನಪದ – ಮಾಧವ ಖಾರ್ವಿ
ಅಂಚೆ ಇಲಾಖೆಂತು° ನೌಕರಿ ಕರನು ನಿವೃತ್ತಿ ಜೀವನ ಕರತ ಆಸಾತಿ. ಕೊಂಕಣಿ ಜಾನಪದ ಕಲೆಂತು° ಉಮೇದಿ ದವರನು ಆಸಚೆ ಹಾಂನಿ° ಕೋಡಿ ಬೆಂಗ್ರೆοತು° ಸಂಘಟನ ಬಾಂದೂನು ಖಾರ್ವಿ ಜಾನಪದ ಕಲಾ ಆನಿ ಖಾರ್ವಿ ಧಾರ್ಮಿಕ ಆಚರಣೆ ಬದಲ ಸಮಾಜಾಚೆ ಮ್ಹಾಲ್ಗಡೆ ಲೋಕಾ ಲಾಗಿ ತರಬೇತಿ ಘೆವನು ಖಾರ್ವಿ ಜಾನಪದ ವರೊಚೆ° ಕರನು ಆಸಾತಿ. ಕುಂದಾಪುರ, ಕಾರವಾರ, ಹಳದಿಪುರ, ಎರ್ಮಾಳ, ಬ್ರಹ್ಮಾವರ ಪರಿಸರಾಂತು° ಖಾರ್ವಿ ಸಂಘಟನ ಬಾಂದೂನ ಖಾರ್ವಿ ಜಾನಪದ ಕಲಾ ವರೊನು ವಾಡೊಚೆ° ಕರತ ಆಸಾತಿ. ಸಮಾಜಾಚೆ ತರನಾಟೆಂಕ ಆನಿ ಚೆರಡುವಾಂಕ ಗುಮಟೆ ನೃತ್ಯ, ಥೊಣಿಯೆ ಖೇಳು, ಗಾಯನ ತರಬೇತಿ ದಿತಾ ಆಸಾತಿ. ಕೊಂಕಣಿ ಖಾರ್ವಿ ಸಮುದಾಯಾಚೆ ಪಾರಂಪರಿಕ ಆಚರಣ ಆನಿ ಜಾನಪದ ವರೊಚಾಕ ಅವಿರತ ಸೇವಾ ದಿತಾ ಆಸಚೆ ಹಾಂಕಾ° 2021 ವರಸಾಚೆ ಕೊಂಕಣಿ ಜಾನಪದ ಗೌರವ ಪ್ರಶಸ್ತಿ ಫಾವೊ ಜಾಲ್ಯಾ.
ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ - ಪುಸ್ತಕ ಪುರಸ್ಕಾರ-2021
ಕೊಂಕಣಿ ಕವನ - ಲಾರಾಚೆ° ಗೀತ್ ಜೆ. ವಿ. ಸಿಕೇರ್ ಕಾವ್ಯ ನಾಮಾಚೆ ಫಾ| ಜೊವಿನ್ ವಿಶ್ವಾಸ್ ಸಿಕ್ವೇರಾ ಹಾಂನಿ° ರಚನ ಕೆಲೆಲೆ "ಲ್ಹಾರಾಂಚೆ° ಗೀತ್" ಕವನ ಸಂಗ್ರಹ ಪುಸ್ತಕಾಕ 2021 ವರಸಾಚೆ ಪುಸ್ತಕ ಬಹುಮಾನ ಫಾವೊ ಜಾಲಾ°.
ಕೊಂಕಣಿ ಸಾನ ಕಾಣಿಯೊ – “ಲವ್ಲೆಟರ್ಸ್ ವಾಜ್ಜಿತಾಲೊ ಮ್ಹಾಂತಾರೊ” ಗೋಪಾಲಕೃಷ್ಣ ಪೈ ಹಾಂನಿ° ರಚನ ಕೆಲೆಲೆ “ಲವ್ಲೆಟರ್ಸ್ ವಾಜ್ಜಿತಾಲೊ ಮ್ಹಾಂತಾರೊ” ಕೃತಿಕ ಫಾವೊ ಜಾಲಾ°
.
ಕೊಂಕಣಿ ಲೇಖನ – ಎಚ್ಚೆಮ್ ಪೆರ್ನಾಲ್ ಕಾವ್ಯನಾಮಾಚೆ ಹೆನ್ರಿ ಇಗ್ನೇಶಿಯಸ್ ಮೆಂಡೋನ್ಸಾ ಹಾಂನಿ° ರಚನ ಕೆಲೆಲೆ° “ರುಪಾ° ಆನಿ ರೂಪಕಾ°” ಹಾಕಾ ಫಾವೊ ಜಾಲಾ°.
ಪತ್ರಿಕಾ ಗೋಷ್ಠಿಂತು° ಅಧ್ಯಕ್ಷ ಡಾ. ಕೆ. ಜಗದೀಶ್ ಪೈ, ರಿಜಿಸ್ಟ್ರಾರ್ ಆರ್. ಮನೋಹರ್ ಕಾಮತ್, ಸಾಂದೆ ಕೆನ್ಯುಟ್ ಜೀವನ್ ಪಿಂಟೊ, ನವೀನ ನಾಯಕ್, ಸಾಣೂರು ನರಸಿಂಹ ಕಾಮತ್, ಗೋಪಾಲಕೃಷ್ಣ ಭಟ್ ಆನಿ ಅರುಣ್ ಜಿ. ಶೇಟ್ ಉಪಸ್ಥಿತ ಆಶಿಲೆ.
ವಿಶ್ವ ಕೊಂಕಣಿ ಸರದಾರ ಬಸ್ತಿ ವಾಮನ ಶೆಣೈ ಅಂತರಲೆ.
ಮಂಗಳೂರು: ಕೊಂಕಣಿ ಭಾಷಾ ಮಂಡಳ ಕರ್ನಾಟಕ, ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಆದಲೆ ಅಧ್ಯಕ್ಷ ವಿಶ್ವ ಕೊಂಕಣಿ ಕೇಂದ್ರ ಮಂಗಳೂರು ಹಾಜೆ ಆದಲೆ ಅಧ್ಯಕ್ಷ ಬಸ್ತಿ ವಾಮನ ಶೆಣೈ (88) ಆಜೀ (ಜ.2) ದೋನಪಾರಾ 12.15ಕ ದೇವಾದಿನ ಜಾಲೆ. ಹಾಂನಿ° 1995 ಇಸವಿಂತು° ಭಾಷಾ ಮಂಡಳಾನ ಮಂಗಳೂರಾοತು° ಆಯೋಜನ ಕೆಲೆಲೆ ಪ್ರಪ್ರಥಮ ವಿಶ್ವ ಕೊಂಕಣಿ ಸಮ್ಮೇಳನಾಚೆ ಮುಖ್ಯ ಸಂಚಾಲಕ, 1996 ಇಸವಿಂತು° ಕೊಂಕಣಿ ಭಾಷಾ ಮಂಡಳಾನ ಸ್ಥಾಪನಾ ಕೆಲೆಲೆ ಕೊಂಕಣಿ ಭಾಸ ಆನೀ ಸಂಸ್ಕೃತಿ ಪ್ರತಿಷ್ಠಾನ ಹಾಜೆ ಸ್ಥಾಪಕ 7 ಟ್ರಸ್ಟಿ° ಪಯಕಿ ಎಕೊಲೊ ಆನೀ ಸ್ಥಾಪಕ ಅಧ್ಯಕ್ಷ, 1999 ಇಸವಿಂತು° ಆಲ್ ಇಂಡಿಯಾ ಸಾರಸ್ವತ್ ಕಲ್ಚರಲ್ ಆರ್ಗನೈಸೆಶನ್ ಹಾಂನಿ ಮಂಗಳೂರಾοತು° ಆಯೋಜನ ಕೆಲೆಲೆ ವಿಶ್ವ ಸಾರಸ್ವತ ಸಮ್ಮೇಳನಾಚೆ ಮುಖ್ಯ ಸಂಚಾಲಕ ಜಾವನು ಸೇವಾ ದಿಲೆಲಿ ಆಸಾ. ಹಾಂಗೆಲೆ ಮುಖೇಲಪಣಾರ ಚಲೆಲೆ ದೋನ ಸಮ್ಮೇಳನಾಂತು° ಹಾಂಕಾ ‘ವಿಶ್ವ ಕೊಂಕಣಿ ಸರದಾರ’ ಆನೀ ‘ವಿಶ್ವ ಸಾರಸ್ವತ ಸರದಾರ’ ಮ್ಹಣು ಬಿರುದು ಮೆಳೆಲೊ ಆಸಾ.
ಸಿಂಡಿಕೇಟ್ ಬ್ಯಾಂಕಾತು° ಉದ್ಯೋಗ ಕರನು ಆಶಿಲೆ ಹಾಂನಿ° ರಾಯಭಾಗ್, ಶಿವಮೊಗ್ಗಾ, ಮುಡೂಬಿದಿರೆ, ಪಾಣೆ ಮಂಗಳೂರು ಆನೀ ಹೇರ ಕಡೇನ ಸೇವಾ ದಿಲೆಲಿ ಆಸಾ. ಸಿಂಡಿಕೇಟ್ ಬ್ಯಾಂಕಾ ದಾಕೂನ ನಿವೃತ್ತಿ ಜಾತರಿ ಹಾಂನಿ ಕೊಂಕಣಿ ಭಾಷಾ ಮಂಡಳ ಕರ್ನಾಟಕ ಹಾಜೆ ಅಧ್ಯಕ್ಷ ಜಾಲೆ. ಕೊಂಕಣಿ ಭಾಷಾ ಮಂಡಳಾನ ಸ್ಥಾಪನ ಕೆಲೆಲೆ ವಿಶ್ವ ಕೊಂಕಣಿ ಕೇಂದ್ರಾಚೆ ಸ್ಥಾಪಕ ಅಧ್ಯಕ್ಷ ಆಶಿಲೆ ಹಾಂನಿ° ಪಯರ ಪಯರಿ ತಾಂಯ ಸೇವಾ ದಿವನು, ಆರೋಗ್ಯಾಕ ಲಾಗೂನ ಸ್ವಯಂ ನಿವೃತ್ತ ಜಾಲೆಲೆ. ಬಸ್ತಿ ವಾಮನ ಶೆಣೈ ಹಾಂನಿ° ಕೊಂಕಣಿ ಸಾಹಿತ್ಯ ಕ್ಷೇತ್ರಾಕ ದಿಲೆಲಿ ಸೇವಾ ಮಾನೂನ ಘೆವನು ಕರ್ನಾಟಕ ರಾಜ್ಯ ಸರಕಾರಾನ ಹಾಂಕಾ° 2010 ಇಸವಿಂತು° ರಾಜ್ಯೋತ್ಸವ ಪ್ರಶಸ್ತಿ ದೀವನು ಸನ್ಮಾನ ಕೆಲೆಲೊ ಆಸಾ. ಹಾಂಗೆಲಿ ಅಂತ್ಯ ಕ್ರೀಯಾ ಫಾಲ್ಯಾ(ಜ.3) ಸಕಾಳಿ 12 ಗಂಟ್ಯಾಕ ಬಂಟ್ವಾಳಾοತು° ಚಲಚಿ ಆಸಾ ಮ್ಹಣು ಕಳನು ಆಯಲಾ°.
ತುοಬೆοತು° ನಿವಾಸ ಆಶಿಲೆ ಹಾಂನಿ° ದ್ಹುವ ವಿದ್ಯಾ ಕಿಣಿ, ದೋನ ಪೂತ ಬಸ್ತಿ ಮಾಧವ ಶೆಣೈ, ಬಸ್ತಿ ದಿನೇಶ ಶೆಣೈ ಆನೀ ಅಪಾರ ಭಂದು ಭಾಂದವಾοಕ ಸೊಡೂನ ಗೆಲ್ಯಾಂತಿ.
ಬಸ್ತಿ ವಾಮನ ಶೆಣೈ ಹಾಂಗೆಲೆಂ ಪಾರ್ಥಿವ ಶರೀರ ಸಾರ್ವಜನಿಕ ದರ್ಶನಾ ಖಾತಿರ ಮಂಗಳೂರು ಶಕ್ತಿ ನಗರಾಚೆ ವಿಶ್ವ ಕೊಂಕಣಿ ಕೇಂದ್ರ ಹಾಂಗಾ ಫಾಲ್ಯಾ ಸಕಾಳಿ (ಜ.3) 9 ದಾಕುನು 10 ತಾಂಯ ದವರತಾತಿ ಮ್ಹಣ್ ವಿಶ್ವ ಕೊಂಕಣಿ ಕೇಂದ್ರ ಹಾಜೋ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾಂನಿ ಕಳಯಲಾಂ.
'कोंकणी दिवस' कोच्चींत मनायलो
केरळांतुले कोंकणी जण दर वर्साचे आखिरी आयतार 'कोंकणी दिवस' म्हणु मानायतात. ह्या निमितान कोंकणी केंद्र - गोश्रीपूर संस्थेच्या आभिमुख्यार २६ दिसेम्बर सांजे ३.३० वराचेर (स्व) सुशीला टी. भट्ट यांचे घराकडेन कोकणी कवि संमेलन आयोजित जालें. प्रार्थनेचे उपरांत कोंकणी केंद्र गोश्रीपुर संस्थे वतीन चित्तरंजन नायक हाणीं सगल्यांंक येवकार दिलो. साहित्य आकादेमी पुरस्कार विजेता वरिष्ठ कोंकणी कवी आर.एस. भास्कर हांणी कोंकणी दिवसाचो विशेषाचे पासून उल्लेयलें.
त्या उपरांतें कविसंमेलन घडलें. ह्या कवी संगमांत कोच्ची वाटारांतले आर. एस. भास्कर (परतून दी भूंय म्हजी), विजय कुमार एन. पै (खंय गेल्लो), संजय राजगोपाल (शुभकाल), गोश्रीपुरं हरिकुमार (कोटि कोटि नमस्कार), सुरेश वी. शेणै (रामनाथ शांतेरी, भक्तवत्सला मुक्तीदायका), एन. सदानंद कम्मत (सुकृत जन्मु), एन. बालकृष्ण मल्ल्या (नव जीवन) ह्या कोंकणी कवींनी आप आपण्यालो कविता सादर केल्यो.
उपरांत वाचिल्ल्या कवितांचेर भासाभास जाली. मंगळ प्रार्थनेचे उपरांत कार्यावळ सोंपली.
'ಕೋಂಕಣೀ ದಿವಸ' ಕೋಚ್ಚೀಂತ ಮನಾಯಲೋ
ಕೇರಳಾಂತುಲೇ ಕೋಂಕಣೀ ಜಣ ದರ ವರ್ಸಾಚೇ ಆಖಿರೀ ಆಯತಾರ 'ಕೋಂಕಣೀ ದಿವಸ' ಮ್ಹಣು ಮಾನಾಯತಾತ. ಹ್ಯಾ ನಿಮಿತಾನ ಕೋಂಕಣೀ ಕೇಂದ್ರ - ಗೋಶ್ರೀಪೂರ ಸಂಸ್ಥೇಚ್ಯಾ ಆಭಿಮುಖ್ಯಾರ ೨೬ ದಿಸೇಮ್ಬರ ಸಾಂಜೇ ೩.೩೦ ವರಾಚೇರ (ಸ್ವ) ಸುಶೀಲಾ ಟೀ. ಭಟ್ಟ ಯಾಂಚೇ ಘರಾಕಡೇನ ಕೋಕಣೀ ಕವಿ ಸಂಮೇಲನ ಆಯೋಜಿತ ಜಾಲೇಂ.
ಪ್ರಾರ್ಥನೇಚೇ ಉಪರಾಂತ ಕೋಂಕಣೀ ಕೇಂದ್ರ ಗೋಶ್ರೀಪುರ ಸಂಸ್ಥೇ ವತೀನ ಶ್ರೀ. ಚಿತ್ತರಂಜನ ನಾಯಕ ಹಾಣೀಂ ಸಗಲ್ಯಾಂಂಕ ಯೇವಕಾರ ದಿಲೋ. ಸಾಹಿತ್ಯ ಆಕಾದೇಮೀ ಪುರಸ್ಕಾರ ವಿಜೇತಾ ವರಿಷ್ಠ ಕೋಂಕಣೀ ಕವೀ ಆರ.ಏಸ. ಭಾಸ್ಕರ ಹಾಂಣೀ ಕೋಂಕಣೀ ದಿವಸಾಚೋ ವಿಶೇಷಾಚೇ ಪಾಸೂನ ಉಲ್ಲೇಯಲೇಂ. ತ್ಯಾ ಉಪರಾಂತೇಂ ಕವಿಸಂಮೇಲನ ಘಡಲೇಂ.
ಹ್ಯಾ ಕವೀ ಸಂಗಮಾಂತ ಕೋಚ್ಚೀ ವಾಟಾರಾಂತಲೇ ಆರ. ಏಸ. ಭಾಸ್ಕರ (ಪರತೂನ ದೀ ಭೂಂಯ ಮ್ಹಜೀ), ವಿಜಯ ಕುಮಾರ ಏನ. ಪೈ (ಖಂಯ ಗೇಲ್ಲೋ), ಸಂಜಯ ರಾಜಗೋಪಾಲ (ಶುಭಕಾಲ), ಗೋಶ್ರೀಪುರಂ ಹರಿಕುಮಾರ (ಕೋಟಿ ಕೋಟಿ ನಮಸ್ಕಾರ), ಸುರೇಶ ವೀ. ಶೇಣೈ (ರಾಮನಾಥ ಶ್ರೀ ಶಾಂತೇರೀ, ಭಕ್ತವತ್ಸಲಾ ಮುಕ್ತೀದಾಯಕಾ), ಏನ. ಸದಾನಂದ ಕಮ್ಮತ (ಸುಕೃತ ಜನ್ಮು), ಏನ. ಬಾಲಕೃಷ್ಣ ಮಲ್ಲ್ಯಾ (ನವ ಜೀವನ) ಹ್ಯಾ ಕೋಂಕಣೀ ಕವೀಂನೀ ಆಪ ಆಪಣ್ಯಾಲೋ ಕವಿತಾ ಸಾದರ ಕೇಲ್ಯೋ.
ಉಪರಾಂತ ವಾಚಿಲ್ಲ್ಯಾ ಕವಿತಾಂಚೇರ ಭಾಸಾಭಾಸ ಜಾಲೀ. ಮಂಗಳ ಪ್ರಾರ್ಥನೇಚೇ ಉಪರಾಂತ ಕಾರ್ಯಾವಳ ಸೋಂಪಲೀ.
ज्येष्ठ लेखिका सुशीला भट हांका आर्गां ओंपली
कोची: हालीच अंतरल्या ज्येष्ठ कोंकणी लेखिका सुशीला त्रिविक्रम भट हांका आर्गां ओंपली. कोंकणी केन्द्र गोश्रीपुर संस्थेचे मुखेलपणान 12.12.2021 आयतारा सांजे 4 वरार कोच्ची चेरळाय वाठारांत सदानन्द कम्मत हांचे घराकडेन आयोजीत केल्ले सुशीला त्रिविक्रम भट अनुस्मरण कार्यक्रमांत कोंकणी केंद्राचें अध्यक्ष आनी साहित्य आकादेमी पुरस्कार विजेता वरिष्ठ कोंकणी कवी के.अनंत भट हांणी यजमानपण चलेयलें. के.अनंत भट, आर.एस. भास्कर, गोश्रीपुरं हरिकुमार, के.एन. रमेश भट, वी. लक्ष्मण पै, एम. कृष्णानंद, उमेश टी. भट, विजयकुमार एन. पै, एन. बालकृष्ण मल्ल्या, एन. श्रीकांत पै. ह्या कवींनी आपअपली याद उकतावंन उलेयलें आनी सुशीला त्रिविक्रम भट हांगेल्या चित्राचेर फुल्लां अर्पिल्ली. केरळ कोंकणी आकादेमीचे सदस्य के.विजयन कार्यावळींत उपस्थित आशिलें.
ಕೋಚೀ: ಹಾಲೀಚ ಅಂತರಲ್ಯಾ ಜ್ಯೇಷ್ಠ ಕೋಂಕಣೀ ಲೇಖಿಕಾ ಸುಶೀಲಾ ತ್ರಿವಿಕ್ರಮ ಭಟ ಹಾಂಕಾ ಆರ್ಗಾ° ಓಂಪಲೀ. ಕೋಂಕಣೀ ಕೇನ್ದ್ರ ಗೋಶ್ರೀಪುರ ಸಂಸ್ಥೇಚೇ ಮುಖೇಲಪಣಾನ 12.12.2021 ಆಯತಾರಾ ಸಾಂಜೇ 4 ವರಾರ ಕೋಚ್ಚೀ ಚೇರಳಾಯ ವಾಠಾರಾಂತ ಸದಾನನ್ದ ಕಮ್ಮತ ಹಾಂಚೇ ಘರಾಕಡೇನ ಆಯೋಜೀತ ಕೇಲ್ಲೇ ಸುಶೀಲಾ ತ್ರಿವಿಕ್ರಮ ಭಟ ಅನುಸ್ಮರಣ ಕಾರ್ಯಕ್ರಮಾಂತ ಕೋಂಕಣೀ ಕೇಂದ್ರಾಚೇ° ಅಧ್ಯಕ್ಷ ಆನೀ ಸಾಹಿತ್ಯ ಆಕಾದೇಮೀ ಪುರಸ್ಕಾರ ವಿಜೇತಾ ವರಿಷ್ಠ ಕೋಂಕಣೀ ಕವೀ ಕೇ. ಅನಂತ ಭಟ ಹಾಂಣೀ ಯಜಮಾನಪಣ ಚಲೇಯಲೇ°. ಕೇ.ಅನಂತ ಭಟ, ಆರ.ಏಸ. ಭಾಸ್ಕರ, ಗೋಶ್ರೀಪುರಂ ಹರಿಕುಮಾರ, ಕೇ.ಏನ. ರಮೇಶ ಭಟ, ವೀ. ಲಕ್ಷ್ಮಣ ಪೈ, ಏಮ. ಕೃಷ್ಣಾನಂದ, ಉಮೇಶ ಟೀ. ಭಟ, ವಿಜಯಕುಮಾರ ಏನ. ಪೈ, ಏನ. ಬಾಲಕೃಷ್ಣ ಮಲ್ಲ್ಯಾ, ಏನ. ಶ್ರೀಕಾಂತ ಪೈ. ಹ್ಯಾ ಕವೀಂನೀ ಆಪಅಪಲೀ ಯಾದ ಉಕತಾವಂನ ಉಲೇಯಲೇ° ಆನೀ ಸುಶೀಲಾ ತ್ರಿವಿಕ್ರಮ ಭಟ ಹಾಂಗೇಲ್ಯಾ ಚಿತ್ರಾಚೇರ ಫುಲ್ಲಾ° ಅರ್ಪಿಲ್ಲೀ. ಕೇರಳ ಕೋಂಕಣೀ ಆಕಾದೇಮೀಚೇ ಸದಸ್ಯ ಕೇ.ವಿಜಯನ ಕಾರ್ಯಾವಳೀಂತ ಉಪಸ್ಥಿತ ಆಶಿಲೇ°.
ज्येष्ठ कोंकणी साहितीक सुशीला त्रिविक्रम भट अंतरली
ಜ್ಯೇಷ್ಠ ಕೋಂಕಣೀ ಸಾಹಿತೀಕ ಕೋಚ್ಚೀಚೀ ಸುಶೀಲಾ ತ್ರಿವಿಕ್ರಮ ಭಟ ಹಾಂಚೇ° ದೇಹಾಂತ ತೃಶೂರ ಹಾಂಗಾ ದವರನು 3 ದಿಸೇಂಬರ, 2021ಕ ಸಕಾಳೀ° ಜಾಲೇ°. 80 ವರ್ಸಾ° ಪಿರಾಯ ಆಶಿಲ್ಲೀ°. 01.10.1942 ವರ್ಸಾ ಕೇರಳ ರಾಜ್ಯಾಂತ ಕುರ್ಪಳೇ ಗಾವಾಂತ ರಾಧಾ ಬಾಈ ಆನೀ ಟೀ.ವೀ. ಗೋವಿನ್ದ ಶೇಣೈ ಹಾಂಚೀ ಧೂವ ಜಾವನು ಜಲ್ಮ. 1970 ವರ್ಸಾ ಕೋಚ್ಚೀಚೇ ಶ್ರೀ ಏ. ತ್ರಿವಿಕ್ರಮ ಭಟ ಹಾಂಚೇ° ಕಡೇನ ಲಗ್ನ ಜಾಲೇ°. ಚೇರಾಈ ಗಾವಾಂತ ರಾಮ ವರ್ಮಾ ಯೂಣಿಯನ ಹಾಈ ಸ್ಕೂಳಾಂತು ಹಿನ್ದೀ ಅಧ್ಯಾಪಿಕಾ ಮ್ಹೋಣ ಕಾಮ ಕೇಲೇ°. ಕೋಂಕಣೀoತ ಕಥಾ, ಕವಿತಾ, ಲೇಖನ, ಪ್ರಬನ್ಧ, ನಾಟಕ, ಬಾಲ ಸಾಹಿತ್ಯ, ಲೋಕಗೀತ, ಪಾಚಕ, ಹರಿಕಥಾ ಇತ್ಯಾದೀ ಅನೇಕ ಶಾಖೇಂಚೇರ ಸಾಹಿತ್ಯ ರಚನಾ ಕರೂನ ಯೋಗದಾನ ದಿಲ್ಲೇ°. ಅಜ್ಜೇಂಲೀ° ವಕ್ಕದಾ°, ಸಾಳಗ್ರಾಮ, ಕೋಂಕಣೀ ಪಾಚಕ ಸಹಾಯೀ, ಕೋಂಕಣೀ ಪಾಚಕ ಪಂಚಕಮ ಹೀ° ಉಜವಾಡಾಕ ಆಯಲೀ°. ಕೋಂಕಣೀ ಪರಿಶದೇಚೇ ವಾವರಾಂತ ಸಕ್ರಿಯ ಜಾವನು ಭಾಗು ಘೇತಾಲೀ. ಕೋಂಕಣೀ ಭಾಷಾ ಪ್ರಚಾರ ಸಭೇಚೀ ಸದಸ್ಯಾ, ಕೇರಳ ಕೋಂಕಣೀ ಆಕಾದೇಮೀಚೀ ಆಜೀವ ವಾಂಗಡೀ, ಕೋಂಕಣೀ ಕೇಂದ್ರ ಗೋಶ್ರೀಪುರ ಸಂಸ್ಥೇಚೀ ಉಪಾಧ್ಯಕ್ಷಾ ಆದೀ ಜಾವನು ಕಾಮ ಕೇಲೇ°. ಕೋಚ್ಚೀಂತು ದರ ಮ್ಹಯನ್ಯಾಕ ಚಲಚೇ° ಕವೀ ಸಂಮೇಲನಾಚೇ ಪ್ರಭಾರ ತೀಚ್ಯಾ ಮುಖೇಲಪಣಾ ಖಾಲ ಚಲತಾಲೇ°. ಹಾಂಗೇಲೇ° ಪಾಟ್ಲ್ಯಾನ ದೋಗ ಧುವೋ, ಜಾವಂಯ ಆನೀ ನಾತ್ತರಾ° ಆಸಾಯ.
ज्येष्ठ कोंकणी साहितीक कोच्चीची सुशीला त्रिविक्रम भट हांचें देहांत तृशूर हांगा दवरनु ३ दिसेंबर, २०२१क सकाळीं जालें. ८० वर्सां पिराय आशिल्लीं. ०१.१०.१९४२ वर्सा केरळ राज्यांत कुर्पळे गावांत राधा बाई आनी टी.वी. गोविन्द शेणै हांची धूव जावनु जल्म. १९७० वर्सा कोच्चीचे श्री ए. त्रिविक्रम भट हांचें कडेन लग्न जालें. चेराई गावांत राम वर्मा यूणियन हाई स्कूळांतु हिन्दी अध्यापिका म्होण काम केलें. कोंकणींत कथा, कविता, लेखन, प्रबन्ध, नाटक, बाल साहित्य, लोकगीत, पाचक, हरिकथा इत्यादी अनेक शाखेंचेर साहित्य रचना करून योगदान दिल्लें. अज्जेंलीं वक्कदां, साळग्राम, कोंकणी पाचक सहायी, कोंकणी पाचक पंचकम हीं पुस्तकां उजवाडाक आयलीं. कोंकणी परिशदेचे वावरांत सक्रिय जावनु भागु घेताली. कोंकणी भाषा प्रचार सभेची सदस्या, केरळ कोंकणी आकादेमीची आजीव वांगडी, कोंकणी केंद्र गोश्रीपुर संस्थेची उपाध्यक्षा आदी जावनु काम केलें. कोच्चींतु दर म्हयन्याक चलचें कवी संमेलनाचे प्रभार तीच्या मुखेलपणा खाल चलतालें. हांगेलें फाटल्यान दोग धुवो, जावंय आनी नात्तरां आसाय.
ತಬಲಾ, ಹಾರ್ಮೋನಿಯಂ, ಕೀಬೋರ್ಡ, ಕೋಳಲ ಫುಕಟ ತರಬೇತಿ
ಮಂಗಳೂರು: ಸಾಂಸ್ಕೃತಿಕ ಕಾರ್ಯಕ್ರಮಾದ್ವಾರಿ ಜಿ.ಎಸ್. ಬಿ ಸಮಾಜಾಚೆ ಚೆರಡುವಾ° ಮಧೆ° ವ್ಯಕ್ತಿತ್ವ ವಿಕಸನ ಕರಚೆ ನದರೇನ ಸಾಧನಾ ಬಳಗ (ರಿ) ಮಂಗಳೂರು ಹಾಂನಿಂ ತಿಸ್ರೆ ದಾಕೂನ ಸ್ಹವೆ ಕಕ್ಷಾಚೆ 20 ಚೆರಡುವಾಂಕ ಚಾರ ವರಸ° ತಬಲಾ, ಹಾರ್ಮೋನಿಯಂ, ಕೀಬೋರ್ಡ, ಕೋಳಲ ಫುಕಟ ತರಬೇತಿ ದಿವಚೆ ಯೋಜನಾ ಶುರು ಕೆಲ್ಯಾ. ತ್ಯಾ ನಂತಾ° ಆರ್ಥಿಕ ಜಾವನು ದುರ್ಭಲ ಆಸಚೆ 10 ಚೆರಡುವಾಂಕ ತಬಲಾ ಆನೀ ಕೀಬೋರ್ಡ ಫುಕಟ ಜಾವನು ದಿತಾತಿ ಮ್ಹಣು ಕಳವಣಿಂತು° ಸಾಂಗಲಾ°. ಪ್ರವೇಶ ಶುಲ್ಕ ನಾ ಮ್ಹಣು ಕಳವಣಿಂತು° ಸಾಂಗಲಾ°. ಪ್ರವೇಶ ಪತ್ರ° ಮಂಗಳೂರು ರಥಬೀದಿಚೆ ಪೈ ಟಿಫಿನಾಚೆ ಮುಕಾರ ಆಸಚೆ ಭಂಡಾರಕಾರ್ ಎಂಟರಪ್ರೈಸಸ್ ಹಾಂಗಾ ಮೇಳತಾತಿ. ಡಿಸೆಂಬರ್ 15, 2021 ಪ್ರವೇಶ ಪತ್ರ° ಪ್ರಾಪ್ತ ಕರಚಾಕ ಆಖೇರಿಚೊ ದೀವಸ ಜಾವನು ಆಸಾ.
ಜ. 2 - ಮಧುರ ಕೊಂಕಣಿ ಸಾಂಸ್ಕೃತೀಕ ಸ್ಪರ್ಧೊ
ಮಂಗಳೂರು: ಕೊಂಕಣಿ ಭಾಶೆನ ಭಜನ, ಸುಗಮ ಸಂಗೀತ ಆನೀ ಸಮೂಹ ನೃತ್ಯ ಪ್ರದರ್ಶನಾ ಬದಲ ಲೋಕಾ° ಮಧೆ° ಉಮೇದಿ ವಾಡೋಚೆ ನದರೇನ ಸಾಧನಾ ಬಳಗ (ರಿ.) ಮಂಗಳೂರು ಹಾಂನಿ° ಜ.2, 2022ಕ ಕೊಡಿಯಾಲಬೈಲಾಚೆ ಕೆನರಾ ಗರ್ಲ್ಸ ಹೈಸ್ಕೂಲಾಚೆ ಸುಧೀಂದ್ರ ಸಭಾ ಭವನಾಂತು° ‘ಮಧುರ ಕೊಂಕಣಿ – 2022’ ಕಾರ್ಯಕ್ರಮ ಆಯೋಜನ ಕೆಲಾ. ಜೂನಿಯರ್ ಆನೀ ಸೀನಿಯರ್ ವಿಭಾಗಾಂತು° ಚಲಚೆ ಸ್ಪರ್ಧೆಚೆ ವಿಜೇತಾಂಕ ನಗದ ಇನಾಂ ದಿತಾತಿ ಆನಿ ಸ್ಪರ್ಧೇಕ ಪ್ರವೇಶ ಶುಲ್ಕ ನಾ ಮ್ಹಣು ಕಳವಣಿಂತು° ಸಾಂಗಲಾ°. ಪ್ರವೇಶ ಪತ್ರ° ಮಂಗಳೂರು ರಥಬೀದಿಚೆ ಪೈ ಟಿಫಿನಾಚೆ ಮುಕಾರ ಆಸಚೆ ಭಂಡಾರಕಾರ್ ಎಂಟರಪ್ರೈಸಸ್ ಹಾಂಗಾ ಮೇಳತಾತಿ.
‘ಕೊಂಕಣಿ ಶಬ್ದ ರತ್ನಾಕರ’ ಮಂದರ್ಕೆ ಮಾಧವ ಪೈ ಅಂತರಲೆ
ಶಿವಮೊಗ್ಗ: ಕೊಂಕಣಿ ಸಾಹಿತ್ಯ ಜಗತ್ಯಾಕ ‘ಕನ್ನಡ-ಕೊಂಕಣಿ ರತ್ನ ಕೋಶ’ ಆನೀ ‘ಕೊಂಕಣಿ ಶಬ್ದ ವಿಹಾರ’ ತಸಲೆ ದೇಣೆ ದಿಲೆಲೆ ಸಂಸ್ಕೃತ, ಕೊಂಕಣಿ ಆನೀ ಕನ್ನಡ ಪಂಡಿತ ಮಂದರ್ಕೆ ಮಾಧವ ಪೈ(91) ಆಜೀ ನ. 17ಕ ಶಿವಮೊಗ್ಗಾಚೆ ತಾಂಗೆಲೆ ಸ್ವಂತ ಘರಾಂತು° ಅಂತರಲೆ.
ಮದ್ರಾಸ ವಿಶ್ವ ವಿದ್ಯಾಲಯಾ ದಾಕೂನ 1950ತು° ವಿದ್ವಾನ್, 1973ತು° ಮೈಸೂರು ವಿಶ್ವವಿದ್ಯಾಲಯಾ ದಾಕೂನ ಪ್ರಥಮ ಶ್ರೇಣಿಂತು° ಕನ್ನಡ ಎಂ.ಎ, ಪ್ರಯಾಗ ಅಲಹಾಬಾದ ಹಿಂದಿ ವಿದ್ಯಾಲಯಾ ದಾಕೂನ ಹಿಂದಿ ಸಾಹಿತ್ಯ ರತ್ನ, ದಕ್ಷಿಣ ಭಾರತ ಹಿಂದಿ ಪ್ರಚಾರ ಸಭಾ ದಾಕೂನ ರಾಷ್ಟ್ರ ಭಾಷಾ ಪ್ರವೀಣ(ಹಿಂದಿ), ಮೈಸೂರು ವಿಶ್ವವಿದ್ಯಾಲಯಾ ದಾಕೂನ ಕನ್ನಡ ಡಿಪ್ಲೋಮಾ ಕೆಲೆಲೆ ಹಾಂನಿ° ಮುಳಾವೆ ಶಿಕ್ಷಣ ಕಾರ್ಕಳಚೆ ಎಸ್. ವಿ. ಟಿ. ಹಾಯರ್ ಎಲಿಮೆಂಟರಿ ಶಾಳಾ ಆನೀ ಶ್ರೀ ಭುವನೇಂದ್ರ ಸಂಸ್ಕೃತ ಮಹಾವಿದ್ಯಾಲಯಾಂತು° ಕೆಲೆಲೆ°.
ಕಾರ್ಕಳಾಂತು° ಎಂ. ನಾರಾಯಣ ಪೈ ಆನೀ ಲಕ್ಷ್ಮಿ ಬಾಯಿ ಹಾಂಗೆಲೊ ದುಸ್ರೊ ಪೂತು ಜಾವನು ಜಲ್ಮಾಕ ಆಯಿಲೆ ಹಾಂನಿ° 37 ವರಸ° ಸಾಗರ, ಭದ್ರಾವತಿ, ಆನಂದಪುರ° ಆನೀ ಉಡುಪಿಂತು° ಶಿಕ್ಷಕ ಜಾವನು ಸೇವಾ ದಿವನು 1988 ಇಸವಿಂತು° ಪ್ರಾಂಶುಪಾಲ ಜಾವನು ನಿವೃತ್ತ ಜಾಲೆಲೆ.
ಕೊಂಕಣಿ, ಕನ್ನಡ, ತುಳು, ಹಿಂದಿ, ಇಂಗ್ಲಿಷ್ ಆನೀ ಸಂಸ್ಕೃತ ಭಾಶಾ ಕಳತಲೆ ಹಾಂಕಾ° ಅಧ್ಯಯನ ಕರಚೊ ಆನೀ ಬರೊವಚೊ ಹವ್ಯಾಸ ಆಶಿಲೊ. ವಿಶೇಷ ಜಾವನು ಹಳೆಗನ್ನಡ ಕಾವ್ಯಾಂಚೆ ಅಧ್ಯಯನ ಕರತಲೆ ಹಾಂನಿ° ಅರ್ಥು ಜಾಯನಾತಿಲೆ ಮ್ಹಣು ಆಶಿಲೆ ಶಬ್ದಾಂಚೆ ಅರ್ಥ ಸೋದೂಚೆ° ಕರತಲೆ, ಹಾಂಗೆಲಿ ಕೃತಿ “ಶಬ್ದಾರ್ಥ ಗೌರವ” ಹಾಜೆ° ಪ್ರಕಟನ ಶಿವಮೊಗ್ಗಾಚೆ ಕರ್ನಾಟಕ ಸಂಘಾನ ಕೆಲೆಂಲೆ ಆಸಾ. ಹ್ಯಾ ನಂತಾ° ಬಸವಣ್ಣಾಲೆ ವಚನಾಂಚೆ ಅಧ್ಯಯನ ಕರನು ವಿಶೇಷ ಲೇಖನ ಸುತಾ ಹಾಂನಿ° ಬರಯಿಲೆ° ಆಸ.
ಹಾಂಗೆಲೆ ಹಸ್ತಾನ ಖೂಬ ಪುಸ್ತಕ° ಪ್ರಕಟ ಜಾಲ್ಯಾಂತಿ.
ಕನ್ನಡ ಕೃತಿಯೊ:
ಶ್ರೀ ಅರವಿಂದ ಸಾವಿತ್ರಿ – ಕನ್ನಡ ಅನುವಾದ
ಶ್ರೀ ಅರವಿಂದ ಮದರ್- ಕನ್ನಡ ಅನುವಾದ
ಶ್ರೀಮತಿ ಮತ್ತು ಭಾರತ
ಬೋಳಂತಕೋಡಿ ಶಂಕರ ಭಟ್ಟರು-ಜೀವನ ಸಾಹಿತ್ಯ
ಚೆನ್ನಿಗಕವಿ ಮುದ್ದಣ - ನಾಟಕ
ಶಬ್ಧಾರ್ಥ ಗೌರವ
ಅಗ್ನಿ ಕಮಲ - ದಿ| ಬಿ. ದಾಮೋದರ ಬಾಳಿಗಾರವರ ಬದುಕು ಹೀ ಕೃತಿಯೊ ವಿಶಿಷ್ಠ ಜಾವನು ಆಸಾತಿ.
ಕೊಡಿಯಾಲ ಖಬರ ಪತ್ರಿಕಾ ಶುರು ಜಾಯತ ದಾಕೂನ (ಚೌದ ವರಸ ದಾಕೂನ) ಹಾಗೆಲೆ ಅಂಕಣ ‘ಶಬ್ದ ವಿಹಾರ’ ನಿರಂತರ ಪ್ರಕಟ ಜಾಲಾಂ. ತಾಜೆ ಸಂಗ್ರಹ ಪುಸ್ತಕ ರೂಪಾರ ಸುತಾ ಪ್ರಕಟ ಜಾಲಾಂ. ಆತಂ ಕೊಡಿಯಾಲ ಖಬರ ವೆಬ್ ಪರ್ಟಲಾಂತು° ಸುತಾ ಹೆ° ಲಭ್ಯ ಆಸಾ. ಹಾಂನಿ° ಕೊಂಕಣಿ ಭಾಶೆಕ ದಿಲೆಲಿ ಸೇವಾ ಮಾನೂನ ಘೆವನು 2012 ಇಸವಿಂತು° ಕೊಡಿಯಾಲ ಖಬರ ಪತ್ರಿಕೆನ ಹಾಂಕಾ “ಕೊಂಕಣಿ ಶಬ್ದ ರತ್ನಾಕರ” ಬಿರುದು ದಿವನು ಸನ್ಮಾನ ಕೆಲೊ ಆಸಾ. ಹಾಂನಿ ಸಾಹಿತ್ಯ ಲೋಕಾಕ ದಿಲೆಲೆ ಜೀವಮಾನ ಸಾಧನಾ ಮಾನೂನ ಘೆವನು 2014 ವರಸಾಂತು° ಹಾಂಕಾ ಬಸ್ತಿ ವಾಮನ ಶೆಣೈ ಸೇವಾ ಪರಸ್ಕಾರ ಸುತಾ ಫಾವೊ ಜಾಲಾ.
ಹಾಂಗೆಲೆ ಕೊಂಕಣಿ ಭಾಶಾ ಕೃತಿಯೊ:
ಬಸವಾಮೃತ - ಬಸವಣ್ಣಾಲೆ° ವಚನಾಚೆ ಕೊಂಕಣಿ ಅನುವಾದ
ಕೊಂಕಣಿ ಭಾಷೆಚೆ° ಅಸ್ತಿತ್ವ
ಸಾವಿತ್ರಿ ಕಾವ್ಯಾಚೆ ಥೊಡೊ ವಾಂಟೊ ಕೊಂಕಣಿ ಅನುವಾದ
ಕೆಳದಿ ಆಡಳಿತಾಂತು° ಕೊಂಕಣಿ ಲೋಕ – ಸಂಶೋಧನಾ ಪ್ರಭಂದ
ಪುರಾಣಾoತು° ಗಣಪತಿ, ನಾರದಾಲೆ ಆನಿ ಹೇರ ಕಾಣಿಯೊ
ತೀನ ದಶಕ ದಾಕೂನ ಕನ್ನಡ ಆನೀ ಕೊಂಕಣಿ ಭಾಶೆನ ಲೇಖನ°
ಕೊoಕಣಿ ಆನೀ ಕನ್ನಡ ವಿಚಾರ ಸಂಕೀರ್ಣಾoತು° ಪ್ರಭಂದ ಮಂಡನ
ಪುರುಷಸೂಕ್ತ, ನಾರಯಣ ಸೂಕ್ತ, ಶ್ರೀ ಶಂಕರ ಗೀತ ಹಾಜೆ° ಕೊಂಕಣಿ ಅನುವಾದ
ಡಾ| ಅಶೋಕ ಪೈ ಹಾಂಗೆಲೆ ಮನೋವೈಜ್ಞಾನಿಕ ಕೃತಿಂಚೆ(ಉಷ ಕಿರಣ, ಮನೋಲೋಕ, ಮಾನಸ, ಚಿತ್ತ, ಚೇತನ) ಕೊಂಕಣಿ ಅನುವಾದ
ಕೊಂಕಣಿ ತದ್ಭವ ಸಂಸ್ಕೃತ ಕೋಶ, ಕನ್ನಡ-ಕೊಂಕಣಿ ಅರ್ಥಕೋಶ, ಕೊಂಕಣಿ ಅಕಾಡೆಮಿಚೆ ಮಹಾ ಮಾನೇಸ್ತ ಕೃತಿಕ ಬಿ. ದಾಮೋದರ ಬಾಳಿಗಾ ಹಾಂಗೆಲೆ ಬದಲ ಲೇಖನ
ದಕ್ಷಿಣ ಪಶ್ಚಿಮ ಏಷ್ಯಾಚೆ ಭಾಶೆಂಚೆ ಸಮ್ಮೇಳನಾಂತು° “ಕೊಂಕಣಿ ಲಿಪಿ” ಬದಲ ಪ್ರಭಂದ ಮಂಡನ ಹಾಂನಿ° ಕೆಲಾ°.
ದ್ಹಾ ವರಸ ಫುಡೆ ತಾಂಯ ಆಕಾಶವಾಣಿಚೆ ಚಿಂತನ ಕಾರ್ಯಕ್ರಮಾಂತು° ಹಾಂನಿ° ವಾಂಟೊ ಘೆತಲಾ. ಇತಿಹಾಸ ಅನುಸಂಧಾನ ಪರಿಷತ್, ಮಾನವಸಂಪನ್ಮೂಲ ಸಚಿವಾಲಯಾಚೆ ದಕ್ಷಿಣ ವಲಯಾ ಖಾತಿರ ಹಳೆಗನ್ನಡ ಕಾವ್ಯಾಂಚೆ ಅರ್ಥ ಸಂಕಲನ ಕಾರ್ಯಾಚಿ ಜವಾಬ್ದಾರಿ ಹಾಂಕಾ ಆಶಿಲಿ. ಧಾರ್ಮಿಕ, ಸಾಹೀತಿಕ ಉಪನ್ಯಾಸ, ಸ್ಮರಣ ಸಂಚಿಕೆಚೆ ಸಂಪಾದನ ಸುತಾ ಹಾಂನಿ° ಕರತಲೆ. ಕೊಂಕಣಿ ಜಾನಪದ ಸಾಹಿತ್ಯಾಚೆ ಸಂಗ್ರಹ ಕರಚೊ ಹವ್ಯಾಸ ಹಾಂಕಾ° ಆಶಿಲೊ.
ಕೊಂಕಣಿ ಭಾಶೆಚೆ ಶಬ್ದಾಂಚೆ ಮೂಳಾವೆ ಅಧ್ಯಯನ, ಹಳೆಗನ್ನಡ ಶಬ್ದಾ ಬದಲ ಗೊಂದೋಳು ಆಸಲ್ಯಾರಿ ಸಾಹಿತಿ ಲೋಕ ಹಾಂಕಾ° ಸಂಪರ್ಕ ಕರತಲೆ. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೆ ಸಾಂದೊ ಜಾವನುಯೀ ಸೇವಾ ದಿಲೆಲೆ ಹಾಂನಿ° ಶಿವಮೊಗ್ಗಾ ಕೊಂಕಣಿ ಭಾರತಿ ಸಂಘಾಚೆ ಉಪಕಾರ್ಯದರ್ಶಿ ಜಾವನೂಯಿ ಸೇವಾ ದಿಲ್ಯಾ. ಹಾಂನಿ° ಸಾಹೀತಿಕ ಜಗಾಕ ದಿಲೆಲಿ ಸೇವಾ ಮಾನೂನ ಘೆವನು ಹಾಂಕಾ° ಕುಂದಾಪುರಾoತು° ಘಡಲೆಲೆ ಕೊಂಕಣಿ ಸಾಹಿತ್ಯ ಸಮ್ಮೇಳನಾಚೆ ಅಧ್ಯಕ್ಷ ಸ್ಥಾನ, ಪಂಚ್ಕದಾಯಿ ಕೊಂಕಣಿ ಪತ್ರಿಕೆಚೆ ರಜತೋತ್ಸವ ಪ್ರಶಸ್ತಿ, ಕೊಂಕಣಿ ಅಕಾಡೆಮಿಚಿ ಸಾಹಿತ್ಯ ಪ್ರಶಸ್ತಿ ಸುತಾ ಫಾವೊ ಜಾಲ್ಯಾ. ಆರತಾ° ಕರ್ನಾಟಕ ಸರಕಾರಾಚೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆನ ಹಾಂಕಾ° ಬೆಂಗಳೂರಾoತು° ಸನ್ಮಾನ ಕೆಲೆಲೊ ಆಸಾ.
ರಂಗ ತರಬೇತಿ ಶಿಬಿರ ‘ಕೊಂಕಣಿ ಮಹಿಳಾ ರಂಗ ಸಂಸ್ಕೃತಿ”
ಮಂಗಳೂರು: ನಾವಾದೀಕ ಕೊಂಕಣಿ ಚಲನಚಿತ್ರ ನಿರ್ದೇಶಕು ಕಾಸರಗೋಡು ಚಿನ್ನಾ ಹಾಂಗೆಲೆ ಮಾರ್ಗದರ್ಶನಾರಿ ಆರತಾ° ಕೊಂಚಾಡಿ ಶ್ರೀ ವೆಂಕಟರಮಣ ದೇವಳಾಚೆ ಶ್ರೀ ವ್ಯಾಸ ಸಭಾಗೃಹಾಂತು° ದೋನ ದೀವಸಾಂಚೆ° ರಂಗ ತರಬೇತಿ ಶಿಬಿರ ‘ಕೊಂಕಣಿ ಮಹಿಳಾ ರಂಗ ಸಂಸ್ಕೃತಿ” ಆಯೋಜನ ಜಾಲೆ°. ನ. 6 ಆನೀ 7 ತಾರೀಕೆಕ ಘಡಲೆಲೆ ಹ್ಯಾ ಶಿಬಿರ ಕೊಂಕಣಿ ಕಲಾಕಾರ ಕೊಂಚಾಡಿ, ರಂಗ ಚಿನ್ನಾರಿ ಕಾಸರಗೋಡು(ರಿ.), ಕನ್ನಡ ಸಂಸ್ಕೃತಿ ಇಲಾಖೆ ಬೆಂಗಳೂರು ಹಾಂಗೆಲೆ ಜೋಡ ಆಶ್ರಯಾರಿ ಚಲೆ°. ಹ್ಯಾ ಶಿಬಿರಾಂತುA ಕೊಂಚಾಡಿ ಪರಿಸರಾಚೆ ಬಾಯಲ ಮನಶಾನಿ ಅಧಿಕ ಸಂಖ್ಯಾನ ವಾಂಟೊ ಘೆತಿಲೊ. ರಂಗ ನಟನಾ, ಮೇಕಅಪ್, ಸಂಗೀತ, ಲೈಟಿಂಗ್, ರಂಗಸಜ್ಜಿಕಾ ಆನೀ ಹೇರ ವಿಶಯಾರಿ ಹ್ಯಾ ಶಿಬಿರಾಂತು° ಮಾಹಿತಿ ಮೇಳಿ.
ಉದ್ಯಮಿ ನಂದಗೋಪಾಲ ಶೆಣೈ ಹಾಂನಿA ಶಿಬಿರಾಚೆ ಉಗ್ತಾವಣ ಕೆಲೆ°. ದೇವಳಾಚೊ ಆಡಳಿತ ಮಂಡಳಿಚೊ ಅಧ್ಯಕ್ಷ ಡಿ. ವಾಸುದೇವ ಕಾಮತ, ಜಿ. ರತ್ನಾಕರ ಕಾಮತ, ಕೆನರಾ ಚೆಂಬರ್ ಆಫ್ ಕಾಮರ್ಸ್ ಎಂಡ್ ಇಂಡಸ್ಟಿçÃಸ್ ಹಾಜೊ ಅಧ್ಯಕ್ಷ ಮಾರೂರು ಶಶಿಧರ್ ಪೈ, ಲೇಖಕಿ ಶಕುಂತಳಾ ಆರ್. ಕಿಣಿ ಮಾನಾಚೆ ಸೊಯ್ರೆ ಆಶಿಲೆ. ಕು. ಪ್ರಸನ್ನಾ ಪೈನ ಸೂತ್ರ ಸಂಚಾಲನ ಕೆಲೆ°. ಕಲಾವತಿ ಭಟ್ ಹಾಂನಿ° ಆಭಾರ ಮಾನಲೊ. ಹೇರ ದೀವಸು ಚಲೆಲೆ ಸಮಾರೋಪ ಸಮಾರಂಭಾAತು ಸಂಗೀತ ನಿರ್ದೇಶಕ ಚರಣಕುಮಾರ ಮಲ್ಯ ಹಾಂನಿ° ಮುಖೇಲ ಸೊಯ್ರೆ ಆಶಿಲೆ. ಕಾಸರಗೋಡ ಚಿನ್ನಾ ಹಾಂಕಾ ಸನ್ಮಾನ ಚಲೊ. ಉದ್ಯಮಿ ನಂದಗೋಪಾಲ ಶೆಣೈ ಜಿ. ರತ್ನಾಕರ ಕಾಮತ, ಶಕುಂತಳಾ ಆರ್. ಕಿಣಿ, ಶಶಿಭೂಷಣ ಕಿಣಿ, ಉಳ್ಳಾಲ ರಾಘವೇಂದ್ರ ಕಿಣಿ ಆನೀ ಮುರಳಿಧರ ಕಾಮತ ಉಪಸ್ಥಿತ ಆಶಿಲೆ. ವಿದ್ಯಾ ಎಂ. ಕಾಮತಾನ ಸೂತ್ರ ಸಂಚಾಲನ ಕೆಲೆ°.
ಸಾಧನಾ ಬಳಗಾಚೆ ಸ್ನೇಹ ಮಿಲನ
ಮಂಗಳೂರು: ಚೆರಡುವಾಂಕ ಆಮಗೆಲೆ ಸಂಸ್ಕೃತೀಚೆ ಬದಲ ತಯಾರ ಕರಚೊ ಸಂಸ್ಥೊ ಸಾಧನಾ ಬಳಗ ಹಾಂಗೆಲೆ 15ವೆ° ಸ್ನೇನಮಿಲನ ಕಾರ್ಯಕ್ರಮ ಆರತಾ° ಅ 31ಕ ವಿ. ಟಿ. ರಸ್ತೆಚೆ ಶ್ರೀ ಕೃಷ್ಣ ಮಂದಿರಾoತು° ಚಲೊ. ಮುಖೇಲ ಸೊಯ್ರೊ ಜಾವನು ಉದ್ಯಮಿ ಡಿ. ವಾಸುದೇವ ಕಾಮತ ಆನೀ ಶ್ರೀ ಕೃಷ್ಣ ಮಂದಿರಾಚೆ ಮೊಕ್ತೇಸರ ನರೇಶ ರಾಮದಾಸ ಕಿಣಿ ಆಯಿಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಚೆರಡುವಾನಿ ಸಂಗೀತ, ನೃತ್ಯ, ವಾದ್ಯ ಸಂಗೀತ, ವೇದ ಪಠಣ ಆನೀ ಹೇರ ವಿಷಯಾಂಚೆ ಪ್ರದರ್ಶನ ಕೆಲೆ°. ಸಾಧನಾ ಬಳಗಾಚೆ ಗೌರವಾಧ್ಯಕ್ಷ ನಂದಗೋಪಾಲ ಶೆಣೈ ಆನೀ ಸಂಘಟನಾ ಕಾರ್ಯದರ್ಶಿ ಸತೀಶ್ ಕುಮಾರ ಭಟ್ ಹಾಂನಿ° ಇನಾ° ವಾಂಟಿಲೆ°. ಸಂಪನ್ಮೂಲ ವ್ಯಕ್ತಿಂಕ ಸನ್ಮಾನ ಚಲೊ. ಬಳಗಾಚೊ ಸ್ಥಾಪಕಾಧ್ಯಕ್ಷ ಯು. ಪ್ರಕಾಶ ಶೆಣೈನ ಸಂವಾದ ಕಾರ್ಯಕ್ರಮ ಸಾಂಬಾಳನು ಹಾಡಲೊ. ಅಧ್ಯಕ್ಷ ಮರೋಳಿ ಸಬಿತಾ ಕಾಮತ ಹಾಂನಿ° ಸೂತ್ರ ಸಂಚಾಲನ ಕೆಲೆ°. ಶಕುಂತಳಾ ಆರ್. ಕಿಣಿ ಹಾಂಗೆಲೆ ಮಾರ್ಗದರ್ಶನಾರಿ ಮಂಜುಳಾ ಕಾಮತ, ಸಬಿತಾ ರಾವ, ವಿನುತಾ ಪೈ ಹಾಂನಿ° ಸಹಕಾರ ದಿಲೊ. ಕಾರ್ಯದರ್ಶಿ ಮಂಜುನಾಥ ಕಾಮತ ಉಪಸ್ಥಿತ ಆಶಿಲೆ. ಉಪಾಧ್ಯಕ್ಷ ರಾಘವೇಂದ್ರ ಕಿಣಿನ ಆಭಾರ ಮಾನಲೊ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
247. ಅಂದಾಜೋ
ಮೆಗೇಲೆ ಅಂದಾಜಾನ್ ತೆ ವಸ್ತುಕ ಶಂಬರ ರೂಪಾಯಿ ಆಸೂ ಪೂರೊ. ತಾಣೇ ಏಕ್ ಅಂದಾಜ್ಯಾರಿ ದೋನ್ಶೆ ಜನಾಂಚೆ ಪೇಟಿ ಕರಯಿಲಿ. ಹೇ ಉದ್ಘೃತ ವಾಕ್ಯಾಂತ ಅಂದಾಜೋ ಮ್ಹಣಚೋ ಜೋ ಶಬ್ದ ವಾಪರಲಾ ತಾಚೇ ವಿಷಿ ಸಮಜೂಯಾ. ಅಂದಾಜೋ ಮ್ಹಣಚೋ ಹೋ ಶಬ್ದ ಖ್ಹಂಚೇಯ ಏಕ ಅನುಮಾನಾನ ನಿಕ್ಕಿ ಕರಚೆ ವೇಳಾರಿ ವಾಪರಚೋ ಜಾವನು ಆಸೂನು, ಹೋ ಶಬ್ದ ಪಾಸರ್ಿ ಭಾಷೆಚೊ ಜಾವನು ಆಸಾ. ಅನ್ಯ ಭಾಷಾ ಶಬ್ದ ಸ್ವೀಕಾರ ನೇಮಾನ ಹೋ ಪಾಸರ್ಿ ಶಬ್ದ ಕೊಂಕಣೀಕ ಸ್ವೀಕಾರ ಕೆಲ್ಲಾ.
ಆನಿ ಹೋ ಶಬ್ದ ವಸ್ತುಚೆ ಮೌಲ್ಯ, ಸಂಖೋ, ಪರಿಮಾಣ ಸಾಂಗಚ್ಯಾಕ್ ಸಂಭವ ನಾಶಿಲ್ಯ ತೆದನಾ ಅನುಮಾನಾನ ಸಾಂಗಚೆ ವೇಳಾರಿ ಹೇ ವಾಪರತಾತಿ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 88 guests and no members online