Displaying items by tag: Konkani
ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಜಿ ಮಹಾಸಭಾ
ಮಂಗಳೂರು: ಆಮಗೆಲೆ ಲೋಕಾನ ಕೊಂಕಣಿ ಭಾಸ ಆನಿ ಸಾಹಿತ್ಯಾಚೆ ಸೇವಾ ಕರಕಾ ಮ್ಹಳೆಲೆ ಉದ್ದೇಶ ದವರನು ದೇವಾದಿನ ಜಿ. ಜಿ. ವಾಸುದೇವ ಪ್ರಭು ಹಾಂನಿ° 1981ಇಸವಿಂತು ಸ್ಥಾಪನ ಕೆಲೆಲೆ ಕೊಂಕಣಿ ಸಾಂಸ್ಕೃತೀಕ ಸಂಘ ಹಾಜಿ ಮಹಾಸಭಾ ಅ. 24ಕ ವಿ. ಟಿ. ರಸ್ತೆಚೆ ಶ್ರೀ ಕೃಷ್ಣ ಮಂದಿರಾoತು° ಚಲಿ. ಗೌರವಾಧ್ಯಕ್ಷ ಜಾವನು ಮುಕುಂದ ಕಾಮತ್, ನವೀನ ಅಧ್ಯಕ್ಷ ಜಾವನು ವೇದಮೂರ್ತಿ ದಿನೇಶ ಭಟ್, ಉಪಾಧ್ಯಕ್ಷ ಜಾವನು ಸವನಾಳ ಜನಾರ್ಧನ ರಾವ್, ಕಾರ್ಯದರ್ಶಿ ಜಾವನು ಮಮತಾ ಕಾಮತ, ಖಜಾಂಚಿ ಜಾವನು ವಸಂತ ರಾವ್, ಸಂಚಾಲಕ ಜಾವನು ಬಿಂದುಮಾಧವ ಶೆಣೈ, ಸಹಸಂಚಾಲಕಿ ಜಾವನು ದೀಪಾಲಿ ಖಂಬದಕೋಣೆ, ಸಾಂಸ್ಕೃತೀಕ ಕಾರ್ಯದರ್ಶಿ ಜಾವನು ಜಯಾ ಪೈ ಆನಿ ಗಜಾನನ ಶೆಣೈ, ಮಾಧ್ಯಮ ಕಾರ್ಯದರ್ಶಿ ಜಾವನು ಪಿ. ಸುರೇಶ ಶೆಣೈ ಹಾಂಗೆಲೆ ನೆಮಣೂಕ ಜಾಲೆಂ. ಸಲ್ಲಾ ಸಮಿತಿಕ ಆದಲೆ ಅಧ್ಯಕ್ಷ ಗೀತಾ ಸಿ. ಕಿಣಿ, ಎಂ. ಆರ್. ಕಾಮತ, ವೆಂಕಟೇಶ ಬಾಳಿಗಾ, ಗೊವೀಂದರಾಯ ಪ್ರಭು, ರತ್ನಾಕರ ಕುಡ್ವ, ನಿರಂಜನ ರಾವ್, ಅರುಣ್ ಜಿ. ಶೇಟ್, ಸಂತೋಷ ಶೆಣೈ ಹಾಂಗೆಲೆ ನೆಮಣೂಕ ಜಾಲೆ°. “ಕೊಂಕಣಿ ಸಾಂಸ್ಕೃತೀಕ ಸಂಘಾಚೊ ಇತಿಹಾಸ ಮಜಬೂತ ಆಸಾ. ಮುಕಾವಯಲೆ ದೀವಸಾಂತ ಕೊಂಕಣಿ ಭಾಸ ಆನಿ ಸಾಹಿತ್ಯಾಚೆ ಬದಲ ಖೂಬ ಕಾರ್ಯಕ್ರಮ ಕರತಾತಿ. ಸಗಟಾನ ಸಹಕಾರ ದೀವಕಾ” ಮ್ಹಣು ನವೀನ ಅಧ್ಯಕ್ಷ ದಿನೇಶ ಭಟ್ ಹಾಂನಿ° ಮಾಘಣಿ ಕೆಲಿ. ರತ್ನಾಕರ ಕುಡ್ವ ಹಾಂನಿ° ವರದಿ ವಾಚಲಿ. ಎಂ. ಆರ್. ಕಾಮತ ಹಾಂನಿ° ಲೇಖಪಾಕ ಮಂಡನ ಕೆಲೆ°.
ಕೊಂಕಣಿ ಭಾಸ ಉಲಯತಲೆ ಸರ್ವ ಸಮಾಜಾನಿ ಮೇಳನು ಭಾಶಾ ಸೇವಾ ಕರಕಾ - ನಂದಗೋಪಾಲ ಶೆಣೈ
ಮಂಗಳೂರು: “ಕೊಂಕಣಿ ಭಾಸ ಉಲೊವಚೆ ಲೋಕ ಸಾಬಾರ 42 ಸಮಾಜಾಂತು° ವಾಂಟೂನ ಗೆಲ್ಯಾಂತಿ. ತಾಂಗೆಲಿ ಭೊಲಿ ವ್ಹಿಂಗವ್ಹಿoಗಡ ಆಸಾ. ಹ್ಯಾ ಸರ್ವ ಲೋಕಾನಿ ಏಕ ಜಾವನು ಕೊಂಕಣಿ ಭಾಶೆಚಿ ಸೇವಾ ಕರಕಾ” ಮ್ಹಣು ಲೇಖಪರಿಶೋಧಕ ನಂದಗೋಪಾಲ ಶೆಣೈ ಹಾಂನಿ° ಸಾಂಗಲಾ°. ಚಲನಚಿತ್ರ ನಟು, ರಂಗಕರ್ಮಿ, ನಿರ್ದೇಶಕ ಕಾಸರಗೋಡು ಚಿನ್ನಾ ಹಾಂನಿ° ಭಾಷಾಂತರ ಕೆಲೆಲೆ ನಾಟಕ° “ಸೂಣೆ” ಆನೀ “ಸೂಣೆ ಬಾಲ” ಹ್ಯಾ ದೋನ ಕೃತಿಂಚೆ ಮೊಕಳಿಕ ಕರನು ತಾಂನಿ° ಉಲಯತಲೆ. “ಯುವ ಪೀಳಗಿಕ ಮಾತೃ ಭಾಸ ಕೊಂಕಣಿಚಿ ಸೇವಾ ಕರಚಾಕ ಲಾಗಿ ಹಾಡಚೆಂ ಅಸಲೆ ನಾಟಕಾಂಚೆ ನಿಮಿತ ಸಾಧ್ಯ ಆಸಾ” ಮ್ಹಣೂಯಿ ತಾಂನಿ° ಸಾಂಗಲೆ°.
ಕೊಂಕಣಿ ಸಾಂಸ್ಕೃತಿಕ ಸಂಘ, ಮಂಗಳೂರು ಹಾಂನಿ° ವಿ. ಟಿ. ರಸ್ತೆಚೆ ಕೃಷ್ಣ ಮಂದಿರಾoತು° ಆಯೋಜನ ಕೆಲೆಲೆ ಹ್ಯಾ ಸುವಾಳ್ಯಾಂತು° ಮಂದಿರಾಚೊ ಮೊಕ್ತೇಸರ ನರೇಶ ಆರ್. ಕಿಣಿ ಹಾಂನಿ° ಪ್ರಥಮ ಪ್ರತಿ ಸ್ವೀಕಾರ ಕೆಲಿ. ಮಂದಿರಾಚೆ ಸಭಾಗೃಹ ಕೊಂಕಣಿ ಭಾಶೆಚೆ ಶಕ್ತಿಕೇಂದ್ರ ಕರಕಾ ಮ್ಹಣು ಮಂದಿರಾಚೆ ಆಡಳಿತ ಮಂಡಳಿನ ಠರಯಲಾ°. ಕೊಂಕಣಿ ಭಾಶೆಚೆ ಖಂಚೆಯ ಕಾಮಾಕ ಆಮೀ ಸಂಪೂರ್ಣ ಸಹಕಾರ ದಿತಾತಿ ಮ್ಹಣು ತಾಂನಿ° ಭಾಷೈಲೆ°.
ಕೊಂಕಣಿ ವಾವ್ರಾಡಿ ರೋಯ್ ಕ್ಯಾಸ್ಟಲಿನೊ, ಕೊಡಿಯಾಲ ಖಬರ ಪಾಕ್ಷಿಕ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ, ರಂಗನಟು ಗೋಪಿನಾಥ ಭಟ್, ಉದ್ಯಮಿ ಕೆ. ಪಿ. ಪ್ರಶಾಂತ ರಾವ್, ಎಸ್. ಎಲ್. ಶೇಟ್ ಜ್ಯುವೆಲರ್ಸ್ ಎಂಡ್ ಡೈಮಂಡ್ ಹೌಸ್ ಹಾಜೆ ಪ್ರಶಾತ ಶೇಟ್ ಹಾಂನಿ° ಶುಭಾಷಯ ಪಾಟಯಲೊ.
ಲೇಖಕಿ ಶಕುಂತಳಾ ಆರ್. ಕಿಣಿ ಹಾಂನಿ° ಪುಸ್ತಕಚೆ ಬದಲ ಉಲಯಲಿಂತಿ. “ಹ್ಯಾ ದೋನ ನಾಟಕಾಂತು° ಆಯಚೆ ಆಡಳಿತ ವ್ಯವಸ್ಥೆಚೆ ವಿಮರ್ಶಾ ಕೆಲೆಲೆಂ ದಿಸೂನ ಯೆತಾ” ಮ್ಹಣು ತಾಂನಿ° ಸಾಂಗಲೆ°.
“ಸಾಹಿತ್ಯ ರಚನ ಸುಲಭ ನ್ಹಹಿ°. ತಾಜೆ ಮಾಕ್ಷಿ ಖೂಬ ಕಾಮ ಆಸಾ. ಹಾಂವ° ಮೆಗೆಲೆ ವ್ಯಾರಾ ಮಧೆ° ಹೆ° ಕರತಾ°. ಸಾಹಿತಿ ಲೋಕಾಂಕ ಕೊಂಕಣಿ ಸಮಾಜನ ದಿವಚೊ ಪಾಟಿಂಬೊ ಖೂಭ ಊಣೆ ಆಸಾ. ಥೊಡೆ ಉದಾಋ ಮನಚೆ ದಾನಿ ಲೋಕ ಮದದ ಕರತಾತ ದೆಕೂನ ಸಹಿತಿ ಲೋಕಾಲಿ ಉಮೇದಿ ಭಾಗನಿ. ಸಗಟಾನ ಕೊಂಕಣಿ ಪುಸ್ತಕ° ಖರೀದಿ ಕರನು ಸಾಹಿತಿಲಿ ಉಮೇದಿ ವಾಡೋಕಾ” ಮ್ಹಣು ಲೇಖಕ ಕಾಸರಗೋಡು ಚಿನ್ನಾ ಹಾಂನಿ° ಸಾಂಗಲೆ°. ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ತರಪೇನ ಕಾಸರಗೋಡು ಚಿನ್ನಾ ಹಾಂಕಾ° ಸನ್ಮಾನ ಚಲೊ.
ಕೊoಕಣಿ ಸಾಂಸ್ಕೃತಿಕ ಸಂಘಾಚೊ ಖಜಾಂಚಿ ಎಂ. ಆರ್. ಕಾಮತ ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಸಂತೋಷ ಶೆಣೈನ ಆಭಾರ ಮಾನಲೊ. ರತ್ನಾಕರ ಕುಡ್ವ ಹಾಂನಿ° ಸೂತ್ರಸಂಚಾಲನ ಕೆಲೆ°. ಅಧ್ಯಕ್ಷ ಗೋವಿಂದರಾಯ ಪ್ರಭು ಉಪಸ್ಥಿತ ಆಶಿಲೆ.
ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ಸದಸ್ಯಾಲೊ ದಿವಸ
ಮಂಗಳೂರು: 1981 ಇಸವಿ ದಾಕೂನ ಕೊಂಕಣಿ ಭಾಸ ಆನಿ ಸಂಸ್ಕೃತಿಚೆ ಸೇವಾ ಕರನು ಆಸಚೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘಾಚೆ ಸದಸ್ಯಾಲೊ ದಿವಸ ಆರತಾ° ಮಂಗಳೂರಚೆ ನಲಂದಾ ಶಾಳೆಚೆ ಸಭಾಂಗಣಾoತು ಘಡಲೊ. ಅಧ್ಯಕ್ಷ ಗೊವಿಂದರಾಯ ಪ್ರಭು, ಕರ್ಯದರ್ಶಿ ರತ್ನಾಕರ ಕುಡ್ವ, ಖಜಾಂಚಿ ಎಂ. ಆರ್. ಕಾಮತ ಆನೀ ಹೇರಾನಿ ಸದಸ್ಯಾಲೆ ಖಾತಿರ ವ್ಹಿಂಗವ್ಹಿoಗಡ ಖೇಳ ಆಯೋಜನ ಕೆಲೆಲೆ. ಸಿ. ಡಿ. ಕಾಮತ್, ಕಸ್ತೂರಿ ಕಾಮತ್, ಚಂದ್ರಿಕಾ ಬಾಳಿಗಾ, ಪ್ರಭಾ ಭಟ್ ಆನಿ ವೆಂಕಟೇಶ ಬಾಳಿಗಾ ಹಾಂನಿ° ಪ್ರಾಯೋಜಕ ಆಶಿಲೆ. ಸದಸ್ಯಾನಿ ಛದ್ಮವೇಶ, ಕವಿತಾ ವಾಚನ, ಪದ ಸಾಂಗಚೆ° ಆನಿ ನೃತ್ಯ ಪ್ರದರ್ಶನ ಕೆಲೆ°. ಸಿ. ಡಿ. ಕಾಮತ ಆನಿ ರಾಮದಾಸ ಗುಲ್ವಾಡಿ ವರೇಣ್ಯಾರ ಆಶಿಲೆ. ಸಂತೋಷ ಶೆಣೈನ ಸೂತ್ರ ಸಂಚಾಲನ ಕೆಲೆ°. ಗೀತಾ ಪ್ರಭು, ಪವಿತ್ರಾ ಕುಡ್ವ, ಪೂರ್ಣಿಮಾ ಕಿಣಿ ಆನೀ ಹೇರಾನಿ ಸಹಕಾರ ದಿಲೊ. ಕೊವಿಡ ಆನಿ ಲಾಕಡೌನ್ ಮ್ಹಣು ಘರಾಕಡೆನಚಿ ಆಶಿಲೆ ಸದಸ್ಯಾಂಕ ಘರಾ ಭಾಯರ ಯೆವನು ಲೋಕಾ ಸಾಂಗತ ಮೇಳಚಾಕ ಹೊ ಏಕ ಅವಕಾಶ ಜಾಲೊ.
ಕೊಂಕಣಿಚೆ° ಫುಡಾರ ತರನಾಟ್ಯಾನಿ ಸಾಂಬಾಳಕಾ – ವೆಂಕಟೇಶ ಬಾಳಿಗಾ
ಮಂಗಳೂರು: “ಆಮಗೆಲೆ ಮ್ಹಾಲ್ಗಡೆಲೆ° ಝುಜಾ ನಿಮಿತ ಆಮಗೆಲಿ ಮಾಯಭಾಸ್ ಕೊಂಕಣಿಕ ಮೇಳಕಾ ಆಶಿಲೆ° ಸಗಟ ಸರಕಾರಿ ಸವಲತ್ತ ಮೇಳೆಲೆ° ಆಸಾ. ಗೊಂಯ ರಾಜ್ಯಾಚಿ ರಾಜಭಾಸ ಕೊಂಕಣಿ ಆಸಾ. ಕೇಂದ್ರ ಸಾಹಿತ್ಯ ಅಕಾಡೆಮಿ ಕೊಂಕಣಿ ಸಾಹಿತ್ಯಾಕ ಪ್ರಶಸ್ತಿ ದಿತಾ. ಕೊಂಕಣಿ ಭಾಶೆಕ ದೇಶಾಚೆ ಸಂವಿಧಾನಾಚೆ ಆಟ್ವೆ ವಳೇರಿಂತು° ಮಾನ್ಯತಾ ಮೇಳನು 25 ವರಸ° ಜಾಲ್ಯಾಂತಿ. ಕರ್ನಾಟಕ ಸರಕಾರಾನ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನಾ ಕರನು 25 ವರಸ° ಜಾಲ್ಯಾಂತಿ. ಕೊಂಕಣಿ ಸಾಹಿತ್ಯಾಕ ಜಾe್ಞನಪೀಠ ಆನಿ ಸರಸ್ವತಿ ಸಮ್ಮಾನ ಪುರಸ್ಕಾರ ಲಾಭಲ್ಯಾ. ಕರ್ನಾಟಕಾಚೆ ಕರಾವಳಿ ಜಿಲ್ಲಾ ಜಾವನು ಆಸಚೆ ದಕ್ಷಿಣ ಕನ್ನಡ, ಉಡುಪಿ ಆನಿ ಉತ್ತರ ಕನ್ನಡ ಜಿಲ್ಲೆಚೆ ಶಾಳೆಂತು್° ಸ್ಹವೆ ಕಕ್ಷಾ ದಾಕೂನ ಐಚ್ಛಿಕ ಭಾಸ ಜಾವನು ಕೊಂಕಣಿ ಶಿಖಚಾಕ ಅವಕಾಶ ಮೇಳನು 10 ವರಸ° ಜಾಲಿಂತಿ. ಕಾಲೇಜಾಂತು° ಕೊಂಕಣಿ ಭಾಶೆಚೆ ಅಧ್ಯಯನ ಕರಚಾಕ ಅವಕಾಶ ಆಸಾ. ಆಮಗೆಲೆ ಮಾತೃಭಾಸ ಕೊಂಕಣಿಕ ಹೆ° ಸರ್ವ ಸುಲಭಾಯೆರಿ ಮೆಳನಿ. ಸಗಟಯೀ ಝುಜ ಕೆಲೆಲ್ಯಾನ ಮೆಳಾ°. ಜಾಲ್ಯಾರ ಆಜಿಕಯಿ ಕೊಂಕಣಿ ಶಿಕ್ಷಣ ಫಾವೊ ಕರತಲೆ ವಿದ್ಯಾರ್ಥಿ ಊಣೆ ಆಸಾತಿ. ವ್ಹಡಿಲ ಲೋಕ ಆಜಿಕಯಿ ಕೊಂಕಣಿ ಶಿಕ್ಷಣ ಫಾವೊ ಕೆಲ್ಯಾರ ಕಸಲೆ° ಮೆಳತಾ ಮ್ಹಣ ವಿಚಾರತಾತಿ.” ಮ್ಹಣು ಕೊಡಿಯಾಲ ಖಬರ ಪಾಕ್ಷಿಕ ಪತ್ರಿಕೆಚೊ ಸಂಪಾದಕ ವೆಂಕಟೇಶ ಬಾಳಿಗಾ ಮಾವಿನಕುರ್ವೆ ಹಾಂನಿ° ಸಾಂಗಲೆ°. ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಘಾಚೆ ಉಗ್ತಾವಣ ಕರನು ತಾಂನಿ ಉಲಯತಲೆ. “ಆಮಗೆಲೆ ಮುಕಾವಯಲೆ ಪೀಳಗಿಕ ಕೊಂಕಣಿ ಭಾಸ ವರೊಕಾ ಜಾಲ್ಯಾರ ಆಮೀ ಕೊಂಕಣಿ ಭಾಸ ಬರೊವಚೆಂ ಆನಿ ವಾಚೂಚೆ° ಕರಕಾ. ಕೊಂಕಣಿ ಲೋಕಾಂಕ ಹೊ ಸಂದೇಶ ಪಾವೊಚೆ° ಆಂದೋಲನ ರೂಪಾರಿ ಕರಕಾ. ಹ್ಯಾ ನದರೆನ ತರನಾಟ್ಯಾನಿ ಮುಕಾರ ಯೆವನು ಕಾಮ ಕರಕಾ” ಮ್ಹಣು ತಾಂನಿ° ಉಲೊ ದಿಲೊ.
ಡಾ| ಡೆನ್ನಿಸ್ ಫರ್ನಾಂಡಿಸ್ ಸುವಾಳ್ಯಾಚೆ ಅಧ್ಯಕ್ಷ ಆಶಿಲೆ. ಮಾಕ್ಷಿಚೆ 25 ವರಸ ದಾಕೂನ ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಸ್ಥೆನ ಕೊಂಕಣಿ ಭಾಶೆ ಬದಲ್ ಕೆಲೆಲೆ ವಾವ್ರಾ ವಿಷಯ ತಾಂನಿ° ಮಾಹಿತಿ ದಿಲಿ. ಚರ್ಚಾಂತು° ಕೊಂಕಣಿ ಯೆತರಿ ಕೊಂಕಣಿ ಭಾಸ ವಾಡಲಿ ಮ್ಹಣು ತಾಂನಿ° ಸಾಂಗಲೆ°. ಕಾಲೆಜಾಚೆ ವಿದ್ಯಾರ್ಥಿ ಕೊಂಕಣಿ ಭಾಸ ಆನಿ ಸಂಘಾಚೆ ಬದಲ ಖೂಬ ಉಮೇದಿ ದಾಕಯತ ಆಸಾತಿ. ಕೊಂಕಣಿ ಭಾಶೆಚೆ° ಫುಡಾರ ಬರೆ° ಆಸಾ ಮ್ಹಣು ತಾಂನಿ° ಸಾಂಗಲೆ°.
ಸಂಘಾಚಿ ಕಾರ್ಯದರ್ಶಿ ವಿಯೋಲಾ ಲೂವಿಸಾನ ಸ್ವಾಗತಾಚೆ° ಉತ್ರ° ಸಾಂಗಲಿ°. ಮನಿಶ್ ಪಿಂಟೋನ ಡಿಜಿಟಲ್ ವಾರ್ಷಿಕ ಪತ್ರ ‘ಪರ್ಜಳ’ ಪ್ರಕಟ ಕೆಲೆ°. ಎಶ್ಲಿನಾ ಡಿಸೋಜಾನ ಆಬಾರ ಮಾನಲೊ. ರೀಯ ಪಿಂಟೋನ ಸೂತ್ರ ಸಂಚಾಲನ ಕೆಲೆ°. ಕೇವಿನ್ ಮಸ್ಕರೇನ್ಹಸ್ ಆನಿ ಪಂಗಡಾನ ನೃತ್ಯ, ರಾಹುಲ್ ಆನೀ ಪಂಗಡಾನ ನಾಟ್ಕುಳೆ° ಆನೀ ರಿಜಿಯಾ ಗೋಮ್ಸ್ ಆನೀ ಪಂಗಡಾನ ಸಮೂಹ ಗಾಯನ ಪ್ರಸ್ತುತ ಕೆಲೆ°. ಅಬ್ದುಲ ರಹಮಾನ ಇರ್ಷಾದ ಹಾಂನಿ ರಚಯಿಲೆ° ದ್ಯೇಯ ಗೀತೆಚೆ ಸಾಂಗತ ಕಾರ್ಯಕ್ರಮ ಶುರು ಜಾಲೊ.
ಖಬರೊ ಬರೊವಚೆ ಸ್ಪರ್ಧೊ
ಖಬರ ಬರೊವಚೆ° ಮ್ಹಳ್ಯಾರ ಕಿತೆ° ?
ಪತ್ರಿಕೋದ್ಯಮಾಂತ ಖಬರಚ ಜೀವಾಳ. ಆಮಕಾ ಸಗಟಾಂಕ ಖಬರ ವಾಚುಚೆ° ಮ್ಹಳ್ಯಾರ ಖೂಬ ಉಮೇದಿ ಆಸಾ. ಜಾಲ್ಯಾರ ಖಬರ ಬರೊವಚೆ° ಮ್ಹಳ್ಯಾರ ತಿತಲೆ ಸುಲಭ ನಾ. ತೀ ಎಕ ಕಲಾ. ಕೊಂಕಣಿ ಲೊಕಾ ಮಧೆ° ಕೊಂಕಣಿ ಭಾಶೆಂತ ಬರೊವಚೆ ಪತ್ರಕರ್ತ ಊಣೆ ಆಸಾತಿ. ತ್ಯಾ ದೆಕೂನ ಹೊ ಸ್ಪರ್ಧೊ ಆಯೋಜನ ಕೆಲಾ.
ಸ್ಪರ್ಧೇಚೆ ವಿವರ
1. ಹ್ಯಾ ಸ್ಪರ್ಧೇಂತು ವಾಂಟೊ ಘೆವಚಾಕ ತುಮೀ ತುಮಗೆಲೆ ಗಾಂವಾಂತ ಮಾಕ್ಷಿಚೆ 15 ದೀವಸಾಂತ ಘಡಲೆಲೆ ಖಂಚೆಯ ಸಮಾರಂಭ ಯಾ ಹೇರ ವಿಷಯಾರಿ (ಅಪಘಾತ, ತನಿಖಾ ವರದಿ, ಮರಣ, ಖಂಚೆಯ್ ಸಮಸ್ಯಾ) ಕನಿಷ್ಠ 150 ಶಬ್ದಾಚೆ ಭಿತರ ಕೊಂಕಣಿ ಭಾಸ ವಾಪರೂನ ಖಬರ ಬರೊವನು ಧಾಡೂನ ದಿವಕಾ.
2. ಖಬರೆಚೆ ಸಾಂಗತಾ ತ್ಯಾ ಖಬರೆಚೆ° ಏಕ ಯಾ ದೋನ ತಸ್ವೀರ° ಧಾಡಚೆ ಗರಜೆಚೆ° ಆಸಾ.
3. ಖಬರ ಕಾಲ್ಪನಿಕ ಆಸಚಾಕ ಜಾಯನಾ.
4. ಸ್ಪರ್ಧೇಚೆ ಆಯೋಜಕಾಲೆ ತೀರ್ಮಾನ ಅಂತಿಮ.
5. ಖಬರ ಧಾಡಚಾಕ ಆಖೇರಿಚೊ ದಿವಸ 20 ಅಕ್ಟೋಬರ್ 2021 ಜಾವನು ಆಸಾ.
ಖಬರೊ ಬರೊವಚೆ ಸ್ಪರ್ಧೆಚೆ ಇನಾಮಾ°
1. ಪಯಲೆ° ಇನಾ° – 1,000 ರೂಪಯೊ
2. ದುಸರೆ° ಇನಾ° – 750 ರೂಪಯೊ
3. ತಿಸರೆ° ಇನಾ° – 500 ರೂಪಯೊ.
4. ದೋನ ಪ್ರೋತ್ಸಾಹಕ ಇನಾಮಾಂ – 250 ರೂಪಯೊ.
ಆಮಗೆಲೊ ಪತ್ತೊ
ವೆಂಕಟೇಶ ಬಾಳಿಗಾ ಮಾವಿನಕುರ್ವೆ, ಸಂಪಾದಕ, ಕೊಡಿಯಾಲ ಖಬರ, 304, ಪೂಜನ್ ಅಪಾರ್ಟಮೆಂಟ್, ವಿ. ಟಿ. ರೋಡ್, ಮಂಗಳೂರು - 575001
ಈಮೇಲ್:
This email address is being protected from spambots. You need JavaScript enabled to view it.
or
This email address is being protected from spambots. You need JavaScript enabled to view it.
ವಾಟ್ಸಪ್: 9880701747
ವಿಠಲ್ ಕುಡ್ವ ಹಾಂಕಾ° ಶ್ರದ್ಧಾಂಜಲಿ ಅರ್ಪಣ
ಕೊಂಕಣಿ ಸಾಂಸ್ಕೃತೀಕ ಸಂಘಾಚೊ ಆದಲೊ ಅಧ್ಯಕ್ಷ, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಖಜಾಂಚಿ, ರಾಘವೇಂದ್ರ ಮಿತ್ರ ಮಂಡಳಿಚೊ ಅಧ್ಯಕ್ಷ ಸಮಾಜ ಸೇವಕ, ಭಾರತೀಯ ಜನತಾ ಪಾರ್ಟಿಚೊ ನಿಷ್ಠಾವಂತ ಕಾರ್ಯಕರ್ತ ವಿಠಲ ಕುಡ್ವ (54 ವರಸ) ಸೆ. 13ಕ ಸಕಾಳಿ ಬಜೀಲಕೇರಿಚೆ ಸ್ವಗೃಹಾಂತು° ಹೃದಯಾಘಾತಾನ ಅಂತರಲೊ. ಆರತಾ° ಸೆ.18ಕ ಮಂಗಳೂರಾoತು° ತಾಂಗೆಲೆ ಆತ್ಮಾಕ ಶಾಂತಿ ಮಾಘಚಾಕ ಶ್ರದ್ಧಾಂಜಲಿ ಸಭಾ ಚಲಿ. ಮಂಗಳೂರು ದಕ್ಷಿಣ ಕ್ಷೇತ್ರಾಚೊ ಶಾಸಕ ವೇದವ್ಯಾಸ ಕಾಮತ ಹಾಂನಿ° ಭಾಷ್ಪಾಂಜಲಿ ಅರ್ಪಣ ಕೆಲಿ. “ವಿಠಲ ಕುಡ್ವ ಹಾಂನಿ° ಬಾರತೀಯ ಜನತಾ ಪಾರ್ಟಿಚೆ ನಿಷ್ಠಾವಂತ ಕಾರ್ಯಕರ್ತ ಆಶಿಲೆ. ತಾಂಗೆಲೆ ಸ್ಥಾನ ಕೋಣಯಿ ಭರಚಾಕ ಜಾಯನಾ. ಪಕ್ಷಾಕ ಆನೀ ಸಮಾಜಾಕ ಹೆ° ಎಕ ಹೊಡ ನಷ್ಟ” ಮ್ಹಣು ತಾಂನಿ° ಸಾಂಗಲೆ°. ವಿಠಲ ಕುಡ್ವ ಹಾಂಗೆಲೆ ಕುಟುಂಬೆಚೆ ಸಾಂಗತ ಆಮೀ ಸಗಟ ಆಸತಾತಿ ಮ್ಹಣು ತಾಂನಿ ಭಾಷೈಲೆ°. ರೊಟರಿ ಸಂಸ್ಥೆ ತರಪೇನ ಕೃಷ್ಣ ಶೆಟ್ಟಿ ಹಾಂನಿ° ಶ್ರದ್ಧಾoಜಲಿ ಅರ್ಪಣ ಕೆಲೆ. ರೊಟರಿ ಸಂಸ್ಥೆ ತರಪೇನ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಬಿ. ಇ. ಎಂ ಹೈಸ್ಕೂಲಾಕ 25 ಕಂಪ್ಯೂಟರ° ದಿತಾತಿ ಮ್ಹಣು ತಾಂನಿ° ಕಳಯಲೆ°. ಶ್ರೀ ಕೃಷ್ಣ ಮಂದಿರಾಚೆ ತರಪೇನ ಉಲಯತಾ ಮೋಕ್ತೆಸರ್ ನರೇಶ ಕಿಣಿ ಹಾಂನಿ° ಮಂದಿರಾಚೆ ಪಯಲೆ ಮ್ಹಾಳಿಯೆರ ಆಸಚೆ ಶ್ರೀಕೃಷ್ಣಾಲೆ ವಿಗ್ರಹಾಕ ವಿಠಲ ಕುಡ್ವ ಹಾಂಗೆಲೆ ನಾಂವಾರಿ ಮಾಂಟೊವ ಬಸಯತಾತಿ ಮ್ಹಣು ಕಳಯಲೆ°. ಕೊಂಕಣಿ ಭಾಶಾ ಮಂಡಳಾಚೊ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಖಜಾಂಚಿ ಎಂ. ಆರ್. ಕಾಮತ, ಸಾಧನಾ ಬಳಗಾಚೆ ತರಪೇನ ಪ್ರಕಾಶ ಶೆಣೈ, ಬಿ. ಇ. ಎಂ ಹೈಸ್ಕೂಲಾಚಿ ನಿವೃತ್ತ ಶಿಕ್ಷಕಿ, ಛಾಯಾಗ್ರಾಹಕ ಸಂತೋಷ ಶೆಣೈ ಹಾಂನಿ° ಶೃದ್ಧಾಂಜಲಿ ಅರ್ಪಣ ಕರನು ಉಲಯಲಿಂತಿ. ಪದ್ಮಿನಿ ಕಾಮತ ಹಾಂನಿ° ಪ್ರಾರ್ಥನಾ ಸಾಂಗಲಿ.
ವಿಠಲ್ ಕುಡ್ವ ದೇವಾದಿನ
ಕೊಂಕಣಿ ಸಾಂಸ್ಖೃತೀಕ ಸಂಘಾಚೊ ಆದಲೊ ಅಧ್ಯಕ್ಷ, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಖಜಾಂಚಿ, ರಾಘವೇಂದ್ರ ಮಿತ್ರ ಮಂಡಳಿಚೊ ಅಧ್ಯಕ್ಷ ಸಮಾಜ ಸೇವಕ, ಭಾರತೀಯ ಜನತಾ ಪಾರ್ಟಿಚೊ ನಿಷ್ಠಾವಂತ ಕಾರ್ಯಕರ್ತ ವಿಠಲ ಕುಡ್ವ (54 ವರಸ) ಆಜೀ (13.09.2021) ಸಕಾಳಿ ಬಜೀಲಕೇರಿಚೆ ಸ್ವಗೃಹಾಂತುº ಹೃದಯಾಘಾತಾನ ಅಂತರಲೊ. ಸಮಾಜಸೇವಕ ಆನೀ ಸಂಘಟಕ ಆಶಿಲೆ ಹಾಂನಿ ಹ್ಯಾ ಕೊವಿಡ್ ಮಹಾಮಾರಿಚೆ ವೇಳಾರ ಮಾಕ್ಷಿಚೆ ದೇಡ ವರಸ ತಾಂಗೆಲೆ ಪಂಗಡಾಚೆ ಸಾಂಗತ ನಿರಂತರ ಆಶಕ್ತ ಲೋಕಾಂಕ ಖಾಣ ಜೇವಣ ವಾಂಟಚೆº, ದೀನಸಿ ಕಿಟ್ ವಾಂಟಚೆº ಕರನು ಆಯಿಲೆ. ಆರತಾº ತಾಂನಿº ವ್ಯಾಕಸಿನೇಶನ್ ಕಾರ್ಯಾಂತೂಯಿ ಖೂಬ ಸಕ್ರಿಯ ಆಶಿಲೆ. ಬಾಯಲ ವಿದ್ಯಾ, ಚೆಲೊ ಅನಂತ ಆನೀ ದ್ಹುವ ಅದಿತಿಕ ಸೋಡೂನ ತಾಂನಿº ಗೆಲ್ಯಾಂತಿ. ಕೊಂಕಣಿ ಭಾಶಾ ಮಂಡಳಾಚೊ ಅಧ್ಯಕ್ಷ ವೆಂಕಟೇಶ ಎನ್. ಬಾಳಿಗಾ, ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ಬಸ್ತಿ ವಾಮನ ಶೆಣೈ, ಕೊಂಕಣಿ ಸಾಂಸ್ಕೃತಿಕ ಸಂಘಾಚೆ ಅಧ್ಯಕ್ಷ ಗೋವಿಂದರಾಯ ಪ್ರಭು, ಕೊಂಕಣಿ ಅಕಾಡೆಮಿಚೊ ಸಾಂದೊ ಅರುಣ್ ಶೇಟ್, ಕೊಂಕಣಿ ವಾವ್ರಾಡಿ ಗೀತಾ ಸಿ. ಕಿಣಿ, ರತ್ನಾಕರ ಕುಡ್ವ, ಎಂ. ಆರ್. ಕಾಮತ, ಸಂತೋಷ ಶೆಣೈ ಹಾಂನಿº ಶೃದ್ಧಾಂಜಲಿ ಸಾಂಗಲ್ಯಾ.
ಪುತ್ತೂರು - “ಕೊಂಕಣಿ ಮಾನ್ಯತಾಯ ದೀವಸ”
ಚಿಂತನಾ ಸಾಂಸ್ಕೃತೀಕ ಕಲಾವೇದಿಕೆ ಪುತ್ತೂರು ಹಾಂನಿº ಅಗಸ್ಟ್ 24ಕ ಮಾತೃಛಾಯಾ ಹಾಲಾಂತುº “ಕೊಂಕಣಿ ಮಾನ್ಯತಾಯ ದೀವಸ” ಆಚರಣ ಕೆಲೊ. ಸಂಗೀತಗಾರ ಆನೀ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಚೊ ಆದಲೊ ಸಾಂದೊ ಪುತ್ತೂರು ಪಾಂಡುರoಗ ನಾಯಕ ಮುಖೇಲ ಸೊಯ್ರೆ ಆಶಿಲೆ. “ಕೊಂಕಣಿ ಭಾಷಾ ಸಾಹಿತ್ಯ ಚಡ ಸಂಖೆರಿ ರಚನ ಜಾವಕಾ. ಕೊಂಕಣಿ ಸಂಗೀತ, ಯಕ್ಷಗಾನ, ಕಥಾ, ಕವನ ರಚನ ಕರಚೆ ಬದಲ ಕಾರ್ಯಾಗಾರ ಆಯೋಜನ ಕರಕಾ” ಮ್ಹಣು ತಾಂನಿº ಸಾಂಗಲೆº. ನಿವೃತ್ತ ಕೆ.ಎ.ಎಸ್ ಅಧಿಕಾರಿ ವಿಜಯಕುಮಾರಿ ಶೆಣೈ ಮಾನಾಚಿ ಸಯ್ರಿಣಿ ಆಶಿಲಿ. “ಕೊಂಕಣಿ ಶಿಕ್ಷಣ ಫಾವೊ ಕರನು ತಾಜೆನ ಉದ್ಯೋಗ ಪ್ರಾಪ್ತ ಕರಚೆº ಪ್ರಯತ್ನ ಕರಕಾ” ಮ್ಹಣು ತೀಣೆ ಸಾಂಗಲೆº. ಅಕಾಡೆಮಿಚೊ ಆದಲೊ ಸಾಂದೊ ದಾಮೋದರ ಭಂಡಾರಕಾರ ಉಪಸ್ಥಿತ ಆಶಿಲೊ. “ಕೊಂಕಣಿ ಭಾಶೆಚೆ ಸಾಹಿತ್ಯ ಆನೀ ಸಂಸ್ಕೃತಿ ವಾಡೊಚಾಕ ಅಕಾಡೆಮಿ ಅನುದಾನ ದಿತಾ. ತಾಜೆ ಉಪೇಗ ಕರಕಾ” ಮ್ಹಣು ತಾಣೆ ಉಲೊ ದಿಲೊ. ಸಂಚಾಲಕಿ ವತ್ಸಲಾ ನಾಯಕ ಹಾಂನಿº ಸ್ವಾಗತಾಚೆ ಉತ್ರº ಸಾಂಗಲಿº. ಪೂರ್ಣಿಮಾ ಮಲ್ಯ ಸುವಾಳ್ಯಾಚಿ ಅಧ್ಯಕ್ಷೀಣ ಆಶಿಲಿ. “ಚೆರಡುವಾಂಕ ವ್ಹಡಿಲಾನಿ ಸಾನ ದಾಕೂನುಚೀ ಮಾತೃಭಾಸ ಕೊಂಕಣಿ ಬದಲ್ ಭರಮ ವಾಡೊಚೆº ಕರಕಾ” ಮ್ಹಣು ತೀಣೆ ಸಾಂಗಲೆº. ವಿಜಯಾ ಪ್ರಭುನ ಆಭಾರ ಮಾನಲೊ. ಸುಪ್ರಿಯಾ ಪೈನ ಪ್ರಾರ್ಥನಾ ಸಾಂಗಲಿ. ನಮೀತಾ ಪೈನ ಸೂತ್ರ ಸಂಚಾಲನ ಕೆಲೆº. ಲತಾ ಪೈನ ಪ್ರಾಸ್ತಾವಿಕ ಉತ್ರº ಸಾಂಗಲಿº.
ಅತ್ಯುತ್ತಮ ಕೊಂಕಣಿ ಪುಸ್ತಕ ಪುರಸ್ಕಾರಾಕ ಪುಸ್ತಕ ಆಮಂತ್ರಿತ
ಅತ್ಯುತ್ತಮ ಕೊಂಕಣಿ ಪುಸ್ತಕ ಪುರಸ್ಕಾರಾಕ ಪುಸ್ತಕ ಆಮಂತ್ರಿತ
ಡಾ.ಟಿ.ಎo.ಎ.ಪೈ ಅತ್ಯುತ್ತಮ ಪುಸ್ತಕ ಪುರಸ್ಕಾರ – 2020 ಕ ಕೊಂಕಣಿ ಪುಸ್ತಕ ಆಮಂತ್ರಿತ ಕೆಲ್ಲಾ. ಅಂತಿಮ ದಿವಸ ಸೆಪ್ಟೆಂಬರ್ 30, 2021. ಚಡ್ತಾವತ ಮಾಹಿತಿಕ www.drtmapaifoundation.com ಸಂಪರ್ಕ ಕರಾತಿ.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಚಾಕುಲಿ
ಚಾಕುಲಿ ನಾರಲಾ ಕಾತಳಿ ವಟ್ಟು ಖಾವಚ್ಯಾಕ ಭೌವ ರೂಚಿ. ದಾಂತ ನಾಶಿಲ್ಯಾನಿ ಚಾಕುಲಿ ಧಾಡಾನು ಖಾವಕಾ ಜಾತಾ. ವಯಿಲಾ ಹೇ ವಾಕ್ಯಾಂತ ಚಾಕುಲಿ ಮ್ಹಣಚೊ ಜೋ ಶಬ್ದು ವಾಪರಲಾ ತಾಜೊ ಅರ್ಥ ಸರ್ವಯಿ ಜಾಣಾ. ಹೆ ಏಕ ತಳಪಾ ಖಾಣ ಜಾವನು ಆಸಾ. ಹೋ ಶಬ್ದು ಸಂಸ್ಕೃತ ಭಾಶೆಚೊ ಜೋ ಶಷ್ಕುಲಿ ಮ್ಹಣಚೊ ಶಬ್ದು ಆಸಾ ತಾಜೆ ತದ್ಭವ ರೂಪ ಜಾವನು ಆಸಾ. ಶಷ್ಕುಲಿ ಮ್ಹಣಚೆ ಶಬ್ದಾಂತೂಲೆ ಪಯಲೇ ಅಕ್ಷರ ಶ ಚ ಜಾತಾ ದೋನಿಂಚೆ ವಿಜಾತೀಯ ಸಂಯುಕ್ತಾಕ್ಷರ ಷ್ಕ ಆಶಿಲೆ ಸಜಾತೀಯ ಸಂಯುಕ್ತಾಕ್ಷರ ಕ್ಕ ಜಾತಾ. ಅಶಿಂ ಶಷ್ಕುಲಿ ಆಶಿಲೆ ಚಕ್ಕುಲೀ ಜಾತಾ. ಹೆ ಚಕ್ಕುಲಿ ಶಬ್ದಾಚೆ ಪಯಲೇ ಅಕ್ಷರ ದೀರ್ಘ ಜಾವನು ಉಚ್ಛಾರ ಕರಚಾನ ದೋನಿಂಚೆ ದಿತ್ಪಾಕ್ಷರಾಂತು ಏಕ ಅಕ್ಷರ ಲೋಪ ಜಾವನು ಕ ಉರತಾ. ಅಶೀ ಶಷ್ಕುಲಿ ಶಬ್ದು ಚಕ್ಕುಲಿ< ಚಾಕ್ಕುಲಿ> ಚಾಕುಲಿ ಮ್ಹಣ ಜಾತಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 294 guests and no members online