Displaying items by tag: Kerala
५१ वें शोभकृत चैत्र कोंकणी कवि संगम
केरळचें कोंकणी लोकांक सगळें सोडून येवचें पडलें पूण ताणीं कोंकणी सोडलिना - अभय कुमार वेलींगकार
कोच्ची : केरळचें कोंकणी लोकांक गोंय सोडून येतना सगळें सोडून येवचें पडलें पूण ताणीं कोंकणी सोडलिना अशी प्रमुख लेखक आनी प्रकाशक अभय कुमार वेलींगकार हांणी सांगलें. ५१ वें शोभकृत चैत्र कोंकणी कवि संगम आनी चार कोंकणी पुस्तकांचे प्रकाशनां निमितान कोंकणी केंद्र गोश्रीपुर आनी कोंकणी भाषा प्रचार सभा ह्या संस्थेंचे संयुक्तपणान कोच्ची चेरळाय हांगाच्या कोंकणी भाशा भवनांत जाल्ले कार्यावळींत मुखेल सोयरें ह्या नात्यान ते उलेयताले. दोनय संस्थेंचे अध्यक्ष डॉ.के.अनंत भट हांणी कार्यावळीचें यजमानपण चलेयलें. कोंकणी जनांनी मलयाळम आपणायलें वांगडाच कोंकणीची सभावीक लिपी नागरीक स्थान दिलें. कोंकणी केंद्र गोश्रीपूर दर म्हयन्याक कविता संगम कार्यावळ करता. आज तांची 51वी कार्यावळ. हे कार्यावळीचें फलीत म्हणल्यार 'काव्यधनुष' हो ९५ कवींचो कवितां आसपाविलो कविता संग्रह जें आज उगतें जाता. हें उजवाडावपाचें भाग्य आमकां लाभलें. आर.एस.भास्कर, चित्तरंजन नायक आमी एन. बालकृष्णा मल्ल्या हाणीं त्रास घेतिल्ल्यान हें पुस्तक जावंक पावलें. केरळ कोंकणीचे शैलीचेर अभ्यास करचो जालो तर काव्यधनुष भोव उपकारा येतलें हातूंत दुबाव ना अशींय बाब अभयकुमार हांणी परतून सांगलें.
सुरवेक कु.अमृता एस.प्रभून हांणे प्रार्थना गीत गायलें. कोंकणी केंद्र गोश्रीपुर संस्थेचें सचिव एम.लक्ष्मण किळीकार हांणी येवकार दिलो. सेवा निवृत्त जिला न्यायाधीश आनी कोंकणी केंद्र गोश्रीपुर संस्थेचे रक्षाधिकारी श्री.एस. मनोहर किणी हांणी दिवो जळोवन कार्यावळीचें उक्तावण केलें. कोंकणी केंद्र गोश्रीपूर संस्थेन छापिल्लो १२ कोंकणी कथाकारांचो कथासंग्रह "काणीयां पेट्टारो", गोंयचे शेणै प्रकाशनान छापिल्लो केरळांतल्या ९५ कवींचो कविता संग्रह "काव्य धनुष" हीं पुस्तकां श्री.मनोहर किणी हांणी उज्वाडायलीं. मुंबय आशावादी प्रकाशन तयार केल्ले सरतचन्द्र शेणै हांगेलो "कवि आनी कविता" आनी एन.बालकृष्ण मल्या हांगेलो "मौन शब्द" हीं दोन डिजिटल पुस्तकां नामनेचे कोंकणी नाटक कलाकार, कवी आनी कोच्ची तिरुमल देवस्थानाचे मुख्य अर्चक एल.कृष्ण भट हाणी ह्या वेळार प्रकाशन केले.
नामनेचे कोंकणी लेखक आर.एस.भास्कर आनी नामनेचे साहित्यीक बाब वल्ली क्वाड्रोस (मुंबय) हे मुखेल सोयरे आशिल्ले. गोंयचे साहित्यीक बाब एंटनी वाज उपस्थित आशिल्ले. केरळचे कोंकणी लोकांत आपण ल्हान अशें चिंता आसा. हें सम न्हय. ते कर्तुबांत म्हान आसाय. भारतांत पयलें कोंकणी भवन तांच्या कोचींत जाल्ले. आतां ९५ कवींचे कवितां आसपावूंन मोटो कविता संग्रह उजवाडाक हाडला. तांचीं काम महत्त्वाचेच अशीं बाब वल्ली क्वाड्रोस हांणी आपणाल्या भाषणांत सांगलें. केरळांत पाविल्ले कोंकणी जनपदानी पयलें देवळां बांदलीं. देवळां मोंवतणींत केरी बांदल्यो. केरींत घरां बांदून केन्द्रीकृत पद्दतींत वसणूक आरांभिल्ले. ह्या सप्रदायाक लागून आपलें आचार विचार अनुष्ठान संस्कृती आनी मायभास कोंकणी संबाळून दवरपाक साध्य जाल्ले अशें आर.एस.भास्कर हांणे आपल्या उलोवपांत सांगलें. उपरांत जाल्ले ५१ वें कोंकणी कवि संगमांत ५२ कवींनी आपणाल्यो कविता सादर केल्यो.
नामनेचे लेखक अभय कुमार वेलींगकार, वल्ली क्वाड्रोस आनी एंटनी वाज हांकां आर.एस.भास्कर हांणी शाल पागरून भोवमान केल्ले. कोंकणी भाषा प्रचार सभेचो उपाध्यक्ष सुरेश पी.पै हाणी उपकार मानलो. टी.डी.एल.पी.शाळेतुली कोंकणी अध्यापिका श्रीमती. सरस्वती एस.प्रभु आनी एस.एच.सी.एम.आई. पब्लिक स्कूळांतुली हिन्दी अध्यापिका श्रीमती. अनिता डी.किणी हांणीं कार्यावळीचे सूत्रसंचालन केलें.
गौड सारस्वत कोंकण ब्राह्मण- एक इतिहास
पुस्तक लोकार्पण
कोच्चीच्या पि.जी. कामत प्रतिश्टानान प्रगट केलेलें कोंकणी भास आनी गौड सारस्वत कोंकण ब्राह्मण हांचेर इंग्लिश पुस्तक:
२०वे शतमानांत कोच्ची शाराचो नामणेचो संस्कृत आनी कोंखणी भासेचो तज्ञ दे. साहित्य कुशलन एम. शेशगिरी प्रभु (1855-1924) हांनी संसोधन केल्या आनी वेवेगळी पत्रिकेंत ह्या विशयाचेर प्रगट केल्या लेखांचे सोद गेवुन हें पुस्तक तांचे कुटुंबेच्या ससिकांत अर. प्रभु हानी – Gowda Saraaswath Konkana Brahmans A History रचयिल्लें हें पुस्तकांत उल्लेख केल्या समाजाचे उत्पत्ती, स्थलांतर, नावां, गोत्र प्रबेध, सरस्वती न्हंयचो भूगोळिक संबधाचेर वेदांत उल्लेख केल्ले प्रमाण विस्तार जावुन बरयलां. कोंकणी भाशेंचे मूळ, नांवांचो गोंदोळ, भाशा प्रबेधाचे पयलेंत आशिल्लें समाजिक ध्रुविकरण, तशेंच दूसरे भाशेंचे लोकां मद्धी, विशेश तरार केरळ राज्यांत आसचो निरशेणीचेर लेखकान आनी संपादकान खूब उजवाड घाला. पुस्तक रचनेंत खूब वावंट आनी शृद्धा दिसून येता. कोंकणी भास आनी समाजाचेर खूब पुस्तकां प्रगट केलेल्य कोच्चीच्या पि.जी. कामत प्रतिश्टानाचे मुकुटाक आनी एक मोर पंखी लायल्या म्हळ्यार कांय उत्प्रेक्ष जायना. भास आनी समाजाचे इतिहासाचेर श्रद्धेन अध्ययन करतल्याले भंडारांत आसुंक जाय जालेलें पुस्तक हें. मूल लेखकान कोंकणी भासेंत प्राय: बरायिल्लें नासुका. जाल्यार मुखार कोंकणींत अणकार जातलें. .
मोल: Rs. 300/-
Publishers: P.G.Kamath Foundation, “paduma”, Parinamam Road,Kaloor, Kochi 682017
website: www.pgkamathfoundation.com
कोंकणी दीस आनी सुशीला त्रिविक्रम भट्ट स्मरणार्थ पुरस्कार वितरण
सुशीला त्रिविक्रम भट स्मृती साहित्य पुरस्कारां जाहीर
कोची: प्रथम सुशीला त्रिविक्रम भट स्मृती साहित्य पुरस्कारां जाहीर जाली. कोंकणी साहित्य पुरस्कार आर.एस.भास्कर हांका जाल्यार कोंकणी सेवा पुरस्कार नम्रता पी.किणी हांकां फावो जालें. कथा रचना पुरस्कार वसंतकुमारी पी.एस. आनी कविता रचना पुरस्कार विजयकुमार एन.पै हांकांय फावो जालें. पुरस्कारांचे स्वरूप मेम्मंडो, शाल आनी रोख अशीं आसतलें.
नामनेची लेखिका कोंकणी फुडारी स्वर्गस्त सुशीला त्रिविक्रम भट हांगेल्या यादीक ताचे कुटुंब परिवारानी पुरस्कारां स्थापीत केल्याय. कोची कोंकणी भाशा प्रचार सभा सभाघरांत डिसेंबर 25 तारिखेक सांजेचे 5 वरार जावपी पुरस्कार समर्पण सुवाळ्यांत पुरस्कारां भेटेयतलें. कार्यावळीक सगट कोंकणी मोग्यांनी हाजीर रावचे अशीं सुशीला त्रिविक्रम भट हांगेल्यो धूवों सध्या वी.प्रभु आनी सिंधु वी.शेणै हांणीं पत्रांतल्यान विनंती केल्या.
ಸುಕೃತೀಂದ್ರ ಓರಿಯೇಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಕೊಚ್ಚಿ - ಸ್ವರ್ಣ ಮಹೋತ್ಸವು
ಕೊಚ್ಚಿನ್: ಹಾಂಗಾಚೆ ಸುಕೃತೀಂದ್ರ ಓರಿಯೇಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆ ಸ್ವರ್ಣ ಮಹೋತ್ಸವಾಚೆ ವಾಂಟೊ ಜಾವನು ಇನ್ಸ್ಟಿಟ್ಯೂಟಾಚೆ ಪ್ರಧಾನ ಪಾಲಕ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಡಾ. ವಿ. ನಿತ್ಯಾನಂದ ಭಟ್ ಹಾಂಗೆಲೆ° ಸಂಗ್ರಹ ಕೃತಿ “ಗೋಲ್ದನ್ ಸೇಯಿಂಗ್ಸ್ ಆಫ್ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ’ ಪುಸ್ತಕಾಚೆ° ಉಗ್ತಾವಣ ಕೆಲೆ°. ಸ್ವರ್ಣ ಮಹೋತ್ಸವ ವರಸಾಚೆ° 8ವೆ° ಆನೀ ಇನ್ಸ್ಟೀಟ್ಯೂಟಾಚೆ 87ವೆ° ಪ್ರಕಾಶಿತ ಪುಸ್ತಕ ಹೆ° ಜಾವನು ಆಸಾ.ಹ್ಯಾ ಪುಸ್ತಕಾಚೆ ಮ್ಹೋಲ ರೂ. 100 ಜಾವನು ಆಸಾ ಆನಿ ಉಮೇದಿ ಆಶಿಲ್ಯಾನಿ This email address is being protected from spambots. You need JavaScript enabled to view it. ಹಾಕಾ ಸಂಪರ್ಕ ಕರಯೇತ ಮ್ಹಣು ಕಳವಣಿ ಸಾಂಗತಾ. ಹ್ಯಾಚ ಸಂದರ್ಭಾರಿ ಗುರುವರ್ಯಾನಿ ನಿತ್ಯಾನಂದ ಭಟ್ ಹಾಂಕಾ° ಸನ್ಮಾನ ಕೆಲೊ.
'कोंकणी दिवस' कोच्चींत मनायलो
केरळांतुले कोंकणी जण दर वर्साचे आखिरी आयतार 'कोंकणी दिवस' म्हणु मानायतात. ह्या निमितान कोंकणी केंद्र - गोश्रीपूर संस्थेच्या आभिमुख्यार २६ दिसेम्बर सांजे ३.३० वराचेर (स्व) सुशीला टी. भट्ट यांचे घराकडेन कोकणी कवि संमेलन आयोजित जालें. प्रार्थनेचे उपरांत कोंकणी केंद्र गोश्रीपुर संस्थे वतीन चित्तरंजन नायक हाणीं सगल्यांंक येवकार दिलो. साहित्य आकादेमी पुरस्कार विजेता वरिष्ठ कोंकणी कवी आर.एस. भास्कर हांणी कोंकणी दिवसाचो विशेषाचे पासून उल्लेयलें.
त्या उपरांतें कविसंमेलन घडलें. ह्या कवी संगमांत कोच्ची वाटारांतले आर. एस. भास्कर (परतून दी भूंय म्हजी), विजय कुमार एन. पै (खंय गेल्लो), संजय राजगोपाल (शुभकाल), गोश्रीपुरं हरिकुमार (कोटि कोटि नमस्कार), सुरेश वी. शेणै (रामनाथ शांतेरी, भक्तवत्सला मुक्तीदायका), एन. सदानंद कम्मत (सुकृत जन्मु), एन. बालकृष्ण मल्ल्या (नव जीवन) ह्या कोंकणी कवींनी आप आपण्यालो कविता सादर केल्यो.
उपरांत वाचिल्ल्या कवितांचेर भासाभास जाली. मंगळ प्रार्थनेचे उपरांत कार्यावळ सोंपली.
'ಕೋಂಕಣೀ ದಿವಸ' ಕೋಚ್ಚೀಂತ ಮನಾಯಲೋ
ಕೇರಳಾಂತುಲೇ ಕೋಂಕಣೀ ಜಣ ದರ ವರ್ಸಾಚೇ ಆಖಿರೀ ಆಯತಾರ 'ಕೋಂಕಣೀ ದಿವಸ' ಮ್ಹಣು ಮಾನಾಯತಾತ. ಹ್ಯಾ ನಿಮಿತಾನ ಕೋಂಕಣೀ ಕೇಂದ್ರ - ಗೋಶ್ರೀಪೂರ ಸಂಸ್ಥೇಚ್ಯಾ ಆಭಿಮುಖ್ಯಾರ ೨೬ ದಿಸೇಮ್ಬರ ಸಾಂಜೇ ೩.೩೦ ವರಾಚೇರ (ಸ್ವ) ಸುಶೀಲಾ ಟೀ. ಭಟ್ಟ ಯಾಂಚೇ ಘರಾಕಡೇನ ಕೋಕಣೀ ಕವಿ ಸಂಮೇಲನ ಆಯೋಜಿತ ಜಾಲೇಂ.
ಪ್ರಾರ್ಥನೇಚೇ ಉಪರಾಂತ ಕೋಂಕಣೀ ಕೇಂದ್ರ ಗೋಶ್ರೀಪುರ ಸಂಸ್ಥೇ ವತೀನ ಶ್ರೀ. ಚಿತ್ತರಂಜನ ನಾಯಕ ಹಾಣೀಂ ಸಗಲ್ಯಾಂಂಕ ಯೇವಕಾರ ದಿಲೋ. ಸಾಹಿತ್ಯ ಆಕಾದೇಮೀ ಪುರಸ್ಕಾರ ವಿಜೇತಾ ವರಿಷ್ಠ ಕೋಂಕಣೀ ಕವೀ ಆರ.ಏಸ. ಭಾಸ್ಕರ ಹಾಂಣೀ ಕೋಂಕಣೀ ದಿವಸಾಚೋ ವಿಶೇಷಾಚೇ ಪಾಸೂನ ಉಲ್ಲೇಯಲೇಂ. ತ್ಯಾ ಉಪರಾಂತೇಂ ಕವಿಸಂಮೇಲನ ಘಡಲೇಂ.
ಹ್ಯಾ ಕವೀ ಸಂಗಮಾಂತ ಕೋಚ್ಚೀ ವಾಟಾರಾಂತಲೇ ಆರ. ಏಸ. ಭಾಸ್ಕರ (ಪರತೂನ ದೀ ಭೂಂಯ ಮ್ಹಜೀ), ವಿಜಯ ಕುಮಾರ ಏನ. ಪೈ (ಖಂಯ ಗೇಲ್ಲೋ), ಸಂಜಯ ರಾಜಗೋಪಾಲ (ಶುಭಕಾಲ), ಗೋಶ್ರೀಪುರಂ ಹರಿಕುಮಾರ (ಕೋಟಿ ಕೋಟಿ ನಮಸ್ಕಾರ), ಸುರೇಶ ವೀ. ಶೇಣೈ (ರಾಮನಾಥ ಶ್ರೀ ಶಾಂತೇರೀ, ಭಕ್ತವತ್ಸಲಾ ಮುಕ್ತೀದಾಯಕಾ), ಏನ. ಸದಾನಂದ ಕಮ್ಮತ (ಸುಕೃತ ಜನ್ಮು), ಏನ. ಬಾಲಕೃಷ್ಣ ಮಲ್ಲ್ಯಾ (ನವ ಜೀವನ) ಹ್ಯಾ ಕೋಂಕಣೀ ಕವೀಂನೀ ಆಪ ಆಪಣ್ಯಾಲೋ ಕವಿತಾ ಸಾದರ ಕೇಲ್ಯೋ.
ಉಪರಾಂತ ವಾಚಿಲ್ಲ್ಯಾ ಕವಿತಾಂಚೇರ ಭಾಸಾಭಾಸ ಜಾಲೀ. ಮಂಗಳ ಪ್ರಾರ್ಥನೇಚೇ ಉಪರಾಂತ ಕಾರ್ಯಾವಳ ಸೋಂಪಲೀ.
ಪಂಜಬ್ಜಪುರಂ ದೇವಳಾಕ ನವೀನ ಆಡಳಿತ ಮಂಡಳಿಚೆ ವಿಂಚಪ
ಎರ್ನಾಕುಲಂ: ಸಾಮಾನ್ಯ ಜಾವನು ಎರ್ನಾಕುಲಂ ತಿರುಮಲ ದೇವಸ್ವಂ ಮ್ಹಣು ವಳಕೂನ ಆಯಿಲೆ° ಹಾಂಗಾಚೆ ಪಂಜಬ್ಜಪುರಂ ದೇವಳ ಸಾಬಾರ 300 ವರಸ° ಪಯಲೆ° ಕೇರಳಾಂತು° ಗೌಡಸಾರಸ್ವತ ಸಮಾಜಾನ ಸ್ಥಾಪನ ಕೆಲೆಲೆ ಮಹಾಕ್ಷೇತ್ರಾ° ಪಯಕಿ ಎಕ ಜಾವನು ಆಸಾ. ಹ್ಯಾ ದೇವಳಾಂತು° ಶ್ರೀ ಲಕ್ಷ್ಮೀ ವೆಂಕಟೇಶ ಆರಾಧ್ಯ ದೇವು ಜಾವನು ಆಸೂನ ಲಕ್ಷ್ಮೀ, ಗಣಪತಿ, ಹನುಮಂತ ಆನೀ ಗರುಡ ಪರಿವಾರ ದೇವು ಆಸಾತಿ. ವೃಂದಾವನಗ್ರಸ್ಥ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ° ಜಲ್ಮಸ್ಥಳ ಸುತಾ ಪಂಜಬ್ಜಪುರಂ ಜಾವನು ಆಸಾ ಆನೀ ಹಾಂಗಾ ಗುರುವರ್ಯಾಲೆ° ಪಾದುಕಾ ಮಂದಿರಯೀ ಆಸಾ. ಹಾಜೆ ಸ್ಥಾಪನಾ ಶ್ರೀ ಕಾಶಿಮಠಾಧೀಶ ಶ್ರೀಮದ್ ಸಂಯಮೀ0ದ್ರ ತೀರ್ಥ ಸ್ವಾಮೀಜಿ ಹಾಂನಿ° 2016 ವರಸಂತು° ಕೆಲೆಲೆ° ಆಸಾ.
2800 ಅರ್ಹ ಮತದಾರ ಆಸಚೆ ಹ್ಯಾ ದೇವಳಾಚೆ ಆಡಳಿತ ಮಂಡಳಿಕ ನವೀನ ಸಾಂದ್ಯಾಲೆ° ವಿಂಚಪ ಡಿ.19ಕ ಘಡಲೆ°. 2006 ವರಸಾಂತು° ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಆಶೀರ್ವಾದಾನ ಶುರು ಜಾಲೆಲೆ ಜಿ.ಎಸ್.ಬಿ ವಿಕಾಸ ಪರಿಷದಾಚೆ ಅಭ್ಯರ್ಥಿಯಾನಿ ಹ್ಯಾ ಚುನಾವ ಜಿಕಚೆ° ಜಾಲಾ°.
ವಿಂಚೂನ ಆಯಿಲೆ ಪಾಂಚ ಲೋಕಾ ಪಯಕಿ ಆರ್. ಶ್ರೀಕುಮಾರ ಕಾಮತ ಆನೀ ಆರ್. ನವೀನ ಕಾಮತ ಹಾಂನಿ° ಆಡಳಿತ ಅಧಿಕಾರಿ ಜಾವನು ನೇಮಣೂಕ ಜಾಲ್ಯಾಂತಿ. ರಾಜಾರಾಮ ಗೊವೀಂದ ಶೆಣೈ, ಟಿ.ವಿ. ರಾಜೇಶ ಶೆಣೈ ಆನೀ ಎಡ್ವೋಕೆಟ್ ಆರ್. ರಾಮನಾರಾಯಣ ಪ್ರಭು ಹಾಂನಿ° ಹೇರ ಸಾಂದೆ ಆಸಾತಿ.
पंजब्जपुरं देवळाक नवीन आडळित मंडळिचॆ विंचप
ऎर्नाकुलं: सामान्य जावनु ऎर्नाकुलं तिरुमल देवस्वं म्हणु वळकून आयिलॆ° हांगाचॆ पंजब्जपुरं देवळ साबार 300 वरस° पयलॆ° केरळांतु° गौडसारस्वत समाजान स्थापन कॆलॆलॆ महाक्षेत्रा° पयकि ऎक जावनु आसा. ह्या देवळांतु° श्री लक्ष्मी वॆंकटेश आराध्य देवु जावनु आसून लक्ष्मी, गणपति, हनुमंत आनी गरुड परिवार देवु आसाति. वृंदावनग्रस्थ श्रीमद् सुधींद्र तीर्थ स्वामीजि हांगॆलॆ° जल्मस्थळ सुता पंजब्जपुरं जावनु आसा आनी हांगा गुरुवर्यालॆ° पादुका मंदिरयी आसा. हाजॆ स्थापना श्री काशिमठाधीश श्रीमद् संयमी0द्र तीर्थ स्वामीजि हांनि° 2016 वरसंतु° कॆलॆलॆ° आसा.
2800 अर्ह मतदार आसचॆ ह्या देवळाचॆ आडळित मंडळिक नवीन सांद्यालॆ° विंचप डि.19क घडलॆ°. 2006 वरसांतु° श्रीमद् सुधींद्र तीर्थ स्वामीजि हांगॆलॆ आशीर्वादान शुरु जालॆलॆ जि.ऎस्.बि विकास परिषदाचॆ अभ्यर्थियानि ह्या चुनाव जिकचॆ° जाला°.
विंचून आयिलॆ पांच लोका पयकि आर्. श्रीकुमार कामत आनी आर्. नवीन कामत हांनि° आडळित अधिकारि जावनु नेमणूक जाल्यांति. राजाराम गॊवींद शॆणै, टि.वि. राजेश शॆणै आनी ऎड्वोकॆट् आर्. रामनारायण प्रभु हांनि° हेर सांदॆ आसाति.
गोंय मुक्ती हिरक महोत्सवाचे निमित्तान कोच्चींत ऐतिहासिक नाटक खेळेयलें
कोच्चि : गोंय मुक्ती हिरक महोत्सवाचे अनुबंध जावनु केरळ कोंकणी अकादमीन कोच्चि तिरमल देवस्थानाच्या शिक्षक प्रशिक्षण सभाघरांत आयतारा १९ दिसेंम्बर २०२२ तारिकेक आयोजित केलीली कार्यावळींत सांजे ७.३० वरांचेर कोच्चिन कलाक्षेत्राचे बॅनरा खाला "ए.डी. १५२२" ऐतिहासिक लघुनाटक खेळेयलें. १६वी शताब्दींतु जाति-रंगभेद विसरनु एकसणीच आवयभूंय गोंय सोडून, परिचय नातिल्ले केरळ राज्यांत वचका जालेले कोंकणी भासी जणांचे पलायनाची हेतूचेर केंद्रित हें नाटक. हांतु पूर्वजानीं घेतिल्लो यातनेचो, कष्ट-नष्टांचो बरो अविष्कार जालो आसा. आतांचे पिळग्येक ताजो एक भाग पुणीय याद दिवू खातीर केलोलो उद्यमु.
अरुण कुमार कम्मत हाणी रचिल्ले नाटकाचें दिग्दर्शन एल. कृष्ण भट हाणी केला. हांतु एल. कृष्ण भट, गोविंद पै, वेंकटरमण भट, अरुण कुमार कम्मत, राधाकृष्ण भट, धनेश मल्या, श्रीकर प्रभु, मास्टर. अकुल कृष्ण भट, मास्टर. विघ्नेश कम्मत, मास्टर. विश्वनाथ भट, मास्टर आकाश बाळीगा हे कलाकारांनी अभिनय करून कथापात्रांक जीण दिलें.
ಗೋಂಯ ಮುಕ್ತೀ ಹಿರಕ ಮಹೋತ್ಸವಾಚೇ ನಿಮಿತ್ತಾನ ಕೋಚ್ಚೀಂತ ಐತಿಹಾಸಿಕ ನಾಟಕ ಖೇಳೇಯಲೇಂ
ಕೋಚ್ಚಿ : ಗೋಂಯ ಮುಕ್ತೀ ಹಿರಕ ಮಹೋತ್ಸವಾಚೇ ಅನುಬಂಧ ಜಾವನು ಕೇರಳ ಕೋಂಕಣೀ ಅಕಾದಮೀನ ಕೋಚ್ಚಿ ತಿರಮಲ ದೇವಸ್ಥಾನಾಚ್ಯಾ ಶಿಕ್ಷಕ ಪ್ರಶಿಕ್ಷಣ ಸಭಾಘರಾಂತ ಆಯತಾರಾ ೧೯ ದಿಸೇಂಮ್ಬರ ೨೦೨೨ ತಾರಿಕೇಕ ಆಯೋಜಿತ ಕೇಲೀಲೀ ಕಾರ್ಯಾವಳೀಂತ ಸಾಂಜೇ ೭.೩೦ ವರಾಂಚೇರ ಕೋಚ್ಚಿನ ಕಲಾಕ್ಷೇತ್ರಾಚೇ ಬॅನರಾ ಖಾಲಾ "ಏ.ಡೀ. ೧೫೨೨" ಐತಿಹಾಸಿಕ ಲಘುನಾಟಕ ಖೇಳೇಯಲೇಂ. ೧೬ವೀ ಶತಾಬ್ದೀಂತು ಜಾತಿ-ರಂಗಭೇದ ವಿಸರನು ಏಕಸಣೀಚ ಆವಯಭೂಂಯ ಗೋಂಯ ಸೋಡೂನ, ಪರಿಚಯ ನಾತಿಲ್ಲೇ ಕೇರಳ ರಾಜ್ಯಾಂತ ವಚಕಾ ಜಾಲೇಲೇ ಕೋಂಕಣೀ ಭಾಸೀ ಜಣಾಂಚೇ ಪಲಾಯನಾಚೀ ಹೇತೂಚೇರ ಕೇಂದ್ರಿತ ಹೇಂ ನಾಟಕ. ಹಾಂತು ಪೂರ್ವಜಾನೀಂ ಘೇತಿಲ್ಲೋ ಯಾತನೇಚೋ, ಕಷ್ಟ-ನಷ್ಟಾಂಚೋ ಬರೋ ಅವಿಷ್ಕಾರ ಜಾಲೋ ಆಸಾ. ಆತಾಂಚೇ ಪಿಳಗ್ಯೇಕ ತಾಜೋ ಏಕ ಭಾಗ ಪುಣೀಯ ಯಾದ ದಿವೂ ಖಾತೀರ ಕೇಲೋಲೋ ಉದ್ಯಮು.
ಅರುಣ ಕುಮಾರ ಕಮ್ಮತ ಹಾಣೀ ರಚಿಲ್ಲೇ ನಾಟಕಾಚೇಂ ದಿಗ್ದರ್ಶನ ಏಲ. ಕೃಷ್ಣ ಭಟ ಹಾಣೀ ಕೇಲಾ. ಹಾಂತು ಏಲ. ಕೃಷ್ಣ ಭಟ, ಗೋವಿಂದ ಪೈ, ವೇಂಕಟರಮಣ ಭಟ, ಅರುಣ ಕುಮಾರ ಕಮ್ಮತ, ರಾಧಾಕೃಷ್ಣ ಭಟ, ಧನೇಶ ಮಲ್ಯಾ, ಶ್ರೀಕರ ಪ್ರಭು, ಮಾಸ್ಟರ. ಅಕುಲ ಕೃಷ್ಣ ಭಟ, ಮಾಸ್ಟರ. ವಿಘ್ನೇಶ ಕಮ್ಮತ, ಮಾಸ್ಟರ. ವಿಶ್ವನಾಥ ಭಟ, ಮಾಸ್ಟರ ಆಕಾಶ ಬಾಳೀಗಾ ಹೇ ಕಲಾಕಾರಾಂನೀ ಅಭಿನಯ ಕರೂನ ಕಥಾಪಾತ್ರಾಂಕ ಜೀಣ ದಿಲೇಂ.
ज्येष्ठ लेखिका सुशीला भट हांका आर्गां ओंपली
कोची: हालीच अंतरल्या ज्येष्ठ कोंकणी लेखिका सुशीला त्रिविक्रम भट हांका आर्गां ओंपली. कोंकणी केन्द्र गोश्रीपुर संस्थेचे मुखेलपणान 12.12.2021 आयतारा सांजे 4 वरार कोच्ची चेरळाय वाठारांत सदानन्द कम्मत हांचे घराकडेन आयोजीत केल्ले सुशीला त्रिविक्रम भट अनुस्मरण कार्यक्रमांत कोंकणी केंद्राचें अध्यक्ष आनी साहित्य आकादेमी पुरस्कार विजेता वरिष्ठ कोंकणी कवी के.अनंत भट हांणी यजमानपण चलेयलें. के.अनंत भट, आर.एस. भास्कर, गोश्रीपुरं हरिकुमार, के.एन. रमेश भट, वी. लक्ष्मण पै, एम. कृष्णानंद, उमेश टी. भट, विजयकुमार एन. पै, एन. बालकृष्ण मल्ल्या, एन. श्रीकांत पै. ह्या कवींनी आपअपली याद उकतावंन उलेयलें आनी सुशीला त्रिविक्रम भट हांगेल्या चित्राचेर फुल्लां अर्पिल्ली. केरळ कोंकणी आकादेमीचे सदस्य के.विजयन कार्यावळींत उपस्थित आशिलें.
ಕೋಚೀ: ಹಾಲೀಚ ಅಂತರಲ್ಯಾ ಜ್ಯೇಷ್ಠ ಕೋಂಕಣೀ ಲೇಖಿಕಾ ಸುಶೀಲಾ ತ್ರಿವಿಕ್ರಮ ಭಟ ಹಾಂಕಾ ಆರ್ಗಾ° ಓಂಪಲೀ. ಕೋಂಕಣೀ ಕೇನ್ದ್ರ ಗೋಶ್ರೀಪುರ ಸಂಸ್ಥೇಚೇ ಮುಖೇಲಪಣಾನ 12.12.2021 ಆಯತಾರಾ ಸಾಂಜೇ 4 ವರಾರ ಕೋಚ್ಚೀ ಚೇರಳಾಯ ವಾಠಾರಾಂತ ಸದಾನನ್ದ ಕಮ್ಮತ ಹಾಂಚೇ ಘರಾಕಡೇನ ಆಯೋಜೀತ ಕೇಲ್ಲೇ ಸುಶೀಲಾ ತ್ರಿವಿಕ್ರಮ ಭಟ ಅನುಸ್ಮರಣ ಕಾರ್ಯಕ್ರಮಾಂತ ಕೋಂಕಣೀ ಕೇಂದ್ರಾಚೇ° ಅಧ್ಯಕ್ಷ ಆನೀ ಸಾಹಿತ್ಯ ಆಕಾದೇಮೀ ಪುರಸ್ಕಾರ ವಿಜೇತಾ ವರಿಷ್ಠ ಕೋಂಕಣೀ ಕವೀ ಕೇ. ಅನಂತ ಭಟ ಹಾಂಣೀ ಯಜಮಾನಪಣ ಚಲೇಯಲೇ°. ಕೇ.ಅನಂತ ಭಟ, ಆರ.ಏಸ. ಭಾಸ್ಕರ, ಗೋಶ್ರೀಪುರಂ ಹರಿಕುಮಾರ, ಕೇ.ಏನ. ರಮೇಶ ಭಟ, ವೀ. ಲಕ್ಷ್ಮಣ ಪೈ, ಏಮ. ಕೃಷ್ಣಾನಂದ, ಉಮೇಶ ಟೀ. ಭಟ, ವಿಜಯಕುಮಾರ ಏನ. ಪೈ, ಏನ. ಬಾಲಕೃಷ್ಣ ಮಲ್ಲ್ಯಾ, ಏನ. ಶ್ರೀಕಾಂತ ಪೈ. ಹ್ಯಾ ಕವೀಂನೀ ಆಪಅಪಲೀ ಯಾದ ಉಕತಾವಂನ ಉಲೇಯಲೇ° ಆನೀ ಸುಶೀಲಾ ತ್ರಿವಿಕ್ರಮ ಭಟ ಹಾಂಗೇಲ್ಯಾ ಚಿತ್ರಾಚೇರ ಫುಲ್ಲಾ° ಅರ್ಪಿಲ್ಲೀ. ಕೇರಳ ಕೋಂಕಣೀ ಆಕಾದೇಮೀಚೇ ಸದಸ್ಯ ಕೇ.ವಿಜಯನ ಕಾರ್ಯಾವಳೀಂತ ಉಪಸ್ಥಿತ ಆಶಿಲೇ°.
ಶ್ರೀಮದ್ ಸುಧೀಂದ್ರ ತೀರ್ಥ ಸಾರಸ್ವತ ಗ್ರಂಥಾಲಯ ಯೋಜನಾ
ಕೊಚ್ಚಿ: 1971 ಇಸವಿಂತು° ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಮಾರ್ಗದರ್ಶನಾರಿ ಶುರುವಾತ ಜಾಲೆಲೆ ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೆ° ಸ್ವರ್ಣ ಮಹೋತ್ಸವಾಚೊ ವಾಂಟೊ ಜಾವನು “ಶ್ರೀಮದ್ ಸುಧೀಂದ್ರ ತೀರ್ಥ ಸಾರಸ್ವತ ಗ್ತಂಥಾಲಯ” ಸ್ಥಾಪನ ಕರಚೆ ಯೋಜನೆಕ ಚಾಲನ ಮೆಳಾ°. ಹ್ಯಾ ಗ್ರಂಥಾಲಯಾoತು° ವಿಶೇಷ ಜಾವನು ಭಗವಾನ ವೇದವ್ಯಾಸ, ಶ್ರೀ ಮದ್ವಾಚಾರ್ಯ, ದ್ವೈತ ವೇದಾಂತ, ಜಿ.ಎಸ್.ಬಿ ಸಮುದಾಯ, ಶ್ರೀ ಕಾಶೀಮಠ ಆನೀ ಗುರುಪರಂಪರಾ, ಕೊಂಕಣಿ ಭಾಸ ಆನೀ ಸಾಹಿತ್ಯಾಚೆ ಬದಲ ಪುಸ್ತಕ°, ಜರ್ನಲ್ಸ್, ಸ್ಮರಣ ಸಂಚಿಕಾ, ತಾಳೆಗರಿ ಆನೀ ಹೇರ ಸಾಹಿತಿಕ ವಿಷಯ ಸಂಗ್ರಹ ಕರಚೊ ಉದ್ಧೇಶ ಆಸಾ.
ಆಸಕ್ತ ಲೋಕಾನ ಧನ ನಂತಾ° ಪುಸ್ತಕ° ಆನೀ ಹೇರ ಮುದ್ರಿತ ವಸ್ತು ಆನೀ ವಯರ ಸಾಂಗಿಲೆ ವಿಷಯ ಭೇಂಟ ದಿವಚಾಕ ಅವಕಾಶ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°. ಚಡತೆ ಮಾಹಿತಿಕ ತುಮೀ ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್ ಹಾಜೊ ಗೌರವ ನಿರ್ದೇಶಕ ಡಾ| ವಿ. ನಿತ್ಯಾನಂದ ಭಟ್ ಹಾಕಾ° ಮೊಬೈಲ 9895181570 ರಿ ಸಂಪರ್ಕ ಕರಯೆತ.
ಸುಕೃತೀಂದ್ರ ತೀರ್ಥ ಓರಿಯೆಂಟಲ್ ರಿಸರ್ಚ ಇನ್ಸ್ಟಿಟ್ಯೂಟ್:
ಹ್ಯಾ ಅಧ್ಯಯನ ಕೇಂದ್ರಾಚೆ ಸ್ಥಾಪನಾ ಶ್ರೀ ಕಾಶಿ ಮಠ ಸಂಸ್ಥಾನ ವಾರಣಾಸಿ ಹಾಜೆ 20ವೆ° ಯತಿವರ್ಯ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° 1971 ಇಸವಿಂತು° ಕೆಲೆಲೆ°. ಹಾಂನಿ° ಜನವರಿ 16, 2016ಕ ಭ್ರಮೈಕ್ ಜಾತರಿ 21ವೆ° ಯತಿವರ್ಯ ಸಂಯಮೀoದ್ರ ತೀರ್ಥ ಸ್ವಾಮೀಜಿ ಹಾಂನಿ° ಇನ್ಸ್ಟಿಟ್ಯೂಟ್ ಸಾಂಬಾಳನು ಹಾಡತಾ ಆಸಾತಿ.
ಫಾಟಭೂಂಯ್: ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂನಿ° ಸನ್ಯಾಸ ಸ್ವೀಕಾರ ಕರನು 25 ವರಸ° ಜಾಲೆಲೆ ವೇಳಾರಿ ಸಂಸ್ಕೃತ ಆನೀ ಶಾಸ್ತ್ರ° ಅಧ್ಯಯನ ಕರಚೆ ಖಾತಿರ ಏಕ ಅಧ್ಯಯನ ಕೇಂದ್ರ ಸ್ಥಾಪನ ಕರಚಿ ಇಚ್ಛಾ ವ್ಯಕ್ತ ಕೆಲಿ. “ಆಮಗೆಲೆ ಶಾಸ್ತ್ರ ಜ್ಞಾನಾಂಚೆ ಅಪಾರ ಗಣಿ ಆಸಾತಿ. ಮನಶಾಲೆ ಜೀವನಾಚೆ ಹರ ಎಕ ಸ್ಥರಾಚೆ ಚಟುವಟಿಕಾ ದರ್ಶಾಯತಾತಿ. ತಾಂತೂಲೆ ಸಾಬಾರ ಸತ್ಯ ಆಜಿಕಯೀ ವಿಜ್ಞಾನಾನ ಸಾಬಿತ ಕರಚಾಕ ಜಾಯನಿ. ಹೆ° ರಾಕೂನ ಹಾಡಲ್ಯಾರಿ ಮುಕಾವಯಲೆ ಪಿಳಗಿಕ ಮುನಾಫೊ ಆಸಾ” ಮ್ಹಣು ತಾಂನಿ° ಚಿಂತನ ಕರತಲೆ.
ತಾಂಗೆಲೆ ಗುರುವರ್ಯ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮೀಜಿ ಹಾಂಕಾ° ಅರ್ಪಣ ಕೆಲೆಲೆ° ಹೆ° ಕೇಂದ್ರ ಗುರುವರ್ಯಾನಿ ಕೇರಳಚೆ ಲೋಕಾನ ಜಿ.ಎಸ್.ಬಿ ಸಮುದಾಯಾಕ ದಿಲೆಲೆ ಆಶ್ರಯಾಚೆ ಬದಲ ಭೆಂಟ್ ದಿಲೆಲೆ° ಆಸಾ.
ಸಂಸ್ಕೃತ ಆನೀ ತಸಲೆ ಹೇರ ವಿಷಯಾಂಚೆ ಅಧ್ಯಯನ ಕರೂಂಕ ಇಚ್ಛಾ ಆಶಿಲೆ ಕೊಣಾಕಯೀ ಜಾತಿ ಮತ ಭೇದ ನಾತಿಲೆ° ಹ್ಯಾ ಕೇಂದ್ರಾoತು° ಅಧ್ಯಯನ ಕರಚಾಕ ಅವಕಾಶ ದಿವಕಾ ಮ್ಹಣು ಗುರುವರ್ಯಾಲಿ ಇಚ್ಛಾ ಆಸಾ.
ಉದ್ಧೇಶ ಆನೀ ಎದೋಳು ಜಾಲೆಲೆ ಕಾರ್ಯ°: ಹ್ಯಾ ಕೇಂದ್ರಾoತು ಮುಖ್ಯ ಜಾವನು ಸಂಸ್ಕೃತ, ವೇದ, ವೇದಾಂತ, ಉಪನಿಷದ, ಪುರಾಣ, ಭಾರತೀಯ ಸಂಸ್ಕೃತಿ ಆನೀ ತಸಲೆ ವಿಷಯಾಂಚೆ ಅಧ್ಯಯನ ಜಾತಾ. ಸಂಶೋಧನ ಕರತಲ್ಯಾಂಕ ಮಾರ್ಗದರ್ಶನ ದಿವಚೆ° ಹ್ಯಾ ಕೇಂದ್ರಾಚೆ ಪ್ರಮುಖ ಕಾಮ ಆಸಾ. ಮಹಾತ್ಮಾ ಗಾಂಧಿ ವಿಶ್ವ ವಿದ್ಯಾಲಯ ಆನೀ ಕೇರಳ ವಿಶ್ವ ವಿದ್ಯಾಲಯಾನ ಹ್ಯಾ ಕೇಂದ್ರಾಕ ಸಂಸ್ಕೃತ ಅಧ್ಯಯನ ಕೇಂದ್ರ ಮ್ಹಣು ಮಾನ್ಯತಾ ದಿಲೆಲೆ ಆಸಾ. ಎದೋಳು ತಾಂಯ ಕೇಂದ್ರಾಚೆ 12 ವಿದ್ಯಾರ್ಥಿಯಾಂಕ ಸಂಸ್ಕೃತ ಪಿ.ಎಚ್.ಡಿ ಪ್ರಾಪ್ತ ಜಾಲ್ಯಾ. ಸಂಸ್ಕೃತ, ವಾಸ್ತುವಿದ್ಯಾ ಆನೀ ಜ್ಯೋತಿಷ್ಯ ಶಾಸ್ಟ್ರಾತು ಅಲ್ಪಕಾಳಾವಧೀಚೆ ಕೋರ್ಸ ಕರಚಾಕ ಹಾಂಗಾ ಅವಕಾಶ ಆಸಾ. ಹಾಂಗಾಚೆ ಗ್ರಂಥಾಲಯಾoತು° ವೇದ, ಧರ್ಮ ಶಾಸ್ತ್ರ, ಜ್ಯೋತಿಷ್ಯ, ತಂತ್ರ, ವ್ಯಾಕರಣ ಆನೀ ಹೇರ ವಿಷಯಾಂಚೆ ಸಾಬಾರ 17,000 ಪುಸ್ತಕ° ಆನೀ ಥೊಡೆ ತಾಳೆಗರಿ ಆಸಾತಿ. ಹಾಂಗಾ ಸಾಬಾರ 1,200 ಕೊಂಕಣೀ ಪುಸ್ತಕ° ಸುತಾ ಆಸಾತಿ.
ಹಾಂಗಾಚೆ ಶ್ರೀ ಸುಕೃತೀಂದ್ರ ಸಭಾ ಗೃಹಾಂತು° ರಾಷ್ಟ್ರಿಯ್ ಸ್ಥರಾಚೆ° ಸಾಬಾರ ಪರಿಸಂವಾದ ಆನೀ ಸಮ್ಮೇಳನ ಘಡಲ್ಯಾಂತಿ. ಸಭಾಗೃಹಾಚೆ ವಣತೆರಿ ಶ್ರೀಮದ್ ಸುಕೃತೀಂದ್ರ ತೀರ್ಥ ಸ್ವಾಮಿ ಆನೀ ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮಿಜಿ ಹಾಂಗೆಲೆ° ತಸ್ವೀರ° ಪ್ರದರ್ಶನ ಕೆಲ್ಯಾಂತಿ.
ಕೇಂದ್ರಾನ ಮಾಕ್ಷಿಚೆ ದೋನ ದಶಕ ದಾಕೂನ ವರಸಾಕ ದೋನ ಪಾವಟಿ ಪ್ರಕಟ ಕರಚೆ° ದ್ವಿಭಾಷಾ ಜರ್ನಲ್ (ಸಂಸ್ಕೃತ ಆನೀ ಇಂಗ್ಲಿಷ್) ಅಧ್ಯಯನಶೀಲ ವಿದ್ಯಾರ್ಥಿ ಆನೀ ಹೇರಾ° ಮಧೆ° ನಾವಾದೀಕ ಆಸಾ.
ಪುಸ್ತಕಂ ಪ್ರಕಟ ಕರಚೆ° ಕೇಂದ್ರಾಚೆ ಉದ್ಧೇಶಾ° ಪಯಕಿ ಎಕ ಜಾವನು ಆಸೂನ ಎದೋಳು ಕೇಂದ್ರಾನ ವೆಗವೆಗಳೆ ಭಾಶೆಂತು° ಸಾಬಾರ 80 ಪುಸ್ತಕ° ಪ್ರಕಟ ಕೆಲ್ಯಾಂತಿ. ಹಾಂತು° ಸಂಸ್ಕೃತ, ಇಂಗ್ಲಿಷ್, ಮಲಯಾಳಂ ಆನೀ ಕೊಂಕಣಿ ಪುಸ್ತಕ° ಆಸಾತಿ. ‘ಹಿಸ್ಟರಿ ಎಂಡ್ ಹೆರಿಟೆಜ್ ಆಫ್ ಮ್ಯಾಥಾಮೆಟಿಕಲ್ ಸಾಯನ್ಸಸ್’, ‘ಭಾರತೀಯ ದರ್ಶಂಗಳ’, ‘ಸ್ಟಡಿಸ್ ಇನ್ ಇಂಡಿಯನ್ ಲಾಜಿಕ್’, ‘ಶ್ರೀ ಕಾಶಿಮಠ ಎಂಡ್ ಗುರು ಪರಂಪರಾ’, ‘ಗುರು ವಚನಾಮೃತ(ಶ್ರೀಮದ್ ಸುಧೀಂದ್ರ ತೀರ್ಥ ಸ್ವಾಮೀಜಿ ಹಾಂಗೆಲೆ ಪ್ರವಚನ°)’, ‘ಸ್ಟೋರಿಸ್ ಆಫ್ ಯೋಗಾವಸಿಸ್ಠಮ್’, ‘ವೇದಾಂತ ಎಂಡ್ ದಿ ಮೊಡರ್ನ ವರ್ಲ್ಡ ಎಂಡ್ ಅದರ್ ಇಂಡೊಲಾಜಿಕಲ್ ಎಸ್ಸೆಸ್’, ‘ದಿ ಕೊಂಕಣಿ ಲೆಂಗ್ಯೂಯೆಜ್’, ‘ಗ್ಲಿಂಪ್ಸಸ್ ಆಫ್ ಇಂಡಿಯನ್ ಹೆರಿಟೆಜ್’ ಆನೀ ಹೇರ ಪುಸ್ತಕಾ° ಪ್ರಮುಖ ಆಸಾತಿ ಮ್ಹಣು ಕಳವಣಿಂತು° ಸಾಂಗಲಾ°.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
248. ವೇರ
ವಣತೀಕ ಸಿಮೆಂಟ್ ಲೇಪಿಲೆ ಕಡೆ ವೇರ ಆಯಲ್ಯಾ. ತ್ಯಾ ಆರಸ್ಯಾಕ ಕಸಲೀಂಕೀ ಲಾಗೂನ ವೇರ ಆಯಲಾ. ಹೇ ಉಧ್ಘೃತ ವಾಕ್ಯಾಂತ ವೇರ ಮ್ಹಣಚೊ ಏಕ ಶಬ್ದ ವಾಪರಲಲೊ ಆಸಾ. ವೇರ ಮ್ಹಳ್ಯಾರ ಕಸಲೆ, ಆನಿ ತೇ ಶಬ್ದಾಚಿ ವ್ಯುತ್ಪತ್ತಿ ಕಶ್ಶಿಂ ಮ್ಹಣಚೆ ಸಮಜೂವ್ಯಾಂ. ಖ್ಹಂಚೇಯ ಎಕ ಫುಟಚ್ಯಾನ, ಭೆತಚ್ಯಾನ, ಥಂಯ ಮಧೆಂ ಆಸಚೇ ಖಾಲಿ ಥಳಾಕ್ ಜೋ ಆಸಾ ತಾಕಾ ವೇರ ಆಯಲಾ ಮಣತಾತಿ. ಹೋ ಅಥರ್ು ದಿವಚೊ ಜೋ ಸಂಸ್ಕೃತ ಶಬ್ದ ವಿಧಾರ, ವಿದೀರ್ಣ ಮ್ಹಣು ಆಸಾ ತೇ ಅಪಭ್ರಂಶ ರೂಪ ಜಾವನ ಆಸಾ ಹೋ ವೇರ ಮ್ಹಣಚೋ ಶಬ್ದು ವಿದಾರ ಮ್ಹಣಚೇ ಶಬ್ದಾಂತೂಲೇಂ ಮದ್ದೇಚೆ ಅಕ್ಷರ ಜೋ ದಾ ಮ್ಹಣಚೇ ಆಸಾ ತೇಂ ಲೋಪ ಜಾವನ ವಿದಾರ > ವಿಆರ ಮ್ಹಣು ಜಾತಾ. ಪಯಲೇ ಅಕ್ಷರ ವಿ ಕಾರಾಂತೂಲೇ "ಇ" ಆನೀ ತಾಚೆ ಮುಖಾವಯಲೇ "ಆ"(ಇ+ಆ) ಮೇಳೂನ ಏ ಜಾಲ್ಲಾ. ಅಶ್ಶಿಂ ವಿದಾರ > ವಿಆರ > ವೇರ ಮ್ಹಣ ಜಾಲಾಂ. ಆನೀ ಹಾಜೋ ಅರ್ಥ ಫುಟಿಲೇ, ಭೆತಿಲೇ, ಕಡೇನ ಆಸಚೋ(ದಿಸಚಿ) ಮೇಕಳಿ ಸುವಾತ ಮ್ಹಣು ಜಾವುನು ಆಸಾ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- GSB Scholarship League Application
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ಅಂತರಾಷ್ಟ್ರೀಯ ವನಿತಾ ದಿವಸು
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 125 guests and no members online