Displaying items by tag: Mangalore
ಜ. 21, ಮಹಿಳಾ ವೃಂದಾಚೊ ಕೊಂಕಣಿ ದೀವಸ
ಮಂಗಳೂರು: ಹಾಂಗಾಚೆ ಜಿ.ಎಸ್.ಬಿ. ಮಹಿಳಾ ವೃಂದಾಚೆ ತರಪೇನ ಜ. 21ಕ ರಥಬೀದಿಚೆ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾ ಭವನಾಂತು° "ಕೊಂಕಣಿ ದೀವಸ" ಆಚರಣ ಜಾವಚೊ ಆಸಾ. ವಿಶ್ವ ಕೊಂಕಣಿ ಕೇಂದ್ರಾಚೊ ಅಧ್ಯಕ್ಷ ನಂದಗೋಪಾಲ ಶೆಣೈ ಹಾಂಗೆಲೆ ಅಧ್ಯಕ್ಷತೆರಿ ಚಲಚೆ ಹ್ಯಾ ಕಾರ್ಯಕ್ರಮಾಂತು° ಕೊಂಕಣಿ ಸಮಾಜ ಸೇವಕ ಗಜಾನನ ಪೈ ತೋನ್ಸೆ ಹಾಂಕಾ° ಸೇವಾ ಕಾರ್ಯಕರ್ತ, ಕೊಂಕಣಿ ಸಾಹಿತ್ಯಾ ಖಾತಿರ ಲೇಖಕಿ ಗೌರಿ ಮಲ್ಯ ಹಾಂಕಾ° ಆನಿ ತಾರಾ ಶೆಣೈ ಹಾಂಕಾ° ಸುಧಾ ಶೆಣೈ ಸ್ಮರಣಾರ್ಥ ಪ್ರಶಸ್ತಿ ದೀವನು ಸನ್ಮಾನ ಚಲಚೊ ಆಸಾ. ಕೊಂಕಣಿ ದೀವಸಾ ಬದಲ ಆಯೋಜನ ಜಾಲೆಲೆ ಸ್ಪರ್ಧೆಂಚೆ ಇನಾ° ವಾಂಟಚೆ° ಆನಿ ಮಹಿಳಾ ವೃಂದಾಚೆ ಸಾಂದ್ಯಾಲೆ° ಸಾಂಸ್ಕೃತೀಕ ಪ್ರದರ್ಶನಯೀ ಜಾವಚೆ° ಆಸಾ ಮ್ಹಣು ಅಧ್ಯಕ್ಷಾ ನಯನಾ ರಾವ್ ಹಾಂನಿ° ಕೊಡಿಯಾಲ ಖಬರೆಕ ಕಳಯಲಾ°.
21 ಜನವರಿ "ರಾಮಾಯಣ ಜ್ಞಾನಧಾರಾ" ರಾಮಾಯಣ ಆಧಾರಿತ ಸ್ಪರ್ಧೆ
ಮಂಗಳೂರು: ಜಿ ಎಸ್ ಬಿ ಸೇವಾ ಸಂಘ ಮಂಗಳೂರು ಹಾಂನಿ° ಜನವರಿ 21, ಆಯತಾರಾ ಸುಜೀರ್ ಸಿ ವಿ ನಾಯಕ್ ಸಭಾಂಗಣ, ಕುದ್ಮುಲ್ ರಂಗರಾವ್ ರಸ್ತೊ, ಕದ್ರಿ, ಮಂಗಳೂರು ಹಾಂಗಾ "ರಾಮಾಯಣ ಜ್ಞಾನಧಾರಾ" ರಾಮಾಯಣ ಆಧಾರಿತ ಅಂತರ ಶಾಲಾ ಸ್ಪರ್ಧೆ ಆಯೋಜನ ಕೆಲಾ°. ಅಯೋಧ್ಯೆಂತು° ಶ್ರೀರಾಮ ಮಂದಿರ ಪುನರ್ ನಿರ್ಮಾಣ ಜಾಲೆಲೆ ಉಡಗಾಸಾಕ ಹೋ ಕಾರ್ಯಕ್ರಮ ಚಲತಾ. ತ್ಯಾ ದೀಸ ಸಕಾಳಿ 9 ಗಂಟ್ಯಾಕ ರಾಮಾಯಣ ರಸಪ್ರಶ್ನೊ, ರಾಮಾಯಣ ನಿರೂಪಣಾ ಆನಿ ರಾಮಾಯಣ ರಂಗ ಭರಚೊ ಸ್ಪರ್ಧೆ ಚಲತಾತಿ. ಬೈಲೂರು ಶ್ರೀ ರಾಮಕೃಷ್ಣ ಆಶ್ರಮಾಚೆ ಸ್ವಾಮಿ ವಿನಾಯಕಾನಂದಜಿ ಮಹಾರಾಜ ಹಾಂನಿ° ಸ್ಪರ್ಧೆಚೆ ಉಗತಾವಣ ಕರತಾತಿ. ಕೆ. ಸತೀಶ್ ಪ್ರಭು, ಟ್ರಸ್ಟಿ, ಶ್ರೀ ವೆಂಕಟರಮಣ ದೇವಸ್ಥಾನ, ಕಾರಸ್ಟ್ರೀಟ್, ಮಂಗಳೂರು ಹಾಂನಿ° ಮಾನಾಚೆ ಸೊಯ್ರೆ ಆಸತಲೆ. ಮಂಗಳೂರು ಕಾರ್ಸ್ಟ್ರೀಟ್ ಶ್ರೀ ವೆಂಕಟರಮಣ ದೇವಸ್ಥಾನಾಚೆ ಆದಲೆ ತಂತ್ರಿ ಪಂಡಿತ್ ಎಂ. ಸುರೇಂದ್ರ ಆಚಾರ್ಯ ಹಾಂಗೆಲೆ ಮಾರ್ಗದರ್ಶನಾರಿ ಹ್ಯಾ ಸ್ಪರ್ಧೆ ಚಲತಾತಿ ಮ್ಹಣು ಜಿ. ಎಸ್. ಬಿ. ಸೇವಾ ಸಂಘ ಮಂಗಳೂರು ಹಾಜೆ ಅಧ್ಯಕ್ಷ ಡಾ. ಕಸ್ತೂರಿ ಮೋಹನ ಪೈ ಹಾಂನಿ° ಪತ್ರಿಕಾ ಪರಿಶಧೆಂತು° ಕಳಯಲೆ°.
ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಚೆ 1 - 10ವೆ° ಕಕ್ಷಾಚೆ ಸಾಬಾರ 75 ಶಾಳೆಂಚೆ 750ಕಯೀ ಚಡ ವಿದ್ಯಾರ್ಥಿಯಾನಿ ರಾಮಾಯಣ ನಿರೂಪಣಾ, ರಾಮಾಯಣ ರಸಪ್ರಶ್ನೊ ಆನಿ ರಾಮಾಯಣ ರಂಗ ಭರಚೆ ಸ್ಪರ್ಧೆಂತು° ವಾಂಟೊ ಘೆವಚೆ ನಿರೀಕ್ಷಾ ಆಸಾ ಮ್ಹಣು ಆಡಳಿತಾಧಿಕಾರಿ ವೆಂಕಟೇಶ ಎನ್. ಬಾಳಿಗಾ ಹಾಂನಿ° ಕಳಯಲೆ°. ರಾಮಾಯಣ ನಿರೂಪಣಾ ಕೊಂಕಣಿ, ಕನ್ನಡ, ತುಳು ಯಾ ಸಂಸ್ಕೃತ ಭಾಷೆಂತು° ಚಲಚೆ ಆಸಾ ಆನಿ 1 ದಾಕೂನ 5ವೆ° ಕಕ್ಷಾಚೆ ವಿದ್ಯಾರ್ಥಿಯಾಂಕ ರಾಮಾಯಣ ರಂಗ ಭರಚೊ ಸ್ಫರ್ಧೊ ಚಲತಾ, ಹಾಕಾ ಛಾಪಲೆಲೆ ರೇಖಾಚಿತ್ರ ಸಭಾಂಗಣಾoತು° ದಿತಾತಿ ವಿದ್ಯಾರ್ಥಿಯಾನಿ ಸ್ವಂತ ಕ್ರೆಯಾನ ಹಾಡಕಾ ಮ್ಹಣು ತಾಣೆ ಸಾಂಗಲೆ°. ಸ್ಪರ್ಧಾ ವಿಜೇತಾಂಕ ಆಕರ್ಷಕ ಇನಾಂ ಆನಿ ವಾಂಟೊ ಘೆತಿಲೆ ಸಗಟ ವಿದ್ಯಾರ್ಥಿಯಾಂಕ ಸಹಭಾಗಿತ್ವಾಚೆ ಪ್ರಮಾಣಪತ್ರ ದಿತಾತಿ. ಆಸಕ್ತ ಲೋಕಾಂಕ ಪ್ರವೇಶ ಮುಕ್ತ ಆಸಾ. ಡಾ. ಎ. ರಮೇಶ್ ಪೈ, ಕಾರ್ಯದರ್ಶಿ, ಜಿ ಎಸ್ ಬಿ ಸೇವಾ ಸಂಘ, ವಿಶ್ವನಾಥ ಭಟ್, ಕೋಶಾಧಿಕಾರಿ, ಜಿ ಎಸ್ ಬಿ ಸೇವಾ ಸಂಘ, ಪಂಡಿತ್ ಎಂ. ಸುರೇಂದ್ರ ಆಚಾರ್ಯ, ಆಡಳಿತ ಮಂಡಳಿ ಸದಸ್ಯ, ಜಿ ಎಸ್ ಬಿ ಸೇವಾ ಸಂಘ ಆನಿ ಜಿ. ಗೋವಿಂದರಾಯ ಪ್ರಭು, ಕಾರ್ಯಕ್ರಮ ಸಂಯೋಜಕ ಉಪಸ್ಥಿತ ಆಶಿಲೆ.
मंगळूर लिट फेस्ट सवी संस्करण -2024
मंगळूर : मंगळूर लिट फेस्टाची सवी आवृत्ती मंगळूरांतल्या टीएमए पाई आंतरराष्ट्रीय अधिवेशन केंद्रांत 19, 20 आनी 21 जानेवारीक तीन दीस जातली.
सध्या ह्या महोत्सवांत वट्ट 29 सत्रां आसात. दोन मंच आनी गप्पा कक्षांत 60 परस चड लेखक आनी वक्ते वांटो घेतले.
‘वनिता सेवा समाज’ धारवाडाची ह्या लाइटफेस्ट सन्मानाची निवड जाल्या.
उक्तावण कार्यावळ 19 तारखेक सांजवेळा 5 वरांचेर जातली, आनी मुखेल सोयरो केंद्रीय साहित्य अकादेमीचो पुरस्कार फावो जाल्ली लक्ष्मीशा घोलपाडी, नामनेची कलाकार राधे जग्गी, डॉ. निट्टे विद्यापिठाची आसतली. विनय हेगडे, मिथिक सोसायटीचे सचीव रवी आनी वनिता सेवा समाज धारवाडचे सचीव मधुरा हेगडे हांणी वांटो घेतलो. नामनेचो भरतनाट्यम कलाकार राधे जग्गी (१९ वी सांज) आनी शास्त्रीच संगीत कलाकार संदीप नारायण (२० वी सांज) सादर करतले. भुरग्यां खातीर ‘चिन्नारा आंगळ’ कारकलाची वंदना राय हांणी आयोजीत करतले आनी पालकांक फिल्म दाखोवप, भुरग्यांची साहित्यीक रुच आनी कथांची आवड रुजोवपाच्या हेतान घडोवन हाडटले. पुस्तक स्टॉल, तुलू वर्णमाळे शिकपाची कार्यशाळा, मातयेचें मॉडेलिंग, देशांतले खेळ आनी लेखक आनी नामनेच्या लोकां कडेन संवाद सादप (गप्पा मारप) हीं ह्या उजवाडाच्या उत्सवाचीं खाशेलपणां. साहित्य जगांतले कुवेंपू, बेंद्रे आनी पंजे मंगेशराय ह्या तीन मास्तरांचेर खाशेले अधिवेशन आसतले. वक्ते, लेखक, संशोधक, विशय तज्ञ आमचे वांगडा कार्यावळींत आसतले.
तीन दिसांच्या कार्यावळीचो तपशील ह्या लिंकाचेर मेळटलो.
'ಲಗ್ನಾ ಪಿಶೆ°' ಕೊಂಕಣಿ ನಾಟಕ ಸಪ್ತಾಹ ಯಶಸ್ವಿ ಸಂಪನ್ನ
ಮುಂಬಯಿ: ಆಮ್ಮೀ ರಂಗಕರ್ಮಿ (ರಿ), ಮುಂಬೈ ಹಾಜೆ ಕಲಾವಿದ ಹಾಂನಿ° ಗುರು ಕೃಪಾ ಕಲಾ ರಂಗ, ಶ್ರೀ ಕಾಶೀ ಮಠ, ದಹಿಸರ್ ಹಾಂಗೆಲೆ ಸಹಯೋಗಾರಿ ಬಾಲಕೃಷ್ಣ ಪುರಾಣಿಕ್, ಕಾಸರಕೊಡ್ ಹಾಂಗೆಲೆ ರಚನಾ ಆನಿ ಲಿಮ್ಕಾ ಖ್ಯಾತಿಚೊ ಡಾ. ಚಂದ್ರಶೇಖರ್ ಶೆಣೈ ನಿರ್ದೇಶನಾಚೆ ಕೊಂಕಣಿ ಹಾಸ್ಯ ಪ್ರಧಾನ ಸಂಗೀತಮಯ ನಾಟಕ 'ಲಗ್ನಾ ಪಿಶೆ°' ಹಾಜೆ° 7 ಪ್ರದರ್ಶನ° ಡಿ 26 ದಾಕೂನ ಜನವರಿ 1 ತಾಂಯ ಕರಾವಳಿ ಜಿಲ್ಲೆಂತ ಕಾರ್ಕಳ, ಸಿದ್ದಾಪುರ, ಕುಂದಾಪುರ, ಶಿರಾಲಿ, ಭಟ್ಕಳ್, ಮಂಗಳೂರು ಆನಿ ಉಡುಪಿಂತು° ಪ್ರದರ್ಶನ ಕರನು ಮುಂಬಯಿಕ ಪರತೂನ ಆಯಲೆ. ಶ್ರೇಷ್ಠ ಸಂಗೀತ ಆನಿ ನೈಜ್ಯ ಹಾಸ್ಯ ಭರಿತ ಹ್ಯಾ ನಾಟಕಾಕ ಪ್ರೇಕ್ಷಕಾನಿ ಖೂಬ ಪ್ರಶಂಸಾ ದಿಲಿ. ಪಾತ್ರವಗಾಂತು° ಮುಂಬಯಿಚೆ ನಾವಾದೀಕ ಕೊಂಕಣಿ - ಕನ್ನಡ ಹಾಸ್ಯ ರಂಗನಟ, ಕನ್ನಡಿಗ ಕಲಾವಿದರ ಪರಿಷತ್ತು ಮಹಾರಾಷ್ಟ್ರ ಹಾಜೊ ಉಪಾಧ್ಯಕ್ಷ ಕಮಲಾಕ್ಷ ಸರಾಫ್, ಸಾರಸ್ವತ ಸಮಾಜಾಚೊ ರಂಗನಟ ಹರೀಶ್ ಚಂದಾವರ್, ಮ್ಹಾಲ್ಗಡೊ ರಂಗನಟ ಆನಿ ಯಕ್ಷಗಾನ ಕಲಾವಿದ ತೋನ್ಸೆ ವೆಂಕಟೇಶ್ ಶೆಣೈ, ಪ್ರಬುದ್ಧ ನಾಟಕ ಆನಿ ಯಕ್ಷಗಾನ ಕಲಾವಿದಾ ಅಕ್ಷತಾ ಕಾಮತ್, ಯುವ ಪ್ರತಿಭಾವಂತ ಕಲಾವಿದ ಪ್ರಮೋದ್ ಮಲ್ಯ ಆನಿ ಚಂದ್ರಶೇಖರ್ ಶೆಣೈ ಹಾಂನಿ° ಅಧ್ಬುತ ನಟನ ಕೆಲೆ°. ನಾಟಕಕಾ ಸಂಗೀತ ನಿರ್ದೇಶನ ಕೃಷ್ಣ ಚಂದಾವರ್ ಹಾಂನಿ° ಕೆಲೆ°. ಸುಧಾಕರ್ ಭಟ್ ಹಾಂನಿ° ಸೌಂಡ್ ಆನಿ ಉಜ್ವಾಡ ಸಾಂಬಾಳಲೊ, ರಂಗಸಜ್ಜಿಕಾ, ಆನಿ ಪಾರ್ಶ್ವ ಸಂಗೀತಾಚಿ ಜಬಾಬದಾರಿ ತಾಂನಿ° ಸಾಂಬಾಳಲಿ. ಹರ ಎಕ ಪ್ರದರ್ಶನಾಚೆ ವೇಳಾರಿ ಸಭಾಗೃಹ ಭರ ಪ್ರೇಕ್ಷಕ ಆಶಿಲೆ.
To Support Kodial Khaber click the following button.
ಜ. 9, ಕೊಂಕಣಿ ಭಾಶಾ ಮಂಡಳ ಕರ್ನಾಟಕ - ಸುವರ್ಣ ಮಹೋತ್ಸವ
ಮಂಗಳೂರು: 1974 ವರಸಾಂತು° ಕೊಂಕಣಿ ವರಕವಿ ಚಾಫ್ರಾ ದೆಕೊಸ್ತಾ ಹಾಂನಿ° ಅಧ್ಯಕ್ಷ ಆಸೂನ, ಪಂಚ್ಕದಾಯಿ ಸಂಪಾದಕ ಬಿ. ವಿ. ಬಾಳಿಗಾ ಹಾಂನಿ° ಉಪಾಧ್ಯಕ್ಷ ಆಸೂನ, ಆಸ್ಟಿನ್ ಡಿಸೋಜ ಪ್ರಭು ಕಾರ್ಯದರ್ಶಿ ಆಸೂನ ರಾಕ್ನೋ ಪತ್ರಿಕೆಚೆ ತೇದನಾಚೆ ಸಂಪಾದಕ ಫಾದರ್ ಮಾರ್ಕ್ ವಾಲ್ಡರ್ ಖಜಾಂಚಿ ಆಸೂನ ಸ್ಥಾಪನಾ ಜಾಲೆಲೆ ಕೊಂಕಣಿ ಭಾಶಾ ಮಂಡಳ ಕರ್ನಾಟಕ ಹಾಜೊ ಭಾಂಗರಾಳೊ ಮಹೋತ್ಸವ ಜನವರಿ 9ಕ ಮಂಗಳೂರಚೆ ಕದ್ಮುಲ ರಂಗ ರಾವ್ ಪುರಭವನಾಂತು° ಚಲಚೆ ಆಸಾ ಮ್ಹಣು ಅಧ್ಯಕ್ಷ ಕೆ. ವಸಂತ ರಾವ್ ಹಾಂನಿ° ಆಜಿ ಪತ್ರಿಕಾ ಪರಿಶಧೆಂತು° ಕಳಯಲೆ°. ಹ್ಯಾ ಸಂದರ್ಭಾರಿ ಪಾಂಚ ಪ್ರಶಸ್ತಿಯೊ ಪ್ರಧಾನ ಕರತಾತಿ ಮ್ಹಣು ತಾಂನಿ° ಕಳಯಲೆ°. ಕೊಂಕಣಿ ಭಾಶೆ ಖಾತಿರ ಜೀವಮಾನ ಭರ ಸೇವಾ ದಿಲೆಲೆ ಮ್ಹಾಲ್ಗಡೆ ರಾಮದಾಸ್ ಗುಲ್ವಾಡಿ ಹಾಂಕಾ° ಜೀವಮಾನ ಪ್ರಶಸ್ತಿ, ಲೋಕವೇದ ಕಲಾವಿದ ಆನಿ ಗಾಂವoಟಿ ಚಿಕಿತ್ಸಕ ಕಲ್ಯಾಣಿಬಾಯಿ ನೀರ್ಕೆರೆ ಹಾಂಕಾ° ಜಾನಪದ ಪ್ರಶಸ್ತಿ ಕೊಂಕಣಿ ವಾರಪತ್ರಿಕೆಕ ಚಂದಾದಾರ ಕರರತ ಆಸಚೆ ಸಾಗರಚೆ ಅಪ್ಪುರಾಯ ಪೈ ಹಾಂಕಾ° ಕೊಂಕಣಿ ಕಾರ್ಯಕರ್ತ ಪ್ರಶಸ್ತಿ, ಕೊಂಕಣಿ ನಾಟಕ/ಚಲನ ಚಿತ್ರ ನಟ ಕ್ಲಾನ್ವಿನ್ ಫೆರ್ನಾಂಡಿಸ್ ಹಾಂಕಾ° ಯುವ ಪ್ರಶಸ್ತಿ, ಆನಿ ಪಯಲಿ ಕೊಂಕಣಿ ಕೃತಿ ಪ್ರಕಟ ಕೆಲೆಲಿ ಕೃತಿಕಾ ಕಾಮತ ಹಾಂಕಾ° ಪುಸ್ತಕ ಪ್ರಶಸ್ತಿ ಫಾವೊ ಜಾತಾ ಮ್ಹಣು ತಾಂನಿ° ಕಳಯಲೆ°. ಹ್ಯಾ ನಂತಾ° ವೆಗವೆಗಳೆ ಕ್ಷೇತ್ರಾಂತು° ಸೇವಾ ದಿಲೆಲೆ ಪನ್ನಾಸ ಸಾಧಕಾಂಕ ಸನ್ಮಾನ ಚಲತಲೊ. ತ್ಯಾ ದೀಸ ಸಕಾಳಿ ಅಂತರ ಶಾಳಾ ಆನಿ ಕಾಲೇಜ ವಿಭಾಗಾಂತು° ವಿವಿಧ ವಿನೋದಾವಳಿ ಸ್ಪರ್ಧೋ ಚಲಚೊ ಆಸಾ ಆನಿ ತ್ಯಾ ವೇಳಾರ ಕೊಂಕಣಿ ಸಂಗೀತ, ನಾಟ್ಕುಳೆ°, ಜಾನಪದ, ನೃತ್ಯ ಆನೀ ಹೇರ ಸಾಂಸ್ಕೃತೀಕ ಪ್ರದರ್ಶನ ಚಲಚೆ° ಆಸಾ ಮ್ಹಣು ತಾಂನಿ° ಸಾಂಗಲೆ°.
ಭಾಂಗರಾಳೊ ಮಹೋತ್ಸವಾಚೆ ವಾಂಟೊ ಜಾವನು ಚಲೆಲೆ ಪ್ರಭಂದ ಸ್ಪರ್ಧೆಂತು° ಸಂತ ಅಲೋಶಿಯಸ್ ಕಾಲೇಜಾಚೆ ವಿದ್ಯಾರ್ಥಿ ಫ್ರಾಂಕಿ ್ಲನ್ ಕ್ರಿಸ್ಟನ್ ಕೆಸ್ಟೆಲಿನೊಕ ಪಯಲೆ°, ಕುಮಾಟಾಚೆ ಸರಸ್ವತಿ ಪಿಯುಸಿ ಕಾಲೇಜಾಚಿ ಅಕ್ಷತಾ ವಿನಾಯಕ ಶಾನಭಾಗಾಕ ದುಸ್ರೆ°, ಮಂಗಳೂರು ವಿಶ್ವವಿದ್ಯಾನಿಲಯಾಚೆ ಕೊಂಕಣಿ ಎಂಎ ವಿದ್ಯಾರ್ಥಿ ರವಳನಾಥ ಆರ್ ಕಾಮತ್ ಹಾಂಕಾ° ತಿಸ್ರೆ° ಇನಾಂ ಫಾವೊ ಜಾಲಾ° ಆನಿ ಹಾಂಕಾ° ಹ್ಯಾಚ ಸಮಾರಂಭಾoತು° ಇನಾಂ ವಾಂಟತಾತಿ.
1995 ಇಸವಿಂತು° ಕೊಂಕಣಿ ಭಾಶಾ ಮಂಡಳಾನ ಕೊಂಕಣಿ ಉಲೊವಚೆ ಸರ್ವ ಧರ್ಮಾಚೆ (ಹಿಂದು, ಮುಸ್ಲಿಂ, ನವಾಯತ ಮುಸ್ಲಿಂ) ಹಾಂಕಾ° ಸಾಂಗತ ಹಾಡೂನ ಪಯಲೆ° ವೀರ್ಶವ ಕೊಂಕಣಿ ಸಮ್ಮೇಳನ ಆಯೋಜನ ಕೆಲಾಂ, ಕೊಂಕಣಿ ಭಾಸ ಆನಿ ಸಂಸ್ಕೃತಿ ಪ್ರತಿಷ್ಠಾನ ಸ್ಥಾಪನ ಕರಚಾಕ ಮೂಲ ಧನ ದಿಲಾ° ಮ್ಹಣು ತಾಂನಿ° ಸಾಂಗಲೆ°. ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಸ್ಥಾಪನ ಜಾವಚಾಕ, ಕೊಂಕಣಿ ಭಾಸ ಸಂವಿಧಾನಾಚೆ ಆಟ್ವೇ ವಳೇರಿಂತು° ಮೆಳೋಚಾಕ ಭಾಶಾ ಮಂಡಳಾನ ಖೂಬ ವಾವ್ರ ಕೆಲಾ° ಮ್ಹಣು ತಾಂನಿ° ಸಾಂಗಲೆ°. ಪತ್ರಿಕಾ ಪರಿಶಧೆಂತು° ಅಧ್ಯಕ್ಷ ಕೆ ವಸಂತ ರಾವ್, ಕಾರ್ಯದರ್ಶಿ ಆನಿ ಸಂಚಾಲಕ ರೇಮಂಡ್ ಡಿಕೂನಾ ತಾಕೊಡೆ, ಪ್ರಶಸ್ತಿ ಸಂಚಾಲಕ ಡಾ. ಅರವಿಂದ್ ಶಾನಭಾಗ, ಪೋಷಕ ಎಂ. ಪ್ರಶಾಂತ ಶೇಟ್, ಖಜಾಂಜಿ ಸುರೇಶ್ ಶೆಣೈ, ಉಪಾಧ್ಯಕ್ಷ ರತ್ನಾಕರ ಕುಡ್ವ ಆನಿ ಸಹ ಕಾರ್ಯದರ್ಶಿ ಜೂಲಿಯೆಟ್ ಪೆರ್ನಾಂಡಿಸ್ ಉಪಸ್ಥಿತ ಆಶಿಲೆ.
To Support Kodial Khaber click the following button.
30 डिसेंबर मंगळूर कंबला
मंगळूर : मंगळूर कंबला 30 डिसेंबराक बेंगळुरूरांतल्या गोल्डफिंच सिटींत भव्य रितीन जातलें, ताचो एक भाग म्हूण फोटो सर्त, रंग मेळप आनी रील सर्त घडोवन हाडल्या अशें कंबला समितीचे अध्यक्ष के. बृजेश चौटान पत्रकार परिशदेंत ही म्हायती दिली.
३० डिसेंबराक सकाळीं ८:३० वरांचेर... रत्न माधव शेट्टी माचयेर कंबलाचें उक्तावण जातलें. चित्रदुर्गा मदरा चेन्नया गुरुपीठचे श्री बसवमूर्ती मदरा चेन्नया स्वामीजी उक्तावण करतले, रानी अब्बक्का तुलू अभ्यास केंद्र बंटवाला ताचे अध्यक्ष डॉ. तुकाराम पुजारी अध्यक्षपद सांबाळटले जाल्यार कंकणडी ब्रह्म बैदरकला गरडी अध्यक्ष के. चित्तरंजन दिवो पेटयतलो.
रामकृष्ण मठचे स्वामी जितकामानंद जी, वज्रदेही मठचे राजशेखरानंद स्वामीजी हाजीर आसतले. एम.आर.जी. गट अध्यक्ष पुरुष के प्रकाश शेट्टी, भाजपा युवा मोर्चा राष्ट्रीय अध्यक्ष खासदार तेजस्वी सूर्य, खासदार नलीन कुमार कतील, सभापती उ.टी. दक्षिण कन्नड, उडुपी जिल्ह्याचे सगळे आमदार आनी मानेस्त वांटो घेतले अशी म्हायती खादर हांणी दिली.
पत्रकार परिशदेंत सरचिटणीस सुजीत प्रताप, संयोजक सचिन शेट्टी संथ्यागुथू, कोषाध्यक्ष प्रीतम राय, उपाध्यक्ष संजय प्रभु, अजीत बोपाईया, ईश्वर प्रसाद शेट्टी, मानादीक सल्लागार विजय कुमार कंगिनामणे आनी हेर लोक हाजीर आशिल्ले.
To Support Kodial Khaber click the following button.
केनरा संस्थांनी समाजीक उदरगतीचो हुस्को : श्री संयमिंद्र तीर्थ स्वामीजी
केनरा अभियांत्रिकी महाविद्यालय, कॅम्पसांत ‘सुधींद्र नगर’ नांवाच्या गुरू सुधींद्र पुतळ्याचें अनावरण.
मंगळुरूः गौडा सरस्वत समाज जरी वेवसायीक कुशळटायेन वळखतात तरी केनरा शिक्षणीक संस्थांनीच न्हय तर अम्म्म्बाला सुब्बाराव पाई सारकिल्या दूरदर्शकांनी सुरू केल्ल्या केनरा बँकेक समाजीक उदरगतीचो मुळावो हुस्को आसा हें म्हत्वाचें श्री काशिमथादिशा श्रीमद संयमिंद्र तीर्थ स्वामीजीन म्हणलें. तांणी बिरेस्तारा सांजवेळा बेंजनापदाच्या केनरा अभियांत्रिकी महाविद्यालयाक शिष्टाचार भेट दिवन म्हाविद्यालयाच्या आवारांतल्या नव्यान बांदिल्ल्या वानमंतपांत परमागुरू श्रीमद सुधींद्र तीठा स्वामीजी हांच्या मूर्तीचें अनावरण केलें. म्हाविद्यालयाच्या पुराय परिसराक ‘सुधींद्र नगर’ अशें नांव दिवप ताणें पुराय केलें. हे यादीक ताणें चंदनाची रोप लायली.
म्हाविद्यालयाच्या सभाघरांत जाल्ल्या विधानसभा कार्यावळींत मोगान शिकोवप, सांस्कृतीक शिक्षण, वेव्हारीक गिन्यान हांचे वांगडाच संशोधन कार्यावळीचेर भर दिवपाक जाय अशें तांणी सांगलें. आमच्या राष्ट्राच्या उत्पादनांक आमी पयली प्राधान्य दिवंक जाय. विद्यार्थ्यां मदीं पर्यावरण मोगाचें म्हत्व प्रभावीपणान सांगपाची गरज आसा अशें तांणी सांगलें.
ह्या संदर्भार श्री श्रीगलान केनरा गट शिक्षणीक संस्थांचें ‘डिजिटल प्लॅटफॉर्म’ आनी केनरा अभियांत्रिकी महाविद्यालयाची नवी संकेतथळ सुरू करपाक मदत केली. तशेंच म्हाविद्यालयाच्या वेगवेगळ्या विभागांक आनी प्रयोगशाळांकय ताणें भेट दिली.
म्हाविद्यालयाच्या गव्हर्निंग बॉडी, केनरा हायस्कुल असोसिएशनाचे पदाधिकारी हांणी म्हाविद्यालय वतीन श्री. संचालक मंडळाचे अध्यक्ष डी.वासुदेव कामठ, मानादीक सचीव एम. रंगनाथ भट्ट हाणें गुरू पदपूज केली. शासन मंडळाचो सहकोषाध्यक्ष एम. जगन्नाथ कामथान प्रस्तावना उतरांनी येवकार श्री हरि गुरू केनरा संस्थांची दयाळपण वाडल्या. सध्या नव्या नर्सिंग शिक्षणा वांगडाच युपीएससी परिक्षकां खातीर निवासी अभ्यासक्रम सुरू करपाची तयारी जाल्या आनी फुडल्या टप्प्यांत वैजकी म्हाविद्यालय सुरू करपाचें सपन साकार जावंक जाय अशें तांणी सांगलें. मंडळाचो उपाध्यक्ष एम. पद्मनाभ पाई, सचीव के. सुरेश कामठ, टी.गोपालकृष्ण शेनई, सहाय्यक वांगडी बस्ती पुरुषोत्तमा शेनई, के. सिवानंद शेनई, एम. नरेश शेनई, योगीश आर कामठ, अश्विनी गणेश कामथ, महाविद्यालयाचे प्राचार्य डॉ नागेश एच. आर. , डीन, विभाग मुखेली, व्याख्यातो, बिगर शिक्षक आनी म्हाविद्यालयाचे विद्यार्थी हाजीर आशिल्ले.
To Support Kodial Khaber click the following button.
गोयं मुक्तिचो इतिहास – आदले गोंयकारांच्या वंशजांचे नदरेन
दशंबर 19 आनी 20, 1961 चे तारेखेक रात्रिच्या आकाशवाणीची बातम्या आयकून आमचे बापयन घरांत गोयं मुक्तिची खबर पातयळी. आमी बुर्गीं सगळीं खूब खोश भोगले कित्याक म्हळ्यार आमची आवय केदनाय रात्रीक न्हिदच्या वेळाका आमका सांगताली की आमचे पूर्वज गोयंकार आनी ते सगळे पुर्तुगेजांचे बळ्जबरेन गोयां सावन मंगळूराक थळांतर जालीं. “ती कितली वरसांची फ़ाटली गजाल गे?” म्हणु आमी विचारल्यार ती म्हणताली “कांयतर 400 वरसांचिरे, माका चड मायती ना, तुं जेन्ना बरे करू शिकता, वाचता तेन्ना तूंच सोद कर”. गोयं आनी मंगळूरच्या भूंयांतर, भास, शिक्षण, येरादारी हीं सगळीं अडकळान हाचे अध्ययन करूंक 50 वरसांचो काळ हांव घेतलो. तरी पूण गोयं मुक्तिचो इतिहास खंय सुरवात जाता? हें माका एक यक्ष प्रश्न आशिलो. हांवे खूब फ़ावटी पत्रिकेंत, पुस्तकांत आनी जे आता गोयंकार आसात तांचे मद्दीं थोडेच लोकान त्या वेळाचेर भारताचे प्रधान मंत्री आशिल्ले पंडित जवाहारलाल नेहरू हांका गोयं मुक्तिचो श्रेय कित्याक दितात? स्वत: गोयंकाराचो पात्र कित्याक विसरतात माका केदनाय समजले ना. त्या खातिर हांवे एक अध्ययन घेतलो. ताचो एक ल्हान सारांश हो. हें अध्ययन आसा गोयं सरकाराचो वार्तापत्र, पुराभिलेख संग्रह आनी भारतीय इतिहासकारांचे पुराव्यांची आधाराचेर. थोडी गजाल हांवें पुर्तुगालाचे ब्रागा शाराक भेट केल्ले वेळार पळयली बी आसा.
पयलें यत्न: गोयांत गैर भारतीय राज वंशाचो इस्लामी मलिक काफ़ुराची हाजिरी आमका दिसता इसवी 1307तुं देवगिरी यादवांचे कालाचेर. मलिक काफ़ुर गोयंची संपत्ती लुटुन गेलो आनी ताका आड करची शक्ती त्या वेळाचेर गोयांत नाशिली. तशेंच तांचो राय रामचंद्राक बंधी करून दिल्लीक वेल्लो आनी 1345 तुं राजा सूर्यदेवाक इस्लामी बंडुकोरान हत्या केलो अशें इतिहास सांगता. 15वे शतमानांचे मद्दी जेन्ना गोयं बाहमानी सुल्तांचे कबज्यांत गेलें तेन्ना पयले फ़ावटी एक गोयंकार माधव मंत्री (विजय नगराचो अधिकारी) हाणे इस्लामी रायभारा सावन गोयांक मुक्ती दिल्ली आनी दिवाडिचे सप्तकोटेश्वर देवुळ बांदवुन घेतलें अशें पुरावो आसा. हें गोयं मुक्तीक पयलें यत्न म्हणुक जायत. मागिर 15वे शतमानांचे आखैरक गोंय परतुन बाहामानी आनी बिजापुर सुल्तानांच्य कब्जेक गेलें
म्हाळ पैचें दूसरें यत्न: कांयतर 50 वरसां बिजापुरच्या कबजेंत आशिल्लें गोयं मुक्तीक वेरणेचो सरदेसाइ म्हाळ पैन 1510 इस्वेंत केल्लें यत्न इतिहासांत दाखल आसा आनी तें जैत बी जाल्लें. ह्या यत्नाक गोयंचे स्वताचें सैनिक बळ नासिल्लें आनी त्या खातिर पुर्तुगेज अफ़ोन्सो अल्बुकेर्काचें नवदळाचो फ़ाटिंब घेतलो पूण हें पूरय जैत तातपुरिक जालें आनी पुर्तुगेजान गोयं पूरय गिळ्ळें. माधव मंत्रीच्या उप्रांत गोयं मुक्तीचें हें दूसरें यत्न म्हणुक कांय हरकत ना. 1934-35 तुं म्हाळ पैन आदिल शाइ नवदळाच्या सहायान उरफ़ाटे पुर्तुगेजांक मेकळे करूंन गोयं मुक्तीचो तीसरो यत्न बी केल्लो आनी हारलो.
1583 कुंकळिचे हुतात्म: पुर्तुगेजांचे विरोधांत राविल्ले जे गोयंकार आशिल्ले तांका पितूरी करून संधीक आपोवुन क्रूर हत्या करून मरण दिल्ले तेच कुंकळीचे हुतात्म. हाका कुंकळिचोबंड’ म्हळ्ळें नांव पुर्तुगेजान दिल्लें तर हो गोयं मुक्तीचो चौतो यत्न खरें
छत्रपती शिवाजी महाराजाचो पांचवा यत्न: 130 वरसांचे उप्रांत 1664-65 चे काळार मराTha राय शिवाजीन गोयं मुक्तीक आनी एक यत्न केल्लें, बारदेस कबज्यांत घेतलें आनी दिवाडेचो सप्तकोटेश्वर देवुळाचो पुनर्निर्माण केल्लें अशें इतिहास सांगता. 1740 इसवेंत मराठा राज सत्तेन पुर्तुगेजांचे सांगात संधी केल्ली आनी शाश्टी आनी बारदेस तांका परतुने दिल्लें.
राणेंचो सवे यत्न: 1852-1912 काल घट्टाचेर राणे कुटुंबान (कुस्तोभा, दीपु राणे इत्यदी) पुर्तुगेजांचे आड रावले आनी फ़ार मारलो हो खरेपणान गोयंकाराचो मुक्ती खातिर केल्लो सवो यत्न. तशेंच 1912 तुं ‘पिंटो रिवोल्ट’ म्हणु नांव लाइल्या यत्न. हीं दोनय भूंयकर चो वादाचेर जल्लो ल्हान आनी स्वार्थी झगडो अशें पुर्तिगेज इतिहासकारान पट्टी लायली. पूण आधुनिक इतिहासांत हीं सगळ्यो गजाल ‘गोयं मुक्ती’ लोकांचो यत्न म्हणुम मानूंक जाय
1939 - 1961 मेरेन चालती आसिलो गोयं मुक्तीचो सातवा यत्न: हो एक लांब इतिहास माधव मंजुनाथ शानभाग हाणे अखिल भारतीय कोंकणी परिशद म्हळ्ळो नावांचो सैन्य आनी कोंकणी भासेचो अस्त्र वापरुन गोंय आनी गोंयची भासेचो मुक्तीक एक नवी शक्ती प्रयोग केल्लो. लोहिया सत्याग्रह इत्यादी सगळीं आटवे यत्न: हीं सगळीं गोयं मुक्तीक गोयंकारो यत्न. तांतु खूब गोयंकार हुतात्म जाल्ले. स्वतंत्र भारताचे सरकारान त्या खातिर हीं सगळीं यत्न मानुन घेवुंन 1947 न्हयतर 1950 तुं गोयांत सैनिक कारवाय करून गोयांक पुर्तुगेजांचे मुस्ठी सावन मुक्ती दिवुंक जाय आशील्ली. पूण तें पूराय एक दशकाचे उप्रांत 1961 तुं जाल्लें. हो कांय गोयंकाराक दिल्लो व्हडलो मान न्हय. गोयांक आखैरची मुक्ती गोयंकाराची स्वताची शक्तेन आयली ती म्हळ्यार 1987 तुं गोयं घटक राज्य आनी कोंकणी राजभास जाली तेन्ना.
डा. कस्तुरी मोहन पै
9845083135
To Support Kodial Khaber click the following button.
जम्मू काश्मीरांत कलम 370 रद्द सांविधानिक आसा – सर्वोच्च न्यायालय
काश्मीर परतून जावो भूंयचे वयलें स्वर्ग - डा. कस्तुरी मोहन पै
जम्मू काश्मीरांत कलम 370 रद्द केंद्र सरकारान केल्लें सांविधानिक आसा अशें सर्वोच्च न्यायालयाचे पंच सदस्य पीठाचो एकमताचो निकाल सुयॊग्य आसा. 70 वर्सांचो काल त्या कलमांत सुंदर भूंय काश्मीर कोसळुन गेली. आनी परतुन जम्मू आनी काश्मीराक भारताचे मुखैल धारांत हाडपाची क्रियात्मक आनी आशावादी चींतपाचे लोकांन थंय राज करूंक जाय. थंय आकांतवाद संपूर्ण बंद जांवुक जाय. ह्या विचारान प्रधान मंत्री मोदी सरकारान 2019 तुं थंयचो कलम 370 रद्द केलो. हाच्या विरुद्ध भारताचे सर्वोच्च न्यायालयांत पांच मन्वियो दाखल जाल्यो. कलम 370 शाश्वत नियम आनी भारताचे राष्ट्रपतीक तें नियम रद्ध करचो हक्क ना म्हणु वाद मंडन केलो.
1947 तुं जेन्ना भारत मुक्त जालें त्या वेळार जम्मू काश्मीरांत राज करून आशिल्या महाराजा हरी सिंह आनी तें राज्य भारताक जोडचे संधीक हस्ताक्षर करून भारताक जोडलें. पूण थंय ‘युद्ध स्थिती’ आसुन गणतंत्र भारतान थंय कलम 370 लाग केलो. सर्वोच्च न्यायालयाच्या 5 न्यायाधिशांच्या घटनापीठान कलम 370 ही तातपुर्ती तजवीज आशिल्ली. झम्मू काश्मीर हो भारताचो अविभाज्य भाग आशिल्यान घटनेच्याकलम 1 आनी 370 वयल्यान हो रद्ध करपाक तर संसदान शिपारस केल्यार राष्ट्रपतीक हक्क आसा म्हणु स्पश्ट आनी एकमताचो निकाल दिल्लो.
ह्या निकालान जम्मू का्श्मीराचे लोकान भारताचे दूसरीं राज्यां सारके तांचे सरकार वेंचूका, राज्याची अर्थिक, शिक्षणिक आनी समाजिक सुधारण जावुंक जाय, थंय पर्यटन आनी तांत्रिक उद्दिम वाडुंक जाय, थंयच्या युव समुदायान उद्दिमशील जावंक जाय, दूसरे राज्याच्या लोकांक थंय रावुंक हक्क मेळुंक जाय, अशें न्यायपीठान तांचे निकालांत आशय व्यक्त केला. 2024 च्या सप्तंबर मयन्या भितर थंच्या विधान सभेक वेंचुणुक करूंक आदेश बी दिल्लो.
विदेशी आक्रमणशाइ लोकांच्या कालार सावुन आयज मेरेन मार खालेल्या काश्मीर संस्कृतायेचो पुनरपी उदरग्ती जावो. काश्मीरी भास आमच्या कोंकणी सारके आसा आनी तॊ बी संस्कृत आनी प्राकृत भासें सावुन उबजलेली आनी ताची सहज लिपी देवनागरी आशिली म्हळ्ळी गजाल खूब लोकांक समजावण ना. आमच्या मालघड्यान ‘शारदा देवी काश्मिर पुर निवासिनी’ म्हणु थोकणाय केलेलें तें काश्मीर पुनरपी भूंयचे वयलें स्वर्ग जावो म्हणु आशय पावयां.
प्रो.( डॉ.) यू एस कृष्ण नायक हाका “आंतरराष्ट्रीय सन्मान प्रमाणपत्र ''
प्रो.( डॉ.) यू एस कृष्ण नायक, प्राचार्य आनी डीन ए बी शेट्टी मेमोरियल इन्स्टिट्यूट ऑफ डेंटल सायन्सेस आनी संचालक, नायक स्पेशॅलिटी क्लिनिक, हाका प्रतिश्ठीत “आंतरराष्ट्रीय सन्मान प्रमाणपत्र '' पिएरे फॉचार्ड अकादेमीचो (अमेरिका) सगळ्यांत उंचेलो वेवसायीक पुरस्कार फावो जाला ) 37व्या पीएफए वर्सुकी दीक्षांत समारोहांत भारत विभाग. हो पुरस्कार दंत भावपण आनी मोट्या प्रमाणांत समाजा कडेन उत्कृश्ट वचनबद्धताय दाखोवपी प्रा.(डॉ.) यू एस कृष्ण नायक हांकां फावो जालो.
(डॉ.) यू एस कृष्ण नायक हांणी इंडियन ऑर्थोडॉन्टिक सोसायटीचो नॅशनल प्रेसिडेंट, इंडियन डेंटल असोसिएशन हेड ऑफिस, आनी इंटरनॅशनल कॉलेज ऑफ डेंटिस्ट (सेक्शन VI) आदी हेर खूब प्रतिश्ठीत पदां सांबाळ्ळ्यात.तशेंच ताका जायतीं इंटरनॅशनल फेलोशिप मेळ्ळां आनी पयल्या क्रमांकाचेर ताका सगळ्यांत प्रतिश्ठीत कर्नाटक राज्य कन्नड राज्योत्सव पुरस्कारान भोवमान केला.
To Support Kodial Khaber click the following button.
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಉಲ್ ಉಲಯ
ಹ್ಯಾ ವಿಶಯಾಂತ ತೂಂ ಇತ್ತೆಂ ಮ್ಹಣತಾ, ಉಲಯ, ಉಲಯನಾಶಿ ನುಳೀತ ಬಯಸೂನಾಕಾ. ಉಲೊವಚಾಕ ಸೂರು ಕೆಲ್ಯಾರ ತೊ ಏಕ ತಾಸ ಉಲಯತಾ. ಹೆ ಉದ್ಧೃತ ವಾಕ್ಯಾಂತ ಉಲಯ ಮ್ಹಣಚೊ ಏಕ ಶಬ್ದು ವಾಪರಲಲೊ ದಿಸತಾ. ತೇ ಶಬ್ದಾಚೆ ವ್ಯುತ್ಪತ್ತಿ (ಮೂಳರೂಪ) ಆನೀ ಅರ್ಥ ಸಮಜೂವ್ಯಾಂ.
ಸಾಂಗ, ಕಳಯಿ, ಮ್ಹಣು ಆದಿಲ್ಲೆ ಅರ್ಥ ಆಸೂಚೋ ಹೋ ಉಲಯಿ ಮ್ಹಣಚೊ ಶಬ್ದು ಸಂಸ್ಕೃತ ಭಾಶೆಚೊ ಬ್ರೂ ಮ್ಹಣಚೇ ಧಾತು ಶಬ್ದಾಚೆ ಅಪಭ್ರಂಶ ರೂಪ ಜಾವನು ಆಸಾ.
ಬ್ರೂ ಮ್ಹಣಚೆ ಹಾಂತು ಬ್+ಊ+ರ್ ಮ್ಹಣ ತೀನ ಅಕ್ಷರ ಆಸತಿ. ಅಪಭ್ರಂಶ ರೂಪ ಪಾವತಾನಾ ಬ್ ಮ್ಹಣಚೆ ಅಕ್ಷರ ಲೋಪ ಜಾವನ ಊ+ರ್ ಮಾತ್ರ ಉರಲೇ. ಹಾಂತೂಲೆ ರೆ ಅಕ್ಷರ ಲ್ ಜಾವನು ಪರಿವರ್ತನ ಜಾವನು ಊಲ್ ಮ್ಹಣ ಜಾಲಾಂ. ದೀಘರ್ಾಕ್ಷರ ಊ ಹೃಸ್ವಾಕ್ಷರ ಉ ಜಾವನ ಉಲ್ ಮ್ಹಣ ರೂಪ ಉರಲೇಂ. ಹೆ ಉಲ್ ಮ್ಹಣಚೇ ಧಾತುಕ ಪ್ರತ್ಯಯ ಮೇಳನು ಉಲಯ, ಉಲಯತಾ, ಉಲಯನಾ ಮ್ಹಣು ಶಬ್ದಾಚೆ ವೇಗವೆಗಳೆ ಅಥರ್ಾರಿ ಆಮೀ ವಾಪರತಾತಿ. ಉಲಯಿ ಮ್ಹಣಚೆ ಹೆ ಶಬ್ದಾಕ ಸಾಂಗ, ವ್ಯಕ್ತ ಕರಿ, ಕಳಯ, ಸೂಚೋವಣ ದೀ, ಪರಗಟ ಕರಿ, ಜವಾಬ ದೀ ಆದಿಲ್ಲೇ ಸಂದಭರ್ಾನುಸಾರ ಅರ್ಥ ಆಸತಿ.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 88 guests and no members online