Displaying items by tag: Mangalore
ಡಿಸೆಂಬರ್ 13-19 ತಾಂಯ ಮಂಜೇಶ್ವರ ಷಷ್ಠಿ
ಮಂಗಳೂರು: ಗೌಡ ಸಾರಸ್ವತ ಬ್ರಾಹ್ಮಣ ಸಮಾಜಾಚೆ ದ್ಹಾ ಪೆಂಟೆಚೆ ದೇವಳ ಜಾವನು ಆಸಚೆ° ಮಂಜೇಶ್ವರಚೆ° ಶ್ರೀಮತ್ ಅನಂತೇಶ್ವರ್ ದೇವಳಾಚೊ ಷಷ್ಠಿ ಮಹೋತ್ಸವ ಡಿಸೆಂಬರ್ 13 ದಾಕೂನ 19 ತಾಂಯ ಚಲಚೊ ಆಸಾ ಮ್ಹಣು ದೇವಳಾಚೆ ಕಳವಣಿಂತು° ಸಾಂಗಲಾ°. ಚೌದಾ ತಾರೀಕೆಕ ಧ್ವಜಾರೋಹಣ, ಪಂದ್ರಾಕ ಹಗಲೋತ್ಸವು, ಸತ್ರಾಕ ರುಪ್ಯಾ ಪಾಲ್ಲಂಕಿ ಉತ್ಸವು, ಸೋಳಾಕ ಭಾಂಗ್ರಾ ಪಾಲ್ಲಂಕಿ ಉತ್ಸವು, ಆಟ್ರಾಕ ರಥಾರೋಹಣ ಆನಿ 19ಕ ಅವಭೃತೊತ್ಸವು ಚಲಚೊ ಆಸಾ ಮ್ಹಣು ಕಳವಣಿ ಸಾಂಗತಾ.
To Support Kodial Khaber click the following button.
ಮಂಗಳೂರು ಶಾಖಾ ಮಠ - ಗುರುವರ್ಯಾಲೆ° ಮಾರ್ಗರ್ದಶನ
ಮಂಗಳೂರು: ಶ್ರೀ ಸಂಸ್ಥಾನ ಗೌಡಪಾದಾಚಾರ್ಯ ಕವಳೆಮಠ ಹಾಜೆ° ಮಂಗಳೂರು ಶಾಖಾ ಮಠ ಹಾಜೆ° ಬಾಂದಪ ಹಾಂಗಾಚೆ ಕೊಟ್ಟಾರ ಪ್ರದೇಶಾಚೆ ಕೊಡಿಕಲಾಂತು° ಶೀಘ್ರ ಸಂಪನ್ನ ಜಾವಚೆ° ಆಸೂನ ನ.7ಕ ಮಠಾಧೀಶ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮಿ ಗುರು ಮಹಾರಾಜ್ ಹಾಂನಿ° ಬಾಂದ ಸ್ಥಳಾಕ ಭೇಟಿ ದಿವನು ಮಾರ್ಗದರ್ಶನ ದಿಲೆ°.
ಕೊಟ್ಟಾರ ಫೈಒವರಾಕ ಲಾಗೂನ ಆಸಚೆ ಜಾಗೆರಿ ಬಾಂದಿತ ಆಸಚೆ ಹ್ಯಾ ಚೌದ ಹಜಾರ ಸ್ಕ್ವೇರ್ ಫೀಟ್ ಇಮಾರತಾಂತು° ಬೇಸಮೆಂಟ್, ಗ್ರೌಂಡ್ ಆನಿ ಎಕ ಮ್ಹಾಳಿ ಆಸತಲೆ. ಸಾಬಾರ ಚಾರ ಕರೋಡ ರುಪಯೆಚೆ ಹ್ಯಾ ಯೋಜನೆಕ ಸಮಾಜಾಚೆ ಹರ ಎಕಲೆಲೆ ಯೋಗದಾನ ಆಸೂಂಕ ಜಾಯ ಮ್ಹಣು ಗುರುವರ್ಯಾನ ಸಾಂಗಲಾ°. ಹ್ಯಾ ಮಠ ನಿರ್ಮಾಣ ಕರಚಾಕ ಜಾವಕಾ ಜಾಲೆಲೊ 15 ಸೆಂಟ್ಸ್ ಜಾಗೊ ಅಳಿಕೆ ಗೋಪಾಲಕೃಷ್ಣ ಪೈ ಹಾಂನಿ° ತಾಂಗೆಲಿ ಆವಸು ತಾರಾ ಗೋವಿಂದ ಪೈ ಹಾಂಗೆಲೆ ಉಡಗಾಸಾಕ ಮಠಾಕ ಉಡಗಿರೆ ಜಾವನು ದಿಲೆಲೆ° ಆಸಾ.
2700 ವರಸಾಚೊ ಇತಿಹಾಸ ಆಸಚೆ ಹ್ಯಾ ಮಠಾಕ ದೇಶ ಭರ ಎದೋಳೂಚಿ 18 ಶಾಖಾ ಮಠ ಆಸಾತಿ. ಹ್ಯಾ ಮಠಾಕ ಶ್ರೀಮದ್ ಗೌಡಪಾದಾಚಾರ್ಯ ಹಾಂಗೆಲಿ ಗುರು ಪರಂಪರಾ ಆಸೂನ ತಾಂಗೆಲೊ ಶಿಷ್ಯ ಶ್ರೀಮದ್ ಭಗವದ್ ಪಾದಾಚಾರ್ಯ ಹಾಂನಿ° ಆದಿ ಶಂಕರಾಚಾರ್ಯ ಹಾಂಕಾ° ದೀಕ್ಷಾ ದಿಲೆಲಿ ಆಸಾ. ಭವಾನಿ ಶಂಕರ ಮಠಾಚೊ ಆರಾಧ್ಯ ದೇವು ಜಾವನು ಆಸೂನ ಮೂಲ ಮಠ ಗೊಂಯಚೆ ಕವಳೆಂತು° ಆಸಾ. ಶ್ರೀಮದ್ ಸಚ್ಛಿದಾನಂದ ಸರಸ್ವತಿ ಸ್ವಾಮೀಜಿ ಹಾಂಗೆಲೆ ಶಿಷ್ಯ ಜಾವನು ಆಸಚೆ ಆಯಚೆ ಪೀಠಾಧಿಪತಿ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ ಹಾಂಕಾ° ಕೊಡಿಯಾಲಾಚೆ ಶಿಷ್ಯವರ್ಗಾಚೆರಿ ವಿಶೇಷ ಮೋಗು ಆಸಾ. ಹಾಕಾ ಪ್ರಮುಖ ಕಾರಣ ಮ್ಹಳ್ಯಾರಿ 1994ತು° ಕವಳೆಂತು° ಹಾಂಕಾ° ಶಿಷ್ಯ ಸ್ವೀಕಾರ ಕರಚೊ ಕಾರ್ಯಕ್ರಮ ಘಡತನಾ ಮಂಗಳೂರು ಆನಿ ಉಡುಪಿ ಪರಿಸರಾಚೆ ಅಸಂಖ್ಯ ವೈದಿಕ ಆನಿ ಶಿಷ್ಯ ವರ್ಗಾನ ವಾಂಟೊ ಘೆತಿಲೆ° ಜಾವನು ಆಸಾ. ಗುರುವರ್ಯಾನ ಖಂಚೆಯ ಮೊಕ್ಕಾಂತು° ಆಸಲ್ಯಾರಯಿ ಗಣೇಶೋತ್ಸವಾಚೆ ವೇಳಾರ ಮಂಗಳೂರಚೆ ಸ್ವಯಂಸೇವಕಾನ ವಚೂನ ಗಣಪತಿ ಪಾವೊಚೆ° ಕರತಾತಿ. ಹೆ° ಸಾಬಾರ ದಶಕಾ ದಾಕೂನ ಚಲನು ಯೆವನು ಮಂಗಳೂರ ಶಹರಾ ವಿಷಯಾರಿ ಗುರುವರ್ಯಾಂಕ ಆಸಚೆ ವಿಶೇಷ ಅಭಿಮಾನಾಕ ಕಾರಣ ಜಾಲಾ°. 1998 ಇಸವಿಂತು° ಮಂಗಳೂರ ಶ್ರೀ ವೆಂಕಟರಮಣ ದೇವಳಾಂತು° ಶ್ರೀಮದ್ ಸಚ್ಛಿದಾನಂದ ಸರಸ್ವತಿ ಹಾಂನಿ° ಶಿಷ್ಯ ಸಹಿತ ಚಾತುರ್ಮಾಸ ಅತ್ಯಂತ ವಿಜೃಂಭಣೆನ ಆಚರಣ ಕೆಲೆಲೊ ಆಸಾ.
ಸದ್ಯಾಕ ಆಖೇರಿಚೆ ಸ್ಲೇಬಾಚೆ ಕಾಮ ಚಾಲೂ ಆಸೂನ ಗುರುವರ್ಯಾನ ಅವಲೋಕನ ಕರನು ಬಾಂದ ಸಮಿತಿಚೆ ಸಾಂದ್ಯಾ°ಕ ಸೂಕ್ತ ಮಾರ್ಗದರ್ಶನ ದಿವಚೆ° ಜಾಲೆ°. ಹ್ಯಾ ವೇಳಾರ ಮಂಗಳೂರು ಶಾಖಾ ಮಠಾಚೆ ವ್ಹಾಂಗಡಿ, ಸ್ವಯಂಸೇವಕ, ಇಂಜಿನಿಯರ್, ಆರ್ಕಿಟೆಕ್ಟ್, ಕಾಂಟ್ರೆಕ್ಟರ್ ಆನೀ ಹೇರ ಸಮಾಜ ಭಾಂದವ ಉಪಸ್ಥಿತ ಆಶಿಲೆ.
To Support Kodial Khaber click the following button.
25ವೆ° ಕೊಂಕಣಿ ಸಾಹಿತ್ಯ ಸಮ್ಮೇಳನ ಮಂಗಳೂರಾoತು° ಘಡಲೆ°
ಮಂಗಳೂರು: ಅಖಿಲ ಭಾರತೀಯ ಕೊಂಕಣಿ ಪರಿಷತ್ ಹಾಂಗೆಲೆ 25ವೆ° ಕೊಂಕಣಿ ಸಾಹಿತ್ಯ ಸಮ್ಮೇಳನ ನ 4 ಆನಿ 5ಕ ಹಾಂಗಾಚೆ ಶಕ್ತಿನಗರಾಂತು° ಘಡಲೆ°. ಕೊಂಕಣಿ ಕಾದಂಬರಿಕಾರ ಆನಿ ಕೊಂಕಣಿ ಚಳುವಳಿಚಿ ಮುಖೇಲಿ ಕೇಮಾ ನಾಯ್ಕ್ ಹಾಂನಿ° ಅಧ್ಯಕ್ಷತಾ ಘೆತಲಿ. "ದೇಶಾಚೆ ಸಾಹಿತ್ಯ ಕ್ಷೇತ್ರಾಂತು° ಸ್ತ್ರೀಯಾಂಚೊ ಯೋಗದಾನ ಖೂಬ ಆಸಾ. ಕೊಂಕಣಿ ಸಾಹಿತ್ಯಾಂತೂಯಿ ಮಾಕ್ಷಿಚೆ ತೀಸ ವರಸಾಂತು° ಸ್ತ್ರೀಯಾನಿ ಬರೆ° ಯೋಗದಾನ ದಿಲೆಲೆ° ದಿಸೂನ ಯೆತಾ. ಜಾಲ್ಯಾರ ದೇಶಾಂತ ಸ್ತ್ರೀಯಾಂಚೆರಿ ಜಾವಚೆ ಅತ್ಯಾಚಾರಾಕ ಬಾಂದೊಡ ಘಾಲಚೆ° ಜಾವಕಾ ಮ್ಹಣು ತಾಂನಿ° ಸಾಂಗಲೆ°. ಲೋಕಾ ಮಧೆ° ಎಕ್ವಟ್ ಹಾಡಚಿ ಶಕ್ತಿ ಭಾಶೆಕ ಆಸಾ. ತ್ಯಾ ದೆಕೂನ ಭಾಸ ಲೋಕಾಂಕ ಸಾಂಗತ ಹಾಡೂಂಕ ವಾಪರಕಾ ಮ್ಹಣು ತಾಂನಿ° ಸಾಂಗಲೆ°.
ಹಿoದಿ ಕವಿ ಉದಯನ್ ವಾಜಪೇಯಿ ಹಾಂನಿ° ದಿವೊ ಲಾವನು ಸಮ್ಮೇಳನಾಚೆ ಉಗ್ತಾವಣ ಕೆಲೆ°. ಅಖಿಲ ಭಾರತೀಯ ಕೊಂಕಣಿ ಪರಿಷದೆಚೊ ಅಧ್ಯಕ್ಷ ಅರುಣ್ ಉಭಯಕರ್ ಆನಿ ಕಾರ್ಯದರ್ಶಿ ಗೌರಿಷ ವರ್ಣೇಕರ್, ಕಾರ್ಯಾಧ್ಯಕ್ಷ ಚೇತನ್ ನಾಯಕ್, ಉಪಾಧ್ಯಕ್ಷ ಮೆಲ್ವಿನ್ ರಾಡ್ರಿಗಸ್, ಸ್ವಾಗತ ಸಮಿತಿಚೆ ಅಧ್ಯಕ್ಷ ಮೈಕಲ್ ಡಿಸೋಜಾ, ಉಪಾಧ್ಯಕ್ಷ ನಂದಗೋಪಾಲ ಶೆಣೈ, ಕಾರ್ಯಾಧ್ಯಕ್ಷ ಎಚ್. ಎಂ. ಪರ್ನಾಳ್, ಕಾರ್ಯದರ್ಶಿ ಟೈಟಸ್ ನರೊನ್ಹಾ ಆನಿ ಹೇರ ಉಪಸ್ಥಿತ ಆಶಿಲೆ. ವೆಗವೆಗಳೆ ವಿಷಯಾರ ಪರಿಸಂವಾದ ಚಲೆ. "ಕೊಂಕಣಿ ಸಾಹಿತ್ಯ ಚಳವಳ ಆನಿ ಪ್ರೋತ್ಸಾಹನಾ ಖಾತಿರ ಪಾವಲಾ°" ಹ್ಯಾ ವಿಷಯಾರ ಪಯ್ಯನೂರ್ ರಮೇಶ ಪೈ, ಜೇಸನ್ ಪಿಂಟೊ, ಡಾ. ಪ್ರಕಾಶ ವಝ್ರೀಕರ್, ಆಲ್ಫಿ ಮೊಂತೆರೊ ಹಾಂನಿ° ವಿಚಾರ ಮಂಡಣ ಕೆಲೆ°. ಡಾ. ನಾರಾಯಣ ದೇಸಾಯಿ ಅಧ್ಯಕ್ಷ ಆಶಿಲೆ. ಡಾ. ಅರವಿಂದ್ ಶ್ಯಾನಭಾಗ್ ಹಾಂನಿ° ನಿರೀಕ್ಷಕ ಆಶಿಲೆ. ಸಾಕಿತ್ಯ ಸಾದರಿಕರಣಾಂತು° ರಾಜಯ್ ಪವಾರ್, ದಿಲೀಪ್ ಬೋರ್ಕರ್, ಆಂಡ್ರೂ ಡಿಕುನ್ಹಾ, ಮಾಯಾ ಖರಗಾಂಟೆ, ವಿನ್ಸಿ ಪಿಂಟೊ, ಕೃಷ್ಣಕುಮಾರ ಕಾಮತ್, ರೇಮಂಡ್ ಡಿಕುನ್ಹಾ, ದಿನೇಶ್ ಮಣೇರ್ಕಾರ್, ಫೆಲ್ಸಿ ಲೋಬೊ, ರೊಜಾರಿಯೊ ಪಿಂಟೊ, ಸಂದೇಶ ಬಾಂದೆಕಾರ್, ಸಯ್ಯದ್ ಸಮಿವುಲ್ಲ ಹಾಂನಿ° ಸಾದರಿಕರಣ ಕೆಲೆ°. "ಬಾಳ ಸಾಹಿತ್ಯ ಆನಿ ಯುವ ಲೇಖಕಾಂಚೆ ಸಾಹಿತ್ಯ ಹ್ಯಾ ವಿಷಯಾರಿ ಬಾಲಕೃಷ್ಣ ಮಲ್ಯ, ರೋಶು ಬಜ್ಪೆ, ರತ್ನಮಾಲ ದಿವ್ಕಾರ್, ಅನ್ವೇಶಾ ಸಿಂಗಬಾಳ್ ಹಾಂನಿ° ವಿಷಯ ಮಂಡಣ ಕೆಲೊ. ಡಾ. ಪ್ರಕಾಶ್ ಪರಿಯೆಂಕಾರ್ ಅಧ್ಯಕ್ಷ ಆಶಿಲೆ. ಡಾ. ಪ್ರಶಾಂತಿ ತಳ್ಪಣ್ಕಾರ್ ಆನಿ ಮಾರ್ಕುಸ್ ಗೊನ್ಸಾಲ್ವಿಸ್ ನಿರೀಕ್ಷಕ್ ಆಶಿಲೆ. ಪುರುಷೋತ್ತಮ ಬಿಳಿಮಲೆ, ಉದಯನ್ ವಾಜಪೇಯಿ ಆನಿ ಮಮತಾ ಸಾಗರ್ ಹಾಂನಿ° ಸಮಕಾಲಿನ್ ಲೇಖಕಾ° ಖಾತೀರ ಆಹ್ವಾನಾ° ಹ್ಯಾ ವಿಷಯಾರಿ ಪರಿಚರ್ಚಾ ಕೆಲಿ.
ದುಸ್ರೆ ದೀವಸ "ಕೊಂಕಣಿ ರಂಗಮಾoಚಿಯೆಚಿ ದಶಾ ಆನಿ ದಿಶಾ" ಹ್ಯಾ ವಿಷಯಾರಿ ಕೃಷ್ಣ ಭಟ್, ಎಡ್ಡಿ ಸಿಕ್ವೇರಾ, ದೀಪರಾಜ್ ಸಾತೊರ್ಡೆಕರ್ ಹಾಂನಿ° ವಿಚಾರ ಮಂಡಣ ಕೆಲೆ°. ಡಾ. ತನ್ವಿ ಕಾಮತ್ ಬಾಂಬೋಳ್ಕರ್ ಆನಿ ಪ್ರಕಾಶ ಶೆಣೈ ಹಾಂನಿ° ನಿರೀಕ್ಷಕ್ ಆಶಿಲೆ.
"ಕೊಂಕಣಿ ಸಾಹಿತ್ಯಾಚೆ ಉದರ್ಗತಿಂತ ನೇಮಾಳಿ° ಆನಿ ಸಮಾಜ ಮಾಧ್ಯಮಾಂಚೆ° ಯೋಗಾನ ಹ್ಯಾ ವಿಷಯಾರಿ ಡಾ. ಹರೀಂದ್ರ ಶರ್ಮಾ, ವಿಲ್ಸನ್ ಕಟೀಲ್, ಡೊ. ಜಯಂತಿ ನಾಯ್ಕ್, ವಲ್ಲಿ ಕ್ವಾಡ್ರಸ್ ಹಾಂನಿ° ವಿಚಾರ ಮಂಡಣ ಕೆಲೆ°. ಅನಂತ ಪ್ರಭು ಅಧ್ಯಕ್ಷ ಆಶಿಲೆ. ಮಾನಸಿ ಧಾಉಸ್ಕಾರ್ ನಿರೀಕ್ಷಕ್ ಆಶಿಲೆ. ಸ್ಟೇನಿ ಬೆಳಾ, ಕವೀಂದ್ರ ಫಳದೇಸಾಯಿ, ಜೊಫಾ ಗೊನ್ಸಾಲ್ವಿಸ್, ಗ್ಲಾನಿಶ್ ಮಾರ್ಟಿಸ್, ಮಮತಾ ವೆರ್ಲೆಕಾರ್, ಹೇಮಂತ್ ಅಯ್ಯ, ಸಾರಿಕಾ ನಾಯ್ಕ್, ಸಾಗರ್ ವೆಳೀಪ್, ವಿರ್ಶವಪ್ರತಾಪ್ ಪವಾರ್, ಆದ್ವೆತ್ ಸಾಳ್ಗಾಂವ್ಕಾರ್, ಮಹಾದೇವ್ ಗಾಂವ್ಕರ್, ಗೋವಿಂದ್ ಮೋಪ್ಕಾರ್, ಮಂಗೇಶ ಹರಿಜನ್, ಆಕಾಶ್ ಗಾಂವ್ಕರ್, ರೇನಿಶಾ ಡಿಸೋಜಾ ಹಾಂನಿ° ಸಾಹಿತ್ಯ ಸಾದರೀಕರಣ್ ಕೆಲೆ°.
ಲೋಕವೇದ ಆನಿ "ಜುಗಾರಿ" ಕೊಂಕಣಿ ನಾಟಕಾಚೆ° ಪ್ರದರ್ಶನ ಜಾಲೆ°.
To Support Kodial Khaber click the following button.
"ತರ್ಪಣ್" ಕೊಂಕಣಿ ಫಿಲ್ಮ್ ಡಿಸೆಂಬರಾoತ ಥಿಯೇಟರಾಂತು° ಪ್ರದರ್ಶನ
ಮುಲ್ಕಿ: ಕೊಂಕಣಿ ಸಿನೆಮಾ ಕ್ಷೇತ್ರಾಂತ ಆನಿ ಎಕ ಪ್ರಯತ್ನ ಜಾಲೆಲೆ° ಸಂತೋಸಾಚೊ ವಿಷಯ ಜಾವನು ಆಸಾ. ಫೀಲ್ಮ್ ಕಾಡಚೆ° ಸುಲಾಭಾಚೊ ವಿಷಯ ನ್ಹಹಿಂ ಮ್ಹಣು ಕೆಲೆಲೊ ಅನುಭವ. ಜಾಲ್ಯಾರ ಆಮಗೆಲೆ ಸಮಾಜಾಂತು° ಆಜಿಕಯಿ ಸೃಜನಾತ್ಮ ಲೋಕ ಆಸಾತಿ ಆನಿ ಫಿಲ್ಮ್ ಕಾಡಚೆ° ಧೈರ್ಯ ಕರತಾತಿ ಮ್ಹಣಚೆ° ಎಕ ಭರಮೆಚೊ ವಿಷಯ ಜಾತಾ. ಮಂಗಳೂರು ಲಾಗಿಚೆ ಮುಲ್ಕಿಚೆ ವೃತ್ತಿಪರ ಐ.ಟಿ ಮನೀಸ ದೇವದಾಸ ನಾಯಕ ಹಾಂನಿ° ಕೊಂಕಣಿ ಫಿಲ್ಮ್ ಕಾಡಚೆ° ಪ್ರಯತ್ನ ಕೆಲಾ°. ಹಾಂಕಾ° ಚಲನಚಿತ್ರ ಕ್ಷೇತ್ರಾಂತು° ಖೂಬ ಉಮೇದಿ. ಆತ° ತಾಂನಿ° ಪಯಲೆ ಫಾವಟಿ ಮಾತೃಭಾಸ ಕೊಂಕಣಿoತು° "ತರ್ಪಣ್" ಮ್ಹಳೆಲೆ° ಇಂಗ್ಲಿಷ್ ಉಪಶೀರ್ಷಿಕಾ ಆಸಚೆ° ಚಲಚನ ಚಿತ್ರ ತಯಾರ ಕೆಲಾ°.
ಅಹಂ ಆಸಚೆ ಬಾಪುಸು ಆನಿ ಪುತಾಲೆ ಸಂಬoಧಾಚಿ ಕಾಣಿ ಆಸಚೆ ಹ್ಯಾ ಪಿಲ್ಮಂತುಂ ತ ಎಕ ಕೊಂಕಣಿ ಕುಟುಂಬೆoತ ಅನಿರೀಕ್ಷಿತ ಘಡಣಿ ಘಡೂನ ತಾಂಗೆಲೆ ಜೀವನಾಂತು° ಜಾವಚೊ ಅನುಭವ ಸಂತೋಸಾನ ಪಳೊವಚೊ ಅವಕಾಶ ಫಿಲ್ಮ್ ಪಳಯತಲ್ಯಾಂಕ ಮೇಳತಾ ಮ್ಹಣು ನಾಯಕ ಹಾಂನಿ° ಸಾಂಗತಾತಿ. ಸ್ವತ: ದೇವದಾಸ್ ನಾಯಕ್ ಹಾಂನಿ° ಬರೋವನು ನಿರ್ದೇಶನ ಕೆಲೆಲೆ ಹ್ಯಾ ಫಿಲ್ಮಾ ಚೆ ನಿರ್ಮಾಣ ಮಾಲ್ಶಿ ಪಿಕ್ಚರ್ಸ್ ಆನಿ ಓಂ ಪ್ರೊಡಕ್ಷನ್ಸ್ ಹಾಂನಿ° ಕೆಲೆಲೆ° ಆಸಾ. ಎದೋಳೂಚಿ ರಾಷ್ಟ್ರೀಯ ಆನಿ ರಾಜ್ಯ ಪ್ರಶಸ್ತಿ ವಿಜೇತ ಪ್ರಾದೇಶಿಕ ಚಲನಚಿತ್ರಂ ನಿರ್ಮಾಣ ಕರನು ಅನುಭವ ಜೋಡಿಲೆ ಹಾಂಕಾ° ಹ್ಯಾ ಫಿಲ್ಮಯಿ ಉಂಚಾಯೆಕ ಪಾವತಾ ಮ್ಹಳೆಲೊ ವಿಶ್ವಾಸ ಆಸಾ.
ಮಾರ್ಚ್ 2023ತು° ಹ್ಯಾ ಫಿಲ್ಮಾಚೆ ಪೂರ್ವನಿರ್ಮಾಣ ಆಡಿಷನ್ ಪ್ರಕ್ರಿಯೆಚೆ ಸಾಂಗತ ಶುರು ಜಾಲೆ°. ಆಶ್ಚರ್ಯ ಮ್ಹಳ್ಯಾರಿ ಆಡಿಶನಾಕ ಕೊಂಕಣಿ ಸಮುದಾಯಾನ ಅದ್ಭುತ ಪ್ರತಿಕ್ರಿಯಾ ದಿಲಿ. ಆಡಿಶನಾಚೆ ಶುದ್ಧ ಪ್ರಕ್ರಿಯಾ ಜಾತರಿ ಫಿಲ್ಮಾಚೆ ನಾಯಕ ನಟ ಆನಿ ಹೇರ ಕಲಾವಿದಾಂಚೆ ವಿಂಚಪ ಪೂರ್ಣ ಜಾಲೆ°. ಚಡಾವತ ನಟ ಪಯಲೆಂ ಪಾವಟಿ ಕ್ಯಾಮಾರ ಮುಕಾರ ರಾಬತಾ ಆಸಾತಿ. ಹಿಂದಿ ಟಿ. ವಿ. ಧಾರಾವಾಹಿ "ಕ್ರೈಮ್ ಪೆಟ್ರೋಲ್" ಖ್ಯಾತಿಚೊ ಮಹಾರಾಷ್ಟಾçಂತು° ಎದೋಳುಚಿ ನಾವಾದೀಕ ನಟ, ಆಮಗೆಲೊ ಮನಿಸ ನಾಯಕ ನಟ ಅನುಜ್ ನಾಯಕ್ ಹಾಂನಿ° ಸುತಾ ತಾಂಗೆಲೆ ಆಡಿಷನ್ ದಾಡೂನ ದಿಲೆಲೆಂ ವಿಶೇಷ ಜಾವನು ಆಸಾ. ತ್ಯಾಚ ಪ್ರಮಾಣೆ ಯು.ಎಸ್.ಎ ಮುಳಾಚೊ ನಾವಾದೀಕ ರಂಗಕರ್ಮಿ ಸಂಜಯ್ ಸಾವ್ಕೂರ್ ಹಾಂನಿ° ಸುತಾ ಆಮಗೆಲೆ ದುಸ್ರೊ ನಾಯಕ ನಟ ಜಾವನು ಆಸಾತಿ ಮ್ಹಣು ದೇವದಾಸ ನಾಯಕ ಹಾಂನಿ° ಕಳಯಲಾ°. ಹೇರ ಪಾತ್ರವರ್ಗಾಂತು° ಮೀರಾ ನೈಂಪಲ್ಲಿ, ಮಧುರಾ ಶೆಣೈ ಆನಿ ಜಯಪ್ರಕಾಶ್ ಭಟ್
ಹಾಂನಿ° ತಾಂಗೆಲೊ ಪಾತ್ರ ಬರೆಂ ತರಾನ ಸಾಂಬಾಳನು ಹಾಡಲಾ. ತಶಿಂಚಿ ಸಾಬಾರ ನವೀನ ಲೋಕಾನ ಬರೆಂ ನಟನ ಕೆಲಾ°. ಚಲನಚಿತ್ರಾಚೆ ಪೂರ್ವನಿರ್ಮಾಣಾಚೊ ವಾಂಟೊ ಜಾವನು ಸಗಟ ನಟಾಂಕ ಆನಿ ಸಿಬಂದಿoಕ 15 ದೀವಸಾಚೆ ಕಾರ್ಯಾಗಾರ ಚಲಯಿಲೆ ಆಸಾ. ಅತ್ಯಂತ ವೃತ್ತಿಪರ ರೀತಿರಿ ಪ್ರಕ್ರಿಯಾ ಪೂರ್ಣ ಕರಚಾಕ ಪ್ರಯತ್ನ ಕರತಾ ಆಶಿಲೆ ಆಮಕಾ ಸಗಟಾನ 100 ಠಕೋ ಸಮರ್ಪಣಾಭಾವಾನ ಪ್ರಯತ್ನ ಕೆಲಾಂ.
ಪ್ರಾಥಮಿಕ ಶೂಟಿಂಗ್ ಪ್ರಕ್ರಿಯಾ ಮೇ 20ಕ ಶುರು ಜಾವನು ಯೋಜನಾ ಪ್ರಮಾಣೆ 15 ದೀವಸಾಂತ ಪೂರ್ಣ ಜಾಲೆಲೆಂ ಆಸಾ. ಚಿತ್ರೀಕರಣಾಚೆ ವೇಳಾರ ಮೂಲ್ಕಿ ಆನಿ ಕಟಪಾಡಿ ಪರಿಸರಾಚೆ ಲೋಕಾನ ಸಂಪೂರ್ಣ ಸಹಕಾರ ದಿಲೆಲೊ ಆಸಾ. ಚಡಾವತ ಚಿತ್ರೀಕರಣ ಮೂಲ್ಕಿಂತು° ಜಾಲಾ° ಆನಿ ಕಟಪಾಡಿ ವೆಂಕಟ್ರಮಣ ದೇವಸ್ಥಾನಾಂತು° ಥೊಡೊ ವಾಂಟೊ ಚಿತ್ರೀಕರಣ ಜಾಲಾಂ. ಮಹೇಶ್ ಡಿ ಪೈ ಹಾಂನಿ° ಛಾಯಾಗ್ರಹಣ ಆನಿ ಕಾರ್ತಿಕ್ ಮುಲ್ಕಿ ಹಾಂನಿ° ಸಂಗೀತ ನಿರ್ದೇಶನ ಕೆಲಾ°. ಸ್ವತ: ಸಂಕಲನಕಾರ ಜಾವನು ಆಸಚೆ ನಿರ್ದೇಶಕ ದೇವದಾಸ್ ನಾಯಕ್ ಹಾಂನಿ° ಸಾಹಿತ್ಯ ರಚನಾಯಿ ಕೆಲಾ°. ಎಕ ವರಸಾಚೆ ಸೋಪನ ಜಾವನು ಆಸಚೆ ಹ್ಯಾ ಫಿಲ್ಮಾಚೆ ಟ್ರೇಲರ್ ಅಕ್ಟೋಬರ್ 29ಕ ಮೋಕಳಿಕ ಜಾವನು ಎದೋಳುಚಿ ವೈರಲ್ ಜಾವನು ವೀಸ ಹಜಾರಕಾಯೀ ಚಡ ಲೋಕಾನ ಪಳಯಲಾ°.
ಡಿಸೆಂಬರ್ 2023 ದಾಕೂನ "ತರ್ಪಣ್" ಶುರುವೇಕಚೆ ಪಾವತಿ ಕೆಲೆಲೆ ಖಾಸಗಿ ಪ್ರದರ್ಶನಾಚೆ ರೂಪಾರಿ ಥಿಯೇಟರಾಂತು° ಪ್ರದರ್ಶನ ಜಾವಚೆ° ಆಸಾ. ವಿಶೇಷ ಮಾಹಿತಿಕ ತುಮಿ ಸಂಪರ್ಕ ಕರಚಾಕ ಹ್ಯಾ ಇಮೈಲಾಕ ಸಂಪರ್ಕ ಕರಾ. This email address is being protected from spambots. You need JavaScript enabled to view it.
To Support Kodial Khaber click the following button.
ಸ್ತ್ರೀ ಜಗಾಚಿ ಎಕಿ ಪ್ರಬಲ ಶಕ್ತಿ - ಕೋಮಲ್ ಪ್ರಭು
ಮಂಗಳೂರು: ಹಾಂಗಾಚೆ ಬೆಸೆಂಟ್ ಮಹಿಳಾ ಕಾಲೇಜಾಚೆ ಶೈಕ್ಷಣಿಕ ವರಸ 2023-24ಕ ವಿದ್ಯಾರ್ಥಿ ಸಂಘಾಚೆ ಉಗ್ತಾವಣ ಮಹಾರಾಜ ಹೋಟೆಲಾಚಿ ವ್ಯವಸ್ಥಾಪಕ ನಿರ್ದೇಶಕಿ ಕೋಮಲ್ ಪ್ರಭು ಹಾಂನಿ° ದೀವೊ ಲಾವನು ಕೆಲೆ°. "ಸ್ತ್ರೀ ನ ಮನ ಕೆಲ್ಯಾರಿ ಕಸಲೆಂಯಿ ಸಾಧನ ಕರಚಾಕ ಜಾತಾ, ತೀ ಹ್ಯಾ ಜಗಾಚಿ ಎಕಿ ಪ್ರಬಲ ಶಕ್ತಿ ಆಸಾ" ಮ್ಹಣು ತೀಣೆ ಹ್ಯಾ ವೇಳಾರ ಸಾಂಗಲೆ°. ದೇವಾದಿನ ಮಣೇಲ್ ಶ್ರೀನಿವಾಸ ನಾಯಕ ಹಾಂನಿ° ಸ್ತ್ರೀಯಾಲೆ ಶಿಕ್ಷಣಾ ಕಾತಿರ ಕೆಲೆಲಿ ಸೇವಾ ಸಗಟಾಂಕ ಆದರ್ಶ ಮ್ಹಣೂಯಿ ತಾಂನಿ° ಸಾಂಗಲೆ°. ಪ್ರಾಂಶುಪಾಲ ಡಾ. ಪ್ರವೀಣ್ ಕುಮಾರ್ ಕೆ.ಸಿ. ಹಾಂನಿ° ಸ್ವಾಗತಾಚೆ ಉತ್ರ° ಸಾಂಗಲಿ°. ಡಬ್ಲುಯ್.ಎನ್.ಇ.ಎಸ್. ಹಾಜೊ ಆಡಳಿತಾಧಿಕಾರಿ ಪ್ರೊ. ರಾಜಶೇಖರ್ ಹೆಬ್ಬಾರ್ ಹಾಂನಿ° ವೆಗವೆಗಳೆ ಸಾಧಕಾ° ವಿಷಯಾರಿ ಉಲಯಲೆ. ಡಬ್ಲುಯ್ .ಎನ್.ಇ.ಎಸ್. ಹಾಜಿ ಉಪಾಧ್ಯಕ್ಷಾ ಡಾ. ಮಂಜುಳಾ ಕೆ.ಟಿ. ಶುಭಾಷಯ ಪಾಟಯಲೊ. ಡಬ್ಲುಯ್.ಎನ್.ಇ.ಎಸ್ ಹಾಜೊ ಅಧ್ಯಕ್ಷ ಮಣೇಲ್ ಅಣ್ಣಪ್ಪ ನಾಯಕ್, ನಿಕಟಪೂರ್ವ ಪ್ರಾಂಶುಪಾಲ ಡಾ. ಸತೀಶ್ ಕುಮಾರ್ ಶೆಟ್ಟಿ ಪಿ., ವಿದ್ಯಾರ್ಥಿ ಸಂಘಾಚಿ ಸಂಚಾಲಕಿ ಪ್ರೊ. ಶೋಭಿತಾ ಟಿ.ಎಸ್. ಉಪಸ್ಥಿತ ಆಶಿಲೆ. ಡಾ. ಪ್ರವೀಣ್ ಕುಮಾರ್ ಕೆ.ಸಿ. ಹಾಂನಿ° ಪ್ರತಿಜ್ಞಾ ವಿಧಿ ಬೋಧನ ಕೆಲೆಂ. ಪ್ರೊ. ಸಯ್ಯದ್ ಖಾದರ್, ಪ್ರೊ. ಉಷಾ ಕುಮಾರಿ, ಪ್ರೊ. ಗೋಪಾಲಕೃಷ್ಣ ರಾಯ್ಕರ್, ಡಾ. ಪರಶುರಾಮ ಜಿ. ಮಾಳಗೆ, ಪ್ರೊ. ಗಾಯತ್ರಿ, ಪ್ರೊ. ಅನುಪ ಬಾಳಿಗ, ಪ್ರೊ. ಇಂದಿರಾ ಬಾದ್ಯ, ಡಾ. ಸತೀಶ್ ಕೆ ಹಾಂನಿ° ವಿದ್ಯಾರ್ಥಿ ಸಂಘಾಚೆ ವಾಂಗಡಿoಕ ಶುಭಾಷಯ ಪಾಟಯಲೊ. ಪ್ರೊ. ನಿರೀಕ್ಷಾನ ಸೊಯ್ರೆಲೊ ವಳಕ ಕರನು ದಿಲೊ. ವಿದ್ಯಾರ್ಥಿಯಾಂನಿ ಪ್ರಾರ್ಥನಾ, ಸೂತ್ರ ಸಂಚಾಲನ ಕೆಲೆಂ. ಪ್ರೊ. ಮಾಯ ಕುಡ್ವ ಹಾಂನಿ° ಆಬಾರ ಮಾನಲೊ.
ಪುತ್ತು ವೈಕುಂಠ ಶೇಟ್ - 139ವಿಂ ಜಯಂತಿ
ಮoಗಳೂರು: ವೈಶ್ಯ ಎಜುಕೇಶನ ಸೊಸೈಟಿ ಹಾಜೊ ಸಂಸ್ಥಾಪಕ ಆನಿ ಮಹಾದಾನಿ ಆಶಿಲೊ ದೇವಾದಿನ ಪುತ್ತು ವೈಕುಂಠ ಶೇಟ್ ಹಾಂಗೆಲೆ 139ವಿ° ಜಯಂತಿ ಅ. 23ಕ ಆಚರಣ ಕರಚೆ° ಜಾಲೆ°. ಕಲ್ಕೂರ ಪ್ರತಿಷ್ಠಾನ ಹಾಜೊ ಅಧ್ಯಕ್ಷ ಪ್ರದೀಪ ಕುಮಾರ ಕಲ್ಕೂರ ಹಾಂನಿ° ಭಾವಚಿತ್ರಾಕ ಮಾಲಾರ್ಪಣ ಕೆಲೆ°. ವೈಶ್ಯ ಎಜುಕೇಶನ ಸೊಸೈಟಿ ಹಾಜೊ ಅಧ್ಯಕ್ಷ ಶ್ರೀನಿವಾಸ ಪುಂಡಲೀಕ ಶೇಟ್, ಡೊಂಗರಕೇರಿ ಶ್ರೀ ವೆಂಕಟರಮಣ ದೇವಳಾಚೊ ಆದಲೊ ಆಡಳಿತ ಮೊಕ್ತೇಸರ ಮನೋಜ್ ಶ್ರೀನಿವಾಸ ನಾಯಕ್, ಕಾರ್ಯದರ್ಶಿ ವಿನಾಯಕ ಕೆ. ಶೇಟ್ ಹಾಂನಿ° ಪುಷ್ಪಾರ್ಚನ ಕೆಲೆ°. ಕಾರ್ಯದರ್ಶಿ ಶಿವಶಂಕರ ಯು. ಪಾಲ್ ಸಾಂದೆ ಸದಸ್ಯ ರಾಜೇಶ ವಿ. ಪರಮಾನಂದ, ಅವಿನಾಶ ಜಿ. ರಾವ್, ರಿತೇಶ್ ಆರ್. ನಾಟೇಕರ್ ಉಪಸ್ಥಿತ ಆಶಿಲೆ.
ಅ. 19ಕ ಶ್ರೀಮದ್ ವಿಧ್ಯಾಧೀಶ ತೀರ್ಥ ಸ್ವಾಮೀಜಿ ಕೊಡಿಯಾಲಾಕ
ಮಂಗಳೂರು: ಶ್ರೀ ಸಂಸ್ಥಾನ ಗೋಕರ್ಣ ಪರ್ತಗಾಳಿ ಜೀವೋತ್ತಮ ಮಠಾಧೀಶ ಶ್ರೀಮದ್ ವಿಧ್ಯಾಧೀಶ ತೀರ್ಥ ಸ್ವಾಮೀಜಿ ಹಾಂನಿ° ಆಜಿ (ಅ. 19) ರಾತಿ 11 ಗಂಟ್ಯಾಕ ಕೊಡಿಯಾಲ ರಥಬೀದಿಚೆ ಶ್ರೀ ವೆಂಕಟರಮಣ ದೇವಳ ವಠಾರಾಚೆ ಆಚಾರ್ಯಾ ಮಠಾಚೆ ಶ್ರೀ ಶಾರದಾ ಮಾತೆಲೆ ಪ್ರತಿಷ್ಠಾ ಪೂಜೆಂತು° ಉಪಸ್ಥಿತ ಆಸತಾತಿ. ಕಾಲ (ಅ. 18) ರಾತಿ ಶ್ರೀ ಶಾರದಾ ವಿಗ್ರಹ ಮೆರವಣಿಗೆರಿ ದೇವಳಾಕ ಹಾಡಚೆಂ ಜಾಲೆ°. ರಾಜಾಂಗಣ, ಉಮಾಮಹೇಶ್ವರಿ ದೇವಳ ರಸ್ತೊ, ರಾಮ ಮಂದಿರ, ನಂದಾದೀಪ ರಸ್ತೊ, ಫುಲ್ಲಾ ಮಾರ್ಕೆಟ್ ಆಡ ರಸ್ತೊ, ಫುಲ್ಲಾ ಮಾರ್ಕೆಟ್, ರಥಬೀದಿ ಜಾವನು ವಿಗ್ರಹ ಉತ್ಸವ ಸ್ಥಳಾಕ ಪಾವೊಚೆಂ ಜಾಲೆಂ. 101ವೆ° ವರಸಾಚೊ ಹ್ಯಾ ಶಾರದಾ ಉತ್ಸವ ಸಾತ ದೀವಸ ಚಲತಲೊ ಆನಿ ಹ್ಯಾ ವೇಳಾರಿ ವ್ಹಿಂಗವ್ಹಿoಗಡ ಸಾಂಸ್ಕೃತೀಕ ಕಾರ್ಯಕ್ರಮ ಚಲತಾತಿ. ಅ. 23ಕ ಪಂಡಿತ ನರಸಿಂಹ ಆಚಾರ್ಯ ಹಾಂಗೆಲೆ ಮುಖೇಲಪಣಾರಿ ಶ್ರೀ ಶ್ರೀನಿವಾಸ ಕಲ್ಯಾಣೋತ್ಸವಯೀ ಚಲಚೊ ಆಸಾ ಮ್ಹಣು ಕಳವಣಿಂತು° ಸಾಂಗಲಾ°.
Click Support Us to support Kodial Khaber
ವಿದ್ಯಾರ್ಥಿ ವೇತನ ವಾಂಟಪ
ಮoಗಳೂರು: ಕೈವಲ್ಯ ಸಾರಸ್ವತ ಬ್ರಾಹ್ಮಣ ಸಮಾಜ ಸುಧಾರಕ ಸಂಘ (ರಿ.) ಮಂಗಳೂರು ಆನಿ ಸಾಗರ ಹಾಂನಿ° ಅ 15ಕ ಹಾಂಗಾಚೆ ವಿ ಟಿ ರಸ್ತೆಚೆ ಶ್ರೀ ಕೃಷ್ಣ ಮಂದಿರಾoತು° ಸಮಾಜಾಚೆ ಆರ್ಥಿಕ ಜಾವನು ದುರ್ಬಲ ವಿದ್ಯಾರ್ಥಿಯಾಂಕ ವಿದ್ಯಾರ್ಥಿ ವೇತನ ವಾಂಟಿಲೆ°. ಹ್ಯಾ ವೇಳಾರಿ ಟ್ರಸ್ಟಿ ಸುದರ್ಶನ್ ನಾಯಕ್, ಸುರೇಶ ನಾಯಕ್, ಲಕ್ಷ್ಮೀಶ್ ಮೇಸ್ತ, ಗುರುದಾಸ್ ಮೇಸ್ತ, ಪ್ರಕಾಶ್ ಮೇಸ್ತ ಸಾಂದೊ ಸುಧೀರ್ ನಾಯಕ್ ಉಪಸ್ಥಿತ ಆಶಿಲೆ. ಲಕ್ಷ್ಮೀಶ್ ಮೇಸ್ತ ಆನಿ ಪ್ರಕಾಶ್ ಮೇಸ್ತ ಹಾಂನಿ° ವಿದ್ಯಾರ್ಥಿಯಾಂಕ ಮಾರ್ಗದರ್ಶನಾಚೆ ಉತ್ರ° ಸಾಂಗಲಿ°. ಜಯಶ್ರೀ ಸುರೇಶ ನಾಯಕ ಹಾಂನಿ° ವರದಿ ವಾಚಲಿ. ಗುರುದಾಸ್ ಮೇಸ್ತ ಹಾಂನಿ° ಆಬಾರ ಮಾನಲೊ.
Click Support Us to support Kodial Khaber
ಮ್ಹಾತರೊ ಚರ್ಬೆಲಾ "ಸಂವಾದ್ - ಪ್ರಾತ್ಯಕ್ಷಿಕಾ"
ಮಂಗಳೂರು: ಸಂತ ಲೂವಿಸ್ ಕಾಲೇಜಾಚೆ ಕೊಂಕಣಿ ಸಂಘ ಆನಿ ಕೊಂಕಣಿ ವಿಭಾಗಾಚೆ ತರಪೇನ "ಸಂವಾದ್ - ಪ್ರಾತ್ಯಕ್ಷಿಕ" ಕಾರ್ಯಕ್ರಮ ಆರತಾ° ರಾಬರ್ಟ್ ಸಿಕ್ವೇರ ಸಭಾಂಗಣoತ ಘಡಲೊ. ಮ್ಹಾತರೊ ಚರ್ಬೆಲಾ ಫಮಾದ್ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯ ಮುಖೇಲ ಸೊಯರೆ ಆಶಿಲೆ. ತಾಣೆ ವಿದ್ಯಾರ್ಥಿಯಾಲೆ ಸಾಂಗತ ಉಗ್ತ್ಯಾ ಮನಾನ ಸಂವಾದ ಕೆಲೊ. ಆಪ್ಲಿ ಭೊಗ್ಣಾ ಉಚಾರ್ನ, ಮ್ಹಾತರೊ ಚರ್ಬೆಲಾ ನಾಟಕಾಚೆ 99ವೊ° ಪ್ರದರ್ಶನ ಕಾಲೇಜಾಚೆ ಸಂಭಾಗಣಾoತ್ ಚಲೊಂವ್ಚಿ ಇಚ್ಛಾ ಪ್ರಕಟ ಕೆಲಿ. ವಿದ್ಯಾರ್ಥಿ ಖಾತಿರ ಏಕ ನಾಟಕ ಬರೋವನು ನಿರ್ದೇಶನ ಕರತಾ° ಮ್ಹಣ್ ಭಾಸಯ್ಲೆ°. ಉಪ್ರಾಂತ ಪ್ರಾತ್ಯಕ್ಷಿಕ ಮುಖಾಂತ್ರ ಮನೋರಂಜಿತ ಕೆಲೆ°. ಕಾರ್ಯದರ್ಶಿ ಮೆಲ್ಕನಾನ ಸ್ವಾಗತಾಚೆ ಉತ್ರ° ಸಾಂಗಲಿ°. ಫ್ರ್ಯಾಂಕ್ಲಿನಾನ ಆಬಾರ ಮಾನಲೊ. ಅಧ್ಯಕ್ಷಿಣ್ ಫ್ಲೋರ ಕಾಸ್ತೆಲಿನೊ ಹಾಜರ ಆಶಿಲಿ.
Click Support Us to support Kodial Khaber
ಉಕ್ಡೆ ತಾಂದ್ಲಾಚೆ ಗೊಡ್ಶೆ ಆನಿ ತಿಕ್ಷೆ ಖಾಣ ಸ್ಪರ್ಧೋ
ಮಂಗಳೂರು: ಜಿ.ಎಸ್.ಬಿ. ಮಹಿಳಾವೃಂದ (ರಿ) ಮಂಗಳೂರ ಹಾಂನಿ° ಆರತಾ° ತಾಂಗೆಲೆ ಸದಸ್ಯಾಂಕ ಉಕ್ಡೆ ತಾಂದ್ಲಾಚೆ ಗೊಡ್ಶೆ ಆನಿ ತಿಕ್ಷೆ ಖಾಣ ಸ್ಪರ್ಧೋ ಆಯೋಜನ ಕೆಲೆಲೊ. ಸೆಪ್ಟೆಂಬರ್ ಮ್ಹಯನ್ಯಾಚಿ ಹಿ ಸಭಾ ಸೆ. 25ಕ ಶ್ರೀ ಗೋಕರ್ಣ ಮಠಾಚೆ ದ್ವಾರಕನಾಥ ಸಭಾಗೃಹಾಂತು ಚಲಿ. ಪುಷ್ಪ ಪ್ರಭು ಆನಿ ನಯನಾ ಪ್ರಭು ಗೊಡ್ಶೆ ಖಾಣಾಕ ಆನಿ ಮಂಗಳಾ ಭಟ್ ಆನಿ ಲೀನಾ ಭಟ್ ತಿಕ್ಷೆ ಖಾಣಾಕ ನಿಣಾ೯ಯಕ ಜಾವಾನು ಆಯಿಲಿಂತಿ. ಮಹಿಳಾ ವೃಂದಾಚಿ ಅಧ್ಯಕ್ಷಾ ನಯನ ರಾವ್ ಹಾಂನಿ ನಿರ್ಣಾಯಕಾಲೊ ವಳಕ ಕರನು ಸ್ವಾಗತಾಚೆ ಉತ್ರ° ಸಾಂಗಲಿ°. ತಾಂಕಾ° ಯಾದಸ್ತಿಕಾ ದಿವಚೆ° ಜಾಲೆ°. ಹ್ಯಾಚ ಸಭೆಂತು° ದೋನ ಚರಡೂವಾಂಕ ವಿದ್ಯಾರ್ಥಿ ವೇತನ ದಿವಚೆ° ಜಾಲೆ°. ತಿಕ್ಷೆ ಖಾಣಾಂತು ಪಯಲೆ° ಇನಾಂ ಸವಿತಾ ಜಿ. ಕಾಮತ್ (ಪತ್ರಡೊ), ದೂಸರೆ ಇನಾಂ ಪದ್ಮಿನಿ ಕಾಮತ್(ಬಾಕ್ರಿ), ಗೊಡ್ಶೆ ಖಾಣಾಂತು ಪಯಲೆ° ಇನಾಂ ಗೌರಿ ಶೆಣೈ (ಹಲ್ವಾ), ದೂಸರೆ ಇನಾಂ ರಾಧಾ ಪ್ರಭು (ಪಾತ್ತೊಳಿ) ಹಾಂಕಾ° ಫಾವೊ ಜಾಲೆ°. ಜಯಲಕ್ಷ್ಮೀ ಶೆಣೈನ ವರದಿ ವಾಚಲಿ. ಮರೋಳಿ ಸಬಿತಾ ಕಾಮತ್ ಹಾಂನಿ° ಅನ್ಯ ಪ್ರಕಟಣ ವಾಚೂನ ಆಬಾರ ಮಾನಲೊ. ಲಕ್ಷ್ಮೀ ಭಂಡಾರಿನ ಸೂತ್ರ ಸಂಚಾಲನ ಕೆಲೆ°.
Click Support Us to support Kodial Khaber
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಸ್ಥಾನ
ಉಡುಪಿ ಶ್ರೀ ಲಕ್ಷ್ಮೀ ವೆಂಕಟೇಶ ದೇವಳಾಂತು°
ಮುοಡ್ಕೂರು: ಹಾಂಗಾಚೆ ಶ್ರೀ ವಿಠೋಭ ದೇವಳಾಂತು°
ಉದ್ಯೋಗ ಆನೀ ನಿರುದ್ಯೋಗ ಡಾ| ಅರವಿಂದ
18:53:41 ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ
This application is only for the poor
कोंकणिंतल्या अस्तुरी साहित्याचेर
ಮಂಗಳೂರು: ವಿಶಂತಿ ಸಂಭ್ರಮಾοತು ಆಸಚೆ
ಬೆಂಗಳೂರು: ಹಾಂಗಾಚೆ ಮಲ್ಲೇಶ್ವರಂಚೆ ಗೌಡ
Editorial
ಡಾಕ್ಟರಾಲೆ ಆತ್ಮ ಪರಮಾತ್ಮಾಲೆ ಸಾಂಗತ ವಿಲೀನ ಜಾಲೆ°,,,
ಡಾ. ಜಿ. ಜಿ. ಲಕ್ಷ್ಮಣ್ ಪ್ರಭು ಎಕ ನಾವಾದೀಕ ಡಾಕ್ಟರು ಆಶಿಲೊ. ಯುರಾಲಾಜಿ ತಾಗೆಲಿ ಸ್ಪೇಷಾಲಿಟಿ. ತೊ ಎಕ ಫಾಮಾದ ಡಾಕ್ಟರ್ ನಂತಾ° ಎಕ ಬರೊ ಭಾಷಣಗಾರುಯೀ ಜಾವನು ಆಶಿಲೊ. ಸಾನ ಪ್ರಾಯೆರಿ ತೊ ಜನಾ ಮೋಗಾಳ ಜಾಲೆಲೊ. ತೊ ಅನೀರಿಕ್ಷಿತ ಜಾವನು ಅಂತರಲೊ ಮ್ಹಳೆಲಿ ಖಬರ ಆಯಕತನಾ ಸಾಬಾರ ಲೋಕಾಂಕ ತೆಂ ನಂಬಗೂಚಾಕ ಜಾಯನಿ. ಬ್ಯುಸಿ ಡಾಕ್ಟರ್ ಆಶಿಲೊ ತೊ ಕೆದನಾಯಿ ಕೊಡಿಯಾಲಚೆ ಕೆ. ಎಂ. ಸಿ ಹಾಸ್ಪಿಟಲಾಂತ ಪಳೊವಚಾಕ ಮೆಳತಲೊ. ಸಕಾಳಿ ದಾಕೂನ ಸಾಂಜವೇಳಾ ತಾಂಯ ಆಪರೇಶನ್ ಥಿಯೇಟರಾಚೆ ಸಮವಸ್ತ್ರಾಂತು ತೊ ದಿಸತಲೊ ಮ್ಹಣು ಆಸ್ಪತ್ರೆಕ ಗೆಲೆಲೆ ಸಾಂಗತಲೆ. ತಿತಲೊ ಬ್ಯುಸಿ ಡಾಕ್ಟರ್ ತೊ. ತಾಣೆ ತಾಗೆಲೆ ಪೆಶೆಂಟಾoಕ ಪಳೊವಚಾಕ ಆಸ್ಪತ್ರೆಚೆ ರೌಂಡ್ಸಾರ ವತನಾ ತಾಗೆಲೊ ಹೋಡು ತಾಳೊ ಆಯಕೂನು ತ್ಯಾ ಮ್ಹಾಳ್ಯೆರಿ ಆಸಚೆ ಸಗಟ ರೂಮಾಂತುಲೆ° ಪೇಶೆಂಟಾoಕ ತೊ ಆಯಲೊ ಮ್ಹಣು ಕಳತಲೆ° ಖಂಯ. ಕುಶಾಲ ಉಲೊವನು ಪೇಶೆಂಟಾoಲಿ ಮನೋಸ್ಥಿತಿ ಸಂತೋಸಮಯ ಕರಚೆಂ ತಾಗೆಲಿ ಸವಯ್ ಆಶಿಲಿ.
ನ. 9ಕ ಎಕ ಆಪರೇಶನ ಪೂರ್ಣ ಕರನು ಭಾಯರ ಆಯಿಲೆ ಡಾಕ್ಟರಾಕ ಕಠಿಣ ಹೃದಯಘಾತ ಜಾಲೆ°. ತ್ಯಾ ನಿಮಿತ ತಾಕಾ ತುರ್ತಾನ ಶುಶ್ರುತಾ ಮೇಳಚಾಕ ಸಾಧ್ಯ ಜಾಲೆ°. ತೊ ಐ.ಸಿ.ಯುಂತ 8 ದೀವಸ ಆಶಿಲೊ. ತಾಕಾ ಊಂಛ ಸ್ಥರಾಚೆ ಟ್ರಿಟಮೆಂಟ್ ಮೆಳೆ°. ಜಾಲ್ಯಾರ ದೈವಿಚ್ಛಾ ವ್ಹಿಂಗಡ ಆಶಿಲಿ. ನ.17 ಕ ತಾಗೆಲೆ ದೇಹಾಂತ್ಯ ಜಾಲೆ°.
ಡಾಕ್ಟರಾಕ ಫಕತ 60 ವರಸ°. ಸಾಬಾರ 30 ವರಸಾಚೊ ವೈದ್ಯಕೀಯ ಅಣಭವ. ಡಾಕ್ಟರ ಮ್ಹಣು ನ್ಹಹಿ°, ಆರತಾ° ತರನಾಟೆ ಲೋಕಾನ ಹೃದಯಘಾತ ಜಾವನು ಮರಣ ಪಾವಚಿ ಖಬರ ಆಯಕೂಚೆ° ಚಡ ಜಾಲಾ°. ಸ್ವತ: ಡಾಕ್ಟರ ಆಶಿಲೆ ತಾಕಾ ಖಾಂಯ ಮುನ್ಸೂಚನಾ ಮೇಳನಿ ವೆ ? ತಾಣೆ ತಾತಾವಳಿ ತಾಗೆಲಿ ಆರೋಗ್ಯಾಚಿ ತಪಾಸಣಾ ಕರನು ಆಸಚೆ° ಸಾಧ್ಯತಾ ಆಸಾ. ಎಕ ಫಾಮಾದ ಡಾಕ್ಟರಾಕಚೀ ಅಶಿ° ಜಾಲೆ ಮ್ಹಣತಾನ ಸಾಮಾನ್ಯ ಮನಶಾನ ತಾಗೆಲೆ ಆರೋಗ್ಯಾ ಬದಲ ಕಿತಲಿ ಜಾಗೃತಿ ಘೆವಕಾ ? ಮನಶಾನ ತಾಗೆಲೆ ಆಹಾರ ಪದ್ಧತಿ ಆನಿ ಜೀವನ ಶೈಲಿ ಕಶಿ° ದವರಕಾ ? ವಿಜ್ಞಾನ ಇತಲೆ° ವಾಡಲಾ° ಕೀ, ವಿಜ್ಞಾನಿ ಲೋಕಾ° ಮಧೆಂತೂಚಿ ಆಮಿ ಘೆವಚೆ ವಕದ ಆನಿ ಹೇರ ವಿಷಯಾಚೆರಿ ಚರ್ಚಾ ಜಾವಚೆ° ಆಮಿ ಸೋಶಿಯಲ್ ಮೀಡಿಯಾರಿ ವಾಚತಾತಿ ಆನಿ ಆಯಕತಾತಿ. ಆಮಿ ಘೆತಿಲೆ ಕೋವಿಡ್ ವ್ಯಾಕ್ಸಿನಾ ಬದಲಯಿ ಸಂದೇಹ ಉಲಯತಲೆ ಆಸಾತಿ. ಆಶೆ° ಸಾಬಾರ ಸವಾಲಾ° ಆಮಗೆಲೆ ಮುಕಾರ ಆಸಾತಿ.
ಆಹಾರ ಪದ್ಧತಿ ಬದಲ ಖೂಬ ಚರ್ಚಾ ಜಾತಾ ಆಸಾ. ಆರತಾ° ಕ್ರಿಕೇಟರ್ ಕೊಹ್ಲಿನ ತಾಗೆಲೆ ಆಹಾರ ಪದ್ಧತಿ ಬದಲ ಸಾಂಗಿಲೊ ಎಕ ವಿಡೀಯೊ ಪಳೊವಚಾಕ ಮೆಳೊ. ತಾಂತು° ತೊ ಕಾರ್ಬ್ಸ ಊಣೆ ಕರಚೆ°, ಪ್ರೊಟಿನ್ ಚಡ ಕರಚೆ°, ಗೀನ್ ವೇಜಿಟೆಬಲ್ಸ್ ಖಾವಚೆ°, ಲೋಣಿ - ತುಪ ಖಾವಚೆ° ಸಾಂಗತಾ. ತಾಗೆಲೆ ಉತ್ರ° ಆಯಕತನಾ ಆಮಗೆಲೆ ಥೊಡೆ ಇಷ್ಟ ಲೋಕಾನ ಆಶೆ° ಕರಚೆ° ಚೂಕಿ ನ್ಹಹಿ° ಮ್ಹಣು ದಿಸತಾ. ಆಮಿ ಪ್ರಯತ್ನ ಕರನು ಪಳೊವಯೆತ ಮ್ಹಣು ಭೊಗತಾ. ದೀವಸಾಕ ಉಣೆನಾ 30 ಮಿನೀಟ್ ಚಮಕಲೆರಿ ಬರೆ° ಮ್ಹಣು ಹರ ಎಕಲೊ ಡಾಕ್ಟರು ಸಾಂಗತಾ. ಆಮಗೆಲೆ ತರನಾಟೆನಿ ಸುತಾ ಸಾನ ಪ್ರಾಯೇರಿಚಿ ಆಹಾರ ಪದ್ಧತಿ ಸಮ ಕರನು ಜೀವನ ಶೈಲಿ ಸಮ ಕರಚಾಕ ಪ್ರಯತ್ನ ಕರಕಾ.
ಡಾಕ್ಟರ್ ಜಿ. ಜಿ. ಲಕ್ಷ್ಮಣ್ ಪ್ರಭು ಬರೊ ಡಾಕ್ಟರು ಆನಿ ಭಾಷಣಗಾರ ನಂತಾ° ಎಕ ಕವಿ ಸುತಾ ಆಶಿಲೊ. ತಾಣೆ ಕನ್ನಡ ಭಾಶೆನ ಖೂಬ ಕವಿತಾಂ ರಚನ ಕೆಲಾಂ ಮ್ಹಣು ತಾಣೆ ದೇವಾದಿನ ಜಾತರಿಚಿ ಲೋಕಾಂಕ ಕಳೆ°. ತಾಣೆ ಆರತಾ° ಎಕ ಸಮಾರಂಭಾoತ ಪ್ರಸ್ತುತ ಕೆಲೆಲೆ ಭಾಷಣ ಖೂಬ ವೈರಲ್ ಜಾಲಾ°. ತಾಂತು° ತೊ ಆತ್ಮ ಆನಿ ಪರಮಾತ್ಮಾ ವಿಷಯಾರಿ ಉಲಯತಾ.
"ಕ್ರಷ್ಣಾನ ಸಾಂಗಲ್ಯಾ ಮ್ಹಣಕೆ ಪರಮಾತ್ಮಾಲೆ ಮ್ಹಣಕೆ ಆತ್ಮಾಕಯೀ ಆದಿ ನಾ ಯಾ ಅಂತ್ಯ ನಾ, ಮ್ಹಳ್ಯಾರಿ ಮರಣ ನಾ" ಮ್ಹಣು ತ್ಯಾ ಭಾಷಣಾಚೆ ಶುರುವಾತಾರಿ ಡಾಕ್ಟರು ಸಾಂಗತಾ. ಆಮಿ ಜೀವನಾಂತು° ಆಮಗೆಲೆ ಕರ್ತವ್ಯ ಕರಕಾ, ಕರತನಾ ಆಮಕಾ ಜಯ ಮೇಳತಾ ಯಾ ಸೋಲು ಮೇಳತಾ. ಆಮಗೆಲೆ ವಿಷಯಾರಿ ಕೋಣ ಕಸಲೆ° ಚಿಂತಾ ಕರತಾ ಮ್ಹಣು ಆಮಿ ಮನಾಂತ ದವರನು ಕರ್ತವ್ಯ ಕರಚೆ° ಕಷ್ಟ ಜಾತಾ. ತಸಲೆ ಮನೋಸ್ಥಿತಿರಿ ತುಮಿ ಕರ್ತವ್ಯ ಕರಚೆ° ಸುಲಭ ಜಾಯನಾ ಆನಿ ಕರಚೆ ಕರ್ತವ್ಯಾಕ ನ್ಯಾಯ ದಿವಚಾಕ ಜಾಯನಾ ಮ್ಹಣು ತೊ ಸಾಂಗತಾ.
ಮುಕಾರ ತೊ ಅಶೆ° ಸಾಗತಾ ಕೀ, ಎಕ ಪಾವಟಿ ತಾಗೆಲೆ ಪ್ರೋಫೆಸರಾನ ಸಾಂಗಿಲೆ° ಖಂಯ, ತುವ° ತುಗೆಲೆ ವೃತ್ತಿಂತು° ಪ್ರಚಾರ ಘೆವಚಾಕ ಯಾ ನಾವಾದೀಕ ಜಾವಚಾಕ ಆಯಿಲೊ ನ್ಹಹಿ°. ತುಗೆಲೆ ಮನಾಕ ಖಂಚೆ ಸಮ ಮ್ಹಣ ದಿಸತಾ ತ್ಯಾ ಪ್ರಮಾಣೆ ಮಾನವಿಯತಾ ದೃಷ್ಠಿ ದವರನು ಕರ್ತವ್ಯಪಾಲನ ಕರಿ. ಕೋಣಾಕ ಅಭಿಮಾನ ಆಸಾಕೀ ತಾಗೆ ಲಾಗಿ ಮಾನವೀಯತಾ ಆಸತಾ. ಕೋಣಾಕಯಿ ಖುಷಿ ಕರಚಾಕ ಕರ್ತವ್ಯ ಕರಚಾಕ ಜಾಯನಾ. ಅಹಂ ಸೋಡಕಾ, ಶರೀರ ಆನಿ ಪ್ರಾಪಂಚಿಕ ವಸ್ತು ಸೋಡಚೆ° ಕರಕಾ. ಶರೀರ ಆನಿ ಹೇರ ವಸ್ತು ಆಮಗೆಲೊ ನ್ಹಹಿ° ಮ್ಹಣು ಚಿಂತಲ್ಯಾರಿ ಸಹಜ ಜಾವನು ಆಮಿ ಸ್ವತಂತ್ರ ಜಾತಾತಿ. ಆತ್ಮ ವ್ಹಂವಚಾಕ ಶರೀರ ಶಿವಾಯ, ಶರೀರ ವ್ಹವಂಚಾಕ ಆತ್ಮ ನ್ಹಹಿ° ಮ್ಹಳೆಲೆ ಉಡಗಾಸ ದವರಕಾ. ಆತ್ಮಾನ ಶರೀರ ವ್ಹಂವಚಿ ಪರಿಸ್ಥಿತಿ ಆಯಲ್ಯಾರಿ ಶರೀರ ಸೋಡಕಾ ಮ್ಹಣು ತೊ ಸಾಂಗತಾ.
ಆರೋಗ್ಯ ಸಾಂಬಾಳಚಾಕ ಕಸಲೆ° ಕರಕಾ ಮ್ಹಣೂಯಿ ಡಾಕ್ಟರಾನ ತಾಗೆಲೆ ಭಾಷಣಾಂತು° ಸಾಂಗಲಾ°. ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಜ್ಞಾನ ಆಸೂಕಾ ಮ್ಹಣು ತೊ ಸಾಂಗತಾ.
ಆಮಿ ಕೆದನಾಯಿ ಚಲನಶೀಲ ಆಸೂಕಾ. ಚಲಚನಶೀಲತಾ ಮ್ಹಳ್ಯಾರಿ ಜೀವಂತ ಆಸಾತಿ ಮ್ಹಣಚೆ ಸೂಚನಾ. ತ್ಯಾ ನಿಮಿತ ಪ್ರಾಯ ಜಾಲೆಲ್ಯಾನಿ ಜಾಲೆ ತಿತಲೆ ಚಮ್ಕೂಚೆ° ಕರಕಾ. 60 ವರಸ° ಜಾತರಿ ಎಕ ವಾಕಿಂಗ್ ಸ್ಟಿಕ್ ದ್ಹರನು ಚಮಕೂಚೆ° ಬರೆ° ಮ್ಹಣು ತೊ ಡಾ. ಟಿ. ಎ. ಎ. ಪೈಲೆ ಉದಾಹರಣ ದಿತಾ.
ದುಸ್ರೆಂ, ಭೋಜನ. ತರನಾಟೆ ಆಸತನಾ ಫಾತೋರ ಖಾವನು ಜೀರ್ಣ ಕರಚಿ ಶಕ್ತಿ ಆಸತಾ. ಪ್ರಾಯ ಜಾತಾನ ತೀ ಶಕ್ತಿ ಊಣೆ ಜಾತಾ. ತಶಿಂ ಮ್ಹಣು ಕಸಲೆಂಯಿ ಸೊಡಚೆಂ ನ್ಹಹಿಂ. ನ್ಯೂಟ್ರಿಶಿಯನ್ ಮ್ಹಳ್ಯಾರಿ ಹೈ ಫೈಬರ್ ಆಸೂಕಾ, ಉದಾಕ ಪಿವಕಾ, ಲಾಯಕ ಕರನು ನಿದೋಕಾ. ಎಕ ಲೇಖಾ ಪ್ರಮಾಣೆ 8 ಗಂಟೊ ಕಾಮ ಕರಕಾ, 8 ಗಂಟೊ ಕುಟುಂಬಾಕ ದೀವಕಾ ಆನಿ 8 ಗಂಟೊ ನಿದೋಕಾ. ವಗೀ ನಿದೊಚೆಂ ಆನಿ ವಗೀ ಉಟಾಚೆ° ಕರಕಾ. ಪ್ರಕೃತಿ ಸಾಂಗತ ಮೆಳಚೆ° ಕರಕಾ. ಅನೈಸರ್ಗಿಕ ವಸ್ತು ದೂರ ದವರಕಾ. ಮೊಬೈಲ್ ಆನಿ ತಸಲೆ ಹೇರ ವಸ್ತು ದೂರ ಕರಚೆ°, ಖಂಚೆಯ ಗಾರ್ಡನಾಕ ವಚೆ° ಹಾಕಾ ಉದಾಹರಣ ಜಾತಾತಿ. ಪ್ರಕೃತಿ ಮಾತೆಲೆ ಸಾಂಗತ ಮೇಳನು ಆಸಚೆಂ ಅತ್ಯಂತ ಪ್ರಮುಖ ಜಾತಾ.
ಆಯಚೆ ದೀಸಾಂತ ಸಂಭoದ ಚೂಕುನ ವಚೆ° ಸಾಮಾನ್ಯ ಜಾಲಾ°. ಸಂಭoದ ವರೊನ ಹಾಡಚೆ° ಕರಕಾ. ದೋಸ್ತ ಮ್ಹಳಯಾರಿ ಕಾನ್ನಡಿ ಶೆಂ ಆಸತಾತಿ. ಮುಖಸ್ತುತಿ ಕರತಲೆ ನ್ಹಹಿ°. ಕೇದನಾಯಿ ಸಂಭoದ ಉದಾಕಶೆ° ಆಸೂಕಾ. ಉದಾಕ ಪಾರದರ್ಶಕ ಆಸತಾ. ತಾನಿ ನಿವಯತಾ. ಆಮಿ ತಶೀಂಚಿ ಜಾವಕಾ. ತ್ಯಾ ನಿಮಿತ ಜೀವನಾಂತು° ಚಲನ, ಭೋಜನ, ಶಯನ ಆನಿ ಪ್ರಕೃತಿ ವೀಲಿನಾಚೆ ಬದಲ ಚಡ ಮಹತ್ವ ದೀವಕಾ. ತ್ಯಾಚ ವೇಳಾರ ಸ್ನೇಹ ಪರಿಪಾಲನ ಕರಚೆ° ಕರಕಾ ಮ್ಹಣು ಸಾಂಗೂನು ತಾಣೆ ತಾಗೆಲೆ ಭಾಷಣ ಆಖೇರಿ ಕೆಲೆಲೆಂ ಆಸಾ.
ತಾಣೆ ಭಾಷಣಾಂತು° ಕಸಲೆ° ಸಾಂಗಲಾ° ತೆ° ತಾಣೆ ಜೀವನಾಂತು° ಪರಿಪಾಲನ ಕೆಲಾ° ಮ್ಹಣಯೆತ. ತಾಗೆಲೆ ಬದಲ ತಾಗೆಲೆ ದೋಸ್ತಾನಿ, ಪೇಶೆಂಟಾನಿ ಆನೆ ಹೇರಾನಿ ಸೋಶಿಯಲ್ ಮೀಡಿಯಾರಿ ಫಾಯಸ ಕೆಲೆಲೆ ಸಂದೇಶ ಪಳೊವನು ಆಶೆಂ ಸಾಂಗಚಾಕ ಜಾತಾ.
ಡಾಕ್ಟಾçಲೊ ಮ್ಹಾಂತು ಜಿ. ಜಿ. ವಾಸುದೇವ ಪ್ರಭು ಹಾಂನಿ° ಮಂಗಳೂರಾoತು° ಕೊಂಕಣಿ ಭಾಶೆ ಖಾತೀರ ಸೇವಾ ದಿವಚೆ ನದರೇನ 1981ತು° ಶುರು ಕೆಲೆಲೊ ಸಂಸ್ಥೊ ಕೊಂಕಣಿ ಸಾಂಸ್ಕೃತೀಕ ಸಂಘ ಆಜಿಕಯೀ ತೀ ಸೇವಾ ದಿವೂನ ಆಸಾ. ಸಂಘಾನ ಆಪಯಿಲೆ ತೇದನಾ ಜಿ. ಜಿ. ಲಕ್ಷ್ಮಣ್ ಪ್ರಭು ಯೆವನು ತಾಂಕಾ° ಮಾರ್ಗದರ್ಶನ ದಿತಲೊ. ಉತ್ತಮ ವೈದ್ಯ, ವಾಘ್ಮಿ, ಸಂಘಟಕ, ಸಾಹಿತಿ ಆನಿ ಬರೊ ಮನಿಸ್ ಆಶಿಲೆ ತಾಂಗೆಲೆ ಆತ್ಮಾಕ ಶಾಂತಿ ಮಾಘೂಯಾ°.
Shabdvihar
ಪಾವುಣೇ
ತೇ ಹಾಡಿಲೇ ಸಾಮಾನಾಚೇ ಮೋಲ ಪಾವುಣಶೆಂ ರೂಪಾಯ ಜಾಲ್ಲಿ. ಸಕಾಳಿಂ ಪಾವುಣೇ ಪಾಂಚಾಕ ಉಠಾನ ತೋ ಚಮಕಣ ಕರತಾ. ಹಾಂಗಾ ಉದ್ದೃತ ವಾಕ್ಯಾಂತ ಪಾವುಣೇ ಮ್ಹಣಚೋ ವಾಪರಲೋ ಜೋ ಶಬ್ದ ಆಸಾ ತಾಜೋ ಅರ್ಥ ಆನಿ ನಿಷ್ಪತ್ತಿ ಸಮಜೂಯಾಂ. ಪಾವುಣೇ ಮ್ಹಣಚೇ ಹೆಂ ಶಬ್ದಾಂತು ಪಾವ ಆನೀ ಊಣೆ ಮ್ಹಣಚೇ ದೋನ ಶಬ್ದ ಆಸತಿ. ಪಾವ ಮ್ಹಳ್ಯಾರ ಏಕಾಚೇ ಚಾರ ಭಾಗಾಂತು ಏಕ ಭಾಗ ಮ್ಹಣು ಅಥರ್ು. ಹೋ ಸಂಸ್ಕೃತ ಭಾಶೇಚೇ ಪಾದ ಮ್ಹಣು ಮ್ಹಣಚೇ ಶಬ್ದಾಚೆ ತದ್ಬವ ರೂಪ. ಆನೀ ಊಣೇ ಮ್ಹಳ್ಯಾರ ಕಮೀ, ಕಮ್ಮೀ ಮ್ಹಣ ಅರ್ಥ. ಹೊ ಸಂಸ್ಕೃತಾಚೇ ಊನ ಮ್ಹಣಚೇ ಶಬ್ದಾಚೇ ತದ್ಬವರೂಪ ಪಾದಊನ > ಪಾದ ಊನಿ > ಪಾವೂನ > ಪಾವುಣೇ ಮ್ಹಣು ಜಾಲಾ. ಸಂಸ್ಕೃತಾಚೇ ಪಾದೋನ ಮ್ಹಳ್ಯಾರಿ ಪಾದ + ಊನ = ಪಾದ ಊನ = ಪಾದೂಣೆ ಮ್ಹಣ ಜಾವನ ಪಾವುಣೇ ಮ್ಹಣ ಜಾಲ್ಲಾ. ಹಾಜೋ ಅರ್ಥ ಪಾವ ಅಂಶ ಕಮ್ಮೀ ಮ್ಹಣು. ಅಶ್ಶಿಂ ಜಾವುನ ಪಾವುಣೆಶೇಂ ಮ್ಹಳ್ಯಾರ ಪಾವ ಊಣೆ ಶಂಬರ ಮ್ಹಣ ಅರ್ಥ ಮ್ಹಳ್ಯಾರ ಪಾಂಚ ಸತ್ತರಿ. ಪಾವುಣೀ ಪಾಂಚಾಕ ಪಾವು ಊಣೆ ಪಾಂಚಾಕ ಮ್ಹಣು ಅಥರ್ು ಮ್ಹಳ್ಯಾರ ಪಾಂಚಾಕ ಪಾವು ಭಾಗ ಊಣೆ ಮ್ಹಣು ಅರ್ಥ ಮಳ್ಯಾರ 3/4 ಮ್ಹಣು.
An Appeal to the members of the GSB Community
जेसन पींत, SDB, उद्यावर, उडुपी (MA कोंकणी)
ಕೊಡಿಯಾಲ ಖಬರ ಸಾನ ಕಾಣಿಯೊ ಬರೊವಚೆ ಸ್ಪರ್ಧೆಂತು°
ಪರಬೆಕ ತಿಸ್ರೆ ಲ್ಹಾರಾಚೆ ಭಯ ವಿಶ್ವಾಕಚ ಕರೋನಾಚೆ ಭಯ
ನವೆಂಬರ ಮ್ಹಯನೊ ಸರನು ದಶಂಬರ ಪಾವಚೆ ಸಂದರ್ಭಾರ ಲೋಕಾಂಕ
ಅಮ್ಚಿಗೆಲೆ ಪರ್ಬೆ ರಾಂದಪ ಅಮ್ಚಿ ರಾಂದಪ ಭಾರಿ ಸುಲಭಗೊ
ಪ್ರಾಕ ದಕೂನು ಪ್ರಸ್ತೂತಾಕ ಎತ್ತಾನ ಅಮ್ಗೆಲೆ ಖಾಣಜವಣ,
ಶ್ರಾವಣ ಮಾಸು ಆನಿ ಚೂಡಿ ಪೂಜಾ ಅಶ್ಶಿ ತಶ್ಶಿ ಪೊಳೊಚೆ
ಮನು ಕುಲ ಕಳನು ಕೀ ಕಳನಾಶಿ° ಚೂಕಿ ಕೆಲ್ಲಾರಿ ಆವಸು
कोरोना महामारी भारताक येवनु ६ महिने जाले.
ಗುಜರಾತ ರಾಜ್ಯಂತು ಸಾಬಾರ ಸಂಖ್ಯೆರಿ ಜೈನ ಸಮುದಾಯ ಭೊ
Well Wishers
Most Read
- “ದಕ್ಷಿಣದ ಸಾರಸ್ವತರು”
- ಆಧುನಿಕ ಮಹಾಭಾರತ
- कन्याकुमारिच्या स्वामी विवेकानंद स्मारकाक ५० वरसां
- ರಚನಾ...
- ಕುದ್ಮುಲ ರಂಗರಾವ್
- ಸತ್ಯನಾರಾಯಣ ಪೂಜಾ
- ಘರ ಏಕ್ ದೇವುಳ
- कोरोनान शिकयिलो पाठ
- तुळशी काट्टो
- ಜುನಾಗಢ್
- GSB Scholarship League Application
- ವಾಯು ದಳಾಂತು ಕೊಂಕಣಿ ಮಹಿಳಾ ರಶ್ಮಿ ಭಟ್
- ವಿಧಿ ಲಿಖಿತ
- ಮಸೀಂಗ
- ಘರ ಏಕ್ ದೇವುಳ -2
- ಹುಂಬರು (ಉಂಬರು)
- 'ಮಹಾ ಸರಕಾರ"
- ತಾಕೀತ (ತಾಕೀದ)
- भारताचे अमृत स्वातंत्र महोत्सवाचे पांच अमृत घडियो
- स्वावलंबन आनी आत्मविश्वास
- ಗುಜರಾತ - ಪಾಲಿಟಾನಾ
- ಶಿಕ್ಷಣ ಕ್ಷೇತ್ರಾಕ ಗ್ರಹಣ
- ಉದ್ಯೋಗ ಆನೀ ನಿರುದ್ಯೋಗ
- ಗಾಂಧೀಜಿ ಆನಿ ಆತ್ಮನಿರ್ಭರತಾ
- अस्तंगत जाल्यो कोंकणीचे मळबांतलीं दोन जगमगी नकेत्रां
- ಅಂತರಾಷ್ಟ್ರೀಯ ವನಿತಾ ದಿವಸು
- ಅಕಾಲಿಕ ಪಾವಸಾ ಮಧೆ ಮಾಲಿನ್ಯ ! - ಅರವಿಂದ ಶಾನಭಾಗ, ಬಾಳೆರಿ
- ವಿಶ್ವ ಕೊಂಕಣಿ ಕೇಂದ್ರ ‘ಕ್ಷಮತಾ ಅಕಾಡೆಮಿ’ 2021
- SUKRTINDRA ORIENTAL RESEARCH INSTITUTE
- ಲಾಕ್ಡೌನ್
Homage
Who is Online?
We have 115 guests and no members online