ಬೆಂಗಳೂರು: ನವೀನ ಜಾವನು ಘಟನ ಜಾಲೆಲೆ ಸಿದ್ದರಾಮಯ್ಯಾ ಸರಕಾರಾನ ಕಾಂಗ್ರೇಸ್ ಪಕ್ಷಾಚೆ 5 ಗ್ಯಾರಂಟಿοಕ 52 ಹಜಾರ್ ಕೋಟಿ ರುಪಯೊ ಅನುದಾನ ದಿಲಾ°. ತ್ಯಾಚ ವೇಳಾ ಅಬಕಾರಿ ಕರ ಖೂಬ ಚಡ ಕೆಲಾ. ಕರ ಚಡ ಸಂಖ್ಯಾನ ಸಂಗ್ರಹ ಕರಚೆ° ದ್ಯೇಯ ದಿಸುನ ಯೆತಾ.

ಹೈಲೈಟ್ಸ್:
♦ ಕರ್ನಾಟಕ ಬಜೆಟ್ 2023-24 ಹಾಜೆ° ಗಾತ್ರ: 3 ಲಾಖ 27 ಹಜಾರ ಕೋಟಿ ರೂಪಯೊ.
♦ 5 ಗ್ಯಾರಂಟಿ ಯೋಜನೆಂಕ 52 ಸಾವಿರ ಕೋಟಿ ರೂಪಯೊ ಆರಕ್ಷಿತ ಕೆಲಾ.
♦ ಅಬಕಾರಿ ಕರ 20 ಠಕೊ ತಾಂಯ ಚಡ ಜಾಲಾ. ಬಿಯರಾಚೆರಿ ಅಬಕಾರಿ ಸುಂಕ 10 ಠಕೊ ತಿತಲೊ ಚಡ ಜಾಲಾ.
♦ ಇಂದಿರಾ ಕ್ಯಾಂಟೀನಾಕ 100 ಕೋಟಿ ರೂ. ಅನುದಾನ
♦ ಬೆಂಗಳೂರಾಕ 45 ಹಜಾರ ಕೋಟಿ ರೂ. ಅನುದಾನ
♦ ನಮ್ಮ ಮೆಟ್ರೋ ಆನಿ ಉಪನಗರ ರೈಲು ಯೋಜನೆಂಕ 30 ಸಾವಿರ ಕೋಟಿ ರೂ. ಅನುದಾನ
♦ ಬೆಂಗಳೂರಚೆ ಬೈಯ್ಯಪ್ಪನ ಹಳ್ಳಿಂತು° ಸರ್. ಎಂ. ವಿಶ್ವೇಶ್ವರಯ್ಯ ಟರ್ಮಿನಲ್ ಲಾಗಿ ಮೇಲ್ಸೇತುವೆ ನಿರ್ಮಾಣ.
♦ ಮೈಸೂರಾಂತು° ಚಾಮುಂಡೇಶ್ವರಿ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರ ರಚನ ಕರಚಾಕ ನಿರ್ಧಾರ.
♦ ಗಾಯಿ, ಬೈಲು, ಮಶಿ ಮೆಲ್ಯಾರಿ 10 ಸಾವಿರ ರೂ. ಪರಿಹಾರ - 'ಅನುಗ್ರಹ ಯೋಜನೆ' ಮರು ಜಾರಿ
♦ ಶೇತಗಾರಾಲೆ° ಉತ್ಪನ್ನಾಂಕ ಏಕೀಕೃತ ಬ್ರಾಂಡಿοಗ್ ವ್ಯವಸ್ಥಾ 10 ಕೋಟಿ ರೂ. ಆರಕ್ಷಿತ.
♦ ಎಪಿಎಂಸಿ ಕಾಯ್ದೆ ವಾಪಸ ಘೆವಚಾಕ ರಾಜ್ಯ ಸರ್ಕಾರಾಚೊ ನಿರ್ಧಾರ
♦ ರಾಮನಗರ, ಶಿಡ್ಲಘಟ್ಟ ಹಾಂಗಾ ರೇಷ್ಮೆ ಮಾರುಕಟ್ಟೆ ಸ್ಥಾಪನಾ: 75 ಕೋಟಿ ರೂ. ಅನುದಾನ
♦ ಕಾಫಿ ಟೂರಿಸಂ, ಪೋಡಿಪಾನ, ಮೈಸೂರು ಮಲ್ಲಿಗೆಕ ಬ್ರಾಂಡಿοಗ್
♦ 'ಕೃಷಿ ಭಾಗ್ಯ ಯೋಜನೆ'ಕ ನರೇಗಾ ಸಕಳ 100 ಕೋಟಿ ರೂ.
♦ ಜಳಕೆ ಉದ್ಯಮಾಚೆ ಸ್ತ್ರೀಯಾಂಕ ದಿವಚೆ ರೀಣಾಚಿ ಮಿತಿ 50 ಸಾವಿರ ರೂ. ದಾಕೂನ 3 ಲಾಖಾಕ ಚಡಯಲಾ.
♦ ಕೊಪ್ಪಳ, ಕಾರವಾರ, ಕೊಡಗು ಹಾಂಗಾಚೆ ಜಿಲ್ಲಾಸ್ಪತ್ರಾ ಉನ್ನತೀಕರಣ
♦ ಕನಕಪುರ ತಾಲ್ಲೂಕಾಂತು° ನವೀನ ವೈದ್ಯಕೀಯ ಕಾಲೇಜ.
♦ ಮೈಸೂರು, ಬೆಳಗಾವಿ, ಕಲಬುರಗಿ ಜಿಲ್ಲೆಂತು° ಸೂಪರ್ ಸ್ಪೆಷಾಲಿಟಿ ಆಸ್ಪತ್ರಿ
♦ ಕಲಬುರಗಿಯಲ್ಲಿ ತಾಯಿ - ಮಗು ಆಸ್ಪತ್ರೆ ನಿರ್ಮಾಣ - 70 ಕೋಟಿ ರೂ.
♦ ಮಾಕ್ಷಿ ಸರ್ಕಾರಾಚೆ ಪಠ್ಯ ಪರಿಷ್ಕರಣ ಕರಚೊ ನಿರ್ಧಾರ: ಪರಿಷ್ಕರಣ ಕೆಲೆಲೆ° ಪಠ್ಯ ಸೊಡೂಂಕ ನಿರ್ಣಯ.
♦ ಸರ್ಕಾರಿ, ಅನುದಾನಿತ ಶಾಳೆಂಚೆ° 1 ದಾಕೂನ 10ವೆ° ಕಕ್ಷಾಚೆ ವಿದ್ಯಾರ್ಥಿಂಕ ವಾರಾಕ 2 ಪಾವಟಿ ಮೊಟ್ಟೆ, ಶೇಂಗಾ ಚಿಕ್ಕಿ ಯಾ ಕೆಳೆ° ವಿತರಣ.
♦ 1 ಲಾಖ 62 ಹಜಾರ ಕೋಟಿ ರೂ. ಕರ ಸಂಗ್ರಹಾಚೊ ಉದ್ಧೇಶ.
♦ ವಾಣಿಜ್ಯ ತೆರಿಗೆ ಇಲಾಖೆಕ 1,01,000 ಕೋಟಿ ರೂ. ಕರ ಸಂಗ್ರಹಾಚೊ ಲಕ್ಷ್ಯ.
♦ ಅಬಕಾರಿ ಇಲಾಖೆಕ 36 ಹಜಾರ ಕೋಟಿ ರೂ. ಕರ ಸಂಗ್ರಹಾಚೆ ಲಕ್ಷ್ಯ.
♦ ನೋಂದಣಿ ಆನಿ ಮುದ್ರಾಂಕ ಇಲಾಖೆಕ 25 ಹಜಾರ ಕೋಟಿ ರೂ. ಕರ ಸಂಗ್ರಹಾಚೊ ಲಕ್ಷ್ಯ.

ಬೆಂಗಳೂರು: ಪಯರಿ ಆಯ್ತಾರಾ ಜುಲೈ 2ಕ ಹಾಂಗಾಚೆ ಬಸವನಗುಡಿಚೆ ದ್ವಾರಕನಾಥ ಭವನಾಂತು° ಎಕ ಸುಂದರ ಆನಿ ಅಭೂತಪೂರ್ವ ಕಾರ್ಯಕ್ರಮ ಚಲ್ಲೊ. ಆಮ್ಚಿ ಕೊಂಕಣಿ ಸಂಸ್ಥೆನ ಆಯೋಜನ ಕೆಲೆಲೊ "ಕೊಂಕಣಿ ಉತ್ಸವ - 2023". ಸಕಾಳಿ ಸಾತ ಗಂಟೆ ದಾಕೂನ ರಾತಿ ಣವ್ ತಾಂಯ ಎಕಾ ಮಾಕ್ಷಿ ಎಕ ಕಾರ್ಯಕ್ರಮ ಚಲೆ. ಸುಂದರ ಭಜನ, ಸಾಂಸ್ಕೃತೀಕ ಕಾರ್ಯಕ್ರಮ, ವ್ಯಾವಹಾರಿಕ ಸಭಾ, ವೈದ್ಯ ಲೋಕಾಂಚಿ ಸಭಾ, ಶೈಕ್ಷಣಿಕ ಬೈಠಕ್, ನ್ಥತ್ಯ, ನಾಟ್ಕುಳೆ° ನಂತಾ° ಕೊಂಕಣಿ ಖಾಣ ಜೇವಣಾಚೊ ಅನುಭವ ಜಾಲೊ. ಸಕಾಳಿಚಿ ಚಂಡೆವಾದನಾನ ಕಾರ್ಯಕ್ರಮಾಚೆ ಶುರುವಾತ ಜಾಲೆ°. ಶ್ರೀನಿವಾಸ ಹಾಂಗೆಲೆ ಸ್ಯಾಕ್ಸಾಫೋನ ವಾದನ ಆಶಿಲೆ°. ಆಟ ಗಂಟ್ಯಾಕ ಬಾಲಚಂದ್ರ ಪ್ರಭು ಹಾಂಗೆಲೆ "ಗೀತ ಪ್ರಭಾತ" ಕಾರ್ಯಕ್ರಮ ಚಲೊ. ಣವ ಗಂಟ್ಯಾಕ ಶೋಭಾ ಹೆಗ್ಡೆ ಆನಿ ಸಾಂಗಡ್ಯಾಲೆ "ಹಾಸ್ಯ ಲಾಸ್ಯ" ಮ್ಹಳೆಲೊ ಕಾರ್ಯಕ್ರಮ ಪ್ರಸ್ತುತ ಜಾಲೊ. ಉಪರಾಂತ ನಾವಾದೀಕ ಕೊಂಕಣಿ ಕಲಾಕಾರ ಶಂಕರ ಶ್ಯಾನಭಾಗ ಹಾಂಗೆಲೆ "ಭಕ್ತಿ ಸಿಂಚನ" ಕಾರ್ಯಕ್ರಮ ಚಲೊ. ತಾಜೆ ನಂತರ ರಾಜಾಪುರ ಸಾರಸ್ವತ ಸಮಾಜಾಚೆ ಜ್ಯೋತಿ ಆರ್. ನಾಯಕ ಆನಿ ಸಾಂಗಡ್ಯಾನಿ ಸಾಂಸ್ಕೃತೀಕ ಕಾಯಕ್ರಮ ಪ್ರಸ್ತುತ ಕೆಲೆ°.

ಜುಸ್ತ ಬಾರಾ ಗಂಟ್ಯಾಕ ಉಗ್ತಾವಣ ಕಾರ್ಯಕ್ರಮ ಚಲೊ. ಸಾರಸ್ವತ ಸಮಾಜಾಚೆ ಆನಂದ ನಗರಕರ್, ದೈವಜ್ಙ ಸಮಾಜಾಚೆ ಅಶೋಕ ಶೇಟ್, ಆರ್. ಎಸ್. ಬಿ. ಸಮಾಜಾಚೆ ಸುಬ್ರಹ್ಮಣ್ಯ ಕುಡೇಲು ಆನೀ ಜಿ.ಎಸ್.ಬಿ. ಸಮಾಜಾಚೆ ಮುಖೇಲಿ ಉಪಸ್ಥಿತ ಆಶಿಲೆ. ಉಪರಾಂತ ಚಲೆಲೆ ಪ್ರೇರಣಾ ಕಾರ್ಯಕ್ರಮಾಂತು° ಉದ್ಯಮಿ ಉಲ್ಲಾಸ ಕಾಮತ, ಡಾ| ದಿನೇಶ ವಿ. ಕಾಮತ, ಕಲಾ ಕುಡ್ವ ಆನಿ ಡಾ| ಪ್ರಸಾದ ದೇಶಪಾಂಡೆ ಹಾಂನಿ° ತರನಾಟ್ಯಾಂಕ ಮಾರ್ಗದರ್ಶನ ದಿಲೆ°.
ದೋನಪಾರ ಜೇವಣ ಜಾತರಿ ಕಾಸರಗೋಡು ಚಿನ್ನಾ ಹಾಂಗೆಲೆ ಸಾರಥ್ಯಾರಿ ಕೊಂಕಣಿ ಗೋಷ್ಠಿ ಚಲಿ. ಸಾರಸ್ವತ ಸಮಾಜ, ಜಿ.ಎಸ್.ಬಿ ಸಮಾಜ, ದೈವಜ್ಞ ಬ್ರಾಹ್ಮಣ ಸಮಾಜ, ರಾಜಾಪುರಿ ಸಾರಸ್ವತ ಸಮಾಜಾಚೆ ಪ್ರತಿನಿಧಿನಿ ವಿಚಾರ ಮಂಡನ ಕೆಲೆ°. ಉಪರಾಂತ ಚಲೆಲೆ "ಸಂಗೀತ - ಕವಯತ್ರಿಲೆ ಸಾಂಗತ" ಕಾರ್ಯಕ್ರಮಾಂತು° ಶಕುಂತಳಾ ಕಿಣಿ, ಮುರಳಿಧರ ಕಾಮತ, ಡಾ| ವೈಷ್ಣವಿ ಕಿಣಿ ಆನಿ ಮೇಘಾ ಪೈ ಹಾಂನಿ° ಕೊಂಕಣಿ ಸಂಗೀತ ಪ್ರಸ್ತುತ ಕೆಲೆ°.

ಸಾಂಜವೇಳಾ ಘಡಲೆಲೆ ಸಮಾರೋಪ ಕಾರ್ಯಕ್ರಮಾಂತು° ಡಾ| ಪಿ. ದಯಾನಂದ ಪೈ, ಮೋಹಿನಿ ಡಿ. ಪೈ, ಸಬಿತಾ ಪೈ, ಕಾಸರಗೋಡು ಚಿನ್ನಾ, ಶಾಸಕ ಪ್ರತಾಪಸಿಂಹ ನಾಯಕ, ಶಾಲಿನಿ ಪ್ರಭು, ವಿವೇಕ ಪ್ರಭು, ಬಿ. ಸುಧಾಕರ ಪೈ, ನಾಗೇಂದ್ರ ನಾಯಕ ಹಾಂನಿ° ಉಪಸ್ಥಿತ ಆಶಿಲೆ. ಸಭಾ ಕಾರ್ಯಕ್ರಮಾಚೆ ಉಪರಾಂತ ಪೂತ್ತೂರು ನರಸಿಂಹ ನಾಯಕ ಹಾಂಗೆಲೆ "ಕೊಂಕಣಿ ಗೀತ ಗುಚ್ಛ" ಆನಿ ಪಂಡಿತ ಉಪೇಂದ್ರ ಭಟ್ ಹಾಂಗೆಲೆ "ಭಕ್ತಿ ಸಿಂಚನ" ಅಭಂಗವಾಣಿ ಕಾರ್ಯಕ್ರಮ ಚಲೊ. ತಾಜೆ ನಂತರ ಚಿತ್ರಾ ರಾಧಾಕೃಷ್ಣ ಆನಿ ಸಾಂಗಡ್ಯಾನಿ "ಆಮ್ಚಿ ನೃತ್ಯ ಪ್ರತಿಭಾ" ಮ್ಹಳೆಲೆ ಭರತ ನಾಟ್ಯ ಕಾರ್ಯಕ್ರಮ ಪ್ರಸ್ತುತ ಕೆಲೊ. ಆಖೇರಿಕ ಅಶ್ವಿನ್ ಪ್ರಭು ಹಾಂಗೆಲೆ ಸುಗಮ ಸಂಗೀತ ಕಾರ್ಯಕ್ರಮ ಚಲೊ.
ಸಕಾಳಿ ದಾಕೂನ ಸಾಂಜವೇಳ ತಾಂಯ ಸಾಬಾರ ಪಾಂಚ ಹಜಾರ ಲೋಕಾನ ಹ್ಯಾ ಕೊಂಕಣಿ ಉತ್ಸವಾಂತು° ವಾಂಟೊ ಘೆತಲಾ ಆನಿ ಸಗಟಾಂಕ ಅಪೂಟ ಕೊಂಕಣಿ ಖಾಣ ಜೇವಣಾಚಿ ವ್ಯವಸ್ಥಾ ಆಶಿಲಿ ಮ್ಹಣು ಆಯೋಜಕ ಸೋನಾ ಗಣೇಶ ನಾಯಕ ಹಾಂನಿ° ಕಳಯಲಾ°.